#خيوط ام حبال
البارت الثالث عشر
ل ورد العامري
حلا: واكفه حسيت احد ورايه وانجر شعري
منتظرر شعري
منتظر: شوكت اخلص منج وماانام واكعد اسمع اسمج وذكر طاريج
حلا: منتظر شعري حباب
منتظر: شوفي لج بس تولين تزوجين لاتجين لهل بيت ولاتشوفيني خلقتج
حلا: منتظر شعري شبيك ليش هيج تسوي
منتظر: تعبت ودخت البيت كارهه بسببج ماكو غير طاريج وسوالف عمايلج الي تسويها ياحلا سوت ياحلا عملت كافي راسي. انسطر. منج خلصينه وولي شلون ردت اخربها مادري وين جان عقلي انتي احسن شي يصير هوه انج تعوفين هل بيت ونخلص
حلا: منتظر اني ممسويه شي
منتظر: انتي اذيه الي عبالج ماتوصلني سوالفج والمداهر والمقاهر الي اتسوي كلشي يوصلني واعرف امي تدافع وتحميج رغم كل سوالفج
حلا: شنو سوالفي
منتظر: حلااا اتزوجي وانسي طريق هل بيت انسسسسيه افتهمتي
حلا: هد شعري ودك بااصبعه ع راسي وكال افتهمتي ودفعني وطلع
ضليت اباوع عليه لحد مفات لغرفته
ليش هيج يسوي ويايه شنو الي مسويته اله وهيج كارهني
غسلت وجهي حته لايبين اني باجيه
كلها ايام وصدك اترك هل بيت ماريد بعد تصير مشاكل بسببي
جنت احجي ويه نفسي احاول اصبر نفسي
بس غصب عني تنزل دموعي
يله اخويه هوه هوه عصبي
ماكو شي ماكو شي عادي يله لااحد يحس بشي خلي هل ايام اتونس وافرح بيها
مرتضى: مصار الغده
حلا: لا راح اصبلك هسه
مرتضى: شبيج
حلا: مابيه شي
مرتضى: جنتي تبجين
حلا: هااا لالا
مرتضى: صبي الغده يله
حلا: حضرت الصينيه ووديتها كعد ياكل وسويتله جاي وفرشتله ونام
هستوني تمددت وجني خالتي وامي
خاله حلا: هااا العروس تنتظرنه
حلا: هههه جنت ده انام واجيتو
ام حلا: سويتي غده ل اخوج يمه
حلا: اي تغده ونام
ام نبراس: الله يسعدج حبيبتي غرفتج حلوه وعمتج فارشتها ومسويتلج ذاك لمسرح ايخبل
ام حلا: اي والله العالم ممقصرين الغرفه بس يعجبج تدخليها
ام. نبراس: مبينين خوش اودام الله يسعدج. وياهم. يايمه
حلا: عدت الايام بسرعه جانو كأنهم يركضون واني وياهم ودوني قبل يومين من الحنه اخذتني ام اسماعيل سولي شعري ميش
بيومها طلعت روحي كرهت حته الفرحه الي جنت مكيفه بيها ان راح اصبغ مثل كل بنيه جانت تريد تكبر حته تصبغ شعرها وتمكيج
شعري طويل ولبستني مثل الشفقه وتسحب بخصل شعري
عوفي عفيه ماريد لاتسوين
-ههههههه خلصنه ماضل شي الي يريد لغوه يصبر
حلا: بطلت ماريد بس عوفيني
ضلو يضحكون عليه خالتي وام اسماعيل وام الصالون
لحد ماكملت اني حته ركبتي تشنجت بس من شفت شعري نسيت الالم وفرحت بشعري
طلعنه من الصالون ورحنه ع البدلات
ام. نبراس: حلا هاي حلوه شوفيها
حلا: اي كلش حلوه لونها ماروني وبيها مثل الورد الناعم مخيط ع بطن داير مداير لخصر
ام اسماعيل: هاا يمه اختاريتي شي
حلا: هاي حلوه
ام اسماعيل: اي حبيبه كلش حلوه هسه نحجزها بس شوفي بعد مال العرس حته نحضر التشيرت والحجاب
ام. نبراس: بلكن هم. عدهم بدلات مال محجبات
حلا: سئلو كال عندي بس من طلعهن محلوات
ام. اسماعيل: يمه دختاري اي وحده ونجيب الها تشيرت ابيض جواها
