الطبيب:للأسف مدام عشق عندها فقدان في الذاكرة بسبب اصطدامها بالعربية والدم الكتير اللي نزفته بعد اذنكم
مالك بصدمه:فقدت الذاكرة!!
احمد بالم:فقدان الذاكرة دا ليها رحمة من ربنا
عشان ينسيها اللي عملته فيها
مالك بصدمه وحزن:انا اللي عملت فيها كل دا
وكاد ان يسقط على الأرض ولكن ديما والده بجانبه هو وأخواته فهو سندهم وقوتهم
يسنده مهند القاضي وياخذه للخارج
ويتحدث كل منهم معاً
مهند القاضي بكدب:مالك انت ممكن تطلقها الوقت خلاص بدل اتجوزتها وحاولت تصلح المصيبة اللي عملتها احنا ممكن نوديها مكان أمان
ونجيب ابن عمها عشان يفهمها اللي حصل وتسيبها بقى
مالك بلهفة ورد سريع:لاء مش هطلقها مش هسيبها
مهند بشك:ودا ليه بقى
مالك بوجع:مش هسيبها
مهند ب استفزاز:صعبت عليك بعد الضرب والمصيبة اللي انت عملتها
مالك بوجع:لاء عشان انا بحبها عشان شايفها قدامي طول الوقت نيلي في طيبتها وشبها الكبير
عشان هي محترمة لكن انا اللي وسختها ب ايدي وانا اللي خلتها تدفع تمن ملهاش ذمب فيه
بس انتقامي عماني
مهند القاضي:جاي تعرف الوقت انك غلطان
جاي تعرف الوقت انك بتحبها
مالك بحزن ووجع:انا مش هسيبها ولا هطلقها هتفضل مراتي وهعاملها كويس وهاخدها الڨيلا
لما تبقى كويسة وهخليها تحس ان احنا كنا متجوزين عادي وكنا بنحب بعض كمان
مهند القاضي ب ايجاب:كنت عارف انك بتحبها
من ساعت ماقدرت ودخلتها من باب الڨيلا
وقولت انها هتفضل هنا
ضميرك بيأنبك انك وجعت ودمرت اكتر وحده حبيتها مش كدا... انا عارف الاحساس دا كويس
مالك و دمعه تسقط من عينه أمام ابيه:حبيتها من سنة من اول ماشوفتها حسيت اني بشوف نيلي
لما كبرت لكن اللي خلاني ادمرها واعمل فيها كدا انها حفيدة كارم الشهاوي ومن دمه قولت دي اكيد زيه عشان من دمه حاولت اكرها لكن حبيتها في الاخر حتى لما عملت فيها كدا كان نفسي ارجعلها واقولها اني مش هسيبها وهفضل معاها
لكن كل دا بسبب كارم الشهاوي اخدت منه كل حاجة فلوسه وشركاته وش..يغمض عينه بوجع قائلاً:وشرف حفيدته لكن عرفت اني دمرتها هي مش هو
أهلها باعوها ليا بعد كل اللي عملته فيها
مهند القاضي:اخيرا قدرت تواجه نفسك
انا ابوك يا مالك وهساعدك عشان تقدر تقف
على رجليك ابوك ديما جمبك مهما حصل
وانت تقدر تصلح كل حاجة لو انت عايز تصلحها
مالك بوجع:مش كل حاجة الواحد بيعوزها بتحصل وبعدين هي عمرها ما هتسامحني
ساعدني يا بابا انا بحبها
مهند القاضي:بس انت حظك حلو ان البنت دي فقدت الذاكرة حاول على الاقل تصلح اللي عملته
قربها منك وخليها حتى لما ترجعلها الذاكرة
تقرر تسامحك ولا لاء تفضل معاك ولا لاء ودا حقها
مالك بوجع لفكرة ان عشق ممكن تسيبه ومتبقاش في حياته قائلاً:مش هتبعد و لا انا هسيبها تبعد عني
مهند القاضي:قوم عشان نروح الكلام دلوقت
مش هيجيب فايدة وبعدين سيبها تستريح
مالك:انا هفضل معاها هنا روح حضرتك انت وماما
انتم تعبتوا النهارده وكمان احمد عاصم وعمتي
مهند بتنهيده:طيب خليك جمبها
وابقى طمنا في التلفون امك وعمتك مش هيناموا النهارده حبوها وخافوا عليها
اكنهم يعرفوها من سنين
وكاد مهند القاضي ان يذهب ولكن اوقفه مالك قائلاً:بابا...
مهند القاضي:عايز حاجة يا مالك؟؟
مالك بتأسف:من حسن حظي اني ابن احسن واعظم اب في الدنيا... مهند القاضي
يدخل في حضن ابيه لانه سنده الوحيد يمنحه الأمان والقوه.. يبتسم مهند القاضي على ابنه وهو بيحسس على شعره قائلاً:ربنا يخليك ليا يا حبيبي واعرف ان ابوك ديما جمبك في كل وقت لكن مش معنى كدا اني هظلم عشق ابداً حتى لو عشانك
حبي ليك ولاخواتك مش دلع... انا علمتكم العدل والحق علمتكم ازاي تبقوا رجاله
لكن في نفس الوقت حبي وخوفي عليكم ملوش عدد انتم الاربعه قلب مهند القاضي اللي بيخلي ينبض وعايش
مالك ب ابتسامة وهو يقبل يده:هتفضل احسن اب في الدنيا وهتفضل ديما مثلي الأعلى
يبتسم مهند القاضي على ابنه فهو يعلم قلبه الأبيض
وبعد وقت
يخرج الجميع من المشفى معادا مالك يظل بجانبها وهو يئنب نفسه على ما فعله ف تلك المسكينة
ويتصل ب فارس
فارس ب استغراب يرد قائلا:ايه المصيبة اللي حصلت المرة دي بسببك يا مالك القاضي؟؟
مالك بضيق:عشق ف المستشفى
فارس بصدمة:ايه طب وهي كويسة الوقت حصلها ايه عملت فيها ايه يا مالك
مالك بحزن:عملت حادثة وفقدت الذاكرة
ولما فاقت مقالتش غير اسمك
الظاهر كدا مش فاكرة حد غيرك
فارس بحزن على عشق:من بكرا الصبح هكون عندها ومش هسيبها ليك أبداً
مالك بغيره وضيق:عشق مراتي ومحدش هياخدها مني وهي موجودة في مستشفى(........) تمم
ثم يغلق الهاتف بضيق
وينظر لعشق من خلف الزجاج بندم قائلاً:سامحيني يا عشق على كل الوجع اللي كنت السبب فيه
ويدخل غرفتها ويجلس بجانبها
وهو يملس على شعرها برقه حتى يغفل بجانبها
وفي نهار جديد
في ڨيلا يوسف فريد
يخرج عز من غرفته وهو يتتاوب
وينزل الي السفرة ويرى والديه وداليدا
داليدا بلهفه تدخل في حضن اخيها:عز وحشتني اوووووي انت رجعت امتى من لندن
