#تلاعب_أدوار ♥️
#الحلقه 20
بــــيـــــاااآن .....
ركبت السياره و انا مصممه على يلي ندير فيه لاول مره ناخذ قرار لروحي مهما كانن عواقبه ، بعد يلي عرفته مستحيل نقعد مش حنقعد بيان المهمشه و يلي يسكتو فيها بكم كلمه انا اصلا هكي هكي خاسره ،
شفت لمهند يلي راكب معايا مع السائق ورديت نشوف للطريق و تفكير في معتز بعد يعرف اني طلعت شن حيدير ، ضحكت بهزوه إيدير يلي يديره معش يهمني ،
وصلت للحوش رفعت رفيف و نزلت و مهند ينزل ف الساكو و رايا ، خشيت جوا لقيت هلي كلهم ف الجنان و باين ان في حاجه كبيره و لينا حاضنه امها و تبكي بشكل هستيري ، قلبي دق بخوف و قعد نشوفلهم نراجي في حد منهم يحكي
للكاتبه ' #wiush_hamo ❤❤
____________________________
ليـــــــنـــاااآ ..
مر سبوع على يلي صار و بابا مزال فالمستشفى من آثر ضربتي لاه ، العيله كلها انقلبت ضدي و ضد ماما و كلهم قعدو بيطلعوني بعد ماكانو كلهم يبو رضايا
ماقدرتش نقول الحد ان حاول يعتدي عليا لساني مقدرش ينطقها كيف نقول بابا حاول يديرلي هكي ، العيله كلها يحسابو ان مشكله عاديه بينا و انصدمو لان ضربته ، حتى لعزيز ماقدرتش ننطق حرف مع اني عارفه ان فاهم بس مانعرفش ليش ساكت لاكن هوا الوحيد يلي صبى ضدهم و قال محد يطلعهم من الحوش
كنت في داري و قاعده ع الروشن نشوف للسماء و نستنجد بربي يطلعني من المصيبه يلي طحت فيها ، سمعت تحت صوت عيااط حطيت يدي ع قلبي و صبيت ، ياربي ان شاءالله مايكونش ماات ياربي
طلعت من الدار لقيت ماما ف الممر وبتنزل ، نزلنا نحن الثنين تحت ووطلعنا للجنينه لقيت ام عزيز تعيط و تعارك بصوت عالي وتخبط و عزيز مصبي و العيله كلها طالعه ع صوتها وبعدين خشت بيان مع الباب ، قعدت انشوفلهم و نبكي و نراجي فيهم يقولو مات
ام عزيز : بعياط و تخبط ع كرعيها ، شنن دايره اناا شن دايره نين ولدي مره بيااخذ بنت حرام ومره بياخذ وحده قاتله باتها
بــــيـــــاااآن .....
قعدت انشوفلها و مش فاهمه هيا ع شنو تحكي ، و ماسكه رفيف بقوه في يدي جن عيوني في عيون عزيز قعدت انشوفله وقلبي يدق بقوه خوف من يلي حيصير
مافطنتش الا لام عزيز هجمت عليا ، وتقولي شن تبننن من ولدي ، كل مشكله ضروري نكون فيها
عزيز : مسك يدين امه و على صوته ، يميييي خلااااص
انا : مسكت رفيف اكثر ووخرت لاوره وعيوني دموع
أمي : قربت منها و دفتها ، شن تبي من البنيييه متزوجه شن دخلهاا بمشاااكل ولدك
ام عزيز : كلا منها اصلااا ولدي قعد هكي منها حسبي الله فيييك
عزيز : قرب مني و رفع يده بيحطها ع كتفي
انا : وخرت و شديت ع رفيف اخرى ونشوفلهم بخوف
عزيز : ابتسم بشويا ، ماتخافيش خشي جوا مش شورك شي انتي
رغم ان الدنيا مقلوبه من جنبه و امه تعيط من جهه و حنه من جهه اخرى و لينا من جهه الا ان اختار بيان ع الكل و ابتسملها عشان يطمنها
انا : سيبتهم و خشيت بسرعه جوا لحوش امي ، خشيت للداري و حطيت رفيف ع السرير و سكرت الدار بالمفتاح و قمعزت تحت ، بنهرب من مشكله نطيح في ثانيه حياتي عباره عن شبكه مشاكل و بس ، رفعت راسي وغمضت عيوني مش وقت بكاء مش حنقعد بيان الي تبكي من كل شي ضروري نحافظ ع بنتي و نقوي شخصيتي عشان نقدر نواجهه الدنيا
_____________________________
ليـــــــنـــاااآ ..
