ليتها لم تكن لكنها كانت

البارت الثامن

ليتها لم تكن لكنها كانت
البارت الثامن (8)
Zahraa qasimبقلم

مساء الخير

اتمنالكم قراءة ممتعة. ولاتنسو دعم قصتكم ♠

في مكان اخر.

اسد -" نايم وماحاس بشي. بس جان صوت قوي بالبيت. عبالي صار انفجار كمت بسرعه.  طلعت من الغرفه.
لكيت ميخو يشتغل والبيت عباره عن خربطه بخربطه. فركت عيوني
وسديت الديجل. الي صوته امسمع العماره كلها. هسه اكيد الناس راح يشتكون علينه من وراء هل صوت اغاني كلها عرك.
وهذه امفلش البيت. البيت. القنفات مشيوله ويمسح باندماج

ميخو. اشبيك احنا مومتعودين. كل اسبوع اندز علئ عامل ينظف الشقة ليش تشتغل.

ميخائيل -" الكهوه مالتك راح تبرد روح اشربها

اسد -" لزمت الماسحه وسحبتها. وكعدته بالقوه. كعدت كدامه امنعه يكوم
احجيلي اشبيك
ميخائيل-" اليوم.بحر رادت تتفق ويا الدكتور علئ نقل القلب  التبادل بينها وبين جوليانا
اسد -"لايالله وشصار شنو هل غباء

ميخائيل -"لحكت عليها. واتصلت بالدكتور كتله يلغي هل اتفاق. وكتلها اسد راح يتولئ هل قضيه
يمكن تجي وتحجي وياك. باي وقت فهمها تره هاي مجنونه

اسد -"اوووف اوووف. مادري المن ت

ميخائئيل -" انته اشصار وياك شو كاضيها بس نوم

اسد -"راح اشتري القلب واسوي عمليه. يمهم طلبت منهم يحضرولي غرفة عمليات نضيفه ومجهزه بكل الادوات.
بس كالي احنا نتصل بيك من تجهز.

ميخائيل -"هاي المرا ماكدرت ارافقك بس المرا الجايه رجلي علئ رجلك وغير هل حجي ماعندي

اسد -"لازم اديه بقوه ويحجي وعيونه حمر.  اصلا اريدك وياي ماكدر اجري العمليه مندونك

ميخائيل -" هذه الحجي الزين. يله كوم ساعدني حتئ انخلص من وكت

اسد -" يله. بديت امسح ويا وانضف.
ميخو. شنو جان رد فعلها من كلتلها

ميخائيل -"  ماباوعت لوجها. اريدها اتحس خلص اسد. راح اتركها علئ راحتها. 
اسد -" انشاءلله.

ميخائيل -"خابرت ابوك. اشصار بقضية عمامك

اسد -"اني حجيت ويا ابوي قبل اسبوع. وهو بعد ابكيفه ماكدر الح ويا.

ميخائيل -" انشاءلله خير. 
بس اكمل شغل اهنا. الحكك للعراق

اسد -" ايي راح تلحكني ومباشرة.

ميخائيل -"لاماكدر اشلون. اتركها

اسد -"ميخو. اترك الي بيدك وتعال وياي للغرفه.  اجه وراي. طلعت سترتي وطلعت منها. كامره اصغيره.
وجهازي.  فتحت التسجيل الصوتي.  بقينه نسمع.
""هل فتره استاذ مارك امسافر. (  مدينة    )  انطاني وكالة التصرف
-"بس هذه البروفسيور. امتعبني خلي ننفيه ونجيب افضل من عنده
-"صح هو جبير بالعمر بس مهم الشغلتنه. لاتنسه. هو فقد بنته هههه
-"عن يابنيه تقصد بس لا هاي. الي اخذنه اعضائها بحجة تساعدها وابوها صدك انو هي ماتت بسبب اهمال المستشفئ وصار ويانه
-"ههههه. ايي هي. بس.هو غبي. سيد مارك خدعه بسهوله
-"هذه الي وراء. مارتاحيتله
-"مايكدر. يلعب علينه. عندي معلومات كامله عنا واذا سوه شي غلط نتصرف ويا مثل ماتصرفنه ويا الي قبله
-"هههههه يله انزل.

