تزوجتُ قاصرة جزء 1 + 2

❤ الـحـلـقـة الـثـانـيـة ❤ ' الـجـزء 2 '

الـحـلـقـة الـثـانـيـة ' الـجـزء 2 '
[ تـزوجـتُ قـاصـرة 2 ]
>>>>>>>>>>>>>>>>>>
،،، في الحلقة السابقة ،،،
يسرا : دي السلحفه بتاعتها يا موكوس
رامي : خلاص يا حبيبتي هنجيب واحدة غيرها
ذهبت ملاك وجلست بجانب الحائط ووضعت يدها علي خدها وغنت : الدنيا ماشية بضهرها حطت عليا
اقترب براء منها وقبل خدها وقال : متزعليش يا كوكي انا هجيبلك واحدة من مصروفي
صرخ كِنان وقال  : لمي ابنك يا نهلة .. وانت ياض متمدش بوقك علي بنتي
قبلها من خدها الثاني ثم ركض هاربا
فصرخ كِنان وقال : وحياة امك لأوريك وهدفعك تمن البوستين دول
اقتربت مريم كِنان منها وقالت : متزعليش يا ملوكه انا هخلي زين صاحبي يجبلك واحدة غيرها
كِنان : بت انتي من زين ده
مريم كِنان ببرائه : ده صاحبي يا بابي
كِنان بعد ان اقترب منها : طب وانتي عندك اصحاب تانين
ردت بفرح قائلة : اه يا بابي زين وكريم واسلام وياسر ووسام
كِنان : طب كويس فيه بنت
مريم كِنان : لا يا بابي وسام ده ولد مش بنت
كِنان : احييه ونعم  التربية فعلا
>>>>>>>>>>>>
نهلة بعصبية : خلاص بقى ... انا كويسة ... انا طالعة اوضتي عن اذنكو 
صعدة لغرفتها بينما نظرو لها بحزن
يسرا :  تفتكرو مالها
ملك : ممكن تكون متخانقة مع أرسلان
يسرا : ما دايما بيتخانقو وبيصالحها علي طول مش بتبقى كدا
روز : ممكن تكون مضغوطة نفسياً بس مش اكتر
يسرا : ممكن ... امال الولاد هيرجعو امتى
ملك : علي وصول انهاردة بيخرجو بدري
يسرا : احسن حاجة اننا جبنالهم عربية وسواق خاص بدل ما يروحو بباص المدرسة والمصايب الي بنسمع عنها
روز : اه واللهي دول عشر شياطين مش أطفال ...
>>>>>>>>>
يسرا : احسن حاجة اننا جبنالهم عربية وسواق خاص بدل ما يروحو بباص المدرسة و المصايب الي بنسمع عنها
روز : اه واللهي دول عشر شياطين مش اطفال
ملك : يت ماما دول كل يومين بسواق جديد دول العشرة بيطلعو عين السواق
روز : ويا سلام لو عملو عليه عصابة انا في مرة لقيت مريم بنتي بترسم سكينة عشان تدبح بيها السواق عشان مخلهاش تدوس علي كلاكس العربية
يسرا : عنيفة اوي بنتك دي يا روز
ملك : احنا سمينا مريم علي اسم ماما وكنت عايزاهم يكونو زي شخصيتها
يسرا : وطلعو التلاتة افظع من بعض
روز : دول الثلاثي بس لوحدهم شياطين
يسرا : ربنا يهديهم ويصلح حالهم
جاء هم صريخ من خلفهم ثلاثي الأبعاد : نينااااااا
فُزِعت يسرا والإثناتان الجالساتان بجانبها
يسرا بفزع : بسم الله الرحمن الرحيم ايه العاصفة الي دخلت  علينا دي
مريم رامي : هاي نينا عاملة ايه ؟
بينما قفزت المريمتان علي ظهرها : نينا وحشتينا اوي
