#خيوط ام حبال
البارت الواحد والعشرون
ل ورد العامري
حلا: بنومي سمعت صوت تلفون ايدك كمت بسرعه ع تلفون لاتكعد مسك وبعدني بنومي التلفون ع ميز تواليت ايذبه اسماعيل
شفته رقم غريب الساعه ضاهره بتلفون ساعه 3:30
اسماعيل اسماعيل اخذت التلفون شايلته وصار عندي قلق منو يدك بهل وقت
اسماعيل: ها
حلا: تلفونك ايدك رقم غريب انسد
اسماعيل: تلفوني ساعه بيش هسه
حلا: ساعه3:30 هاك هاك دك
اسماعيل: ياساتر منو بهل وقت
الوو
الووو
الوووو
حلا: ها
اسماعيل: مادري محد جاوب وسدوه
حلا: شدتسوي
اسماعيل :ده ادك اشوف منو بهل ليل
محد يرد يجوز غلطانين نامي عيني نامي
حلا: قلقونه بهل ليل يمه كلبي وكف
اسماعيل: هههه ماكوشي نامي
حلا: جتك رساله
اسماعيل: اي
حلا: هستوني تمددت صار صوت رساله رفع نفسه وجر التلفون اني عيوني يمه وهوه اصلا فتح لتلفون كبالي ماد ايده كدامي يفتح بي
هذا الرقم نفسه
اسماعيل: اي شنو
حلا: ازعجتك وانت نايم بس حبيت اسمع صوتك
اسماعيل: لا هاي شنو انوب
حلا: والله اسئل نفسك منو الي يدزلك هيج رساله
اسماعيل: هههه وشمدريني اني مو يمج وجتي
حلا: هم راح ادك
اسماعيل:اي ده اشوف منو
حلا: هاا
اسماعيل: مغلق
حلا: شنو القصه
اسماعيل: يجوز بعد ماندزت انتبهو لرقم غلط وقفلوه
حلا: لاااا خابرو غلط ودزو رساله غلط
اسماعيل: هههه شبيج
حلا: مابيه شي
اسماعيل: حلا لتلفون يمج اذا احد دك جاوبي واني حنام لان عندي شغل الصبح وذوله يامعاكسات يا ناس غلطانين تصبحين ع خير
حلا: نام وعافني بيدي التلفون دكيت ع رقم مغلق
اسماعيل اصلا نام مااهتم للموضوع تمددت وافكر معقوله صدك غلط
اي. لعد منو قابل اوووه غلطانين خل انام افضل لواكوشي جان مطاني التلفون بيدي
غفيت وكعدت الصبح كعدت اسماعيل وتريك وده يطلع
اكول اذكر شنو قصه رقم البارحه
اسماعيل: والله مادري شوف منو غلطان برقم
حلا:يله روح الله وياك اندار يطلع ورجع
اسماعيل: حلولو
حلا: هههه نعم
اسماعيل: خهه هاج خلي تلفوني يمج اذا اكو شي ببالج يعني
حلا: لالا اني بس ردت اسئل
اسماعيل: اذا تردين خلي يمج والله
حلا: لاااا روح ماريده شسوي بي
اسماعيل: يعني كلت اخاف غرتي عليه مثلا هههه
حلا: لااا لازم تعرف منو الرقم
اسماعيل: هههه لالا والله ماعرفه بس غرتي ها
حلا: لا ماغرت
اسماعيل: مااصدكج هههه يله رايح اني
حلا: هههه الله وياك
ام اسماعيل: الله يديم هل ضحكه يايمه عليكم
حلا: امين يمه
ام اسماعيل: يله يمه كملي اليوم من وكت اريد اخذج العصريات ان شاءالله للدكتوره
حلا: ان شاءالله يمه
خلصت شغلي وتغدينه والعصر ودانه اسماعيل ضل بسياره ينتظر ويمه مسك فحصتني سونار
-الوضع طبيعي
ام اسماعيل: الحمدلله
-كلشي جيد وتمام بس نشوف جنس الجنين
ام اسماعيل: شيجي من الله انعم الله بس اهم شي صحته زينه الصحه وتمام الخلقه
-ووو راح تجيكم بنوته ان شاءالله
ام اسماعيل: ماشاءالله الحمدلله يمه اهم شي السلامه وتمام الخلقه
حلا: طلعنه وام اسماعيل تدعي
ام اسماعيل: الله يسهل عليج ويكومج بسلامه
اسماعيل: هااا بشرو
ام اسماعيل: لحمدلله صحتهم زينه وجايتك بنيه ان شاءالله
اسماعيل: الحمدلله المهم تجي سالمه وبخلقه تامه
ام اسماعيل: ان شاءالله يمه يتربن بعزك وتشوفهن عرايس
اسماعيل: امين يارب امين
حلا: بحملي ماكدرت توزع حلاوه لبشاره ع كولتها ام اسماعيل لان جانو بعدهم حزنانين ع زين العابدين الله يرحمه
بطريق رجعتنه من الدكتوره وكفت اسماعيل ونزلت لمحل لحلويات ونزلنه وياها
اسماعيل: ها حبيبتي شتردين اسويلج تشكيله حلويات هههه بعيوني