ميخائيل -" شنو هذه اسد

اسد -"خويه هذوله اغبياء سحبو جهازي وبقه يمهم.  واني جنت متوقع يجردوني من كل شي بجيبي لذالك فتحت تسجل صوت
بس تعال رحت فتحت الحاسبه وفعلته علئ الكامره وطلع تسجل الفيديو الطريق.
ميخائيل -"هذه شنو.

اسد -"اشتريت مجموعة كامرات صغيره ماتنشاف بسهوله الا بتركيز اخذت اثننين اضطريت ازرع وحده بالسياره لان. جانت مقفله كدامي كله سواد بس اكو فتحا صغيره مثل الشباك من فتحوها حتئ ياخذون موبايلي زرعتها
هسه الطريق واندلينا.

ميخائيل -"منو هذه الي جانو يحجون عليه.

اسد -"هده دكتور مدري بروفسيور. مهوس. بس مسكين انخدع بيهم راح يشرف علئ العمليه. ويانا. اتمنه اساعده
ميخائيل سحب موبايلي وعاد التسجيل

ميخائيل -" اسد سمعت مارك. منو مارك. اسمه موغريب

اسد -"ركزت ويا التسجيل. يكولون امسافر. يعني ماجان بين هذوله الي شفتهم.  بس لا

ميخائيل -"ماكو غيره.

اسد -" صفنت ويه صفنتي.اذن الاوذان.
ميخائيل كوم خلي نصلي ونتغده وبعدين انفكر دخت.
كمت اتجددت.وصليت دعيت الله يلكالي. حل القضيه معقده. اذا طلع هذه نفسه مارك الي انهئ حياة جوليانا ماراح ارحمه.
بقيت ساجد اجاني احساس حلو نسمة هوئ بارده لمستني تقشعر بدني
سمعت الموبايل يرن استغفرت ولميت السجاده. شفت. الاسم تيم
ابتسمت انشاءلله خبر سعيد
رديت اللو يالذئب. اكيد انته كدها. اشسويت

الووو تيم. ماجان اكو رد هوسه سمعت صوت ابوي وهو يحجي

افين -"لزمت الموبايل.  وابتعدت بعيد عنهم
الووو
اسد -"تجمدت بمكاني ماعرف شسوي من كالت الوو توقف كلشي كدامي

افين -" اسد

اسد -"اف. افين هاي انتي

افين -"اسد. ليلئ انخطبت لتيم.  تيم كالي اخبرك

اسد -"مبارك عليهم. 

افين -" ماعرف شحجي بس صوت انفاسه المتسارعه واضحه اسمعها

اسد -"اشلونج افين

افين -" تاخرت

اسد-"موبيدي. لازم ابقه بس ماضل شي. وارجع افين

افين -"اسد ارجع محتاجتك. غيابك طول

اسد -"افين مشتاقلج بكد رحمة الله.

افين-" نزلت دموعي شهكت. اكو انسان محتاجك اكثر من عندي.

اسد -"افين ادعيلي اطلع من شدتي.

افين -"لاتخوفني اشصاير
اسد -"اشش لاتخافين ماكو شي خطير. بس داخل بقضيه واريد احلها وارجعلج
افين -"ايي انشاءلله

اسد -" افين اخذي رقمي واتصلي حتلو بالاسبوع مرا. عرفت انو صار عندج موبايل ليش هل جفا افين. عاقبتيني اضعاف خطئي
.
افين اني تعبت بغيابج يشهد عليه الحق.تعبت انسلب من عندي النوم. والراحه

افين -" صدكني يااسد الي صار موبصالحنه. كلما ازور قبر اخوك جنت اتمنه مامات ولا صرت فصلية الدكتور اسد. 
اسد انضلمت وتعبت وعانيت وبجيت وسهرت. مواقل من عندك الي صار جان ضدنه
اسد -" كعدت وكلشي صار كدامي السنوات الي ضاعن واخويه احمد
واني عاقبت نفسي لحد الموت بس جانت الكاع رافضتني. ماتريد تغطيني جواها
افين -"اششش اشلون تفكر بالموت واكو ناس منتضرتك. 

اسد -" روحي افين روحي

افين -" خليها. ابالك اكو انسان ينتضرك.

اسد -" سديت الموبايل. ياريت عندي جناحات واطيرلها. كلتلها روحي لان ماتحملت اضعف وتشعر بضعفي. كافي الي صار.
غمضت عيوني ااهاا ياحمامتي.

