#خيوط ام حبال
البارت الثاني
ل ورد العامري
حلا: فردشت الجنطه كلها واتذكرت الورقه واول ما سحبت الكتاب جانت بضهره الورقه حسيت دمي مابقه بي غير قطرات وراح يتصفه
الرساله بالكاع واخوتي وابويه وامي كاعدين الف مره كالتلي امي. لاتدرسين هنا هوسه بس اوف اني اجي واله يمهم كان الورقه موكدامي لاكأنها بعيده عني بمسافات لاتعد من التوتر الي بداخلي
مديت ايدي واذا. مجرد اندارو وانتبهو ع وجهي يعرفون اني مسويه. شي من تلفتي وارتباكي
كأني ده افكك. عبوه مو اسحب ورقه. من الارض
شلتها بسرعه وكمت بكومتي تعثرت وكعت
ام. حلا: الله الله شبيج
حلا: مابيه مابيه عثرت بدشداشه مابيه اني مابيه شي
طلعت بسرعه للحمام اقرب شي صار كبالي سديت الباب تنفسي سريع وريكي يابس والخوف يحتل كل جسمي. ولازمه. الورقه بكل قوتي عاصرتها ب ايدي
فتحت ايدي وفكرت اشك. الورقه واذبها وخلص بس مكدرت اشكها
رغم. هل خوف رجعت فتحتها وقريتها وابتسمت
سفطتها وضميتها وطلعت رحت للبوفيه الي بيها هدومي
ضميتها بين. هدومي وغسلت وشربت مي ورجعت كعدت ادرس يمهم
وبليل قبل ماانام رحت للبوفيه اطلع بجامه. امي. جانت تخيطلي بجايم بازه تسويهن باايدها وبعدها من كبرت شويه كامت تشتريلي بجايم. تراكسود. حاضر تكولي نامي. بيهن احسن من الدشداشه
وتعلمت ماانام. واني لابسه دشداشه ضميت الورقه ورحت للحمام قريتها ورجعتها بمكانها ورحت لفراشي
وكل مايخطر ببالي الي صار اضحك. وافرح بداخلي
جنت عايشه هل شي ماعرف شيتسمه حب لو مراهقه لوطفوله
لو. مجرد سر وشي. حلو. يدخل. لحياتي
الصبح. طلعت من البيت شفته. واكف. بالباب زين. هسه شلون ادك. الباب واصيح. منال
بعدني. مواصله لبابهم
-مناااال جتج حلا
شلونج
حلا: وكفت بعد مسافه عن الباب وهوه واكف بعيد عني ويتلفت
عمار: ليش. مادزيتيلي شي لبارحه هاا
باوعيلي شبيج
حلا اني. احبج. احبج. هواي
اي ضحكي ليش دنجتي هيج.
اتكتبلي اليوم.هااا احجي. ولج لايفوت. احد. لواحد يطلع من بيته
حلا: دنجت وكل مايحجي احس حراره تشع من وجهي
عمار: جتي منال حلا انتضر اليوم. تكتبيلي شي
منال: صباح. الخير
حلا: اريد ارد ع منال مااكدر لساني. اربط مشينه اني ومنال
منال: شبيج مخرسه من. الصبح
حلا: ها
منال: ووجعا شكالج. عمار وهيج. وجهج الوانه قوس قزح صايره
حلا: مكال شي
منال: امممم واكف من الصبح بالباب ومكال شي
حلا: وصلنه لمدرسه. واني اصفن وارجع لكلامه وارجع افز ع درس
عدن يومين اني اشوفه بس ميحاجيني
اليوم. هم واكف بالباب
عمار: هسه. تطلع منال ليش هيج دتسوين كتلج اريدج وامي حاجت امج بس يزوج مالك اخطبج
اني ده اشتغل واجمع علمودج حلا جاوبني شبيج