حلا: لعد هاي حلوه
ام اسماعيل: اي حبيبتي بالي يعجبج
حلا:اختاريت البدله والماسكه وطلعو حجابات مال عرايس وطلعنه
نتمشى اني وخالتي بين ماتجيب الوصلات ام اسماعيل
ام نبراس :والله حبيتها لعمتج حبابه وماتفرض عليج شي شتكولين تكولج بكيفج كون بكلشي تضل هيج مو بس بالبدلات ههههه
حلا: خلصنه كلشي بعد فره طويله بسوك
رجعنه للبيت جنت تعبانه واريد بس انام
اول مافتت بدلت هدومي ونمت
وثاني يوم اتريكنه وطلعنه حتنه ام اسماعيل ورحنه اني وخالتي وياها امي
جانت ملتهيه بالبيت غسل بردات وترتيب وخالتي كامت تطلع ويايه
اخذتني للصالون حفيت وجهي وسوو حاجبي حسيت شكلي كله تغير
ماجان عدنه غير بس اني احف ورجعنه للبيت
سهام كاعده بغرفتها ماتطلع اله للحمام وترجع ومن راد يحجي يسوي حجه منتظر خالتي بسرعه ردته فبعد ماحجو شي يطلع للشغل ومن يجي يكون جايب وياه غده اله ولسهام حته ع اكل صارو ميكعدون ويانه
باجر الحنه مالتي نمنه من وكت
كعدت الصبح ع صوت امي تحجي ويه مرتضى
ام. حلا: وين راح
مرتضى: شمدريني يايمه ده اغسل وطلع هوه ومرته عبالي اكو شي كتله ها خير من الصبح
كال رايحين لكربلاء نزور
ام حلا: ماكتله حنه اخته اليوم شلون يروح
مرتضى: كتله وين رايح اليوم الحنه
كال واني شعليه كتله يله المهم تكون باجر موجود حته نسلمها لزوجها كال سلمها انت اني لااجي ولااوصل
ام حلا: ليش ده يسوي هيج هل ولد ايريد ايخزينه
مرتضى: والله كتله شيكولون العالم رد يكولون ماعدها. اخ معليكم بيه ولااني عليه بيكم
ام حلا: مخبل هذا لو يريد ايخبل روحه كوه
مرتضى: والله يمه حاولت وحجيت وياه ميصير وعيب وهل بس هل ليله وتروح بعد لبيتها انت مو ردت تزوج ونخلص من مسؤليتها
ام حلا: اي شكال
مرتضى: يكولي موعاندتني وكلت كدام العالم اني اطيها وكسرت كلامي
ام. حلا: ياكلام هذا من كل عقله قسمه بكيفه وافقو وضل يدك عليها وانوب لا تعالو بطلو
مرتضى: اي يكول اني كتلكم اذا اتم. هل قسمه بعد لااعرفكم ولاتعرفوني
ام حلا: ياصبر صبرني ع هل ولد
حلا: ضليت بمكاني ماتحركت ليش لعد كالي ازوجي وخلصيني ولمرتضى يكول ردت تبطلون
خالتي كعدت ع صوت وكامت ل امي
ام نبراس: خير شبيج من الصبح
ام. حلا: اووف ياخيتي راح يخبلني هل ولد ماخذ مرته وطالع من الصبح ويكول لمرتضى مااحضر ع عرس
ام. نبراس: ياااا غير اخوتها يسلموها للعريس
ام. حلا: مادري ياخيتي مادري غير تكعدني يامرتضى
مرتضى: يمه هوه اني كمت فاز فزيت ع فتح الباب وركض يركض ومرته وراه طبيت اكعدج. هوه راح
ام. نبراس: لاحول ولاقوه الابالله شسويله ماتكوليلي هسه. هم. تلفون ماعنده جان نحصلنه تلفون واندك عليه
مرتضى: يمه شسويله هوه كدامهم حجه ويدرون بي وبسوالفه اني ورجل خالتي نوكف يجي مو خاله
ام. نبراس: اي يمه يجي اليوم وولد خالاتك هم يجون كلها توكف بالباب بذاك لوكت زلم وبالباب هذا هوه منو ايركز بهوسه الزفه كلها تلتهي يله كومي كومي لاتبينون شي للعروس خطيه خليها تتريك يجوها ياخذوها للصالون
