البارت ١٤
وعدي شهرين على انتهاء الامتحانات وهند فكت جبس رجليها وايديها يوم عن يوم بتتحسن والهام كانت بتحافظ على صحتها على اد متقدر وعلاقة الهام وهند كانت بتقوى يوم عن يوم وادهم خطب نيره اخت صاحبه والكل كان مبسوط بيهم ويوم خطوبتهم كان يوم مختلف بالنسبه لعيلة أدهم كانت فرحانين جدا وفرحة بأدهم غير فرحتهم بأي حاجه تانيه لان أدهم اول ابن يخطب فكانت سعاده مختلفه 😊😊😊
في فيلا الهام
هند : بصراحه يوم خطوبت اخوكي كان جميل جدا
نرمين : انتي بتقولي فيها انا الفرحه مكنتش سيعاني دا ماما من فرحتها فضلت تعيط ساعتين لما روحنا
هند : ههههههه هيا مامتك كل ما تفرح تعيط
نرمين : ههههههه دا احنا ضحكنا عليها ضحك وبابا كان بيهديها وبيألش عليها في نفس الوقت
هند : ههه ربنا يخليهملك
نرمين : ويخليكي ليا يا رب
هند : انا خايفه اوي من النتيجة
نرمين : اقسم بالله انتي عيله بومه
هند : ههههههه انا ليه بقا
نرمين : قاعدين بنضحك ومبسوطين ايه لازمتها تفتحي السيره اللي بتعكنن الواحد دي اووف
هند : هههههههه انتي اتحولتي كده ليه خلاص هسكت
نرمين : وبعدين يا ختي متخافيش دا كفاية انا اللي شرحتلك المنهج 😎😎😎
هند : هو انا مقولتلكيش آن دي اكتر حاجه مخوفاني 😂😂
نرمين : بقا كده 😒😒😒
هند : هههههههه اه
نرمين حدفت المخدة في وش هند وقالت : طب اسكتي وبطلي ضحك
هند خدت المخدة وحدفتها في وش نرمين : هههههههه لا مش هبطل
نرمين قامت من علي السرير وجريت ورا هند : طب تعالي بقا
هند وهيا بتجري : الحقونااااااااي
نرمين مسكت هند وفضلت تزغزها وهند كانت بتتلوى من كتر الضحك
هند بضحك : خلاص يا بيه انا اسف أن شاء الله يخليلك عيالك مش هعمل كده تاني 😂😂😂😂😂😂
نرمين سابت نرمين وبنبرة غرور مرح : ايوه كدة ناس مبتجيش غير بالعين الحمرة
هند : لا خضرة وحياتك
نرمين بصت ل هند نظره معناها اني مش هسمع لتوسلاتك
هند بضحك : ههههههه خلاص هيا حمرة يا باشا
نرمين بغرور مصطنع : ايوة كده اتعدلي
هند : طب تعالي نقعد بدل ما احنا وقفين كدة
نرمين : هههههههههه تعالي
هند : انا مبسوطه اوي
نرمين بتفكير : امممم ايه رايك نروح المول بكره
هند : اشطا
نرمين : اتفقنا بكره هنروح المول
#. #. #
تاني يوم في المول
هند ونرمين كانوا بيتمشوا في المول وبيدخلوا محل محل وكانوا مستمتعين جدا
هند ونرمين كانوا في محل اكسسوارات
هند : يا بنتي اخلصي دا انتي قيستي يجي ٢٠ انسيال
نرمين : الله ما براحتي هو احنا ورانا ايه
هند : عايزين نشوف الحاجات التانيه
نرمين : حاضر اصبري
هند وقفت بعيد شويه عن نرمين
وبالصدفه انس اللي خبط هند بالعربيه كان موجود في نفس المحل وشاف هند
انس : حضرتك انسه هند
هند كانت مستغربه هو يعرفها منين لأنها مشفتهوش خالص : ايوة مين حضرتك
انس : بصراحة انا انس اللي خبطتك بالعربيه
هند : اهلا وسهلا
انس : انا حابب اشكرك لأنك مشهدتيش ضدي ولا حتي طلبتي تعويض
هند : انا اللي المفروض اشكر حضرتك وبعدين انا شهدت بالحق والغلط كان عندي مش عند حضرتك وشكرا جدا لحضرتك انك دفعت فلوس المستشفى وكمان بعت والدة حضرتك عشان تتطمن عليه كمان
انس : لا شكر على واجب انتي زي اختي وكان لازم اعمل كدة
ياسمين : انس
انس : تعالي يا ياسمين اعرفك ذي هند اللي خبطتها بالعربيه فاكره الحادثة دي
ياسمين : اها
انس : دي ياسمين خطبتي
هند سلمت على ياسمين : اهلا وسهلا
ياسمين : اهلا بحضرتك صحتك عامله ايه دلوقتي
