البارت ٤
( انا عارفه يا هند مهما اقول ومهما اعتذر ومهما اعمل عمرك ما هتقدري تسامحيني على اللي عملته فيكي اانا هحكيلك على السر اللي انا خبيته عليكي واللي كان السبب في اني اعاملك وحش الموضوع ابتدا لما....
فلاش باك :
اماني : هو مراد فين يا الهام اتأخر اوي
الهام: انا لسه مكلماه وقالي ان هو جاي في الطريق
اماني : هو ايه اللي آخره كده
الهام : مش عارفه والله مقليش حاجه ما انتي عارفه اخوكي اغلب وقته في الشغل
مراد : مين اللي بيسأل عليه 😊😊
إلهام : حمدلله على السلامه يا مراد
مراد : الله يسلمك يا لولتي ازيك يا موني
اماني : الحمدالله انت عامل ايه
مراد : الحمدلله إلهام قالتلي على التلفون انك عايزاني في حاجه مهمه
اماني : ايوه بس تعالي نروح اوضة مكتبك
مراد : تعالي يلا
مراد وأماني راحوا اوضة المكتب
مراد : خير يا اماني قلقتيني
اماني : فين باقي ميراثي يا مراد
مراد : نعم ميراث ايه اللي بتتكلمي عليه
اماني : انت عايز تقنعني ان الفلوس اللي اديتهالي هيا دي الميراث بتاعي انت نسيت بابا كان غني قد ايه فين فلوس بابا الفلوس دي كلها راحت فين
مراد بعصبية : قصدك ايه يا اماني
اماني صوتها علي: قصدي اللي انت فهمته يا مراد
مراد كان وصل لأعلى درجات غضبه : بصي بقى يا اماني انا هاقول الكلام ده لاخر مره بابا قبل ما يموت دخل باغلب فلوسه في مشاريع كتير وخسرها كلها قبل ما يموت انا ما عنديش غير الكلام اقولهولك انا ما ضحكتش عليكي ولا اكلت عليكي فلوسك عايزه تصدقي صدقي مش عايزه انتي حره انا زهقت من كتر الكلام في الموضوع ده
أماني : انت مفكرني هبله عشان اصدق الكلام اللي انت بتقوله ده انا عارفه ازاي هرجع حقي بكره تشوف
اماني خرجت من قوضة المكتب وجريت بره الفيلا
مراد : انا مش عارف اعمل ايه عشان تصدق هي ازاي بتكدبني هو انا واحد غريب ده انا اخوها انا مش مصدق الحاله اللي هي وصلتها ربنا يهديها انا مش مصدق ان دي اماني اختي 😔😔😔😔
إلهام راحت عند مراد : في ايه يا مراد اماني مشيت بسرعه ندهت عليها ماردتش عليا هو ايه اللي ضايقها هو انتو اتكلمتو في ايه
مراد : انا مش قادر اصدق اللي هي بتعمله تخيلي جت تتهمني ان انا ضحكت عليها في الميراث بتاع بابا وبتهددني كمان وبتقولي بكره تعرف هاخذ حقي ازاي انا بجد مصدوم من اللي هي بتعمله مش ممكن تكون دي اماني اختي مش ممكن
إلهام : هدى نفسك يا مراد ان شاء الله خير بكره تفهم اللي حصل وتيجي تعتذرلك انت عارف اماني كويس مش هتعمل حاجه بس هي مش مصدقه ان باباك خسر فلوسه قبل ما يموت
مراد بعصبية : ولو عملت حاجه يعني هو انا اخاف منها انا زهقت من الكلام في الموضوع ده
إلهام : خلاص يا مراد حصل خير هدى نفسك وتعالي يلا عشان تتغدى
مراد بابتسامة : حبيبة بابا عامله ايه اكيد كانت تعباكي طول اليوم
إلهام : يعني شويه كده وشويه كده بس كل يهون عشان خاطرها