وبعدين انت هنا من امبارح؟؟
ندى بفرحة:ياحبيبي يا عز اخيرا رجعت
طب ومقولتش ليه كنا استنناك ف المطار
عز بضحك وهو يحضن ابيه:اصبح الأول بس
على اغلي واحد في حياتي
يوسف بفرحة برجوعه قد ايه اشتاق لابنه عز
يجلس بجانبه على الافطار:وحشتني اوي يا عز
ها احكيلي بقى عملت ايه
عز بضحك:عيب عليك يا والدي ابنك نجح ومكتفاش ب كدا انا عملت كام اتفاق كدا في لندن بين الشركات هناك وشركتنا
يوسف بضحك:طول عمري واثق فيك يا عز
ابن يوسف فريد بقي
ندي بفرحة:كفاية كلام عن الشغل بقى دا لسه جاي كل يا عز انت هتعد معايا وتحكيلي على كل يوم قضيته هناك
داليدا بضحك:هيعد يحكيلك عن خمس سنين ازاي قوليلي هاا قوليلي وبعدين
متخافيش ياماما مش هيهرب والله
ثم تكمل بضحك:خلاص يا عز ما انت رجعت استلم بقى كل يوم من دا
ياعيني عليا هو انا مش بنتك ولا ايه ياماما
ولا انتي لقياني عند المعبد اليهودي اعترفي
ندى بضحك:لا عند باب جامع وحياتك
هزري كمان يا ديدا
انتم الاتنين ولادي بس خمس سنين وهو بعيد عني
عز بضحك:خلاص انا رجعت ومش هسافر تاني
وهمسك مع بابا الشركة في قسم الدعاية والإعلانات كدا عشان موهبتي وفي نفس الوقت هكون مسئول عن أي صفقات مهمة لشركة
داليدا بضحك:جاي انت جد يا عز
عز بضحك:المهم قوليلي اخبار يوسف ايه
ومالك ولينا وزين
داليدا بضحك:اه رجعت انت لتؤامك يوسف
إنما عن زين ولينا ف هما كويسين ولينا اتخطبت
إنما مالك بقى
عز ب استغراب:ايه ماله رجع يتعب تاني ولا ايه
اخلصي يا ديدا
داليدا بضحك:لا بسيطة اتجوز
عز بضحك:ايه اتجوز جديدة دي مالك اتجوز؟؟
ولا عرفني ولا حد فيكم قالي
ندى بضحك:اعبالك اما تفرح قلبي وتتجوز انت كمان
عز بضحك:جواز اي بس ياماما
يوسف بضحك:على رائيك يا عز بلا جواز بلا قرف
ندى بغيظ:بتقول حاجة يا يوسف يا فريد
داليدا بضحك لابيها:صلح اللي قولته يابابا بدل ماتخصمك وانت عارف خصام ماما
يوسف بضحك:دا انا بهزر يا حبيبتي هو في احلى من الجواز برده وبالذات لو من وحدة زيك كدا
يضحك الجميع بحب وسعاده
ولكن تدخل الخادمة وتخبرهم
ب مجي رضوي الي هنا
يوسف ب ايجاب:دخليها طبعا
بعد دقائق تدخل رضوي وهي تبتسم وكادت ان تتكلم ولكنها رائت عز
رضوي بغيظ:يابجحتك يا بني آدم انت مش كفاية كنت عايز تسرق البيت امبارح
لاء وكمان جاي تسرق الڨيلا الوقت؟؟؟
عز بغيظ واستغراب:انتي!! انتي بتطلعيلي منين
يا بنتي
رضوي:انت ازاي يا اونكل مدخل الحرامي دا
دا كان عايز يسرق البيت امبارح بليل
اطلب البوليس بسرعة قبل ما يهرب
عز بغيظ:حرامي!! امممم انا بردو اللي حرامي ليه
هو انا اللي نطيت من على السور امبارح وبعدين انتي كل ما هتشوفيني هتقولي حرامي ولا ايه وبعدين انتي مين اصلا
رضوي:انا اللي مين ولا انت
ندى وداليدا ب استغراب من تلك الفتاه
يوسف فريد:بس انت وهي وانت يا عز فهمني
في ايه؟؟
رضوي بضيق:افهمك انا يا اونكل تلاقي دا السواق بتاع حضرتك ولا شغال هنا انا كنت اعده امبارح
ف البيت وفجأة لقيت البني آدم دا بيفتح
باب الشقه بكل سهولة ومن بجحته بياخد شاور اكنه بيته اول مرة اشوف حرامي بياخد شاور
قبل ما يسرق الصراحة
داليدا بضحك:بقيت حرامي على اخر الزمن يا عز
ندى ب استغراب:مين دي يا يوسف
عز بضيق:ياريت انا عايز اعرف مين اللي شايفاني حرامي دي يا بابا
رضوي بصدمة وكسوف وهي تنظر للجميع:بابا!!
وكادت ان تخرج بهمس ولكن يوسف امسك بها
يوسف فريد:انتي هتروحي فين يا رضوي
انتي مكانك هنا
رضوي بكسوف:اعد هنا فين بس يا اونكل انا بهدلت الدنيا خالص وبعدين انا اسفه جدا مكنتش اعرف انك ابن اونكل يوسف كنت فاكراك حرامي
عز ب استغراب:اونكل يوسف انتي تعرفينا اصلاً وكنتي اعده ف البيت بالراحة دي ازاي
يوسف:دي رضوي يا ندي بنت أمجد الله يرحمه ابن عمي مات من فتره صغيره وملهاش حد
وانا مش هسيبها ومن النهارده هتعيش معانا زيها
زي ديدا بالظبط ودول عز وداليدا ولادي
ودي ندى مراتي
رضوي ب ابتسامة وكسوف:انا طبعا اسفه جدا
اني دخلت واتكلمت بالشكل دا بس اونكل يوسف قالي انه عنده بنت واحده بس واسمها داليدا ف انا افتكرته حرامي لكن مكنتش اعرف انه ابنك
عز بضحك:بنت واحده بس وانا مش ابنك ولا ايه اتبريت مني اعترف
يوسف بضحك:حصل خير انت وهي
وانتي يا حبيبتي هو كان مسافر ولسه واصل امبارح ومكنتش اعرف انه راجع عشان كدا قولتلك عندي داليدا بس
ندى ب ابتسامة:نورتي مصر ياحبيبتي و زي ما قال يوسف انتي من انهارده زي بنتنا بالظبط
رضوي:شكرا يا طنط
داليدا ب ابتسامة:هنفضل وقفين كدا كتير ولا ايه
يوسف بضحك:اعدي افطري معانا يا رضوي
يا حبيبتي وبعد كدا ديدا هتوديكي على اوضتك عشان تستريحي فيها شوية
رضوي:بس يا اونكل
ندى ب ابتسامة:مفيش بس اعدي افطري معانا وفرصة نتكلم مع بعض وبعدين متبقيش مكسوفه
البيت بقى بيتك بالظبط
واعتبرينا مكان باباكي ومامتك
ثم تكمل بضحك:هو مش مامتك اوي اعتبرني اختك الكبيره بس
رضوي بضحك:طبعا حضرتك شكلك صغير انك تكوني ام الحرا....