هند : الحمد لله أفضل
ياسمين : دايما ان شاء الله
نرمين ندهت على هند : هند
هند : عن اذنكم
انس وياسمين : اتفضلي
نرمين : مين دول
هند : تعالي نمشي من هنا وانا هحكيلك
نرمين باستغراب : ماشي
وخرجوا هند ونرمين من المحل وهند حكت لنرمين عن انس
نرمين : ذوق اوي انس ده
هند : اها ربنا يجازيه خير على اللي عمله معايا
نرمين : اللهم امين
نرمين : بقولك ايه تعالي نروح الملاهي اللي هنا في المول
هند : بلاش يا نرمين انا بخاف
نرمين : تخافي وانا معاكي عيب عليكي يا شيخه
هند : ماشي يا شبح زمانك امشي اما اشوف اخرتها
نرمين : اخرتها عسل يا عسل انت
هند : ماشي
نرمين خدت هند وراحوا الملاهي ووقفوا قدام لعبة الصاروخ
هند : انتي بتهزري انتي عايزاني اركب اللعبه المرعبه دي
نرمين : يا بنتي متخافيش هيا بتبان كده من غير ما تركبيها اما لما تركبيها هتلاقيها عديه مش بتخوف ولا حاجه
هند بخوف : متأكدة
نرمين: اها يلا بقا
هند : يلا يا ختي
هند ونرمين وهما راكبين الصاروخ
نرمين : اااااااااااااااااااااااع
هند : بصوتي ليه مش كنتي شبح من شويه ومش خايفه
نرمين : ومين قالك اني خايفه
هند بخوف : امال بتصوتي ليه
نرمين : انا بستمتع اكتر لما بصوت
هند : ماشي يا ختي ربنا يسامحك
نرمين : ههههههههه يالهوي وشك اصفر كدا ليه
هند : اسكتي دا انا هولع فيكي بس اصبري ننزل من المخروبه دي
نرمين : ههههههه ليه يا قلبي
هند : اسكتاااااااااااااااااي
نرمين : هههههههههههههه
بعد ما نرمين وهند نزلوا من اللعبه
نرمين : ههههههههههه يا ختااااااااااي مش قادره همووووت
هند بغيظ: انتي ليكي عين تضحكي بعد اللي عملتيه
نرمين : سوري بس شكلك يضحك اوي 😂😂😂😂
هند : امشي قدامي خلينا نروح
نرمين : هههههههههههههه يلا
#. #. #
في فيلا الهام
الهام : اتبسطي مع نرمين في المول يا حبيبتي
هند : فضلت مبسوطه لحد ما نرمين الله يسامحها ركبتني لعبة الصاروخ دي
الهام : هههههههههههه خايفه من لعبه يا هند
هند : اسكتي يا ماما دي مرعبه اووي
الهام : ههههههههه قلبك خفيف اوي يا هنون
هند : حتى انتي كمان يا ماما بتتريقي عليا
الهام : خلاص يا ستي حقك عليا ههههههههههه
هند : يا ماما 😭😭
الهام : خلاص خلاص سكت اهو
هند : انا هقوم اغير هدومي واخد شور يهديني بعد اللي حصل ده
الهام : ماشي يا حبيبتي خلصي وانزلي عشان نتعشى
هند : حاضر
#. #. #
في بيت نرمين
نرمين : ههههههههههه اه لو كنتي شوفتي شكلها وهيا راكبه جنبي وشها اصفر وعنيها كانت كلها خوف
المشكله انها مكنتش بتصوت
سعاد : ههههههههههه ربنا يهديكي يا بنتي بتركبيها ليه بس
نرمين : ما هيا لازم تخوض التجربه
سعاد : تخوض التجربه طب غوري من وشي قومي غيري هدومك عشان نتعشى
نرمين : خلاص يا عم متزقش
سعاد : عم ايه اللي انتي بتقوليه ده قومي قومي
نرمين وهيا بتجري على اوضتها: هو ايه اللي حصل بس يا سوسو
سعاد : سوسو دا ابوكي عمره ما قالهالي ياختي ربنا يهديكي يا بنتي
#. #. #
تاني يوم في مكتب أدهم
الباب خبط
أدهم : أدخل . اهلا اسلام اتفضل
اسلام : ازيك يا أدهم
أدهم : الحمد لله انت اللي عامل ايه
اسلام : كويس
أدهم _ مالك يا صاحبي في ايه شكلك مضايق
اسلام : بصراحه في موضوع مهم اوي يخصك
أدهم : خير قلقتني
يا ترى ايه هو الموضوع المهم اللي هيقول عليه اسلام؟؟؟؟
استنوني في بارت جديد من ما خلف الستار
هستني رأيكم ان شاء الله
😍😍😍😍😍
