#خيوط ام حبال
البارت الخامس عشر
ل ورد العامري
حلا: شلونك منتظر
منتظر: هلو حلا شلونج
حلا: اني زينه انت شلونك شخبارك تقربت عليه اريد ابوسه رجع ليوره
منتظر: زين الحمدلله
حلا: رد السلام وراح لغرفته رجعت للمطبخ يم امي
ام. منتظر: طب لغرفته
حلا: اي
ام منتظر: الحمدلله ع كل حال اي يمه بعد شخبارج
حلا: الحمدلله كلشي زين انتي شخبارج وشخبار مرتضى
ام منتظر: لحمدلله يمه
حلا: شبيج شو من اجه منتظر طب للغرفه وانتي عبالك تغيرتي صاير شي
ام منتظر: لايمه لاتخلين ابالج ماكو شي رجلج شلونه
حلا: اسماعيل زين الحمدلله ويسلم عليكم هواي
ضلت تحجي ويايه وتسئلني كعدت بالكاع تنضف الخضروات بين ماتستوي الدولمه وجتي سهام بيدها جداري ثنين صغار طبت للمطبخ وهيه شايلتهن
وكفت ع طباخ حطتهن وراحت للغرفه ورجعت بيدها خيار وطماطه وبصل
ام حلا: الجو بارد والله
حلا: اي بارده اجيب الصوبه هنا
ام حلا: لاهسه يدفه المطبخ خليها ادفي الهول
حلا: امي تسولف ويايه واني عيني ع سهام حمت الاكل وسوت زلاطه وحضرت صينيه شالتها ودتها للغرفه ورجعت. بوصله شالت الجدوره دخلتهن هم للغرفه ماما شنو منتظر بعده ياكل بالغرفه
ام حلا: اي يمه عزلو اكلهم وحد تركب مرته اله والها
حلا: شلون يعني هسه انتي اطبخين وحد وهمه. وحد
ام حلا: اي يمه اني ومرتضى وهوه ومرته احسن الي يمعوده اركب ع كدي اني ومرتضى وهيه تحير برجلها
حلا: يعني هسه هاي الجدوره هيه مركبتهن
ام حلا: اي يمه تركب وتشيلهن اضمهن بغرفتها هوه يتسوك وهيه اطلع وتطبخ وتضم الاكل بغرفتها
حلا: ووين تحط الجدوره وهسه طلعت بصل
ام حلا: شمدريني يايمه تحطهن بكنتور بمجر مادري
حلا: عزه بصل بالغرفه ومخضر واكل اخاف اشتره ثلاجه
ام حلا: لايمه وين اميله هوه كال لمرتضى اني اكل ما اكل وياكم بعد مادفع مصرف اني ومرتي وحد اكلنه وشربنه واطيك بس نص الايجار تعالي نكعد بالهول لو خلي اصب من يجي مرتضى وحده يتغده
حلا:لالا ننتضره ليش
ام حلا: اخاف جعتي
حلا: لاوالله موجوعانه
بالممر احنه وطلع منتظر راح للمغسله ايغسل
دخلت للهول واجه ابالي من طب ماحجه ولاسلم ع امي وهسه شاف امي وهم ماحاجاها
يمه شنو متحجين ويه منتظر
ام حلا: هههه لايمه هوه مايحجي ويايه
حلا: ماافتهمت
ام حلا: اكولج هوه ميحجي ويايه ايطب ويطلع حته سلام مايسلم ولايلتفت ولايندار ويباوع بوجهي
حلا: دموع امي نزلن لزمت ايدها لاتبجين
ام حلا: لايمه عليمن ابجي يمعوده احسلي اني مرتاحه
حلا: مسحت دموعها بسرعه كالت احسن الي بس طلعت حسره حسيتها كانت تعتصر داخلها وطلعت حرقت خارجها
ليش هسه محاجاه مرتضى
ام حلا: لا يمه خلي براحته ايييي لاتخلي ابالج ماكتلج منال انخطبت
حلا: صدك شوكت
ام حلا: والله يمه مادري بس شفت ام مالك كالت اتففو ابوها وعمها وبينهم مسوين كعده وع اساس 6شهور يضلون وبعدها تتزوج
حلا: اهااا وره ست شهور يله تزوج
ام حلا: اي رايديها هسه بس خطبه لان جايتها قسمه ورافضيها ورايح ابوها لعمها كايله بس خطبه بينهم حته العالم تسمع ومحد يجي بعد عليها