مراد : انا عايزك تخلي بالك من نفسك كويس انتي فاضلك شهرين وتولدي انا مش عايزك تعملي اي حاجه عايزك ترتاحي وبس وسيبي عفاف تعمل هي كل حاجه انا مش جايبها عشان انتي تعملي اتفقنا
إلهام : حاضر 😍😊😊 يلا بقا عشان نتغدى انا جوعت
مراد : انت على طول جعانه يا الهام
الهام : بس بقى يا مراد وبعدين راعي ان انا حامل وبنتك بتاكل معيا من الاكل اللي انا باكله ☹️☹️
مراد : خلاص يا ستي حقك عليا كلي براحتك ويلا عشان نتغدى
الهام : يلا 😍
#. #. #
سمية: ممكن تهدي بقى رايحه جايه رايحه جايه خيلتيني اقعدي بقى
اماني : انا لازم ارجع حقي هو فكرني هبله هيضحك عليا قال ايه بيقولي ابوكي خسر فلوسه قبل ما يموت يروح يضحك على حد تاني بالكلمتين دول انا مش عيله صغيره عشان اصدق الهبل ده
سمية : ناوية على ايه يا اماني
أماني : ناويه ارجع حقي مهما كانت الطريقه اللي هرجعوا بيها المهم انو يرجع انا لازم املى عين جوزي بفلوسي علشان ما يتجوزتش عليا مش كفايه ان انا ما بخلفش
سمية : بس انا ما اعتقدش ان احمد من الشخصيات اللي تعمل كده والفلوس تملي عنيها معتقدش اصلا ان هو هيتجوز عليكي احمد شخص محترم جدا ومؤمن بقضاء ربنا
اماني : انت بتصدقي الكلام ده ده عشان في الاول بس هيعدي كام سنه وهيكون عايز العيال كل الرجاله بتتغير لو مش همو الفلوس دلوقتي بعدين هتهمه وهتملى عنيه الرجاله كلها زي بعض
سمية بخبث : يعني انتي مستعده تعملي اي حاجه عشان ترجعي فلوسك
أماني بتأكيد : ايوه اي حاجه المهم فلوسي ترجع
سمية بشر : يبقى لازم مراد يموت
أماني باستهزاء : وانا استفدت ايه لما يموت كده هاكون رجعت حقي
سمية : بصي بقى اسمعي كلامي للاخر احنا مش هنقدر نثبت ان مراد ضحك عليكي في فلوسك ف اسهل حل نعمله ان احنا نموته وانت اكيد هتورثيه و الفلوس بتاعته دي كلها هتبقى ليكي انت وامراته لان بنته لسه ما جتش عشان تورث
اماني : تصدقي عندك حق طب ده هنموته ازاي من غير ما يكون في دليل ضدنا احنا لازم نرسم خطه محكمه عشان ما نتكشفش
سمية : هو ده المطلوب احنا هنتفق مع حد شغال في الجراج بتاع العربيات اللي في الشركه بتاعه مراد وهو هيبوظلوا الفرامل بتاعه العربيه بتاعته وكده هيبان حدث عرضي مش متدبر
أماني : طيب احنا هنتفق مع مين ما هو مش اي احد هنروح نقوله بوظ فرامل العربيه هيروح يبوظ يعني احنا لازم ناخد بالنا كويس
سمية : كله بيتحل بالفلوس جهزي انت شويه مبلغ كويس جدا عشان ندفعهم في العمليه دي وسيبي الباقي عليا ما تشغليش نفسك انا هاعمل كل حاجه بس جهزي انتي الفلوس و وانا ععارفه هتصرف ازاي وهجيب مين يعملنا اللي احنا عايزينه
اماني : تمام ماشي هجهزلك الفلوس و بكره تكون عندك بس لازم نخلص كل حاجه بسرعه قبل ما امراته تولد
سمية : بس في حاجه انتي لازم تعمليها انتي لازم تروحي وتصالحي مراد وترجعوا علاقتكم طبيعيه عشان لما يموت ما حدش يشك فيكي لان كله عارف ان انتي ومراد بينكم مشاكل بسبب موضوع الورث
