#خيوط ام حبال
البارت الرابع عشر
ل ورد العامري
اسماعيل: حلا حلا صباح الخير
حلا: كعدت ع صوت اسماعيل اول مافتحت عيني مستغربه الصوت ولمكان
اسماعيل: صباح الخير شبيج
حلا: هاا احم صباح النور
اسماعيل: شبيج فزيتي وتباوعين ع غرفه
حلا: ما مابيه شي
اسماعيل: هههه يله عيني كومي سبحي وبدلي هسه ع جيه الاهل ان شاءالله كالو ب9يجون
حلا: جان كاعد قبلي وسابح ولابس دشداشه بيضه نزلت سبحت وصعدت بدلت عدلت الغرفه
اسماعيل; هااا كملتي
حلا: اي
اسماعيل: صعدت فواكه بين مايجون ونتريك
حلا: لالا ماريد
اسماعيل: ماكو مااريد يله هاي الخوخه صغيره يله اخذيها من ايدي
حلا: ماكدر والله بعدين اكل
اسماعيل: يله عضه عضيها تصبيره بين ميجيبون الريوك
حلا: بيده اكلت منها واطانياها
اسماعيل: تعالي ننزل جوه
حلا: نزلنه كعدنه بالهول شغل التلفزيون واجه حط راسه ع رجلي وتمدد ع قنفه
اسماعيل: حلا
حلا: نعم
اسماعيل: شبيج الصبح من كعدتج
حلا: مابيه شي
اسماعيل: ههههه مستغربه جنتي حسيتج فزيتي ههه
حلا: هههه بصراحه اي يعني متعلمه امي تكعدني
اسماعيل: نسيتي البارحه عرسنه يعني
حلا: لا مونسيت بس لان هاي اول مره
اسماعيل: وان شاءالله مو اخر مره راح اضل اكعد قبلج حته اكعدج واشوف شلون تفتحين عيونج شويه شويه خهههه
بس تدرين اني كعدت مرتاح واني اشوف احله حلا نايمه يمي يمكن جوي
حلا:راح من باب المطبخ يشوف لان صوت باب البره انفتحت اني كمت وراه
اسماعيل: اي همه جوي
حلا: فتح الباب
ام اسماعيل: ككككلللللوووووششش اني كلت نايمين هسه صباحيه مباركه يمه منك المال ومنها العيال ان شاءالله
اسماعيل: الله يخليج فوك روسنه يمه
حلا: تهلهل من الطرمه وطلع اسماعيل باس راسها ودخلت اني واكفه بالمطبخ
ام اسماعيل: صباحج خير يمه الله يسعدكم ويهنيكم وتفرحوني بااولادكم ان شاءالله
حلا: صباح النور شكرا خاله
ام اسماعيل: ماكو خاله بعد ولج كولي يمه
ايات: صباح الخير مبروك ياعروس
حلا: الله يبارك بيج صباح النور
اسمع بره خالد واسماعيل يضحكون وطبو
خالد: مبروك خيتي الله يسعدكم ان شاءالله
حلا: شكرا دخل شايل الطفل وصعده فوك جان نايم
اسماعيل:وين امي
حلا: دخلت للغرفه
اسماعيل: تعالي بالهول ليش واكفه بالمطبخ
حلا: كعدت بالهول وطلعت ام اسماعيل يمنه
ام اسماعيل: شلونكم يمه
اسماعيل: هههه زينين الحمدلله
ام اسماعيل:اكوم احضر الجاي خالتج سئلتني كتلها ب9نرجع هسه ع جيه اهلج
حلا: اساعدج خاله
ام اسماعيل: ولج يمه كولي يمه ماعندي شي حبيبه كعدي عروس انتي
اسماعيل: عرروس واحله عروس ههه حلا امي تعتبرج مثل بنتها ايات تكولها يمه وانتي هم كوليلها يمه
حلا: راحت ام اسماعيل للمطبخ وتقرب كعد يمي يحاجيني اي ان شاءالله بس والله انسه
اسماعيل: تتعلمين ان شاءالله حلا امي تعبت علينه هواي واني اريدج تعامليها مثل متعاملين امج وصدكيني هيه راح تعتبرج بنتها وتعاملج ع انج بنتها