حلا: الله يسعدها هيه مااجتي شكد جنت متمنيه انها تجي بالحنه وبالعرس
ام حلا: معذورين يمه اني شافتني ام مالك وتعذرت مني ع كولتها جنه اريد والله ماراد قسمتج الحمدلله احسن وزينه بعد الي راح خلي ايولي رجلج هسه الله يحفظه الج ويسعدج وياه
حلا: اسماعيل حباب اي والله الحمدلله
ام حلا: لحمدلله يمه سبع سعادات ان شاءالله
حلا: حسيت امي رادت تفتح اي موضوع حته تسد موضوع منتظر ومن انتبهت ع الموضوع الي فتحته سدته بسرعه بس بالفعل عمار مايعنيلي بعد فرحانه بااسلوب اسماعيل وتعامله ويايه وتعامل امه والكل الحمدلله
ضلينه نسولف لحد مااجه مرتضى من الباب صاح
مرتضى: يمه
ام حلا: هلايمه بالهول
حلا: كمت اتلكاه طلعت من الهول جانت يم باب دخول البيت يذب حذائه شلوونك
مرتضى: هلااااااووو ياعروس شلونج
حلا: تقدمت عليه بوسته وهوه بوسني
مرتضى: شخبارج شوكت جيتي
حلا: الصبح انتي شلونك
مرتضى: الحمدلله زين خوما تغديتو
ام. حلا: لايمه ننتظرك اختك كالت نتغده سوه
مرتضى: اي زين سويتو يله اسبح وصبو نتغده
حلا: دخل يسبح وامي حضرت الغده والتمينه نتغده سوه
مرتضى: رجلج شلونه
حلا: زين ايسلم عليكم
مرتضى: الله يسلمه وعيالج شلونهم وياج
حلا: زينين الحمدلله
مرتضى: اي زين الحمدلله تباتين
حلا: لا بليل يجي اسماعيل
مرتضى: هاا براحتج
حلا: شلون شغلك
مرتضى: والله الحمدلله
حلا: الحمدلله
تغدينه وشربنه جاي ونمنه ساعه العصر كعدنه نشرب جاي وطلع مرتضى ورجع
مرتضى: حلااا
حلا: هااا
مرتضى: هاج جبت لبلبي وباكله ادري بيج تحبيهن فرغيهن وتعالي
ام حلا: جيب اني افرغهن ليش تكومها
مرتضى: ليش شبيها ماتندل لمطبخ هههه كعدي هيه اتجيب شنو. ازوجت بعد ماانصخرها
حلا: هههه كعدي اني افرغهن فرغتهن بمواعين وحطيتهن بصينيه وكعدنه بالهول ع تلفزيون منتظر وسهام محد طلع بيهم بعد ساعه 6اندكت الباب طلع مرتضى يشوف منو
مرتضى: يمه اسماعيل
ام حلا: اي خلي ايفوت
مرتضى: اي ده يقفل السياره فوت فوت اسماعيل
اسماعيل: السلام. عليكم شلونج عمه
ام. حلا: هلاا يمه وعليكم السلام شلونك شخبارك
اسماعيل: الله يسلمج يمه بخير انتي شخبارج
ام حلا: لحمدلله
حلا: شلونك
اسماعيل: هلا حلا ها جاهزه نمشي
ام حلا: وين بعدك ماكعدت من الباب
اسماعيل: والله هسه عزلت ومريت اخذها واروح للبيت
ام حلا: الله يساعدك بس ماتروحون تتعشون هنا
اسماعيل: غير مره والله تعبان
ام حلا: لا شنو هاي ميصير
مرتضى: خليهم براحتهم يمه
اسماعيل: يله يابه
حلا: بس ابدل هسه بسرعه
اسماعيل: يله عيني
حلا: بدلت ع سريع وطلعت كاعد بالهول جان اسماعيل ومرتضى يمه طلع قبلي اسماعيل ووراه مرتضى
ام. حلا: مااوصيج بعد يمه ع بيتج ورجلج
حلا: لايضل بالج وانتي لاتنقهرين من شي
ام. حلا: لالا ماكو شي يسوه لاتفكرين بشي انتي لايضل ببالج
حلا: بوست امي ومرتضى وصعدت بسياره سلمنه وطلعنه تحركت السياره شويه بعدت ع باب اهلي
اسماعيل: ها حبيبتي شلونج اليوم
حلا: زينه انت شخبارج
اسماعيل: اني اخباري اليوم فكدتج ع غده كلت هسه تتغده ومااجي ع بالها
