تزوجتُ قاصرة جزء 1 + 2

الحلقة التاسعة عشر 💖

،،، في الحلقات السابقة ،،،
القت نظرة خاطفة علي زجاج المحل كان عقد من الالماس يخطف الانفاس ، لكنها تابعت السير كأنها لم تراه مع انها كانت لحظة واحدة الا ان كِنان  لاحظ التغير الذي حدث لها وعلم ما السبب ، ما بال هذه الفتاة انها تحيرني حقاً توقفت انفاسها علي العقد الذي ارادته ولكنها اكملت سيرها  بدل ان تطلب شراءه ، لم تكترث ابدا او تظهر اعجابها ورغبتها به
...
نهلة بخوف وهي تمسك الوسادة بيدها : م…مين
دخل من النافذة وكان يرتدي  جاكيت ويغطي وجهه
كادت نهلة ان تصرخ ولكنه وبحركة سريعة وضع يده علي فمها
أرسلان : هششش ده انا
نهلة وبعد ان ابتعدت عنه قالت بخفوت : أرسلان خضتني في حد يدخل من الشباك
أرسلان بإبتسامة بلهاء : مش انا دخلت يبقى فيه
نهلة بضحك : جاي عايز ايه
أرسلان : عايز أقولك حاجة
نهلة بخجل : حاجة ايه
أرسلان : بحبك
نظرت له وعيونها تلمع وقالت : بجد
أرسلان : بجد ، وانتي
نهلة بخجل وهي تنظر للأرض : كِنان قالك
أرسلان  : عايز اسمعها منك
نهلة بخفوت : بحبك
قبلها أرسلان قبلة عميقة ثم ابتعد بعد ان سمع صوت في الخارج وذهب من النافذة وذهبت نهلة وجلست علي الفراش ومثلت انها تقراء كتاب
دخل كِنان : نهلة انتي كويسة
نهلة بتوتر : اه في حاجة
كِنان : لا بس بطمن عليكي
نهلة : انا كويسة
...
رامي : ملك لازم تهربي هيقتلوكي انتي والي في بطنك
ملك بخوف وهي تضع يدها علي بطنها : هما مين وعايزين يإذوني ليه
رامي : يسرا عشان تحرق قلب كِنان ، انا كنت جاي انبهو بس حبسوني في مخزن تاني وقدرت اهرب واجي المخزن ده عشان  اساعدك تهربي
ملك ببكاء : ارجوك خليني امشي من هنا
رامي : متخافيش هنهرب من هنا
____
كِنان : نهلة عاملة ايه دلوقتي
أرسلان بخوف : في العناية وحالتها خطر
كِنان : متقلقش هتكون بخير
أدهم : كِنان بيه قدرنا نعرف هما مين
أرسلان : هو قصدو ايه
_________
ملك ببكاء : ارجوك ابني
رامي : متخافيش مش هسمح انهم يإذوكي ، المخزن ده في باب سري محدش يعرف عنو حاجة غيري هنهرب منو
ملك بخوف : ماشي
________
كاد أدهم ان يتحدث لكن قاطعه أرسلان وهو يذهب بإتجاه الطبيب ويقول بخوف : دكتور نهلة عاملة ايه
الطبيب : الإصابة كانت قوية شوية علي دماغها وكمان نزفت كتير وده دخلها غيبوبة والله اعلم هتفوق منها امتى
أرسلان بخفوت : غيبوبة
كِنان : بس هي مفيش خطر عليها دلوقتي
الطبيب : لا اطمنو احنا قدرنا نوقف النزيف وهتفوق من الغيبوبة هتكون كويسة ان شاء الله
كِنان : متقلقش يا أرسلان هي هتكون كويسة
أرسلان : نور نور لوحدها في البيت
كِنان : متخافش يا أرسلان هي في مكان امن دلوقتي
أرسلان : ملك هنوصلها ازاي
كِنان : GPS
أرسلان : ازاي
كِنان : ملك لابسة سلسلة فيها GPS
أرسلان : ابلغ البوليس
كِنان : لا لو عرفو ممكن يإذوها
_____
كان رامي يفتح الباب السري لكن فاجاءه دخلت يسرا ،وقفت ملك خلفه وهي تضع يدها علي بطنها
يسرا بشر : اخيرا وقعتي بين ايدي
عبير  من خلف يسرا : سيبيني انا الي اخلص عليها
ملك بصدمة : انتي
رامي : هي دخلت الفيلا بلإتفاق معاها
___________
أدهم : اسمها الحقيقي عبير معتز الأسيوطي
كِنان بصدمة : معتز الأسيوطي
أدهم : عايزة تنتقم عشان لولا مدام ملك ابوها مكنش هيدخل السجن ، دخلت الفيلا عشان تعرف كل حاجة بتحصل وتوصلها ليسرا عشان كدا غيرت هويتها من عبير معتز الأسيوطي لرنا عبدالفتاح محمد ، اكتشفنا ان البنت الي اسمها رنا كانت بتشتغل عند يسرا ولما قررت تكشفهم قتلوها