حلا: سويت روحي نايمه وماحسست احد اني سمعت وماكمت لحد ماهمه كعدوني
تريكت. وياهم وبين ماحضرت غراضي جتي ام اسماعيل واخذوني للصالون
وبعد وقت عده بالمكياج والتسريحه جانت بس خالتي يمي جوي علينه ام اسماعيل وخالد اخو اسماعيل لبسوني عبايه وطلعوني ركض بسرعه
صعدوني رجعت للبيت بين الهلاهل والصفكه كالو اجه العريس
طب بس اسماعيل ووياه نسوان ايصفكن ويهلهلن محد طب وياه من الزلم
اسماعيل: ياحلا شنو هل حلاوه هههه اصيحلج حلاوه بعد طالعه تخبلين
حلا: يحجي ويايه ووحده من عماته كامت تهوس
-حبها ولك حبها ولاتخاف من امها
حلا: باسني من راسي وهنه يهلهلن ويصفكن ويهوسن
ام اسماعيل: عيوني ام مازن انتي وام علي تحنوه
ام مازن: وانتي ويانه انتي الاصل ياذهب ياحبيبتي
حلا: حطو الحنه وصاحت ام اسماعيل ع عمات اسماعيل وحنوني جان اسماعيل اصلا اصبعه محنيه وحفله الولد بعدها ابيتهم جاي يحنيني ويرجع حطو هم شويه ل اصبعه وكعدو شويه وراحو ضلو بس الكرايب والجيران اكدت عليها تعزم منال وكالت انها عزمتهم بس مجتي لاهيه ولاامها لابالنيشان ولابالحنه
خلصت الحفله وبدلت هدومي ونضفت البيت ويه خالتي وامي. وطبيت سبحت وطلعت لكيتهم فارشين
احس بروحي نعسانه اريد بس انام
اول محطيت راسي ع مخده نمت
من الصبح كعدتني خالتي
ام نبراس :كووومي ياعررروسسس ماكو نوم اليوم
ام حلا: هههه خطيه خليها فدساعه لخ وكعديها
ام نبراس:روحي سوي ريوك خليها تكعد ياساعه كومي ولج
حلا: حبابه شويه بعد
ام نبراس :اجيب مي اذب عليج
حلا: لالاكعدت كعدت ياربي والله نعسانه من ال7كعدوني
تريكت وياهم
مرتضى: راح اطلع اني عندي كم شغله
ام حلا: تروح للشغل يعني
مرتضى: لالا مااطلع للشغل بس هيج كم شغله سهلات عندي اكضيهن
ام حلا: هااا خوش الله وياك
حلا: طلع منتظر وكامت خالتي تغسل وجتي شايله هدوم وخاولي
ام. نبراس: يله ياعروس
حلا: مو كالت ماريد شعرج مبلل ام الصالون
ام نبراس: منا لوقت الصالون ناشف كومي ده اسبحج
حلا: تسبحيني ليش اني اسبح
ام نبراس: لااا اني اسبحج
حلا: لاالا شنو تسبحين لاماريد اني اسبح
ام نبراس: هيه موبكيفج ولج يله كدامي
حلا: خاله شبيج شنو مااعرف اسبح
ام نبراس: ولج ع زمنه لعروس ياخذوها لحمام السوك منين اجيب حمام السوك هسه
ام حلا: ههههه ايام راحت بعد كومي يمه اني اسبحج
حلا: شبيكم شنو طفله اعرف اسبح وحدي تره
ام حلا: ولج عادات هاي كومي اني اسبحج
حلا: دفعوني ادفع وطببتني امي تسبحني سبحتني شلون الطفل من يغسلون راسه ويغسلون جسمه جانت بيدها تغسلي وماتقبل اني اسبح
اي بس اليف اني
ام حلا: لا اني معليج انتي
حلا: كملت واطتني الخاولي وساعدتني البس دشداشتي رجعتني لصف الرابع ابتدائي جانت متقبل اله هيه تسبحني وبالرابع لنص لسنه يله بطلت وكمت اسبخ وحدي
فتحت الباب واني انشف شعري بالخاولي
ام حلا: وحمام الهنا حمامها واليوم يدك دمامها ويزفونها لحبيبها
ام نبراس: ككلللللللووووووشششش وبارد ياماي الحبانه. ولفني بقميصك بردانه
حلا: ههههه خالتي تهلهل وتهوس وبنتها وياها وامي واكفه اباب الحمام تصفك
