اني چفصت اي و علي چفصت ، بالله سؤال هذا؟ يربي ثبت علي العقل دخيلك وين اولي
الرجال يريد يعلمني و اني امخرط براسه ، مو حقه مجتبى يسحب مني الموبايل
رد عباس ـ لا سكينة الي ذكرتها يمي و گدام عيوني جاي تذبل يوم بعد يوم
انكتب فوگ آخر ظهور قبل دقيقة
الولد طفة النت ؟ زين منو هاي
ظليت اردها و اجيبها لمن وصلت
اووف يا سكينة ، بس لا قصده امه امداااني
و صرت اغم روحي
نفخت و فتت للقناة اسمع الدروس حضرت دفتري و اقلامي
رجعت لورقة الذنوب خططتها و كتبتهن بيها
رحت على القناة الي يخلون بيها الدروس و بلشت استمع ، حسيت داخلي ارادة مو طبيعية
لعنة الله على الشيطان الخلاني احس هالطريق مو الي
خلاني افكر ربي ظالمني بمرضي، اي صارلي مرض من واحد حقير و من قلة توكلي على الله ؛ لو متوكلة على رب العالمين چان انقهرت هالگد؟
ليش هيچ مسلمة اموري للشيطان و لنفسي الامارة بالسوء
فتحت أول صوتية مكتوب عليها
معاهدة الاستاذ
🎧: الانسان السالك لله الذي يريد ان يتكامل و يرتقي و يضبط سلوكياته عليه اولاً ان يعاهد الاستاذ عهداً اخلاقياً
ماذا يقول : عهداً لك يا استاذ اني سأترك جملة من الذنوب و المعاصي و سأراقب نفسي بدقة و سأحاسبها يومياً و الذنوب هن 12 التي ارسلناها سابقاً
و تذكروا ان الخطوات تدريجية ، و التخلص من الذنوب ليس سريع و سهل فتوكلوا على الله
فتحت البصمة الثانية
المؤمن الفطن هو من يراقب نفسه و يبحث عن ابسط المعاصي في نفسه لكي يتخلص منها فهو يعلم ان المعصية جسر جهنم
فيختار عبادة الله و بناء جسر بينه و بين الرب
📄من اراد نفساً طاهرة فليطهرها من النجاسات المعنوية مغتسلاً بماء التوبة النصوح
و حول سؤال واحد من الطلاب بالگروب
سؤال الطالب ـ استاذ شنو يعني النجاسات المعنوية؟
جاوب الشيخ : النجاسات المعنوية هي الذنوب
و اليوم سيكون حديثنا عن ذنب
الكذب
عيشو هذا الكلام بكل لحظاتكم خلال الأيام القادمة
🎧 : الكذب هو ان يذكر الإنسان كلام غير مطابق للواقع
صاحب كتاب جامع السعادات يذكر في الكذب انواع متعددة و هي
الكذب في القول : حيث يتكلم بكلام غير مطابق للواقع و صدور هذا النوع من الكذب اما لعداوة او حسد لو غضب
او بسبب الطمع فيكذب للحصول على المال
او يكون تعود مخالطة الكاذبين
هناك من يكون له اصدقاء كثيري الكذب فيخالطهم و بعد فترة يصبح كاذباً مثلهم
لاحظوا اعزائي ، واحد من الشباب يقول ان العديد من الشباب تتفاخر بأنواع السيارات التي تركبها للجامعات
شعرت بالغيرة منهم و صرت اكذب حيث بدأت بأخذ سيارة اخي ، اقودها مدعياً انها سيارتي
او يكون الكذب بالنية
فلا يكون عمله لله ، و إنما يريد رضا الناس
يصلي ليس لله بل حتى اذا سأله الناس صليت او لا قال نعم
و هذا الكذب يوصل الانسان الى الرياء
و قد يكون الكذب بالعزم و الارادة : حيث يكون للإنسان عزيمة على شيئ معين فيوسوس له الشيطان ان لا يفعل
فلا يفعل
جميعنا مبتلون بالوسواس الذي يحبطنا فيقلل عزمنا و نصل الى مرحلة الكذب على الله ، حيث تعِد الله انه "اذا قلت غيبة سوف استغفر و اسجد السجدة اليونسية" لكنك لم تفعل بسبب وساوس الشيطان
انت هنا كذبت على الله و ما أعظم الكذب على الله!!!