كان كِنان مصدوم من الذي يسمعه معني ان والدته قتلت من قبل ف من الممكن ان تقتل ملك
كِنان بخوف : لازم نتحرك بسرعة
___________
ملك : ليه عايزة تإذينا
عبير بحقد : عايزة تعرفي ليه عشان انت السبب في ان ابويا يتسجن عشان كدا هحرق قلبك انتي وكِنان علي ابنكو
ملك : انتي تقصدي ايه
عبير : معتز الأسيوطي الي كنتي السبب في حبسو
رامي : انتو كدا بتلعبو بالنار كِنان لو عرف انكو هتأذوها مش هيرحمكو
يسرا : مش هيعرف يوصل هنا ، اطلعي انتي ياعبير وابعتي الرجالة عشان يربو الزبالة ده وسيبيلي انا بقى مسؤولية البت دي
خرجت عبير سريعا وبعد ذلك دخل رجلين ضخمين ومسكو رامي من يده وذهبت يسرا امام تلك الخائفه وضربتها كف اوقعها ارضا واصبحت تضربها بشده في بطنها وجسدها كان رامي يصرخ ويحاول ان يفلت من بين ايدي اولئك الذين يضربونه وفجاءه قالت يسرا بعد ان تركت ملك فاقدة الوعي
يسرا : اخرجو انتو دلوقتي
الرجال : اوامرك ياكبيرة
بعد ان خرجو اخرجت يسرا سلاح وصوبته بإتجاه رامي وقالت بشر : هبدا بيك انت الاول
رامي وهو يتقدم منها : يسرا اعقلي الي بتعمليه ده غلط
يسرا : ارجع مكانك متتحركش 
رامي وهو ينظر خلفها : كِنان !!
خافت يسرا ونظرت خلفها وبحركة سريعة كان رامي قد اخذ منها السلاح الذي بيدها وقال
رامي : اتشاهدي علي روحك بقى
يسرا بخوف : ر...رامي رامي هات المسدس وانا اوعدك اني مش هعملك حاجة
رامي : انتي اقذر واحدة انا شفتها في حياتي عشان كدا لازم اخلص عليكي لازم اخلص البشرية منك ومن شرك
هجمت يسرا علي رامي وهي تحاول ان تأخذ منه السلاح واثناء محاولتها خرجت رصاصة من ذلك المسدس استقرت في قلبها ..
  ذهب رامي  لملك وجدها فاقدة الوعي نزل لمستواها وظل يضرب وجهها بخفة
رامي بخوف : ملك ملك ملك ردي عليا ملك
وجد دماء تخرج من بين قدمها حملها وخرج من ذلك الباب السري واصبح علي الطريق الرئيسي اوقف سيارة اجرة وذهب للمستشفي
______________
دخل كِنان ومعه أرسلان وأدهم الي ڤيلا يسرا وهاجمهم بعض الرجال ولكن تفادوهم بمهارة وذهبو لجميع الغرف التي توجد في الڤيلا لكنهم لم يجدوها فتح كِنان هاتفه واتبع ال GPS وذهب الي غرفة تحت الأرض حيث وقعت السلسلة من رقبة ملك عندما كانت يسرا تضربها وجد اثنان من الرجال مصابين ووجد جثة يسرا وبجانبها مسدس ذهب ومسكه وقال : مستحيل تكون ملك هي الي عملت كدا
أرسلان : كِنان بص
نظر كِنان لما يشير له أرسلان وجده باب مخفي ويوجد امامة آثار دماء فذهب واتبع الدماء والخوف كان يملئ قلبة وعندما خرج للطريق الرئيسي قال أدهم
أدهم : فريق الهكر في الشركة قدرو يخترقو كاميرات المراقبة والي شفناه
كِنان بخوف : شفتو ايه
أدهم : رامي
كِنان بخوف : مالو
أدهم : شفناه وهو خارج وشايل مدام ملك والواضح كمان انو اتعرض للضرب وركبو تاكسي ودي نِمَر العربية الي ركبوها
كِنان : اكشفو علي الرقم بسرعة واعرفو عنوان السواق واعرفو وداهم فين
أدهم : تمام
_____
السائق : ايوا هما ركبو معايا
كِنان : وديتهم فين
السائق : مستشفي *****
كِنان : يلا بينا
______
عندما وصلو المستشفي سألو الإستقبال عنها وقالو بأنها في الطابق الثاني غرفة العمليات صدم كِنان والخوف يتأكله عليها وعندما ذهب وجد رامي يجلس امام الغرفة والدماء تملئ ملابسة وعندما رأه وقف وذهب امامه وقال ببكاء : انا اسف سامحني كانت بتضربها قدام عيني ومقدرتش اعملها حاجة مقدرتش انقذ ابنك