حلا: من كلي هزيت راسي اي ضحك عليه ام اسماعيل اخذت حلويات وبيتفور للتوزيع واخذنه للبيت وحد ورغم هذا اسماعيل سوه علبه حلويات معزوله الي
اسماعيل: هاي علبتج تصعديها يمج اخاف تستحين جوه تاكلين
حلا: ههههه لاعادي اكل
اسماعيل: ميخالف اكلي فوك واكلي جوه بالعافيه
حلا: رجعنه للبيت وسوت مواعين حته توديهن لحبايبها ام اسماعيل عدها هاي مثل العاده كل ماتسمع بشاره توزع حلو
وعدها احسن بشاره هيه بشاره الحمل
ام اسماعيل: اطيني يمه عباتي الحمدلله ربي انتضرها لهل بشاره وافرح بيها ربي كون ثنينهن كل سنه اجيب وحده واذا كل سنه اجيبهن ثنينهن ياريت ههههه
حلا: يمه كل سنه
ام اسماعيل: اي والله هيج كون امشي واتعثر بجهالكم
حلا: ههههههه
خالد: ضحكه خير ان شاءالله هااا امي لابسه عبايتها وصينيه حلو بشرونه
ام اسماعيل: اي والله الحمدلله ان شاءالله كل الخير اني ماوزعت من سمعت بشاره حمل اخيتك وديتها للدكتوره كالت بنت ان شاءالله جايه
خالد: ماشاءالله تكومين بسلامه خيتي
حلا: الله يسلمك
خالد: وهاي اني اول واحد ياخذ من حلو لبشاره
ام اسماعيل: وان شاءالله اوزع ابشاره مرتك عن قريب
حلا: اخذ من الحلويات اكل وصعد وطلعت ام اسماعيل توزع
ووره ماكملت شغلي صعدت حته انام اسماعيل ومسك صعدو قبلي
اسماعيل: ها مسوكه. راح تجيج اخت
حلا: ههههه ان شاءالله
اسماعيل: عدنه مسك شنسمي
حلا: والله مادري اسماعيل خلي انسمي مريم ع اسم امي
اسماعيل: حلو خوش اسم هذا هوه انسميها مريم
حلا: صدك اووف والله فرحت
فرحت ان اسم امي يكون لبنتي سولفنه شويه ونمنه حسيت هم ع صوت التلفون من كمت اشوفه شفت نفس التوقيت 3:30ونفس رقم البارحه
باوعت ع اسماعيل نايم فتحت الخط وحطيته ع اذني اريد اسمع صوت الي ده يتصل مره او رجال حطيته ع اذني من غير مااحجي
ضل مفتوح الخط من غير مااحد يحجي ونسد ومحد حاجي
انسد ورجع دك مره ثانيه التلفون
اسماعيل: ياساتر صوت التلفون حلا
حلا: ها اي اي هسه دك حس ع الدكه الثانيه وديته اله
اسماعيل: الوو
حلا: حطيت اذني ع تلفون وهوه ع اذن اسماعيل هم ماكو صوت صاح الو الو ماكو احد يرد
اسماعيل: الووو يمعودين احجوو منو شرايدين المن طالبين الوووو الووو انسد
حلا: منو ذوله
اسماعيل: ماعرف هذا مونفس رقم البارحه
حلا: اي نفسه
اسماعيل: رساله جتي
حلا: شنو يعني
اسماعيل: والله مادري منو
حلا: مكتوب برساله طالبيك الك
يعني يعرفوك
اسماعيل: مادري هسه ادك مغلق شبسرعه انغلق
حلا: شنو ماادري اسماعيل مبينه يعرفوك ممعقوله. هم راح تكول بالغلط اليوم مبينه يعرفوك وانت تعرفهم
اسماعيل: اعرفهم منين اعرفهم اني
حلا: والله مادري منين انت تعرف
اسماعيل: حلا والله ماعرفهم ذوله اكيد معاكسات وله اكو واحد يدك بهل وقت غير الي يريد ايعاكس
حلا: ومنين جابو رقمك
اسماعيل: والله ماعرف يجوز احد نعرفه ويشاقه ويانه اويمكن هيج دكو الرقم
حلا: هيج دكوه وسبحان الله طلع رقمك
اسماعيل: حلا شبيج ياعيني يعني لو اعرفهم مااكولج
هسه تلكي واحد من الولد جماعتي همه عدهم هيج دكات ناقصه يتشاقون عود وانتي واكفه واعصاب
حلا: والي من جماعتك متعرف رقمه
اسماعيل: حلا مادري اني ده اكول ايجوز
حلا: هذا الرقم البارحه دك واليوم دك ومن سئلت المن طالبين دز رساله طالبيك الك شنو معناها
اسماعيل; حلا شبيج مادري والله ده اكولج معاكسات بليل ايدكون ازعاجات وبس
حلا: هاا يعني قصدك بنهار مخابروك
اسماعيل: لاوالله
حلا: هااا
