البارت ٩
الهام بدموع : مش معقول ايه ده 😲😲😲
هند بفرحه : مش ممكن
الهام خذت هند في حضنها وفضلت تعيط هند كانت مستغرباها جدا مش عارفه اذا كانت تعرفها ولا لا طب ليه هيا بتعيط اسئله كثير كانت بدور في دماغها بس مش لاقيه ليها اجابه
هند : حضرتك كويسه
الهام في سرها : ياربي انا هقولها ايه دلوقتي هقولها انتي فيكي شبه كبير من جوزي الله يرحمه
هند : حضرتك كويسه
الهام بتردد : اها كويسه معلش انا ابقى خالة اسلام اللي كان ماسك قضيتك حكالي عنك فأنا اتأثر جدا فحبيت اجي اقعد معاكي شويه
هند : اهلا بحضرتك يا طنط الهام
الهام باستغراب : انتي عرفتي اسمي منين هو انتي تعرفيني انا لاحظت انك اتفاجأتي اول ما شوفتيني
هند : ايوه اعرفك انا كنت بشوف حضرتك بتروحي الملجأ دايما كنت بشوفك بتلعبي مع الاطفال وتسعديهم كنت معجبه بشخصيت حضرتك جدا حاولت كتير اتكلم معاكي بس مكنش عندي جرأه اني اعمل كده لحد ما منعت نفسي اني اروح هناك
الهام : طيب انتي كنتي بتروحي الملجأ ليه وليه مبقتيش بتروحي الملجأ
هند بحزن : انا قعدت في الملجأ دا شهرين وبعد كده في عيله اتبنتني كنت بروح عشان كان عندي امل في ان اهلي يكونوا بيدوروا عليه فكنت بروح يمكن يلقوني هناك او يتعرفوا عليه بالصدفه بس الأمل اتقتل جوايا ومبقتش اروح هناك
الهام بحزن على حال هند : انا بتمنالك انك تلاقي اهلك قريب ان شاء الله
هند : آن شاء الله
الهام : عالفكره انا بيني وبين اوضتك ٥ اوض
هند : هو حضرتك تعبانه
الهام : الحمد لله احسن وهخرج اخر الاسبوع دا ان شاء الله
هند : آن شاء الله الف سلامه علي حضرتك
الهام : الله يسلمك يا حبيبتي صحيح انتي الدكتور قالك هتخرجي امتى
هند : آخر الأسبوع برده آن شاء الله
الهام : هروح اوضتي عشان معاد الدوا بتاعي وهجيلك اقعد معاكي
هند : لا حضرتك تعبانه ولازم ترتاحي في اوضتك انا مش عايزه اتعب حضرتك معايا
الهام : يا حبيبتي مفيش تعب ولا حاجة وبعدين انا كويسه متقلقيش وهبقي مبسوطه جدا لما اقعد معاكي
هند : تمام انا كمان هبقي مبسوطه لما اقعد مع حضرتك كان نفسي اجيلك انا اوضتك بس انتي شايفه مش بتحرك
الهام : ان شاء الله هتعدي وهتبقى كويسه
هند : بإذن الله
الهام خرجت من عند هند وهند كانت حاسه باحساس غريب جدا احساس بالامان والراحه احساس مختلف عمرها ما حسته قبل كده مع اي احد
هند : بجد حضنك غريب اوي اداني كمية طاقه تكفى لسنين كتير قدام انتي فعلا زي ما وصفتك زمان لما شوفت معاملتك مع الأطفال في الملجأ انتي نبع الحنان يلا ربنا يكرمها ويسعدها زي ما هيا بتسعد ناس كتير
#. #. #
بعد ساعة في اوضة الهام
الهام بدموع : كان عندك حق يا اسلام لما قولتلي مفاجأه انا اتفجأت من الشبه الكبير اللي بينها وبين مراد الله يرحمه
اسلام : ربنا يرحمه
الهام بدموع : انا اول ما شوفتها مقدرتش امسك نفسي وحضنتها وفضلت اعيط حسيت اني شوفت مراد قدامي كان جوايا شعور بالحزن والفرحة مع بعض زعلانه لانه وحشني اوووووي وفرحانه لاني شوفت شكله في شخص قدامي مش مجرد صوره
اسلام : خلاص يا خالتو عشان متتعبيش ادعيله بالرحمه احسن
الهام : ربنا يرحمه ويجمعني بيه في الجنه ان شاء الله
اسلام : آن شاء الله يا حبيبتي
الهام : انت عارف ان بنتي لو كانت عايشه كانت هتكون في سنها
اسلام : ربنا يجمعك بيها في الجنه ان شاء الله
الهام : اللهم امين
اسلام : صحيح يا خالتو انتي ليه مش سمتيها