اافين -"سمعت صوت الشيخ وهو يصيحلي مسحت دموعي ورحت يمهم

تيم -"شيخنه اريد احجي ويا بنتك المحروسه دقايق. واروح

الشيخ -"ايي اوليدي علئ راحتك . راح تبقا يمكم ام ادهم

افين -"انطيته الموبايل ورحت اصيح ليلئ
رحت اركض دخلت عليهن. ولج ليلئ اتسودتي واتصخمتي. الطمي احبيبه

عذراء -"ياااا. ليش يايويه قبلت بهذه المصلبخ يتزوج بنتك الدكتوره

افين -"عذراء كاعده بالكاع وتحجي والله ردت اضحك بس مادري اشلون سيطرت وكتلها
كومي ياختي يلي ماعندج حض تيم يريد يحجي وياج جوه كاعد بالحديقه
شفتها كامت مندون كلام ودموعها تجري نزلت بسرعه. وراحت للحديقه

بقيت واكفه بالمطبخ سمعت صياح ليلئ الي انفجرت مثل القنبله

ليلئ-"فرحت مووو فرحت خلصت مني صفكت بديه. خلص خلصت من كابوس ليلئ الي امقيدتك. مووو.
اليوم انفتح الطريق للمنئ والك تكدر تعيش حياتك.وكعدت بالكاع ليش ماسويت شي ليش والله تمنيتك ورتك.
لا لا اموت ولا اقبل بهذه موبكيفهم اني ماريده. مااااريده. تعبت الله يلعنه.  فرقني عن الي احبه.
رفعت واسي جان صافن عليه. ايي لاتهتم. روح اطلع بره بعد ماريد اشوفك روح للمنئ هي تحبك روح.
بقيت كاعده مصدومه ماتحمت فكرت اصير لغيره ويدخل حياتي غيره.
فقدت الحواس بس فكرت انو هاي الحقيره منئ تتقرب من تيم ويتزوجون. فقدت صوابي. 
حضني واني ادفع بيه اريد اوصف شعوري بس ماكدرت اشكد مااحجيلك قليل. بكل قوتي ادفع بيه بس حضنه اقوئ. همس باذني

تيم -"صرتي الي يالنجمه البعيده. قربتج وصرتي بديه ياحلالي
ياتعب اسنين صرتي الي والله. ومحد يكدر يفركنه.

ليلئ -"سمعت هل كلمات وجسمي كله همد مثل النار المشتعله وبكلامه همدها.
ت تيم شنو اشصار

تيم -"صرتي الي.ليلئ كلشي تم وابن عج بالسانه كال ماريدها وهي موقسمتي وانتهئ كلشي وانخطبتي اي وتحدد موعد عقد القران. وموع العرس انت تحدديه بس هاا من هسه الموع قريب خليه لا ماعندي صبر بعد
ليلئ -" ابتسمت وطفرت.من حضنه. وااخيرررا. ولج افين اليوم اموتج.
تيم تيم خلصنه والله خلصنه. 
حضنته. وهو بادرني الحضن. همست باذنه. جنت حلم الي حطيته بين السموات السبع وطلبت من الله يرجعلي حلمي. طير براق مو طير مجروح

افين -" سمعت بس اصياح ليلئ. مادري اشحجه تيم  وهدئها.
سويت كهوه. وشربت الله يجمعني بابو ادهم ويطفي نار اشتياكي

في مكان اخر

اسد -" جنت اتامل ملامح افين اشلون صارت هسه.ياطيرتي طلبتج من الامام الكاضم وانشاءلله مايردني ويجمعني بيج
قاطع تاملي هذه السخيف

ميخائيل -"كوم يالعاشق جنت انتضر تخلص احلام وتجي تتغده

اسد -"ولك جنت تتصنت عليه ضربته بالمخده وكمتله وهو شرد

ميخائيل -"لاوالله ماتنت بس اكوف خلي افهمك والله ماتنصتت ردت اصيحلك علئ الاكل وسمعت تكول افين عرفت انته تحجي وياها رجعت اكمل الكل والله

اسد -"عبالي كعدت اكل. وهو كعد اكبالي.