امي عدها شغله وحده يمكن تنزعجين منها بالبدايه بس بعدين شويه شويه تتعلمين شويه هيه يعني ادقق بشغل البيت بس انتي حاولي تتعلمين منها ولاتضوجين من شي يعني كتلج هيه مثل امج بعد
حلا: اي ان شاءالله
اسماعيل: ماريد يكون اكو زعل بيوم مااريد لا انتي تزعلين ولا امي انتي غاليه وامي غاليه
حلا: لا ان شاءالله ماكو اي زعل
اسماعيل: وهذا الي اريده
ام اسماعيل: هااا ياعرسان جيناكم عذال من الصبح
اسماعيل: لاااا شنو هل حجي
ام اسماعيل: الله يسعدكم يمه ها ايات نام الطفل
ايات: اي يمه
ام اسماعيل: جان خليتي هنا
ايات: لالا خلي فوك
ام اسماعيل: بكيقج وين خالد
خالد: امر يمه
ام اسماعيل: مايؤمر عليج بس ربك يمه اسئل عليك
خالد: وانتي من بعد ربي تؤمريني امرر كووم ياعريس كووم اريدك
ام اسماعيل: الله يحفظكم ويطيكم لحد مايرضيكم ولايشوفني مكروه بواحد منكم
خالد/اسماعيل: امين امين يمه
حلا: طلعو من الهول وهيه تدعيلهم
ام اسماعيل: اي يمه شلونج
حلا: الحمدلله
ام اسماعيل: شلون جانت ليلتكم يمه
حلا: لحمدلله
ام اسماعيل: لاتخجلين وادنجين يمه انتي بنتي بعد مثل مااسماعيل ابني امج بعيده عنج اني امج شتحتاجين شتردين بس كوليلي
حلا: شكرا خا
ام اسماعيل: شنوو
حلا: يمه ههه يمه
ام اسماعيل: حبيبتي يمه الله يسعدكم ويرزقكم الولد الصالح ان شاءالله
هاا ايات شعدج بالمطبخ تعالي هنا
ايات: اي جيت جيت
ام اسماعيل: شريد بعد الحمدلله ثنين ولد وثنين بنات رزق ونعمه من ربي
اسماعيل: يمه عمتي جتي
ام اسماعيل: اي يمه هلا بيهم ركضي ايات فتحي باب الصاله يمه
حلا: كمت وراهم فتحو باب الصاله وعمتي تلكت امي. وخالتي
خالتي تهلهل من الباب وجاوبتها بالهلاهل ام اسماعيل
طبت امي صرت كبالها اول مشافتني حضنتني حيل عصرتني بحضنها من غير حته متحاجيني
جانت عاصرتني بحضنها
ام نبراس: يااا وخري انسلم ع عرووس
حلا: وخرت امي مسحت دموعها
ام اسماعيل: ليش تبجين صلي ع نبي
ام نبراس: مبروك ياعروس صباحيه مباركه ان شاءالله
حلا: خالتي بوستني وتسلم ام اسماعيل وامي واكفين يحجن
ام نبراس: هههه من البارحه امج مانامت ومن الصبح كاعده تصيح يله اروح ياخيتي العالم مموجودين وعرسان اروح نزعجهم من الصبح
ام اسماعيل: لا هلا بيها بكل وقت تفضلو عيني تفضلو
حلا: لزمت ايدي امي وكعدت يمي ورجعت حضنتني وتبوس بيه
ام حلا: الله يسعدج يمه
حلا: ايات اخذت الصينيه مال الريوك ودتها للمطبخ وصاحت ع ام اسماعيل
ام اسماعيل: من رخصتكم عيوني
حلا: اول ماكامت ام اسماعيل
ام حلا: شلونج يمه كلبي الليل كله يمج
ام نبراس: يااا هياتها كدامج عروس وشحلاتها شصار البارحه
حلا: هاا
ام نبراس: احجيلي شصار سولفي قبل ميجون يااا اصفرت واحمرت ولج موعلمتج
حلا: اي اي
ام نبراس: تعالي اشاورج
حلا: شاورتني هزيت راسي
ام نبراس: بالمبارك يمه
حلا: امي هزت راسها ورجعتلها اشاره براسها خالتي بوستني امي
حلا: الله يجعل ايامكم كلها افراح يمه
ام نبراس: ليش نازله هيج لاكحله لاحمره
