في ڨيلا يوسف فريد
يدخل كل من ندى ويوسف لعز ورضوي
رضوي بتلقائية:خير يا اونكل
عز ب استغراب:حصلت حاجة في الشغل
ولا ايه يا بابا
يوسف بدون مقدمات وهو ينظر لندى قائلاً
:انتم الاتنين لازم تتجوزوا في أسرع وقت
ينظر كل منهم لبعض بدهشة
عز..رضوي في نفس واحد:نعم؟
يوسف بحسم :هيبقى جواز على الورق بس
رضوي ب استغراب:وليه يا اونكل نتجوز اصلا
ازاي حاجة زي دي تحصل
يوسف بضيق:عشان اُس المصايب عمتك
عايزه تاخدك معاها ومصممه انك تتجوزي واحد
قد ابوكي فهمتي وكل دا عشان الفلوس
رضوي بصدمة:قولت ايه يا اونكل؟؟
فلاش باك من يومين وعز ورضوي مسافرين
وندى عند يوسف في الشركة معا
تدخل السكرتيرة الخاصة به وتخبره بمجي سيرين الي مكتبه
يوسف وندى بصدمة:سيرين؟؟
بعد دقائق يوافق يوسف علي دخولها
ندي بضيق:ينفع افهم البني ادمه دي ايه
اللي جايبها هنا
يوسف ب استغراب:هنعرف الوقت
تدخل سيرين مكتب يوسف وهي تنظر على ندى الموجوده بجانبه وياتي أمامها ذكرى قديمة
ويوسف بيطردها عشان خاطرها
وكرهاا ليها دائما.. تعود سيرين لواقعها
وتجلس على الكرسي المقابل ليوسف
وتشعل سجارتها قائلة بسخرية بالفرنسية:اشتقت لك كثيرا يا عزيزي يوسف ألم تشتاق الي؟؟
يوسف بنفاذ صبر:ايه اللي جابك هنا
سيرين بكره له ولندي قائلة بالعامية:جايه اخد بنت اخويا يا چو
يوسف بضيق:وانتي عايزاها ليه اصلا مش دي
اللي طردتها من بيتها ورميتها عايزاها ليه الوقت
سيرين ب ابتسامة خبيثة:دي بنت اخويا
وانا المسئولة عنها وبعدين انا حره مع بنت اخويا وانت ملكش اي حكم عليها ورضوي هتيجي معايا وهتتجوز قريب كمان لميلياردير
ندي بضيق:ايه الجنان اللي بتقوليه دا
رضوي مش هتجي معاكي في اي مكان
سيرين بنظرة كره:انا بتكلم مع جوزك
وانتي وملكيش اي حكم على رضوي
زي جوزك بالظبط
واه كلها اسبوع وهاجي اخد رضوي
بحكم وصيت اخويا ان انا المسئوله عنها
باي يا چو وهنتقابل قريب متقلقش..
يوسف بغضب كاد ان يصفعها
ولكن ندى تحكمت في حركته
وبعد خروجها ينظر كل منهم لبعضهم
ندي:هنعمل ايه الوقت يا يوسف في المصيبة دي؟؟
بااك
رضوي بدموع:ع.. عمتي هتيجي تاخدني ووصيته ايه دي بتكدب استحاله بابا يكون كتب وصية تخليها تتحكم فيا مستحيل مكنش قالي اجيلك يا اونكل
يوسف بتفكير:اهدي يا رضوي سيرين بحكم شغلها في شركة ابوكي ممكن تكون خلته يمضي على ورق من غير قصد... لو كدب مكنتش هتتكلم بالثقه دي
وبعدين هي كلها اقل من اسبوع وهتيجي على هنا لازم ب اي شكل وطريقة تتجوزي عشان ميكنش ليها حكم عليكي ولا انها تجبرك وتجوزك بالعافية
ودا احسن حل ومفيش غيره
تنظر رضوي لعز.. لأنها هتجوزه وهو مجبر عليها وجواز بالسرعة والشكل دا
رضوي بحزن:بس انا مش موافقه اتجوز يا اونكل
اعتقد عز انها مش بتحبه ومش عايزاه
وحس انها هتبقى مجبره عليه
مما جعله يشعر بالضيق