اسماعيل: شبيج حلا انتي تعرفيني شغله كذب اني ماعندي ولا احب اكذب وهذا التلفون بيدج شوفي لمكالمات كلها يمج تعرفيني مايوم مسحت شي انتي تلزمين تلفوني تمسحين الاتصالات ورسائل الشركه
حلا: شفت الاتصالات اخر اتصال من هذا الرقم البارحه بليل
اسماعيل: ههههه ماعندج ثقه بكلامي حلا رحتي تتأكدين من الاتصالات
حلا: لا بس
اسماعيل: حلا صدكيني لو اكو شي احجي ولو اعرف منو ده يدز ويتصل احجي لان مااحب اكذب تصبحين ع خير
حلا: يعني انت هسه الي زعلت
اسماعيل: مازعلت. بس عندي شغل واريد انام
حلا: تغطه ونام واني بيدي التلفون وصافنه ع رقم
ثاني يوم ماحجه شي اسماعيل طلع لشغله كملت شغلي ودكيت عليه اسمع صوت التلفون بالبيت سديته ورجعت ذكيت نفس الشي وكفت يم الدرج الصوت فوك
صعدت اركض شفته محطوط ع حطته مال البارحه ع رف الجربايه ليش مماخذه خليته يمي
وره ساعه دك اسم ابو تبارك وانسد ورجع دك فضول او غيره فتحت خط اريد اسمع صوت لمتصل
-الو ابو مسك شلونك
حلا: سديته بسرعه صوت رجال رجع دك دك مجاوبت
ودك رقم ثاني مكتوب عليه محمد اصباغ هم فتحت خط
-السلام عليكم ابو مسك
حلا: هم صوت رجال سديته. وضلو يدكون مافتحت خط بعد
مسحت من صندوق الوارده حته مايشوف اني مستلمه لمكالمه تضل حته بس لم يرد عليها
اجه ع غده تغده وصعد اينام
اسماعيل ليش عايف تلفونك
اسماعيل: ماريده بعد خلي يمج
حلا: شبيك تحجي كوه ويايه
اسماعيل: مابيه شي
حلا: يعني عود زعلان مني مو
اسماعيل: حلا عوفيني انام
حلا: مااعوفك اكعد حاجيني لاتجررالغطه وتنام
اسماعيل: شتردين حلا شتردين
حلا: شبيك
اسماعيل: متعرفين يعني شبيه
حلا: لا مااعرف شبيك
اسماعيل: اتشككين بكلامي حلا تروحين تتأكدين اذا حنت صادك لو كاذب
حلا: لامو هذا قصدي
اسماعيل: لعد شنو قصدج
حلا: اسماعيل غير اريد اعرف
اسماعيل: تششكين بكلامي
حلا: اسمااعيل مااقصد بس ضجت بسبب هذا الرقم الي يدك خلص لاتضل زعلان تلفونك هواي دك
اسماعيل: منو
حلا: هاك شوف فتح التلفون شاف المكالمات
اسماعيل: لاحول ولاقوه الابالله شكد عيب كم مره داكيم ادك عليهم عيب
حلا: كعدت ع جربايه يمه اتصل
اسماعيل: السلام عليكم حبيبي ابوتبارك
-هلاهلا ابو مسك وينك يمعود شكد دكيت عليك
اسماعيل: اعتذر منك التلفون مو يمي ماسمعته
-بس انفتح عليه خط
اسماعيل: انفتح خط
حلا: باوع عليه كمت من يمه بسرعه فتحت الكنتور ووكفت بحجه اطلع هدوم
اسماعيل: ماادري تعذرني
حلا: كمل لمكالمه وسده ورجع خابر ع ثاني رحت ابدل لمسك ونفس الجمله كله دكيت وانفتح عليه خط
ومن ايباوع عليه اسوي روحي مادري ادير وجهي والتهي بااي شي يصير كبالي
سده وماحجه شي حط راسه ع مخده وتغطه ونام
والعصر هم طلع وعاف تلفونه ومن رجع محاجاني انتضرت بس نصعد
اسماعيل سمعه سماعو
اسماعيل: شتردين حلا
حلا: شبيك ويايه
اسماعيل: اني الي شبيه لو انتي شبيج مو عيب تفتحين خط ع عالم ولهل درجه ماعندج ثقه بيه
حلا: لاموماعندي ثقه بيك بس تذكر انت شسئلت ذاك اليوم
اسماعيل: شسئلت
حلا: كتلي هاا تغارين
اسماعيل: الغيره وحد وعدم الثقه وحد
حلا: لاموعدم ثقه غيره غير رجلي واغار عليك
اسماعيل: حلا صدكي مو ابالي هيج سوالف اصلا تره
حلا: امممم يله فكها عاد لاتضل ضايج ومطنكر. حاولت اصلح الي صار لان الي عده شي مايترك تلفونه بالبيت ويطلع
بس بنفس التوقيت اتصل نفسسس الرقم ونفسس الطريقه يصيح الو محد يرد
اسماعيل: تره مصختوها اذا جنت ابن امك احجي منو انت شنو هل تصرفات مال الزعاطيط انسد
حلا: ماحجيت شي بس افور من داخلي
اسماعيل: اوكفي هسه اجي