أماني : تصدقي انتي فعلا عندك حق انا لازم اعمل كده مع ان الموضوع صعب عليه بس معلش كله يهون كلها كام يوم و نخلص من الموضوع ده خالص
سمية : تمام كده يبقى اتفقنا
أمانى : اتفقنا 👿👿👿
#. #. #
بعد ١٠ أيام في بيت مراد
مراد : انا بجد مبسوط ان الزعل والخصام اللي بينا خلص الحمد لله
أماني بخبث : طبعا يا مراد انت عارف ان انا ما اقدرش ازعل منك الفلوس عمرها ما تخسرنا بعض يا مراد
مراد : طبعا يا حبيبتي
إلهام : انا مبسوطه جدا ان انتو اتصالحتو ربنا ما يجعل بينكم خصام تاني ان شاء الله
أماني : آن شاء الله يا قلبي
مراد : اسيبكم انا بقى تقعدوا مع بعض واروح انا الشركه ومش هتاخر ان شاء الله
إلهام : ماشي يا مرادي
أماني بابتسامة كره وحقد : مع السلامة
ومشي مراد عشان يلاقي قدره اللي اتكتبله
وبعد ٤ ساعات مراد كان راجع من الشركة وللاسف ما لحقش يرجع بيته وعمل الحادثه واتنقل المستشفى
في بيت مراد
إلهام :ايه رأيك نقوم نسلي نفسنا بأي حاجه عقبال ما مراد يرجع
أماني بزهق : زي ايه مثلا
إلهام : مش عارفه اقترحي حاجه انتي من عندك
أماني : مش عارفه مم
وقطع كلام اماني اتصال من تليفون الهام
الهام: استنى هرد على التليفون
اماني :مين بيرن عليكي مراد
الهام : لا ده رقم غريب استني اشوف مين
إلهام: الو مين معي
المتصل : مدام الهام معايا
إلهام : ايوه مين حضرتك
المتصل : انا محمد مدير اعمال الاستاذ مراد في حاجه مش كويسه حصلت بس كان لازم اديكي خبر عن اللي حصل
إلهام بخوف : خير يا استاذ محمد قلقتني مراد كويس
محمد : للاسف يا مدام الهام الاستاذ مراد عمل حادثه وحالته حرجه جدا هو في مستشفى.... هو طالب يشوف حضرتك لازم حضرتك تيجي باسرع وقت
الهام كانت في صدمه كبيره و مكنتش قادره ترد عليه التليفون وقع من ايديها وما كنتش قادره تتكلم ولا تقول اي حاجه
اماني بخوف مصطنع : في ايه يا الهام ايه اللي حصل مالك ساكته كده ليه اتكلمي مين اللي كان بيكلمك وقالك ايه ردي علي يا الهام
إلهام بإنهيار: مراد مراد عمل حادثه يا اماني وبيموت انا هتجنن وطالب ان هو يشوفني انا ما اقدرش اعيش من غيره ارجوك اعملي اي حاجه انا من غيره اموت
أماني بكاء مصطنع: مراد يا حبيبي يا اخويا يا رب يا رب استرها معاه يا رب طب اللي كلمك قالك هما في انهي مستشفى
الهام : ايوه قالي
أماني: طب قومي البسي بسرعه خلينا نروح هناك نطمئن عليه
إلهام بضياع وحزن : حاضر يارب استرها يارب نجيه
الهام واماني راحوا المستشفى علشان يطمئنوا على حاله مراد
الهام : ارجوك طمنى يا دكتور مراد كويس مش كده
الدكتور : للاسف المريض حالته خطيره جدا و احنا عملنا اللي علينا والباقي على ربنا تقدري تدخلي تشوفيه
إلهام راحت عند مراد
مراد : إلهام خال
الهام قاطعته: ارجوك يا مراد ما تتكلمش انت هتبقى كويس ان شاء الله هتقوم بالسلامه ارجوك استحمل ماتسبنيش انا وبنتنا لوحدنا احنا ما نقدرش نعيش من غيرك يا مراد
