احزن كثير عندما اتذكرها
اشتاق لها كثير واتمنى ان احضنها
اريد ان اتشبع من عطرها
امنيتي ان اخبئها في قلبي
وارسمها في عقلي
تبقى صوره في عيني
تلك طفلتي الصغيره حبيبتي روحي
وقلبي احزن اكثير واتألم عندما اتذكرها
لااسيطر على دموعي حين ارى صورها
اختنق في حسرتي اريد ان اقبلها ولو مره
مااجمل صوتها وجمال كلماتها ضحكاتها
ورقصاتها احبك كثير ياطفله
فيك عطر من الجنه ولقبلتك طعم وشعور لايوصف لايأخذ مكانك اي طفل اخر انت فقط في عقلي وروحي وقلبي ..
اشتاق لكي كثير يا روحي انتي
احزن كثير ستمر الايام وانتي بعيده ستكبرين بعيده عني احزن كثير بعدك اختناق ..انتي في احضاني اشعر بسعاده كبيره وكل احزاني تختفي بمجرد ان تبتسمي لي ..لم اودعك فقط قبلتك خفت كثير من الوداع الاحياء لايقال لهم وداعا حين الفراق فقط الاموات يودعون ..
احبك كثير يا طفلتي اشتاق الى راحئتك وحضنك ولسماع صوتك حتى لبكائك اشتقت كثيرا لم احب احدا كما احببتك ولم احب احد من بعدك شقلت قلبي ولم تتركي فراغ لااحد من بعدك يا طفلتي الشقراء الجميله احبك كثير
اتمنى تجمعنا الصدف تركت الامر للقدر .على امل ان يجمعنا.
قصه شام
كان يا مكان وفي كل مكان قصه احيانا تكون حزينه اما السعاده توجد فقط في نهايات الافلام لاتوجد في واقعنا ..السعاده في عالمنا عمرها اقصر من عمر الفراشه ..
اسمي شام والدتي مديره مدرسه والدي مهندس وعنده شركة مقاولات سكن بغداد في نفس الوقت امورنه الماديه تمام وعمري ما حسيت ينقصني شي عندي اخ واحد فقط اني واخوي علي والدي والدتي اني متعلقه بااخوي هوه روحي بابا منشغل دائما صار مثل والدي والفرق بينه قليل اكبر مني ب ٤ سنوات بس اتمرض اول من ياخذني لدكتور انجح اول من يباركلي انجرح اول من يداوي جرحي اوكع اول من يمسك ايدي ويساعدني روح وحده اني واخوي وامي وابوي متفاهمين ويفكرون بينه اخوي يدرس هندسه مثل بابا واني نجحت بتفوق وانقبلت طب بس فرحتي ماتمت والدتي توفت انصدمت صدمه عمري البيت صار بدونها يخوف اخاف ادخل غرفتها مااريد اصدك اني خسرت امي اخوي صار يبتعد عن البيت لحد ماصرت مااشوفه نهائيا درست اول سنه كليه طب واخوي تخرج من كليه الهندسه رحت لتخرج اباركله وشفت حبيبته بس سلم علي وراح واني صار اشهور مشايفته مشتاقه احضنه واشمه اخوي البقى الي من امي .. رجعت للبيت ابوي مسوي عشى وطلب اخوي فرحت اعتقدت يناقش اخوي باامور شغل ولازم يستقر بالبيت ويانه وميبتعد عن البيت اني اشتاقله هواي .. ابوي صدمني خبرنه راح يتزوج وعثر على بنت الحلال اخوي بارك لاابوي حسيته عايش بعالم ثاني وامي سنه مامرت عليها دموعي بدون شعور نزلت متت قهر حسيت ابوي يمزح شي مو حقيقي فعلا خلال اسابيع قليله اتزوج وحده مهندسه فقدت الاهتمام من والدي ميعرف عني شي اكلت ولاشربت مريضه ولا بشنو احس .. حسيت زوجة والدي متطيق وجودي بالبيت وكم مره حضرت اشخاص يخطبوني حتى تتخلص مني فتره واخوي اتزوج وراح لمكان بعيد وزوجة والدي تريد اتزوج متريدني متريد وجودي بالبيت حسيت نفسي ممرغوب بيه صرت مااكعد وياهم وقت الاكل مااشوفهم كثير بيوم والدي طلبني على العشا خبرني لكيت عريس الج توقفت لقمه الاكل بلعومي صغرت الدنيا بعيني وماضل مكان ألي .. خبرته بعدني طالبه