حلا: هههه لاوالله جيت ع بالي كلت ايحب اسماعيل الدولمه بس انت كلت مااجي
اسماعيل:الف عافيه كلت تاخذين راحتج تشوفين امج واخوتج
حلا: لاعادي جان انت هم جيت ويانه ع غده
اسماعيل: غير مره
حلا: وين راح. نروح شو ع شارع العام
اسماعيل: ناخذ عشه من بره ونرجع بالبيت نتعشه ويه امي خطيه هسه وحدها ضالها
حلا: ليش. وحدها
اسماعيل: ايات وداها العصر خالد تبات يم اهلها وضلت وحدها بالبيت من طلعت للمحل ورايه اجه خالد بس يعني انتي او ايات تلتهي امي وياجن اكثر من عدنه هسه شتحبين تتعشين
حلا: مادري بكيفك
اسماعيل: كص كباب دجاج تكه شتاكلين
حلا: والله مادري بكيفك
اسماعيل: انتي شتحبين شتأكلين
حلا: اي شي والله
اسماعيل: هههه ماشي ضلي بسياره هسه اجي
حلا: نزل للمطعم واني بسياره ضليت كاعده اتفرج ع شارع اجه شايل كياس حطهن ليوره وصعد بسياره
مشينه مسافه ونزل جاب كرزات
ورجعنه للبيت فتح الباب وطبب السياره نزلت بالطرمه وطلعت ام اسماعيل فتحت باب المطبخ
ام اسماعيل: ها يمه جيتوو
حلا: السلام عليكم
ام اسماعيل: هلا يمه هلا حلا شلونج وشلون اهلج امج شلونها ان شاءالله زينين
حلا: الحمدلله يمه يسلمون عليج
اسماعيل: ها يمه الله يساعدج
ام اسماعيل: هلا حبيبي يمه
اسماعيل: جبت عشه ويايه
ام اسماعيل: شلك بي يايمه اخوك هم جاب عشه وياه وجنه ننتظركم
اسماعيل: يله ماعليه شي وين خالد
ام اسماعيل: راح يجيب جكاير هسه يجي
حلا: صعدت ابدل واسماعيل راد هدوم يسبح نزلت ويايه بنزلت الدرج صار كدامي خالد فايت من المطبخ ده يروح للهول
خالد: شلونج خيتي
حلا: الحمدلله
خالد: الاهل شلونهم ان شاءالله بخير
حلا: الحمدلله يسلمون
خالد: الله يسلمهم ها سمعه
اسماعيل: هلا ابو الخل
خالد: باجر اطلع وياك للمحل اريد كم شغله
اسماعيل: المحل وصاحبه كدامك
خالد: حبيبي صاحبه يميني وسند ضهري وهوه كدامي اريده واحتاج بس شوفته بخير
حلا: اسماعيل باس راس خالد
ام اسماعيل: الله يرضه عليكم كومي يمه انحضر العشه
حلا: اني بس افرغه يمه ماعدنه شي
ام اسماعيل: ميخالف يمه ميخالف
حلا: رحت وياها للمطبخ حطت الجاي ع عين ناصيه وفرغت الاكل اسماعيل جاب كباب وخالد جان جايب كص دجاج وكص لحم فرغناهن ووديت الصينيه التمينه اتعشينه كلنه كمت شلت الصينيه خالد واكف بالمطبخ ايصب جاي
اني اصب هسه
خالد: عادي عادي كملي شغلج اني صبيت الهم ويايه
حلا: صب الجاي وهوه وداه ل عمتي ول اسماعيل خلصت المطبخ ماعدنه شي اليوم اصلا
وده امسح البيت
ام اسماعيل: لااتعبين نفسج يمه مسحت اني العصر مابي شي
حلا: ميخالف قاط واحد اخذه
ام اسماعيل: بكيفج حبيبتي
حلا: كملت وطبيت سبحت وصعدت فوك ورايه صعد اسماعيل بيده كيس وماعون فواكه ولفه
اسماعيل: هاي اللفه امي سوتها الج والفواكه هم كالت مااكلت زين اخاف تجوع بليل وهاي كرزات اني جبت تلتهين بيها
حلا: لاوالله اكلت ماكدر بعد
اسماعيل: خليهن ميخالف
حلا: ليش مااطيت الكرزات لخاله عيب صعدتهن
اسماعيل: لاحبيبتي جبت ل امي وحد والج وحد نفس النوعيه ونفس الوزن بس كل. وحده كيس
حلا: عاشت ايدك
اسماعيل: هسه عوفي هل حجي كوليلي شصار وياج اليوم
