البارت ١٥
اسلام : بصراحه الموضوع يخص ايمن اخو خطيبتك
أدهم : ماله
إسلام : معلومات وصلتني انهاردة ان هو بيستغل مهنته كظابط و بيساعد تاجر مخدرات كبير ان يهرب كل فتره شحنه بره مصر وطبعا بتكون ليه نسبه كبيرة من الموضوع ده
أدهم :..........
اسلام : انا عارف انك مصدوم بس دي الحقيقة ومكنش ينفع اخبي
أدهم : ومين قالك اني مصدوم
اسلام : مش فاهم
أدهم : المعلومات دي وصلتني من اسبوع وانا حاليا مراقبهم وهقبض عليهم في أقرب وقت
اسلام : طبعا انت اكيد عارف اني معاك خطوة بخطوة
أدهم : تسلم يا صاحبي
اسلام : انت هتعمل ايه مع خطيبتك اكيد مش هتسيبها عشان اخوها واحد قذر و واطي
أدهم : مهو للأسف اللي شجعه على قذارته دي هما عيلته انا عرفت ان هما عارفين كل حاجه ووافقه عليه عشان انا رتبتي أعلى من رتبت ابنهم فكانت المنفعه هتكون اكبر انا اول ما اقبض على اخوها هنهي علاقتي بالعيله دي مش عايز يكون للناس وجود في حياتي
اسلام : متزعلش نفسك يا صاحبي بكره ربنا يرزقك احسن منها
أدهم : ان شاء الله
اسلام : يلا كفايه شغل وتعالى ننزل عشان عازمك على الغدا
أدهم : سبحان الله دا من أمته ده
اسلام : من دلوقتي يلا بقا
أدهم : يلا يا خويا حد يعزم ويقول لا وخصوصا انت اللي عازم
اسلام: شوفت بقا 😁😁😁
#. #. #
في المستشفى
الدكتور : انا عارف انك محافظه على صحتك بقالك فتره بس للأسف الاهتمام ده جه متأخر لان الورم انتشر بشكل كبير جدا
الهام بحزن : يعني مفيش امل اني اتعالج
الدكتور : للأسف لا الا لو ربنا أراد انك تخفي اكيد هتخفي محدش يقدر يدخل في ارادة المولى عز وجل
بس من ناحية الطب كدراسة للأسف مفيش امل للعلاج
الهام : ماشي شكرا يا دكتور
الدكتور: انا تحت امرك
الهام : بعد اذنك
الدكتور : اتفضلي
#. #. #
في بيت نرمين
نرمين كانت في اوضتها وكانت بتكلم واحده زميلتها وعرفت منها ان النتيجه ظهرت ونرمين دخلت تشوف نتيجتها
نرمين : يارب استرها بسم الله الرحمن الرحيم يارب انجح يارب يارب يارب يارب فين فين اسمي انا اهو
هييييييييييييح الحمد لله الحمدلله يارب اما اشوف هند فين هند اهو لولولولولولولولولي ونجحنا هييييييييييه
لولولولولولولولولي
نرمين نزلت عند باباها ومامتها وهيا بتزغرط وفرحانه
سعاد : خير اللهم اجعله خير مالها دي
نرمين : باركولي يا ناس نجحت واخيرا خلصت من المذاكره
سعاد : لولولولولولولولولي الف مبروك يا حبيبتي لولولولولولولولولي
امين : الف مبروك يا بنتي
نرمين : الله يبارك فيك يا بابا
شريف : هو الموضوع محتاج الزغاريط دي كلها
نرمين : وانت مالك انت متغاظ ليه ها
شريف : وانا هتغاظ ليه يا ختي
نرمين : اسأل نفسك
شريف : بمناسبة الهيصه اللي انتي عملاها جبتي تقدير ايه
نرمين بثقه وفرحة : جيد جدا مرتفع
شريف : براحه ياختي مالك بتقوليها كده ليه
سعاد : اسكت يا موكوس اما نشوف نتيجتك هتبقى ايه
شريف : خير ان شاء الله يا ماما
سعاد : يارب يا خويا
نرمين : لولولولولولولولولي
أدهم وهو داخل البيت سمع صوت الزغاريط : هو ايه اللي بيحصل هنا فرحونا معاكم
سعاد : نرمين نجحت
أدهم : الف مبروك يا نرمين
نرمين : الله يبارك فيك.. انا هروح اعرف هند آن هيا كمان نجحت
سعاد : بجد
نرمين : اه نجحت