بوستني وخالتي بوستني وهلاهل ترست البيت فتحت شعري خالتي وتنشفه بالخاولي
امي طلعت ووراها نبراس وضلت خالتي تحجي ويايه واني فاتحه حلكي واباوع عليها
ام نبراس: شبيج ولج
حلا: بطني توجعني
ام نبراس: هههه عادي مال التوتر يله شووو كومي فاتحه حلكج وصافنه عليه كومي شوفي غريضاتج تشيرتج حذائج يله جهزيهن حته من يجون تكونين جاهزه
حلا: عافتني وطلعت واني بالفعل بطني صارت توجعني
لميت غراضي وطلعت يمهم كعدت امي حضنتني وخالتي كامت تصفك وتهلهل
طب مرتضى
مرتضى: ههههه صوتج خاله بشارع
ام نبراس: ايي خلي يسمعون العالم هذا فرحنه ولاتكول استهتار
ومرتضى طابك ع سره ولبيع البيت واخذله مره
وكللللللووووششش
مرتضى: ههههه صارت الهوسات الي هسه
ام نبراس: اي شلون لعد ان شاءالله نفرح بيك
مرتضى: شوكت يجون
ام حلا: بالعشره ماضل شي نص ساعه
مرتضى: اي خوش اطب اسبح اني زينت بطريقي
ام حلا: نعيما يمه
حلا: طب مرتضى للحمام وكمت ابدل بين مالفيت حجابي جتي ام اسماعيل وخالد واخو اسماعيل اخذونه للصالون اني وخالتي ب2كملت كلشي
ام اسماعيل: كلللووووووششش ومنين هاي الجوهره وسمعوو خذاها
حلا: طبت ام اسماعيل شافتني مكمله وكاعده كامت تصفك وتهلهل من الباب وتلكتها خالتي بنص الصالون يهلهلن ويهوسن
لبس العباه وطلعوني اسماعيل واكف بالباب مال الصالون ركض فتح باب الصدر ورجعو لكرسي علمود البدله
صعدت وهوه صعد خالتي وامه ليوره ايصفكن ويهلهلن رحنه للمصور بس اني وياه اخذنه كم لقطه بالاستديو شفته لابس قاط نيلي وقميص ابيض ورباط اخذنه صور وطلعنه وصلني للبيت من الباب الهلاهل والهوسه كعدت بينهم امي كعدت يمي تبوسني وحطت القرأن بيدي
هوسه وصوت الي يحجي ويايه مااسمعه
ساعه 4كالو اجتي الزفه
حسيت كلبي يريد يطلع من صدري
صوت مزيقه ويه صوت الطبل اني كلبي يدك بصوت احسه اقوه
طب مرتضى ورجل خالتي واسماعيل واخوه ورجال وياهم واكو زلم وراهم تسالمو هوه ومرتضى
مرتضى: امانه الله ورسوله والله يسعدكم ان شاءالله
اسماعيل: ان شاءالله بعيوني
حلا: باس اسماعيل مرتضى ووكف يمي وطلع مرتضى
وكف اخوه بنص
ها خوتي هاااا
هاا
اخوي بيمناه يلاوي الدبابه
ولوصعدت عنده يازلمه يرده
ونكلب بيه الكون الي يوصل حده
وحار بحار صار الطك
حلا: يهوس خالد. وهمه وراه ايردون
وبعدها واحد من ولد عماته هم كام ايهوس
مأاصل والله مااصل من عمه. وخاله
وبعدها. وحده من عماته كامت تهوس
هاي فرحتنه التمام وفرحت كل العمام
وهاي فرحتنه الجبيره وفرحت كل العشيره
حلا: ابو المزيقه ايدك. وهمه يهوسون جابو عباه لبسوني ووكفت كادني اسماعيل وطلعنه شفت امي. تبجي
ماعرف ليش من جوي واني احس اريد ابجي ومن شفت امي ماصدكت احد يبجي كبالي ابجي وياها ويسكتوني حضنت امي
وابجي كوه وخروني طلعت يم الباب مرتضى باسني من راسي اباوع عليه وابجي. هوسه ويجرون بيه صعدوني بسياره مال خالد هوه خالد يسوق اسماعيل ليوره يمي وام اسماعيل بصدر
اباوع ع بيتنه امي ومرتضى وخالاتي كلها بالباب واكفه