او يكون الكذب مخالفة الباطن للظاهر
و يصل بالإنسان الى النفاق
مثلاً ترى شخص مهذب رائع في اسلوبه و كلماته و اذا اخطأ معك اعتذر و لكنه في بيته جلّاد
شرير البيت بالنسبة للأطفال ، عندما يسمعون بمجيئه جل ما يفكرون به هو الابتعاد عن ناظريه
آخر كذب هو الكذب بالدين : أحد الناس تجده يكرر عبارة استغفر الله كثيراً ، عندما يذكر بجانبه خبر موت يقول« إنا لله و إنا إليه راجعون»
يردد دائماً «توكلوا على الله»
لكنه في وقت مصيبته جازع ، و في وقت التوكل تجده نسي الله تماما
هذا كذب خطير يعاني منه اغلب مجتمعنا الاسلامي
آخر شي دز : لاحظوا الدقة احبابي ، عودوا الى انفسكم و اقضوا يومكم بملاحظة موارد الكذب الكثيرة
دز تحت الصوتية
✨عمل عظيم الأجر.. ويسير جداً✨
توضأ واجلس في مكان منعزل وأقرأ
١-سورة الفاتحة 3 مرات
٢- سورة الإخلاص 3 مرات
٣- سورة الفلق 3 مرات
٤- سورة الناس 3 مرات
٥- سورة الكافرون 3 مرات
٦- آية الكرسي 3 مرات
((اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَهُ مَا فِي السَّمَاوَاتِ وَمَا فِي الْأَرْضِ ۗ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ¤
لَا إِكْرَاهَ فِي الدِّينِ ۖ قَدْ تَبَيَّنَ الرُّشْدُ مِنَ الْغَيِّ ۚ فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدِ اسْتَمْسَكَ بِالْعُرْوَةِ الْوُثْقَىٰ لَا انْفِصَامَ لَهَا ۗ وَاللَّهُ سَمِيعٌ عَلِيمٌ ¤
اللَّهُ وَلِيُّ الَّذِينَ آمَنُوا يُخْرِجُهُمْ مِنَ الظُّلُمَاتِ إِلَى النُّورِ ۖ وَالَّذِينَ كَفَرُوا أَوْلِيَاؤُهُمُ الطَّاغُوتُ يُخْرِجُونَهُمْ مِنَ النُّورِ إِلَى الظُّلُمَاتِ ۗ أُولَٰئِكَ أَصْحَابُ النَّارِ ۖ هُمْ فِيهَا خَالِدُونَ ))
٧- {سُبحانَ الله والحمدُ لله ولا إله إلا الله
والله أكبر ولاحول ولا قوة إلا باالله العلي العظيم } تقراها 3 مرات
ثم إرفع يديك وقُل 3 مرات
{ اللهم صل على محمدٍ وآل محمد }
وقُل 3 مرات
{ اللهم إغفر للمؤمنين والمؤمنات }
وقُل 400 مرة أي 4 مرات بالمسبحة
{أستغفر الله واتوب إليه}
وادعوا الله بما شئت وخاصة لتسهيل طرق الإخلاص وتهذيب النفس ..