انا سمعت صح اذا ماكذبنيش وذاني ، قالتله بتاخذ وحده قاتله باتها هيا تقصدني ، وعيت من صدمتي عليها لما هجمت ع بيان بس يلي ردني للواقع حركته و كيف حماها وسط الدنيا و دوشه يلي صايره
مش وقت الانهيار توا يا لينا طول عمرك متعوده عليهم هكي ، تمااسكي عشان توصلي للي تبيه ، حطيت شعري ورا وذني و رفعت راسي فيه لقيته يشوف لبيان و هيا تمشي بتخش ، رشفت خشمي و برمت بنخش وقفني صوتها
ام عزيز : لو تنطبق السمااء ع الارض ولدي مشش حيكوون لكي
ابتسمت و خشيت جوا اكدتلي بكلامها انها تقصدي ، رقيت فوق للدار و انا الفرحه مش سايعتني ورا الموضوع هذا كلا طلعت حاجه سمحه و كان فيه خير ليا ، صبيت ع المرايا و مسحت دموعي ، مش حتبكي انتي لينا و يلي تبيه تاخذيه هكي تعودتي من انتي و صغيره مش حتضعفي توا
صبيت نبرم ف الدار و نضحك بفرحه ، واخيرا حلم الطفوله يتحقق ، طحت ع الفراش و قعدت نشوف للسقف ضروري توا ندير حل للعزوز الشمطاء عشان ترضى عليا يلاا ندبرلها اي حااجه مش حنكد ع روحي توا خليني فرحاانه
______________________________
داليا : عصومي جيب لبابا نظراته من المكتب ، غير نحط ف العشاء
عصاام : صبى هذا كلا مغير بتحطيه مش دايرتيه ، كان دايرتيه شن صار فيك
دالياا : اووف خلاااص ذليتوني
عصاام : ضحك ، تعلمي عشان محد يذلك
داليا : مش حنتعلم انتحر
عصام هز راسه عليها و يضحك ، مشى للمكتب و قعد يدور ع نظارات وفتح الدرج مالقاهنش وجا بيسكر لفت نظره ملف مكتوب عليه اسم باته رفعه وقعد يشوفله لان اول مره يشوفه و هوا ماعندش اي شي ع هله
فتحه بفضول و قعد يقرا يلي فيه و كل مايقرا ينصدم اكثر و اكثر ، كلنا عارفين ان الدنيا تلاعب بينا لكن مش لدرجه هذي ، الناس يلي اعتبرهم هله يديرو فيه هكي ، حماهم برموش عيونه و كان المفروض يحتمي منهم
قمعز ع الكرسي من الصدمه و حط راسه بين يديه و هوا مش قادر يصدق شي من يلي يقرا فيه
داليا : فتحت الباب ، عصومي انت هناا
عصام : سكر الملف بسرعه و شافلها ، شن تبي
داليا : استغربت اسلوبه وقربت منه ، كنك حبيبي
عصام : صبى و معاه الملف ، شي مالقيتش النظارات
داليا : لقيتهن هيا تعال للعشاء
عصاام : هيا شويا و نجيك
داليا : قربت نطت عليه و مسكت في رقبته و باست خده ماطولش
عصام : ابتسم بمجامله ، تمام
طلعت داليا و عصام سكر ع يده بغضب و طلع وراها
للكاتبه ' #wiush_hamo ❤❤
____________________________
بــــيـــــاااآن .....