حلا:. وين رايح نزل نزلت وراه اخذ تلفون ام اسماعيل من البوفيه وصعد ايدك ع رقم انغلق دك اكثر من مره انفتح دك دك محد يرد وبعدها جتي رساله لتلفون اسماعيل
&اووف عصبيتك تموت ماجنت ادري بيك هيج &
اسماعيل: استغفر الله ذوله منو امنين طلعولي
حلا: شفته عصبي محجيت ضليت كاتمه بكلبي بيومها مانام للصبح يدك عليه ساعه ينغلق وساعه ينفتح وبس رسائل يدز
&ليش سهران ليكون اني مسهرتك حته ادك عليه اني بس ادك عليك واسمع صوتك&
حلا :كدامي يفتح الرسائل ويعيط
اسماعيل: لك هذا ياابن كلب بهل ليل
حلا: داس ع كلمه رد وكتب اسماعيل
&انت منوو وشتريد&
بسرعه اجاه الرد
الرقم: &اريدك الك &
اسماعيل: &لك. بس افتح خط ياكلب وكلي منو انت&
الرقم: &اني وحده مو واحد وحده حرامات مجانت تعرفك زين يكولون الشغله من تروح لغيرك تعجبك يمكن اني هيج عجبتني من شفتك ويه غيري واريدك ويايه&
اسماعيل: &تفوووو شوفي من يامزبله جايه رجعي لمزبلتج ولاتتصلين بهل رقم بعد&
هذا باجر اكسره .واجيب جديد
بس اووووف اررقام شغلي كله بيه منين طلعولي ذوله انوب
حلا: يحجي ويايه وجته رساله
الرقم: &ده افكر بيك هواي موبيدي صاير تجيني بااحلامي &
اسماعيل: لك انعل
حلا: شدتسوي
اسماعيل: اطلع السيم. كارت اذبه
حلا: ليش اذا متعرفهم وماعندك شي بعد عليش خايف
اسماعيل: خايف شنوو شو ماتعرفين تحجين
حلا: اي لاتغيره ولاابد لاتهتم الهم وانتهى تغيره وبعدين مانعرف منو الي تراسلك
اسماعيل; حلا شبيج
حلا: مابيه عوفه موتكول ماعرف منو عوفه لحد مانعرف منو
اسماعيل: اتكول مااعرفه يعني مامقتنعه بكلامي
خلص مااغيره وخلي هيج بمكانه كدامج
حلا: لا تشيله اخذه وياك الي ماعنده شي ميخاف
اسماعيل: هم كالت تخاف لج بابا منين اخاف
حلا: قصدي ماتهتم يعني
ردته ايشيله اريد اشوف هم ينمسح شي من التلفون هوه مايمسح رساله لو تمر سنه اذا انمسحت رساله جديده ارسلت اله ونمسحت راح ينمسحن القديمات هم وبهل حاله راح اعرف ان اكو شي كعدنه الصبح ونزلنه التمينه ع ريوك
اسماعيل: خالد تلفونك
خالد; اي هاك
حلا: طلب تلفون خالد وطلع تلفونه دك الرقم واتصل
اسماعيل: الووو الووو
حلا: محد رد
اسماعيل: راح يخبلني هل رقم
خالد: شكو شبيك
اسماعيل: رقم خالد صار اربع ايام بنص الليل ايدك عليه
ام اسماعيل: ياساتر ليش شيريد
اسماعيل :مادري يدك عليه ميحجي ويدز رسائل
خالد: شيدز
اسماعيل: هاك اقره
حلا: اطه لتلفون لخالد
خالد: لك اخاف عدك معجبه وماندري هههههه
اسماعيل: يمعود اسكت دخيلك
خالد: هههههه مواتصدكين حلا هههه مبينه هاي شغله معاكسه
اسماعيل: والله راح اكسر السيم كارت بسبب هل دوخه والله لوما شغلي بي
خالد:. ليش تكسره خابر ع شركه بلغ ع هذا الرقم بعد مايتصل بيك
اسماعيل: شلون يعني
خالد: شبيك الشركه اتصل بيهم وكولهم هذا الرقم ماريده يتصل بيه يلغوه ماعرف يحطوه بقوائم سوده بعد ميكدر يتصل بيك
اسماعيل: لابربك صدك
خالد: اي والله يمعود كم مره سويتها اني وخلصت هم جتي فتره يدكون عليه معجبه ومن هل حجي اطيت لرقم طابع وخلصت
ام اسماعيل: يمه سترك ربي زين منين يجبون الارقام
خالد: عادي اي احد يجمع رقم ع رقم ويدك وشوف منو يطلع صاحب الرقم هذا هو يلزكله
اسماعيل: هسه ادك ع شركه
حلا: بيومها ضل ايدك ع شركه لحد ماحصلهم حته محله خابر العامل كله فتح انت
رد لرقم لشركه وراح لشغله بيومها بليل محد دك علينه
وعدن يومين احنه محد داك علينه باليوم الثالث بنفس التوقيت دك التلفون هم رقم غريب
ونفس الشي محد يجاوب
اسماعيل: شنو لقصه هذا غير رقم انوب
حلا: رساله جتي جريت التلفون من ايده