يسرا : وانتو كمان وحشتوني ياروح نينا
نور : وانا مش وحشتك
يسرا : انتي اكتر واحدة وحشتني
الثلاثي مريم بحزن : نينا
ريان وبراء وعِناد ومالك : طب واحنا
يسرا : كلكو وحشتوني اوي
ريان : نينا انا عايز كيكة من بتاعتك 
براء : وانا عايزها بالشوكليت
مريم كِنان : وانا هساعدك فيها يا نينا
نطق السبعة الأخرين : واحنا كمان هنساعدك
يسرا : بس بشرط
العشرة : ايه هو يا نينا ؟
يسرا بصرامة : صليتو
العشرة : لسة يا نينا
يسرا : اجرو صلوا وبعدها تعالو نعمل مع بعض
جرو من امامها لتصرخ مريم أرسلان : جهز نفسك يا مالك هحميك بالدقيق
روز : اتفضلي عايزين يعملو معاكي عشان يغرقو بعض
يسرا : علي قلبي زي العسل ... انتو كمان صليتو
ملك : انا لسه
روز : انا صليت مع نهلة
يسرا : طب قومي يا ملوكه صلي بيهم
نظرت لها بخوف : انتي بترميني في النار يا ماما
ضحكا الإثنين وأردفت يسرا قائلة : متخافيش يا ملوكه ده جهاد في سبيل الله
قامت من مكانها وصعدت ثم توقفت في منتصف الدرج واستدارت وأدرفت : لا اله الا الله
ردو عليها : سيدنا محمد رسول الله
وما ان صعدت حتي دخل الثلاث رجال
يسرا : حمدلله علي السلامة
ردوا عليها : الله يسلمك
يسرا : رامي خد مراتك وروح معاها عشان عايزة تشتري هدوم البيبي ، كِنان مراتك فوق بتصلي بالأولاد في اوضة الصلاة اطلع صالحها وانت يا أرسلان تعالى اقعد عايزة اتكلم معاك في موضوع
صعد الثلاثة وجلس أرسلان بجانبها وقبل يدها ثم قال : اؤمريني يا ماما
يسرا : مين الي غلطان فيكو انت ولا هي ؟
نظر لها وهو يتصنع عدم الإستيعاب : انت ولا هي ايه ؟ مش فاهم قصدك يا ماما
يسرا : مش حابب  تتكلم صح ؟!
أرسلان : مش كدا واللهي بس مش عايز اشغل دماغك واتعبك  معانا
يسرا : وانا معنديش مانع اني افضل تعبانة معاكو
أرسلان : متقلقيش يا ماما مشكلة بسيطة وهتتحل
يسرا : توعدني
أرسلان : اوعدك
>>>>>>>>
في الأعلى صعد كِنان ودخل غرفة الصلاة وجدهم يقفون في استعداد الصلاة ... بدأت ملك بالصلاة وبدأ اللعب خلفها بهمس ماعدا نور التي بدأت هي ايضا بالصلاة وقف ينظر لهم بتعجب واستغراب
مليكة وملاك يلعبون • حجر ورق مقص •
الثلاثي مريم يلعبون • فتحي يا وردة •
والأربع شباب يلعبون الشرطي واللص دون اخراج اي صوت
وقف ينظر لهم وهم يتشاورون لبعضهم بعدم الكلام
فحمحم من خلفهم بصوت عالي ففزعو وهرعو بالوقوف خلفها وبداؤ بالصلاة
وخرج هو ونزل للأسفل
>>>>>>>>>>
بعد الصلاة نزل العشرة ليقوما بعمل الكعك وخرجو سريعا بعد دقائق بسبب ازعاج يسرا منهم وصعدو لغرفهم
نزلت ملك وجلست بجانب نهلة وروز وكِنان وأرسلان ورامي
دخلت الخادمة وتوجهت لملك : الجواب ده لحضرتك
ملك : جواب ايه ده
الخادمة : معرفش حضرتك تقدري تفتحيه