لبست توته و حطيت الوشاح ع راسي و طلعت قمعزت ف الصاله مع امي وفي يدي رفيف
أمي : كنك جايه ف اليل
انا : ابتسمت بشويا ، شي عادي
امي : معتز كنه مانزل
انا : عنده شغل حطني وعدا
امي : اها ، هيتيها
انا : مديتلها رفيف و قعدت نشوف لدبلتي ، نسيت الموضوع يلي صار امبدري بكل كل يلي نفكر شن حيصير لما يعلم معتز
أمي : سمعتي يلي صار امبدري
انا : شفتلها ، ماركزتش واجد عليش شن في
امي : عزيز بيخطب لينا
كان زعلت يحقلي ؟ اكيد لا .. بس حسيب بقلبي زعل ، زعل ع عزيز و لا زعل ان بياخذ لينا ممكن لو كانت وحده احسن منها كنت حنفرحله لان يستاهل كل خير بس لينا ؟؟
امي : هزتني وين رحتي
انا : نزلت راسي ربي يهنيهم
امي : مرات عمك ماتريدهش هذا ليش دارت نهارات سود
انا : بس سمعتها تقول قاتلت باتها ، شن القصه
امي : وجها تغير ، مرات عمك و عارفتيها كلامها واجد
وقتها ماركزتش ع الموضوع واجد لان همي اكبر منه ، ولو يعلم بابا اني جايه بنطلق شن حيدير فيا انا و بنت ماخلونيش في حالي يابال نطلق و عندي بنت
امي : لمست جبهت رفيف ، مش كان البنت عندها حراره
انا : حطيت يدي ع جبهتها ، حي حاميه يمي شن انديرلها
امي : هذا من طلعوك بيها ف اليل و غطاء خفيف
انا : مسكتها منها ، شن انديرلها يمي شوفي حتى مش قادره تاخذ نفس
امي : وين كنتي انتي ياماده الوجه مش فاطنه لبنتك
انا : عيوني امتلو دموع ، وين نعرف نا كانت راقده هيا
امي : خليكي هنا تو نجيبلها كمادات ، عندك دواء حراره
انا : هزيت راسي ب لا و دموعي نزلو
امي : بدل لبكاء سلحي البنت و تو نشوف حد يجيب و طلعت من جنبي
طلعت اميو انا قعدت مقمعزهو نحي ف قامشو متعها و نبكي ، انا السبب لو ان ماطلعتش بيها ف اليل و بخفيف را مامرضتش ، شفتلها لان قعدت تعيط
انا : رفعتها ، اشش ياماما حتحول احاا ، اشششش
امي : خشت من برا ، لبسيها عزيز قال حيشيلها للمستشفى
قبل مانزيد حرف سمعته يكح عند الباب ، سقمت وشاحي وهوا خش نزلت عيوني و قعدت نشوف لرفيف و مش قادره نرفع عيني في عينه
امي : راجيني تو نعدي معاك
عزيز : هز راسه تمام
طلعت امي و انا قعدت منزله راسي و مش اقدر نقول حرف و هوا كذلك ساكت ، عند ماقاطع الصمت هوا و قال
عزيز : شنو نزلت الحراره حتى شوي
انا : رفعت راسي فيه وجرت دموعي ع خدي ، هزيته ب لالا و طبست نشوف لرفيف
عزيز : تمام ماتبكيش عيل صغير ديما تصير معاها مش حيصير عليها شي
انا : رفعت راسي فيه ، شن عرفك انت
عزيز : ابتسم ، شن قصدك بشن عرفي ، نعرف منك انتي لما كنتي صغيره
انا : نزلت راسي و انحرجت منه و مانعرفش ليش الخوف مسيطر علياا و رفيف تعيط في كتري
عزيز : مديها شويا
ماقدرتش نزيد حرف واحد ، رفعت رفيف و حطيتها في كتره و سحبت يديا ع طول ، اول ماحطيتها لاه قعدت تهدا عند ماسكتت
انا : بصوت واطي ، سكتت
عزيز جا بيحكي طلعت امي صبى رفعها و طلع بيها هوا و امي و انا قعدت ماقدرتش نمشي ، مانعرفش شنو البرود يلي نازل عليا لكن عارفه اني حندفع ثمنه غالي متاكده
____________________________
مـــــــاريــــــااآ .....
مسكت يدها و انا مش مصدقه و الفرحه مش سايعتني شفتلها و قلت بفرحه
ماريا : بفرحه انتي هنا موجوده
هيا : ابتسمت و حطت يدها ع خد ماريا ، اها انا هنا
ماريا : سامحيني
هيا : ابتسمت نحن خوات مافيش بينا هكي ، لكن
ماريا : شافتله ششنو
هيا : رد بالك من جواد
ماريا : وو آيه
هيا : ابتسمت آيه في ايدين امينه لكن جواد هوا يلي محتاجلك و مافيش حد يطلعه من الظلام يلي هوا فيه الا انتي
ماريا : ببس هه..