&لغيت رقمي من قائمه اتصالك عادي اسوي الف سيم كارت حته اسمع صوتك اسماعيل خلص انت عجبتني والي يعجبني اخذه يله ارتاح وانت اجيبك لدرب يله ارتاح &
ارقام تجمع شمدريهم بااسمك اسماعيل
اسماعيل: اهووو حلا ماخلصنه من هل شغله لج بابا مادري مااادري
شوفي ادك محد يرد
الرقم: &صار يومين مااسمع صوتك بس احلم بيك ويايه وياااايه تفهم شنو يعني ههههههه&
حلا: شنو يعني احلم بيك ويايه
اسماعيل: مادري حلا وهذا السيم كارت وانعل ابو الشغل والارقام
حلا: طلع السيم كارت كسره
اي كسره كسره حته لاانعرف هذي منوو
اسماعيل: ماريد اعرف منو اخلص من السيم كارت وخلص
حلا: هااا اي طبعا لان تعرف انت منو مايحتاج بعد
اسماعيل: حلا نامي احسن مابيه حيل مشاكل بنص الليل
حلا: عافني ونام محاجيته بس ضليت للصبح احرك بروحي منو وشنو وليش الصبح اتريك وطلع مانتحاجه احنه والضهر رجع عصبي
اسماعيل: عندي بضاعه لازم اخابر عليها والسيم كارت كسرته والرقم تاه عليه هسه
خالد: موكتلك لاتكسره خابر الشركه
اسماعيل: يمعود لغيته لذاك الرقم ورجعو اتصلو من غيره عليه انوب
خالد: هاا لك منو هاي الي هيج مدوخها انت ههههه
اسماعيل: خالد مو وكتك عوفني بحالي
خالد: ههههه لالا شغلتك مو خاليه شتكولين حلا
حلا: باوع عليه خالد غمزلي عود يضحك عليه اي اني هم اكول
خالد: ههههههههه اسماعيل معجبات عندك وماتكولي
اسماعيل: خالد اسكت مو وقت شقاك تره
خالد: هسه يطلع احد عرف ويريد ايضوجك شبيك بس غلط تكسر سيم كارتك وعليه شغلك
اسماعيل: والله مادري هسه شلون اتواصل ويه العالم
خالد: روح رجعه اخذ العقد مو عندك ورجعه
اسماعيل: لا ماريده اشوف شلون شسوي
حلا: ليش ماتريده
اسماعيل: مالي حيل دوخه ومشاكل حته تلفون مااشيل بعد
خالد: شبيك صلي ع نبي يمعود عادي خلي ايولون
اسماعيل: لو بس اعرف منو اله اكسر ضهره اليوم ضليت دايخ راحت البضاعه هسه عليه
خالد: ادري شبيك شهل اعصاب منو كلك كسره اذا هيج تتعصب
ام اسماعيل: يله يمه فدوه شسويله
اسماعيل: كسرته حته اخلص من الزن منو وشنو ومنين وتعرفها وتعرفك ارتاحي هسه هاي خساره هسه اذا مالكيت الرقم دافع عربون اني ومتفق ع تلفون يكصولي اصباغ هسه لازم ارجع اروح للشركه
حلا: واني شعليه اني كلتلك كسره انت كسرته
اسماعيل: حلا سكتي احسن واكفه ع راسي وتحققين
خالد: بس شبيك سهله اني وياك اروح الهم موعدك وصل منهم
اسماعيل: عندي بس وينه مادري موتدري دوخه لمخزن دايخ بي اريد اذب بضاعه رحت كصيت واتفقت ع تلفون ايدزولي
خالد: سهله يمعوود صلي ع نبي
ام اسماعيل: مايصير ياابني هل اعصاب ليس كسرته من البدايه اصفي شغلي لو انقل الرقم وادك عليهم .اتفق وياهم من الجديد عود اكسره
حلا: من ورايه كسرايه مالحك دك
اسماعيل: حلاا كومي تره اعصابي مفوره ودايخ
خالد: شكووو شبيكم اليوم
حلا: عفتهم وطلعت بعدني ماواصله للمطبخ سمعت ام اسماعيل
ام اسماعيل: شبيك ويه مرتك لبنيه حامل وتعبانه ليش هيج تعيط بيها
حلا: وكفت يم لحايط اسمع
خالد: غلط هل اسلوب ميصير كدامنه تعاملها هيج
اسماعيل: اوووف والله غصب عني هذا لمخزن تعبني رفوف وشغل يرادله بعد ماضاله عندي اعصاب
خالد: ولو كان ميصير
ام اسماعيل: اسماعيل مااقبل تعيط عليها كدامي ولا ورايه بنيه يتيمه مااقبل تره هيج تعاملها
خالد: كلام امي صح واكو شغله لاتزعل مني اني اعرف هيه موقصدها شي وبروح ابويه بهدوء تنبها عليها نضرتها فتحت عيونها غلط المقابل يحسبها تخزرك بينك. وبينها نبها عليها
ام اسماعيل: لالا تره طفله ماتقصد