گلت للعصر يلا اكمل الي بعد الكذب لان اريد اراقب نفسي شوية
و لگيت هالشي ، لگيت الكذب غازي تصرفاتي
من سألتني اختي "منى" ـ شلونها الجامعة؟ صرت اچذب و ارجع لورة
صرت اسولفلها على الولد و شلون لازم ماتنخدع بيهم ، و على أساس اني تلاثة معترفيلي...الى آخر التهنبل
قبل صلاة الظهر صعدت و استغفرت 100 مرة انوب اسجدت السجدة اليونسية و كررت 200 مرة ﴿لا اله إلا أنت سبحانك اني كنت من الظالمين ﴾
من خلصتها حسيت براحة و خفة بنفسي
نزلت يم اخواتي نصب الغدة، مرأت اخوية شمرتلي حچاية بس ما اهتميت
كل عقلي يم الچذب الأچذبه ، اتمنيت لو اني خرسة و لا هالگد اچذب
العصر رجعت اقرا للدرس الثاني
قصير بعنوان الغيبة
🎧 : بسم الله الرحمن الرحيم اللهم صلِّ على محمد و ال محمد
الكلام اليوم عن مفسد اخلاقي شنيع جداً و الذي ورد في ذمه الكثير من الآيات في القرآن الكريم و الروايات عن أهل البيت عليهم السلام
فالله تعالى وصفها في القرآن بأشد وصف و شبه صاحبها بآكل لحم الميتة قال تعالى ﴿وَلَا يَغْتَب بَّعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ﴾
فنناقش أمرين مهمين
اولاً : بواعث الغيبة
مالذي جعلك تغتب فلان؟
هل الغيرة ، هل الحقد ، هل الحسد
والبعض قد يستغيب للسخرية و الاستهزاء : كأن گاعدين جماعة من الاشخاص فيغتاب الآخرين ليضحك الجماعة
مثلاً هل رأيتم فلان ماذا فعل هههه كيف يفعل ذلك
او يكون الباعث هو الافتخار : فيذكر نفسه بالخير و يرفعها ثم يقلل من قيمة غيره
مثال : فلان وجدته لا يعرف يفعل كذا فأعنته
او حتى يتقبله الاصدقاء فيذكر عيوب من لا يحبونهم حتى يُلاين المرافقين
أو يخاف من شخص قد يساويه بالمرتبة امام الناس ، أو إن هذا الانسان سوف يكون السبب في بيان تقصير له فيسقطه من عيون الآخرين بذكر عيوبه
يتعامل بالمَثل "اتغدة بي قبل ما يتعشة بية"
انتباه : الغيبة ليست فقط بالكلام بل بالاشارة او ردة الفعل
تبالغ استاذ لا عزيزي ، الله بالقرآن قال ﴿ وَيْلٌ لِكُلِّ هُمَزَةٍ لُمَزَةٍ﴾ و اللماز هو الشخص الذي يعيب الناس وينال منهم بالحاجب والعين
تسأله كيف فلان؟ يجيبك دعني لا اريد ان آخذ غيبته
او يغير معالم وجهه ، هذه غيبة يا اعزائي
📄 إستماع الغيبة : المستمع للغيبة آثم ، لابد للانسان ان يصد كلام المغتاب او يقوم خارج من مجلس الغيبة او على الأقل ينكر بقلبه أو يُظهر انزعاجه
لاحظوا الروايات الواردة في فضل صد المغتاب
✨ من ذَبَّ عن عرض اخيه بالغيب كان حقاً على الله تعالى أن يعتقه من النار
✨وعن الامام الباقر عليه السلام : من إغتيب عنده اخوه المؤمن فنصره و اعانه نصره الله في الدنيا و الآخرة
أذن ماهو تكليفي امام متكلمي الغيبة من العائلة مثل الأب و الأم و الأخوة
فإذا حاولت نصحهم ثاروا و ردوني؟؟
نعم الغيبة اصبحت في زماننا فاكهة المجالس ، و المغتاب يا طلابي مُفلس في يوم القيامة
اجعل لنفسك دوراً في صد الغيبة ، بَيّن شناعة الغيبة أذكر الافلاس إذكر روايات آل البيت