هيا : قاطعت عليها ، هوا اخترك انتي الاول قبلنا كلنا رديه كيف قبل
ماريا : وانتي
هيا : ابتسمت بشويا ، انا وقتي كمل و ضروري نمشي
ماريا : ببكاء خوذيني معاااك ما انتحملش انا هذا كلااا
هيا : انتي قويه و عارفه حتقدري
بدت تسحب في يدها مني و تمشي وكل مابنحاول نلحقها نلقى كرعيا ثقال مش قادره نحركهن ،
نضت و عيطت بقوه ، قمعزت و حطيت يدي ع قلبي و انتنفس بقوه
جواد : فتح الونااسه و قمعز ، ماريا
ماريا : قمعزت ع ركابي و انا ندور عليها ،هيا كانت هنا هيا جت
جواد : مسك يديها ، اشش اهدب حلم بس
ماريا : عيونها امتلو دموع و حضنت جواد بقوه ، هياا كانت هنا و كاانت توصي فيا عليك وقعدت تبكي
جواد : رفع يده بشويه وحطها ع ظهرها وقعد يمشي فيها بشويا ، اشش مجرد حلم بس
ماريا : ببكاء ، بس هيا مسامحتني و مش زعلانه مني
جواد : تنهد ومد يده صب اميه في كبايه و بعدها شويا من عليه و عطاها لها ، اشربي عشان تهدي
ماريا : هزت راسها و شربت اميه ومدتله الكبايه
جواد : رد الكبايه و رد شاف لماريا ، ردي ارقدي
ماريا : حطت راسها ع المخده و عطت ظهرها ل جواد
جواد : مد يده بيطفي الوناسه
ماريا : بصوت واطي خليها ماطفيهاش
جواد : شافلها و خلاها ، رقد وراها و قعد يمشي في يده بشويه ع شعرها يلي جاي ع مخدته بدون ماهيا تحس و يفكر في زواجهم
اما ماريا ف كانت في عالم ثاني و تفكر في اختها و الكلام يلي قالته لها ف الحلم
للكاتبه ' #wiush_hamo ❤❤
___________________________
عصام مقمعز ع السرير و يفكر فالي شافه و كيف حيصرف ، وهل يلي حلله في عقله صاح او غلط ولو كان طلع صاح شن حيدير ،
وفي راسه ألف سؤال لكن اهمهن اذا داليا تعرف او لا ، مايعرفش وقتها شن حيدير فيها او فيهم ، كان شارد في تفكيره و مش منتبه للي كانت تحكي معاه عند ماحس بيها تهز فيه
داليا : ركبت ع السرير و هزت عصاام ، اووي ياطويل
عصاام : شافلها شنو
داليا : وين رحت من بدري نحكي معاك
عصاام : راسي مشوش شويا ، شن كنتي تحكي
داليا : في شنو مشوش رااسك
عصاام : امور شغل
داليا : امم باهي قتلك ، يطلع حلو لو صبغت شعري
عصام : برم ورقد وهوا ومعاطيها بظهره ، ديري يلي تبيه
داليا : قعدت تشوفله و مش مصدقه ، هزاته من كتفه اووي انت كنك
عصاام : داليا قتلك ديري يلي ريحك شن فهمني انا ف شعرك
داليا : انا ناخذ في رايك قاعده و انت تقولي هكي و بعدين عليش برمت ورقدت هكي
عصاام : تنهد بنفخ و قمعز شافلها ، داليا شن تبي
داليا : قعدت تشوفله و خذت المخده ضرباته بيها ، ظانبي شي اندفس و جت بتصبي مسك يدها
عصام : ضغط ع يدها بقوه ، ليا الحركات و الكلام هذاا
داليا : شافتله بخوف من حالته ، ععصاام توجع فياا
عصاام : ضغط عليها اكثر و عيط في وجها ، احكيي ليااا
دالياا : غمضت عيونها من صوته وتحاول تفك يدها منه ، كنك انت بابا و ماما يسمعو
عصاام : يسمع الي يسمع مره ثانيه تحكي بالاسلوب هذا نقطعلك اللسان يلي تحكي بيه
داليا : قعدت تشوفله وعيونها دموع
عصام : هزها بقوه و بعصبيه ، فاااهمه
داليا : هزت راسها وهوا طلقها برمت حطت وجها فالمخده و قعدت تبكي
اما عصاام طلع من الدار و يحس ان النفس ضاق عليه ، كل عصبيته حطها فيها و طلع و كان خوفه الاكبر ان تطلع مش عارفه شي و يكون ظالمها
______________________________
عــــــزيـــــــز ......
