"Young လေး"
သူ့ကိုခေါ်ပြီး အနားတိုးလာသော နတ်ဆိုးကြောင့် Wooyoung ပန်းကန်ဆေးရင်း လှည့်ကြည့်ရန် ပြင်လိုက်သည်။ သူရယ်၊ Yeosang ရယ်၊ Jongho ရယ်၊ အစ်ကို Seonghwa ရယ်ကို အစ်ကို Hongjoong ခေါ်လို့ အိမ်တော်သို့ ရောက်လာကာ အခုပဲ ထမင်းစားပြီးသွားကြ၍ သူက ပန်းကန်ဆေးပေးနေခြင်း ဖြစ်သည်။ သူလှည့်ကြည့်မည်အလုပ် ခါးပေါ်ကို ရောက်လာသော လက်တစ်စုံ၊ ပုခုံးပေါ်ကို တင်လာသော မေးကြောင့် ခန္ဓာကိုယ်က အနည်းငယ် တုန်သွားသည်။
"Young လေး ... ဒီမှာ အမြဲလာနေပါလား"
ပြောရင်း သူကိုပိုပြီးတိုးဖက်လာတဲ့ နတ်ဆိုးကြောင့် ကိုယ်လေးကို အနည်းငယ်ကျုံ့လိုက်သည်။
"ဟင်...လို့..."
တင်ထားသော မေးကို အသာပင့်ကာ သူ့လည်ပင်းနားကို ကလူကျီစယ်လာသော လေသံတိုးတိုးလေးကြောင့် Wooyoung ရင်ဘတ်ထဲ စစ်ဖြစ်သွားသည်။
"မနေပါဘူး"
"ဘာလို့လဲ"
"အခုလို ခဏတွေ့ရတာတောင် မင်းက ဒီလောက် အသားယူနေတာ နေ့တိုင်း တွေ့နေရင် မင်းက ငါ့ကို..."
သူပြောရင်း အဓိပ္ပါယ်တစ်မျိုး သက်ရောက်သွားသဖြင့် နှုတ်ခမ်းကို အသာစိလိုက်သည်။
"ဆက်ပြောလေ ကိုယ်က ဘာဖြစ်လဲ"
သူ့ကို မျက်ခုံးတစ်ဖက်ပင့်ပြကာ ဆက်ပြောဟု ဆိုလာသော နတ်ဆိုးကြောင့်
"ဘာမှမဟုတ်တော့ဘူး"
ပြောပြီး သူပန်းကန်ဆက်ဆေးဖို့ ပြင်လိုက်သည်။
"ကိုယ်ဘာမှမလုပ်ပါဘူး...ကတိပေးတယ်...အဟမ်း Young လေး ခွင့်ပြုချက်မပါဘဲနဲ့ပေါ့"
ပြောပြီး ပြုံးပြလာသော ထိုလူကြောင့် Wooyoung အသာခေါင်းခါကာ ပန်းကန်ဆက်ဆေးနေလိုက်သည်။
"ချစ်တယ် ... Jeong Wooyoung ... အရမ်းချစ်တယ်။"
ပြောပြီးသူ့ကို ပိုတိုးဖက်လိုက်ကာ သူ့လည်ပင်းနား ခေါင်းမှီလိုက်သော သူကို ခေါင်းအသာငဲ့ကာ ကြည့်လိုက်ရင်း
"ငါလည်း မင်းကို အရမ်းချစ်တယ် ... Choi San"
_________________________________________
"Sang ရေလို့ ... Sang လေး စိတ်မဆိုးပါနဲ့တော့ကွာ"
ဟုတ်ပါသည်။ သူ့ကို Sang လေးက စိတ်ဆိုးနေပါသည်။ အကြောင်းကတော့ အိမ်တော်ကို မလာခင် အင်း မနက် အိပ်ရာနိုးတော့လို့ ပြောရမလား။ သူ့ဘေးမှာ အိပ်နေသော Sang လေးကို တစိမ့်စိမ့်ကြည့်ရင်း ကြည့်မဝတော့ဘဲ ပါးလေးကို Seonghwa နမ်းလိုက်သည်။ ထိုအခါ Sang လေးက နိုးလာပြီး သူ့ကို ရယ်ပြကာ ရင်ခွင်ထဲ တိုးဝင်လာခဲ့သည်။ ထိုအထိ အကုန်အဆင်ပြေသည်။ ဇာတ်လမ်းက သူ့ရင်ခွင်ထဲ တိုးဝင်လာသော Sang လေးကို အသည်းယားလွန်းပြီး လည်ပင်းမှစ၍ ရင်ဘတ်တစ်လျှောက် အချစ်သင်္ကေတများ ပေးလိုက်မိရာမှ စတော့သည်။ သူများတွေမြင်ကုန်ရင် ဘယ်လိုလုပ်မလဲဟူ၍ သူ့ကို ပြောကာ ခေါင်းအုံးနှင့် ရိုက်ပြီး ခုတင်မှ ထသွားသည်။ Hongjoong ဆီက အိမ်တော်ကို လာဖို့ ဖုန်းလာသည့်အခါမှာတော့ ဒီလောက်ရာသီဥတုပူနေတာကို ခင်ဗျားကြောင့် အင်္ကျီလက်ရှည်တွေ ဝတ်ရတော့မယ်ဆိုပြီး စိတ်ဆိုးသွားတော့သည်။ အသည်းယားလို့ ချစ်မိတာ အပြစ်လားလို့။ အခု Hongjoong တို့က အပြင် ခြံဝင်းထဲ လမ်းသွားလျှောက်နေကြသည်မို့ သူက Sang လေး နားကပ်ကာ ချော့နေခြင်းပင်။