حلا: ماصار شي
اسماعيل: شفتي منتظر
حلا: اي
اسماعيل: موجود بالبيت يعني
حلا: هاا اي نايم بغرفته
اسماعيل: ههههه عادي بس تصدكين صدمني منتظر مجان هيج من سنين اعرفه ناكل ونشرب ونطلع سوه شغيره هيج بالبدايه جان مرحب بالموضوع واني فرحت صديقي راح يصير نسيبي بس مادري يله الله يهديه ويرشده ع طريق الصحيح
حلا: ان شاءالله هوه حته بالبيت ويه امي
اسماعيل: ياساتر شبيج ليش تبجين
حلا: ضليت صابره كدام امي ماردت ابجي واقرها وجاريتها من غيرت الموضوع بس كل مااذكر الي صار وقهرت امي اختنك ومن انفتح موضوع منتظر مكدرت اصبر بعد بجيت
اسماعيل: حلا شبيج عيني شصاير
حلا: منتظر مايحجي ويه امي حته سلام مايسلم عليها
اسماعيل: اخخ ليش
حلا: مادري من عرسي وولليوم ميحجي ويه امي وحته لمصرف صاير مايطي وعازل اكله واكل مرته
اسماعيل: لاحول ولاقوه الابالله مع الاسف يامنتظر ماجنت متصورك هيج تسوقك مره مو انت اتقودها هيه تقودك لازعلين حلا مني بس احترك كلبي عمتي ماتستاهل والله ع عموم اي شي تحتاجه امج بس كوليلي
حلا: لالا هيه ممحتاجه شي ومرتضى
اسماعيل: حلا سمعيني مثل ماامي صارت مثل امج امج هم بمقام امي وان شاءالله ماتحتاج بس رضا الله ومغفرته بس ده اكولج ماكو فرق بعد بين امج وامي
اروح باجر لمنتظر احاجيه
حلا: هاا لالا امي كالت هيج احسن تكول ان هيج مرتاحه
اسماعيل: لااله الاالله والله افكر احاجيه واخاف ايفشلني لان مو منتظر الي اعرفه كأنه اتغير تغير جذري وضل بس الشكل كلشي بي انقلب وتغير
يله لاتنقهرين عادي مشاكل بيت ماتضل هسه كم يوم ويتصالحون
حلا: ان شاءالله يارب
نمت وكعدت الصبح اليوم عطله فنضل لل9نايمين ميكعدون من الصبح
نزلت شفت ام اسماعيل مجهزه الريوك نزلو الولد وتريكنه سوه وبعدها اسماعيل وخالد طلعو سوه
ام اسماعيل: عليه المطبخ اليوم
حلا: لايمه اني هسه اكمل
ام اسماعيل: لا روحي كملي البيت انتي ميصير كله عليج
حلا: والله عادي
ام اسماعيل: لايمه لا روحي عيني يله مسحي انتي
حلا: مسحت البيت وهيه نضفت المطبخ وطلعت ع طرمه غسلتها ونضفتها
اجه حمايه خالد
ام اسماعيل: خالد يمه الك طلعه بعد
خالد: ليش تردين اروح اجيب شي
ام اسماعيل: لايمه ده اروح للسوك ماريد اعوف اخيتك وحيدها بالبيت اخاف احد يدك الباب تريد شي
خالد: اروح بمكانج اني
ام اسماعيل: لايمه اني اروح بس لبنيه بعدها ماتعرف اهلنه واليوم جمعه اخاف يجي احد وهيه وحيدها
خالد: روحي يمه اني هنا كاعد
ام اسماعيل: حلا يمه اخوج هنا بالبيت هسه اني مااتأخر ان شاءالله ماتردين شي اجيبلج ويايه
حلا: لالا شكرا
ام اسماعيل: ولج احجي يمه مشتهيه شي تردين اطبخلج شي
حلا: والله ماريد شي
ام اسماعيل: تعالي تذكرت اني اليوم ناويه اسوي سمج وتمن احمر اخاف ماتحبين السمج
حلا: لالا احبه
ام اسماعيل: اكيد
حلا: اي والله احبه
ام اسماعيل: خوش يمه اني رايحه
حلا: الله وياج طلعت واني طبيت خالد كاعد بالهول صعدت فوك نضفت غرفتي ونزلت هدوم غسل عندي نزلت جان ده يحجي بالموبايل غسلت لهدوم وده اصعدهن