متردين تكتبيلي براحتج يكفيني اني عرفت انج تحبيني وهذا المهم
منال: هسه اطلع لواضل اراقب اني
عمار: تعالي يله. روحو. للمدرسه
حلا: طلعت منال وتعدينه من. كدامه
عمار: منال
منال: هاا
عمار: ديري بالج. ع مرتي
حلا: رفعت راسي باوعت عليه ضحك. بوجهي. مكدرت اكتم. ضحكتي وبسرعه انداريت. وكملت طريقي جنت. اركض.واسمع ورايه تصيح منال راح. نفسي شبيج. هذا مشي لو ركض
عمار جان. مواليد 88 بطل من المدرسه من الرابع ابتدائي
واشتغل بفرن صمون عجان وخباز
صارت حياتي عباره عن ذكري اله لمجرد ينذكر اسمه كل احاولي تتخربط
عده شهر تقريبا واخويه منتظر راد يخطب
ابوحلا: اي امك ادورلك ع بت حلال
منتظر: اي يمه دوريلي بنيه تكون حبابه ومستوره
ابوحلا: يابه تره لزواج مسؤليه
منتظر: اني كدها ان شاءالله يابه اني مجمع كم فلس والله كريم
ام حلا: واني. مسويه سلفه. ويه الحبايب هل شهر استلمها وعله الي عندك
ابوحلا: ابني اني من حاجيتك موقصدي ع فلوس الجهاز والعرس قصدي ياابني قادر ع مسؤليه المره موبس الفلوس ياابني التعامل الكلمه الطيبه
منتظر :اي يابه ان شاءالله
مرتضى: صبغ. غرفتك عليه اني اصبغها واحضرها الك
منتظر: تسلم
ابومنتظر: دوريله بت حلال والله يسعدهم
ام حلا: والله. اني ابالي وحده
منتظر: منو
ام. حلا: منال بت. ابومالك صديقه اختك
حلا: اي والله منال حبابه وخوش بنيه
منتظر: اهلها. هم. خوش اوادم واخوتها حبابين
ام. حلا: اي. والله. خوش. ناس اروحلهم. العصر واجس. نبضهم. هيه.من. تجيها قسمه لبنيه بعد محد. ايكول دراسه كلها العالم. ادور الستر
ابومنتظر: روحي. العصر والخيره فيما يختاره الله
حلا: فرحت اي منال صديقتي واحبها اروح ويه امي. العصر اي اروح. اكولها تاخذني صار كم مره اشوف عمار خطف وبس باايام الكاعد اشوفه الصبح بالباب
هاشوكت ترحين
ام. حلا: فدساعه يطلع ابوج للكهوه واني اتمشالهم
حلا: اجي. وياج
مرتضى: وين. وياها
حلا: لبيت منال
مرتضى: لابابا كعدي عيب عدهم. ولد
ام. حلا: لالا اخذها وياي مايصير اروح وحدي هيه هم صديقتها وبعدين ياما جتي لمره هيه وبتها شتكول اني اخذ بنتي لبيتهم بس هيه متجيب بنتها
حلا: ضلت امي. تحجي. عليه سكت واني بسرعه بدلت وحضرت نفسي حته بس تكول امي يله تلكاني جاهزه طلع ابويه وطلعنه. اني وامي
دكينه الباب طلع مالك. اخوهم. الجبير
ام. حلا: السلام عليكم
مالك: وعليكم. السلام. هلا خاله تفضلي
ام. حلا: ايزيد فضلك. امك موجوده
مالك: اي خاله موجوده يمه يمه خاله ام منتظر
ام مالك: هلاهلا فوتي خيه البيت بيتج ليش واكفه بالباب
حلا: تلكونه ودخلنه وطلعن منال وخواتها عدها خوات ثنين بس صغار بعدهن بالابتدائيه
واني ابالي عمار وين.