فو الله ان النبي الأكرم يوصي اباذر بقوله «الغيبة أشدّ من ستين زنية»
تقول يؤلموني بكلامهم ينهروني
جوابي لك اذا كنت تحبهم و لا تريد ان ترى امك في قعر جهنم ، اخاك، اباك ابق تنصحهم و لكن بيسر و دون غلظة
و تذكر ان الله الذي لا يضيع عنده العمل الصالح ، و هو يحبك لانه يراك تتحمل الألم و الكلام الجارح من أجل الدفاع عن عباده
و لكن إذا ضحكت و جاملت فستكون شريك بالغيبة
سجلت كلام الاستاذ و اني صافنة شراقب من روحي كلي بلاوي
أكتب و اضرب خدي و اردد ـ لجهنم و علي اني گبل لجهنم
نزلت اتعشى ، امي و مرأت اخوية يحچن على وحدة من گرايبنا لإن طالبين مهر چبير من خطيب بتهم
مناوي اتدخلت و گلت لابوية ـ عود هَم تطلب من رجلي مهر چبير ؟ قران و عمرة و كلشي ما اريد
ضحك مجتبى و رد عليها ـ كلشي ما نريد منه ننطيچ بهدومچ
گلتلهم ـ مو حرام تذكرون اخطاء الناس و الي يصير عدهم ؟؟ شعليكم بيهم شيسوون يسوون انتو شكو تتدخلون بيهم
من واحد يذكر اخطاء الناس و يخليهن فاكهة مجالسه الله يگلبها بي و يخلي هالاخطاء من صفاته
مرأت اخوية ردت علية ـ على كيفچ ام فاكهة المجالس گبل فترة چنتي نازلة دوسة و نص بجيراننا الي ليل و نهار يتعاركون
رديت ـ ما چنت اعرف شنو الغيبة ، ماچنت اعرف الواحد لازم يراقب ابسط تصرف منه حتى ميوگع بالغيبة
ابتسمت و عفت الخاشوگة و اني اگول ـ بس الله ستار ، شوفي شلون انتي حافظة ذنبي لو ذنوبنا مفضوحة چان كل واحد بينا انعرف بأكبر ذنب مسويه
شو الله تعالى لمن اترك ذنب و بعد فترة انهي عنه ، ميگلي جنتي تسوي بالعكس يضيفلي حسنات
چا ليش تحچون بأخطاء و ذنوب الناس و هو الله العظيم ما يفضحهم
باوعت للعنب و كملت ـ و فاكهة المجالس مو كلام مجازي بدون معنى لا اني قصدتها حرفياً ، حالياً انتو وي هذا الاكل راح تاكلون لحم ذولة الناس هيچ جاي يشوفكم الله
مجتبى گال ـ كافي لعبتي نفسنا ، كافي سكينة
دنگت آكل و ما رديت عليه ، و هُم سكتو و بطلو حچي على الناس
بالليل فتح مجتبى الباب علينا و طب گال ـ ربع ساعة و اطلع الي تريد روحة معدلة للعروبة تنزل
صرنا ما نشوف گدامنا كل وحدة تگل للثانية ديري وجهچ اريد ابدل
نزلنا و صعدنا گبلة بالسيارة و مجتبى يضحك و يصيح - امهات حصير ، نزلن گبلي بيها طلعة بعد
اخذنا للعروبة و اشترالنا موطة ، على اساس بس فرة لان عنده شغلة ناسيها بالمحل ، بس لحينا عليه و خليناه ياخذنا للكورنيش
الكورنيش هوسة ، ركبنا بالقارب و رجعنا
البنات ضاجن ، بس اني وية مجتبى
لإن الوضع كلش مو حلو
من البنات اشتكن لان طلعنا بسرعة بلش مجتبى محاضرة عليهن ،مرينا بمقام زيد النار عليه السلام
سلمنا عن بعد و كملنا طريق
خولة سألتني ـ عمة هذا هَم قوي؟
تقصد مولانا زيد النار
جاوبتها ـ اي اكييد هو اصلاً شهيد ، إجة يقاتل و هنا استشهد
منى سألت ـ صدگ ذاك اليوم صديقتي من الحلة سألتني ليش تصيحوه زيد النار؟ و تگول الإمام الرضا ما چان راضي عن اخوته
رد عليها مجتبى ـ زيد بن الامام موسى بن جعفر طلع بحرب ابو السرايا ضد العباسيين و اهنا استشهد