خالد: اني كلت ماتقصد واعرف هيه طفله بس نبهه عليها وانت غلطان انك تعيط عليها كدامنه اضبط اعصابك عندك شي بينك. وبينها بغرفتكم مو كدامنه
حلا: ضجت من خالد من سمعته يحجي رجعت للهول
يمه اطيني مسك
ام اسماعيل: اي يمه اخذيها بلكن تنام وانتي هم تنامين فد ساعه ترتاحين
حلا: اخذت مسك من حضن ام اسماعيل وصعدت صعد ورايه اسماعيل بس ماحجه شي ويايه
ثاني يوم من الصبح طلع ومارجع غير لل ليل
اسماعيل اخذ مسافه من الرصيف بناها وسوالها باب صغيره ع شارع. بصفحه لمحل صار سواه مخزن يذب بضاعه بي حته يكون كلشي متوفر عنده وخصوصا الاصباغ وطبكه هوه ولمحل سوه ناس تدخل ع ناس بس بابه وحد ع شارع حته من تجي بضاعه وينزلون مايسدون باب المحل وينخبصون لا من باب المخزن يفوتون البضاعه اضطر ايرجع رقمه القديم واول ماانفتح بليل دك الرقم خفت احجي بعدنه مانتحاجه هوه زعلان واني محاجيته بعد
عدن اربع ايام وكاعدين ع غده
خالد: يمه ام ايات اليوم خابرتني
ام اسماعيل: اي يمه خير ان شاءالله
خالد: تكول تعال وكافي زعل ومن هل حجي ومقابله ع تصرف ايات ومرزلتها
ام اسماعيل: اي يايمه انتو طولتوها مصار شي وبنيه حقها ادري سوالف بنات شعدك حاط راسك بكلشي عيب يمه عيب خيات ابينهن ايسولفن يتسامرن
حلا: ضلت تحجي ع خالد وبيومها لمغرب راح خالد جاب ايات واجه
ام اسماعيل: هلا هلايمه نورتي حبيبه
ايات: يمه مشتاقتلج والله
ام. اسماعيل: عياره من هذا فكدتيني
ايات: هههه شسوي ماعندي تلفون والله
ام اسماعيل: جان خابرتي من اي احد من اهلج اني مودكيت ع امج وسئلت عليج وكتلج يمه ماتسوه لمشاكل بس اوف ياعنادج
ايات: هههه جنت تعبانه شويه يمه اعذريني والله حته امي نزعتني الاسود كالت حته نفسيتج تتغير لان كلش تأزمت نفسيتي
ام اسماعيل: اي يايمه قابل الاسود يرجع الراح طفل طير جنه
ايات: اووف الحمدلله اي شلونج حلا شلون حملج
حلا: الحمدلله انتي شلونج
ايات: الحمدلله اسماعيل وين شوماله صوت
حلا: ده يشتغل والله مو بنه مخزن وده يرتب بي
ايات: ها ماشاءالله
حلا: ضلينه انسولف لحد مااجه اسماعيل
اسماعيل: السلام عليكم
الجميع: عليكم السلام
ايات: هلووو اسماعيل شلونك شخبارك
اسماعيل; هاا ايات اكول البيت منور خيتي عوده ميمونه ان شاءالله هههه شلونج
ايات: الحمدلله اسئل عليك شخبارك
اسماعيل: الحمدلله الله يسلمج عيني حلا هلكان فدوه ركضي اطيني هدوم اريد اسبح وانام تعبان
حلا: اي تدلل ركضت نزلت هدوم وام اسماعيل بين ماسبح جهزت الاكل وسوتله لفه وهوه يصعد ع درج ياكل بيها وصعد نام قبل لكل اليوم كملت شغلي وصعدت نمت
بنص الليل دك الرقم اسماعيل مايدري بدنيا وين فتحت خط اني
الووو الوووو ماتحجون خرسان
انسد التلفون وحته رساله ماجتي ضل يومين اسماعيل يجي يسبح وينام ويطلع من الصبح
بس التلفون مستمر
اليوم رجع كال كملت وفرحان ان كمل لمخزن
اسماعيل; اووف واخيرا لوتشوف خالد شكد حلو نزلت البضاعه كلها من الباب الوراني الي بصفحه يعني وباب لمحل ولايمها نبيع ونشتري لاازدحام ولاهوسه
خالد: عاشت ايدك الله يرزقك
حلا: صعدنه اليوم سوه انسه الزعل بسبب فرحته ويسولفلي شلون سوه رفوف وكلشي ترتب بمكانه
اسماعيل: حلا حبيبتي ذني المفاتيح نسخه عن لمخزن اخاف اضيع مفاتيحي انساهن فديوم بالمحل واقفل ههه مسويها هواي اني تذكرين
حلا: ههه اي تكسر قفاله وتشد جديد
اسماعيل: هههههه اي والله هسه بعد باب لمخزن عدج لمفتاح اذا اضيعه اجي اخذه منج ديري بالج تضيعيه عيني
حلا: لالا لتخاف
نمنه وبليل الصوت الي صرت احلم بي قلق الي
حس اسماعيل
اسماعيل: وبعدين لاتجاوبين عوفيهم.