ينظرلها عز بغيظ وتصمت رضوي وتكمل:اقصد عز وداليدا حضرتك جميله اوي
ندي ب ابتسامة:والله انتي اللي جميله
ثم تنظر ليوسف قائلة:رضوي جميله اوي انا حبيتها
يوسف ب ابتسامة:وانا كمان حبيتها عشان شبهك يا اجمل ندى في الدنيا
داليدا بضحك وغيظ في نفسها:اللهي تنشك
يا يوسف متعلمتش من ابويا حاجة ماهو عمال يحب في امي... يلا نصيب
رضوي ب ابتسامة:اونكل شكله بيحبك اوي
يوسف بضحك وابتسامة:اوووووووووووي
تضحك ندى بحب قائلة:اعمل ايه بيموت فيا زي ما انتي شايفة كدا من ٢٧ سنه وهو كدا
تنظر لها داليدا بضحك قائلة:هتشوفي من دا كتير هما كدا كل 5دقايق
وبعدين مبسوطة اني شوفتك وبصراحة كدا قريب اوي هتصدعي مني
تبتسم لها رضوي
ولكن يلاحظ عز شي
عز ب استغراب:استنى انتي رجليكي بتنزل دم
داليدا:اه فعلا
عز لرضوي:تعالي اعدي وانتي يا ديدا هتيلي شنطة الاسعافات اللي هنا عشان انضف لها الجرح
رضوي بخجل:مفيش داعي انا هكون كويسة
عز ب ابتسامة:اعدي بس انتي مش قادرة
تقفي على رجلك
داليدا:شنطة الاسعافات اهي يا عز
يبدأ عز ف تنظيف الجرح وربطه
اما عن رضوي ف كانت تتألم ولكن ألم بسيط
وبعد أن انتهى عز قائلاً:وادي الحرامي خلاص خلص ونضفلك الجرح ايده خفيفة مش كدا عشان حرامي؟
رضوي بكسوف من كلامها معه سابقاً:انا اسفه جدا على الكلام اللي قولتهولك قبل كدا
عز بضحك:رقيقة انتي اوي لكن امبارح كنتي شرسة شوية
رضوي:احم اونكل هو انا ينفع اطلع اوضتي الوقت
يوسف فريد:مش قبل ما نفطر كلنا مع بعض
ويجلس كل منهم على الإفطار
ورضوي تحاول تجنب النظر لعز بسبب خجلها منه ومن كلماتها له
اما عن مالك وعشق
في المشفى يأتي فارس الي عشق ويرى مالك نائم وهو يمسك يد عشق بحنان يدخل بهمس
ويوقظ مالك ويخرج كل منهم ليتحدثوا
بعيد عن عشق
خارج الغرفة
فارس بضيق:ايه اللي انت عملته في عشق دا
انا هاخدها اول ما تصحى واطمن عليها ونمشي
مالك بثقه:وهو انا هسمحلك بكدا؟؟
فارس بضيق:ليه وانت مين عشان تمنعني اخدها
مالك بثبات وثقه:جوزها
فارس بصدمة:ايه انت اتجوزتها
مالك بندم:والقسيمة اهي عشان تتأكد انها مراتي حقيقي مش جواز مزيف
فارس بغضب:ليه على اساس انك معملتهاش قبل كدا واتجوزتها جواز مزيف
مالك بوجع:لو انا عملت كدا يبقى جدك السبب
انا جايبك هنا عشان عشق مش اكتر
عشق مش فاكرة اي حاجة عن حياتها خالص
غيرك انت لكن نسيت كل حاجة
والدكتور فهمني انها فاكراك عشان انت شخص كويس او عشان كنت واقف جمبها عشان كدا فاكراك لكن عيلتها وحياتها واي حد تاني مش فاكراه ودلوقت انا جوزها وهاخده معايا الڨيلا زي
اي اتنين متجوزين انا عايزك تقف جمبها
اي خبر أو حاجة وحشة هتسمعها هتتعبها
وتأثر في ذاكرتها ف بلاش تعرفها حاجة عني
غير أن احنا كنا بنحب بعض واتجوزنا لكن
بلاش تعرفها بالحقيقة لو عرفت كدا
منعرفش ايه اللي ممكن يحصلها
فارس ب اشمئزاز:بدام خايف عليها اوي كدا
ليه عملت فيها كل دا وسيبتها
مالك بصياح:بسبب جدك
وبدأ يحكي له ما حدث معه بالكامل
وبعد وقت
فارس بعدم تصديق:جدي عمل كدا دمر عيله بالشكل دا
مالك بوجع:كارم الشهاوي دمر الكل حتى احفاده مسلموش منه
انا عارف ان عشق ملهاش ذمب لكن حبيتها وفي نفس الوقت كنت بحاول اكرها لأنها حفيدة كارم الشهاوي وكنت بنتقم منه فيها لكن ظلمتها هي
لكن انا بحبها وعارف انها اول ما ترجعها الذاكرة هتسيبني وتكرهني ودا من حقها لكن انا عايز أفضل جمبها على الاقل لغايت ماترجعلها الذاكرة وتبقى كويسة انا مش هئذيها ولا هقدر اعمل كدا
فارس بوجع:لو اخدتها منك جدي هيموتها ومعنديش ثقه اخليها معاك عشق دي اختي انا مش عارف من يوم ما اتولدت وهي بتتعذب لغايت الدقيقة دي اي ذمبها ايه
انا هدخل اطمن عليها وافهمها انها كانت بتحبك وجوازكم كان طبيعي وعن حب وكل اللي هعمله دا عشان صحتها بس
مالك:ودا اللي انا طالبه منك عشانها وبس
في نفس الوقت استيقظت عشق.....