ميخائيل -" اشصاير هم سمعت خبر من تيم

اسد -" ايي مادري هل مخبل اشلون اقنعهم هسه يتصل ونعرف

ميخائيل -"اسد الطريق الموجود بالكامره. اندليته وحفضته. هذي منطقه خاليه من الناس ملك خاص لواحد كبير بالدوله.  مانكدر نعبث بارضه

اسد -" منو هذه ماعرفت

ميخائيل -"سئلت بس مانطوه نشد. محد يعرف مدري يخافون

اسد -"الحراسه متشدده داير مداير البيت حراس وكامرات

ميخائيل -" اسد لاتدخل بالعمق ناخذ الي نريده ونتركهم

اسد -"مستحيل اتركهم اذا طلع رئيس هل عصابه نفسه مارك الي نعرفه

ميخائيل -" اسد لاتتسرع وراك عائله تنتضرك

اسد -"روح شوف منو الي يدك علئ الحاسبه اذا ماحضره الغيها ماكدر اقدم محاضه بهذه الوقت
ميخائيل -"مو خطيه الطلبه ينتظرون محاضره اليوم

اسد -"طلع عذر

ميخائيل -" ههههه ولك هذه العريس

اسد -"تيم جيبها اهنا خلي نشوفه جاب الحاسبه حطه علئ الميز تركنه الاكل وفتحنا كامره. هاا. عريسنه. ميخو شوف اخدوه احمرت خجلان

تيم -"ولكم توبو تره الغي الاتصال. واندم لان كتلكم

اسد -" اسمع اسمع ولك اني اخو العروس تره مااوفق علئ زواجكم

تيم -"لادخيلك لاتطلعلي انته هم اليوم الا خلصت. من ابن عمك

ميخائيل -"تعال احجينه اشلون خلصت. وخليتهم يوافقون

تيم -"حجيت ويا ابن عمك رحت لشركة الشيخ والتقيت بيه هويشتغل اهناك

ميخائيل -"ايي كمل اشحجيت ويااا موزين ماطردك

تيم -"  جايك بالحجي
السلام عليكم
حسين -"هذا انته اشجابك لهنا. 

تيم -"كام من كرسيه يريد يدفعني. حطيت اديه كدامه. اوكف اني دا احجي وياك.  وبعد الكلام انته وضميرك راح نحجي حجي ارجال. فاهم عليه

حسين -"ماعندي حجي وياك. بعد كم ساعه نكعد بالمضيف ويصير حجي الرجال الصح
تيم -" كعدت علئ الكرسي وهذه اتفاجاء.  نكدر نكعد ونتفاهم

حسين -"وين تريد توصل انته بالضبط

تيم -"لمكان مانته تريد توصل. خويه ماجاي حتئ اتحداك ولا لحتئ اغيضك اقسم بالله ردت بنت عمك علئ سنة الله ورسوله ودكيت بابها اكثر من خمس مرات. حسين انته رجال وواعي ومثقف اني دا احجي ويه ضميرك وانته. بكيفك. بنت عمك نفسي بيها. وصدكني اذا اخذتها ماراح تتهنه لان هي رافضتك. لاتفرق محبين بعدين الله يفرقك عن غفرانه وكرمه واستجابته
خلي عيونك علئ الله واترك هل سالفه.

حسين -" انته دا تحجي علئ بنت عمي كدامي ونفسي بيها وماراح تتوفق شنو هللل كلام كوم اطلع بره

تيم -"اني دا اطلبها منك. انته ابن عمها حسين فكر. اني ماتحداك. بس راح اكون ممتن اذا جمعتنه. بضميرك. انته رايدها الها لو اعناد بيه.

حسين -"انته. طول السنوات الي مضت جنت تتحداني وتجيب عشيرتك علئ عمي الشيخ رغم انته تعرف اني خطبتها ومنتضر رد منها.

تيم -"ماتحديت احد واني دا احجي وياك عبالي رجل واعي.
انته ماتفهم. هي رافضتك رافضتك افهمها ماراح توافق هي مستعده تبقه بدون زواج ولا تقبل بيه. هي تحبني واحبخا ورايدها بالحلال ياخي ليش. واكف بطريقنه. روح روح. صدكني راح نبقه ندعي عليك لاخر يوم
سوي فضل علينه ماننساه الك وانسحب

اسد -"واشصار بعدها

تيم -"ماصار شي تركته وطلعت. عرف هو ماراح يتراجع. اخذت ابوي ورحت كلت هاي اخر مرا. من دخلنه لكيناهم يتعشون وابتسامتهم واضحه بس عمك ابو حسين جان ضايج. محد حجه ويانه بس علئ كد السلام من راحو عمامك
الشيخ حجانه وكال حسين انسحب اني انصدمت بصراحه ماتوقعت كلامي
ياثر بيه
ميخائيل -"بخت تلكها توزع جكليت. وامها هم توزع كواني جكليت كالت بنتي عنست
اسد -" ضربته بالبازه البلاستيك جانت ثكيله طاحت بصدره.
طايح حضك ولك انته اشلون تحجي هيج. زين بحر ماتورطت بيك. والله عفيه عليها بس التقي بيها اشكرها
وانته الي تضحك اكعد راحه تره اختي دكتوره الف من يتمنه اضفر منها