والكليه صعبه .. باوع بعيوني احسه يكول هواي اشياء سكتت وقرر مكاني واجبرني اقبل اني غير مرغوب بيه .. اتزوجت وتمنيت اخوي يوكف بعرسي ويخلي ايده باايدي ويطلع من بيت والدتي بس ماحضر دمعه فراق بعيني واشتياق لصوت امي حسيت نفسي مااسوى شي بدونها اتذكرت كلام ابوي كلي راح تزوجين شخص محترم يحافظ عليج ميزعلج متحزنين ابد وياه شخص تتمناه الف وحده وعنده مخافه راح يحبج اكثر من اي شخص .. اسمه امير والده صديق بابا كل شخص سيء بداخله ذره خير لكن ماشفت ذره خير من امير كان قليل مسؤليه والدي والد امير اكبر سبب بزواجنه امير درس خارج البلد وعاش برى ومقبل يرجع وخطة اهله يتزوج بنت جميله فقط حتى يستقر بالعراق وميسافر .. امير خلال ٣ ايام سافر وبعد شهر رجع بسبب كلام والده صار يسافر اشهور ويجي ايام قليله وجوده وعدم وجوده سوه اهل امير مقصرو بشي والده حاول يصلح الخطأ السببه ماقصر بشي دراستي واحتياجاتي ومسؤليتي اهله متحملين امير حتى مايتصل ويجي من اصرار من والده ماكو شي مشترك ولا موضوع واتفاجئ من عرف بيه ادرس كليه طب ميعرف عني اي شي .. بعد ايام سافر وبعد اشهر رجع اعتقدت لان راح يصير اب اجه وراح يتحمل مسؤليه طفل طلب مني اترك جامعه واروح وياه رفضت طلبه من رفضت صاح بوجهي انتي دمرتي حياتي مااسمحلج تدمريني اكثر اني ماانكسر بوجودج ولا بوجود ابنج عاجبج وضعج ربيه بوحدج وحتى اسمي مراح انطيه الج .. طلع من البيت وابو امير حاول يهدئني واني سكين تكطع بقلبي ماحسيته كلام عادي .. رحت مرحله ثالثه جامعه وبعد اشهر صارت عندي طفله سميتها ندى ردت والدها يسمع بلكي يجي يوكف كبالي ويكلي اني اسمي بنتي اسم احلى لكن مااجه ماشفته ولامره .. سويت لطفله هويه وصارت مشاكل وتطلب اروح للمحكمه حتى تكون هويه لبنتي الاكتشفته اتنفصلت دون علمي وغيابي والامر منتهي ابو امير يعرف ماتكلم فقط حتى ماتتضرر صحه حفيده .. صدرت الهويه طلب والد امير ابقى بالبيت لحد مااتخرج واعتبر كلشي صار خطأ منه ماخبر والدي حتى ميخسر صداقته داخلي اعرف والدي مراح يوكف وياي
اسوء شخص اعتبره افضل شخص خبرني راح يحبني اكثر واحد بالعالم محبني وتخلى عني لان الجميع رحل واتخلى عني .. والدي انتقل لشمال رحت قبل لاينتقل اخر مره شفته عم ابو امير راح يبارك اله لان صار عنده طفل اقصد يبارك لوالدي لان صارت عندي اخت من زوجه اخرى انتقل لشمال العراق الاجواء هناك تليق اكثر بطفلتهم ولمستقبلها مرت ٤ سنوات تخرجت من الجامعه قبل سنه وانتضر تعيين اشتغلت بعقد اول شي واستأجرت قبل سنه وتركت بيت والد زوجي .. خلال هذه السنه التركت بيها بيت زوجي السابق والد زوجي سافر لاابنه استسلم هوه واستقر خارج البلد حتى يقترب من ابنه اكثر
وخلال ٤ اعوام الانتهت امير يجي يشوف طفلته ويرجع يسافر متتذكر وجه ابوها لان معاشت وياه .. بنتي اغلى شي عندي املكه
مع بنتي كلشي مختلف للحياة صار طعم قبلتها حضنها عطرها صوتها الله لا يحرمني لحظه من بنتي اميرتي عودتها تنام بحضني لان عطرها مااكدر استغني عنه حتى من انام اصحى من نومي استمع لدكات كلبها ولنفسها واباوع بوجها بنتي اغلى ما املك ... اشتقت ايام وليالي اشوف اخوي ولامره اتصل كلشي انتهى من راحت امي .. ما انطلقت استماره التعين ..
