،،، في الحلقات السابقة ،،،
كانت نهلة تقوم بهز ريان بخفه فكان يبكي بشدة حتي دخل عليها أرسلان وقال : مالو
نهلة : مش عارفة بقالو كتير بيعيط ومش عارفة اعملو ايه عشان يسكت
أرسلان : ممكن جعان او عايز ينام
نهلة : جهزتلو الببرونه بس مش راضي يشرب منها حاجة وبحاول انيمو دلوقتي ومش راضي
أرسلان : طب رضعيه
نهلة : هو ينفع ارضعو مكان مامتو
أرسلان : اه يا حبيبي عادي فيها ايه
نهلة : طيب ، اخرج برا بقى
أرسلان : ابدا انا هقعد هنا واتفرج عليكي
نهلة بخجل : تتفرج علي ايه يا قليل الأدب
أرسلان : اقولك بصراحة عايز ا
نهلة : بس انت قليل الادب اقعد وانت ساكت وتحترم نفسك لو عملت حركة كدا ولا كدا هضربك
أرسلان : ماشي 😂😂
جلست نهلة علي الفراش وقامت بإرضاعة وأرسلان ينظر لها بحب وبعد ان انتبه ان ريان قد غفى ذهب واخذه منها بهدوء نهلة : أرسلان بتعمل ايه
أرسلان : هشش انا ماصدقت نام عشان اعمل الي انا عايزو براحتي يجميل 😉
نهلة : انت متعرفش تعدي يومك من غير ماتقل ادبك
...
وكان الظلام قد حلَ دخلا للمنزل وكانت ملك تمسك بيدها دمية كبيرة وهي تحتضنها بسعادة فقال كِنان مشاكسا : ايه رايك نلعب
ملك بحماس : ماشي هطلع اغير هدومي واجي نلعب
كِنان : طيب وانا كمان بس بشرط
ملك : ايه
كِنان بمكر : انتي هتختاري البيجامة الي هلبسها وانا اختار البيجامة الي هتلبسيها
ملك : ماشي
اختارت ملك له بيجامة عبارة عن شورت باللون الأسود وسترة باللون الأبيض اما هو فإختار لها ذلك ↓
ملك : لا طبعا مش هلبس ده
كِنان : في شرط لازم تتبعيه
ملك : يووه انت عاملها قصد علي فكرة
كِنان بضحك : ايه ده طلعتي شطورة وذكية وانا معرفش بالضبط انا عاملها قصد عشان لو طلبت منك تلبسيه هتتكسفي ومش هترضي تلبسيه
ملك : انت رخم علي فكرة
كِنان : عارف يابيبي 😂😂😂😂
ملك : نينينيني
كِنان : يلا روحي البسيه
ملك : طيب
بعد ان انتهت من ارتداء ملابسها نزلت للأسفل فظل ينظر لها نظرات جرئية فقالت بخجل : لو مبطلتش نظراتك دي هطلع واسيبك علي فكرة
كِنان : 😂😂😂 خلاص تعالي اقعدي
ملك : جيت هنلعب ايه بقى
...
اعرف اهتم بيه كويس وبعدها بتلات سنين جبت بنوتة زي القمر وسميتها نهلة واكملت بحزن بس للأسف تاهت مننا لما كان عندها تلات سنين ومن بعدها قررت اني اكتفى بكِنان وبس ومخلفش تاني عشان مش هقدر علي فراق حد تاني ، وفضلنا عايشين سوا بحب صحيح كان وضعنا المادي مش قد كدا بس كان كفاية عليا وجود سليمان وكِنان جمبي وواحدة واحدة كونا امبراطورية سليمان محمد للبناء دي كلها ، خلي دي نصيحة ليكو ياولاد ، يوووه انتو نمتو 😂
نظرت لهم وجدتهم ممددين علي الأرض في سابع نومه تمنت لهم السعادة والإستقرار في حياتهم ثم اخذت ريان وصعدت لغرفتها ...