خالد: اني اصعدهن خيتي
حلا: لالا اني هسه اصعدهن
خالد: اطيني اني اصعدهن الج
حلا: خفيفات والله
خالد: هدوم شتويه شلون خفيفات ههه اني اصعدهن
حلا: اخذ مني السله وصعدها ام اسماعيل من قسمت الشغل وحجت ع هدوم كالت منو بيجن تفتح غساله ماتكول هاي مالتي وذني مومالتي انتن خوات ثنين بهل بيت الي تفتح غساله تحط هدوم اخوها واختها وياها واوكفن سوه تعاونن ع غسلهن وشرهن كم مره من انشغل غساله اني وايات وحده تشطف وتنشف والخ تصعد اتشر
كل وحده عدها سله بغرفتها انحط بيها هدومنه بس الولد مرات يذبون هدومهم جوه
لكيت بس بنطرون وقميص لخالد وتراكسود لزين غسلتهن ويايه بالغساله عمتي هيه بيدها تغسل هدومها من اطب تسبح تطلع غاسلتهن وياها وتصيح بس علينه انشرهن
صعدهن للسطح حطهن بسطح ونزل
شكرا
خالد: تدللين خيتي
حلا: استحي منه وقليل احجي وياه بس احب كلمه خيتي من ايكولها وبنفس الوقت احترمه واستحي منه
شريت لهدوم ونزلت لكيت ام اسماعيل جايه وده تفرغ لمسواك وخالد وياها واكف يغسل الفواكه
مادري جيتي يمه
ام اسماعيل: عادي يمه شريتي لهدوم
حلا: اي اني اغسلهن
خالد: هههه عادي اتعلمي تشوفينه اني او اسماعيل نساعد بالبيت من كاعدين لاتستغربين جيبي نجاين انتي ورتبي بثلاجه
حلا: اني اكملهن والله اني اغسل لمسواك هسه بسرعه وارتبه وخر انت
خالد: تعالي استلمي لعد ههههه
ام اسماعيل: روح يمه ارتاح اني واخيتك بعد جنتو تساعدوني من تروح ايات هسه جتي بنيتي الثانيه تساعدني وتعيني
شوكت اجيبهم يمه
خالد: العصر اروح احيبهم
ام اسماعيل: اشتهيتهم ويانه شلون سمجات جبت شوفهن
خالد: عاشت ايدج راح اصعد انام ساعه اني
ام اسماعيل: تعالي استلمي حصتج البارحه جاب اسماعيل كرزات ماجبت حب اليوم جبتلج بسكت وحلقوم ومصقول
حلا: هههه تسلمين يمه عاشت ايدج
خالد: واني يمه ماجبتي الي شي هههه
ام اسماعيل: لاجبت ذني حصت ايات
خالد: ههههه اصعد انام
حلا خالد صعد واخذ حصه ايات نفس الشي جايبه الي. والها و اني وام اسماعيل بالمطبخ هيه غسلت لسمج وحضرته وطلعت بريمز بره بالحديقه تقلي السمج
ام اسماعيل: يله فوتي بعد انتي اني اقلي بين مايجي اسماعيل
حلا: اني اساعدج
ام اسماعيل: لالا يله روحي سبحي وبدلي وعدلي كفشتج وحطيلج. حميره كحيله رجلج ع جيه يله روحي روحي يمه
حلا: نفس الحجي كل يوم سبحت وبدلت ونزلت بعدني مطالعه يمها عاطت بيه
ام اسماعيل: لاتجين دهن وزفر فوتي كعدي
حلا: اساعدج ميصير وحدج
ام اسماعيل: ماعندي شي روحي هسه ع جيه اسماعيل شيشم الولد ريحه زفر بيج روحي طبي ماعندي شي
حلا; ضحكت وطبيت كعدت بالهول سمعت صوت اسماعيل تلكيته وطب يسبح بين مانفرشت السفره وكعدنه اتغدينه شلت لمواعين واكفه ع سنك وطلع اسماعيل للطرمه و وراه خالد وره شويه طب اسماعيل
اسماعيل: اطيني الزاهي
حلا: شسوي بي
اسماعيل: نغسل الطرمه
خالد: شغل الماطور اسماعيل
اسماعيل :اي اي
حلا: ليش انتو تغسلوها اني اغسلها
اسماعيل :هههه هذا اختصاصنه تعلمي كل ماتسوي سمج امي علينه جلف مكان التكلاه وشيل القنينه والبريمز انتي كملي لمواعين ولاتخلين بيهن زفر ديري بالج كله اله كلاص بي زفر تشمه امي هههه
