❤ الـحـلـقـة الـثـانـيـة عـشـر ❤ ' الـجـزء 2 '
[ تـزوجـتُ قـاصـرة 2 ]
زينه : يابابي بقى انا زهقت هو احنا جايين هنا ليه
زين : مش انتي مس مريم واحشاكي
زينه : جدا جدا جدا
زين : خلاص احنا جايين نشوفها
زينه بفرحة : بجد يا بابي
زين وهو يداعب شعرها : بجد يا روح بابي
ما هي الا لحظات حتي وجدها تأتي متجهه له وهي ترتدي سترة سوادء وتنورة باللون الأوف وايت تاركه شعرها منسدلا خلفها
نظر لها بإعجحاب شديد ثم وقف وذهب امامها مد يدهِ بإبتسامة فصافحته
زين : كمان مواعيدك مظبوطة
مريم بعفوية : لا ده عشان انت بس شخص لسه جديد في حياتي ف لازم تاخد انطباع كويس عني انما انا في الحقيقة مش ملتزمة بالمواعيد نهائي يعني عشان اكون هنا علي الساعة 6 قمت اجهز علي الساعة 4
زين : 😂😂😂
كانت ستتحدث لولا هجوم زينه المفاجئ وهي تتعلق بها
زينه : مس مريم
قبلت خدها : اهلا ازيك
زينه : كويسة ، بس انتي إتاخرتي ليه احنا هنا من بدري خالص
نظرت لزين : بجد ، ليه
زين لكي يتهرب من الموضوع بعدما فضحته زينه : تعالى اتفضلي اقعدي ، تعالى يا زينه
زينه : تؤ تؤ تؤ انا اقعد علي رجل مس مريم
زين : مينفعش ياحبيبتي عشان مس مريم تقعد براحتها
مريم مقاطعه : لا عادي انا مرتاحه كدا قوليلي بقى يا زينه اي الفستان الجميل ده
زينه : انتي كمان لبسك حلو بصي انتي لابسه أسود زي
مريم : مين بقى الي بيختارلك الفساتين الحلوه دي
زينه وهي تشير لـ زين : بابي حبيبي هو الي بيجيبلي لبسي كلو
مريم بإبتسامة : ذوقك حلو اوي
زين : تسلمي
زينه : مس مريم فين رتاج
مريم : رتاج في البيت عند مامتها
زينه : مش انتي مامتها ؟
مريم : لا يحبيبي انا مش متجوزة اساسا بس انا ابقى اخت مامت رتاج يعني خالتها وبعدين انتي مش بتسمعيها في الحضانه وهي بتناديني خالتو
زينه : اه بس انا فكرت ان خالتو يعني ماما عشان انا مش عندي ماما ومش عندي خالتو ففكرت انهم نفس الكلمة
مريم بحنو وهي تقبل خدها : امم ممكن تعتبريني خالتو
زينه : لا انا عايزة اقولك ماما
نظرت مريم لـ زين لتراه ايضا ينظر لها ثم أعادت النظر لـ زينه وقالت بإبتسامة : ماشي ياحبيبي مفيش مشكلة تناديني ماما
زينه : يعني انتي هتيجي معايا انا وبابي البيت
مريم بخجل وهي تحاول التهرب من الموضوع فـ اسئلة زينه لن تنتهي : زينه بصي انا نزلت لعبة جديدة علي الفون تشوفيها
زينه بحماس : اه
مريم : خدي التلفون اهو
اخذت زينه الهاتف منها وبينما كانت تلعب ومنشغلة قال زين : أنا اسف لو زينه ضايقتك
مريم بإبتسامة : ابدا وهتضايق ليه
زين : اممم طيب تحبي تاكلي ايه
زينه بحماس مفاجئ : برجرررر
ضحكت مريم واردفت : انتي كمان بتحبي البرجر
زينه : جدااا وانتي
مريم بضحكة جذابة : ده البرجر ده هو العشق الي في قلبي اممم يمممي 😋
زينه : خلاص يا بابي انا ومامي هناكل برجر انت هتاكل ايه
زين :
زينه : يا بابي
نظرت مريم له وجدته ينظر لها مبتسما كما كان شارد الذهن خجلت من نظراته ثم نظرت للجهه الأخرى
زينه بصوت عالي قليلا : باابي
زين : هاا في حاجة يا حبيبتي
زينه : مش بترد ليه بقالي كتير بكلمك
زين : معلشي يا حبيبتي انا اسف
زينه : ماشي انا ومامي هناكل برجر وانت
زين : هاكل زيكو
بعد لحظات نادى النادل وقام بطلب الطعام ثم تحدثت مريم