حلا: ها مادري نسيت
ام نبراس: عود علمتج اني كومي صعدي اريدج فوك بين ميصير الريوك
حلا: طلعنه من الصاله
ام نبراس: من رخصتج عيوني بس اصعد فوك ويه العروس
ام اسماعيل: البيت بيتج خيه
حلا: صعدنه فوك اول ما طبت للغرفه سئلتني ع علامه الي علموني عليها اطيتهياه
ام نبراس: كككللللللووووووووووششششششششش
حلا: شبيج خاله سكتي
ام نبراس: هههه ولج لاتستحين هاي رفعه راس ل اهلج
شوكعدي اعدلج
حلا: حطتلي مكياج خفيف وهيه تعلمني ان بعد ماانزل من غير مااحط كحل وشويه حمره واعدل وجهي يله انزل جوه اندكت الباب
منوو
ام. حلا: اني يمه هاا وينجن شو اتأخرتن
ام نبراس: تعالي فوتي بالمبارك خيتي الله يفرحج بااولادها
حلا: اطت خالتي ل امي العلامه وتقربت امي بوستني وعصرتني حيلل بحضنها
ام. حلا: ولج والله بعدني ممصدكه كبرتي وصرتي عروس واليوم صباحيه عرسج
ام نبراس: الليل كله تصيحين صدك ازوجت شبيج كضيتيها بواجي
ام حلا: موبيدي خيه متعلمه عليها تنام بطولي وعيوني تشوفها قبل متنام واول ماتكعد البارحه اتكلب بفراشي ومن غفت عيني فزيت ادورها وينها شو ماكو فراشها
حلا: اني اليوم كعدت هم فزيت من كعدني اسماعيل متعلمه انتي تكعديني
ام حلا: الله يسعدج يمه ويهدي عليج ويزرع بينكم الموده ولرحمه
ام نبراس: امين ان شاءالله الباب كولي منوو
حلا: منوو
ام اسماعيل: اني. افوووت
ام حلا: ياااا فتحي الباب ل امج ولج ركضي
حلا: طبت ام اسماعيل
ام اسماعيل: هاا حبايب ان شاءالله اطمنتن ع عروس
ام نبراس: اي حبيبه الله يسعدهم ان شاءالله
ام اسماعيل: ككككككلللللللووووووووووششش
حلا: خالتي كل شويه مشوفه القطعه البيضه ل احد ل امي ول ام اسماعيل شوفتها واني احس حراره تطلع من راسي وانوب ضلن ايهلهلن
ام. اسماعيل: يله عيوني الريوك جاهز
حلا: نزلنه. واني حاطه ايدي ع كلبي لزمت خالتي من ايدها ليش اخذتيهن لذني
ام نبراس: غير اطيهن ل امج
حلا: ليش
ام نبراس: هههه ولج لازم يضلن عد امج
حلا: لاتشوفيهن بعد ل احد شبيج والله عيب
ام. نبراس: هههه مااشوفهن ولج بس امج وعمتج لازم. ايشوفنهن يله هديني ده انزل عاد
حلا: نزلنه حوه محضرين الريوك تريكنه سوه كلنه وامي وخالتي راحن شلت ماعون ده اودي للمطبخ ويه ايات جانت تنقل بيهن
ام اسماعيل: وين. وين جيبي يمه اسماعيل اصعد يمه انت ومرتك ارتاحو ونامو كاعدين من الصبح بين ميصير الغده واني اكعدكم
حلا: صعدنه فوك نمت كعدت ع صوت الباب فتحها اسماعيل اخذ صينيه فواكه وعصير وبسكت من امه
ووره ساعه هم صعدت ام اسماعيل صينيه الغده
4ايام الصينيه تصعد ليفوك واني انزل شويه يمهم واصعد العصريات بس يطلع اسماعيل بالباب يم اصدقائه واكعد ويه ام اسماعيل وايات
باليوم الخامس نزلنه نتغده وياهم
ام اسماعيل: وين خالد ولك خالد اليوم العريس نزل وانت فوك
ايات: صدك شعده فوك اصعد اشوفه
اسماعيل: اني اصعدله
حلا: صعد اسماعيل ونزلو هوه وخالد
اسماعيل: لكيته نايم