الهام : كنت متفقه انا و مراد آن احنا هنختار اسمها مع بعض اول ما أولد ولما مراد مات وانا ولدت قولت مش هسميها غير لما اشوفها وللأسف ماتت قبل ما اشوفها وبسبب تعبي من الصدمه خدوها ودفنوها من غير ما اشوفها فقررت اني مش هسميها تعرف ايه اللي صبرني على موتها وخلاني اعدي المحنه اللي كنت فيها
اسلام : ايه
الهام : اولا لأنها عند ربنا في الجنه ثانيا بقا ان اللي هتربيها السيده سارة زوجة سيدنا إبراهيم عليه السلام
اسلام : عليه السلام ربنا يجعل صبرك في ميزان حسناتك أن شاء الله
الهام : آن شاء الله
#. #. #
في اوضة هند الباب خبط
هند : اتفضل
دخلت واحده في سن ال٥٠ والواحدة دي تبقي ام الشاب اللي خبط هند
ام الشاب : ازيك يا بنتي انا والدة انس اللي خبطك بعربيته
هند : اهلا وسهلا بحضرتك
والدة انس : بصراحة انس لما حكالنا عن اللي حصل وعنك قولت اني لازم اجي واطمن عليكي
هند : شكرا جدا على سؤال حضرتك واسفه جدا على اللي حصل لإبن حضرتك بسببي اكيد اتبهدل بين الأقسام لحد ما انا فوقت وخدوا اقوالي
والدة انس : بتعتذري على ايه يا بنتي كل واحد بياخد نصيبه اللي ربنا كتبه ليه
هند : انا عرفت من الممرضه ان ابن حضرتك دفع فلوس علاجي واقامتي في المستشفى ممكن اعرف دفع كام عشان اردهوملك
والدة انس : ايه اللي انتي بتقوليه ده يا حبيبتي انتي زي بنتي بالظبط وانا مستحيل اخد منك اي حاجه
هند : بس دي فلوس حضرتك وانا لازم اردها
والدة انس: اولا دي مش فلوسي دي فلوس انس ثانيا انتي ملكيش دعوه باي حاجه انتي تخلي بالك من صحتك وبس
هند : انا اسفه انتي لازم تقولي المبلغ كام عشان اديهولك ولو شايفاني زي بنتك قوليلي المبلغ كام انا هبقي مضايقه جدا لو مخدتيش مني الفلوس انا اصلا بشكر ربنا انك جيتي لاني طول الوقت بفكر هرد الفلوس دي ازاي
والدة انس : ليه يا بنتي كده زعلتيني جدا والله
هند : انا اسفه بس لو عايزاني ارتاح قوليلي المبلغ كام
وفعلا والدة انس قالتلها على المبلغ وهند ادتهولها وفضلت والدة انس قاعدة مع هند شويه وبعد كده مشيت
هند : الحمد لله انا لولا اني كنت حاطه الفلوس اللي كان بابا سايبها في البيت قبل ما يموت في شنطتي والحمدلله محدش سرقها لما عملت حادثه مكنتش عرفت ارجع الفلوس لأصحابها الحمد لله شكرا يا رب انك منستنيش في المحنه دي شكرا يا رب على نعمك اللي انعمتها عليه الحمد لله
#. #. #.
في شرم الشيخ
امين بص على نرمين شاف الحزن والقلق في عنيها فحب يغير من نفسيتها وقال : ايه رايكم نروح أقوى بارك بليل
شريف : انت بتتكلم جد يا بابا
امين : امال ههزر معاك يا حيوان
شريف : اسف يا حج
امين : ايه رايك يا نرمين
نرمين وحالها زي ما هو : ماشي يا بابا زي ما انتو عايزين
سعاد : خلاص يلا نقوم عشان نجيب الميوهات ونجهز نفسنا
أدهم : استنوا عندي ليكم خبر
سعاد : خير يا حبيبي
أدهم : احم احم انا قررت اتجوز
سعاد بفرحه : بجد الف مبروك يا حبيبي ربنا يتملك على خير يا رب
أدهم : يارب يا ماما
شريف : دا انت شكلك واقع وانا عمال افكر انت بقالك فتره متغير ليه
أدهم : اسكت يا زفت انت
شريف : هو انا كل ما اكلم مع حد يهزقني
نرمين وحزنها ابتدي يقل شويه : عشان انت مهزق يا شيفو
شريف : شكرا يا ختي
امين : نويت تخطب مين يا أدهم
أدهم : هيا اخت واحد صاحبي شوفتها كذا مره وانا عارف صاحبي وعيلته وهما ناس كويسين جدا
امين : ماشي يا حبيبي ربنا يتملك على خير يا رب
أدهم : امين يا بابا
نرمين : مبروك يا دومي
أدهم : بعيدا عن دموي اللي لو حد سمعها هبتي هضيع بس مش مشكله قولي اللي انتي عايزاه وعقبالك يارب
نرمين : لا انا قاعده على قلبكم بأذن الله