مريم بتردد : هو انا ينفع اسئلك سؤال
زين بإبتسامة : اكيد إسئلي الي انتي عايزاه
مريم : انت اكيد يعني من الحب الي بتديه لـ زينه الظاهر يعني انك كنت بتحب مامتها واكيد اتجوزتو عن حب يعني مش جواز تقليدي صح ممكن تحكيلي اتقابلتو ازاي وكدا يعني
فكر زين قليلا ووجد ان هذه هي الفرصة المناسبة و يجب عليه ان يخبرها بالحقيقة
زين : زينه حبيبتي
زينه : نعم يا بابي
زين : روحي يا حبيبتي العبي في الالعاب الي هناك لحد ما الاكل يجي
زينه بفرح وهي تقوم من فوق مريم : اوكيه
بعد ان ذهبت
مريم : مشيتها ليه انا اسفه لو كنت فكرتك بمراتك
زين : انا مش متجوز
مريم بصدمة : هااا يعني زينه جت من غير جواز
فتح فمه قليلا وقال مسرعا كي لا يحدث سوء فهم : لا لا لا واللهي
مريم : ازاي انت مش متجوز وعندك بنت
زين بهدوء : زينه مش بنتي
مريم : هاا انا انا مش فاهمه حاجة ممكن توضح
زين : انا ابقى خالها يعني هي بنت اختي بس اختي وجوزها الله يرحمهم ماتو في حادثة وكانت زينه عندها بس 7 شهور دي معجزة ان طفلة ما تجاوزتش سنة من عمرها ونجت من الحادثة دي ومن وقتها انا الي ربيتها واهتميت بيها وعمري ما قلتلها انها مش بنتي كنت بقولها دايما ان مامتها ماتت وهي بتولدها
مريم بحزن : اووه يعني هي يتيمه
زين : انا موجود وعمري ما هخليها تحس انها بحاجة أم
مريم : بس اكيد هيجي وقت وهتكون محتاجة فيه أم
زين بحزن ظاهر في نبرته : اختي اتجوزت واحد بابا مكنش موافق عليه وبعد ما اتوفت محدش من العيلة اتقبل وجود زينه نهائي تخيلي كان عايز يوديها ملجأ ايتام بس انا رفضت واتحملت مسؤوليتها كلها وبقيت ابوها وعمري ما هقولها اني خالها مش باباها الحقيقي
مريم : طيب وانت مش بتفكر تتجوز
تفاجئ من سؤالها : لا
مريم : اشمعنا انت شاب كويس ومحترم وحلو واب مثالي يعني ما اظنش ان في واحدة ممكن ترفضك
زين : يعني انا لو طلبت انك تتجوزيني هتوافقي
مريم بتلقائية : اكيد
ابتسم زين وبعدما استوعبت ما قالته نظرت له بصدمة وخجل : هاا
زين : 😂😂😂😂😂😂 انتي عفوية وتلقائية اوي
مريم : اممم طب ودي حاجة حلوه ولا حاجة وحشة
زين : اكيد طبعا حاجة حلوه ، حلو ان الواحد يكون عفوي وعلي طبيعتو مش مصطنع
مريم : الاكل جه هقوم اجيب زينه
زين : خليكي انت إرتاحي انا هجيبها
مريم : اوكيه
ذهب وعاد وهو يحملها وكان يبدو علي ملامحها الغضب فأخذته مريم وأجلستها علي رجلها
مريم وهي تقرص خديها : زعلانه ليه يا قطقوطه
زينه : وقعت علي رجلي
مريم : وريني كدا
مريم بعد ان رائت رجل زينه : طب استني انا عندي حل
زينه : ايه هو
اخرجت مريم من حقيبتها لصقة طبيبة عليها رسومات ديزني ثم ارتها لـزينه
مريم : بصي احنا هنحط دي علي الواوا وهتخف علي طول
زينه : ماشي
قبلت مريم ركبت زينه حيث اصيبت ثم وضعت اللاصق الطبي ونظرت لزينه بإبتسامة : كدا كويس
زينه بفرحه : اهه
مريم : يلا ناكل
زينه : يلا
امسكت مريم طعامها بيدها وأردفت وهي تشرع في تناول الطعام : سوري بقى علي اللخبطه الي هتحصل دلوقتي
زين : كلي براحتك بالهنا والشفا
أصبحت مريم تتناول الطعام وهي تملئ فمها ثم تطعم زينه وزينه تضحك علي هيئتها حيث كان الطعام يملؤ فمها وحول فمها متسخ بشكلٍ مضحك وكان ينظر لها زين بحب وإعجاب ...
