ڪنا ﭑقرب مـטּ ﭑننـا نبعد، بقيـنا ﭑبعَد مـטּ ﭑننـا نقرب !! .
#للــكـاتــبة :yaqeen.hassan
#اســتاذي الـمـغـرور
قراءة ممتعة💞
✨•••••••••••••••••••••••••••••••••••••••••✨
_ شلونج حبيبتي.
نصدمت منة اول مرة يراسلني بعد مدز الصور
لحضات وجان اسمع شهكة سارة من وراي
سارة : ليال هاااااي شنوووووو
ليال : درت وجهي بسرعة وضميت الموبايل وراي باوعتلي بصدمة وجرت الموبايل وضلت تقرة اني من الصدمة ضليت متصنمة بمكاني
باوعتلي سارة هزيت راسي بلااا وضليت اهزة هيج ودموعي نزلت
ركض راحت يم باب الغرفة وهنا حسيت نهايتي
ضلت تصيح على بابا واحمد وماما واني ضليت ابجي واهز براسي لا لا
صعدو وهنا اني خارت شكو قوة بجسمي هنا بدة احمد وبابا يقرون الرسائل ويباوعون الصور اللي اني ممستحتههة رجفة جسمي جانت لا توصف جنت اهتز من الرجفة
احمد عيونة صارت يطلع منهة الشرار باوعلي بابا بياس لحضات مرت علية مثل السمممممم
خووووف ورهبةةةة ورعببب قووووي اجتاحني
ورة لحضة بابا راد يوكع لزمة احمد واني تقربتلة
الاب : لا تتقربين ماريد اشوفج
ليال : باباااا فدوة اسمعني والله هاي هو اني
احمد : لا تحجين شي لا تحجييييين شيييي لج شتبرريييييين جاوبينننني شتبرريييييين لج انتتتتت نزلتييي روسنةةةة بالطييييين
ليال : هنا بابا وكع واحمد نخبص بي هوة وسارة
وماما واكفة تبجي اخذو بابا وراحو واني هنا نهاريت بالكاع
اجة اليوم الللي جنت اخاف منة اجة اليوم الللي جنت ماريدة يجي ليش هيج ياربي ليششش
_اخخخخخخخخخخخخخخخخخخخخخخخ
صرخت بكل قوة عندي طلعتتتتت قهرررر الايام الراحتتتتت كلهااا
كمت ابجي بصوت عالي واضرب بالجرباية قوووي
ماكدر اوصفلكم مشاعري هناا لان ماتنوصف والله
بعد مرور ساعات واني على نفس حالي ابجي سمعت صوت بالشارع باوعت احمد وثائر عزااا رح يتعاركون صدك ثواني ولكيتهم متمددين بالكاع ويتضاربون احمد جان الوحيد اليضرب بس ثائر يدافع عن روحة مضرب احمد ابد سديت البردة ودنموعي كامت تنزل بغزارة اكثر واكثر
دخل احمد للبيت يعيط شوية وصعدلي باوعلي باستحقار
احمد : جنت اكول هاي تربيتي جنت اكول هاي مستحيل تكسرنة او تنزل راسنة جنتتتت اكوووول انييي واثقققق بيج اكثىررر من رووووحي ليييييش سويتتتتتتي هيييييج ليييييش شقصرنةةةة وياجججج
نطيناجحججج كامل الحريةةةةة الللي ردتيهةةةةة هيج تجازيننننة هيججججججج جاووووبي لج مداصدكككك واالله مداصدكككك انننننت تسوييييتن هيج شبقيتي لل *********
هاااااا شبيقيييتي احجييييييي اتمنى هسىة اجنزج هنا لو ما بابا والله جان دفنتج بس ماريد احجي اي شي انت نمحيتي من حياتنة من اليوم وجودج وعدمة نفس الشي فاهمممممةةةة انتتتتتت موووو اختتتتتتتتتتتتتتتي
ليال : يمكن من صدمة كلامة او من صراخة او من وجعي مكدرت استحمل وكعت من طولي ماعرف متت اغمى علية بس هوة طلع وقفل الباب قبل ليشوفني اوكع محسيت بشي
صحيت لكيت روحي بمكاني مددة بالكاع بنفس مكاني وصدرري مخنوووك لان مرشيت بخاخ صارلي هواي كمت من مكاني دورت البخاخ وكمت اكح وابجي ملكيت البخاخ
كحتي بدت تزيد شوية شوية واني قوتي مثل كل مرة تضعف وتضعف
مرت علية ربع ساعة اني اكح واحاول اخلي نفسي على قيد الحياة بس باخر لحضات وكعت وكمت اشهك بصوت عاالي يم الباب
_ مااااااااااماااااااااا حموووووت اااااااااااااااه ارييييد بخاخخخخخخ حموووووووت
ماكو جواب ماكو اي شي راحت الكحة بس حسيت شي مثل الباب نسد بصدري الهوة لا يدخل ولا يطلع
كمت ارجف بصورة مو طبيعية كان دتطلع روحي تشاهدت بعقلي
واخر دمعة نزلت من عيني دمعة بيهة كل معاني الالم والوجع
دمعة شالت شكو شي حسيتة بحياتي وتاذيت من وراه
هاي هية الدمعة نزلت وغمضت عيني وجسمي سكن واخر شي خطر على بالي اهلي................