شريف : كلاااام اول ما حد يتقدملها ويعجبها هتلاقي عبدالله الحليم حافظ اشتغل وحياة قلبي وأفراحه واول مره تحب يا قلبي بكره نشوف
سعاد : ربنا يفرحكم ويحفظكم من كل شر
كلهم : اللهم امين
#. #. #
في بيت انس اللي خبط هند
ايمن والد انس : يعني خدتي منها الفلوس
مريم والدة انس : اعمل ايه يا ايمن البنت أصرت بشدة مقدرتش مخدهاش والله حاولت معاها كتير بس هيا مقبلتش ابدا
ايمن : ما شاء الله عليها عندها عزة نفس قويه جدا
مريم : فعلا ودا بان في اصرارها الشديد انها ترجع الفلوس
ايمن : اللي زيها في الزمن ده مبقوش كتير كان ممكن حد تاني غيرها يتبلي على انس عشان ياخد فلوس تعويض حتى لو ظلم
مريم : مع اني متأكده انها محتاجه الفلوس دي بس برده عزة نفسها غلبة غلبت حاجتها للفلوس انا بجد معجبه بشخصيتها جدا
ايمن : ربنا يشفيها ويصبرها على وحدتها
مريم : اللهم امين
#. #. #
في اوضة هند الهام كانت قاعدة مع هند بيتكلموا ويضحكوا وفجأه هند بان عليها الحزن لأنها افتكرت ثناء اللي مرجعتش ليها زي ما وعدتها
الهام : مالك يا هند زعلتي مره وحده كده ليه انا قلت حاجه ضايقتك يا حبيبتي
هند : لا ابدا يا طنط دا افتكرت ماما ثناء بس
الهام : مين ماما ثناء وايه اللي حصلها خلاكي زعلتي كده
هند : هحكيلك وحكت هند ل الهام عن لقاءها هيا وثناء
الهام : طيب يا حبيبتي ممكن يكون حصلها ظروف مقدرتش تجيلك تفاءلي خير
هند : ان شاء الله
في الوقت ده الباب خبط وهند اذنت للي بيخبط يدخل ودخلت الممرضه اللي هند كانت طلبت منها تسأل عن ثناء
الممرضه : ازيك يا هند عامله ايه
هند : الحمد لله تمام
الممرضه : انا سألتلك عن ثناء اللي انتي سألتيني عنها
هند : عرفتي حاجه عنها
الممرضه : للأسف مفيش حد بيشتغل هنا بالاسم ده
هند باستغراب : ازاي يعني
الممرضه : مش عارفه والله
هند : تمام شكرا لحضرتك
الممرضه : العفو يا حبيبتي عن اذنك
هند : اتفضلي
هند والهام فضلوا ساكتين حوالي ٥ دقايق وبعد كده الهام اتكلمت
الهام : مش انتي قولتيلي انك قبل ما ثناء تدخلك طلبتي من ربنا يبعتلك حد يطمنك
هند : اها
الهام : مش انتي مؤمنه بالمعجزات
هند : طبعا
الهام : ممكن يكون ربنا استجاب لدعاءك وبعتلك الست دي مخصوص عشان تطمنك زي ما طلبتي من ربنا
هند : انتي قصدك معجزه من عند ربنا ليه انا
الهام : انتي صبرتي كتير وكنتي دايما مؤمنه بربنا في كل بلاء ربنا ابتلاكي بيه اكيد ربنا بيحبك
هند بدموع : يارب هو الإنسان يتمنى ايه غير أن ربنا يحبه ويرضى عنه اللهم لك الحمد والشكر على كل شيء
الهام باست راس هند وقالتلها : ربنا يرضى عننا جميعا يا حبيبتي
هند بفرحه : اللهم امين
الهام : كنت عايزه اطلب منك طلب واتمنى مترفضيش
هند : اتفضلي حضرتك
الهام : بصي يا هند انا عايشه لوحدي في فيلا وبصراحه كنت عايزاكي تيجي تقعدي معيا في الفيلا انا عايزه اهتم بيكي على الاقل لحد ما تخفي انا والله اعتبرتك بنتي وعايزه اهتم بيكي انا عارفه ان انتي هتبقى لوحدك ومش هتعرفي تعملي اي حاجه لنفسك وهيكون لازم في حد معاكي يراعيكي اتمنى ما ترفضيش
هند : بس حضرتك ما ينفعش انا
الهام : بصي على الاقل لحد ما تفكي الجبس اللي في رجلك ولو رفضتي انا هاجي اقعد معاكي في بيتك و اهتم بيكي بس من الافضل تيجي تقعدي معيا في الفيلا على الاقل في شغالين هناك وخدامين مش هنتعب انا وانتي كثير
هند بتلقائيه : موافقه
يا ترى ايه اللي هيحصل مع هند والهام؟؟
استنوني في بارت جديد من ما خلف الستار
هستني رأيكم في البارت 😍😍😍😍