ام حلا: جيناكم غفل ازعجناكم
ام. مالك: يااا موعيب عليج البيت بيتج هلابيج بااي وقت
ام. حلا: اني ماريد اطولها انتي اختي ومن سنين اني. وياج. خيات وصديقات
ام. مالك: اي خيتي كولي
ام. حلا: والله خيتي بصراحه وليدج منتظر نوه يتزوج
ام. مالك: مااشاءالله الله يسعده ان شاءالله
ام. حلا: الله يحفظلج. الولد كالي يمه اريد بت حلال وحبابه واني بصراحه كلت ماالكه احسن من منال وكلت اروح لخيتي واكولها وهيه تحاجي ابومالك اذا الله كتب الهم قسمه
ام. مالك: هلابيج خيه والله مادري شكولج هلابيكم حبيبه والله ان عليه اكولج هسه اخذيها وامشي. اني. الكه احسن منكم بس تدرين لازم. ابلغ ابوها واخوانها
حلا: كعدت يمي منال ومن سمعت الحجي دنجت وترفع عينها تباوع وادنج
شفتي انتي راح تصيرين مرت اخويه
منال: وانتي مرت اخويه ان شاءالله خلص اطيتج اخويه واطيتيني اخوج اتفاككنه بعد ههه
حلا: ههههه
ضلن يسولفن. امي. وام منال
ام. حلا: يله عيني احنه اروح وانتضر منج خبر
ام. مالك: ان شاءالله حبيبه ان شاءالله خير والله مانلكه احسن. منكم احنه
ام. حلا: انتو الاحسن عيوني
حلا: طلعنه للطرمه
ام مالك: ياداده تذكرت سمعتي بيت ابو رضا الاسكافي شصاير بيهم
ام حلا: لاوالله خير شبيهم
ام مالك: يااااا مو جنتهم تخبز وره البيت وكاب التنور ماعرف شصاير وبيتهم الجوه كله محترك وهيه البت خطره وبالمستشفى
ام حلا: ياداده صدك شوكت شو ماادري اني
ام مالك: يا ليوم الفجر خطيه تدرين بيتهم كبال بيت اخوه ل ابومالك وابومالك كلي والله فدانقهرت عليها شلون بنيه
ام حلا: والله ولاادري هسه منج سمعت وهسه بيتهم محروك
عمار: السلام عليكم
حلا: السوالف الي ماتطلع اله ويه الطلعه وكفنه بالطرمه ويسولفن واني شاد انتباهي الموضوع ولبنيه خطيه واسمع سوالفهن انفتحت باب الشارع وطب عمار هدومه كلها طحين
ام حلا: وعليكم السلام هلايمه
عمار: شلونج خاله شلون صحتج
ام حلا: الحمدلله يمه انت شلونك شغلك شلونه
عمار: الحمدلله خاله والله هاي جيتي اطلع من الفجر وارجع للبيت اتغده واروح للفرن وهيج وقت اطب
ام حلا: الله يساعدك يمه يله عيني اروح احنه السوالف وياكم حلوه
ام مالك: شعدج دكعدي والله ماشبعنه منكم
ام حلا: الجايات هواي ان شاءالله
حلا: طلعنه للباب وهنه يتسالمن برفعه عيني شفت عمار ايباوع عليه
ام مالك: اكولج. خيه ترحيلهم. لبيت ابورضا
ام. حلا: :اي خيه اروح بس. كون انا وياج من تردين ترحين تطيني خبر
ام. مالك: خوش ان شاءالله
حلا: ورجع السلام. من جديد رجعنه للبيت وسولفنالهم الي صار ثاني يوم بالمدرسه انسولف اني ومنال هيه تكولي مرت اخويه واني اكولها مرت اخويه
عدن 3ايام وجتي ام مالك وحيدها
ام. مالك: والله خيتي اني خجلانه منكم بس ابوها يكول ابن عمها ايريدها وهوه ناطي تدرين ابن اخوه
