تزوجتُ قاصرة جزء 1 + 2

❤ الـحـلـقـة الـتـاسـعـة ❤ ' الـجـزء 2 '

❤ الـحـلـقـة الـتـاسـعـة ❤ ' الـجـزء 2 ' 2
[ تـزوجـتُ قـاصـرة 2 ]
>>>>>>>>>>>>>>>>>
تنهد رامي بعمق : انا هعرف ارجعو بطريقتي
ملاك بهمس بجانب براء : انت عارف لو عرفت انك متجوز يبقى تتشاهد علي روحك
براء و هو يضع يده علي خصرها : مقدرش اتجوز غيرك هتكوني انتي الأولى و الاخيرة ❤
ملاك بإبتسامه خجله : بجد ❤
براء : عندك شك
ملاك بخجل : تؤ
براء : يغتييي علي المكسوفه بتكسفي يا قطه
ملاك بخجل : براء انت ليه قليل الأدب
براء : عشان بحبك
ملاك بخفوت : و انا كمان
براء : امم و انتي كمان ايه
ملاك بخجل : انت عارف
براء : طب ما تقوليها
ملاك : اممم مش وقتو انت شايف الوضع انا هطلع فوق بقى
براء : هتوحشيني
ملاك : ما انا قدامك اهو امال لو كنا كل واحد من الأبهات عايش هو وعيالو لوحدو كنت عملت ايه
براء : كنت هموت
ملاك بلهفه : بعد الشر مش تقول كدا
ذهبت ملاك للأعلى فقالت روز ببكاء : ريان
ريان : نعم يا خالتو
روز : انت و عناد صحاب و اكيد انت عندك فكره هو ممكن يكون فين
ريان : خالتو هو منبه عليا مقولش لحد و هو اكيد هيرجع بس حابب يفضل يومين لوحدو
روز : طب عايزة اكلمو
ريان : انا كلمتو و هو كويس و اللهي قالي يومين و هيرجع
روز : بجد
ريان : اه و اللهي بجد
>>>>>>>>>>>>>>>>>>
ريان : الو
مليكه وهي تحاول كتم شهقاتها كي لا يسمعها اخاها : الو
ريان : ينفع الي عملتيه ده
مليكه : ريان ارجوك مش عايزة اتكلم في الموضوع
ريان : يعني ينفع تسيبي البيت وتمشي كدا من غير ما تقولي لحد
وضعت يدها علي فمها محاولة كتم شهقاتها فقال ريان : مليكه انتي بتعيطي
مليكه بصوت باكي : لا
ريان : دايما بتقولي تؤ ولما تكوني بتعيطي بتقولي لا يبقى بتعيطي
مليكه ببكاء : هو اتجوز يا ريان انت عارف اني بحبو
ريان : طيب ممكن تهدي وتجهزي ونتقابل فيه سوء فهم واللهي
مليكه : ريان انا عايزة افضل لوحدي شوية
تنهد بعمق : براحتك يا مليكه بس هترجعي الفيلا امتى
مليكه : مش عارفه
ريان : مش عايزة نتقابل
مليكه : مش دلوقتي
ريان : براحتك
مليكه : مع السلامه
ريان : مع السلامه خلي بالك من نفسك
مليكه : ان شاء الله
ريان : لا اله الا الله
مليكه : محمد رسول الله
>>>>>>>>>>>>>>>
وصلت مريم ومعها رتاج للحضانه بحثت مريم عن زينه لكنها لم تجدها فجعلت رتاج تجلس في الألعاب وخرجت للخارج تنتظرهم ... بعد لحظات وجدت سيارته تقف امام بوابة الحضانه نزل من سيارته ونظر لها ثم ذهب وفتح الباب الخلفي لتخرج زينه جثى علي ركبتيه
زين : خلي بالك من نفسك ياحبيبي وتاكلي اكلك كلو
زينه : ماشي مش تتأخر زي  امبارح
زين : حاضر ياحبيبتي
زينه : حطيت شيبسي في الشنطة