ودخل كل من فارس ومالك إليها
عشق بخوف:فارس انا هنا ليه يا فارس ومين دا
وليه جاي معاك
فارس:اهدي يا عشق دا يبقى.. يبقى
جوزك مالك القاضي حبيب عمرك يا عشق دا انتي فضلتي تتحيلي على جدي عشان يوافق
على جوازكم وانا كنت بساعدكم عشان تتجوزه واللي حصلك دا بسبب حدثت عربيه زي عادتك بتجري ومش اخده بالك من العربيات
عشق بصدمة:ايه يا فارس جوزي؟؟؟انا اتجوزت دا انا مش فاكرة حاجة يا فارس
مالك بحب:اهدي يا عشق انا جوزك وفارس بنفسه قالك كدا احنا اتجوزنا عن حب لكن بسبب الحادثة دي عملتلك فقدان في الذاكرة لكن حاجة مؤقتة كدا وهترجعي تفتكري كل حاجة
شعرت عشق بخجل من لمسته لها واقترابه منها
عشق بدموع لمالك:طب وانا فين ابويا وامي
مليش اخوات مليش اهل غير فارس
انا كل اللي فاكراه ان كان ليا ابن عم اسمه فارس وطول عمره طيب معايا ومش فاكره غير كدا
فارس بوجع:كل اللي قولتي صح يا عشق لكن
انتي ليكي ابن عم تاني مازن يا عشق اخويا
عشق ب استغراب:مازن.. مش فاكرة طب هو مازن كان كويس معايا زيك
فارس بحزن:كان طيب زي يا عشق وكان بيحبك زي اخته وانتي حاولتي تخلي يبطل مخدرات لكن معرفتيش وبعد كدا قولتيلي عشان كنتي خايفة عليه
عشق بشفق:طب ومازن دا كويس الوقت او حصله حاجة؟
فارس بتنهيدة:هيبقى كويس يا عشق وهيبطل وهيبقى كويس انا هدخله مصحة هنا كويسة اوي واول ما يبقى كويس هخلي يجي وتشوفي
عشق بحزن:متسيبهوش يا فارس مازن دا من كلامك عنه شكله طيب ومش ليه في سكة المخدرات دي
فارس بحزن:ان شاء الله
عشق بتسأول: احكولي عن اهلي وعني انا
يعني انا بدرس في كليه ولا اتخرجت
مالك بضيق:اهلك كلهم ماتوا يا عشق مفضلش منهم غير مازن وفارس وبس
وانتي مكنش ليكي اخوات اصلا وماماتك وباباكي ميتين وانتي عندك ٦ سنين
ينظر مالك لفارس بمعنى انه ميتكلمش ولا يعترض على كلامه وفارس فهم كدا وسكت
فارس بتنهيدة:للأسف يا عشق انتي مدخلتيش كليه ومعكيش غير ثانوية عامة بس
بسبب ان أهلنا كانوا رافضين انك تكملي تعليم
عشق بدموع:يعني انا مليش اهل ولا حد خالص وكمان مش متعلمه
مالك بلهفه وحزن على دموعها:انا اهلك ودنيتك
يا عشق
عشق بخجل:استاذ مالك انا عارفة ان احنا متجوزين فارس مش بيكدب عليا لكن انا مش فاكرة اي حاجة ولا فاكرة اني شوفتك ولا حبيتك قبل كدا
ف لوسمحت اديني وقت اعرفك فيه
مالك بتنهيدة:حاضر يا عشق
اهم حاجة تكوني كويسة بس
فارس ب ابتسامة:انا اطمنت عليكي يا عشق اسيبك عشان تستريحي ورقمي مع مالك
لو عوزتي اي حاجة في اي وقت
اخوكي هيكون موجود طبعا
مالك بغيرة:جوزها جمبها ومش هيسيبها أبداً متقلقش
تعالي معايا يا فارس هوصلك بنفسي ونسيب عشق عشان تستريح
ويتجهه كل منهم الي الخارج
فارس:ليه فهمت عشق ان كل أهلها ميتين
مالك:عشان متعدش تفكر فيهم وتتعب ذاكرتها زيادة وغير كدا أهلها دول معملوش حاجة غير انهم ذلوها ووجعوها وهي مش محتاجة تعرف حد غيري وبس
فارس:انا هبقي اطمن عليها ديما منك
مالك بتردد:انت اخوك مدمن مخدرات
فارس بضيق:ايوا بس هيتعالج وانا جيت مصر عشان عشق وعشان اودي مصحة هنا ويتعالج
مالك:هيبقى كويس ان شاء الله انا هديك عنوان مصحة كويسة اوي لعلاج الإدمان تبقى ملك الدكتور مراد سليم جوز اسيا عاصم اللي خالها يبقى جدك وطبعا جدك دمر حياتها هي كمان ومن صغرها
وجدك سايب أثر في كل واحد فيهم
المهم هي مصحة كويسة لعلاج الادمان جرب تودي اخوك فيها وان شاء الله يبقى كويس
وشكرا عشان بتساعدني في موضوع عشق
فارس بحزن:جدي ممكن يكون عمل كدا لكن عشق ملهاش ذمب في كل دا في المرة الأولى ضيعتها ب ايدك قدامك فرصة تاني و اوعي تضيعها من ايدك في ناس بيتمنوا يعيشوا مع اللي بيحبهم لكن للأسف مش بيكون ليهم فرصة تانية
ويتركه ويذهب
يعود مالك إلى عشق وهو يبتسم ويقبل باطن يدها بحب:الحمدلله انك بقيتي كويسة لو تعرفي كنت هموت من القلق عليكي ازاي وانا شايلك وانتي عماله تنزفي
عشق ب ابتسامة وخجل:انت شكلك كنت بتحبني اوي
مالك بصدق:اوي
عشق ببرائة:هو انا ينفع اطلب منك طلب
مالك:اطلبي طبعا
عشق:ينفع اخرج من المستشفى ونروح بيتنا دا
اصل انا حاسه اني كنت بخاف من المستشفيات
مالك ب ابتسامة:بس كدا حالاً
هنكون في البيت بس اطمن عليكي الاول
وبعد كدا نخرج من المستشفي
في ڨيلا مراد سليم
ليلى ب ابتسامة:صباح الخير يا بابا
مراد واسيا:صباح النور يا حبيبتي
تاكل ليلى بسرعة قائلة:لازم اخرج بسرعة عندي محاضره مهمه... واه بعد اذنك يا بابا
انا هاجي بعد الكليه في المستشفى بتاعت حضرتك
عشان اضرب فيها عملي
مراد قائلاً:بس كدا تعالي في اي وقت وانا هكلم دكتور يكون مسئول عن تدريبك يا ليلي
بس اشمعنا اتخصصتي في علاج الإدمان يا ليلي؟؟ وبتدرسي بكل جهدك وبتقرئي في علم النفس عن التخصص دا
ليلى بنظرة حزينة:مجال صعب ومش اي حد ينجح فيه يا بابا وانا بحب المجال دا واكيد هكون شاطرة فيه
مراد ب ايجاب:بنت مراد سليم... بدام عنك هدف يبقى هتنجحي ويلا على كليتك عشان متتاخريش
ليلى ب ابتسامة:سلام يا ماما انتي وبابا
اسيا بتنهيدة:ربنا يحميكي يا ليلي
مراد ل اسيا:ينفع اعرف بقى مالك
اسيا بحزن:انا السبب في كل اللي حصل لاخويا ومراته
لو مكنتش شوفته ولا عرفت انه اخويا مكنش حصله كل دا.... بسبب انه دافع عني بنته ماتت
انا السبب في موت بنتهم الوحيده...