ملك : طيب خلاص روحي انتي دلوقتي
الخادمة : تحت أمرك
بعد ان ذهبت الخادمة قامت ملك بفتح الجواب ثم اغلقته بعد ان انتهت من قرائته
نهلة : خير يا كوكي
ملك : مش عارفة ده جواب من الجامعة لسة هتصل بيهم عشان افهم
روز : طيب ابقى طمنينا
لحظات ووجدو مريم كِنان تنزل من علي الدرج بسرعة وهي تهتف بصوت عالي : يا بابي عايزة بوديكا ويجاز
نظروا لها بصعقة بينما هو نظر لها بقلق
كِنان : انتي عايزة ايه يا حبيبتي
اقتربت منه وقالت ببرائه كادت ان تصيبه بأزمة قلبية : عايزة بوديكا.. لا لا يا بابي عايزة فوديكا ويجاز
ضرب علي صدره كالنسوه : يافضحتي .. يافضحتي يا فضحتاااي
وضعت يدها علي وجنتيه : مالك يا بابي ؟
تسائل بقلق : وانتي بتسمعي الحاجات دي فين يا حبيبتي ؟
ردت بفخر : ده حمو بيكا وشاكوش يا بابي 
أرسلان : طب حد تاني بيسمعه ولا انتي بس
ردت ببساطة : لا يا اونكل كلو بيسمعو فوق
نظر كِنان لها بغيظ وقال : وعايزة الجاز ليه ان شاء الله
نظرت له بإنبهار : عشان ابقى زي الفنان الكبير الي بيغني الأغنية
أرسلان متسائلا : أغنية ايه يا حبيبتي
حركت يدها بحركات بلهاء وهي تردد : هاتلي فوديكا ويجاز انحراف كوبلى جاز يلعن ابو الجواز ده الحرام هو المراد . ومش حفظت الباقي يا بابي
صرخ في وجهها : الحرام هو المراد
صححت لها ملك : لا لا قصدها الغرام
نظر لها بغضب وقال : ماهو انيل ياختي يعني جبتي الضايعة
زفرت الواقفة امامها : يعني هتجبلي جاز ولا لا
نظر لها بغيظ وقال : هجيبو عشان اولع فيكي ياحبيبتي
ذهبت من امامه وهي ترمى كلامها : مش مهم انا هبقي اخلي صاحبي يجبلي .
>>>>>>>>>
في غرفة أرسلان ونهلة بعدما صعدو
أرسلان : نهلة ممكن نتكلم شوية مع بعض
نظرت له : انا مش عايزة اتكلم يا أرسلان
أرسلان : لا هنتكلم يا نهلة الكل بقى عايز يعرف مالك وفيكي ايه
نهلة : وانت عارف انا فيا ايه ومش عايز تتصرف
أرسلان : اتصرف .. ده موضوع ممكن نقعد مع بعض ونتكلم شوية بالعقل وهنعرف نحل كل حاجة  مع بعض
نظرت له بسخرية وقالت : وياتري مين بقى الي عايز يعرف انا فيا ايه
أرسلان : كِنان وماما واكيد ملك وروز لاحظو انك متغيرة في كل حاجة
نهلة : طب بعد اذنك عشان مش فاضيه
امسكها من معصمها وقال : نهلة انتي مش هتمشي قبل ما نخلص كلام
نهلة : أرسلان انا عايزة اشتغل
أرسلان : طب وانا قلت ايه ؟
نهلة : انت وافقت
أرسلان : طب فين المشكلة
نظرت له بغضب : انت عارف فين المشكلة يا أرسلان
وقف أرسلان وقال : المشكلة انك عايزة تشتغلي عند الغريب
نهلة بعناد : مش عيب ولا حرام
أرسلان : وانا مش هقبل ان ده يحصل يا نهلة تمام
نهلة : وانا مش هشتغل غير عند الغريب
رد عليها بمنتهي الهدوء : يبقى مفيش شغل يا نهلة