زين : اه ياحبيبتي حطيتلك الطعم الي بتحبيه
زينه : ماشي باي يا بابي
زين : باي ياحبيبتي 
زينه : هاي مس مريم
مريم وهي تنظر لزين : هاي ياحبيبتي
زينه : فين رتاج
مريم : جوا ياحبيبتي ادخلي العبي معاها هتلاقيها في الألعاب زينه : ماشي
بعد ان ذهبت زينه كاد زين ان يذهب لكن استوقفته بقولها
مريم : ممكن لحظة
التفت لها وقال ببرود : نعم
مريم وهي تفرك يدها : اممم انا اسفه بجد مكنش قصدي اني افكرك بزوجتك او افكر زينه بمامتها وانا علي فكرا مش مغرورة زي ما انت فاكر انا بس اتعصبت امبارح عشان كدا اتكلمت بقلة زوق انا اسفه بجد ممكن تسامحني
زين لنفسه بعد ان استشعر صدقها : هي فاكرة ان زينه بنتي زين بصوت عالي  : حصل خير
مريم : لا قول انك مسامحني
زين : يهمك يعني اني اسامحك
مريم :  اه طبعا انا مش بحب حد يكون زعلان او مضايق مني
زين : خلاص قلتلك حصل خير
مريم : تؤ تؤ تؤ قول انك مسامحني مش حصل خير
زين بداخله : دي مُدرسه دي ولا عيله
زين بصوت عالي  : خلاص مسامحك
مدت يدها بإبتسامه : مريم
صافحها وهو يرد لها الإبتسامه : زين
شعرت بقشعريرة تجري في جسدها بمجرد ان تلامست ايديهم فسحبت يدها بسرعه وقالت بخجل والحمره تكسو وجهها : عن اذنك بقى انا لازم ادخل الحصة هتبدأ دلوقتي
زين وهو يبتسم داخليا : اتفضلي
>>>>>>>>>>>>>>>>>>>>>>>>>>>
وصل ريان الشركة وعندما وصل لمكتبه استوقفته نرجس قائله
نرجس : ريان بيه
ريان : خير يا نرجس في حاجة
نرجس : البنوته الي اسمها نادين الي جت هنا امبارح
ريان بلهفه : مالها
نرجس : جت من بدري وبما ان حاليا هي ملهاش مكتب مخصوص خليتها تقعد في مكتبك
ريان بسعادة لم يظهرها : يعني هي دلوقتي قاعدة جوا
نرجس : ايوا يا ريان بيه اتمني متكونش اتضايقت من تصرفي
ريان : اتضايق لا ابدا اعملي حسابك مرتبك هيزيد
نرجس بسعادة : ليه
ريان : من غير سبب
نرجس : تمام انا متشكرة اوي يا ريان بيه
ريان : العفو
تركها ودخل المكتب بهدوء اغلق الباب خلفه ووقف بجانب الباب بهدوء وهو ينظر لها كانت تجلس فوق المكتب وهي تضع علي رجلها ورقة وتمسك قلم بيدها وباليد الأخرى تمسك قطعة شوكلاته وتاكلها كانت تشبه الأطفال جدا كما كانت هيئتها مضحكة للغاية وحول فمها متسخ بالشوكلاته فذهب بخطوات هادئه ووقف خلفها ثم قال بهمس : قاعدة علي مكتبي ليه ياقطه
التفت وهي تشهق حتي كادت ان تقع لكنه امسكها حيث كان يضع يده علي ظهرها والاخرى علي خصرها
نادين : انت هنا من امتى وليه مث قولت انك هنا او حتي مث كحيت  ولا حمحمت
ريان بهمس : اتخضيتي ياقطه
نادين : اه
ريان : طب امسحي الشوكلاته الي علي بوقك طيب
نادين وهي تمسح فمها : انا هثتغل ايه بقى
ريان : انتي معادك الساعة 11 نرجس قالتلي انك هنا من 9