حلا: هههه لتخاف طلعو نضفو الطرمه جلف بزاهي واحد يرش وواحد يجلف وطلعو للشارع نضفو حته الشارع وطبو كل واحد كاف بجامته ويشتغل صبيت الجاي شربو وكل واحد راح لمكانه نام
ولعصر من جتي ايات
ام اسماعيل: تعالي ولج ضميت حصتج وحصه زين من السمج قليته وحطيته بالفرن
ايات: عاشت ايدج هههه يمه كومه غراض بسياره شفتي رحت بجنطه جيت بكومه علاليك
ام اسماعيل: بالعافيه يمه
ايات: امي واخوتي وابويه كل مااروح ايحملوني
ام اسماعيل: الله يديمهم الج
حلا: تسولف وتضحك ويانه وتسولف شسوت ابيت اهلها وشصار وياها وبعدها صعدت بدلت وبدلت لزين
والتمنيه ع عشه وبعدها كل واحد لغرفته
ايام عدت عرفت طبع ام اسماعيل كل يوم بنفس التوقيت تصيح بدلن واذا سوينه بصل لو وكفنه يمها وصاحت روحن ريحتجن طبخ روحن شيشمون بيجن ولدي البصل والعصر تحب كون ننزل من غرفنه عرايس والي تنزل محاطه مكياج ومبدله العصريه تسمع
منو مات مطلعيج من الكبر بكفاله صعدي عدلي كفشتج ورتبي خلقتج
كل طلعه للسوك تجيب مسواك النه نساتل ع حب وحمص وبين كل كم يوم اجيب شغلات نسائيه النه ياسيت نوم ياتراكسود يا كيمونه للنوم وثنينه نفس الالوان ونفس الشكل حته لاوحده تكول ليش هذا الها وهذا الي
عده اسبوع ورحت لهلي لوضع نفسه ومامتغير شي ورجعت يله ايات راحت لهلها رجعت ب 6العصر وهيه راحت وثاني يوم جتي هم محمله وتسولف بفخر بالي اطوه الها اهلها
بصراحه كلت بكلبي هنيالها ع اخوتها واتمنيت ابويه بعده عايش
عدت ايام ورحت لهلي الوضع عدهم مايتغير شي
ماما مشتهيه شغله واستحي اكول لعمتي او ل اسماعيل
ام حلا: اي يمه كولي شتردين
حلا: اريد تمر هندي كل يوم عمتي تسئلني شجيب واسنحي احجي
ام. حلا: هههه يا سهله هسه اجيبلج من الاسواق واجي
حلا: طلعت امي ده اسد الباب وراها وشفت منال وام مالك وكفو سلمو ع امي ومن شافوني سلمو عليه
منال: مشتاقتلج والله
حلا: اي صحيح من هذا تسئلين عليه
منال: والله مااطلع من البيت كاعده بالبيت وساكته اليوم دزو علينه بيت عمي وهسه ده اروح اني وامي
حلا: سمعت انخطبتي مبروك
منال: الله يبارك بيج رجلج شلونه وهم مبروك ولو متأخره هواي
حلا: هههه عادي الحمدلله زين
ام مالك: شلونج حلا عيالج شلونهم وياج
حلا: الحمدلله خاله زينين
ام مالك: الله يجعلج يمه
ام حلا: دفوتي شبيج
ام مالك: والله ماكدر دزو عله منال بيت عمها واريد اروح اشوف شيردون
ام حلا: الله يسهل امرهم اتمشه وياج اني للاسواق
حلا: سديت الباب وفتت صارت سهام بوجهي بطنها كبرانه شلونج
سهام: بعدج ع وكفه البوب ماتجوزين عيب تزوجتي شتردين بعد كافي حزيتينه بما فيه الكفايه تره
حلا: شتحجين انتي شنو الباب
سهام: والله ياالله
حلا: تعالي ليش تحاجيني هيج اشايفه عليه وهيج تحجين انتي
سهام: اشايفه ام البوب واكفه بالباب ع رايح والجاي
حلا: اني واكفه بالباب اصلا حته ام مالك ومنال طبو للطرمه وحجيت وياهم ياباب الي واكفه بيها
سهام: هااا منال اي تربيه شوارع انتي وياها