سعاد : الف مبروك ليكم يا حبيبتي
نرمين : الله يبارك فيكي يا مامتي
نرمين طلعت قوضتها عشان تكلم هند
هند : ازيك يا قلبي
نرمين : عندي ليكى خبر يجنن
هند : اشجيني يا اوختي
نرمين : الف مبروك يا حبيبتي
هند بعدم فهم : على ايه
نرمين : نجحتي يا بنتي
هند : انتي مش بتهزري صح
نرمين : هيا الحاجات دي فيها هزار
هند : قولي والله
نرمين : والله العظيم نجحتي
هند : الحمدالله اللهم لك الحمد والشكر يااااه انا مبسوطه اوي
نرمين : الحمد لله يا حبيبتي جبتي تقدير جيد جدا
هند : بجد الحمد لله على كرمك يارب الحمدلله
وانتي عملتي ايه
نرمين : الحمد لله جيد جدا مرتفع
هند : مبروك يا حبيبتي الف مبروك
نرمين : مبرووووك لينا احنا الاتنين الحمد لله
هند : الحمد لله بصي هقفل عشان اقول لماما الخبر وهيبقي ارجع اكلمك ماشي
نرمين : ماشي يا قلبي مع السلامه
هند : سلام
في اوضة الهام
الهام كانت بتصلي وبعد ما خلصت صلاة قعدت تدعي ربنا
الهام بدموع : يارب انا عارفه اني غلطت لما اهملت صحتي وانا كان في مقدوري اني اتعالج ورفضت سامحني يا رب يارب طول في عمري كمان شويه عشان خاطر هند انا نفسي اعوضها عن اللي شافته طول السنين اللي فاتت يارب نفسي اعيش كمان شويه مع بنتي دي هيا اللي رجعت الأمل ليا من جديد يا رب سامحني واغفرلي ذنوبي وطول في عمري كمان شويه اللهما برحمتك انجو اللهم برحمتك انجو
الباب خبط
الهام مسحت دموعها : ادخل
هند دخلت والفرحه كانت باينه على وشها جدا
الهام : تعالي يا حبيبتي
هند بفرحه : باركيلي يا ماما
الهام :الف مبروك يا حبيبتي بس على ايه
هند : نجحت بتقدير جيد جدا
الهام : اللهم لك الحمد الف مبروك يا حبيبتي الف مبروك
هند حضنت الهام : الله يبارك فيكي يا مامتي ربنا يخليكي ليا وميحرمنيش منك ابدا
الهام : ويخليكي ليا يا حبيبتي كده بقا نبدأ نجهزلك هديه نجاحك
هند : بجد هدية ايه بقا
الهام : لا دي مفاجأة هتعرفي في وقتها بإذن الله
هند : انا مبسوطه اوي ربنا يخليكي ليا
الهام : يارب دايما تفضلي مبسوطه دايما يا حبيبتي
#. #. #
في اوضة هند كانت بتكلم نرمين
هند : انتي بتتكلمي بجد
نرمين : اه والله يا بنتي هيعملولنا حفلة تخرج كمان اسبوعين وهيكرمونا فيها أن شاء الله
هند : دي حاجه جميله اوي انا اتبسطت اوي
نرمين : بس كل طالب هيدفع ١٠٠٠ جنيه
هند : اشطا مش مشكله
نرمين: اها
هند : بقولك ايه انا بفكر افتح معرض صغير بال٨٠ الف اللي معايا أعرض فيه رسوماتي
نرمين : فكره هايله جدا بس مامتك هتوافق انك تعمليه من فلوسك
هند : مش عارفه والله بس انا نفسي افتح معرض اوي
نرمين : خلاص قوليلها وشوفي رأيها ايه
هند : خلاص ماشي هقولها بس بعد الحفله ان شاء الله مش دلوقتي
نرمين : زي ما انتي عايزه ولما تفتحيه انا اول واحدة هتشتري لوحه من المعرض ان شاء الله
هند : آن شاء الله ربنا يخليكي ليا يا هنون
نرمين : تسلمي يا حبيبتي ويخليكي ليا
وعدي الأسبوعين وادهم وإسلام قدروا يقبضوا على ايمن وتاجر المخدرات َادهم فسخ الخطوبة وعرف عيلته كل حاجه وهما قاموا بدورهم وفضلوا جنبو لحد ما عدي المرحله دي
وجه يوم حفلة التخرج
يا ترى ايه اللي هيحصل وايه اللي هيحصل مع هند والهام؟؟؟
استنوني في بارت جديد من ما خلف الستار
هستني رأيكم 😊😊😊