.
.
.
.
.
.
.
.
.
.
.
.
.
صحيتتت
وغواشش قووي يحيط بعيوني
الغرفة بس بياض
رفعت ايدي وشفت هواي اجهزة بيهة
منها الكانونة
وهاي اللي تنحط بالاصبع مثل القراصة
تلمست وجهي قناع الاوكسجين
وبخشمي مثل الانابيب
حسيت بخنكة كبيرررررة اول مرة احس بيهة حتى الاوكسجين اللي داتنفسة مديكفيني شلون الحجر واكف عائق حتة النفس ميدخل للرئة هيج حالي
من الخنكة دموعي كامت تنزل لا اراديا ماحس بيهة من تنزل
المكااان هاددددددددى صمتتتت يحيط بكل زاوية وبس صوت الجهاز مال النبض يطلع صوت
احس روحي تهسترت من الهدوء ومن اتذكر كل للصار
تمنييت حضن ماما بابا تمنيت اشوف ضحكة احمد تمنيت اتعارك وية سارة كل هالاشياء ردتهة وتمنيتهة لان حسيت روحي فقدت كلشي وبس الامنيات بقتلي بهالدنيا
شوية ودخل قاسم علية باوعت وراه اريد اشوفهم اريد اللمح ضلهم
قاسم : حمد الله على السلامة شلون صرتي هسة
ليال : همست كوة واني حاطة القناع _ ب ابا و ماما وين
قاسم : احم ليال لتفكرين هسة
ليال : وي نهممم
قاسم : ماعرف اللي صاير وياكم بس همة هسة راحو كالو من تصير زينة نجي ناخذهة
ليال : خاف جنت متدمرة هنا تمدرت اكثر ضليت ابجي وقاسم يهدي بية
ماكدر اوصفلكم هاللحضات لان متنوصف
ماكدر احجي اكثر من هيج
ختنكت وهنا حسيت النفس نكطع فد مرررررة ضليت اشهك واحس روحي دتطلع على كيففف وقاسم نخبص بية ورة هالعذاب هم اغمى علية ومحسيت بشي
وهنا اكدر اكلكم تدمرت
ضليت 3ايام بالمستشفى
حالتي جانت صعبةةةةة لدرجة الاطباء يتعجبون على حالتيي بس ينشال القناع مال الاوكسجين من وجهي اختنك لحد ما يغمى علية
اهلي ابوي وامي واخوي واختي اللي مكلفو روحهم يزوروني جنت كل يوم عندي امل ان يجون يزوروزني واكول اي اهلي حيجون ميعوفوني وحدي همة واثقين بية
بس مجنت اعرف ان كل هذني مجرد حجج انطيهن لروحي بس حتى ابني امل
همة جانو كارهيني مطايقين وجودي يعتبروني عار عليهم
ثالث يوم اصريت اريد اطلع لان جو المستشفى خنكني اكثر دكو على احمد واجة اخذني لا حجة اي شي بس اخذني بالسيارة مصلحهة واجة بيهة
دموعي اللي صارت رفيقي بكل درب منشفت واني ادور على الخوف اللي بعيونة وينة وين حبة الي
اخر مرة حجينة كالي من تحتاجين تحجين اني يمج اريد اكلة هسة محتاجتك بس اعرف الصد هوة الوحيد اللي رح الكاه منة
وصلنة اللبيت اجة سندني ونزلنة دخلنة للبيت تلكتني ماما همات متحجي شي بس صعدتني لغرفتي وراحو ثنينهم
هنا الموت جان ارحملي من اي شي بهالدنيا تمنيت اموت ولا اشوف صدهم تمنيت يضربوني ولا اشوف هالعذاب
همة يعرفون اني ما انام الليل اذا احد زعلان مني همة يعرفون بس سوو هيج