بيوم اندك الباب امير طلب ياخذ الطفله يشوفها وياخذها حديقه الحيوانات اخذ بنتي واحسب بالساعات شوكت بنتي توصل للبيت اندك الباب وفتحت الباب شايله بيدها شعر بنات حضنتها لان تخيلت ياخذ بنتي .. مرت ايام واشهر امير مراح مسافر طلب نرجع سوه ونسافر رفضت ماسئل شنو السبب بسبب غروره وتكبره مو حب مو..لان ما حبني بقدر ذره ماقدملي حب ولااهتمام طلب نرجع بسبب حاجته لطفلته
بعد كم اسبوع وصلني بلاغ من المحكمه امير طلب حضانته بنته رحت لبيته بعد ماستلمت البلاغ دكيت الباب وطلع يستكثر عليه حتى السلام .. كتله هذا شنو رد حقي بنتي اريدها العنده حق ياخذه وبنتي حقي ويكون افضل لو تعودين نفسج على غيابها
باوعت بعيونه خبرته المايخجل ما يتعاتب قله مسؤليتك تفتخر بيها ماكو داعي اذكرك ..
شي ثاني اني مادمرت حياتك انت الدمرت حياتي ..بوقت من الاوقات ..وهذه طفلتي اني
بعد ايام صارت اول جلسه بعدها بااسبوع صارت الجلسه الثانيه امير موكل ٢ محامين من اشطر المحامين بالبلد بعدها بشهر خسرت الطفله اعتبروني بدون وضيفه بدون بيت طالبت استأنف القضيه لكن امير اخذ الطفله وسافر باليوم الاخذ امير طفلتي حسيت بنتي مذبوحه اتمسكت بالباب مقبلت تروح مزقت قميصي باديها ..راحت بنتي وراح اخر امل واخر فرصه عندي بالحياة .. ما يدوم شي الي لاام ولاخ ولازوج ولاطفله .. اسمع صوت بنتي اروح اشوفها مااعثر عليها اتذكر بعدها طفلتي راحت هذه المره خسرت طفلتي .. بعد ٣ اشهر صدر امر التعيين سافرت برى اشوف بنتي جان عندي عنوان لكن العنوان قديم مشفت بنتي ما امتلك عنوان ثاني رقم التلفون متغيير اختفت بنتي صار شيب براسي ابيض من وقت
و الحزن البقلبي بين للعالم من بياض شعري طب عام جراحه عامه خلصت ٣ اعوام فتره تدريبي وقدمت ماجستير وانقبلت ردت انسى جروحي مجرد ماانشغل النسيان صعب جدا
اكبر كذبه الاشياء التنكسر تصدر صوت لكن انا قلبي انكسر دون ان يسمعه احد ..
درست الماستر خارج البلد وبالعطله رجعت لشمال العراق شفت بابا بعد كومه سنين بنته فتحت الباب جيت اسئل بس اريد اعرف عنوان لاامير لااي شخص من اقاربه .. بابا اجه سلم علي حتى محضني وبنته تقريبا عمرها ٩ حتى معرفها علي وكلها هذه بنتي .. واختج بنفس الوقت صاحته زوجته قبل لايحضني محضني حتى بالجذب اسمع زوجة بابا معصبه على بابا تعتقد مااسمع من تكوله هذه شعدها جايه متفهمني شتريد حتى اجيت اعيش بالشمال حتى مااختلط بااولادك لحكوني لهنا ..
مااستمعت اكثر طلعت من بيتهم حزنت بس مو هواي صار الحزن عادي شخص يضحي بنته بس حتى مايضايق مرته ... ابوي اليوم اعتبرته ميت كل اهلي ماتو ..