ومتفقين. هوه واخوه والله ياخيتي مادري لو من البدايه اعرف جان كتلج
ام. حلا: لاخيه عادي شنو السالفه كلها قسمه ونصيب والله يسعدها ان. شاءالله
ام. مالك :مشكوره خيه لاتزعلين مني اني مادري وروح امي طلع متفق هوه واخوه
ام. حلا: ياااا وليش ازعل صدك كذب
ام. مالك: والله انتي غاليه وعزيزه الله شاهد
ام. حلا: وانتي اعز حبيبه
حلا: ضجت من سمعت انها متصير ل اخويه وحته بالمدرسه حسيتها هيه هم ضايجه
هسه هذا ابن عمج منين طلع النه
منال: اووف سكتي حلا عفيه
حلا: مترديه انتي
منال: ولااطيقه لاهوه ولاابوه ولاحته اخته جابها مالك ع كلوبنه
حلا: هااا هوه اخو خطيبه مالك
منال: اييي
حلا: كولي ل ابوج ماريده شبيج تباوعين شكو بيها
منال: اي هسه ابويه يسمع مني هوه متفق وحاجي ومكمل ومحد يدري لان الولد ده يجهز نفسه وعود شوكت مايجهز نفسه هوه عود ايبلغنه
حلا: ليش هيج يسوي ابوج
منال: مادري مكيف باابن اخوه اووو سدي هل موضوع حلا حبابه روحي طالعه
حلا: سكتت وانقهرت اكثر عليها
عدت فتره وهل فتره امي مشغوله جانت ادور بنيه ل منتظر
ولكتله بنيه تصير بت اخت وحده من الجوارين صديقات امي وراحت امي شافتها ورجعت تحمدبيهم
عده اسبوع واتفقن لنسوان ان يشوفها منتظر وهيه. تشوفه رحت اني وامي وجيرانه ام مؤمل خاله لبنيه
دخلنه بس احنه النسوان ضل منتظر بره
وام. لبنيه ع.ابوها واخوتها وميقبلون. طلعتها خالتها للطرمه
وفتحت الباب من. الباب شافها منتظر وهيه شافته وسلمنه. وطلعنه
ضلت خالتها يمهم
ام. حلا: ها شفتها
حلا: مستحيل تكول اي شفتها كلنه واكفين. وهيه. وره خالتها شلون. شافها
منتظر: لاشفتها بس خلي كم يوم نسئل وهمه يسئلون. والله كريم
حلا: من. كال شفتها صدمني ضليت افكر شلون شافها كلنه واكفين وهيه. وره خالتها
لبنيه جانت حليوه حنطاويه صاحبت وجه مدور عيونها سود كبار
عدت فتره 10ايام وكالو نروح. نخطب ورحنه اني وامي وبعدها راحو زلم واحنه هم وياهم ونسوان من الاهل مشيه خطبه
بهل فتره صادفت وره خطوبه منتظر بيومين امتحانات نص السنه
كاعده. ادرس
منتظر: ها يمه شوكت تطلعون تشترون نيشان
ام. حلا: والله كالو هل اسبوع لان ام امها مريضه بيبيتها يعني وهمه يردونه خبر
منتظر :انتي اتفقتي وياهم. غير موبعدين. تطلع طلبات اني ع كدي فهمتيهم
ام. حلا: الف مره سئلتني موكتلك اي واتفقنه هم. العالم. هم. ع كد. الحال
منتظر: شبيج يايمه غير اخاف تطلع طلبات من لبنيه وتعال اتفاشل ويه الناس
ام. حلا: وليش تتفاشل قابل شراح تطلب بت خمارويه هيه ده. اكولك. ناس مثلنه ع كد الحال
حلا: يمه. منو. خمارويه
ام. حلا: يله صدك. لوكالو. الناس بناس
منتظر: لايمه صدك منو خمارويه هذا كل مااحجي. وصحتي بت خمارويه
ام. حلا: واني شدراني همه هيج. يكولون.