بجيت وشهكت لحدد ما مليييييييت حرت شاسوي
حتى من لوجع كمت اشيل القناع واختنك واريد اموت روحي بس بلحضة استغفر الله واتنفس
من اكلكم جنت احس روحي تطلع على البطيئ
نفتحت الباب وكت الغدة فاتت سارة اللي هية السبب بكل شي ردت اصرخ بوجهة واكللهة ليشششش سويتي هيج بس مالي عين حطت الاكل وطلعتت
هنا بدت تمشي ايام عذابي يوم ورة يوم واني اذبل حالتي صارت سيئة من صدكككك يعني اذا القناع ينشال مني اموت
اكل ما اكل تجي سارة تخلي الاكل وتطلع او مو تخلي الاكل تجي تدوس على كلبي وجروحي وتطلع ميبقة الي اي نفس بالاكل كلشي بية ذبل جسمي وجهي وحياتي صارت عبارة عن وردة سودةةة
مر اسبوع عمامي وعماتي جوي شافوني واهلي مبينو اي شييي طبيعي كبالهم يحجون وكان كلشي مصاير
يروحون عمامي يرجعون لتعاملهم وياي
ورة ما تعبت من البجي مريت بحالة صمت رهيب صرت افكر بحياتي ومرات هلكد ما افكر تاخذني الافكار لحد ما اموت ارسم حياتي وية اهلي واتزوج بس اصحى والكة الواقع المر كبالي
كاعدة بالغرفة وصافنة على الشباك على بيتهم
اكول بداخلي ليش هيج سويت لان حبيتك
لان تمنيتك تكون الي
لان ردت حياتي تكون وياك
علمود هالشي ليشششش
انت مو جنت تكول انت اول حب بحياتي
جنت تكول انت الوردة اللي نورتي حياتيي
جنت تكول انت سبب ضحكتي
ليش سويت هيج مدام هيج جنت تحجي
يعني اني اكدر اسوي هيج بي
اكدرررر مستحيلللل مستحيل ااذي شخص احبة وخصوصا ثائر
بدت ذكرياتي ترجع من جنة نحجي باخر فترة
تذكرت من حجة وياي عن الهدية ومن حجة بالسيارة
تذكرت كل غمزة منة كل ابتسامة
بتسمت لا اراديا
بس صحيتتت على روحي وتذكرت عذابي واني اشوف الصور تذكرت كلام احمد اخخخ هذا اللي يدك بكلبي
صرت اردد بداخلي اكرهة اكرهة اكرهة
صحيت على احد فتح الباب باوعت ماما فاتت فرحت لان همة ميفوتون بس وقت الاكل
كعدت بصفي بتسمت
الام : باجرر حضري روحج الصبح تروحين للمدرسة اخوج ديسوي اجراءات نقلج
ليال : وخرت القناع واني مصدومة _ ا اي نقل منو ينقلني
الام : معليج المهم باجر كعدي الصبح وبدلي ونزلي وية اخوج
ليال : راحت واني ضليت صافنة توقعت ان احمد حينقلني لغير مدرسة حتة ما اشوف ثائر فرحت شوية
بس مجنت اعرف السر ورة هالروحة
هديت وكلت بلكت هاي خطوة زينة
كمت من مكاني كوة لان جسمي بي نحول موطبيعي رحت للحمام توضييت مكدرت اصلي واني واكفة لان ادوخ فد مرة كعدت بالكاع ماعرف شلون اصلي واني كاعدة ماعرف جنت عبالي ان بيهة غير خطوات
مصليت قريت قران هواي دعيت من الله اهلي يرضون علية بجيت شوية ودعيت تطلع برائتي
كمت ورة تقريبا ساعتين مددت بالفراش ونمت وتمنيت باجر يوم اجمل
بس هية تضل امنية للابد..........