تيم -"واشحدا يتمنه. اكسر راسه قبل لايتمنه

ميخائيل -"منو

تيم -"انته روح لشعبة الكسور.  اشمدريني منو هو يكول الف من يتمنه

ميخائيل -" غير صداقه طايح حضها. وبكم اااااخ بطني يمكن صار عندي نزيف هههههههه والله نسيت اخوها كاعد يمنه وحجيت.
من وراك تيم
اسد -" ههههههه
تركتهم ورحت لغرفتي اتصل بابوي واطمئن عليهم
وابارك لليلئ الفصعونه كبرت وراح تتزوج. يستاهلون اثنينهم تعبو اسنين الا تمت الموافقه

افين -"كملت كهوتي سمعت سيارت تيم تحركت واجت ليلئ تركض عبالي تضربني رجعت ليوراء واخذت وضعية الاستعداد. بس شو هاي اجت وحضنتني. وتضحك.
شفتي تيم كداها وسواها وخلاهم ينسحبون
ليلئ -"واخيرا افين راح ننجمع ادعيلي افين ادعيلي راح اصعد اكول لهاي الي تلطم عذراء واكول للبنات

افين -"ليلئ ليندا اليوم ماجت

ليلئ -"ميراث دكت اهواي عليها بس ماردت

افين -"ماشي حبيبتي اصعدي لغرفتج. اشويه واصعد اخذ ادو بس اكمل شرب كهوتي
صعدت ليلئ
القلق اكلني. اتصل بيها ماتردلازم باجر اروحلها
طلعت للحديقه وكل الذكريات هاجت ماحسيتها واسعتني رغم كبرها بقيت افتر بانحائها تذكرت كل لحضه بيهامااهتميت بيها مثل قبل. كلشي تغير
الفلاح الي يجئ بين فتره وفتره يعدهلها غير ديكور الاشجار. بس لساهن بموقعهن ضاقت عليه كعدت بالكاع تنفست بقوه.هاي ليندا. ماترد
اتصلت بالمدير. هم مايرد. اشصاير ياالله وهاي ام ليندا ماعدها موبايل.
اشويه وسمعت الموبايل رن بسرعه شلته بس جان كنان.رديت عليه
الوو
كنان -" افين. اشلونج خويه

افين -"اهلا بيك اني الحمدلله بخير انته شلونك جهالك اشلونهم

كنان -"احنا ابخير.  بس ردت اسئلج مارحتي لاهلج

افين -"لاوالله. مارحت منتضره ابوادهم. يروح وياي

كنان -"خير انشاءلله هو يمته يرجع

افي -"حسب كلامه بعد شهر. اذا مواقل

كنان -"دكيت حتئ اذكرج اذا حتاجيتي شي اخوج بالخدمه

افين-"ايي والله انته ماتقصر. انتهت المكالمه ادهم اخذ كثير من حياتي اهتميت بيه حتئ ماينقصه شي بس. ابتعدت عن الي يحبوني
اتذكرت ادهم سديت البوب وصعدت اخذت ادهم. ليلئ جانت ترئسل والابتسامه. باينه علئ وجها وعذراء نايمه هي واولادها
نزلت لغرفتنه حطيت ادهم علئ الجربايه جان نايم كبران حبيب امه
تمدت يمه وامسد علئ راسه دعيت الله يحفضه
غفيت وماحسيت الا علئ ضحك فتحت عيوني شفتهم الجهال يطفرون فوك راسي. رحت غسلت وسويت الريوك جانو كلهم كاعدين بالهول
كعدنه نتريكه لبست ادهم ملابسه وراح ويا. عمته للروضه
واني. ترخصت وطلعت رحت للدئره. جانت ميراث متوتره
شكو وين ليندا. اشصاير ميراث

ميراث -" اليوم ماخذه اجازه.ليندا

افين -"خير انشاءلله.  بده. شغلنه ومن بعيد اشوف توتر ميراث. من صار. وقت الاستراحه. طلعنه اني وياها للكافتريه. واني اتصل بهاي ليندا مغلق
لازم بعد الشغل نروح انشوفها

ميراث -" ايي

افين -"اليوم شفت جواد يحجي وياج

ميراث -"افين راح احجيلج اني لازم. اطلع من هاي المشكله.اليوم ظابط جواد
راواني فيديو
الفيديو جان. ل محمد وهو يشرب. بالكافيه او الملهه. افين من شفته. ماعرف وين اضم نفسي من الخجل.
كالي
جواد -" راح اساعدج. لان اعرف ابوج اشكد صارم.

