تلاعب أدوار

الحلقه 23

#تلاعب_أدوار ❤
#حلقه 23

بــــــيــــاااآنـ .......

طلعت من عند داليا بعد ماروحت هيا و معتز حاولت اني نسألها و نعرف منها بس كانت مش قادره تحكي ، طلعت مع معتز و قلت حنجيها بكراا

معتز : أبتسم و شافلنا رايفتلكن
انا : ابتسمت نحن أكثر
معتز : طلع صندوق صغير من السياره ، شفت هذينا جبتلهن لها
انا : فتحته و ابتسم كانن دنادين صغار لرفيف ، حلوات بس مش مفرينها نحن
معتز : نعدو توا
انا : لالاه حرام واعره
معتز : ضحك بلا هبال تخلي البنت هكي ، خليها توا خير ماتكبر
انا : عضيت ع فمي ، نزلها انت مالا ننزلش نا
معتز : هز راسه وضحك ، باهي ياخوافه
انا : عنديش عزم ،بس امي تقول ماتفروهش بالذهب
معتز : تو انتكي ناخذلها فاصو
انا : هزيت راسي

مشينا للحمل و نزلنا خذينالها دنيادين فاصو و معتز شالها لمستشفى خاص و انا نضحك عليه

معتز : بحت فيا ، سادك ضحك
انا : مسكت ضحكتي ، باهي مش ضاحكه انزلو
معتز : انشيلها للعام عشان تنقل شي فايروس و لا يجيها تلوث
انا : ضحكت ، كان شلتها لامي هيا يلي فرتني
معتز : اهو صارت ، بتنزلي
انا : هزيت راسي لالا انزل انت

نزل معتز و في يده رفيف ، و انا قعدت ع تلفون نستنى فيهم و نحس بقلبي متقطع عليها ، بعد فتره جا معتز و في يده رفيف في عيطه وحده حطها في كتري و ركب السياره قعدت قريب نبكي معاها

معتز : يارا شن شيلني لها بس
انا : دموعي قعدن ينزلن ، معتز توجع واجد
معتز : عطيها اللهايه
انا : حطيتلها اللهايه و ررفعتها نهز بيها عشان تسكت
معتز : معش قعدلي عزم جوا ، قبل بناخذها منهم
انا : بدت تسكت
معتز : شافلنا و انصدم بياا ، اسكتي يابكايه و انتي دموعك ع سبله
انا : مسحت دموعي و جعتني
معتز : ساهله تو تنساها

للكاتبه ' #wiush_hamo ❤
____________________________

دالــــــيــــــاااآ .....

غيرت دبشي وخشيت للسرير و انا نفكر فالي صار ، دموعي ماوقفوش من اول ماجيت بس مش حنضعف عشان ولدي او بنتي يلي جاي ضروري نواجهه الحياه بروحي و نكونلهم السند

حطيت راسي ع المخده و انا نذكر فالي صار ...

نزلنا انا و معتز و صلنا لحوش ومعتز قعد يدق ع الباب و انا نتفرج ع الحوش ، كان عادي حوش شعبي بس شكلا حلو من برا قعدت انفكر اذا فتح الباب ، حتطلع معاه وليه اخرى و لا متزوج عليا كل الافكار هذينا في بالي عند ما انفتح الباب

عصاام : فتح الباب ، وتنهد بعصبيه لما شاف داليا و شاف لمعتز يعني درتها
معتز : رفع حاجبه ، خشو حلو مشاكلكم مش لعب عويل صغار هوا
عصاام : مشى يده ع شعره وبعصبيه ، بنفهم انت شن دخللك فينااا
معتز : لما يكون الموضوع يخصك وحدك محد حيدخل فيك لاكن مدام فيه داليا عندي الحق ندخل و انت سااكت
عصاام : بعصبيه ، مش ملاحظ انك تحكي ع مراتتي
داليا : طول حديثهم وانا نشوف لعصام و ساكته كان في اثر ضرب ع وجه و في يده تلجه شكلا العركه جديده ، بعد قال مراتي ضحكت بهزوه ، مراتك يلي مسيبها
معتز : جا بيحكي قاطعت عليه داليا
داليا : ماتخافش مش حنقعد هندك نبي نفهم السبب يلي درت فيه هكي و حنطلع من حياتك معش تشوفني
عصاام : قعد يشوفلها و باين في عيونه شوقها لها بس في حاجه مانعته عليها ، خش جوا و سيب الباب مفتوح