يوسف بتكرار:ليه!!..رضوي انتي سمعاني؟؟
رضوي بتوتر:عشان انا وعز مش لعبه
عمتي تتحكم بيها وعز مش مجبر على جوازه مني انا جيت وبوظت حياتكم وهخرج منها بهدوء
وهروح اي أوتيل او اي مكان متلقنيش فيه
ندي بحنان:تروحي فين يا رضوي انتي مش هتمشي ولا احنا هنسيبك وبعدين انتي متعرفيش عمتك
دي ايه دي الثعبان نفسه يتعلم منها الخبث
وبعدين دا هيبقى جواز على الورق
لغايت ما عمتك تتأكد وتمشي من هنا
وتيأس انها ممكن تئذيكي او تستغلنا فهمتي
وكام شهر وتتطلقوا وخلاص
ياخذ يوسف ابنه عز بالخارج
ويتحدث معه ويقنعه على هذا الزواج
ويوافق عز من أجل والده فقط
يعود كل من عز ويوسف الي الداخل
يوسف:قررتم ايه انتم الاتنين
عز بتفكير:انا موافق هيبقى جواز على الورق
وعشان رضوي تخلص من المصيبة دي
رضوي بضيق:موافقة يا اونكل
يوسف:اللي بنعمله دا لمصلحتك يا رضوي
و المأذون هيجي الساعة ٨ وهيكتب كتابكم
وساعتها عمتك مش هيبقى ليها اي حكم عليكي
رضوي:بعد اذنكم وتذهب لغرفتها بحزن
اما عن عز ف يخرج خارج الڨيلا
وهو يفكر لدرجة دي مش بتحبه ومش عايزاه؟؟؟
في نفس الوقت في جامعة عشق
كانت تسير شارده ولكنها اصطدمت ب
زميله لها في الكلية
عشق:انا اسفة جدا ما اخدتش بالي
ميرنا ب ابتسامة:ولا يهمك بس بعد كدا ابقى ركزي وبعدين شكلك لوحدك ليه
عشق ب ابتسامة:اصل دي اول سنه ليا
ومعرفش حد لسه
ميرنا بضحك:وانا كمان في سنه اولى
تمد لها يدها قائلة:انا ميرنا الالفي
عشق ب ابتسامة:وانا عشق الشهاوي
شكلنا كدا هنكون صحاب
ميرنا ب ابتسامة:اكيد طبعا انتي قسم ايه؟؟
عشق:قسم(____)
ميرنا بضحك:معايا برده بس انتي جاية متأخرة شوية بس على العموم متقلقيش انا هساعدك
في اي حاجة تقف معاكي هنا في الكلية
وبعدين يلا ندخل حالاً
عشان عندنا اول محاضرة مع استاذ ناقص
عشق بضحك:مين استاذ ناقص دا
ميرنا بضحك:اسمه دكتور كامل بس في الحقيقة
هو مش كامل خالص دا ناقص بسببه سقطت سنه
لما رفضته عشان اتقدملي ومن يومها
وهو حططني في دماغه بس دا على نفسه يعني
يلا مش ناقصين كلامه
وبعد المحاضرة هنتكلم في كل حاجة
عشق بضحك على ميرنا:تمم يلا ندخل
ويدخل كل منهم المحاضرة
ميرنا بضحك:الحمدلله لسه مجاش هادم اللذات ومفرق الجامعات
عشق بضحك:لدرجة دي رذل
ميرنا بضحك:هتشوفي بنفسك دمه يلطش سم
المهم انا بذاكر في المكتبة برده
لو تحبي نذاكر مع بعض انا معنديش مشكله خالص
عشق ب ابتسامة:ياريت
ميرنا بضحك:احنا بقينا صحاب
وبعدين انا حبيتك شكلك طيبة
وكادت تكمل ولكن دخل دكتور كامل المحاضرة
ميرنا:اهو شرف اهو طلعي دفترك
مش ناقصين كلام ونبي
عشق:حاضر
تفتح عشق دفترها ب تلقائية وترى في اول صفحة كلام بخط يد مالك
"اول يوم ليكي في الكلية اللي اختارتيها
عايزك تخلي بالك من المحاضرات بتاعتك ومتفكريش فيا كتير عارف عارف انك بتحبيني
بس دا ميمنعش اني بحبك اكتر...