حلا: لاتغلطين متربيه احسن منج اني
سهام: دولي لج لااشك حلكج صدك لو كالو نزل ويدبج ع سطح ابيتنه وايدها بعيونه
حلا: ابيت ابويه اني موابيتج
سهام: ههههه اي عشتو بالملك مال ابوج كاعده شو هوه بيت ايجار خلف الله ع رجلي ده يطي نص الايجار بيت ابويه الي يسمعج ايكول ابوها عايفلهم بيت ملك مسجل ب اسمهم هوه انتو لفوه بالايجارات
ام حلا: شكوو
حلا: اني مجايه عليج ولابيتج هذا بيت اهلي وبيت امي واخواتي
سهام: ههههههه لج بابا انتي مصدكه نفسج يعني هذا البيت مالج بي شي انتي اصلا والله يالله دروحي بابا روحي مالي حيل دوختج
ام حلا: شبيها هاي ولج سهميه شبيج ويه لبنيه شنوهل حجي هذا مواحاجيج
حلا: عوفيها تحجي وياها امي باوعت ع امي وهزت ايدها ودخلت لغرفتها ده تلحكها امي لزمتها
ام حلا: شبيج شكالتلج
حلا: سولفت ل امي الي حجته واني دموعي تجري
ام حلا: والله لكوم اطيح حضها
حلا: عوفيها يمه ختولي
ام حلا: ليش تبجين يايمه
حلا: يمه كلامها صح هذا موبيت ابويه مالي شي بيه
ام حلا: ختولي يمه البيت بيتج هاي تغار منج لاتحطيها ابالج
حلا: ضلت امي تسكتني وتبوس بيه وتحاول تغير الي صار اجه منتظر ومثل كل مره يرد السلام من طرف خشمه
طب لغرفته وطلع
منتظر: حلاا شلون اني مااخلص
ام حلا: شكووو شتريد من لبنيه
منتضر: انتي مو ازوجتي شعدج كل يوم جايه متكعدين ابيت رجلج وتسكتين
ام حلا: غير بيت اهلها وامها هنا شو ماتستحي انت
منتظر: شعدها شعدج بابا روحي لبيتج مناقصنه دوخه كل يوم داكه الباب
حلا: اني وين كل يوم منتظر هيه بالاسبوع موه ونص نهار ده اجي
منتظر: وشعدج جايه يااختي ضلي ابيت اهلج واذا تشتاقين ل امج دزي عليها هيه تجيج
ام حلا: ولك منتظر خاف ربك ليش تكسر بخاطر اختك بدل ماتكولها بيتج هذا
منتظر: اني مااكسر بخاطرها ولاابد خيتي كعدي ابيتج ويم رجلج احسن الج والنه
ام حلا: حسبي الله ونعم الوكيل
منتظر: وعيب عليج جايه ابيتنه وتقاهرين بمرتي ع شوفو ذهبي وشوفوني تره سهام موبعينها هيج شغلات فااستحي شويه
حلا: شنو ذهب المن كايله شوفو اني
منتظر: اني ده اكول صرتي بعصمه رجال وماريد اتجاوز وياج ده احاجيج بهدوء حلا من تردين امج دزي عليها لاكل يوم جايه ومسويتلنه مشاكل روحي هناك يم. عيالج سوي مشاكل احنه هنا محد فارغ الج
حلا: ضل هوه وامي ناس ترد ناس واني دموعي تجري اجه مرتضى وسولفتله امي
مرتضى: معليج بي خل ايولي شنو وحده دافع الايجار اني هم ده ادفع
حلا: ضليت بغصه بكلبي لحد مااجه اسماعيل ورغم مبين عليه اكو شي كل مايسئلني اكوله ماكو شي شو احس روحي مصخنه وتعبانه
طبيت لبيت عيالي ايات بعدها مارايحه اني طبيت وهيه طلعت
صعدت لغرفتي تمددت ع جربايه حاسه بروحي مكسور شي بيه
نمت من غير مااحس ع شي يمكن صدك الهم اينوم حته تفصل عن التفكير
ام اسماعيل: حلا حلا كعدي يمه شبيج
اسماعيل: مادري والله شغلت بالي
حلا: :فتحت عيني ام اسماعيل واسماعيل واكفين يم الجربايه يكعدوني
ام اسماعيل: شبيج يمه
حلا:مابيه شي شو بدلت وتمددت ع جربايه غفيت يمكن لان كاعده الصبح
