"Ako ba talaga'y para sayo?"
Dedicated to @glenicayy26
Dumating ka sa buhay ko.
Hindi ko inasahan ang pagbabago.
Pinasaya at pinahalagahan mo,
Labis na nagpapasalamat sayo.
•
Mahal kita, sobra't walang duda.
Pinili kita, ikaw lang't wala ng iba.
Hindi ko kayang mawala ka—
Sa paningin ko ay nararapat lamang na naroon ka.
•
Nais kang makasama habang buhay.
Hawak ang kamay habang naglalakbay.
Kislap sa mata ay sumilay.
'Sing liwanag nawa ng buwan ang taglay.
•
Tinanong mo ako at ang sagot ko ay "Oo"
Nagningning ang mga mata mo,
Nagtatalon ka sa saya dahil sa narinig mo.
Halik sa mukha ay pinuno mo.
•
Labis ang saya habang inaalala ang pangyayaring iyon.
Kailanma'y di sumagi sa isip ko,
Na isang pagkakamali ang pagibig ko sayo.
Umaasang hindi ka magbabago.
•
Ngunit naging mapaglaro ang tadhana.
Habang tayo ay magkasintahan, ay—
Siya namang pagdating ng isang tauhan.
Tauhan na parang sa nobela lang.
•
Tauhan na batid ko'y sisira sa pagsasama.
Tauhan na alam kong balakid sa ating pagmamahalan.
Tauhan na siyang aagaw sa aking kaligayahan.
Tauhan na sa akin ay hihigit pa.
•
Ako ay naguguluhan, natatakot at nababagabag sa pagbabago mo.
Hindi ka na tumutupad sa ating mga usapan.
Puro ka nalang "Patawad mahal—
Hindi na ito mauulit pa."
•
Bakit tuluyan ka na bang nabighani?
Ikaw ba ay lilisan na't iiwan akong sawi?
Pangako sa isa't isa ba ay tutuparin?
O mapapako na at ang pagibig ay babaliin?
•
Ang dami kong tanong sa isipan na binubulong.
Ang dami kong nais sabihin na sa puso ko ay nakakulong.
Ikaw ba sa akin ay may pagtingin.
Ako pa ba'y iyong mamahalin.
•
Itatanong ko na sa iyo ngunit pabulong.
Ako ba ay talagang sayo?
O naging isa lang sa koleksyon mo?
Aking buwan, liwanagin mo!
✍️Writer_Lhey