كعدت الصبح على المنبه تذكرت احمد من جان يكعدني كمت كوة احس رح اتخربط باي لحضة شكد نقهرت زين ماما مو تدري بية هيج ليش متجي تساعدني كوة كوة كوة بدلت الة تعذبت و نفسي نكطع يلة خلصت عفت شعري مفلول ولبست كلاو
اخذت القنينة مال الاوكسجين الصغيرة واخذت البخاخ ونزلت حتى ما اخذت جنطة لان مستحيل اكدر اشيلهة نزلت وهاي اول مرة من اول ما رجعت من المستشفى
نزلت وخايفة ماعرف ليش ولا كان هذا بيتي الي جنت افتر بي واكمز واضحك هسة اخاف انزل بي
باوعت كاعدين ياكلون بابا وسارة واحمد نزلت بهدوء ومدنجة نتبهولي بس محد حجة رحت للمطبخ كوة حابسة دموعي ضليت شوية هناك انتضرة يكمل
احمد : امشي ركبي بالسيارة
ليال : مشيت وشوية وابجي من اسلوبة يربي ليش هيج رحت ركبت بالسيارة ورة وهوة ركب الطريق هدوءءء احمد عاكد حواجبة ومبين مطايق الروحة وياي واني حاطة القناع واتنفس وكوة مصبرة دموعي حتى متنزل وصلنا للمدرسة وجنت الشي الوحيد اللي اريد اشوفة هوة ردة فعل ثائر اذا شافني هيج شحيسوي
دخلنة وهنا ثائر طلع بوجهنة ضل صافن علية ومبين مصدوم همزين احمد دخل بسرعة منتبه واني دنجت ومشيت رحت للشعبة البنات نصدمن بية لان صارلي كومة ممداومة ضلن يسالن بالاخير جتي فرح
فرح : شبيج
ليال : مريضة
فرح : شسوو اهلج من درو
ليال : باوعت عليها وحسيتها تحجي باستهزاء
_ وصلي كلامي لعمج وكليلة هسة ارتاح لان الردتة صار ردت تدمر علاقتي باهلي كليلة تحقق هالشي يكدر يرتاح روحي كليلة
فرح : وعمو شعلي مو انت المراسلتة
ليال : لا تحجين شي انت ما تعرفي روحي
فرح : لتخافين اعرف كلشي
ليال : لو جنت تعرفين كلشي ماجان سويتي هيج _ وكعت دموعي وحطيت القناع اتنفس اجت بنية كالت استاذ احمد يصيحج رحت الادارة سوينة ماعرف اوراق مال للنقل اخذتهن وكعدت برة على الصبة اباوع عليهن واتحسر
واباوع على الصفوف كلهم ديدرسون واني كاعدة برة وحدي رجعت ذكريات المدرسة تتصادم بالي واتذكر هنا ركضنة هنا ضحكنة هنا لعبنة طوبة هنا ترزلنة بذيج الشعبة اول يوم شفت بي ثائر كلشي هنا بهاي المدرسة
كمت ابجيي واني مدنجة واجة كلشي على بالي الحفلة مال عيد المعلم شلون تونسنة ذكريات فرح احمد صديقاتي كلشيي
صحيت على صوت احد رفعت راسي شفتهة فرح
فرح : تعالي وياي للحمام اخاف وحدي
ليال : ماعرف شنو السبب ورة طلبهة فاجئني كمت وياهة بدون ما احجي لان اعرف فرح جبانة تخاف من اي شي صارت هية وراي واني امشي ليكدام وشايلة القنينة مال الاوكسجين فتتت للحمام وحسيت نجريت من ايدي درت وجهي وباوعت
جان اشوف ثائر هنا تراجعت ورا خطوتين من الرعب والصدمة
ثائر : شنو الكايلتة لفرح احجيي
ليال : ليش شنو ضجت استاذ_ حجيتهة باستهزاء ودموعي اطلقت صراحهة
ثائر : ليااااال لتتخبلين علية احجيللللي شنو الصار الللي مو لفرححح شسوالح احمد شنوووو هالحالة اللي انت بيهة ليششش هيج وضعج ليششش رح تنقلينننن احجييي