احمد ديما مش عايز يحسسني اني السبب
لكن كل ما بشوف نظره عينيه على اي بنت بيشوفها وهو بيفتكر نيلي بموت يا مراد احساسي اني السبب في كل دا بيموتني... يارتني فضلت في الغيبوبة دي ولا ان بنته تموت... فقدان الابن صعب اوي يا مراد
انا مش بستحمل ليلى تبعد عني اومال يارا اللي اتحرمت من بنتها دي ايه يارا استحملت كتير
انا السبب في كل دا
مراد بحزن:حبيبتي انتي ملكيش اي ذمب في كل دا
واحمد بيحبك اوي لكن موت بنتهم دا صعب
لكن انتي ملكيش ذمب متحمليش نفسك اكتر من كدا....لكن عشان انتي بتحبي اخوكي ونيلي الله يرحمها ف بتقولي كدا كلنا مظلومين والظالم
كارم الشهاوي
اسيا بدموع:شكرا انك فضلت واقف جمبي ديما
مراد ب ابتسامة:واقف جمبك؟؟ انتي مراتي وروحي
وهفضل ديما جمبك... ربنا يخليكي ليا انتي وليلي
اسيا ب ابتسامة حزينه وهي تتذكر نيلي:يارب
يصل مالك أمام الڨيلا بعد أن اعطي تعليمات للجميع ب معاملة عشق بحب ولا يخبرها احد ب اي شي حدث من قبل قط
تدخل عشق الڨيلا مع مالك بتوتر بسيط
سارة ب ابتسامة تحضن عشق قائلة:كدا برده تخضينا عليكي يا عشق بس الحمدلله انك كويسة ياحبيبتي
مهند ب ابتسامة:حمدلله على سلامتك يا عشق
تنظر عشق لمالك بمعنى:مين دول
مالك:احم دول ابويا وامي يا عشق وبيحبوكي اوي
عشق ب ابتسامة:اتشرفت بمعرفتكم بس انا معلش مش فاكرة اي حاجة خالص استحملوني
مالك ب ابتسامة:تعالي يا عشق هعرفك على اخواتي وافكرك بيهم كمان
عشق ب ايجاب:ماشي
مالك ب ابتسامة:دي تبقي تؤامتي لينا ودا زين اخويا ودا يوسف
لينا ب ابتسامة:حمدلله على سلامتك يا احلي عشق
عشق ب ابتسامة وامان:الله يسلمك يا لينا
زين ب ابتسامة:نورتي بيتك يا عشق احنا من النهارده انا ويوسف زي اخواتك
ولو عوزتي اي حاجة مننا هنكون موجودين جمبك
عشق ب ابتسامة:متشكرة يا زين
يوسف بضحك:انا بقى يوسف وانتي متعرفنيش اوي بس ان شاء الله هتعرفيني انا بقى سكرت البيت دا واي حد بس يزعقلك ولا يدايقك قوليلي وملكيش دعوة انا مسيطر جامد على فكرة
عشق بضحك:واضح
مالك:اطلعي يا عشق فوق عشان تستريحي شوية انتي لسه تعبانة وانا هطلعك الأوضة واعرفك مكانها
عشق ب ايجاب:ماشي يا مالك
على الجانب الاخر تخرج لينا الي الحديقة
ولكنها ترى عز وهي لم تصدق نفسها بفرح:عز انت رجعت امتى من لندن
عز بضحك:لسه راجع امبارح بس اي دا اي دا اختي تتخطب وانا اخر من يعلم ولا ايه وقوليلي بقى بتحبي
لينا بضحك:حد قالك تسافر لو مكنتش سافرت كنت عرفت اني اتخطبت على فكرة
وبعدين انا بحبه اوي اوي كمان
يمسك عز يد لينا بسعادة:مبروك يا لي لي
في تلك اللحظة يدخل ادم ويرى عز ولينا
ادم بغضب:انت مين وبأي حق تقف معاها
عز ب استغراب:مين دا يا لي لي
ادم بغضب وغيره:لي لي؟؟
لينا بتوتر:دا ادم خطيبي يا عز
عز ب ابتسامة:انت بقى ادم مبروك على خطوبتكم
ادم بحده:اياك تقرب منها انت سامع
ولو ايديك دي لمستها تاني انا هكسرها
عز ب استغراب:انت بتتكلم كدا ليه
وبعدين انت متعرفش اني اخ....
ادم بحده:مش عايز اعرف حاجة وانتي قدامي
ويمسك يد لينا بعنف... ويبعد بعيد
لينا بوجع:ادم حاسب.. يا آدم حاسب بقى
ايدي وجعتني
ادم بحده:انتي ازاي تقفي مع واحد وكمان
يمسك ايديكي يا هانم ولا صح انا نسيت انك
كنتي مع كل واحد شوية مش كدا
لينا بصراخ:اسكت بقى حرام عليك يا آدم
انا عمري ما كنت مع كل واحد شوية
ثم تمسك يده وتضعها على قلبها قائلة:
والوحيد اللي حبيته هو انت واللي انت شوفته دا يبقى اخويا في الرضاعة عرفت يبقى مين
كفاية يا آدم... كفاية
وتتركه وتدخل الڨيلا مره اخرى
في إحدى المصحات/المستشفايات المخصصة لعلاج الإدمان
دخل مازن مكتف بواسطة حراس فارس
الي غرفة من غرف المشفى
وهي عبارة عن فراش فقط وبعض الكراسي البلاستيكية والنوافذ المغلقة والمحكمة بالحديد
يدخل فارس ليتحدث مع أخيه قليلاً قبل وصول الدكتور المشرف على علاج مازن
مازن بغضب:خرجني من هنا يا فارس انا مش عايز ادخل مستشفيات
فارس:لازم تبطل يا مازن انت وعدتني انك هتبطل واحد زيك بعد ماكان بينه وبين الموت خطوة لكن ربنا رايد انك تعيش عشان تبطل وتفوق لنفسك
عشان ترجع دكتور مازن الشهاوي من تاني
كل حاجة صعبه عارف لكن هتعدي
كاد مازن ان يتكلم ولكنه صدم عندما رائ أمامه ليلى ومعاها الدكتور المشرف على علاجه
يقع نظر ليلى على مازن بصدمة قائلة لنفسها:مازن!!