ميراث -"بس انته اشلون جبت هل فيديو واشلون شفته

جواد -" ضابط ميراث هذه شغلي لو نسيتي.

ميراث -" ماعرف شحجي اني كلش خجلانه.

جواد -" لاتخجلين. هذه موذنبج.  بس تذكري. اوداعت بنتي رهف. قصدي مو لحتئ اخرب هل زواج بس لان انتي طلبتي مساعدتي واديت

ميراث -" ماعرف اشلون اشكرك ماتعرف. هذه السكير اشكد امقيدني
واهلي مايصدكون كلامي.

جواد -" الفيديو ودزيته الج والباقي عليج. لازم تثبتين الفيديو بطريقتج

ميراث -" ضربت التحيه بقوه.  وهو ضحك

افين -"ايي واشبيج سارحه بابتسامته

ميراث -"ولج اسكتي جنت افكر اشلون اثبت الفيديو 

افين -" خليها عليه

ميراث -"اشراح تسوين

افين -" اتصلي بيه واتفقي تلتقين بيه

ميراث -" افين كوليلي شراح تسوين

افين -"لاتفكرين عليج الصافي يله كومي خلي نكمل شغلنه ونروح نشوف ليندا
بعد يوم طويل وشاق. كملنا شغلنه وانطلقنا لبيت ليندا
وصلنه للفرع جان بيه سيارات اكثيره اكبال. بيت ليندا استغربت نزلت من السياره. ورحت امشي بسرعه وميراث وراي دخلت للبيت الباب مفتوح. جان اكو نسوان اهواي وزلم عرفتهم عمامها دخلت للهول جانت باب غرفتها مغلوقه النسوان بقا يسئلا دكيت الباب سمعت صوتها
ليندا -"ماافتحها ماافتحهاا روحو قبل لا ارتكب جريمة بيكم. انتم حيوانات مو بشر حتئ الحيوانات بكلبها رحمه
ولكم ابنكم الغلطان وفوك هذه اتلوموني.  لانعل اصلكم
ميراث -"افين هذيج ام ليندا.
افين -"التفتت شفتها تبجي اهنا توترت كلش اشصاير
ليندا ليندا هاي اني افين افتحي الباب حبيبتي
ميراث -"افتحيها. ليندا الله يخليج افتحيها
افين -" انفتحت الباب. وبسرعه دخلنه وهي طبكت الباب
حضنتنه بايد وحده وتبجي عيونها حمر وترجف موليندا الي اعرفها كلش خفت عليها بقيت حاضنتها اريد اطمئنها وهاي ميراث بجت علئ بجي ليندا.
اشصاير كاافي شنو هل ضعف اني مامصدكه ليندا ضعيفه هيج

ليندا -"مارحموني افين مارحموني. اتهموني يختي حتئ ماخلاوني احجي ويردون يزوجوني.
اذا حاولو يغصبوني والله اكتلهم والله
افين -"اشش كافي واكعدي احجيلي اشصار ميرو. اطلع وجيبي مي
طلعت ميراث سديت الباب كعدت ليندا. وهي ترجف وتبجي
اريد افتهم اشصاير
اندكت الباب فتحتها بسرعه اخذت الماي وكتلها تسد الباب
شربت المي. وهي تتنفس بسرعه
ليندا -"افين. جاد. قصدي الظابط جاد داوم
افين -"انتي بياحاله حتئ تسئلين عن الدوم. احجيلي اشصار حتئ اساعدج
ليندا -"افين.
ميراث -دكافي ياحبيبتي موعيونج راحا من البجي
ليندا -" والله مادري للان اشصار بس اني متاكده لعبه من عدهم
هذوله الحقراء
جنت بالدوام. منتضره اطلع حتئ اجيكم للبيت. بس من وراء هذه جاد. طلعلي شغل اضافي. بقيت اشتغل. تاخر الوقت وهذه ماتنازل وكالي روحي واني ماعندي سياره اشلون. بقيت حايره والشرطيه تجيب بهل سجلات وتكلي من المدير
ماتحملت ابقه. شلت السجلات ردت اخذهن للبيت اكملهن طلعت من الدئره واني اباوع للساعه اذن الاوذان واني بالدئره
بس شو هذه من غرفته ويصيح اوكفي اشويه وجان يوكف كدامي

