تلاعب أدوار

الحلقه 16

#تلاعب_أدوار ❤
#الحلقه 16 ✍

أستغربت جيتها ، ابتسمت و قدمت سلمت عليها وقمعزنا

أسماء : تربعت ع الصالون و ابتسمت ، بعد معش جيتي للمدرسه قلت نجي نشوفك و نجيبلك يلي فاتك
انا : ابتسمت بشويا ، تسلمي ياعمري احسن مادرتي حننخنق من الحوش
أسماء : عظم الله اجرك في سلفتك
انا : تنهدت اجرنا و اجرك ع الله

قعدنا نحكو ، ف الفتره يلي قعدت فيها ف المدرسه قوت علاقتي بيها بس استغربت انها جتني لان مش متعوده يجني ، أستأذنت صبت لحمام و دزيت معاها الخدامه توريها وين ورن الباب صبيت نفتح فيه  لقيته معتز

معتز : ابتسم و خش احلا من يفتحلي الباب
انا : ابتسمت و جا بيخش دفيته
معتز : عقد حواجبه كنك
انا : حبيبي صاحبتي جوا
معتز : ابتسم ورفع حواجبه عارف
انا : قلبت عيوني ، شي اكيد بيقولولك كل شي
معتز : ضحك وقرب وحط يده ورا ظهري وكرني لاه ، اممم و انتي عليش ماتبينش نخش
انا : قعدت انسقم في سوريته من فوق ، ااممم لان انا نغار و مسكته من سوريته و فنصت فيه وغيرتيي صعبه ف ماتختبرهش
معتز : ضحك تقلدي فيا
انا : ابتسمت انت معلم ونحن منك نتعلم
معتز : حط جمتي ورا وذني ويحرك في يده ع ملامحي ، وبصوت هادي خليكي متاكده اني نحبك انتي و بس و عيوني مايشوفنش لغيرك
انا : ابتسمت و لفيت يديا ع رقبته ورفعت كرعيا بسته ع لحيته ولا عيوني يقدرن يشوفن لغيرك
معتز : باسني و بعد بس مزال ماسكني ، باهي ياعمري عدي جيبيلي ملف حمر تلقيه ع المكتب
انا : بعدت حاضر مشيت طشه و بعدين رديت نجري حضنته ، انحبك خليك ديما معايا
معتز : وخر لما عزقت روحها عليه فجأه ومسكها ، وانا انحبك ياهبله ومعش تجري هكي وتغير صوته لاخر العمر معاك
انا : بعدت و مبتسمه مشيت جبتله الملف و رديت لقيته يستنى ، مديته لاه وخبطت ع جبهتي نسيت البنت
معتز : ابتسم بشويا عدي ياهبله
انا : مسكت يده و غمضت عيوني ، اللهم اني اودعتك اغلا ماعندي ف حفظه بحفظك يارب
معتز : باس خدي و مبتسم ، عدي تراجي البنت
انا : ابتسمت باي
#Wiush_hamo للكاتبه '
______________________________

بينما فوق أسماء سألت الخدامه ع غرفه مهند

الخدامه : من هنا مدام
أسماء : ابتسمتلها شكرا

مشت الخدامه و أسماء قدمت ع الدار و محتاره اذا دق اولا خذت نفس ودقت ع الباب

مهند : من عند الدار ، منن
اسماء : ماردتش
مهند : صبى ، اووف من يدق فتح الباب بقوه و انصدم ب أسماء
أسماء : ضحكت شببحي جا يعرفت عليك
مهند : حك عيونه ، كني راقد را قلت حلم احم ممكن احلام اليقضه
أسماء : معش تنكت نكتك بارده
مهند : مشى يده ع شعره ، تو نسخنهن
اسماء : 🙄 ع العموم معش بتجي را شهاده السنه
مهند : حرك يده ع حواجبه ، مانعرفش
اسماء : ابتسمت ع شكله ، عظم الله اجرك
مهند : اجرنا و اجرك على الله
اسماء : العمر بيد الله حتى نحن مش ضامنين اعمارنا لاكن الحياه مش متوقفه ضروري تكمل فيها و ابتسمت بشويا و انا متاكده لو المرحومه حيه اكيد كانت حتزعل من يلي دير فيه
مهند : تنهد و بصوت واطي الله يرحمها
اسماء : هيا باي انا نازله عند بيان
مهند :  دارلها باي بيده