نادين : اه عثان مث أتاخر ف باجي بدري
ريان : امممم طيب هتفضلي قاعدة هنا كدا كتير
نادين : لا هنزل اهو
ريان : ايه ده
نادين : ايه
ريان : الورقة دي فيها ايه
نادين : رثمه
ريان : اممم بترسمي ايه
نادين بحماس : بث دي انا ودي مامي وده بابي
ريان : اممم مش عندك اخوات
نادين : لا انا بث
ريان : امم وبتحبي ماما ولا بابا اكتر
نادين : انا بحبهم هما الإتنين جدا وهما كمان بيحبوني جدا
ريان : اممم طب تعالى انزلي هاتي ايدك
اعطته يدها وقام بإنزالها بخفه
ريان : طيب انتي مش عندك مكتب خاص وبحكم انك هتكوني مساعدتي فهيكون مكتبك هنا في مكتبي
نادين : ماثي
ريان : روحي عند نرجس برا هي هتعرفك ايه الي المفروض تعمليه وايه الي لا
نادين : تمام ماثي
>>>>>>>>>>>>>>>>>
انتهى الدوام فخرجت مريم برفقة رتاج وزينه تمسك بيدها فتاة وباليد الأخرى الفتاة الأخرى وكانو ياكلون ثلاثتهم حلوى وهما يضحكان كان زين يقف في الخارج و عندما راى زينه كان سيذهب لها لكن لفت انتباهه ضحكة تلك الصغيرة الثالثة التي تقف بالمنتصف اجل ربما يكون سنها كبير لكن عقلها صغير
زينه بصراخ وهي تركض بإتجاهه : باااابي
قام بحملها : قلب بابي عاملة ايه
زينه : كويسة وانت
زين : انا كويس ياحبيبتي
زينه : نزلني كدا يا بابي لحظة
زين : حاضر
بعدما انزلها فتحت حقيبتها واخرجت دفتر كبير وارته له
زينه : بص يا بابي في البريك انهاردة مس مريم قعدت معايا انا ورتاج ورسمنا
زين : الله حلوه اوي ياحبيبتي
رتاج وهي تشد بنطاله نزل لمستواها : نعم
رتاج ببرائه : سوري اونكل علي الي عملتو فيك امبارح انا كنت متعصبه عشان انت كنت بتزعق لخالتو حبيبتي
ضحك علي برائتها وقال وهو يقرص خديها بخفه : عادي ياحبيبتي
مريم : يلا يارتوج
رتاج : ماشي ياخالتو باي زينه باي يا اونكل صحيح انت اسمك ايه
زين : انا اسمي زين يا رتااج
رتاج : ايوا اسمي كدا صح شطور
زين : امم استني لحظة
رتاج : ماشي
ذهب زين وفتح سيارته ثم فتح الصندوق الذي يوجد بالأمام ~ التابلوه ~ واخرج منه حلوى ثم عاد لرتاج
زين : اتفضلي ياحلوه
رتاج : مصاصة يمي يميي يمييي😋😋😋
نظرت لمريم وقالت
رتاج : اخدها يا خالتو
مريم بإبتسامه : خديها يا حبيبتي
رتاج : ماشي شكرا يا اونكل زين
زين بإبتسامه : العفو ياحبيبتي
مريم : طيب عن اذنك
زين بإبتسامه : اتفضلي
ذهبت وظل ينظر لها بإعجاب
>>>>>>>>>>>>>>>>>
منصور : يا بني الناس دول انت مش قدهم بلاش تعمل لنفسك مشاكل
إلياس : بابا بسبب الناس دي شباب كتير بيدمرو ومستقبلهم بيضيع وانت عارف اني لا يمكن اسكت عن حاجة غلط
منصور بعصبية  : و لما يموتوك ولا يعملو فيك حاجة هتكون مبسوط ساعتها