________
في الصباح كان كِنان يقوم بتضبيط ربطة عنقه فوققت ملك خلفه ووققزت عليه فقام بإمساكها وهو يضحك : مش هتبطلي الحركة دي يعني 😂
ملك : تؤ تؤ
بعد ان انزلها والتفت لها قام بتقبيل رأسها ثم فمها وقال : جاهزة
ملك بتردد : اممم مش اوي
كِنان : ليه بس مش انتي علي طول بتفضلي تقوليلي : عايزة اروح الجامعة عايزة اروح الجامعة ، اهي جاتلك اهي
ملك : بس وقتها ريان كان لسه مجاش دلوقتي انا بقعد العب معاها وبتسلي مش عايزة اروح الجامعة
كِنان : لازم ياقلبي وبعدين هي كلها كام ساعة وترجعي لريان
ملك : اممم ماشي
كِنان : يلا
ملك : يلا
كِنان : وانا بقولك اهو تكلمي شباب ممنوع
ملك : ماشي
كِنان : يلا
_____
نهلة : بس ياحبيبي انت عندك شغل
أرسلان : يولع الشغل مش هسيبك تروحي عند الدكتورة لوحدك
نهلة بتنهيدة : خلاص براحتك
________
رامي : احنا مش رايحين انهاردة عند الدكتورة ؟
روز : لا ياحبيبي انهاردة نهلة الي رايحة وكمان ملك في الجامعة فهقعد اهتم بريان واصلا انهاردة مش موعد مراجعتي
رامي : ماشي
ثم جلس بجانبها علي الفراش وقال وهو يضع راسه علي رجلها : تفتكري ولد ولا بنوتة
روز : امممم مش عارفة ، انت عايز ايه
رامي : كل الي يجيبو ربنا كويس بس نفسي في بنوتة وتكون شبه امها كدا بإضافة الخدود 😂
روز : 😂😂
...
بعد ان ذهبت ملك للجامعة وكِنان لعملة وكذلك رامي ذهب أرسلان ونهلة للطبيبة وبقت روز ويسرا ومعهما ريان فأردفت يسرا : روز
روز : نعم
يسرا : انا حاسة ان رامي لسة زعلان
روز وهي تنظر لها : ليه هو قالك حاجة
يسرا : المشكلة انو مبيقولش بس انا عارفاه وعارفه لما بيكون زعلان بيبان في عينيه
روز : انا إتأسفتلو وهو قالي انو مش زعلان
يسرا : مش شرط يقول لأنو لو قالك اكيد انتي كمان هتضايقي وهو مش عايز كدا
روز : طب انا اعمل ايه
يسرا : انا عايزة اعرف بس انتي عقلك كان فين لنا فكرتي بس لمجرد تفكير ان رامي ممكن يخونك ، ده بيتمنالك السعادة بيعمل اي حاجة عشان تكوني مبسوطة والضحكة متفرقش وشك تقومي انتي تشكي فيه طب ده حتي عيب انتي نسيتي كان بيبقي عامل ازاي وانتي بتتكلمي قدامه عن الي كنتي بتحبيه وعنيكي بتطلع قلوب واهو وقتها كان جوزك كان عارف انك اتجوزتيه عشان تنسي الحب القديم ومع ذلك وافق ان مراتو تكون متجوزاه علي انو بديل وعارف انها مش بتحبو وان لسة في قلبها حد تاني مش شك فيكي ليه ها عشان بيحبك وواثق فيكي ولما حس انك بدأتي تحبيه وحس بتملكك فيه مرضاش يقولك انو كان متجوز قبل ما يعرفك عشان ميضايقكيش
روز بحزن ودموع : بس رامي مش بديل ياماما انا بحبو ومفيش في قلبي حد غيرو
يسرا : انا بقصد قبل كدا لما كنتو لسة متجوزين
روز : هو فعلا ممكن يكون لسه زعلان مني
يسرا : ممكن
روز : طب انا اعمل ايه عشان اصالحو
يسرا : والله انتي وشطارتك بقى
روز وكأنها تفكر ثم اتتها فكرة وقالت بتردد : بس هو ليه اتجوز بعدين طلقها
يسرا : عايزة تعرفي
روز : اهه
يسرا : بصي يا ستي هي كانت جاية الشركة بتاعت رامي علي أساس انها مهندسة وجاية تعمل صفقة وافق علي الصفقة دي واشتغلو مع بعض ومع الأيام بدأ ينجذب ليها بسبب طريقتها وتعاملها وفي يوم عرض علي الجواز وهي كأنها ما صدقت انو يطلب وافقت علي طول ، اتجوزو وهي كانت بتحبو بس مش حب عادي ده كان هوس انا مكنتش موافقة علي الجوازة دي بس لما شفته مصمم اوي قلت خلاص مدام عايزاها يبقي مش هقف في طريقو مر علي جوازهم سنة وفي يوم كان رامي في الشركة جالو واحد باين في عنيه الشر وطلع لرامي صور ليه وهو مع ساندي في وضع استغفر الله يعني وقالو انها واحدة حرامية ونصابة مقدرش يستحمل خيانتها وكدبها عليه قام طلقها وبس ومن وقتها وهي بتحاول تقنعو يرجعلها بس هو كأن نزل عليه وحي انو ميرجعلهاش وفضل متدمر بعدها لأنو حبها بجد وبعدين ياستي انتي دخلتي حياتو كنتو انتو الإتنين شبه بعض خارجين من علاقات فاشلة هو قالي يوم ماشافك انو لقى البنت المناسبة الي المفروض يكمل حياتو معاها وقالي انو معجب بيكي فضل متابعك وحاول يتقرب منك وكمان عرض عليكي الجواز انتي طبعا ماصدقتي ووافقتي عشان تنسي الحب القديم مش كدا ياروز
كانت روز تنظر للأسفل ثم قالت : انا مش طماعة علي فكرة. وعمري ما فكرت في رامي كبديل انا بس كنت وقتها متضايقة ونفسيتي تعبانة وكنت شايفه في عنيه الحب عشان كدا وافقت
يسرا : ولما كنتي بتتكلمي قدامه عن الحب القديم كنت بتغرزي سكينة في قلبو وهو شايفك لسه بتتكلمي عليه وباين في صوتك الحنين
روز : هو قالي اتكلم معاه في اي حاجة قالي اي حاجة في قلبي اقولهالو مكنش قصدي اني اجرحو
يسرا : اتمني تعرفي تصالحيه ياروز
روز : ان شاء الله
...