يلا بقى ابدائي اول محاضرة ليكي❤️
تبتسم عشق بحب على كلام مالك
وتبدأ في محاضرتها
د/كامل:ازيكم انهاردة..
ثم ينظر لعشق قائلاً:انا شايف ان في طالبة جديدة معانا
عشق وهي تنظر يمينا ويساراً
د/كامل:ايوا انتي عرفينا بنفسك
عشق:انا عشق الشهاوي ودي اول سنه ليا في الكلية بسبب ظروف خاصة
وان شاء الله هدرس مع حضرتك وزميلي
د/كامل:وانتي بقى من الناس اللي عايزه يبقى معاها شهادة وخلاص ولا وبعدين انتي فايتك حاجات احنا درسناها
ميرنا وهي تنظر لعشق وقائلة بهمس:قولتلك سم
د/كامل لميرنا:بتقولي حاجة؟
ميرنا بضيق:ابداً يا دكتور
د/كامل:انتي عايزه تدرسي ليه
عشق بنظرة حزينة:عايزه ادرس عشان اتعلم
واساعد كل إنسان محروم من التعلم زي كدا..
عايزة اسيب أثر إيجابي في كل حد اعرفه واساعده
زي حضرتك كدا بردوا لما بتدرسلنا مادتك
د/كامل:انتي انهاردة واحدة من طلابي
وان شاء الله يكون ليكي مستقبل
ويبدأ في شرحه لجميع طلابه
في المصحه المخصصه للأدمان
مازن بوجع وصياح وهو يطرق باب غرفته
تأتي له ليلى بخوف قائلة:مالك يا مازن
حاسس ب ايه
مازن بسبب نقص المخدرات من جسده قائلاً
:بتعذب يا ليلي مش قادر استحمل الوجع دااااا
ليلى بحزن:مازن استحمل شوية صدقني بدأت المخدرات تتسحب من جسمك فاضل مده قصيرة
وتخف استحمل قريب هتخرج من هنا
وكمان هتخلص اخر سنه فاضله ليك
وتبقى دكتور كبير وتحقق حلمك وتفرح اخوك
و... وعشاني يا مازن
مازن بوجع مش قادر يتحمل الوجع
وفي نفس الوقت مش قادر يهدم امل ليلى وفارس
وبكل الوجع اللي فيه قائلاً:اخرجي يا ليلي
واقفلي الباب ومتفتحيش ابدا
تبتسم ليلى بدموع لان مازن بدأ يتعافى بنفسه
قائلاً:متستلمش ابدا فتره قليله وهتبقى كويس
وصدقني انت بتعمل الصح... وتخرج الي الخارج
مازن بوجع بعد خروجها يكسر كل شي بالغرفة
وهو يصيح من الوجع ويحاول التحمل من أجل
ليلى وفارس....
على الجانب الاخر في منزل سلمي
تفتح الباب ب تلقائية وتسمع صوت زين
سلمي ب ابتسامة وهي تلمس شي مع زين قائلة:ايه دا يا زين؟؟
زين ب ابتسامة:جبتلك كلب صغنن
زي ما انتي كنتي عايزة (سلمي بتعشق الكلاب)
سلمي بفرح:الله وتحسس عليه برقه
شكله جميل مش كدا
زين بضحك:اه قولي عايزه تسمى ايه يا سلمى
سلمي بتفكير:اممممم هسمي ڨلاڨي حلو
زين بضحك:حلو
سلمي ب استغراب:بس انت جيت بدري ليه
زين ب ابتسامة:عشان اخدك ونشتري فستان الفرح بتاعك... فرحنا بعد يومين تلاته
ولسه مشترتيش الفستان
سلمي:مش لازم فستان يا زين يعني انا هشوفه مثلا
زين بنظرة حزينة:اولا متقوليش كدا تاني
وثانيا اعتبريني عينيكي اللي بتشوفي بيها يا سلمى ينفع؟
سلمي ب ابتسامة:ينفع
بس كنت عايزة اتكلم معاك في حاجة تانية
زين ب ابتسامة:اتكلمي طبعا
سلمي:زين هو احنا ينفع نعيش هنا
في بيت ماما وبابا انا بحبه اوي وبرتاح فيه
زين بتفكير:بس انتي هتكوني لوحدك يا سلمى
وانا مش عايز اسيبك لوحدك لما اكون في شغلي