اول ماحطتها بين يديا ، جت ع بالي صورتها هيا و صغيره طول و كيف حطوها بين يديا ، كانت نسخه من امها في كل شي ،حاولت انطمنها ان الحراره عاديه تجي للعويل كلهم لان عارفها خوافه و بكايه
طلعت بيها ع مستشفى الاطفال مع حني وطلعت واخذه برد خفيف كتبولها ع علاج و طلعنا بيها ، لكن السؤال يلي قعد في عقلي وين باتها
عزيز : شفت لحني ، وين باتها
حني : قلنا ليل مانبوش نفجعوه و قالت عنده شغل
عزيز : خايف يسببلها مشكله بس
حني : لاه بعد نحكي معاه مش حيحكي
عزيز : ان شاءالله
وصلنا للحوش و نزلنا ، اول ماخشت امي بالبنت جت تجري خذتها من امي و قعدت تبوس فيها ، كانت و حتقعد بنتي حتى ولو جابت الف عيل
امي : خشي حطيها جوا خير ماتمرض و تو نوريك الدواء يلي تعطي لها
انا : هزيت راسي و شفت لعزيز و بصوت واطي ، شكرا
عزيز : ابتسم و بصوت واطي هبله
طلعت من عندها وحاسس ان جزء من قلبي رد حياء اخرى بعد شفت رفيف ، فعلا الصغار دواء لكل شي ، قمعزت تحت ع العشب وولعت دخاني
حيجي يوم و يكون عندي كيفها و من من ، من وحده غير بنتي ، هزيت راسي ورديت نفكر ف القرار يلي خذيته ، ماكنتش نقدر نخليهم يطلعوها من الحوش وهيا ماعندهش وين تمشي و خصوصا عارف ان عمي غالط معاها وهيا فوق هذا سكتت ، اقل شي تقعد الفتره هذي عساس ان مخطوبين و بعدين نشوف عمي شن يقول ونحل كل شي
للكاتبه ' #wiush_hamo ❤❤
_____________________________
بــــيـــــاااآن .....
خذيت رفيف من امي و خشيت بيها للدار ، شويا و جت امي ورتني دواها و عطاته لها و طلعت و قعدت انا طول اليل ساهره ع رفيف خايفه ان حرارتها ترتفع و نفس الوقت نفكر في بكرا لما يعرف معتز شن حيصير
معش حسيت ع شي الا و انا راقده جنب رفيف ، نضت ع امي توعي فياا
انا : نطيت رفيف ، وين رفيف
امي : سبحتلها من بدري و جا باتها طلعتها لاه مع باتها نوضي
حطيت يدي ع قلبي وجا وقت المواجهه ، كيف حنطلع عليه و لا كيف حنقولها لاه من الاساس كل قوتي يلي تمااسكت بيها امس انهاارت ، شفت لامي و نظرات الخوف في عيوني
انا : بصوت واطي من امتى جاي
امي : من امبدري شويا و يبيك نوضي اطلعي لراجلك
هزيت راسي و لساني ارتبط معش عرفت نحكي ، طلعت امي و انا صبيت خشيت الحمام درت جوي و طلعت غيرت دبشي لتوته اخرى و طلعت من الدار و نمشي بشويه شفت لامي ف الكوجينه
خشيت للمربوعه و قعدت مصبيه ع الباب و منزله راسي ومشبكه يديا في بعضهن بتوتر وقلبي يدق ب اسرع ماعنده ، و ع طول عيوني امتلن دموع بدون اشاره مني
معــــتـــــــز .......