جاد -"انتي اشلون اطلعين وشغلج موكامل
ردي مودا احجي وياج لو انتي بس شاطره تاخذين اجايز وتنفخين نفسج اني اكمل شغلهن واتحمل الواجبات.

ليندا -"تصرفاته استفزتني بس احتويت غضبي وانتضرته يكمل حجي
ليش تصيح انتبه لكلامك سيدي واني مانكرت شغلي اليوم كملت شغلي وشغل زملائي وتاخر الوقت وخلص دوامي راح اخلص شغلي بالبيت
جاد -"ههههه بعصبيه لا انتي اكيد بيج شي. انتي شاطره بس بالكلام. ويه هذه وهذاك لو عايفه الحجي ومنتبها للشغل. جان كملتيهم

ليندا -"يالله لازم ارجع تاخرت. اذا عمامي درو متاخره. يلكوها حجه حتئ ماداوم. بسرعه تركته ورحت للشارع ادور علئ سياره
وهذه رجع لحكني
جاد -" شنو هل وقاحه مديرج يحجي وياج وتشردين شنو هل اخلاق
ليندا -"رغم احنا مو بالشغل ولا انته مديري ولا اني ضابطه عندك رغم هذه محترمتك. لذلك لاااتجاوز وخليني. اروح لازم اوصل علئ الوقت
شو هذه ضرب السجلات الي بيدي ماكدرت احاجيه بس تخيلت عيون امي الباجيه من عمامي يحجون عليه. بسرعه دنكت المهن وهذه يلغي. شفت تكسي. ركضت. صعدتها انطيته العنوان والتوتر اكلني وصلت للفرع نزلت. بقيت امشي. مسافه ومامركزه بشي بس ماحسيته غير بادين ربطتني جان. جان
افين -"اشش اهدئي وكملي اشصار.
ليندا -"افين جان ابن عمي الخسيس سحبني لقطعه بين البيوت صيحت. بس جان اسرع مني ضلمه ماكدرت اشوف شي بس هذه الحيوان. يتلمس بيه ضربني راجديات ويحجي كلام مال حيونه
"ردتج ولج. بس انتي امتعه الغربه احجي ويامن جنتي. احجي ولج ****
ليندا -"ضربته بقوه شلت طابوكه شمرتها عليه ماطاحت بيه. اجه واحد عبالي يساعدني بس طلع صديقه
حاصروني بالقطعه. اتذكرتالسجينه الي الي امعلكه بحزامي تلمست ردته ماكو
شلت اتراب واشمر عليهم. بس قربهم اشمئزت نفسي. ابقه بنت عمه وشرفه. بس هو مايعرف هيج
تقربو. واحد لزم اديه ودفعني بالكاع. غمضت عيوني. انصدمت الموقف مرعب دنيه ضلمه وهذوله يردون يغتصبوني فصلت عن العالم ماحسيت بنفسي موجوه بس سمعت صوت ضرب قوي فتحت عيوني.  ماجانت الروئية واضحه. بس تحررت كمت بسرعه سمعت صوت جاد.  شفت. واحد اجه يركض. الي جان ويه ابن عمي شرد واجه واحد غيره بيده سجينه وهذوله ملتهين يتضاربون راد يطعن. جاد بس ضربته دفره بقوه رجع رفع ايده السجينه صارت بضلعي. هذه شرد شفت وجهه الحيوان انتبه جاد سحل ابن عمي بس ابن عمي من شاف هذه طعني هم شرد كعدت بالكاع.
جاد -" اشصار هاي منو سوه هيج ومنو هذوله
ليندا -"جان حاط ايده داير مداير السجينه يريد يوكف الدم.
موكتلك لازم ارجع علئ الوقت
جاد -"مافهمتج. وين بيتكم خلي اخذج ولج دا تنزففين كومي
ليندا -"سيدي المهم ماصار بيك شي. اتوكل لاهلك ماكدر اخذك لبيتنه اني احلها كمت علئ حيلي السجينه موعميقه سحبتها وضغطت بيدي عليها
مشيت حتئ ارجع
جاد -"هاج هذه الموبايل مالتج واغراضج وكعا منج