ام اسماعيل: هاا شعجب
خالد; والله دخت اليوم بدوام وجوعان غفيت بين ماتصبون غديتي زين
ايات: اي تغده ونام بصاله دخلته
خالد: خلي نايم مرتاح شلونج خيتي ان شاءالله بخير
حلا: لحمدلله اتغدينه سوه ومن يومها صار الاكل كلنه ننجمع قبل يوم السبعه اخذتني للسوك ام اسماعيل اختاريت فستان و
بيوم السبعه اخذوني للصالون ام اسماعيل واسماعيل ومحد ضل يمي لان جانو يجهزون اكل للحفله وره ساعتين اجوي عليه اخذوني دخلت للبيت هوسه كلها جايه كرايب اسماعيل عماته وخالاته كعدت يمهم ووره ساعه تقريبا جني امي وخالاتي وبناتهم وكم مره من الجيران
هوسه وهلاهل .وكل واحد جايب هديه وتاخذهن ام. اسماعيل وتتلكه بالعالم وبعدها انتهت الحفله وراحو صعدت للغرفه لكيت الغرفه عباره عن هدايا بطانيات ع كلاصات وساعه وجراجف
اسماعيل: صعدت اساعدج وين تضميهن لذني
حلا: مادري بس خل ابدل
اسماعيل: هاي لمواعين ولكلاصات انزلهن جوه اذا متضوجين يعني لان وين تحطيهن ويتكسرن حرامات
حلا: اي اي شسوي بيهن اني
اسماعيل: زين راح اخذ ذني انزلهن بين ماتبدلين
حلا: اخذ مواعين وكلاصات ونزل بعدني ابدل واندكت الباب منوو
اسماعيل: اني فتحي
حلا: اي ثواني. بدلت بسرعه وفتحت الباب ملحك ينزل شبسرعه صعد فتحت الباب شفته باايده بعدهن لمواعين. ولكلاصات
ليش صعدتهم
اسماعيل: امي ماقبلت تكول خلوهن فوك ذني مالاتكم ايفدنكم
حلا: شسوي بيهن
اسماعيل: والله مادري نزلي انتي كوليلها اخاف عبالها يعني انتي ترديهن
حلا: لا والله ماريدهن شسوي بيهن بالغرفه اني
اسماعيل: نزلي كوليلها
حلا: حطيت حجاب ع راسي بعدني بهوسه التسريحه ونزلت كاعدين هيه وحمايه خالد
نزلت بيدي سيت مواعين ثاني واسماعيل ورايه شايلهن نفسهن الي نزلهن وصعد بيهن رد نزل بيهن
عمه ذني شسوي بيهن اني ماريدهن
ام اسماعيل: لايمه ضميهن ايفدنج باجر عكبه يصير عدكم بيت ان شاءالله وعيال ايفدنج
اسماعيل: هههه ومنو كلج اني اعوفج واطلع بيوم
ام اسماعيل: لايمه هاي دنيا باجر عكبه اني ماشيه يضل بيتك وعيالك ومرتك
خالد/اسماعيل: عمرج طويل لاتحجين هيج
حلا: يمه ماريدهن والله وحته ماعندي مكان عفيه اخذيهن
ام اسماعيل: لعداضمهن الج بالبوفيه وانتي ضمي مفتاحها
اسماعيل: صدك تحجين يمه هنه مواعين
ام اسماعيل: ميخالف يمه حق هذا
حلا: فتحت البوفيه وكعدت بالكاع
ام اسماعيل: ذني الي جوه مالات مرت خالد
خالد: هههههههه صار كم سنه وضامتهن يمه طلعيهن بله ناس تضم ذهب فلوس امي ضامه مواعين الفضل
ام. اسماعيل: جيبي يمه معليج بيهن راح احطهن هنا فوك مالاتج ذني
حلا: ضامه مواعين وكلاصات بالبوفيه بالكومدي من عرس خالد ومتقبل اطلعهن وذني مال بيت خالد وانوب احنه هم ضمتهن
ام اسماعيل: هذا يمه لمفتاح الي جوه غراض ايات ولفوك مالاتج
حلا: شسوي بي اني لمفتاح يمه ماريده
ام اسماعيل: بكيفج هوه لمفتاح هنا بالتحفيه اخاف تحتاجين شي منهن هنانه هنه