شفتلها مصبيه ع الباب و منزله راسها و مشبكه يديها في بعضهن ، ادير المصيبه و بعدين تخااف انا يلي شكلي تهاونت معاها فوق اللزوم
معتز : مسح ع وجه ، خمس دقايق تلبسي و تكوني قدامي
انا : حاولت نستجمع كل قوتي و قتلا بصوت واضح فيه الخوف ، ممش حننمشي
حط رفيف ع الصالون و صبى قرب مني مسك مرفقي و قدمني و سكر باب المربوعه
معتز : تمام انتي اخترتي يشهدو ع صوتنا و مشاكلنا
انا : دموعي نزلن ، وبصوت واطي خلينا نعدو
معتز : حطني ع الباب بقوه ، تأخرتي وضرب يده جنب الباب ، تقدري تفهميني
غمضت عيوني بقوه و انهرت مهما حاولت نكون قويه حنفشل قدامه ، لان كل قوتي ناخذ فيها منه ، دموعي بدن ينزلن و نذكر في امس ويلي صار كلا يمر قدامي
لما فتحت الخط و جاني صوتها هيا يلي ردت ع تلوف معتز
ريان : نعم من معايا
انا : حطيت يدي ع قلبي و زمطت ريقي وع طول لدموع تجمعن في عيوني ، حاولت نخلي صوتي طبيعي ، ععطيني معتز
ريان : معتز عم يغير تيابو لما يخلص تتصلي فيه ، سلام
كل مانذكر نحس بحقد كبير اتجاه معتز ، رديت نشوفله و عيوني جن في عيونه
انا : بصوت مخنوق ، طلقني
حسيت بحاجه ساخنه نزلت ع خدي ، حطيت يدي ع خدي و قعدت منزله راسي و نبكي يعني ضربني وداره مره اخرى بعد ماحلفلي مد يده اخرى عليا
معتز : يحكي و عروق رقبته بايناات ، وديني يا بياان هنا خمس دقايق ماتكونيش قدامي لابسه تعرفي شن اندير
انا : هزيت راسي ومطبسه راسي مانشوفلش
وخر معتز و جيت فتحت الباب بنطلع جت في وجي أمي ، سيبتها و خشيت بسرعه جوا لبست عبايتي و لميت حاجاتي و طلعت لقيت امي تحكي مع معتز و وجه مايتفسرش ، قعدت ندعي في سري ان ماتكونش قالتله ، مدام انا مش قد الشي ليش ندير فيه من الاول
ركبنا السياره و هوا حط في كتري رفيف و ركب يسوق بدون مايشوفلي ويدخن و بس ، وحسيت بنهايتي لما غير طريق الحوش قعدت ماسكه رفيف بقوه و ندعي في ربي و بس
_______________________________
مـــــــاريــــــااآ .....
انصدمت لما قالي جواد و لا عمري صدقت ان حيدير شي هكي عشااني ، وقفنا عند المكان و نزلت و نحس بكرعيا مش شايلتني و دموعي في عيوني
جواد : قرب مسك يدي ، تخشي
ماريا : هزيت راسي و خشينا ، قعدنا ندورو ع الاسم عند مالقيناه
قربت من قبرها و قمعزت تحت ، رفعت يديا و قريت صورت الفاتحه و دموعي بدو ينزلو ، مشيت يدي ع تراب قبرها
ماريا : ببكاء ، لو كنت نعرف ان بيصير هكي كنت حنساامحك قبل مانفقدك ، انا عند توا نحس بندم عشان ماسمحتكش تغلب عليا الشيطان و ماقدرتش نقولها لكي و نريح قلبك قبل ماتفارقيني ، ياريت ترد بيا الدنيا ونقولك سامحتك ، الدنيا لعبت علينا لعبه كبيره يا أختي و ماكنش في حد ضحيتها الا انا و انتي ، لكن انتي تريحتي من دنيا و همها لكن انا قعدت فيها
غمضت عيوني و نهرت بكاء هيا كانت توأمي و نص قلبي الثاني
جواد نزل ركبه ونص عليها و حضنها من لاوره وهيا نهارت تبكي .....
____________________________
عصام أستغل فرصه ان محد مع عمه و خش عليه في يده الملف ، حط الملف في كتر عمه و قمعز ع السرير واتكى بيديه ع كرعيه و شبكهن في بعضهن
عصاام : عشان هكي قعدتوني عندكم
عمه : شاف للملف و شاف لعصاام ، عصاام
عصام : شيرله بيده ، انا عارف كل شي مافيش داعي تحاول تغطي
عمه : تنهد ، كل شي خذاه باتك كان مش من حقه و قبل مايموت كتب كل شي ب اسمك اكيد ماكنتش حنخليك للناس الغرب ياخذو ملكنا
عصاام : رفع راسه فيه ، لو طلبت كنت حنعطيك عيوني
عمه : ماكنتش حتنقلهن
عصاام : هز راسه بهزوه ورد شافله ، و زواج
عمه : كان ضروري تاخذ داليا عشان كل شي ينظمن ان يبقى لنا
عصاام : يعني داليا
عمه : ...
______________________________
يتبع ......
للگآتبهہ' ويـﮯوشـ حمـو
للكاتبه ' #wiush_hamo ❤❤