بعد ساعتان عادت ملك من الجامعة وبمجرد ان دخلت حتي ذهبت لريان واخذته في حضنها وهي تقبلة : وحشتيني يالوحي انت
روز مشاكسه ملك : علي فكرة مش وحشتيه فضل ساكت ومش عيطت نهائي
ملك : نينيني وحشتو علي فكرة بس هو مؤدب ومكنش عايز يزعجكك
روز : اوووه انبهرت
ملك : انا جعانة
روز : الاكل جاهز ياحبيبتي بس رامي يرجع من الشغل وهناكل كلنا سوا
ملك : ماشي هطلع انا وريانتي ناخد شاور يكون رامي رجع
...
كانت نهلة تجلب الشاحن من غرفة يسرا لكنها اصطدمت بالكوميدينو واوقعت شي ما علي الارض وعندما نزلت لتجلبه وجدته ألبوم صور عندما قامت بفتحه وجدت به صور ليسرا ومعها طفلان ورجل لفت انتباهها الفتاة الصغيرة فكانت ترتدي ↓
نهلة وكأنها تتذكر : انا حاسة اني شفت الفستان ده قبل كدا
جلست علي الفراش وبيدها تلك الصورة و تتذكر اين رائته من قبل حتي دخلت عليها يسرا وجلست بجانبها وقالت : مالك ياحبيبتي
نهلة :
يسرا وهي تقوم بهزها بخفة وهي تقول : نهلة
نهلة : هاا في حاجة ياماما
يسرا : مالك ياحبيبتي سرحانة في ايه
نهلة بقلق : هي مين دي
نظرت يسرا للصورة وقالت بحزن : نهلة بنتي الصورة دي اخدناها في الملاهي وبعدها ضاعت مني ومعرفتش الاقيها تاني
تركتها نهلة وذهبت مسرعة لغرفتها وعندما دخلت
أرسلان : في ايه ياحبيبي مالك بتنهجي كدا
نهلة : مفيش
أرسلان : مفيش ازاي انتي مش شايفة وشك اصفر ازاي
نهلة : متشغلش بالك انا كويسة
ثم ذهبت لخزانتها واصبحت تبحث بها فقال أرسلان : بتدوري علي ايه
نهلة : استني بس
ظلت تبحث داخل الخزانة حتي اخرجت ذلك الفستان ونظرت له وهي تتذكر
أرسلان : فستان مين ده ياحبيبي
قامت نهلة بمعانقة أرسلان وهي تبكي فكان يربت علي ظهرها ويقول : ممكن تفهميني مالك بتعيطي ليه
نهلة بخفوت : عرفتهم
أرسلان : هما مين يا قلبي
نهلة : أهلي
أرسلان : طيب هما مين وعرفتي ازاي
نهلة : كِنان يبقي اخويا وماما يسرا تبقي امي فعلا
أرسلان : انا مش فاهم حاجة قوليلي كدا بهدوء انتي قصدك ايه
نهلة : انا كنت بجيب لماما يسرا الشاحن بتاعها من اوضتها وبعدين وانا خارجة خبطت في الكوميدينو ووقع من عليه البوم صور ولقيت فيه صورة لماما يسرا ومعاها طفلين وراجل ولما سألتها عن البنوتة الي في الصور قالتلي ان دي نهلة بنتها وكانو في الملاهي وضاعت منها هناك
أرسلان : طيب وده علاقتو ايه باللي انتي بتقوليه
نهلة : انا لما ضعت من اهلي وانا صغيرة صحيت الصبح في ميتم وكنت لابسة الفستان ده
أرسلان : مش فاهم برضو ده ايه علاقتو بموضوع اهلك
نهلة بدموع : البنت الصغيرة الي كانت في الصورة كانت لابسة نفس الفستان ده
أرسلان : امم ممكن يكون تشابه في الفساتين مش اكتر
نهلة ببكاء : أرسلان انا حاسة بمشاعر غريبة نحية ماما وكمان كِنان انت مش فاكر يوم فرحنا كان عامل ازاي كان متضايق اني همشي واسيب البيت ووصاك عليا ولا كأنو اخويا ، و والفيلا دي انا حاسة ان في اماكن كتير في الفيلا دي انا اعرفها وفاكراها