حلا: ضل ايدك وحده وره الخ رد محد جاوبه وبدت تجي مسجات
&اشتاقيتلك وينك مختفي صار كم يوم
كل يوم الوم نفسي الي كانت غافله عنك&
اسماعيل; استغفر الله صار كم مره الغي رقم يطلبون من غير رقم راح يخبلوني
حلا: شهر كامل احنه بهل دوامه اشتره خط جديد ونفس الشي ومن اشتره الخط صار الشك اكبر عندي وكامت تصير بينه مشاكل
وبنفس الوقت صارت توصل رسائل وقحه جدا
&لو انت هسه بحضني جان بست شواربك ومسدت باايدي ع صدرك وعضيتك وو……. &
واني افرفح وهوه يكسر سيم كارت ويجيب غيره والشهر صار شهرين
بعلاقتي ويه اسماعيل عاديه جدا يمكن هوه غشيم واني غشيمه ف اكو هواي شغلات نفتقر الها
وبنفس الوقت المستحه والخجل الي عندي
اسماعيل صار يطلب مني اشياء جديده مثل بوسيني منا حضنيني من هل حجي
بس المشكله جان اكو جزء من هل طلبات بالرسائل الي تجي
الي صارت كل مجالها تكون ماعرف شلون افسرها وصلت لدرجه تشرح علاقه كامله برساله وماكو شي ماسويناه الرقم يتغير ينحضر ويرجع غير رقم يتصل بينه
صارت لمشاكل تزيدبينه ان انت تعرفها وتريدني اكون مثلها
صار الكل يدخل حته يهدي بينه واسمع ميصير وعيب وينحجي عليه وعليه من ام اسماعيل وخالد وايات ولكل عرف بموضوع التلفون
صار ع حملي شبع شهور وام مازن عمت اسماعيل عزمت ام اسماعيل ع روحه. ل ايران يزورون الرضا سلام الله عليه 10ايام ويرجعون
سافرت ام اسماعيل
مشاكلنه صارت بالغرفه وصرت امتنع عن اسماعيل لان تفاجئت بطلباته الي ماضهرت الى مع ضهور الرسائل ومن اكول ليش
اسماعيل: هيج حبيت اجرب
حلا: وليش هسه يله صرت تطلب هيج شغلات
اسماعيل: ماجانن ببالي
حلا: ولرسائل خلتهن ببالك
اسماعيل: حلا عوفي موضوع الرسائل اني عاجبني مرتي تسويلي هل شي اريد اجربه
حلا: كل الي كمت تطلبه ضهر بعد الرسائل ليش تريدني اكون مثلها حته اعجب
اسماعيل: مثل منوو شبيج
حلا: مادري اسئل نفسك
اسماعيل: اهووو حلا شبيج
حلا: لاتلمسني ولاتوصلي خلي الرسائل اتفيدك
كل يوم تطلع شغله جديده وكلمه جديده اني لمجرد اقراهن احس بخجل وحرارتي ترتفع
ابوسك هيج واحضنك هيج واسويلك كذا وانام كذا وانت كذا كلام لاينطق ولاحتى يلفظ
يمكن صح شغلات من زواجنه لليوم من خلال الرسائل يله عرفت ان يصير هيج شي بين المرأه والرجل وان المره ممكن تتفنن ب اغراء الرجل من خلال حركات كانت تذكر برسائل
خلصن العشره ايام وباجر تجي ام اسماعيل
دك التلفون اتعلم اسماعيل يفتح خط يغلط يغلط ويسده
فتح خط يغلط وصار صوت بتلفون وانسد
واسماعيل صفن وبيده التلفون
اسماعيل شكو. حجو وياك
حط التلفون باايده ويباوع عليه
شبيك اسماعيل
اسماعيل: ما ممم ما بيه شي
حلا: سمعت صوت صار شنو هل صوت ماافتهمت
اسماعيل: لا مستحيل
حلا: شنو لمستحيل اسماعيل شبيك احجي وياك
اسماعيل: ها ها
حلا: شبيك
اسماعيل: مابيه شي
حلا: ليش هيج كمزت لعد من فراشك وكعدت كعود من صار الصوت شكالو الك