مسكه كِنان من ملابسة ولكن ابعده أرسلان وقال : كِنان اهدي مش كدا
فجاءه فقد رامي وعيه ثم جاء اطباء ونقلوه علي غرفة اخري ، كان كِنان ينتظر امام غرفة العمليات والوقت يمضي ببطئ شديد حتي خرج الطبيب ذهب له مسرعا وقال بلهفة : دكتور ملك ملك عاملة ايه
الطبيب : انا اسف بس مقدرناش ننقذ الجنين
كِنان بحزن ودموع : وملك
الطبيب : الحمدلله لحقناها لولا الشاب الي كان معها والي جابها هنا كان زمنا خسرناها هي كمان
كِنان : تقصد ايه
الطبيب : اقصد ان هو عملها اسعفات ووقف النزيف تقريبا وده مخلهاش تخسر دم اكتر من الي خسرتو ولو مكنش جابها هنا في الوقت المناسب كان زمانها توفت
كان كِنان في حالة صدمة ولم يستطيع الكلام فقال  أرسلان
أرسلان : طب وهي هتفوق امتى
الطبيب : ربنا وحدو الي يعلم
أرسلان : طب امتى نقدر نشوفها
الطبيب : الزيارة ممنوعة لحد ما تفوق بإذن الله
كِنان بشئ من اللاواعي : انا لازم ادخلها لازم اكون جمبها
الطبيب : انا اسف بس ممنوع
مسكه كِنان من ملابسة وقال بغضب : انا هدخلها ومحدش يقدر يمنعني
أرسلان وهو يبعد كِنان : كِنان مش كدا الدكتور هو الي عارف مصلحتها دلوقتي لما تفوق ابقى ادخلها
كِنان : رامي انا لازم اروحلو لازم اعرف مين الي عمل فيها كدا
أرسلان : بصراحة هو
كِنان : مالو
أرسلان : دخل هو كمان في غيبوبة
كاد كِنان ان يتحدث لكن قاطعة  شرطي وهو يقول : كِنان بيه انت رهن الإعتقال
أرسلان : في حاجة
معاذ *الشرطي*  : كِنان بيه متهم في جريمة قتل
كِنان في حالة صدمة من حديث الطبيب وفقده لطفل فكان لا يسمع ما يقوله الطبيب فقال أرسلان
أرسلان بصدمة : ايه !! اكيد حضرتك غلطان
معاذ : كِنان بيه متهم بقتل المدعوه بيسرا الشافعي
أرسلان : مش هو الي قتلها هي الي خطفت مراتو وكانت السبب في قتل ابنو و
قاطعه معاذ : واظن ده سبب كافي عشان يقتلها
أرسلان : حضرتك مش هو الي قتلها رامي هو الي عارف كل حاجة وهو الي عارف مين الي قتلها
معاذ : وهو فين رامي
أرسلان : دخل غيبوبه
معاذ :  اسف انا مضطر اخدو
أرسلان : حضرتك بقولك مش هو الي قتلها
معاذ : احنا لقينا المسدس ده جنب الجثة وعليه بصامتو
أرسلان : ده لأنو مسكو اول ما لقى الجثة فأكييد بصامتو هتكون موجودة عليه
معاذ : احنا مضطرين ناخدو لحد ما الشاهد يفوق
كِنان بهدوء شديد: حضرة الضابط انا مش رايح ولا منقول من هنا الا لما اطمن علي مراتي
معاذ : كِنان بيه لو سمحت تعالى معانا بال.
كِنان بعصبية : قلت مش رايح في مكان الا لما اطمن عليها
معاذ : انا مقدر حالتك وممكن اسيبك مع مراتك بس العسكري ده هيفضل معاك لحد ما تطمن علي مراتك وبعد كدا هتيجي القسم عشان التحقيق
كِنان :
معاذ : انت يابني خليك معاه واوعى يغيب عن عينك
العسكري : تمام يافندم
__________
في اليوم التالي
أرسلان : كِنان انت لازم ترجع البيت ترتاح شوية انت من امبارح منمتش ولا حتي كلت حاجة
كِنان :
أرسلان : كِنان مينفعش تعمل في نفسك كدا لازم متتضعفش لو ضعفت مين الي هيقوي ملك مينفعش تشوفك وانت في الحالة دي
كِنان ببكاء : كان نفسها يجي ، كانت متحمسة جدا عشان تشوفوا ، هتعمل ايه لما تعرف انو مات 😢
أرسلان : قضاء اخف من قضاء ياكِنان احمد ربنا انها جت علي قد كدا وان ملك كويسة والطفل تقدرو تجيبو غيرو
كِنان : ونعم بالله
أرسلان : طيب انا هروح اطمن علي نهلة
كِنان : ربنا يقومها بالسلامة
أرسلان : يارب 
...