"Sang လေးလို့ ... ကိုယ်အသည်းယားလို့ပါကွာ"
"အသည်းယားတာနဲ့ အဲ့လောက်ထိ ကြမ်းစရာလိုလို့လား"
သူ့ကို မျက်စောင်းထိုးရင်း ပြောလာသည့် Sang လေးကြောင့် သူသိမ်းကျုံးဖက်ကာ အနမ်းမိုးတွေ ရွာသွန်းပစ်လိုက်ချင်သည်။ ထိုသို့သာလုပ်လိုက်ပါက စိတ်ဆိုးရုံပါမက အိမ်ပေါ်ကပါ နှင်ချခံရမည်မှာ ဗေဒင်သွားမေးစရာပင်မလို။
"ဘာကို ကြမ်းတာလဲ Yeosang"
ထိုစဥ် Jongho နဲ့ Mingi ဧည့်ခန်းထဲ ဝင်လာပြီး Jongho က မေးလိုက်သည်။
"ဟို .. အဲ"
စကားထစ်ရင်း သူ့ကို အကူအညီတောင်းသလို ကြည့်လာတဲ့ Sang လေးကြောင့် သူရယ်ချင်စိတ်ကို မနည်းထိန်းထားရသည်။
"Seonghwa ရေ အဲ့လောက် မကြမ်းနဲ့လေကွာ Yeosang က နုနုထွတ်ထွတ်လေးရယ်"
သူ့ကို ပြောပြီး လှမ်းစလာတဲ့ Mingi ကြောင့် Yeosang ခေါင်းလေးပိုငုံ့သွားကာ သူ့နားကိုတဖြည်းဖြည်းတိုးလာသည်။ အရှက်လွန်၍ ထင်သည်။ မျက်နှာလေးတစ်ခုလုံးကို နီရဲလို့။
"Yeosang နေမကောင်းဘူးလား ... နီရဲနေတာပဲ"
ပြောပြီး Yeosang ဆီလျှောက်လာတော့မည့်ဟန်ပြင်နေသော Jongho ကို Mingi က
"Jongho ရေ ဒီကိစ္စတွေက လေးနက်တယ် ကလေးတွေ နားမလည်နိုင်ဘူး။ လာ...လာ... လိုက်ခဲ့ Yeosang ကို Seonghwa စောင့်ရှောက်လိမ့်မယ်"
လို့ပြောကာ ခေါ်သွားတော့သည်။
Jongho နဲ့ Mingi ထွက်သွားသည့်တိုင်အောက် ခေါင်းမဖော်လာသော Sang လေးကြောင့် Seonghwa သူ့ကိုယ်လေးကို အသာဖက်ကာ ရင်ခွင်ထဲ သွင်းပြီး ပွေ့ဖက်ထားလိုက်သည်။
"ကျွန်တော် ... ပျော့ညံ့နေလား"
မထင်မှတ်ထားသော မေးခွန်းကြောင့် Seonghwa လန့်သွားသည်။
"Sang လေး ဘာလို့အဲ့လိုတွေးရတာလဲ ... မနက်က ကိစ္စကြောင့်ဆို ကိုယ်တောင်းပန်ပါတယ် ... Sang လေး မကြိုက်ရင် က်ုယ်နောက်ဆို သတိထားပါ့မယ်"
သူပြောလိုက်တော့ Sang လေးက ခေါင်းအသာခါလာပြီး
"အဲ့ဒါကြောင့်မဟုတ်ဘူး။ ခုနက အစ်ကို Mingi ပြောသွားတာကို ပြောတာ နုနုထွတ်ထွတ်လေးဆိုလို့ ကျွန်တော်က သူများအမြင်မှာ ငပျော့တစ်ယောက်လားလို့"
"မဟုတ်ပါဘူး Sang လေးက ဘာလို့ ပျော့ညံ့ရမှာလဲ။ Sang လေးက လက်အောက်က ရဲဝန်ထမ်းတွေ၊ ပြည်သူတွေကို စောင့်ရှောက်ပေးနေတဲ့ ရဲအရာရှိတစ်ယောက်၊ ဘာမဆိုရင်ဆိုင်ဖို့ အမြဲအသင့် ဖြစ်နေသူတစ်ယောက်၊ Sang လေး ကာကွယ်ပေးခဲ့တဲ့ လူတွေ၊ ကယ်တင်ပေးခဲ့တဲ့ အသက်တွေဆိုတာ နည်းတာမှမဟုတ်ဘဲ။ ဒါပေမယ့် Sang လေးရယ် မင်းဘယ်လောက်ပဲ ကြံ့ခိုင်ပါစေ Sang လေးက လူလေ လူဆိုတာ တစ်ခါတလေတော့ အားကိုးချင်စိတ် ဖြစ်တာချည်းပဲ။ ပြီးတော့ Sang လေး ကိုယ့်ကို အားကိုးရင် ကိုယ်ပျော်တယ် ဘာလို့ဆို ကိုယ့်ကို Sang လေးက အသိအမှတ်ပြုလို့သာ အားကိုးတာလေ ... အဲ့ဒါကြောင့် နောက်ဆို ဘယ်တော့မှ ကိုယ့်ကိုယ်ကိုယ် အဲ့လိုမတွေးပါနဲ့ ... နော်"
Seonghwa ပြောလိုက်တဲ့စကားကို Yeosang က "အင်း" ဟု ဖြေကာ သူ့အတွက် အမြဲအသင့်ဖြစ်နေတဲ့ သူတစ်ဦးထဲရဲ့ မူပိုင် ရင်ခွင်ကျယ်ကြီးထဲကို ထပ်မံခိုဝင်လိုက်တော့သည်။
_________________________________________