ام اسماعيل: اطلع يمه اسماعيل بره شويه
اسماعيل: اي ماشي
ام اسماعيل: شبيج يمه صاير وياج شي احد من اهلج بي شي
حلا: اسماعيل طلع وكعدت يمي ع جربايه
لالا ماكو شي
ام اسماعيل: لعد شبيج يمه من جيتي واني حسيتج مو عله بعضج شصاير وياج احجي يمه كوليلي احد غثج بكلمه سمعتي خبر موزين لااسامح الله
حلا: لالا ماكو شي بس اني حسيت بروحي شويه مصخنه يمكن افلاونزه راح تصير عندي
ام اسماعيل: ماعندج حراره
حلا: حطت ايدها ع كصتي هاا مادري لعد شو احس حراره بجسمي
ام اسماعيل: ايحوز استبراد كومي يمه غسلي ونزلي تعشي ونامي
حلا: اي هسه نازله نزلت وطب اسماعيل واكدت ان ماكو شي ووره ماطلع جريت حسره وتردد بداخلي
شكول اكولكم اخويه مايريدني
خطر ابالي كلام ايات كملت حسرتي بدموعي
اتسولف كدامج ع اهلها ودلالهم واني شكول
صح اني مالي شي بالبيت ع كولتها ايجار اني ممزوجه وجانو محامليني بي هسه يحملوني
نزلت يمهم وتعشيت بس غصب عني احس بروحي مكتومه واتصفن وسمعت الف مره شبيج
واتعذر راسي بطني يمكن راح اصخن
حته من صعدنه للغرفه اني واسماعيل كل يوم نكعد ونسولف
اليوم. اول ماصعدت حطيت راسي ع مخده ونمت وهوه يسولف ويايه
الصبح كعدني
اسماعيل: الليل كله مانمت خفت عليج الليل كله اشوف حرارتج شبيج البارحه
حلا: مادري والله يمكن جنت مستبرده
اسماعيل: حلا اكيددد ماكو شي
حلا: اي شبيك والله ماكوشي
نزلنه تريكنه وطلعو الولد اني انضف وام اسماعيل تغسل الطرمه سمعتها تكول
تفضلي نفضلي ياهلا باام حلا
ركضت ع باب شفت امي ده اطب
هلو يمه
ام. حلا: هلايمه حبيبه والله ماكدر اطب غير مره جيت للسوك تسوكت ومريت عليكم
ام اسماعيل: اي دفوتي جيبي كلاص مي ل امج يمه
حلا: كعدت بالمطبخ شربت مي
ام. حلا: والله جيت اجيب ذني لحلا البارحه رادت تمر هند ومااكلته اليوم جبتلها من السوك
حلا: جيس تارسته تمر هند هههه حيل شدعوه
ام. اسماعيل: غير تكوليلي موكل يوم اسئلج
ام. حلا: والله كالت امي تكولي واني استحي
ام اسماعيل: اكو وحده تستحي من امها ولج لايراد اسويها زعله. وياج
حلا: لالا والله بعد اكولج
ام حلا: ماكو فرق بينه ان شاءالله
ام اسماعيل: اكيد والله همزين. عرفت شتحب بعد
ام. حلا: اي هيه صديقها التمر هند
ام اسماعيل: ههههه اوكفي ولج حلا اني البارحه وضعج ماعجبني تعالي ولج كوليلي مشتهيه شي غير التمر هند
ام. حلا: هاا شلون يعني ولج مشتهيه شي احجي
حلا: بصراحه اي اليوم ماعرف شبيه مشتهيه شغله واحس ريحتها بخشمي
ام اسماعيل: شنوو ولج احجي
حلا: بقلاوه وكون ملاينه فستق
ام. حلا: هااا ولج انتي ام الحموضه اول تالي تشتهين حلو
حلا: اي والله اريد التمر هند عاجبني وكون بقلاوه ملايانه شيره هههه
ام اسماعيل: ديري بالج تحكين ولج وخصوصا بوجهج بشاره خير ان شاءالله
ام. حلا: ياالله الله يسمع منج بس مو بعدهم
ام اسماعيل: لاصار لهم شهر واسبوع تعالي ولج جتج
حلا: منو
ام اسماعيل: هلال الشهر اجاج
حلا: مفهمت
ام حلا: ولج الشهريه
حلا: ها لالا ليش
ام اسماعيل :كككككككككللللللللوووووووششششش
…… .يتبع