بأثناء القتال اكو واحد من بني العباس سب السيدة الزهراء عليها السلام فرفع ايده زيد عليه السلام و گال «يا نار زيدي على ديار بني العباس»
و بليلتها ماكو بيت موزين من بني العباس إلا و وجت بي النار
لزمت ايد منى حتى تلتفتلي و گلتلها ـ الإمام الرضا سيدي أكيد راضي ، هم ولد امير المؤمنين و اهل غيرة
اختهم نوخذت و انحبست ببيت لحدما سموها بني العباس و اخوانهم استشهدوا و هُم يدافعون عن نفسهم و عن اختهم شلون يسكتون؟
بس ذولة العباسيين عدهم إعلام چبير و هو النشر هاي الاشاعات لزمننا هذا
هزيت ايدي و كملت ـ مثل سياسيينا من الله يحرگهم و يزيد النار ببيوتهم ، أكلوا تبرعات بناء المرقد عبالهم يتهنون مايدرون الله شراح يسوي بيهم
مجتبى شاف تبارك ساكته و ضايجة فگلها ـ الاحد الجاي يداومن خواتچ، اول يوم ماكو دوام بس يفترون روحي تونسي وياهن
التفتت عليها و گتلها ـ اي آخذچ لمتحف كلية الآثار مو طبيعي يجننن
مناوي سألت ـ شنو بي؟
جاوبتها ـ كلشي آثار نيبور و سومر و أكد ، سرجون و آشور
اكو هواي قطع حقيقية اثرية و اكو اعادة صنع و اكو صور قديمة من العشرينات سيوف و اسلحة ترجع لثورة العشرين
مناوي گالت ـ مزيفة ، شجاب ثورة العشرين للديوانية
رد عليها مجتبى ـ شو انتِ ثولة چا ثورة العشرين وين صارت غير بالرميثة و من كملت صار شعلان ابو الجون محافظ لواء الديوانية
اللواء چان تلث محافظات ( الديوانية و النجف و السماوة) و چان مسؤول عنهن ابو الجون بلواء يسموه لواء الديوانية
الناس ليش تسمي اهل الديوانية الخيالة؟ لان من نسجن ابو الجون اجت من الديوانية خيالة و التحقت بعشيرته بالرميثة و حرروه من السجن و بدت الثورة
تچيت راسي على كرسيه و ايدي على حوافه گتله ـ مجتبى اريد اشوف هور الدلمج ما تاخذنا الة
رد ـ دولي هو اني مرة رحتله
ضحك و كمل ـ تدرين بية احب التاريخ تلعبين على الوتر الحساس
مناوي سألت ـ اهل التاريخ شجاب سومر للديوانية
تبارك ردت عليها ـ يلا بالله العالم حاسبيچ چبيرة علية ، ولچ مو العام رحنا لمعبد نيبور بعفچ و گالت الست تسمى "قضاء نفر" على اسم المعبد و قضاء عفك چان عاصمة حضارة سومر، و مدينة إيسن اهم مدينة بحضارة السومريين بعفچ
من رجعنا للبيت فتحت التلي و لگيت رسالة من عباس
كاتب ـ كملتي دراسة الفات؟
جاوبته ـ درست درسين و بقالي درس
دز ـ اي شي تحتاجي بالدروس راسليني او اسألي الاستاذ و لا تحسين بالحَرج
دزيتله ـ انت هواي تساعد الناس ، لهذا من زغرك صار عندك وسواس و شفت الخيال
رد ـ الله يرحمك يا علي ، ما مخلي شي مگايلة صدگ مسولف على خيال شفته
گبل 15 سنة؟
جاوبته ـ اييييي
رد ـ اني ما سابق احد بالعكس بعدني واگف بذنب من الذنوب ، شخص عادي و روح علاوي بس لان اكون وية الناس ببدايتهم فيشوفوني فد شي و ينفخوني
ياما اوقات تمر يكون بيها الطريق واضح گبال عيني و اعوفه
كتبتله ـ شكراً هواية لان جاي توگف وياية
رد ـ الشكر لله اني ماخذ حقي من ربي و زايد ، ادعي لامي
اني و خواتي جهزنا ملابسنا و تكافشنا على الجنط و داومنا تلاثتنا حتى تبارك