وكنت عايزك تبقى مع امي واخواتي اضمن
سلمي ب ابتسامة:عشان خاطري يا زين
وبعدين متقلقش منا عايشة هنا وكويسة
زين ب ابتسامة:اللي يسعدك انا هعمله من غير تفكير
ويلا قدامي بقى عشان نلحق نشتري
كل حاجة نقصانا
سلمي بحب تذهب مع زين ويشتري كل منهم الكثير
بعد انتهاء جميع محاضرات عشق تخرج مع ميرنا
ميرنا بضحك:كدا بقى رقمي عندك كلميني
و لو وقفتي في حاجة او احتاجتيلي
اشوفك بكرا بقى في الكلية سلام يا عشق
عشق ب ابتسامة:سلام
كادت عشق ان تذهب ولكنها سمعت ب معيدها
في الكلية وهو ينادي ب اسمها ولكنه معيد اخر غير د/كامل
وهو د/ياسين شاب طيب ومن أسرة متوسطة
جاد في عمله يهتم بجميع طلابه والأكثر ب ميرنا لانه معجب بيها من اول م رائها في الكلية
من السنه الماضية
في نفس الوقت كان مالك مستني عشق
ورائها مع ياسين
عشق ب ابتسامة:خير يا دكتور
د/ياسين ب ابتسامة:دي ملاحظات واسئله مهمه
انا كاتبها لطلابه بتسهل عليهم في الدراسة
اتفضلي وانا شايف انك انسانة كويسة
وليكي مستقبل ان شاء الله
عشق ب ابتسامة:شكرا جدا يا دكتور
وبجد انا هذاكر كويس وادرس كل كلمه
حضرتك تقولها
د/ياسين:مفيش شكر ولا حاجة انتي زي اختي
وكمان طالبه عندي
ولو وقفتي ف اي سؤال معاكي في المقرر
ممكن تيجي وتسأليني على اي حاجة من غير تردد
عشق ب ابتسامة:بجد شكرا يا دكتور
حضرتك طمنتني جدا.. بعد اذنك
ياسين ب احترام:اتفضلي
كان مالك يشاهدهم من بعيد
والغيرة تشتعل بداخله وهو يظن ان ياسين
عايز يتعرف على عشق او معجب بيها
مالك بغيرة:من اول يوم بيتكلم معاها
وفاكر بالحركة دي كدا هتتكلموا مع بعض يعني
حركة قديمة اوي الصراحة...
وعشق مش هتحب حد غيري
وكاد ان يذهب ولكن اوقفه عندما تذكر كلام عشق
حاول مالك كتم غيرته حتى لا تشعر عشق ب اي شي
تأتي له عشق ب ابتسامة مرسومة على وجهها:مالك انت جيت برده وتعبت نفسك
مالك ب ابتسامة:مفيش تعب ولا حاجة
قوليلي عملتي ايه في اول يوم ليكي في الكلية
عشق ب ابتسامة:الحمدلله هو في اول المحاضرة كنت متوترة شوية لكن بعد كدا اطمنت اوي
وصاحبت بنت معايا اسمها ميرنا وبقينا صحاب
وهي هتساعدني في الحاجات اللي فاتتني
مالك ب ابتسامة:طب تعالي يا حبيبتي عشان نروح
ويذهب كل منهم متجهين الي المنزل
في شركة كارم الشهاوي
وكل من أبنائه واحفاده جالسين معه على
طاوله العمل يتحدثوا عن مشروع مهم لشركة
وبعد اقترح فارس فكره على جده
كارم ب اعجاب:براڨو عليك يا فارس
الفكرة دي هتعوض كل الخسارة اللي حصلتلنا
الفتره اللي فاتت
على بسخرية:يعني لو انا كنت قولتلك على الفكرة دي يا جدي كنت هتوافق
كارم بضيق:مكنتش هتعرف انت عمرك ما هتبقى زي فارس انت فاشل سامع
على بحزن:الفاشل اللي بتكلم عنه دا اجبرته
يتجوز وحده مش بيحبها وكنت هدخله السجن
وضيعت منه الوحيدة اللي حبها
فارس:اهدي يا علي... كفاية يا جدي علي مش فاشل
كارم بضيق:اسكت انت يا فارس
ثم يكمل لعلي قائلاً:وانت انسى عشق....