خذت شهاده الماجستير وفتحت عياده اطفال وكل ضروفي تغيرت سياره وبيت وخصصت غرفه لبنتي وجهزتها انتضر بس جيتها لحياتي مره ثانيه تمنيت الندم يدخل قلب امير ويرجع بنتي لحضني مرت سنه .. اجاني اتصال من رقم دولي ابو امير بالمستشفى وطلب مني السماح وانطاني عنوان ابنه يمكن اذا سامحته مجرد كلام اني بداخلي مااسامحه واعتبر اليصار مصار ... سافرت برى وصلت للعنوان دخلت حديقه البيت شفت طفلتين يلعبن بعمر سنتين و ٤ سنوات بعدها اجت طفله ثالثه بعمر ٩ سنوات من قربت عليها باوعت بعيونها حضنتها شميتها عرفتها بنتي هذه بنتي مااريد هاي الحظه تنتهي
شفت امير وزوجته الجديده بنتي تصيحها ماما وكأنها هيه امها فعلا ... امير فهمني بنتي ناسيتني وهذه امها وتمتلك هويه امريكيه واسم جديد .. فهمت كلشي منتهي ومتغير من زمان وقضيه بنتي صعبه طلبت شي واحد من امير يخبرها اني امها عسى ولعل تتذكرني فعلا بنتي تذكرتني من سئلتها تذكرتيني جوابها نعم لكن رفضت ترجع نعيش سوه ..رجعت للعراق صنعت لنفسي امل وهم وعلقت نفسي بيه حتى بنتي خسرتها .. تمر الايام والاشهر صار عمر بنتي ١٠ سنوات كل متصير عندي فرصه اسافر اشوفها معاملتها الي معامله الضيف دائما اني الشخص الغريب تعودت على هذا الشي قبل امي تشم ملابسنه وتخبرنه بيهن عطرنه الي هوه اطيب عطر اعتقدت تتكلم هيج بس حتى نفرح ونحبها اكثر فعلا كلامها صح ملابس بنتي بيهن عطرها اجمل عطر عطرها يحضن روحي
عمري ٣٠ سنه لكن شعري مليان شيب .. حياتي القديمه انتهت وحتى ذكرياتي راحت مجرد مااتخلى عني كل ناسي الاحبهم .. بيوم من الايام بعيادتي الخاصه دخل طفل وطفله من عمر بنتي او اكبر بقليل تؤام بنت ولد باوعت بس همه سئلته شلون بس انت محد جاي وياك من اهلك الطفل خبرني ابوه يخابر بره
سئلت عن اسمه اسمه حسن سئلته منو مريض رد اختي زينب اني اكدر اهتم بيها بابا خبرني اني اكدر ادير بالي عليها ..ثواني والد الاطفال دخل الصدفه ابوهم اخويه علي راح بالي وعقلي بعيد خذني لذكرياتي وياه وايام طفولتنه تماما مثل اولاده جنه سلمت على اخوي ولمست ايده وجهه بعد اكثر من ١١عام حرمان يسئلني شلونج خبرته زينه الحمدلله
سئلني جنتي عايشه برى ويه زوجج شلون رجعتي محد خبرني شكد صار من استقريتي هنا .. دموعي تنزل من قهري وضحكت من خبرني شلون رجعتي
جاوبته تمام الحمدلله بخير وعافيه لكن اني موجوده ماعشت خارج البلد عشت اهنا سنين طويله ..رد بتعجب مااعرف خبرته مومهم علي مومهم كل اليصار وياي لاتهتم ..سئلني عن بابا خبرته نساني من زمان مجرد ماحل بديل لاامي اني انتهيت صرت مو بنته ..مومهم انت اشلونك
جاوبني مرتاح وصارت عنده شركه مقاولات عنده ٣ اطفال عائلته متفاهمه ..بدون مشاكل
اخذ رقم تلفوني وسئلني محتاجه شي جاوبته سلامتك مامحتاجه شي ... اخوي راح واعرف بوقت جنت اني روحه وقطعه منه وحاليا مااشكل اي شي من حياته ... استمرت حياتي بهذا الشكل تعودت صار عادي صرت بالشهر مره اروح اشوف بنتي تعودت على وجودي بصعوبه صارت تتصل اذا اني مااتصل يوميه..يكفي اسمع صوتها ..
النهايه شام
..شكرا لمشاهدين القصه