مراد ابتسم ل إلهام : خلي بالك من نفسك ومن بنتنا اللي جايه عرفيها ان انا كنت بحبها قوي حتى قبل ما اشوفها ربيها زي ما كنا احنا الاثنين عايزين نربيها يا الهام
الهام بدموع : ارجوك يا مراد ما تقولش كده احنا ما نقدرش نعيش من غيرك ارجوك ما تسبنيش لوحدي انا ما ليش غيرك في الدنيا دي ما تسبنيش اتعذب من بعدك يا مراد
مراد : انتي قويه الهام وتقدري تسدي مكاني في حياه بنتنا انا عارف ان انتي هتكوني لها اب وام في نفس الوقت خلي بالكم من نفسكم ومتنسونيش
مراد غمض عينيه ومشي من الدنيا راح بسبب طمع وجشع من اقرب الناس لي
الهام : مراااااااااااد قوم ما تسبنيش لوحدي ارجوك ما اقدرش اعيش من غيرك قوم يا مراد لو مش عشاني عشان بنتك هي محتاجه لك محتاجه اب في حياتها قوم يا مراد ارجوك اااااااااااااااه يارب ابتلائك صعب اوي يارب صبرني ياااااااارب انا لله وانا اليه راجعون
وعدي يومين على موت مراد والهام كانت حالتها الصحيه خطيرة جدا بسبب حزنها على مراد واللي زود الموضوع انها حامل والدكتور قال إنها ممكن تولد ولاده مبكره وان في خطر على حياتها هي وبنتها وممكن ما يقدروش ينقذوا الاتنين
ندى اخت الهام : يعني ايه في خطر على حياتهم هما الاتنين لو هنا في المستشفى مش هتقدرو تعملوا الازم هناخدها مستشفى تانيه
الدكتور : براحتك يا مدام بس الکلام اللي انا قلته هو نفس الكلام اللي هتسمعیه من اي دكتور تاني مدام الهام لازم تكون اقوى من كده عشان تقدر تتحمل الولاده ونقدر ننقذ حياتها هيا وبنتها لان في الوضع اللي هيا فيه ده واحد منهم هما الاتنين هيعيش هي أو بنتها
ف لازم نفسیتها تتحسن وتقاوم علشان بنتها
ندي: تمام يا دكتور حضرتك ها تحدد امتى معاد الولاده
الدكتور : بعد اسبوع هنشوف حالتها وصلت لفين وبعد كده هنقرر ان شاء الله
ندى : آن شاء الله
#. #. #
محامي مراد: الصراحه يا مدام اماني الاستاذ مراد كتب كل املاكه بأسم مدام الهام
اماني بذهول وعصبيه : اللي هو ازاي يعني
المحامي باستغراب من اماني اللي جايه تسال على ورث اخوها بعد ما مات بيومين: هو ده اللي موجود عندي يا مدام اماني وكل املاك استاذ مراد دلوقتي بقت باسم مراته مدام الهام
اماني مشيت من عند المحامي وهي في قمه غضبها هي كانت مفكره ان خلاص كده لما تموت اخوها هتورثوا والحكايه تخلص على كده
أماني بعصبيه : انتي فين
سمية : انا في البيت
أماني : طيب نص ساعه وهكون عندك
سمية : هو في حاجه حصل ايه ده دي قفلت في وشي مالها دي 😒😒😒
أماني : ماشي يا مراد انت لما تكتب كل حاجه بأسم الهام مفكر الموضوع كده خلص لا مخلصش هنتقم منك برده هتشوف يا مراد انا هعمل ايه هخليهم يحصلوك بس استنى 😠😡😡😡😡👿👿
يا ترى اماني هتعمل ايه بعد ما عرفت ان مراد كتب كل حاجه بأسم الهام؟؟؟؟؟ استنوني في بارت جديد من ما خلف الستار ♥️♥️