تزوجتُ قاصرة جزء 1 + 2

❤ الـحـلـقـة الـسـادسـة ❤ ' الـجـزء 2 '

الـحـلـقـة الـسـادسـة ' الـجـزء 2 '
[ تـزوجـتُ قـاصـرة 2 ]
>>>>>>>>>>>>>>>>
ردت ببرائه : خاف مننا ومشي
كِنان : ما شاء الله خوفتوه ومشي الله
ردت بفخر : اه يا بابي
كِنان : طب يلا قدامي انتي وهي ياروح بابي
>>>>>>>>>>
آخر أيام شهر رمضان كانت تجلس يسرا في البهو وجدت نهلة وأرسلان آتيان لها جلست نهلة بهدوء بينما جلس ارسلان امامها بغضب
يسرا : خير ياولاد في ايه
نظرت نهلة لـ أرسلان : ما تتكلم انت
رد عليها بحدة : انا مش هتكلم يانهلة عايزة تتكلمي اتكلمي انتي
يسرا : جرى ايه انتو هتتخانقو قدامي ولا ايه
أرسلام : مش متخانقين يا ماما انا قايم رايح الشغل
يسرا : استني يا أرسلان اقعد ... خير يا نهلة في ايه الي حصل وهو الي عامل كدا بينكو
نهلة : بصراحة ياماما انا عايزة امشي واسيب الفيلا
يسرا : تسافري تغيري جو يعني !
نهلة : لا انا عايزة اخد عيالي وجوزي ونروح نعيش في اي حته
أرسلان بغضب : متقوليش وجوزي عشان انا مش هسيب الفيلا واروح مكان تانية
يسرا بهدوء : وعايزة تمشي ليه يانهلة
نهلة : بصراحة يا ماما المكان مبقاش أمان البنات اتخطفو  وقبلها ملك سقطت ومنعرفش ايه الي ممكن يحصل تاني ... اضمن حاجة اني اخد عيالي ونروح مكان تاني
يسرا بعنف : عايزة تبعدي العيال عن بعضهم بعد ما اتربو مع بعض وكبرو مع بعض انتي ناسية ان مريم بنتك متعلقة بالإتنين التانين ولا براء الي كل وقتو بيقضه مع الولاد تفتكري هيعرفو يعيشو من غير اخواتهم ... وبعدين ماشاءالله البنتين اتخطفو خوفو الراجل وطفشوه
نهلة : متغيريش الموضوع ياماما ونبي
يسرا : طب وانتي جيالي ليه
نهلة : عشان تقنعي أرسلان اننا نمشي
يسرا : انا مش موافقه يانهلة مش بعد ما لقيتك بعد السنين الي فاتت دي كلها اسيبك تمشي وتبعدي تاني ... وبعدين خدي هنا انتي ليه لسه مصالحتيش ملك
نهلة : ماما انا مش غلطانة هي الي بدات تتخانق معايا وانا مكلمتهاش وبعدين هي الي مش بتكلمني اروح انا بقى اكلمها ليه وهي الي غلطانة
يسرا : من ساعة ما شفتك من ثلاث سنين وانا شايفه انك العاقلة وجدعة اول مرة اشوف انك قليلة الأصل كدا
نهلة : ماما انا معملتش حاجة دلوقتي هتغلطيني وهي الي غلطانة
يسرا : لما متقدريش انها وحده ابنها ولا بنتها لسه ميت وبنتها اتخطفت اضايقت عشان بنتها مكنتش موجودة وكانت خايفه عليها وطبيعي تقول كلام مش قصدها تقولو زعلتي ليه وانتي عارفه انها مش قصدها تقول كدا ... بصي يانهلة انا لما قلت انكو تفضلو كلكو هنا كان كل غرضي ان الحب الي جواكو يكبر عشان يتنقل لولادكو ... مش عشان يكون في زعل وخصام
نهلة : طيب ما انا مكسوفه اروح اكلمها يعني هي الي مخصماني اروح انا اكلمها
يسرا : انا هطلبها تيجي وتقعدوا سوا وانا هسيبكو تتصالحو
نهلة : طب ما تصلحينا انتي عشان انا مكسوفه
يسرا : ماشي يانهلة واعقلي كدا ... البيت ده لو عايزين تتطلعو منو اطلعو لما ابقى اموت
نهلة بلهفه : بعد الشر يا ماما متقوليش كدا
دقائق ودخلت ملك للبهو وجلست امام نهلة
ملك : نعم يا ماما عايزاني في ايه
يسرا : يلا ياحبيبتي اتصالحي انتي ونهلة واتصافو كدا
ملك : بس ياماما
يسرا : مبسش العيد داخل علينا بعد يومين يرضيكو يجي العيد وانتو متخاصمين كدا ويلا بقى عشان نقوم نعمل الكحك والبسكوت سوا ، في هذه اللحظة دخلو العشر أطفال بشقاوتهم المعتادة ومعهم كِنان ورامي وروز