حلا: منو همه
ام. حلا: اهل كبل شلحيتو هسه وخرو عني اريد اكوم. اصلي
حلا: هسه اني. معرفت. منو. خمارويه
منتظر: شمدريني هاي سوالف امج. منين. تجيبها مادري ساعه تكولي شبيك. مستعجل ع بت قرندلي وساعه خمارويه وماافتهمت هيه بت منو هسه هههههه
حلا: هههههههه خمارويه ارجع اقره احسلي
ضل الاسم. ببالي بهل فتره كامو يروحون. يشترون. واني. ملتيهيه بالامتحانات
حته منال مااكعد وياها واسولف بسرعه. نرجع. ندرس نسيت حته. اكولها ع شغله منتظر
كاعدين بليل وفتحو حجي. الزواج
ابومنتظر: ها يابه شنو. الاخبار
ام. منتظر: والله. يابه طلعت صدك. بت خمارويه. هذا لا. وهذا ماريده وكل. الي اتفقنه عليه. اختلف
ابومنتظر: ليش. يابه شصار
منتظر: زيدو بشغلات الذهب يعني..كلت لوامي. ان. زنجيل وحلقه ويامحبس ياتراجي.
ابومنتظر: اي. وشصار
ام. منتظر: عيني. بت. خمارويه. تريد تخم كامل. واخذت. التخم. وانوب لا شو جنه. خفيف كتلها يمه انتي. اختاريتيه محد غصبج. عليه هسه انبدله بعد. مااخذتيه تروح صياغته
ابومنتظر: واقتنعت
ام. منتظر: شمدريني. امها سكتتها كالتلها بالمستقبل. عود بدلوه
ابومنتظر: الله يقدم. الي بي خير
حلا: ماما ريحي. كلبي.وكوليلي خمارويه. منو
مرتضى: لج. هسه. ده اسئل هل سؤال اني. خمارويه. هذا. منوو
ام. منتظر: انتو كاعدين ع.لساني. واني. شدراني. منو.
ابومنتظر: ههههههه لو. امكم. تعرف منو خمارويه. وشنو. قصته جان. ماحجت بي
حلا:يعني. تعرفه. انت بابا منو حباب
منتظر: اي. والله يابه منو تره امي. دوختني. بهل اسم
ابومنتظر: هههه بابا خمارويه هذا حاكم. لدوله. الطولونيه بمصر جانت عده. بنيه اسمها. قطر الندى
هيه قصه. طويله المهم. جان. اكو. خلاف بين خمارويه والخليفه العباسي فكر ايحل هل. خلاف. حته. يكدر يتحكم. بخراج. بغداد ان. يصاهره المهم. اتفقوا وبده خمارويه يجهز بنته بس شسوه جان. يحب. البذخ. والصرف فسوه عرس اسطوري مجوهرات وذهب. بحيث الجرابي مال. العروس. سوهن. ذهب سرير من ذهب يعني و100هاون. ذهب. وقبه مرصعه بااحجار نادره وكريمه
مرتضى: ابو لبنيه هيج. سوه يعني
ابو. منتظر: اي هوه خمارويه سوالها حته هدوم. شلون. انكول 1000ثوب من الحرير واطه الي يسافر ويه قافله العروس فلوس بحيث شيشوف بطريقه تحفه نادره يشتريها
منتظر: حلوووو
ابومنتظر: لا. ومو بس هيج كله. تبني. قصور يبنون. قصور للعروس ع خط. سيرها ع طول الطريق بين بغداد. ومصر
حلا: اووووف. هنيالها
منتظر: ولج. هنيال الي اخذها اجته. جاهزه. مجهزه
ابومنتظر: هههه. سمعو السالفه. للاخير وصل موكب. العروس. لبغداد
وتلكوهم فرسان وصار قتال المهم هذا لجهاز شسوه بالخزينه مال خمارويه فلست الخزينه وصار دمار وفقر بدولته كامو عاد غلمانه الخدم الي عده حطوه وكتلوه خلاص وبعد فتره سنين سقطت الدوله كلها وراح ذكر هل دوله من احتلوها العباسيين
حلا: زين ولبنيه قطر الندى
ابومنتظر: لبنيه يابه من وصلها خبر ابوها مات ماتت من القهر
هل عرس جان تجهيزه اسطوري بس سموه عرس النحس عرفتو هسه منو خمارويه
ها ياام منتظر
ام. منتظر: واني شمدريني بهل قصه كلها
ابومنتظر: هههه بعد لاتكولين لعد ع بنيه بت خمارويه
ام منتظر: لاعيني ماكول عشتو بت قرندلي
حلا: هههه زين قرندلي منووو
ابومنتظر: والله يابه ماعرفه هذا اني امج تعرفه
ام منتظر: اني منين اعرفه ابن عمي الربعي شمدريني هوه اسم. كاعدين ع حلكي انتو