حلا: ضلو يضحكون عليها وهيه تصيح لا حق هذا غراضهن ذني
رحت للمطبخ شفت ايات تشتغل وهوسه
اني الم ذني
ايات: خوش لميهن واطينياهن بين مااكمل ذني حته يفرغ شويه السنك
حلا: تغسل مواعين واني افرغ الباقيات واطيها
ام اسماعيل: ها يمه ايات عفتج جنت احجي ويه رجلج شعدج هنا حلا صعدي يله اليوم اخر يوم الج اتهني بي ههههه من باجر. تنزلين تساعدين وتشتغلين بعد
حلا: لاهسه اساعدكم
ام اسماعيل: لالا اني و وايات انكمل روحي بس اليوم الج بعد روحي يله صعدي اسمااعيل تعال اخذ مرتك واصعد يله
حلا: صعدت فوك عدلنه اني واسماعيل الغراض ورتبنه الغرفه ونمت
الصبح كعدني اسماعيل
اسماعيل: حلا صباح الخير
حلا: صباح النور
اسماعيل: يله عيني اليوم اطلع ع رزقي ان شاءالله كومي ننزل اتريك وابدل واطلع
حلا: فتحت الباب صارت بوجهي ايات صباح الخير
ايات :صباح النور
حلا: نزلنه سوه اني وياها لكيت ام اسماعيل بالمطبخ واكفه وريحه الجاي تارسه المطبخ
حلا /ايات ;صباح الخير
ام اسماعيل: صباحجن خير وعافيه يمه كعدو زلمجن
ايات: خالد كاعد ايبدل
حلا: واسماعيل هم ده ايبدل
ام اسماعيل: خوش يله يمه فرشن السفره بين مااطك بيض هذا الجبن اني نكعته بمي حار بس خضنه بمي بارد وطاسه استكاين الجاي حضرتها اخذنها
حلا: جبن عرب محضرته وبطاسه حاطه كلاصات الجاي ومنكعتهن بمي دافي ويمهن الشكر وماعون الكيمر كله حاضر بس ننقل فرشت السفره ايات واني وديت المواعين وام اسماعيل اطك بيض
وشفت بيض مسلوك ومكشر ع ميز
خالد: صباح الخير
الجميع: صباح النور
اسماعيل: صباح الخير
-صباح النور
حلا: كعدو ع سفره وام اسماعيل جابت البيض وكعدت هيه تصب الجاي مثل امي وتقدم وتصيح هذا اكل ويله اكلو وحلا لاتستحين وايات اكلي
لمينه المواعين
ايات: عوفيهن عمتي متقبل نشتغل اله يطلعون الولد للشغل
حلا: يعني مااغسلهن
ايات: لا يطلع خالد واسماعيل يله نكوم نشتغل بالبيت
حلا: رجعت كعدت يمهم وايات كاعده طلع اول واحد خالد لدوامه ووصارت ب8:30طلع اسماعيل
رحت للمطبخ وايات ورايه
ام اسماعيل: ها يابنيات كلتلج ايات حلا رجلج موجود كعدي كابلي اخاف يريد شي يحتاج شي من يطلع كومي لشغلج البيت ماينهزم وانتن خوات تتساعدن بعد
اتقسمن الشغل انتن لو اني اقسمه يمه
ايات: انتي يمه قسمي
ام اسماعيل: هوه البيت بيتجن وانتن خوات وحده تساعد الخ لاتخلن شغل مخصوص هذا الي وذاك الج البيت بيتجن انتن بعد هسه يمه ايات حبيبه البيت اليوم عليج المسح ماعدنه شي من الليل غسلناه بس مسحي وانتي حلا عليج المطبخ غسلي المواعين واني اطلع ع طرمه والباب
حلا: وكفت ع سنك غسلت لمواعين ونضفت الطباخ ايات تشتغل بالبيت طبت ام اسماعيل
ام اسماعيل: هاا يمه كملتن ده اروح للسوك
ايات: خصلت عمه بس اغسل الحمام
حلا: واني. هم خلصت
ام. اسماعيل: حلا لااضوجين اني وره البيض اشم الكلاصات لان اضوج من الزفزه
حلا: لالاعادي امي هم هيج تسوي شمت لكلاصات
ام اسماعيل: لاعاشت ايدج ايات صوت زين يمه ركضي