ليال : جااااااي تسالنيي انت متعرففف انتتتت السبب بكل هذا انتتتت الدمرتنييي انتتت السببب بكل حالتييي هااااي بسبببك روحي جاي تطلععع كل ييوووم بسبببك هذذذااااااا _ رفعت القناع _ هذاااااا مدينزلللل من وجهييي بسببك انتتتتت
ثائر : ليال اهدي اني مدخلني
ليال : خلاااص كااافي لتحججي شيييي كلشيييي انتتتتهة بيناتننة كااافي الصارررر ويااااااي بسبببك خسرررت اهللللللي بسبببك
ثائر : ليالللل انيييي حبيبيحججججج ومستحيل ينتهي اللي بينة
ليال : لااااااا انتتتتت مووووو حبيببببي انتتتتتت السببببب بدمااار حياااتي تركنننني بحاللللي خلاااااااص مستحيلللللل تشووووووف وجهههههي بعدددددد بحياتك مستحيلللللل اكرهههههههههههههههههههههههههههههك
_ يمكن صرخت بكل قوة عندي ودموعي جانت تنزل وية كل كللمة درت وجهي داروح لزمني من زندي قوي وقربني علي
عيونة جانت تطاير شرار
وغضب الدنيا كلة بيها متوقعت اشوفة بهيج حالة ابد حجة بنبرة دخلت الرعب لكلبي
ثائر : رح يجي يوم واندمج على كل كلمة كلتيهة ورح اشوفج ثائر بوجهة الثاني انتضريني ليال انتضريني
تركني وراح مشيت ودموعي تنزل والخنكة صعدت والنفس مدينجر عندي بس مهتميت لاي شي بس كلبي المكسور هوة اليوجعني خسرت اهلي وخسرتة وخسرت صديقتي الجانت حاضرة كل هالحدث ومحجت شي مجرد كتفت بالسكوت نتهت حياتي من هاللحضة نتهتتتتت
.
.
.
.
.
.
.
.
.
.
.
كعدت بالغرفة ورجعت ذاكرتي لقبل يومين بالمدرسة لقائي وية ثائر
ضليت افكر وافكر بحجية والوم نفسي واكول ليش ماكلتيلة هيج وليش ماكلتيلة هيج واضل افكر لحد ما اتعب وانام
ضلت حالتي نفسهة بالبيت وزادت همات من اجة قاسم رزلني وحجة وية بابا وكالة رح تموت
بس بابا صدمني من كالة شغلة
_ لتخاف مبقة شي وترتاح
هنا اني راح تفكيري بثائر وراح كلشي بقة بس كلام بابا يرن باذني
شنو قصدة . . . . . . . . . . . . . .
ثالث يوم ورة روحتي للمدرسة صعدت ماما وسارة يمي همات نصدمت لان مصاعدات ابد يمي
كعدت ماما يمي حجت هنة يمكن 10 كلمات او اكثر بس يمكن رفعني لسابع سما وضربنييي بالكاااع قوي هذا الاكدر اكولة
الام : حضري روحج باجر رح تروحين يم خالج قيس هناك تعيشين يمة للابد
ليال : ...................
يتبع......
✨•••••••••••••••••••••••••••••••••••••••••✨
لهنا ينتهي البارت 💛
اتمنى يعجبكم لتنسون الايك والتعليقات وتابعو حسابي
اول شي اني حاليا ماعرف شجاني صارلي يمكن نص ساعة صافنة واكول اليوم موعد النشر لو باجر وردت ما انشر والله صاير بية زهايمر قووي 😂😂😂😂😂 عاد نشرت وكلت ميزيد عليكم
ثاني شي اني فرحانة هووواي تدرون ليش كولو ليش
لان احمد صلح السيارة 😂😂😂😂
كتبو بالتعليقات مبروك
والله السيارة احسهة واحد من ابطال القصة يعني من صارت المصايب احمد فكر يصلحهة ههههههه
المهم كافي يلة حجيت هواي باااااي
احبكككككم هوووووواي 💛💛💛💛☁
~الــكـاتـبة : yaqeen.hassan~