حلا: هههه ضلينه بيومها نضحك. ع سوالف امي
شكد ممكن. تكون. حياتنه بسيطه بس فرحتها لمت الاهل والضحكه الحلوه الي تطلع من لقلب دون لاهم ولاتفكير
خلصت الامتحانات وثاني يوم جتي ام منال تعزمنه ع عرس مالك
ام منال: الاسبوع اليجي ان شاءالله عرس مالك جيت اعزمكم
ام حلا: عرس المبارك ان شاءالله والله يسعده والله عود اني ده اجيج اعزمج اذا الله سهل خميس اليجي حفله النيشان مال منتظر
ام منال: خطبتيله الله يسعده منو
ام حلا: اي والله خطبنه بت اختها ل ام مؤمل
ام. منال: ها ها الله يسعدهم
ام. حلا: الله يسعد ولدج. وبناتج حبيبه مو متجون
ام منال: لااا شلون مااجي وليدي منتظر
حلا: راحت ام. منال سديت الباب وراها
ام. حلا: والله جانت رايده تطينه لبنيه شفتيها شلون تغير شكلها من كتلها خطبنه لمنتظر الله يسلمه ابوها هوه الي خرب القسمه والله اني جنت متمنيتها لمنال
حلا: واني هم والله
ام حلا: كلشي قسمه ونصيب
حلا: بهل فتره اني ماوصلت باب البيت ولاشفت منال
غير بيوم حنه مالك رحنه اني وامي طبت امي كعدت يم النسوان وصاحتني منال وكفت يمها جانت تحضر عصير وتحط بصينيه وقطع كيك
منال: همزين جيتي مشتاقتلج هواي
حلا: والله واني هم مشتاقتلج
عمار: واني اكثر ههههه
شلونج
حلا: طب من بره صار كبالي حفله الولد بشارع
عمار: راح اضلين كل مااحاجيج ادنجين وماتحجين ويايه عاد جاوبيني كتلج شلونج
حلا: زينه
عمار: واني صرت زين من شفتج
منال: اششش لبنات راح يجن اطلع
عمار: اطيني صينيه لعصير ولكيك ولو ماكو كيك غير الي واكف يمج
منال: هههه هاك ها يابنات يله تعالن اخذن قدمن
حلا: جني بنات من كرايبهم جانن اصلا ايقدمن ورجعن اخذن صواني بعد
شال الصينيه عمار وحطها ع كاونتر واجه بتجاهي فتح الكاونتر المعلك بالحايط
عمار: مضل شي خلصت شغله مالك وراح تبدي شغلتنه تصير وتقرب لحد ماتكونين هنا يمي
حلا: فتح لكاونتر بحجه ايطلع كلاص
عمار: يله حضرولي الخ
حلا: طلع واني بس عيوني تفتر واباوع ع منال بخوف وتوتر
منال: هههه هاج عيني يوم الي نشرب شربت عرسج
حلا:هههههههه
منال: كوليلي شسويتي كل هل فتره اني ماافتهمت شي من العطله من. وره مالك جيبو الغرفه ونصبو وحضرو
حلا: الله يسعدهم. ان شاءالله والله اني هم امي ملتهيه تكمل جهاز العروس وتحضر
منال: ياعروس
حلا: خطيبه منتظر
منال: لللليش خططب
حلا: عاطت بوجهي حسيتها متفاجئه هاا اي خاله ماكالتلج عزمناكم هل خميس النيشان
منال: قصدج امي يعني
حلا: اي امي كالت الها
منال: ها لالا مكالت يله الله يسعده
حلا: شبيج احسج ضجتي
منال: اني لالا تعالي نكعد جوه يله شوفي يركصن مكيفات هههه
حلا: حسيتها اتصنعت الضحكه فتنه كعدت يم امي. وعافتني وراحت بين الهوسه ماشفتها بعد
وحده من الجيران ردت ع امي بعد ماعزمتها ع نيشان منتظر كالت ل امي يله يوم الي تفرحين
بهل عروس ماشاءالله صايره تخبل شوكت كبرن. هل بنات
ام حلا: اي والله لبنيه تفور
ام منال: قريب عيني قريب نفرح بيها وبعمار سوه
ام مازن(الجاره) :هاااا اي الله يسعدهم شو محد يدري تتفقن وماتحجن
ام. حلا: ههههه
ام. منال: بعد بعد حجي. نسوان هوه ابني يريدها بس كلنه نخلص من عرس اخوه ونفرغله
ام. مازن: الله يسهل امورهم. ان شاءالله
حلا: بكثر ما هل موضوع ايفرحني يخليني اتمنا اختفي من كدامهم
جتي منال وره شويه جانت عيونها تبين انها باجيه
بس ماحسست احد بشي وكامت تركص. ويه البنات.