حرك خالد واني عيني ع بيتنه متمنيه ارجع ل امي
اسماعيل: كافي مسحي دموعج ههه شصار بالمكياج راح تعب ام الصالون ههه اي هيج ضحكي موبعيدين ان شاءالله كل ماتردين تشوفيهم كوليلي واني بعيوني اجيبج
حلا: مسحت دموعي وام اسماعيل اندارت حجت ويانه وضحكتنه ماافترينه هواي لشارع العام و ودونه للبيت
مخلوني انزل نزلت بس ام. اسماعيل وعماته وبعدها نزلت اني حاطين مي بطاسه وكالو دفريها دفرتها وبالباب ذبحو طلي
دخلت بعدني بباب دخول البيت عمه اسماعيل كسرت بيضه بكصتي ضحكت ولزمت كصتي
وورايه هوسه وهلاهل كعدوني وطلع اسماعيل بره هوسه بعدها والنسوان جوه يهوسن ويطشن جكليت اني بس خالاتي ويايه
صعدوني فوك. للغرفه واخذو البدله
خاله. عفيه غيره لو اطيني البس شي غيره
ام. نبراس: ولج غير هذا سيت العرس سكتي حلو يخبل
حلا: خاله الروب مو. ثخين. اني بردانه والله بردانه
ام. نبراس: سكتي بردانه
حلا: زواجي بشهر ال12
19-12-2004
اكولهم بردانه محد ايصدك راحن خالاتي نزلن وضلت بس ام نبراس يمي تحجي ويايه
ام اسماعيل: ها حبيبه يله عيني انصعد العريس ونطلع وحيدهم بالبيت ايضلون
ام نبراس: وحيدهم بالبيت يبقون
ام. اسماعيل: اي حبيبه ياخذون راحتهم طيور ابينهم مانكون عزول راح نعوفلهم البيت واروح لبيت حماتي وان شاءالله من الصبح نجيهم
ام. نبراس: اي عيني كالت ام منتظر بس ماافتهمت عبالي انتي تبقين
ام. اسماعيل: اي كلت ابقه اخاف يحتاجون شي تالي ابو زين كالي عزول باقيه يمهم كلت صدك شعدي همه عرسان اني شكو يمهم
ام. نبراس: هههه ماشي خيتي بس اعدلها وزفوه لان بجت والمكياج تخربط
ام اسماعيل: وليش البجي يايمه امج هناك واني امج. هنا وهذا بيتج بعد يله عيوني نازله اني
ام. نبراس: شبيج ولج
حلا: خاله مادري ليش اليوم كلش مشتاقه ل ابويه غصب عني دموعي تنزل
ام. نبراس: اوووف الله يرحمه يمه اكيد هسه يشوفج وفرحان بيج اقريله الفاتحه حبيبتي واطلبيله الرحمه
حلا: قريت ل ابويه الفاتحه ماعرف احس روحي اليوم محتاجه اله حابه اشوفه متمنيه ولو لحضه يرجع ويشوفني عروس وبهل بدله البيضه الي جان دائما يكولي ان شاءالله اشوفج احله عروس
صرت عروس بابا بس انت ماشفتني
عدلت مكياجي وصارت هوسه بره وصوت صعدت الدرج والهلاهل فتحو الباب طب اسماعيل وعماته وامه
وهوسو النه بالغرفه اني لازمه الروب واحس ثلج صار جسمي اريد خمس بطانيات مو وحده كون خمسه اتغطه بيهن
طلعن وخالتي بوستني وطلعت وطلع اسماعيل وياهم ماكو بطانيه ع جربايه بس لفرشه ضليت واكفه واحس ببرد
دخل اسماعيل للغرفه
اسماعيل: حبيبتي مبررووك ياحلوه الحلوات شبيج شبيج حلا ليش ترجفين حبيبتي
حلا: ببب بردانه
اسماعيل: ههههه هسه اطلعلج بطانيه من الملحق وتدفين بس التدفئه مدفيه الغرفه ماكو برد
حلا: لااا بارده
اسماعيل: ههه هاي بطانيه ادفي هسه اجي اني
حلا: طلعلي بطانيه من الملحق جان اكو تبريد بالغرفه مشغلين التدفئه مالته بس اني بردانه فتح لكنتور طلع دشداشه بيضه معلكه اخذها وطلع كعدت ع جربايه متلفلفه بالبطانيه فتح باب الغرفه ودخل بيده القاط نازعه ولابس دشداشه علكهن بزاويه