اسماعيل: الصوت اي بس لا شلون ممعقوله
حلا: هوه شنو شبيك
اسماعيل: عوفيني حلا
حلا: كام من يمي بسرعه وفتح الباب ونزل للمغسله ايغسل وجهه
شبيك
اسماعيل: مابيه ماااابيه عوفيني
حلا: لا بيك شنو حجو وياك
اسماعيل: محددد حجه لاتلحيين
حلا: لا حجو واني سمعت صوت صار كالو شي
اسماعيل: حلااااا الله يخليج تركيني هسه
حلا: ليش ها ليش
اسماعيل: اوووه
حلا: طبعا شوف شكالتلك الي ادزلك رسائل وانت تريد تسوي الي ادزه الك
اسماعيل: كافي
حلا: لامو كافي يااسماعيل هسه تفهمني شبيك
لاتصفن حاجيني موواحجي وياك جاوبني
اسماعيل: ببسس بسسسس روحي صعدي لاتوكفين يمي روحي
حلا: دفعني وعاط بيه خفت منه صعدت واني اباوع عليه بغضب ضليت الليل كله ابجي بيومها وهوه ماصعد نزلت كم مره شفته كاعد وحاطه ايده ثنينهن عكوسه ع زره وكفوف ايده ع راسه ومدنج بالكاع
الصبح نزلت شفته واكف بطرمه
محاجيته احضر بريوك وسويته واباوع عليه يحط ايده ع راسه من الاتجاهين وكأنه يضغط ع راسه
الريوك
الررريوك اسماعيل مجاوبني
عفته وكمت انضف بالبيت ب8يروحون طياره ام اسماعيل توصل
صوت الباب نزل خالد
خالد: صباح الخير ها شعدك. بطرمه من الصبح اسماعيل الووو يمعود
حلا: اسمعه يحجي ميجاوبه طلعت للطرمه صباح النور
خالد: هلا خيتي اسماااعيل وين صافن يمعود
اسماعيل: ها وياك وياك
خالد: شبيك وين صافن
اسماعيل: ها ماكو شي دايخ شويه
خالد: يله بدل اروح انجيب امي
اسماعيل: ها لا اني اني
خالد: شبيك اسماعيل وجهك اصفر عيونك حمر دم شبيك
اسماعيل:ماكو شي تعبان تعبان
خالد: روح طب نام وارتاح تجي امي تشوفك. هيج تقلق خطيه اني اروح اجيبها وحدي
اسماعيل: اي روح انت
حلا: تفاجئت انه ما راح رغم اتفقو يروحون سوه طبيت ماضل عندي شي بس امسح لمطبخ خالد طلع السياره وطلع
واسماعيل طب غسل وجهه ع سنك ولزم السنك كأنه يضغط عليه
وطلع اباوع عليه من الشباك وصل للباب
ورجع ضرب ع وجهه مثل الي لطم باايده ثنيهن
وراح ع حايط ضرب كصته بالحايط
اسماعيل شبيك
اسماعيل: مابيه شي طبي جوه عوفيني
حلا: عاط بيه رجعت لمكاني اباوع من الشباك شبي هذا اليوم بضغط ع راسه وانوب يضرب راسه من فوك كعد ع كرسي مغمض عيونه ويهز براسه خفت من منضره حسيته مجنونه
وفجأه فتح الباب وطلع ركضت اجيب حجابي ده اطلع اشوفه من طلع خالد شمرت حجابي ع درج بين مالبست وطلعت هوه مموجود طبيت جوه طلعت لماسحه وام اسماعيل مسويه مثل جادر الصلاه بي طباكه من الركبه بس الباقي مفتوح نلبسه من انضف الباب طلعته حته اغسل الطرمه وانضف الباب لاتجي ام اسماعيل
بعدني بنص الطرمه وسياره بالباب ركضت فتحتها عبالي جتي ام اسماعيل شفت خالد
هاا وينها امي
خالد: ههههه سكتي ناسي محفظتي
حلا: ههه حاجاني وصعد يركض جريت لمي وبيدي الجادر حطيته ع راسي فوك حجابي وصوت طبه ع درج رفعت راسي ايات نازله تركض شكوو ايات شبيج
……… .يتبع