ايات: اي عمه كملت
ام اسماعيل: روحي يمه بمكان اخيتج ابنها يبجي
حلا: اي اي رحت ل ايات روحي اني اكمل
ايات: بس نشفي الحمام كملت
حلا: صعدت ل ابنها واني نشفت الحمام نزلته شايلته
ام اسماعيل: ياصباح الخير يازويني حبيبي يمه روحي غسليله وريكي يله يمه
حلا: يصحك ايباوع علينه ويضحك صباح الخير طببته للحمام ايات
ام اسماعيل: الله يعوضك خير ياخالد ويشفيلك. هل ولد ويترس بطنج يمه ان شاءالله
حلا: جانت تدعي من شافتني دعتلي
ام اسماعيل: اني رايحه للسوك مامشتهيه شي يمه اجيبلج شي ويايه
حلا: لالا ماريد شي شكرا
ام اسماعيل: ولج احجي لاتستحين
حلا: والله ماريد شي
ام اسماعيل: ايات ماتردين شي من السوك
ايات: اريد حب ابيض يمه
ام اسماعيل: اي يمه بعيني وانتي هم اجيبلج حب ابيض تلتهين بي بليل
حلا: طلعت للسوك ام اسماعيل وايات طلعت الطفل مسبحته صعدت للغرفه عدلتها ورتبتها ونزلت شفت ايات تريك زين واني اخذت وصله وصعدت امسح الغرفه ونزلت كعدت يمهم
ايات: كون تجي عاد عمتي ورايه غرفتي شصاير بيها
حلا: اساعدج بشي
ايات: لالا تسلمين بس اريدها تجي تكعد يم زين
حلا: اني اضل يمه روحي
ايات: انتي لاعيني ايضوجج
حلا: لالا بالعكس روحي كملي اني يمه ضلت تباوع عليه وعليه
ايات: ماشي هسه بسرعه اكمل اني
حلا: كعدت يمه ماايأذي بشي ايباوع ع تلفزيون ويضحك
جتي ام اسماعيل اتلكيتها واخذت من ايدها مثل ماجنت ويه امي واطيتهامي وهيه مثل امي بسرعه تركض ع بوري المي تغسل رغم بارده لدنيا
ام اسماعيل: وينج ايات تعالي
ايات: هياتني عمه جنت اسمح الغرفه
ام اسماعيل: هاج هذا حب ابيض وهذا فستق وهذا جيس جكليت ذني مالاتج
وذني مالاتج حلا حب ابيض وفستق وجكليت
حلا: شكرا
ام اسماعيل: بالعافيه يله منو الفارغه بيجن تجي جوه ايدي تفرغ
ايات: ماضل عدنه شي
ام اسماعيل :روحي انتي جنتي تنضفين غرفتج روحي ارتاحي وغسلي بعدها دشداشتج مرفوعه حلا ويايه اليوم روحي انتي
حلا: وكفت ع سنك اغسل الفواكه والمخضر واحطه بالمصفي يذب المي وام اسماعيل تصفطه بالنجاين وتحطه بالثلاجه وبعدها جابت مواعين ثنين وحطت بيهن فواكه تفاح وخوخ وعنب وحته خيار
ام اسماعيل: هذا صعدي لغرفتج تلتهين بي اخاف مالج حيل تنزلين حطي يمج ايات تعالي ماعونج صعدي
حلا: خلي هنا
ايات: هههه تعلمي هذا لماعون يصعد مليان ينزل فارغ اذا نزلتي بعد بي تترزلين تره
ام اسماعيل: اي لعد المن جايبه اذا متاكلن يله صعدن مواعينجن ونزلن ده اركب بعد
حلا: صعدت بيدي الماعون اباوع عليه ليش ده اصعده
ايات: هذا طبعها اتعلمي عليه وهم زين اخاف تستحين تاكلين جوه
حلا: صعدت الماعون ونزلت واكفه يمها بالمطبخ هيه تركب وجتي ايات يمنه وتسولف ام اسماعيل شصار بسوك والمن شافت من الجوارين كملت الجدوره وكعدنه بالهول كامت ورجعت بيدها تفاحات اطتني وحده الي ووحده ل ايات ووحده الها ممنوع 🚫 كلمه مااريد