نهلة بفظاعه : لو مخلتنيش أشتغل يبقى تتطلقني يا أرسلان
جذبها بقوه من يدها: انتي اتجننتي عايزة تتطلقي عشان شغل .. فوقي يا نهلة عشان مفوقكيش
نهلة : هتفوقني ازاي بقى هتمد ايدك عليا .. هي دي الرجولة صح
صرخ بحده : انا سايبلك الدنيا كلها وماشي ولما تفوقي نبقى نتكلم
نهلة : رايح فين ؟
أرسلان :  ملكيش دعوة لما ابقى احس ان نهلة العاقلة الي كنت متجوزها رجعت زي ما كانت ابقى ارجع
نهلة : وهقولهم ايه بقى لما يسئلوني عليك
أرسلان : قوليلهم خنقتو وتعبتو معايا ف حب يستجم شوية
و خلي بالك لو فضلتي كدا انا هتجوز عليكي
رمى قنبلته وخرج من الغرفة واغلق الباب خلفه بقوة لدرجة ان الصوت دوى بالفيلا بأكملها وانتفض من كانو يجلسون بالأسفل
يسرا : هو ايه الي حصل
كِنان : مش عارف أرسلان نازل اهو
يسرا : رايح فين يا أرسلان
أرسلان : خارج يا ماما وراجع تاني
يسرا : وانت بالمنظر ده راجع تاني ؟!
ضحك بسخرية : قولي يارب
يسرا : تعالى نتكلم في الحديقة شوية
أرسلان بحزن : معلشي يا ماما انا مش قادر اتكلم دلوقتي .. عن اذنكو
يسرا بهمس لم يصل لأحد : ياتري عملتي ايه يانهلة
>>>>>>>>>
كانت نهلة تجلس بغرفتها وتبكي بحرقة علي ما وصلت اليه حتي دخلت عليها ابنتها
مريم أرسلان : مالك يا مامي .. عيطي ليه ؟
نهلة : مش بعيط يا حبيبتي
وضعت مريم عينيها علي وجه نهلة وقالت : عنيكي تعيط يامامي
نهلة : انا بس بطني بتوجعني
شهقت ببرائه : كلتي حاجة مش نضيفه يامامي
نهلة :  اه اكلت حاجة مش نضيفه
مريم أرسلان : هتصل بـ بابي ويجبلك دوا زي الدوا بتاعي
نهلة : لا يا حبيبتي مش تتصلي هو جابلي وانا اخدته خلاص وهنام شوية
مريم أرسلان : خلاص يا مامي انا هطلع برا ومش خلي حد يجي هنا خالص
نهلة : ماشي وانا هنام شوية
مريم أرسلان : تصبحي علي خير واتغطي كويس وحطي ايدك علي بطنك وقولي سورة ' كل هو الله احد '
نهلة : حاضر يا حبيبتي
خرجت مريم وبقت نهلة تبكي علي حالها حتي رن هاتفها التقطه وردت بصوت باكي : الو
جاءها صوت الطرف الأخر بخبث لم تلاحظه : الو ايه يا نهلة يا حبيبتي بتعيطي ليه ؟
نهلة : عملت زي ما قولتيلي يا ساندي
"" حد فاكر مين ساندي ""
ساندي بخبث : طب وايه الي حصل خلاكي تعيطي اوي كدا
انهارت في بكاء حاد : سابلي البيت ومشي وقالي لو معقلتش هيتجوز عليا
ساندي :  وانتي خليكي ثابته علي قرارك عشان ميحسش انك ضعيفة
نهلة بعد ان توقفت عن البكاء : يعني انا كدا صح
فرحت لنجاحها في نشر السموم : ايوا طبعا صح هو يومين تلاتة بالكتير وهيرجع بس انتي متفكريش فيه عشان متحنيش وتكلميه
نهلة : بس انا بحبو اوي ومش هقدر انام من غير ما اطمن عليه