اعتبر عشق ماتت سامع
ومتنساش برده ان فلوس مراتك
هي اللي منعت الإفلاس عننا كلنا
وانت هتخلف من مراتك وفي أقرب وقت هتخلف حفيد ووريث لعيلة كارم الشهاوي سامع
ويتركهم ويذهب..
وبعد وقت انتهى كل من زين وسلمي
واشتروا كل شي
سلمي:احنا فين الوقت يا زين
زين ب ابتسامة:احنا الوقت رايحين الڨيلا هسيبك شوية تعدي مع ماما وعشق تتكلمي معاهم
وبعد كدا هرجع اخدك عشان ورايا حاجة مهمه
سلمي ب ابتسامة:زي ما تحب يازين
في ڨيلا مهند القاضي
بعد وقت يدخل مالك غرفته يرى عشق ترتدي بچامة من اللون البنفسجي وتجلس أمامها الكتب
وتذاكر بكل قوتها
مالك ب ابتسامة وهو ينام على رجلها قائلا
:من اول يوم بتذاكري شاطرة يا عشقي
بس يا برده متضغطيش على نفسك واحده واحده
عشق ب ابتسامة:معلش يا مالك لازم اخلص
اللي ورايا انا بالنسبة لزميلي متأخره
وعشان د/ياسين برده
مالك بغيره يتذكر وقوفه معها قائلاً:مين دكتور ياسين دا
عشق ب ابتسامة:دا المعيد بتاعي في الكلية
بفهم منه وشاطر اوي وكمان اداني ملخصات
اذاكر منها عشان الماده تبقى قدامي سهله
طيب اوي ومحترم كمان
يعتدل مالك قائلا بغيرة:من اول يوم بتقولي عنه كدا
عشق بعدم فهم:عشان هو بيفهمني مادته
وبيشرحها كويس اوي وكل زميلي بيشكره فيه
مش زي الاستاذ ناقص
مالك بضحك:مين استاذ ناقص دا اوعي يكون
عملك حاجة..دا انا اروح واطين عشته
وميهمنيش حاجة كله الا انتي
عشق ب ابتسامة:متقلقش يامالك معمليش حاجة لكن هو بصراحة رذل شوية على رائ ميرنا
مش زي دكتور ياسين
مالك بغيره:اممممم
عشق:ساعات بحس انه طالب زينا مش معيد
في الجامعة بيهتم بطلابه وبيعملهم ملخصات بدل الكتب الكبيرة الصعبة وكمان بتبقى غالية
على الطلاب وهو مش بيعمل كدا
مالك بغيرة:طب كملي مذاكرتك يا عشق
ويذهب ويتركها يخرج غيرته وغضبه
في غرفة الرياضة الخاصة به
وبعد خروجه يأتي لعشق اتصال لها من فارس
عشق ب ابتسامة وسعاده:فارس
فارس ب اشتياق لها فهي مثل اخته قائلاً:عشق عامله اي طمنيني عليكي انتي كويسه
عشق ب ابتسامة:انا كويسة اوي الحمدلله
فارس بتنهيدة:الحمدلله انك كويسه
وسامحيني يا عشق عشان بقالي فتره
مش بسأل عليكي لكن في حاجات كتير اوي حصلت
المهم مبسوطة مع مالك
عشق بسعاده:اوي يا فارس انا بحب مالك اوي انت متعرفش هو بيعمل اي عشاني وبحاول يسعدني ازاي
فارس ب اطمئنان:طمنيني يا عشق
و متقلقيش انا هاجي قريب عشانك وعشان مازن
عشق ب ابتسامة:شكرا عشان بتسأل عليا يا فارس انت احسن اخ في الدنيا
فارس ب ابتسامة:وانتي كمان يا عشق
وخلي بالك من نفسك
عشق ب ابتسامة:حاضر يا فارس... مع السلامه
وينهي كل منهم الاتصال
وتعود وتكمل عشق مذاكرتها
وبعد ساعات تنتهي عشق من مذاكرتها وتنزل
وترى سلمي جالسه مع سارة
وايضا عشق ترى يارا و تنزل بفرح
عشق ب ابتسامة:سلمي هنا وحضرتك هنا كمان