يسرا : حبايب نينا
مريم كِنان : هنعمل البسكوت معاكي يانينا
اومأت براسها واكملت مريم رامي : وهنعمل كحك كمان
يسرا : هنعمل سوا
التفو حولها واخذوها وذهبو للمطبخ
التفت مريم أرسلان للأباء والأمهات  : هنعمل كحك وبسكوت وانتو مش هتعملو الا لما تكونو شطورين
ذهبو جميعهم فنظرت ملك لنهلة بأسف واحتضنو بعضهم البعض
كِنان : ممكن كفاية زعل بقى
روز : ايوا كفاية كدا خلونا نروح المطبخ قبل ما العصابة يخلصو علي ماما
كِنان : ومش عايزكو تقلقو احنا خلاص بندور علي ساندي وهنقبض عليها
رامي : كفاية رغي بقى
ذهبو جميعهم للمطبخ
مريم أرسلان بصراخ : انا الي هساعد نينا
مالك برقة : خلاص مش تزعلي يامريومة وساعديها انتي
ملاك : وانا كمان لازم اساعدها
مليكة : وانا كمااان
باقي الأطفال بصراخ : واحنا كمان
يسرا : خلاااص كلكو هتساعدوني بطلو زعيق بقى صدعتوني يلا اطلعو برا العجين خلص
مريم كِنان ببلاهه : بس ده مش كحك يانينا
يسرا : لا احنا هنطلع كلنا برا ونعمل الكحك سوا
جلسو جميعهم وذهبو للبهو وجلسو حول بعضهم مع اولياء الأمور والخدامات
يسرا بأمر وهي تشير لأحدهم : الجمب ده يعمل كور ويديها للجمب ده ... والجمب ده يقطع العجوة والملبن
تعارضت مريم كِنان : لا انا عايزة اكل عجوة
يسرا : خلاص بدلي مع اخوكي وقطعي واحدة وكلي واحدة ... الجمب ده هينقش الكحك والبسكوت الي هيتعمل ... الجمب ده يساوي الكحك ويحطو في الصاج
ريان : طب وانتي يانينا هتعملي ايه
وضعت ساق فوق الأخرى : انا الي هشرف عليكو ... يلا كل واحد يبدأ بشغلو
بدأ الجميع في العمل المناسب له .
مريم كِنان : نينا انا كلت عجوة
يسرا : ماشي ياحبيبتي بالهنا والشفا
ردت : طب ما انا عايزة اكل عجينه
يسرا : بت انتي قومي اطلعي فوق انتي اصلا بتعلبي مش بتعملي حاجة
ريان : رايحه فين يامريم
مريم كِنان بتمثيل الإعلان : رايحه اجيب للبيت تورنيدو
ردو التسعة الأخرين : نتفرج بالطول والعرض
ضحك جميع من حولهم
>>>>>>>>>
نادين : كدا يامامي
فاطمة : اه ياحبيبتي
نادين : بابي
محمد : ايه يا قلب بابي
نادين : هنلوح الملاهي في العيد
محمد : ان شاء الله ياحبيبتي
نادين : وييي وييي ويي
محمد وهو يحملها : يلا بقى عشان تنامي
نادين : ناءه عايذه اعمل بثكوت مع مامي
محمد : اتفقنا ننام بدري ونصحي بدري صح
نادين : ثح
محمد : يبقي يلا علي النوم
نادين : احكيلي حدوته
محمد : ماشي يقلبي
نادين : اثتني ابوث مامي
قبلت والدتها من خدها ثم قالت : تثبحي علي خير يامامي
فاطمة : وانتي من اهل الخير ياحبيبي
>>>>>>>>>>>>>
زين : قلتلك مش تضربها
كامل : لو ممشتش من قدامي هقتلك
زين : مش همشي ومش هخليك تضرب ماما
سارا : امشي ياحبيبي انا كويسة
زين ببكاء : يامامي هو بيضربك
سارا وهي تتظاهر القوة : احنا بنلعب مع بعض ياحبيبي روح انت نام يلا الوقت إتاخر
زين : بجد
سارا : اه ياحبيبي
زين : خلاص تصبحي علي خير
سارا : وانت من اهلو ياحبيبي
>>>>>>>>>
صباح يوم العيد
مريم كِنان : جانا العيد وهنعيد وندبحك ياخروف سيد
كِنان : لا مش دي ... مش دي
ردت مرة اخرى : رمضان جانا وفرحنالو
كِنان : ولا دي ياموكوسة
ردت بنفاذ صبر : احنا بألف خير وانتو بالف جنيه .. والي هيجي علي السكة مش هنسمي عليه .. انا مش راكب فيل راكب هوندا..