واجه بااتجاهي صار كبالي دنج عليه
اسماعيل: كومي. نتعشه
حلا: لاموجوعانه
اسماعيل: تمام.من. توجعين نتعشه اااا تشوفين فلم
حلا: هاا
اسماعيل: فلم انشغل تلفزيون خل اشوف روتانا شمطلعه اليوم سلام. ياصاحبي كلش حلو. هذا الفلم. شايفته
حلا: شغل تلفزيون بالغرفه وطلع قناه الافلام روتانا سينما
ويحجي. ويايه ع فلم راح بتجاه الميز تواليت بي كومدي فتحه طلع كيس ابيض حطه ع الميز وطلع من الغرفه
عيني ع تلفزيون طلع اعلان روووتانا سينما مش حتقدر تغمض عنيك
رجع اسماعيل بيده نفاضه وماعون فتح الكيس الورقي الابيض وفرغه بالماعون كرزات جان وجابهن. حطهن ع كومدي الي يم راس الجربايه
اسماعيل: صعدي صعدي اتمددي خلي نتفرج يله تعالي خوش كرزات
حلا: صعد رجله ع جربايه وضهره سانده ع راس الجربايه وره ضهره المخده
اسماعيل: يله حلااا رجع الفلم تعالي سندي ضهرج هناا
حلا: عدل المخده واشر سندي ضهري رجعت ليوره ع مخده ومتلفلفه بالبطانيه
حط ماعون. الكرزات بنص. ع جربايه بيني وبينه
اسماعيل: يله كرزي حلا شبيج هيج متلفلفه يمعوده دافيه الغرفه يله مدي ايدج خلينه انشوف هل فلم
حلا: اطاني كرزات وضل ماد ايده لحد مااخذتهن اباوع ع فلم. وحطيت لوز بحلكي وهوه يكولي شوفي. ويضحك ع فلم نسيت توتري وخوفي وركزت ويه الفلم وخر الماعون وتمدد قريب عليه صار راسه قريب عليه ويكولي شوفي ويضحك ع فلم
اسماعيل: شويه خلي اتغطه وياج شبيج مجلبه بالبطانيه شويه اتغطه بردت
حلا: عدلت روبي جوه البطانيه ولزمته جره الغطه وتغطه ويايه وصار شويه شويه يايقرب راسه عليه صار راسه ع جتفي ويحجي ويايه ع فلم لو يقلد ع اعلان من يطلع يضحكني
رفع نفسه حط ايده وره ضهري
اسماعيل: شكد ايطلعون اعلانات ههه مش حتقدر تغمض عنيك حلا
حلا: نعم
اسماعيل: بعدج بردانه اشغل صوبه
حلا: لالا دفيت شويه
اسماعيل: ماجعتي تتعشين
حلا: لا موجوعانه
اسماعيل: حلا اني احبج لاتخافين مني ولاتتوترين من شي اني كل الي اريده انج تكونين مرتاحه ومطمئنه هذا اهم شي عندي
راح اديره للفلم انشوف غير شي شتكولين
حلا: بكيفك ضل ايقلب طلع قناه روتانا اغاني طالعه اغنيه راغب ياريت ضل ايدندن وياه ويباوع عليه ويضحك صرت ابتسم ع تصرفاته غصبا عني
وبعدها يتقرب شويه شويه حضني وحط راسي ع صدره
اسماعيل: شكد حاطين ماشات بشعرج هاي شلون راح تنفتح التسريحه
حلا: مادري
اسماعيل: خلي نفتخها اني وياج
حلا: كمت ع ميز تواليت بده يفتح بالماشات وحده وبعدها اني اخاف اهد الروب بعدها نسيته وصرت افتح وياه بالماشات كومه جانن فتحنه شكد وبعد
اسماعيل: هذا معمل ماشات نفتح بيهن
حلا: ههه اي حته راسي يوجعني من وراهن
اسماعيل: سلامه راسج بعيد عنج الوجع حبيبتي
حلا: صار كبالي باس راسي
اسماعيل: حلا بصراحه موكادر اضغط ع نفسي بعد الله يخليج كافي بعدي اي توتر وخوف لاتخافين مني اني بحياتي ماراح افكر بشي يزعجج او يأذيج اوحته ولو مجرد يخيلج تفكرين بزعل