انا فرحانة اوي
يارا بفرح لرؤيت عشق تحضنها بسعاده قائلة:وحشتيني يا عشق انتي عاملة ايه كويسة
عشق ب ابتسامة:انا كويسة الحمدلله ومالك دخلني الكلية ولسه مخلصه مذاكرة ونزلتلكم حالاً
و اخبار اونكل احمد ايه
يارا ب ابتسامة:الحمدلله كويس
وبجد فرحتيني اوي بدخولك الجامعة
دي اول خطوة ليكي يا عشق
عشق ب ابتسامة:انا حبيته اوي (احمد عاصم)
زي اونكل مهند بالظبط
يارا ب ابتسامة:يا حبيبتي شايفة يا سارة حلوة ازاي وتطبع قبله على خدها
سارة بضحك:هتكليها يا يارا براحة عليها
خليها تسلم على سلمي حتى
يارا بضحك:في دي عنك حق
عشق ب ابتسامة:عاملة اي يا سلمى كويسة
سلمي ب ابتسامة:الحمدلله كويسة اوي
عشق بفرح:مين اللي فاضلها يومين وتبقى عروسة
سلمي بضحك:انا
سارة ب ابتسامة:احلى عروسة يا حبيبتي
عشق بفرح لزين وسلمي:طب جيبتوا فستان الفرح
سلمي ب ابتسامة:اه وزين بيقولي حلو
عشق ب ابتسامة:هو هيبقى حلو فعلا
بس لما نشوفه عليكي
تخرج سارة فستان زفاف سلمي قائلة:فعلا حلو
يا سلمى ربنا يفرحك انتي وزين يا حبيبتي
يارا ب ابتسامة:مشاء الله حلو يا سلمى زي صحبته
عشق بضحك:الفرح بعد ٣ ايام
يعني الحنه هتبقى بكرا
سلمي بضحك:حنه ايه بس يا عشق
اصلا انا وزين اتفقنا اننا نعمل فرح هادي
مش لازم حاجة كبيرة
عشق بضحك:يعني تعملوا كدا
وكمان مش عايزين نعمل حنه
يرضيكي كدا يا طنط انتي وهي
يارا بضحك:لا ازاي نعمل حنه طبعا
سارة بضحك:تصدقي فكره حلوه يا عشق
مفيش اعتراض خلاص يا سلمى
سلمي ب ابتسامة:خلاص انا كمان موافقة
ثم تكمل ب ابتسامة:ربنا يخليكوا ليا
عشق ب ابتسامة وتحضنها مثل اختها قائلة:ويخليكي لينا وتجيبيلنا نونو صغنن كدا
تنظر يارا على عشق وهي تشعر بطيبتها
وترى ابتسامتها مما جعلت قلبها يشعر بالسعاده
في منزل سلمي الصغير
يدخل زين وهو ينظر في كل مكان ليبدلله للأحسن
يريد ان يضع نفسه مكان سلمي
ويشعر بما تشعر هي به.. يضع رابط على عينه ويمشي في المنزل حتى يصطدم ب المنضده الخاصة بها ولكنها بها سن مدبب يزيل زين
الرابط ويعمل على تنعيم ذلك السن
حتى لا تشعر سلمي بالوجع
وبعد ما انتهى يضع الرابط مره اخرى
ويدخل غرفة سلمي ولكن كاد ان يقع بسبب
خشبه تعوق حركته فيجمع بعض المعدات البسيطة
ويزيل تلك الخشبة ويدخل الغرفة بكل سهوله
يعدل زين اشياء كثيرة في الغرفة و المنزل
وبعد وقت يعود ويأخذ سلمي الي المنزل
زين ب ابتسامة يساعد سلمي في خلع حذائها
سلمي بخجل:مش لازم تعمل كدا يا زين
زين ب ابتسامة:انا حابب كدا مليكش دعوة انتي
ويأخذ يدها ويذهب بها خطوة خطوة
تلاحظ سلمي انها اصطدمت في المنضده
لكنها لم تشعر بالوجع زي اي مره
سلمي ب ابتسامة:انت نعمت السن
اللي كان ديما بيوجعني دا ازاي
زين ب ابتسامة:عايزك ترتاحي وتبقى مبسوطة