فارس:دا الدكتور وليد المشرف على علاجك
ودي الدكتورة ليلى اللي هتساعد الدكتور
في علاجك
مازن بغضب:مستحيل
انا مش هعد هنا يا فارس
فارس بضيق:مفيش خروج من هنا يا مازن
غير لما تبقى كويس
مازن بوجع:هتعالج يافارس وهبطل بس بلاش المصحة دي طب وديني اي مصحة تانية
بس بلاش اعد هنا
فارس ب استغراب:اشمعنا المصحة دي
مازن برد سريع:عشان لي... وكاد ان يكمل اسمها
ولكن توقف وهو ينظر لها بوجع قائلاً:مش عايز اعد هنا وخلاص مش هعد هنا ومش هبطل
فارس بضيق:انا ماشي مينفعش اعد اكتر من كدا وتبطيل هتبطل يا مازن
يخرج فارس وتبقى معه ليلى والدكتور وليد فقط
زفر مازن بضيق وهو يحرك قدمه بغضب
بدأ مفعول المخدرات يروح
الدكتور وليد:انت أن شاء الله هتعد معانا فتره صغيرة وبعد كدا ترجع تاني كويس
فارس بيه قال انك كنت بتدرس في كليه طب
وفي يوم هتكون زميل لينا
مازن بضيق:ومين قال اني هعد هنا ولا هبطل انا اعمل اللي انا عايزه انا هنا بفلوسي
الدكتور وليد:انت هتبتديها كدا على العموم اخوك موصي عليك اوي ومش هتخرج من هنا غير وانت مبطل دكتورة ليلى انا هروح وابعتلك حد من معمل التحاليل ياخد منه عينت دم
ليلي:اوك يا دكتور
وبعد خروج دكتور وليد
نظر مازن لليلى بوجع:ليلى
ليلى بضحكة وجع:ليلى
ايه كنت مستنيني اجري عليك واحضنك
بعد ماسيبتني مش كدا!! بعد ما رمتني سنه
وكنت بتضحك عليا مش كدا ياريتني ماشوفك ولافتحتلك قلبي
مازن بوجع:عمري مانسيتك أبداً يا ليلي
ليلى بحزن:فعلا هتنسي اللي كنت بتضحك عليها وكانت لعبه في ايدك ازاي
مازن بضيق:مش هتشوفي وشي تاني
انا هخرج من هنا مش هعد في المصحة دي
ليلي:انت مش هتخرج من هنا غير وانت مبطل
وانا اللي هشرف على علاجك يامازن وبنفسي
ويا انا يا انت
ثم يأتي الي ليلى ومازن بعض الممرضين
لأخذ عينه دم من مازن ومتابعه حالته
وبعد وقت في غرفة مالك
مالك ب ابتسامة:بالشفا يا عشق
عشق بخجل وابتسامة:شكرا بس انا كنت اقدر اكل لوحدي
مالك ب ابتسامة:زي ما انتي متغيرتيش
عشق بضحك واستغراب:ليه هو انا كنت الأول ازاي
مالك بتنهيده وحب:كنتي زي القمر ولسه زي القمر
عشق ب ابتسامة وكسوف:مش عارفة ليه حاسه انك مش جوزي
مالك بندم:ليه بتقولي كدا يا عشق احنا متجوزين وممكن اوريكي القسيمة
عشق ب ابتسامة:انا مصدقاك بس مش عارفة ليه مكسوفة منك مش المفروض ان انا مراتك
واني متكسفش من كلمه زي دي
المفروض اكون فرحانة
مالك ب ابتسامة:والمفروض برده انك فقدتي الذاكرة ومش فكراني وبتتعرفي عليا اكنك اول مرة تشوفيني
عشق ب ابتسامة:طب قولي يامالك انت اول مرة شوفتني ازاي وفين وحبينا بعض واتجوزنا من امتي
مالك وهو ينظر في عيونها بحب وتنهيده قائلاً
:انا كنت راكب عربيتي وفجأه لقيت حورية
من الجنه قصادي راكبه على حصانها
وبعدين وقعتي من على الحصان وكان مغمي عليكي وانا ركبتك عربيتي وحاولت افوقك ووديتك مستشفى عشان اطمن عليكي
لكن انا من ساعت ماشوفتك وعينيكي اجت في عينيا حسيت قد ايه انا بحبك وانك ملك ليا
وبعدين بقى اتجوزنا امتى ف احنا متجوزين
من وقت قريب ويعتبر ان احنا في شهر العسل
لكن حصلتلك الحادثة دي وفقدتي الذاكرة
عشق ب ابتسامة:بجد احنا اتقابلنا وحبينا بعض كدا زي الروايات يعني
ياااه ياريتني اقدر وافتكر كل لحظة كنا فيها
مع بعض
مالك والابتسامة تختفي من وجهه وهو يتذكر قد ايه هو كان ظالم معاها ودمر حياتها بالرغم من انه حبها
هيقولها ايه انه اغتصبها واتجوزها جواز مزيف ورماها وسابها تاني يوم
عشق ب استغراب:مالك سرحت ف ايه
مالك بنظرة حزينة:ولا حاجة يا عشق
احم حبيبتي انا لازم امشي الوقت انا ورايا شغل كتير
عشق:هتمشي الوقت...طيب يا مالك
مالك ب ابتسامة واستغراب:انتي عايزانى افضل جمبك؟؟
عشق بخجل:حاسة اني مطمنة طول ما انت جمبي
وخايفة اكون لوحدي وانت مش معايا
مالك ب ابتسامة:خلاص مش همشي وهفضل معاكي
عشق ب ابتسامة:خلاص يا مالك روح شغلك
انا مش هخاف حد يخاف من اوضته ولا من بيته
انا هفضل في اوضتي لغايت ماتيجي بس ينفع متتاخرش
مالك ب ابتسامة:مش هتاخر ياحبيبتي
ويخرج مالك من الغرفة وهو يتألم من حبها قائلاً:هعمل ايه
انا لما ببقى معاها بنسى كل حاجة بفرح من قلبي عشان بشوفها قدامي... لكن لازم اعمل لنفسي حدود علشان لما تعرف الحقيقة وتسيبني
انا مش هقرب منها لازم امنعها تقربلي
مش هوجعك تاني ياعشق صدقيني
اما عن عشق ف كانت تجلس في الغرفة وهي تبتسم قد ايه مالك جذبها من اول ماشافته في المستشفى ولما حكت معاه واتكلم معاها
وعرفها قد ايه هما بيحبوا بعض وبينهم قصه حب جميلة كانت تتمنى تعيشها في يوم... فرحت اكتر
في المصحة بعد أخذ عينه دم من مازن
وحبسه في غرفته
يتذكر...