ساندي بغضب : خلاص خليكي كدا لغاية ما يكرهك ويبعد عنك ويدخل عليكي وفي ايدو واحدة تانية
نهلة : لا لا خلاص هعمل الي هتقوليلي عليه
ساندي : خلاص من بكرا تروحي تقدمي في المستشفي
نهلة : المستشفي بتعاتو هو
ساندي : لا طبعا مستشفي بتاعت حد تاني انتي بتهزري
نهلة : بس انا كدا هكون عصيت كلامو خالص
ساندي : طب وايه المشكلة احنا عايزين كدا عشان نشوف هيستحملك ولا مع اول مشكلة هيسيبك
نهلة : خلاص انا هبقي استشير ملك او روز في الموضوع ده
ساندي بغضب : لو هتسئليهم يبقى ملكيش دعوة بيا تاني ومش هفكرلك في اي حاجة
نهلة : لا لا خلاص مش هسئل حد
ساندي : ايوا كدا
بعد ان اغلقت معها نظرت للذي يجلس امامها وقالت : انا مشكلتي مع رامي وانت مشكلتك مع كِنان ويسرا عايز تخرب علي الي اسمها نهلة ليه
سالم بشر : كِنان عرف ان نهلة تبقى اختو بعد السنين دي كلها والأكيد ان لما يلاقي جوزها هيطلقها وهتكون متدمرة تماما اكيد مش هيبقي مركز في شغلو وبحركة ذكية مننا نعمل شغل احسن من شغلو وشوية إشاعات علي امبراطورية سليمان محمد يفلسو
ساندي بحقد : كنت فاكرة اني بس انا الي بكره حد من العيلة دي طلعت انت بتكرهم كلهم
>>>>>>>>>>>
ملك : فين كِنان يا ماما
يسرا : نويتي تصالحيه خلاص الحمدلله
ملك : لا بس عايزاه في حاجة مهمة
يسرا : ملوكة حبيبتي انتي عاقلة خلي عقلك في راسك ومتخربيش علي نفسك 
ملك : متخافيش ياماما انا مظبطة الدنيا
يسرا : طيب كنت عايزة اطلب طلب
ملك : اؤمري يا ماما
يسرا : ابقى اقعدي مع نهلة شوية شوفي فيها ايه ولا مالها
ملك : خير في حاجة؟!
يسرا : حاساها متغيره بقالها كام يوم مش عجباني ومش متظبطه
ملك : متقلقيش عليها
يسرا : لا اقلق نهلة كبرت في ملجأ يعني اكيد انطوائية وسهل جدا ان حد يدخل دماغها وينشر فيها السم وهي تمشي وراه وهي مش حاسه انا بتعمل غلط
ملك : متقلقيش هبقى اقعد معاها
يسرا : طيب يلا روحي لكِنان هو في مكتبو
ملك : تمام هروحلو
ذهبت الي مكتبه وطرقت الباب مرتين متتالياتان فسمح للطارق بالدخول فدخلت ببطئ وهي تنظر للأرض .. ما ان نظر لها حتي ضحك ببلاهه
كِنان بفرح : لا انا مش مصدق
ملك : لا صدق
قام من مكانه واقترب منها : قولي انك خلاص مش زعلانه
ملك : لا انا لسه زعلانه بس عايزاك في حاجة مهمه
كِنان : قولي يا ستي
ملك بإرتباك : بصراحه يعني ... هو
,,,STOP ✋,,,
>>>>>>>>>>
يتبع ...
نقف هنا ونكمل بكرا 
ايه رايكم في الحلقة ؟
وايه توقعاتكم للحلقات الجايه
ياتري ايه الي ممكن يحصل في حياة نهلة وأرسلان ؟
وياتري ملك عايزة كِنان في ايه ؟
ورايكم في حياة الأطفال ؟ وهل حابين نعيش معاهم وهما أطفال ولا نكبر بسرعه ؟
متنسوش الفوت✌  لأنو بيفرق معايا  والتعليق 😘