كِنان : غني الأولى ياحبيبتي
ريان وهو يقبل يد والده : كل سنه وانت طيب يابابي
قبل خده : وانت طيب ياقلبي وانت العاقل الوحيد فيهم
مريم كِنان : بابي مش تبوسني زيو ليه
كِنان: بس كدا خدي بوسه كبيره اهو
مالك : كل سنه وانت طيب دادي فين العدية بقى
مليكة : اه يابابي انت قلت بعد الصلاه واحنا خلاص خلصنا هات العيدية بقى
كِنان : روحو عند ستكو هي هتديلكو الي انتو عايزينو
ذهبو للجدة وجدو بقية الأطفال هناك
مريم كِنان : بيضحكو علينا يانينا ومش راضين يدونا العيدية
>>>>>>>>>
مر العيد ببهجته علي الجميع وانتهت عطلة نهاية العام وعاد الجميع لحياته الطبيعية
عادت ملك لإعطاء المحاضرات في الجامعة بعد موافقة كِنان وانتقلو الفتيات الصغار الي اشقائهم من الروضة الي المدرسة ولم يتم القاء القبض علي ساندي بعد
وفي يوم عاد جميع الأطفال بشقاوتهم المعتادة ماعدا مريم كِنان صامته ولا تتحدث مع احد
يسرا : مالك يامريومة ياحبيبتي
مريم كِنان : مش فيا حاجة ... انا طالعة انام باي
يسرا : طب ومش عايزة تاكلي مع نينا
نفت برأسها وصعدت للأعلي
نظرت للاطفال : مالها ياولاد حد فيكو ضايقها
نفو جميعهم برأسهم
تنهدت بعمق : طب يلا اطلعو غيرو وبليل نشوف مالها
>>>>>>>>>>>>
في المساء كان جميعهم متجمعين علي السفرة
يسرا : بنتك فين يملك
ملك : مش عارفه يا ماما من ساعة ماجت من المدرسة وهي زعلانة ونايمة في اوضتها ومش راضية تكلم حد
قامت يسرا وذهبت تجاه الدرج ثم التفت : انا طالعة اشوف مالها ابعتولي شاي وابعتولها هي عصير
صعدت يسرا خلفها وطرقت الباب ثم دخلت ودخلت خلفها الخادمة
الخادمة بإرتباك لم تلاحظه يسرا : •الشاي•  والعصير ياست هانم ~ اديني ضغطت علي الشااي ~ 
جلست يسرا بجانبها وقالت بمرح : انا قلت أشوف حبيبتي زعلانة مني ليه
خرجت الخادمة مرة اخرى فإنفجرت مريم بالبكاء احتضنتها يسرا بحنو : مالك بس ياحبيبتي ايه الي مضيقك اوي كدا
مريم بخوف : نينا هو انتي ممكن تروحي عند ربنا
ارتشفت القليل من الشاي ثم قالت بترقب : اكيد اه بس ليه بتسألي السؤال ده
بكت بحرقة : انهاردة وحدة صاحبتي نينا بتاعتها راحت عند ربنا ... تمسكت بها أكثر ، بس انا مش عايزاك تروحي عايزاكي تفضلي معايا كتير انا بحبك اوي يانينا
شردت يسرا : وانا كمان بحبك ... بحبكو كلكو
وانطفئت الأضواء ....