إلياس : مش خايف منهم يا بابا انا اشتغلت اعلامي لغرض اني اكشف الكدب والنفاق والناس الي ظاهرين بصورة كويس وهما في  الاساس مش كويسين
منصور : انت حر يا إلياس اعمل الي انت عايزو
>>>>>>>>>>>>
مريم رامي : عندك مواعيد انهاردة
مريم أرسلان : اه
مريم رامي : تمام انا خلصت شغلي هروح بقى
مريم ارسلان : تمام
ملاك : استني يامريومه جايه معاكي
مريم أرسلان : اوكيه
>>>>>>>>>>>>
نادين : ايه ده في ايه
ريان : امم شكل الكهربا قطعت
نادين : طب كويث في ثمث ، هو الكمبيوتر ده
ريان : اسمو لابتوب مش كمبيوتر
نادين : مث مثكله المعني واحد
ريان بإبتسامه : مالو ياستي
نادين : فثل ثحن
ريان : خلاص مش مشكلة لما الكهربا تيجي ابقى اشحنيه المهم حفظتي الشغل الي كنت بتعمليه
نادين : فاضل بث ثوية ثغننين خالث واخلث
ريان : حفظتيهم ولا لا
نادين : تؤ
ريان بصدمه : تؤ احيييه يعني كل الي عملتي معدش موجود
نادين : لا موجود في الكمبيوتر
ريان : ما هو اتقفل يا ذكيه ومش محفوظ
نادين وهي علي وشك البكاء : يعني كل تعبي راح علي الفاضي
حب ان يشاكسها قليلا عندما وجد عينيها تلمع وعلي وشك البكاء : محرومه انهاردة من البريك
نادين : اوووف ماثي بث مث ينفع كدا انا مثتنيه من ثاعتها البريك يجي عثان اطلع اجيب ثاندوتث واكل عثان انا جعانه ودلوقتي انت حرمتني منو انت وحث
ريان : انا وحث ماشي هتفضلي قاعدة هنا في المكتب ومش هتخرجي لحد ما اليوم يخلص
نادين : ماثي معنديث مثكلة
ريان : متأكدة
نادين : اه
ريان : تمام براحتك
>>>>>>>>>>>>>>>>
زين : ها ياحبيبتي عملتي ايه بقى في المدرسة
زينه : الاول مس مريم درستني وبعدين خرجنا نلعب انا ورتاج ومس مريم كمان لعبت معانا ورسمنا كلنا سوا عارف يا بابي مس مريم دي حلوهه اووي وطيبة انا بحبها خاللص
ابتسم لها وهو يداعب شعرها ثم اكمل طريقه
>>>>>>>>>>>>
وقت الإستراحه كانت نادين تضع راسها علي المكتب وتنظر لريان بغيظ
ريان : بتبصيلي كدا ليه
نادين بصوت باكي : ملكش دعوه
ريان لكي يغيظها اكثر : طيب اروح انا اكل بقى
قبل ان يخرج سمع صوت بكائها فإلتفت لها ثم ذهب عندها
ريان بحنو : بتعيطي ليه
نادين ببكاء كالأطفال : انت وحث وهتروح تاكل لوحدك وانا جعانه
ريان : طب خلاص متزعليش هجبلك اكل هنا
نادين وهي تمسح دموعها وانفها بطريقة مضحكة : هات 15 ساندوتش
ريان بذهول : 15 !!
نادين : اه ويلا بثرعة بقى عثان جعانه
ريان : ماشي رايح اهو
ذهب وعاد ومعه الطعام عندما دخل ركضت واخذت منه الصينيه ثم عادت لمكتبها وبدأت في تناول الطعام ذهب لها وقال : علي فكره الأكل ده ليا وليكي
نادين : ليه مث جبت لنفثك اكل دول ليا انا بث
ريان : لا بصي يتقسمو علينا ماشي
نادين : ماثي حتي المثاركة حلوه خد ثاندوتث اهو
ريان : واحد بس !!!
