البارت ١٦ والأخير
يوم حفلة تخرج هند ونرمين العليتين كانوا متجمعين سوا والكل كان مبسوط بيهم وبنجاحهم
هند : انا متوترة اوي
نرمين : على ايه يعني الموضوع مش مستاهل التوتر دا كله هما هينادوا على اسمك وهتروحي تاخدي شهادتك وترجعي وخلص الموضوع
هند : ايوه بس في ناس كتير هنا تخيلي وانا طالعه المنصه كله هيبص عليا والموضوع ده بيوترني جدا
الهام : سلمي امورك لله يا حبيبتي
هند بتوتر : ونعم بالله
نرمين : اهو نادوا على اسمي
هند : بالتوفيق
نرمين راحت استلمت شهادتها وكانت مبسوطه جدا
امين : الف مبروك يا حبيبتي
نرمين بفرحه : الله يبارك فيك يا بابا
هند بتوتر : اهو نادوا على اسمي ادعولي
الهام : ربنا معاكي يا قلبي
هند راحت تستلم شهادتها وكانت متوترة جدا ومصدقت رجعت
هند : اوووووف يالهوي كنت هموت من الاحراج
الهام : ههههههههههه اهدي يا حبيبتي الف مبروك
هند : الله يبارك فيكي يا ماما
نرمين : هههههههههههه
هند : بتضحكي علي ايه
نرمين : انتي مش شايفه شكلك عامل ازاي هههههههه
زي ما تكوني طالعه من فرن البوتجاز
كل اللي موجدين : هههههههههههههههههههههههه
هند : ماشي يا نرمين الايام بيننا بكره تقعي تحت ايدي
نرمين : يا شيخه اسكتي قال الايام بيننا قال روحي شوفيلك جركن اركني فيه شويه
هند : جركن ايه اللي هيخادني ده ههههههههههه بس حلوه
نرمين : عيب عليك يا سطا
سعاد : انتي واقفه في موقف يا حبيبتي ايه يا سطا دي
نرمين : عادي يا أمي مشيها
سعاد : ربنا يهديكي يا بنتي
الهام : انا كنت عامله مفاجأه لهند صغيره كده وطبعا كلكم لازم تيجوا معانا
سعاد : معلش خليها مره تانيه ان شاء الله
الهام : لا انا مصره كلنا هنروح سوا ان شاء الله
امين : اعذرينا يا مدام الهام اصل عندي شغل الساعه ٦
الهام : طيب الساعه ٣ والمشوار ساعه واحده أن شاء الله مش هتتاخروا