استيقظت ملك من النوم ونظرت لسقف الغرفة وهي تتذكر الذي حدث ثم وضعت يدها علي بطنها وقالت بدموع : ريان 😢
اخرجت صرخة الم قوية وبمجرد ان سمعها كِنان دخل لها مسرعا وجدها تحاول ازالة المحلول ذهب لها بسرعة وقال وهو يتظاهر القوة : ملك
ملك ببكاء هستيري : كِنان ابني قتلت ابني كِنان ريان  ريان مبقاش موجود
كِنان : اهدي انتي لسه تعبانة
كانت ملك تصرخ وتبكي بهستيريه شديدة وهو يحاول تهدئتها ابتعدت عنه فجاءه وقالت : نهلة هما..ه..هما ضربوها هي فين
كِنان : اهدي عشان خاطري اهدي انتي تعبانة
ملك : نهلة
كِنان : متخافيش هي كويسة
ملك : عايزة اشوفها
كِنان : هي هي في غيبوبة
صُدمت من الذي قاله ولكنها عادت للبكاء مرة اخرى كان كِنان يحاول تهدئتها ولكنه فشل كانت تبكي بشدة حتي غفت في حضنه من كثرة البكاء
______
خرج من المستشفي بعد ان طلب من الطبيب ان يعطيها مخدر وذهب للفيلا بعد ذلك ذهب لذلك المكان الذي التقو به اول مرة وعندما راه مرزوق ذهب عنده وقال
مرزوق : كِنان يا ابني انت كويس
كِنان : معلش ياعم مرزوق هتعبك معايا خلي نور عندك اليومين دول ، ودول هدومها
مرزوق : مفيش تعب ياابني بس هو في حاجة ملك كويسة ومين نور دي
كِنان : هبقى اقولك بعدين انا دلوقتي لازم ارجع المستشفي عند ملك
مرزوق : مستشفي خير ياابني
كِنان : خير ان شاء الله عن اذنك دلوقتي انا لازم امشي
مرزوق : اذنك معاك ياابني
________
كان أرسلان يجلس امام نهلة وهو يقول ببكاء : كدا كدا تسيبيني مش انتي عارفة  ان فرحنا الأسبوع الجاي اصحي بقى ابوس ايديك متعمليش فيا كدا
حركت نهلة عيناها فنظر لها ثم ذهب مسرعا ينادي الطبيب * دي مش دراما هندي يعني عشان عارفة في واحدة هتستظرف في الكومنت 😂 هي عادي يعني هتفوق *
استيقظت نهلة ونظرت له وقالت : م...ما...
أرسلان : عايزة ايه
نهلة : مايه
أرسلان : حاضر
بعد ان شربت مسك الطبيب بيده قلم وقال لها : حاولي تاخدي القلم مني
حاولت نهلة ان تاخذه لكنها لم تستطيع حاولت بكل قواها لكن لا جدوى
فقال الطبيب : أرسلان بيه من فضلك تعالي معايا
ذهب أرسلان الي الخارج مع الطبيب وقال : هي مالها يادكتور
الطبيب : للأسف الضربة الي علي دماغها اثرت علي اعصابها
أرسلان بقلق : قصدك ايه
الطبيب : ممكن تاخد القلم ده
اخذ أرسلان القلم وقال : ليه
الطبيب : لما طلبت منك تاخد القلم اخدتو علطول بس بسبب الضربة الي خدتها ف اعصابها مش بتستجيب دلوقتي يعني شلل
أرسلان بحزن : شلل
الطبيب : مؤقت الشلل ده مؤقت مش هتقدر تحرك ايدها ورجلها وكمان هتتكلم بصعوبة بس مع العلاج ان شاء الله تتحسن
أرسلان : هتاخد قد ايه عما تتحسن
الطبيب : ممكن شهر شهرين سنه علي حسب استجابتها للعلاج
أرسلان : ماشي شكرا يادكتور
الطبيب : العفو
بعد ان ذهب الطبيب دخل لها نظرت له بحزن ثم نظرت للجهه الأخرى وهي تبكي ...
_______
يتبع...
ايه رايكم في الحلقة
وايه توقعاتكم للحلقات الجاية ، وسوري علي النكد الي في الحلقة بس كان لازم يكون في مشكلة مهو مش هيعيشو حياتهم كلها سعادة لازم يكون في فترة نكد 😔
متنسوش الفوت ✌ والتعليق 😘