محمد : نادين
نادين : نعم يا بابي
محمد : تعالى ياحبيبتي
ذهبت وجلست بجانب والداها : همم في ايه
محمد : كنت هقولك امبارح بس كنتي عايزة تنامي فسيبتك بس هتكلم دلوقتي
نادين : في حاجة يا بابي
محمد : اه في عربية مين الي كنتي ركباها امبارح دي
نادين : دي عربية ريان
محمد : ده نفس الولد الي بتشتغلي عندو
هزت رأسها بالإيجاب : اه يا بابي هو
محمد : وانتي ركبتي معاه ليه
نادين : ما هو اثل يا بابي انا كنت عندو في البيت ولما جيت ماثية عرض ان يوثلني
محمد : عيدي كدا تاني كنتي معاها فين
نادين : في البيت
محمد : بيت مين
نادين : بيتو
محمد : لا واللهي وبتقوليها كدا في وشي ببساطة
نادين : انت يا بابي اثلك مث عارف ايه الي حثل هناك
محمد بقلق : حصل ايه
نادين : ابن عمو واختو بيحبو بعض وكان في مثكلة في البيت وهو كان عايز حل عثان يثلح المثكلة دي. ويحل ثوء التفاهم بين اختو وابن عمو عثان كدا اثتعين بيا وبخططي
محمد : مش فاهم برضو ايه علاقة ده بإنك تروحي معاه البيت
نادين : يا بابي روحت عثان نفهم ابن عمو الخطة ومث يغلط
عثان اختو اثلا كانت ثايبة البيت فعملنا خطه وهي ان ابن عمرو يمثل انو تعبان وعمل حادثه وانو في المثتثفي وبعدين اتثلنا بأختو وقلنالها ان عناد عمل حادثه وهو في المثتثفي دلوقتي عناد يبقى ابن عم ريان وبعدين هي جت بثرعة واتكلمو ثوا وحلو المثكلة وهيتجوزوا قريب
محمد : يعني هو عايش مع ابن عمو
نادين : لا ثكلو عايث مع عيلتو كلها لإني لما روحت مامتو مثكت خدي وقالتلي اني حلوه وعثوله
محمد : يعني مش عايش لوحدو
نادين : تؤ تؤ بث ليه بتثئل يا بابي
محمد : مفيش ياحبيبتي تقدري تروحي تكملي الكرتون الي بتتفرجي عليه
نادين : اوكيه
مريم : هممم الحمدلله شبعت
زين : بالهنا والشفا
مريم : انا همشي بقى قبل ما الوقت يتأخر
زين : طب يلا هوصلك
مريم : مفيش داعي انا هروح بعربيتي
زين بضحكة : بلاش يعني انتي لسه واكلة وبما انك بتمشي في اتجاه معاكس خليني اوصلك لحسن تعملي حادثه
مريم : نينيني علي فكره انا بعرف اسوق احسن منك
زين : اه اه طبعا ما هو واضح
رفعت اصبع السبابة بتحذير : مش تتريق علي احسنلك
مسك اصبعها واقترب قليلا : مبتهددش يا بطه
مريم : بطه في عينك انا مش بطه
زين : رجعنا للدبش تاني ما كنا كويسين
مريم : هو انا كدا بقى بتحول بسرعه
زين : طب يلا عشان اوصلك
مريم : انا هاجي معاك بمزاجي مش عشان انت عايز كدا
زين : ماشي يلا
مريم : يلا
ركبو السيارة وانطلقو في اتجاه منزلها وعندما وصلا
مريم : دي زينه نامت
زين : انتي مقعداها علي رجلك ليه متعبتكيسش
مريم وهي تحاوط زينه بيدها : تؤ تؤ تؤ انا اصلا بحب الأطفال جدا
زين : اممم نفسك يكون عندك اطفال
مريم : اكيد طبعا مين مش يكون عايز يكون ليه نونو وبالأخص لو من حد بيحبو
زين : وعايزة كام بقى
مريم : نفسي اول نونو ليا يكون تؤام وبعدين اجيب غيرهم كتير كتير اووي
زين بتردد : هو .. احم .. هو انتي مرتبطه يعني في حد في حياتك
مريم بخجل : تؤ
زين : حاجة غريبة واللهي
مريم : ايه الي غريبة ؟
زين : يعني ان واحدة في جمالك ده ولسه مرتبتطش
مريم : وانا في الجامعة كان في ولاد كتير عايزين يرتبطو بيت بس رفضت
زين : كويس بس ليه