في أول يوم في الجامعه لليلى وهي تنظر في بعض الأوراق الخاصة ب مادتها الدراسية كان يقف مازن أمامها بعد أن وقعت عينونه
على عيونها الفيروزي وسحرته بيها
مما أخجل ليلى التي لفت انتباها هو الاخر
ثم أتت أمامه ذكرى أخرى وهو يحاول مساعدتها في بعض موادها الدراسية وتقربهم من بعض
مازن ب ابتسامة ومعه ليلى وهو يضع ورة بيضاء على شعرها البني الطويل وهو يرى عيونها الفيروزي وابتسامتها الصادقة
اما عن ليلى ف كانت تجلس في مكتبها بالمشفى تبكي بقهر وهي تتذكر وداعهم
في مكانهم المفضل وليلى ب انتظار مازن
ليلى ب ابتسامة وتلقائية وهي تحضن مازن بحب قائلة:مازن كل دا عشان تيجي ايه كنت مختفي فين انت قولتلي انك هتروح تشوف اهلك
وترجع تاني لكن عدا شهر يا مازن ولا حتى بتيجي الكليه ايه اللي حصل قلقتني عليك
مازن بوجع وكدب:زهقت منك
ليلى بصدمة وعدم تصديق:ايه بتقول ايه يا مازن
مازن بكدب:بقول اني زهقت منك ايه غريبة دي
وحدة وكانت في حياتي ودلوقت زهقت منها
ليلى بوجع:مازن انت بتهزر انا ليلى يا مازن حبيبتك
مازن بوجع:وانا مش بحبك انتي مجرد لعبه
كنت بتسلي بيها
معنتيش تتصلي بيا ولا تقربي مني انتي سامعه وياريت تكوني فهمتي الدرس كويس
ليلى بوجع وهي تنظر في عيونه:بكرهك
وتذهب وتتركه
ثم تاني أمامها ذكرى أخرى بمعرفتها ب إدمان مازن
في الكلية
ليلى بعد آخر لقاء لها مع مازن
لم تراه ولا حتى في الكليه ويتغيب عن الكلية عده شهور تشعر بالقلق وتذهب لاصدقائه لتطمئن عليه
ولكن يوقفها عادل
عادل بضحكة خبيثه:عايزة تعرفي مازن الشهاوي مش بيجي الكلية ليه مش كدا
ليلى بضيق:وانت مالك
عادل بكره:مازن الشهاوي اللي طول عمره من اوائل الكليه بقى شمام... مدمن مخدرات
ليلى بعدم تصديق:انت كداب مازن استحاله يعمل كدا
عادل بضحكة خبيثة:عمره ما يعمل كدا
انا هخليكي تشوفيه بنفسك
يفتح إحدى الفيديوهات من هاتفه
عادل بكره:اتفرجي بنفسك على الشمام بتاعك
تاخذ ليلى الهاتف وترى الفيديو وهي مصدومة
من ماترى وهي ترى مازن وهو ينحني ليستنشق جرعة من المخدرات بلهفة
ليلى بصدمة:مستحيل مازن يبقى كدا
عادل:اديكي عرفتي على حقيقته سلام
تفوق من ذكرياتها بوجع قائلة:ليه يا مازن تعمل فيا وفي نفسك كدا لييييييه!!
اما عن مازن ف كان يتألم في غرفته:عايزانى اقولك اي يا ليلي اقولك اني كدبت عليكي مع انك الوحيدة اللي حبيتها
اقولك حقيقتي اني مدمن مخدرات عشان تسيبني بنفسك
مش هقدر اشوفك قدامي وانتي اللي هتعالجيني من الإدمان.... لاااااا
في المساء
يدخل مالك غرفته ويرى عشق أمامه
مالك ب ابتسامة:اتاخرت عليكي
عشق ب ابتسامة:يعني
مالك بتنهيدة:انا جاي هلكان من الشغل
هدخل اغير في الحمام وارجعلك تاني يا عشق
تحرك عشق راسها ب ايجاب
وبعد دقائق يخرج مالك من الحمام مرتدي بنطال رياضي وتيشرت يبرز عضلاته
اما عن عشق ف كانت ترتدي بيچامة وردية
وأطلقت شعرها البني المنسدل
مالك ب ابتسامة:احنا المفروض هنام الوقت
عشق بتوتر:يعني انا وانت هنام على السرير دا
مالك:اه
عشق بخوف بداخلها لم تعرف سببه قائلة:مالك ينفع اطلب منك طلب
مالك وهو يشعر بخوفها:اطلبي على طول يا عشق
عشق بخوف:ينفع تسيبني انام هنا لوحدي
او حتى اطلع انام في اي اوضه تانية
مالك بتنهيدة وهو يعلم خوفها:عشق انا عارف
انك لسه مش متعودة على اي حاجة
بسبب فقدان الذاكرة وانا فاهم دا انتي خليكي نايمة هنا وانا هطلع انام في اي أوضة تانية واي حاجة حاسة بيها او عايزة تقوليها عرفيني بيها على طول من غير ما تخافي او تتكسفي انا مش عايز غير راحتك تمام يا حب.. حبيبتي
عشق ب ابتسامة:شكرا وبعدين انت طيب اوي يا مالك
مالك ب ابتسامة وتلقائية يقبل خدها برقة قائلاً:ادخلي نامي وانا هروح انام في اوضة تاني
تصبحي على خير
عشق ب ابتسامة وخجل من قبلته:وانت من اهله
وبعد خروج مالك من الغرفة
جلست عشق على الفراش ب ابتسامة
وهي تضع يدها على خدها
ثم تتجة لتسترخي قليلاً وتنام في هدوء
على الجانب الاخر في غرفة زين
وهو شارد في ذكرياته مع سلمى
فلاش باك
زين وحالته تسوء حتى لم يقدر على مسك الطعام بيده كان كل جسمه ينتفض ويرتعش
كانت ملابسه متسخه من الطعام اللي عليها
ودقنه وشعره الطويل
تدخل سلمي وهي بيدها دوائه ولكنها ترى في تلك الحاله وكل جسمه ينتفض
سلمي:زين انا كويس
زين بتعب:م... مش ك.. كو.. كويس خالص
ليه مش قا.. قادر امسك الاكل
سلمي بحزن:معاد الدوا بتاعك اتفضل
زين بحزن يكسر كوب المياه ويرمي الدواء قائلاً:م.. مف.. مفيش امل انا... هف.. هفضل كدا على طول سلمي بحزن:لا يا زين انت هتخف هترجع تاني بشمهندش زين الناجح... القوي اللي كل الناس بتحبه زين بنظره حزينة:ه.. هو انا... ش.. شكلي وحش سلمي بدموع:لاااا.. انت اجمل انسان
انا شوفته في حياتي
تمسك يده ويشعر زين بيدها:انت اجمل حاجة
انا شوفتها
زين ب ابتسامة وقلبه يعلن عن حبه لها:و..وانتي د... دوايا يا س.. سلمي
سلمي ب ابتسامة تقترب منه وتعطي دوائه
وتبتسم له قائلاً:من النهارده مش هتتحبس في اوضتك تاني هتخرج حتى لو غصب عنك هتشوف اخواتك وأصحابك هتلف الدنيا كلها...