ام اسماعيل: اكلن بين مايجون الولد ونلتم ع غده يله اكلنهن وصعدن عدلن الكفشه وبدلن وتعطرن ع جيه زلمجن حته تتلكوهم
حلا; اكلتها وصعدت وورايه ايات زين نايم جوه
ايات: راح يصيرلي 5سنين مزوجه هذا توقيتها تصيح صعدي عدلي كفشجتج اليوم زين كفشتجن صارت هههع
حلا: ههههه اي سمعتها
بدلت وحطيت شويه ميكاج ونزلت شفتها متمدده يم زين كعدت يمهم صوت الباب هيه بالهول والباب مال الشارع انفتحت
ام اسماعيل: كومي هذا رجلج اتلكيه
حلا: ها اي فتحت الباب مال المطبخ صدك اسماعيل طبب السياره بالكراج شلون عرفت وهيه مشافت منو الي اجه
الله يساعدك
اسماعيل: هلا حلا وين امي
حلا: جوه بالهول
طب باس راس امه وسلم ع ايات وصعد فوك
ام اسماعيل: اخذي كلاص مي وصعدي وره رجلج
حلا: اخذت بطل مي وصعدت وراه شرب مي وراد هدوم حضرتهن ونزل يسبح اطيته لهدوم وطلعت يمهم بعدني بباب الهول
ام اسماعيل: ولج طبي ويه رجلج للحمام سبحي طالعه يمي مكابلتني شعدج
حلا: ها اي اي رجعت للحمام استحي منه بس صيحت عليه ضليت حايره بينهم بدل وطلع اكو ميز بي مشط ومرايا وعطر بالممر مشط وكعد يم امه واني كعدت وراه بنص ساعه هم ع صوت فتحت الباب
ام اسماعيل: كومي رجلج اتلكيه
حلا: نفس الحجي وهم اول ماطب صاح وين امي ومن صعد كالتلها صعد مي وصعديله بس للحمام هيه تعرف القانون ماكالتلها طبي وراه
بين مايسبح خالد كامت تحضر المواعين وتحظر الاكل واني وياها وبعدها جتي ايات وفرشنه السفره والتمينه اتغدينه كلنه
غسلت مواعين الغده بين ما ايات سوت جاي وبعدها كل وحده ويه رجلها لغرفتها وللعصر نزلنه ع صوت ام اسماعيل تصيح من جوه
كعدوو سويت جاي وعصريه وينجن يابنات نزلن كعدن الولد
نزلنه جبن وجاي وكعك وبليل هم هيه الي تسوي العشه واحنه بس انساعد انسوي زلاطه او نحضر مواعين
لمينه المواعين وجتي للمطبخ
ام اسماعيل: حلا اني مااحب ماعون يبقه للصبح من الليل يمه احب يكمل البيت كله ايات روحي يمه جري البيت قاط مسح وانتي بعدج عروس هل كم يوم اني اغسل لمواعين بليل بمكانج انتي صعدي لرجلج
حلا: لالا هسه اكملهن بسرعه ضلت تحجي عليه مقبلت فا وكفت ويايه هيه تجلف واني اخض المواعين واسفط وهيه تحجي ويايه
ام اسماعيل: حبيبه عينج ع رجلج الحجايه الحلوه دوه تريح المهموم وتصالح الزعلان حلوه كلمه نعم عيني نعم حبيبي يرتاح بيها الرجال والبيت يهدء والبال يصفه
ان شفتي عصبي سكتي لاتحاجيه وان غلط بشي انتضري وعاتبيه عتب حبايب الله لايجيب زعل بينكم لاتخلين للزعل مكان الزعل مو حلو يمه انتو بعد ثنين بواحد صرتو
حلا: خلصنه وهيه تحجي وتوصيني صعدت لغرفتي وهيه راحت لغرفتها التيهت ويه اسماعيل سولفنه ونام وثاني يوم نفس الروتين وهم جتي من السوك محمله والنه مخصوص شوف شتلكه كدامها نساتل حمص بسكت تجيب وياها ومن نزلت لماعون بي تفاحه ضلت تحجي عليه
ام اسماعيل: ليش مماكلتها
حلا: ماكدرت والله واكلت نص من تفاحه اسماعيل