مريم : عشان كلهم كانو عايزين نرتبط بس ويبقى الإسم اني مرتبط يعني مكنش حد فيهم مستعد ان يتجوز وانا مش عايزة ارتبط بحد من غير جواز يعني مش حابه ان اكون مرتبطة بواحد وخلاص من غير جواز يعني من وجهه نظري انو لو فعلا بيحبني مش هيسمح اننا نكون مرتبطين من غير ما يكون بينا علاقة رسمية
زين : عين العقل واللهي
مريم : طيب انا همشي بقى
نزلت من السيارة وهي تحمل زينه بهدوء ثم وضعتها في المقعد الخلفي واحططها بحزام الامان ودخلت منزلها تحت نظراته
مريم رامي : بس يعني الي اعرفو ان اونكل كِنان وسالم علاقتهم مقطوعه من زمان
إلياس : اممم ومتعرفيش ايه السبب
مريم : تؤ
إلياس : اوكي
مريم : صحيح والدك جه ولما لاقك نايم مشى ومش حب يزعجك
إلياس : تمام
مريم : اتفضل بقى خد الدوا
إلياس : هاتي
في الصباح ذهب ريان للشركة وظن انه سيلقى نادين لكن خاب ظنه عندما اخبرته السكرتيرة بأنها لم تأتي الي الأن ظل منتظرها في مكتبه ولكنها تأخرت كثيرا فقلق عليها وقرر الذهاب لمنزلها ليطمئن عليها وبالفعل قام وذهب لمنزلها وعندما وصل نزل من سيارته وذهب وطرق الباب ففتح له والدها
محمد : ايوا مين حضرتك
ريان بتوتر : ريان انا ريان
محمد : اه هو انت ،وبتعمل ايه هنا يا سي ريان
ريان : في الحقيقة الأنسه نادين إتاخرت فقلقت عليها وجيت اطمن عليها بس
محمد : لا واللهي
ريان : اه واللهي
محمد : وهو عادي اي مدير لما موظفة عندو تتأخر يجي ويزورها في بيتها
ريان بتوتر : احممم
خرجت نادين من الداخل وهي ترتدي ملابس طويلة ومضحكة وتلف نفسها ببطانيه وأنفها احمر بشده عندما رائها ريان ابعد محمد بسرعه ودخل عندها مسكها من كتفها بخفه
ريان : نادين انتي كويسة
هزت رأسها بالإيجاب وهي تنظر لوالدها
ذهب محمد وأبعد ريان بغيظ : اولا مسمحلكش تقرب من بنتي مفهوم ثانيا هوا انا واقف عشان تدخل كدا من غير ما تستئذن
توتر ريان واحرج كثيرا فتحدثت نادين كي تخرجه ذلك الموقف : ااااا ريان بيه انا انا مث هقدر اجي الثركة انهاردة عثان تعبانه ثوية
ريان : الف سلامه عليكي خلاص ارتاحي ولما تتحسني ابقى تعالي
نادين : ماثي
ريان : اممم عن اذنكو
ذهب بسرعه ولم يترك لوالدها المجال للحديث دخل سيراته وتنهد بقوه ثم انطلق لشركته ظل طوال اليوم يفكر بها كان يشعر بالملل فاليوم كان طويل جدا وممل بدونها ...
ملاك : براء ممكن اعرف جاي عايز ايه
براء : مش دي مشتشفي
ملاك : اه
براء : الناس بتيجي المستشفي ليه
ملاك : عشان تتعالج
براء : طب وانا جاي اتعالج
ملاك بلهفه : براء انت كويس تعبان
براء بتمثيل : اممم
ملاك بلهفه : ايه الي بيوجعك
اقترب منها بشده وأشار لقلبه : ده بيوجعني
ملاك : براء انت بتمثل
براء وهو يقترب أكثر : طب بصي اسمعي كدا شوفي بيدق ازاي
ابتعدت عنه بسرعه وهي خجله : براء انت بتمثل انت كويس ومش فيك حاجة
براء : طب ما تحنب وتجيبي بوسه
ملاك : في أحلامك مش دلوقتي
خبراء بمكر : امال امتى
ملاك بسرعه : لما تبقى جوز
سكتت فجآءه بعدما انتبهت فأردف : لما ابقى ايه
ملاك بخجل : انت فاهم انا قصدي ايه بس مصمم تكسفني كدا
براء : اصل شكلك حلو اوي وانتي مكسوفه
ملاك بخجل : طب امشي بقى عشان انا مش فاضية ...
يتبع ...
وكدا وصلنا لنهاية الحلقة
ايه رايكم في الحلقة ؟
وايه توقعاتكم للحلقات الجاية ؟
الحلقة برعاية " زين ومريم 😂😂 "
شجعوني بـ فوت ✌ وتعليق 😘