خلصت لحفله ورجعنه وثاني يوم من جابو. العروس رحنه شويه يمهم وطلعنه
امي. ونسوان من الجيران وكفن ايسولفن يم باب المطبخ واني واكفه يم. منال
عمار: منال
منال: هاا
عمار: اكلتي اذنها لمرتي من هسه من تجي يمج. شلون
منال: ولك. امها ولنسوان. اسكت لااحد يسمعك
عمار: واذا حتصير خطيبتي عن قريب ان شاءالله
حلا: رحت وكفت. يم. امي. وكاتمه ضحكتي كوه. رجعنه للبيت وبكل مره جنت اضل اتصفن. واضحك
من ثاني. يوم. بدت هوسه اعزم وحضر لنيشان منتظر
وركضت الايام. وصار يوم. النيشان وجتي ام. منال ومنال
كيفت بيها بس جنت احسها ممرتاحه
طلع العريس من غرفته وصارت الهلاهل والنسوان ايباركن اله
جان. مبين. عليه الخجل. وشايل بيده جفيه(منديل) ويمسح. العرك. من كصته ويرد بشكر للنسوان.
بس بين. هل هوسه اختفت منال ومن رجعت كل وحده كعدت وهوه طلع للباب دورت عليها ماكو
خاله وين. منال
ام. منال: راحت للبيت يمه ابوها هسه ع جيه اتحضراله لكمه اني. هم. عيني اروح الله يسعده وتشوفين اولاده باجر كلنه انسوي السبعه مومتجون
ام حلا: لا شلون مااجي بس شعدج. رايحه دكعدي روحي ويانه
ام. منال: لاوالله مااكدر ان. شاءالله جي بزفه
حلا: راحت ام. منال ورحنه لبيت العروس حفله حلوه ولبسها النيشان. وبين صفكه وهلهوله خلصت ورجعنه للبيت
ثاني يوم. رحت ويه امي لبيت منال
حته نودي الهديه وماصدكت اكدر اوكف شويه يم. منال
وين رحتي لبارحه
منال: ابويه اجه ورجعت للبيت
حلا: منال والله كلنه اني. وامي وكلنه حته ابويه جنه متمنين انتي تصيرين جنتنه
ليش دمعتي شبيج
عافتني. وطبت لحكتها وكفت بالممر بعيد عن الهوسه شفتها دموعها تنزل شبيج
منال: مابيه شي مادري شطب بعيني
حلا: لاتزعلين. مني. حبابه والله احنه معلينه
منال: لاشبيج وين راح تفكيرج
حلا: والله تستاهلين. احسن من اخويه انتي لااضوجين. حبابه
منال:واخوج حباب الله يسعده
حلا: ويسعدج يارب
منال: هههه روحي روحي هسه اغسل واجي اوف مادري شطب بعيني
حلا: طبت للحمام شفت دموعي اني هم نزلت بقهر عرفت بيومها ان منال جانت حابه منتظر وتريده الله يسامح ابوج ياصديقتي
رجعت لمكاني بس ضايجه ومقهوره وبيومها الليل كله جنت مقهوره عليها وافكر بيها
عدن يومين ورجع الدوام ورجعت التقي بيها بس ماجبت طاري منتظر بعد
بهل فتره جانت بين كل كم يوم اتجيب ورقه من عمار
جنت افرح واني اقره كلماته الي