ام اسماعيل: هاي الثلاجه متروسه ليش ثنينكم بتفاحه لعد ليش حاطه من كلشي ثنين كل واحد ياكل حصته شوفي اليوم وجهج مصوفر ولج كل يوم بليل اكلي فواكه حته وجهج ايورد
حلا: حاضر ان شاءالله
عدن اربع ايام كمت حته اذا اكو شي باقي بالماعون اعوفه بالغرفه وانزل الماعون فارغ حته لاتحجي عليه وبليل نطلع اني واسماعيل شوف شجايبه حب حمص انكرز ونشوف تلفزيون
خامس يوم جنه معزومين عد اهلي رحنه بس اني واسماعيل وام اسماعيل خالد وايات ماجوي واتعذرو بزين
اتلكتني امي من الباب ومرتضى وخالتي هم جايه كعدنه بالهول وكمت اروح للمطبخ انفتحت باب غرفه منتظر طلعت سهام ضحكت بوجهه وده اسلم فاتت وسدت الباب هيه حته بسبعه مالتي مااجتي
ماحجيت شي ولابينت ل امي شي التمينه اتغدينه وطلعنه رجعنه للبيت ماحجيت اي شي
عده اسبوع وصادف يوم خميس الصبح قبل مايطلع اسماعيل للشغل
اسماعيل: اطلع افتح المحل. واعوف العامل بي اجيج بالعشره تكونين مكمله شغلج موو
حلا: اي مكمله ليش
اسماعيل: اوديج لهلج. اليوم شوفيهم وبليل اجي. اخذج ارجعج. لهنا ماكو تباتين ههههه
حلا: هههه ماشي فرحت جنت مشتاقه ل امي خلصت شغلي واجه اسماعيل اخذني لهلي دكيت الباب
-منووو
-اني
حلا: حاوب اسماعيل فتحت الباب سهام
اسماعيل: السلام عليكم
سهام: عمتي موهنا راحت للسوك والولد مموجودين
اسماعيل: فوتي حلا بليل اجيج
حلا: اي الله وياك فاتت جوه سهام وسديت الباب وطبيت دنجت افتح حذائي انزع
سهام: لاهله مانخلص انوب كل يوم تندك الباب
حلا: حجت وطبت لغرفتها محاجيتها سمعت لباب انفتحت شفت من الشباك امي طبت
الله يساعدج ماما
ام حلا: هلااا يمه هلااا حبيبه
حلا: شمرت العلاليك وحضنتني تبوس بيه
ام. حلا: شلونج يمه شوكت اجيتي
حلا: صار نص ساعه شلونج انتي
ام حلا: مشتاقتلج اني والله فرحت بشوفتج لاادنجين يمه اني المهن
حلا: لميت المسواك اطشر وفوته وياها
ام. حلا: والله فرحت همزين جيتي اليوم اسوي دولمه علمودج صار يومين. اريد اسويها ومالي حيلها جايبه كل غراضها وماالي واهس زين جيتي حته ع اللمه اطيب يجي رجلج ع غده
حلا: لا
ام. حلا: ليش جان كلتيله يتغده ويانه
حلا: غير مره ان شاءالله
وكفت وياها اساعدها وامي تسئلني شلونج وشلون عيالج واني اسولف الها ع عمتي وشلون تعاملنه
ام. حلا: الله يطول بعمرها الحمدلله طمنتيني سمعي يمه تعامليها شلون تعامليني واحسن هاي امج الثانيه ديري بالج حلا تره هاي ام اذا دعت عليج واذا مارضت عليج ماتشوفين الخير وخصوصا هيه زينه وياج لازم تراعين الله بيها
حلا: والله اني احبها وهيه هم تحبني ومن اشتغل تكولي عاشت ايدج زين ميحتاجلج تعلوم هيه مثلج ماتحب البيت يضل بي شي بليل وماتحب الهوسه
ام حلا: اي يمه من الزينات هاي ارضيها يمه بعد مالج غير بيتج ورجلج وهيه امج بعد
حلا: واكفه يم امي. وصوت منتظر صاح
منتظر: سهاامم
حلا: طلعت من المطبخ مشتاقتله صار شكد مشايفته من قبل عرسي
شلونك منتظر
منتظر: هلوو حلاا شلونج
…… .يتبع