ليندا -" كرهت حتئ. الشغل وياك وكرهتك لو ما ماخرني جان رجعت للبيت من وكت لو ما وكفتني بالشارع ماجان وكعت السجينه وجا كدرت ادافع عن نفسي
كااافي مليت منك وين ماالتقي بيك لازم تسببلي مشكله.
كلما يزيد غضبي يزيد النزيف. دخت بوقتها. مامركزه
بس اصيح عليه.
جاد -"انتي داتلوميني.
ليندا -" بجيت بوقتها ماتحملت. يمكن بدت الصدمه تبين
حسيت بيه لزم اكتافي ويسئل اشبيج حضني. تمنيت ابوي عايش والله ردته يمي يحضني واحس بالامان
جاد -"منو هذوله خلي اخذج للمستشفئ وتقدمين. دعوئ
ليندا -"ماكدر
جاد -"لاتخافين اني وياج مااخلي واحد. يتقربلج
ليندا -"اشلون ماتخلي واحد يتقربي وانته متقربلي انته مواحسن منهم. تركته ومشيت بالفرع حتئ اوصل للبيت بس قبل لااوصل. سمعت صوته وهو يصيح وراي التتفت جان يلزم كتفي حيل
وجعتني لان جان كتفي الي ينزف.
لازم ويهز بيه صحت من الوجع
جاد -"مرة ثانية لاتقارنين بهذوله الانجاس ولج اشلون تشبهيني بيهم
ليندا -"واسوئ منهم اترك ايدي. انتبه علئ نفسه وايده انملت دم دخلت للبيت سديت الباب تلكتني امي
شافت الدم صيحت كعدت بالكاع. ماكدرت اوكف ماحسيت بشي بعد بس من كعدت. جنت بالمستشفئ جنت نازفه اهواي
عمامي. جانو واكفين فوك راسي خاف اشتكي علئ ابنهم عرفت من امي من شافتي فاقده طالعه اتصيح وصار بوجها جاد وجاي شايلني. وامي وياي وودوني للمستشفئ
بالمستشفئ وجان يدخل جاد وياا ضباط يردون افادتي. اني ماكذبت. حجيت الي صار بس عمامي نكرو رادو شاهد اني بافادتي ماحجيت عن جاد ولاكتلهم ساعدني
كتلهم اني اعرف الي اتهجمو عليه ويا ابنكم. كلهم اخرسو
جاد جان واكف بعيد يترقب الي يصير عمامي بقو يتعركون ويا امي
رجعت للبيت.  وقبل لاتجن اني جنت ويا الضباط القو القبض علئ اصدقائه من الخوف اعترفو  بس ابن عمي شارد
وهسه عمامي يردوني اسحب افاتي واتزوجه. لو اتزوجه لو مااداوم واروح اكعد يمهم
افين -" جانت تحجي والخوف ملاني. جمعت قوتي وكتلها
ليندا ابد لا تسحبين افادتج
ليند -"اني محتاجتجن همزين اجيتن جنت خايفه
ميراث -"اشلونها ايدج هسه
ليندا -"ايدي. اشويه زينه. 
افين -"ليش ماحجيتي منو انقضج
ليندا -"اذاادخل الضابط تصير سالفه. طويله. كتلهم
ماشفت منوالساعدني جانت ضلمه
ميراث -"بس يمكن. ابن عمج شافه
ليندا -"والله مادري. بس اني امقرره اعقد اتفاق ويه عمامي قبل لايحجي ويدخل جاد لان ااذا اجه اسمه باقضيه. يطلعولي سالفه اشعنده مديري بمنطقتي اكيد عندي شي ويا. وعمامي كادرين كلشي يسون ويسون الحق وياهم
ميراث -"شنو الاتفاق
ليندا -"ابقا وياي. لاتروحا. بعدين احجيلجن كلش. تعبانه
افين -"اتصلت باليلئ وكتلها واتصلت بعمي حجيتله مختصر عن الوضع. وصيتهم علئ ادهم بقيت يمها وميراث هم غفت وهي لازمه ادينه
بقيت كاعده ماكدرت انام منتضره باجر

يتبع
تابع هذه الحساب.  zai20nab