الي جان يكولي بيها ان مضل شي ويجي يخطبني
ينتظر بس امه تحاجي ابوه
ويكتبلي انه يحبني وانه يعد الايام حته نكون لبعض
وبكل مره جنت اضم الورقه كلبي مايطيني اذبها واجمعهن سوه واكعد اقراهن كلهن
بيوم رجعت من. المدرسه بعدني مواصله لبيتنه ووكفت برازيلي حمره بباب بيتنه ونزل ولد ودك الباب
من صرت اني يم الباب تفاجئ ورجع ليوره
-العفو خيتي مادري تردين. ادخلين
حلا: لاعادي تفضل منو رايد
-بلكن. تصيحيلي منتظر
حلا: مااتوقع موجود. هسه بالبيت بس لحضه اشوفه
وخر من الباب واعتذر فتت للبيت ماما وين. منتظر
ام. حلا: خيرر شتردين. منه طابه من الباب تسئلين. عليه
حلا: ولد بالباب ايريده
ام. حلا: مموجود عيني بشغل
حلا: رجعت طلعت
مموجود منتظر
-شكرا بس من يجي كوليله اجاك اسماعيل
حلا: ان شاءالله ده اسد الباب
-العفو خيتي ممكن سؤال
حلا: اتفضل
-انتي اخت منتظر
حلا: اي ليش
-لا ماكوشي اسف ازعجتكم بهل وقت
حلا: اهلاوسهلا سديت الباب وطبيت
ام. حلا: منو يريده
حلا: ولد اسمه اسماعيل كال كوليله اجاك
بدلت. هدومي والتهيت ويه امي ورجع ابويه ووراه منتظر اتغدينه وشربو جاي اني اغسل لمواعين وطب منتظر يطلع مي من الثلاجه
اوووف اذكرت اجاك ولد
منتظر: شنو
حلا: ولد اجه. عليك. اليوم. وكلي كوليله اجاك. اسماعيل
منتظر: وانتي طلعتيله
حلا: لا اني جنت جايه من المدرسه وشفته يم الباب وسئل عليك
منتظر: انتي مامتربايه ويراد واحد يكسر راسج
حلا: لاتضرب
ام. حلا: شكو شكو صوتك عالي
منتظر :شلون تخليها تطلع هيه للباب وصديقي شايفها
ابوحلا: شكو
ام. حلا: ولك هيه من لمدرسه جتي وهوه دك الباب
منتظر: جان لازم. انتي اطلعين مو هيه شيكول. هسه. شفت اخت منتظر
ابوحلا: واذا شافها ياابني ده تكولك ويه جيتها لولد داك الباب
منتظر: ميصير يابه ميصير هل حجي شيكول عليه هسه شاف اختي يكولي باجر شفت اختك وكتلها تكولك اجيتك عيب ميصير
حلا: خبص البيت خبص يكول شاف اختي وضل هوه وابويه وامي يحجون بيومها اجه مرتضى وهم ترزلت شلون تحجين وشلون شافج ادري يعني هوه واكف يم بابنه شلون مااطب لبيتنه لو امشي بشارع لحد ماحضرته يروح
عدت ع هل حادثه شهر رجعت من لمدرسه من الركن شفت هوسه
منال: هاي شكو
حلا: مادري ولج هاي يم بابنه هاي الهوسه يمكن
منال: اي ولج يمكم شكووو
حلا: ركضت اريد اعرف الهوسه الي يم بابنه شكوو
…… .يتبع
ونكووووول صباح الخيرررر 😘😘😘😘