حلا: حضني باس راسي وحاضني ويحجي
اسماعيل: لاتخافين تعالي نمتدد هنا بالكاع
حلا: اكو فراش بالارض لزم ايدي كعد كعدت يمه باس ايدي ورفع ايده ع وجهي لمس خدي وصار يتقرب عليه
دمعت عيوني من شافني
اسماعيل: بس هل مره لازم اكيد حجو وشرحولج باجر مم الصبح يجون اني وبعدين صار شكد من طبينه للبيت من ال6وهسه ب11يعني لازم يكون راح هل توتر حبيبتي لاتخافين
حلا: ضلي يحجي ويايه ويوصيني اهدئي ولاتخافين بس غصب عني يدخل لخوف لكلبي كل ماتقدم بتجاهي وتقرب اكثر وبقبربه بجيت بصوت همس بااذني
اسماعيل: خلص حبيبتي لاتبجين مبروك يااحله عروس مسحي ذني لدموع مااحبهن يله حبيبتي اهدئي
حلا: ابتعد عني وبعدها رجع تمدد يمي حط راسي ع صدره ويحجي ويايه
ويضحك رجعت اندمجت وياه بسوالف
جاب العشه وتعشينه وبعدها بعد الفرشه من الجربايه
اسماعيل: تمددي وارتاحي انزل للحمام اني
حلا: اا اني اريد انزل
اسماعيل: تمام تعالي
حلا: نزلت احتاجيت حمام وطلعت كالي لاتصعدين انتضريني كعدت ع درج لحد ماطلع
اسماعيل: تعرفين تركضين
حلا: شنوو
اسماعيل: تعرفين تركضين
حلا: اي اعرف
اسماعيل: ماشي الي يصعد الدرج ويوصل للغرفه اول واحد شيطلب يتتفذ اله
حلا: هههههه ماشي
اسماعيل: تمام يللله لالا تعاااالي اوكفي عدل لاتزاغلين
حلا: لابسه السيت وفوكاه الروب واريد اركض واسبقه رجعني عد لحد ثلاثه وصعد اني ماكدرت اتعثرت بالسيت هوه سبقني
اسماعيل: سبقتج ههههههه
حلا: من وره الروب اتعثرت بي
اسماعيل: احنه اتفقنه الي يفوز يتنفذ طلبه
حلا: ماشي
اسماعيل: ذبي الروب
حلا: لا
اسماعيل: قبل شويه ضليتي متمسكه بيه هسه كافي صرتي مرتي بعد ميصير تضلين تستحين مني
وبعدين لعبنه وانتي وافقتي ع شرط
حلا: لزم ايدي جنت لازمه الروب بقوه بعدها ونزل الروب من كتفي يضحك يوجهي باسني من كتفي
اسماعيل: يله صعدي انام
حلا: دخلت جوه البطانيه بسرعه
اسماعيل: الطلب الثاني
حلا: كلت طلب واحد شنو ثاني
اسماعيل: لا كلت تتنفذ طلباته
حلا: لا كلت يتنفذ طلبه
اسماعيل: لالا طلباته
حلا: لا انت كلت
اسماعيل: لاتحجين لاتغشين اني فزت خلص بعد الطلب الثاني تنامين هيج ع ايدي وتخليني اشوف عيونج
حلا: مد ايده جوه راسي وحضني كل ماانزل عيوني يرفع ايده يلزم ذقني يكولي رفعي عينج عليه
اسماعيل: حلا انتي احلى شي بدنيه عندي من، اول مره شفتح واني احلم بوجودج هنا يمي ولحمدلله تحقق هل حلم
حلا: حضني ويهمس يحجي بااذني
ضلينه للفجر كاعدين سبحنه وصعدنه للغرفه
اسماعيل: تعالي حبيبتي يله نامي ع ايدي اتعلمي ممنوع 🚫 مخده ماكو مخده لراسج بس ايدي مخده الج
حلا: نمت ع ايده وحضني جنت نعسانه وبنفس الوقت حسيت ان بتصرفاته وتقربه الي شال نصف الخوف والتوتر والمستحه مني وضل يشاقه ويايه لحد مانمت
بحيث نمت واخر شي اذكره اني جنت اضحك ع نكته وغفيت واني اسمعه
هاي اول ليله بعد وفاة ابويه انام واني اضحك بيها
…… ..يتبع
اسفه جدا جدا ع التقصير والتأخير لكن الضروف حكمت
اعتذر جدا واحاول اعوضكم عن التقصير ان شاءالله