نادين : خد واحد كمان
ريان : يعني انا اتنين وانتي 13 ساندوتش
نادين : اوف خلاث خد كمان واحد وبث مث هتاخد تاني الباقيين دول ليا
ريان بضحك داخلي : ماشي بالهنا والشفا
نادين والطعام يملؤ فمها : الله يهنيك
>>>>>>>>>>>
في المساء انتهى عمل نادين كانت تمشي امام الشركة عائده لمنزلها لكن قاطع طريقها شابان يحاولان مضايقتها
نادين بخوف : امثو من هنا يا وحثيين
الشاب1  بضحك : الحق دي لدغة
الشاب2 : شكلها هتبسطنا اوي تعالى ياحلوه نوديكي للبيت
نادين بخوف : انا هروح لوحدي امثو من هنا
الشاب2 : نمشي ازاي بس ونسيبك كدا لوحدك
مسك يدها ومسك الأخر يدها الأخرى وهما يسحباها معهما وهي تبكي وتحاول الإفلات منهما لكنهما فجاءه توقفا فنظرت لما ينظران له حيث كان ريان يقف امامهما
ريان بغضب : سيبوها
الشاب1 : وانت مالك انت
ريان : قلت سيبوها
الشاب2 : طب امشي من هنا لحسن نإذيك
عندما راى ريان احدهم وهو يلمس جسد نادين بطريقة مقززة فقد أعصابه وهجم عليه يضربه هو والشاب الأخر كانت نادين تقف خلف شجره وهي تنظر لهما بخوف ذهب ريان عندها بعدما افقدهم الوعي
ريان بقلق : انتي كويسة
نادين ببكاء : اه
ريان : متعيطيش خلاص انا معاكي اهو
نادين بشهقات متقطعة : ممكن اتصل علي بابا من تلفونك يجي ياخدني
ريان : ماشي اتفضلي
اخرج هاتفه واتصلت علي والدها
نادين ببكاء : الو يا بابا
محمد بقلق : مالك يا نادين بتعيطي ليه
نادين : تعالى خدني مث عايزة ارجع لوحدي
محمد : طيب ياحبيبتي انتي فين دلوقتي
نادين : قدام الثركة الي بثتغل فيها
محمد : طيب ياحبيبتي انا جاي دلوقتي
نادين : ماثي مثتنياك
اغلقت معه فقال ريان
ريان : ممكن تيجي تقعدي معايا في العربية لحد ما باباكي يجي
نادين : ماثي
ذهبو وجلسو في السيارة وبعد مرور القليل من الوقت كان والد نادين قد وصل امام الشركة وعندما رائته ذهبت له
محمد : نادين التي كويسة
نادين : اه
محمد : كنتي بتعيطي ليه ياحبيبتي وتلفون مين الي كلمتيني منو
نادين : كان في ولاد بيضايقوني
محمد بقلق : حد عملك حاجة
نادين : تؤتؤتؤ ماهو ريان ضربهم
محمد : ريان مين
نادين : ريان ده ثم اشارت للذي يقف خارج السياره
محمد : مين ده ياحبيبتي
نادين : ده المدير يا بابا
نظر محمد له فوجده يبتسم وهو يشير بيده👋
نظر له ثم مسك يد ابنته وذهب ...
_________
, STOP ✋ ,
و نقف لحد هنا بقى و نكمل بكرا 😂😂
يتبع...
ايه رايكم في الحلقة ؟
و ايه توقعاتكم للحلقات الجاية ؟
مين اكتر شخصيه حبيتوها لحد دلوقتي ؟
ايه رايكم في طريقة السرد والأحداث ؟
  متنسوش الفوت ✌ و التعليق 😘