وبعدين لسه في حاجات كتير انا عملتها
تعالي عشان اويهالك
ويذهب بها إلى غرفتها
وتلاحظ ان الخشبة اللي ديما بتوقعها مش موجودة
سلمي ب ابتسامة:ودي كمان شيلتها يا زين
زين ب ابتسامة وهو يمسك يدها:تعالي يا سلمى
تجلس على الفراش برفقه زين قائلاً:خليكي مرتاحة هنا
ثم يفتح الستار بعدما ازال الأشياء الكثيرة
اللي مانع وصول الشمس للغرفة
سلمي ب ابتسامة بداخلها وعيونها تدمع لأول مره بتحس انها شبه شايفة من تاني وحاسة بالنور
زين ب ابتسامة يجلس بجانبها قائلاً:
حاسة بالنور بشكل احسن مش كدا
سلمي ب ابتسامة ودموع:انا بحبك اوي يا زين
زين ابتسامة:وهو يقبل يدها:وانا بحبك اكتر
يا حبيبت زين
في المساء اتي المأذون واكمل اجرأتوا وعقد قرآن كل من عز ورضوي
رضوي بحزن لأنها اتجوزت بالطريقة دي
ندي وهي تحاول التخفيف عنها قائلة:
معلش بقى يا ولاد انكم اتجوزتوا بالطريقة دي
احنا بس حبينا نكتب كتابكم بسرعة عشان نطمن انك تبقى في امان واحنا هنعمل فرحكم مع فرح زين وسلمي احنا اتفقنا على كدا معاهم
ومهند وسارة موافقين
رضوي:ملوش لزوم يا طنط احنا خلاص اتجوزنا
ندي ب ابتسامة:بس لسه ملبستيش فستانك الأبيض الجميل بتاعك اللي انا اشتريتهولك
ولسه فرحك متعملش حتى لو كان بسيط
مش كدا يا عز ولا ايه
عز بسبب رفض رضوي:بصراحة مش عارف اقول ايه سيبيها على راحتها يا ماما
ندي:مفيش مناقشة في الموضوع دا يا حبايبي هنحتفل بفرحكم مع زين وسلمي خلاص
ولو عايزه تتعرفي على مرات مالك دي طيبة وجميلة اوي يا رضوي وبعدين بكرا كل البنات متجمعين وكمان المفعوصة بنتي روحي معاها
وافرحي واعرفي ان العمر بيتعاش مره واحده وبس
رضوي ب ابتسامة:حاضر يا طنط
في نفس الوقت
في قصر كارم الشهاوي
يدخل قاسم الشهاوي ليري ابنه على ولكن يرى تقي فقط بالغرفة ولكن ملامحه حزينة
وتتاوة من ضهرها..
قاسم ب استغراب:انتي كويسة يا بنتي؟؟
تقي برعب من على برغم تعبها:ا... انا كويسة
قاسم ب استغراب:كويسة ايه انتي شكلك تعبانة
هو على عملك حاجة
تقي بدموع كادت ان تنطق ولكن رائت على أمامهم
يري قاسم على وهو سكران كالعاده
وهو ينظر بحزن على حاله
وعلى ابنته اللي تركها لجدها اللي دلعها بطريقة زائدة وهو لايعلم عنها شي
على بقلق:بابا؟؟
ثم ينظر لتقي بنظرة ارعبتها قائلاً:في حاجة ولا اي يا تقي
تقي برعب:م... مفيش عمي كان لسه جاي
وبيسال عليك مش كدا يا عمي
قاسم ب استغراب:ايوا هو في حاجة بينكم ولا ايه
على بضيق:لا مفيش وينزل للأسفل وينزل قاسم معه
قاسم بحزن:على... انت عامل اي
على بحزن:عامل اي... متأخره اوي يا قاسم بيه
عارف عامل اي وحيد ويتيم برغم ان ابويا عايش
مفيش حد بيحبني واتجوزت وحده بالاجار من جدي
والمفروض اني اخلف منها عشان جدي عايز كدا
بعد ما اخد مني الوحيدة اللي حبتها ضيعها مني
قاسم بحزن:انا...