أرسلان : امم بس مش هينفع تقوليلهم قبل ما تتأكدي ياحبيبي مينفعش تديلهم امل وانتي مش متأكدة منو
نهلة : بس هتاكد ازاي
أرسلان : متقلقيش انا هعرف اتصرف بس لحظة
ذهب للخارج وعاد ومعه كيس بلاستيكي وقام بأخذ بعض الشعرات من رأس نهلة فقالت : ليه
أرسلان : هاخد شعره من راس كِنان من غير مايحس وهوديهم المستشفي واعمل تحليل DNA
نهلة بقلق : ماشي
أرسلان : قلقانة ليه
نهلة : مش عارفة
قام بإحتضانها وهو يقول : كل حاجة هتكون كويسة متقلقيش
نهلة : بحبك
أرسلان : مش اكتر مني ياقلبي
...
كان الجميع نائم ماعدا كِنان الذي كان يجلس في غرفة مكتبه حتي دق باب المكتب فسمح للطارق بالدخول
نور : ممكن ادخل يا اونكل
كِنان : تعالي ياحبيبتي
ذهبت عنده ومعها كِتاب ما فحملها وتوجه لإحدى الاريكات الموجدة بالغرفة وجعلها تجلس علي قدمه وقال وهو يقبل خدها : صاحية ليه يانودي لحد دلوقتي مش انتي عندك مدرسة الصبح
نور برائة : اه انا كنت نمت وصحيت رحت الحمام وافتكرت اني عندي بكرا كويز ونسيت اقول لنهلة عشان تذاكرلي وهي دلوقتي نامت والكل نايم مفيش غيرك بس الي صاحي ممكن تذاكرلي
كِنان : وماله نذاكرلك عندك امتحان ايه
نور : ماث
كِنان : رياضيات حلو تعالى نقعد علي المكتب ونذاكر
نور : لا نذاكر في الجنينة
كِنان : زي بعضو نذاكر في الجنينة تعالي ، قام بحملها واتجهه للحديقه
بعد ان ذهبو للخارج جلسو علي الأرض و قام كِنان بتدريس نور وقامو بحل الواجبات سويا واثناء ذلك قلقت ملك من النوم ولم تجد كِنان بجانبها قلقت عليه فذهبت لتراه في غرفة المكتب وعندما كانت متوجه للخارج لمحت احد من الشرفة يجلس بالحديقة وعندما خرجت للشرفة رائت كِنان يجلس مع نور وهو يقوم بحل الواجبات معها وهما يضحكان ابتسمت وهي ترى حنانه الأبوي فهو يعتبر نور كإبنته تماما
...
في صباح اليوم التالي قام كِنان بتوصيل ملك وروز لجامعتهما فهما يدرسان سويا وقام بتوصيل نور للمدرسة وانطلق لشركتة وكذلك كان رامي وأرسلان كلٌ منهما ذهب لعمله وفي المساء عاد أرسلان وكانت نهلة تنتظره في الغرفة فذهب لها فوقفت امامه وقالت وهي تمسك يده : ها النتيجة طلعت
أرسلان : اه
نهلة : طب ايه انا بنت ماما يسرا مش كدا
أرسلان : التحليل اهو خدي افتحيه وشوفي
اخذت نهلة التحليل وقامت بفتحه وهي تقراءه وبعد ان انتهت من قرائته نظرت لأرسلان بصدمة ثم قالت :
_____
يتبع ...
ايه رايكم في الحلقة ؟
وايه توقعاتكم للحلقات الجاية ؟
ياترى نهلة شافت ايه في التحليل خلاها تتصدم كدا ؟
ياترى ممكن يحصل مشاكل بين ملك وكِنان بسبب جامعة ملك ** هو هيحصل 😂 ** بس تتوقعو مشاكل من نوع ايه
علي فكرة الجزء ده قرب ينتهي وهنزل الجزء التاني في نفس القصة دي يعني مش في جزء لوحدها فاهمين ازاي 😂
متنسوش الفوت ✌ والتعليق 😘