فريتهن بالأقسام و اخذت تبارك للمتحف و غديتهم
أذان آذان الظهر فأخذتهن و رحنا نصلي بمُصلى الجامعة
خلصنا صلاة و تبارك مددت رجليها و هي تگول ـ يمة تكسرن رجليه شلون تمشن هالگد؟
و منى تگول ـ ظهري كتلني ولچن آخ ظهري
رديت عليها ـ من الكعب شالقضيتچ و الله راح تنچبحين چبحات مو طبيعية اذا بقيتي بي و اذكري حچيي
رمشلي ابو الخط ، أخذتهن و مريت بيهن على مدرجات الادارة سألتني منى عليهن ـ شنو ذني؟
جاوبتها ـ مدرجات الادارة ابد لتدنيلهن ما احبهن تحس نفسك گاعد على مسرح ، و صارت هواية شغلات مو حلوة من اليگعدون هنا
سألتني تبارك ـ شنو من شغلات؟
جاوبتها ـ العام بنية عثرت و وگعت فبين شي من رجليها ، فالموجودين شمرولها حچي بأصوات عالية
اخذتهن و رحنا للسيارة ، احنا اول من صعد
البنات اتأخرن فالسايق صار يدردم و يسألني عنهن گتله ـ ما ادري
همست لمنى ـ أبد لتحچين وياه و سدي الموضوع دوم ، لأن أنوب ياخذ راحته بالسوالف وياچ و هَم البنات ما يحبوچ و يشوفوچ تحچين عليهن
خابرتني سمية و گالت الاساتذة مبلغيهم الدوام الفعلي يوم الثلاثاء مو هسة
سولفت لمنى ترد ـ اي همزين متت تعب
گلتلها ـ لا هاي هية ، من أول يوم تعبتي؟
رجعنا للبيت و ابوية بلغنا راح نروح للنجف ، بس خالي و برير بالبيت كلها سافرت وية بيت خالتهم لإيران
اخذنا عشانا و رحنا لبيت خالي ، امي وزعتنا على البيت وگفتني بالمطبخ و خواتي نظفن البيت
برير إجة بوكت الآذان ، شفته دخل للگراج و اني جاي اتوضئ فقفلت باب المطبخ لان ملابسة جواريب
دگ الباب مرتين ، لمن ايس و راح من باب الاستقبال
لبست جواريبي و سحبت رداناتي جاي الف بشاليي دخل للمطبخ
درت وجهي و عدلت شاليي
بوس امي و گلي ـ شلونچ سكينة
رديت ـ هلا برير الحمد لله خوية بخير
نفخ و صعد ، تبارك طلعت اتشر الملابس
رحت لغرفة زينب اصلي يم منى
من خلصت صلاة كنكت و راسلت "زينب" بت خالي كتبتلها ـ احنا ببيتكم و يمكن نبات اليوم
ردت ـ لا تفتحين لابتوبي و علي اعدمچ و لا تمشطين بمشطي
رحت صورت مشطها و لابتوبها و دزيت الصور حتى اضوجها
بعد العشاء رحنا للزيارة ، إخذونا عن طريق المقبرة القديمة
مجتبى راد يخوفنا فگال ـ هذا الطريق مبني على الگبور ، يمممة احنا جاي ندوس قبوور
حتى گراج السيارات گباله گبور و كلهن من الثمانينات
فتنا للزيارة ، تمنيت لو ما اگدر اطلع و ابقى دوم گبال الامام علي
جماعتنا بس يردون يطلعون ، اباوع للزوار الگاعدين بالصحن و اردد "هنيالهم"
كعادة نفسي الحقيرة ما توكلت على ربي ، گبل فترة اگل للبنية العدها وسواس اتوكلي على ربچ و هو ولي المؤمنين و ابليس ماله سلطة على الانسان
و هسة همت و كتلني الخوف لإن اسمعت صوت !
همهمات بكلام غريب بس ماچانت وسوسة چنت اسمعة بإذني
اهلي فاتو گدامي للگراج و اني شردت منه ، اتصور فد شي راح يطلعلي من ذني الگبور
كلش لا تعوذت لا استغفرت طلعت گبل و ما اعرف وين أريد ، المشي صار ركض
احس بس التفت راح يطلع فد شي بوجهي
.
.
.
تابع