على بوجع:اسف؟؟اسف ايه
انت عارف انت عملت اي في ابنك
انت موتني موت الرحمة اللي جوايا
عيشتني يتيم وانت عايش عمرك ما كنت سند ليا
مش زي عمي... عمي ديما كان بيحب فارس ومازن ويدافع عنهم لكن انت كنت مشغول بجدي
اللي عمره ما شافك اصلا ولا حس بيك
قاسم بحزن:انا اسف يا علي صدقني انا بحبك انت واختك
على بوجع:بتحبني؟؟ لو كنت بتحبني كنت دافعت عني وانا بضرب وبتهان من جدي وقدامك
لو كنت بتحبني كنت سيبتني اختار حياتي وكليتي ومراتى مش ابقى مجبر... لو كنت بتحبني مكنتش سيبتني لكارم الشهاوي يدمرنا
وانا الوقت بقى مش عايز ابوتك دي
ولا حتى تستاهل كلمه اب انت قاسم الشهاوي وبس
واللي يربطني بيك مجرد اسمك اللي بعد اسمي
في البطاقة.... انا مش بحب حد ولا عايز حد
ويتركه ويصعد الي تقي وعيونه كلها شر ووجع
اما عن قاسم ف كان حزين على حاله وحال ابنه
في الغرفة على وتقى تنظر له برعب
على بغضب يضغط على عنقها قائلاً:قولتيله اي
تقي بدموع وهي تختنق وتحاول تزيل يده قائلة:مقولتلوش حاجة... هت.. هتخنق
على بغضب يبعد يده ويصفعها قائلاً:عارفة لو حد عرف باللي بيحصل دا انا هعمل فيكي ايه
تقي برعب:ح.. حاضر حاضر مش هقول حاجة
سيبني بقى
على بغضب:مش هسيبك
تقي برعب:ارحمني عايز مني اي تاني انا بكرهك
على بغضب لان لم يحبه احد يصفعها
ويكمل عليها بالضرب والصفع قائلاً:لييييييه... ليييه
ويظل هكذا حتى تفقد وعيها بين يده
في مكان مااا
مجهول:طلبتني ليه
عادل ب ايجاب:انا فهمت(.....) زي ما امرتني وعرفته اني أخدت البودرة اللي ادهاني عشان مازن
وحطيطهاله في المحاليل
مجهول:والبودة دي فين
عادل ب ايجاب:معايا
مجهول:هاتها ولو جابلك تاني تدهاني سامع
والفلوس برده اللي ادهالك دي خليها عشانك
عادل ب ايجاب وفرح:ربنا يخليك يا باشا
مجهول:اختفى من هنا وحالا
عادل بخوف يفر من امامه
يمسك ذلك المجهول تلك اللفائف البيضاء
قائلاً:يا ويلك مني يااا(.......)
رائيكم في الفصل دا+لسه في تكمله للفصل دا بكرا لو جاب vote وكومنت كتير
و توقعاتكم مين المجهول دا وليه بيساعد مازن الشهاوي وفارس وهيعمل ايه بالمخدرات دي؟؟
وسيرين هتعمل ايه لما تعرف ان عز ورضوي اتجوزوا
ورضوي اللي فاكره عز مجبر على الجواز منها
وايضا عز اللي فاكر ان رضوي مش بتحبه ولا عايزاه
وحب زين لسلمى وكل اللي بيعمله عشانها
وغيره مالك من المعيد بتاع عشق(د/ياسين)
وممكن غيرته توصله لأي؟؟
ومازن اللي بدأ يتعافي بسبب وجود ليلى
وقاسم اللي السبب في كل اللي حصل لأولاده
واللي وصل على اللي هو فيه
وايضا ظلمه وضربه لتقي وحياتها اللي حولها لجحيم
توقعاتكم💥+متنسوش الvoteوالكومنت ع الفصل دا ولسه في مفاجأت كتيرة مع كل فصل جديد💥