ودقنك الطويله دي وشعرك هيتحلقوا
هرجهم تاني بشمهندش زين... وعد
زين ب ابتسامة وهو يخرج كلامه بصعوبه:ش..شكرا على ك.. كل حاجة... بتعم.. بتعمليها عشاني.. يا.. س.. سلمي
يفوق زين من ذكرياته قائلاً:غبي.. غبي يا زين
ازاي تصدق ان سلمي ممكن تسيبك
لكن كنت هعمل ايه هي اللي قالتلي كلام اي حد مكاني مكنش هيستحمله
ويتذكر بعدها عنه وبدأ يمر بمراحل علاجه
وصموده من اجلها
زين لنفسه:بكرا بس يا سلمى
ومش هسيبك تروحي مني ابداً
ويغمض عينيه مستسلم لنوم
في قصر كارم الشهاوي
يدخل على بسكر وكاد ان يسقط عده مرات
ولكن يقف امامه قاسم و جده كارم الشهاوي قائلاً بغضب:راجع سكران يا فاشل كنت فين كل دا هاا
مش همك حياتنا اللي معرضه للافلاس في اي وقت
لكن طبعا كل اللي يهمك السكر والبنات اللي بتنام معها مش كدا
على بسكر:ايوا انا كدا مش حفيدك مش حفيد كارم الشهاوي عايزني اكون ايه
وبعدين فاشل فاشل... انا مش فاشل سامع
واه انا بسكر وبنام مع البنات اللي بعرفها
عارف ليه هاااا عشان انسى الوحيده اللي حبيتها
عشق... عشق اللي انت رفضت اني اجوزها زمان
ورمتها لأول واحد عشان يساعدك بالفلوس بمعنى أصح بعتها.... لكن هو اخد منك فلوسك كلها
وكلها كام يوم ونطرد من القصر الكبير دا
بسببك
كارم بغضب يصفعه
على بوجع:فاكر اني الضربه دي هتوجعني... اتعودت عليها من صغري... عمرك ما حبيتني ولا حبيت عشق
كل اللي همك فارس اكل فارس شرب
مازن راح الكليه... مازن كويس..دول اللي يهموك لكن احنا عمرك ما سألت علينا.... عمرك ما سألت عليا وقولت على موجود على كويس على مات حتى وارتاح.... عمرك ما قولتها ولا عمر حد حبيني
اللي حبيتها بعدت عني وامي ماتت وسابتنا
وانت ولا عمرك سألت عليا حتى ابويا... شايفني قدامه وبضرب منك وحتى موقفش جمبي
ثم ينظر لقاسم وهو يصفق بيده:براڨوا خليك كدا بعيد عننا زي ما انت بعيد من عشرين سنهر
خليك ضل كارم الشهاوي اللي بيعاملك زي ما بيعاملني بالظبط ضيع عيالك ب ايديك
قاسم بنظره حزينه وكاد ان يقترب من ابنه ولكن على ابتعد عنه وهو يضحك بوجع:متنساش تسأل وتتطمن علي فارس هااا
ويصعد الي غرفته ويرتمي على الفراش وينام بسبب تأثير الخمور عليه
وبعد عده ساعات
عشق بدموع وهي نائمة:انا معملتش حاجة ولا ليا ذمب في اي حاجة.. متمشيش وتسبيني متمشيش
وهي تصرخ بخوف
يستيقظ مالك على صراخ عشق
مالك بقلق وخوف على عشق قائلاً:عشق!!
يجري الي غرفته ليري عشق وينصدم من منظر عشق عندما يفتح الباب ويراها امامه
توقعاتكم💥+رائيكم في الفصل دا
مالك هيعمل ايه وهو شايف عشق قدامه في تلك الحاله وعشق هتتعامل معاه ازاي
وزين هيعمل ايه عشان سلمي
ومازن هل المره دي هيتعالج من الإدمان
ومين السبب في اللي حصله
وآسيا اللي حاسه بالذمب ناحيه اخوها ومراته (احمد عاصم ويارا)
وقاسم هيفضل كدا ولا هيتغير
وعلى اللي بيحب عشق ولو عرف انها موجوده
ومع مالك هيعمل ايه
ولينا وآدم ايه اللي هيحصلهم... توقعاتكم💥
لو الفصل دا جاب ب ١٠٠ كومنت وvote زي الفصول الباقيه هنزل الفصل الجديد
ولو مجبش ١٠٠ كومنت عادي هينزل يوم الاربع❤️
الساعة ٩...ولو بتاخر شوية معلش استحملوني بقي😂
اظن كدا عدل ومتنسوش ان الرواية لسه قيد الكتابة
وبعيدين في كومنت كتير مفرحاني الصراحة وكلامك دا ب يشجعني اكتب ومتعرفوش بيحسن نفسيتي ازاي.... بحبكم كلكم يا احلى فانز في الدنياااااااااااااا❤️❤️❤️❤️❤️❤️💥