# ١ قصص عراقيه # خواطر

قصص عراقيه #قصة سيدات القصر#خواطر

حكاية سيدات القصر1
قصه عشائريه صارت بلعراق بنيسان من المعروف جنوب العراق معروف مجتمع عشائري اهم شي عدهم الشرف وملتزمين ولازالو يأمنون ويأكدون الرجل المجتمع كله بهذه المحافظه جان شيخ قوي وغني يحكمها وعنده نفوذ وسلطه وعشيره عنده جبيره تسمع كلمته ...وعنده ولد واحد و3بنات كلهم متزوجين وعدهم جهال ...هذا الشيخ اسمه طالب وابنه اسمه ناصر وريثه عمره 30سنه عنده ولد وثنين وبنات متزوج مرتين وخاطب ...ابوه رجال جبير صار وناصر لزم العشيره لفتره طويله اكثر من تسع سنوات امهم العقل المدبر شتكول همه يسمعون وينفذون لان مره عضيمه ...ناصر اتزوج بت عمه خلفت بنات اثنين خلال تلث سنوات بعدها اتزوج بت خاله خلفت ولد ناصر بناته بلمدرسه وابنه اول ابتدائي يعني كبار .بعدين خطب الانسانه اليحبها ....ام ناصر اسمها عزيزه ومرت ناصر الجبيره اسمها فاطمه والزغيره زينب وخطيبته اسمها مها ...بت عمته ناصر عايش بقصر بنص مزرعه جبيره وعنده خدم ومزارع حيوانات واراضي زراعيه كل القصه بدت عام 2007 نص السكان جانو يسكنون ببيوت طين وبلوك لان القصر صاير بمنطقه ريفيه وقريب من الشط ...وبيوت جان عند الشيخ مضيف من البردي والقصب مصنوع ...الناس عايشه ومرتاحه وهمها الشغل والعيشه الحلال ...بغض النضر عن بعض الناس الطماعه..بدت القصه وجانت خطيبه ناصر الجديده جايه من الولايه جانت عايشه بالانبار جاين عطله مدرسه اخوتها ...دخلت للقصر ومن الصبح الخدم مشغولين بلترتيبات والاستقبال .من دخلت باوستها ام ناصر وخالها ابو ناصر رحب بيها بوقتها ناصر موبلبيت فاطمه شافتها جانت واكفه وتباوع من فوك الدرج همه لهجتهم مختلفه ...اجتها ضرتها هم شافتها ..
زينب:ها ام زهراء اشوفج تباوعين من فوك خايفه منها
فاطمه:منين اخاف خافي على روحج اني جربت هذا الشعور الجاي تحسين بيه انتي من زمان
زينب:ياشعور
فاطمه:شعور يحرك الگلب ويخلي المريه تتخبل ..
زينب:اي والله جاي احس نفس الشعور
فاطمه :حيل موبس اني انقهر انقهري
زينب:شمسويتلج اني
فاطمه:هسه صرتي شمسويتلي تذكرين من جبتي كيان شگلتيلي كلتي انتي ام البنات اني جبت الشيخ
زينب:جنت ماافهم يمعوده عبالي حققت انجاز عادي كيان اخذيه مااريده المهم انكون خوات ...
فاطمه:الشيخ ماوكف بعينه لاولد ولابنيه راح وعشك بت زكيه ...نزلن الضراير سلمن على مها وامها واخوتها
الشيخ طالب راح للمضيف دخل وجان الزلم كاعده كلها وكفت سلمت عليه ...كعد بمكان ابنه ..
ناصر:شيخنا انشالله ماصاير شي
الشيخ :اجت مها روح ابني للقصر...ناصر ضحك وراح للقصر...
ناصر: اني رايح شيخنا ...
ناصروخطيبته كاعدين بحديقه القصر اجت خادمتهم وخلت النرگيله كدام الشيخ وراحت ناصر يشرب بخطيبته النرگيله ويضحكون ...زينب وضرتها يباوعن من الطابق الثاني من الشباك ويتحاجن
زينب:شوفي يشربها نركيله ويضحكون
فاطمه :هاي لو اني اشرب والله يفلش اسنوني،
زينب:اي وشوفي بدون حجاب وتتماوع
فاطمه :اني استحي والبس حجاب كدامه والله استحي وبينه عشره عمر
زينب:شوفي فاطمه اذا ناصر اتزوج مها بعد مايباوع بشكولنه لازم نتحرك نسوي شي
فاطمه :شنسوي
زينب:نسوي مثلها بعدين افهمج ...
ناصر وخطيبته يسولفون ويلزم بديها وبشعرها يسرح بيده ..صار الليل وجانت لليله زينب ناصر دخل لغرفته وجانت زينب متأنقه ولابسه ومتعطره ومكياج اوفر
دخل بدل ملابسه ونام ...باوعت عليه اتمدد بلسرير وغطى وجها ....زينب بصبعها لمسته بجتفه وحاجته
زينب:شيخنا ابو زهراء شنو نمت
ناصر بعد الغطى عن وجها
ناصر:اريد انام شتردين ...رجع غطى راسه ونام .
صبح الصبح .وجانت زينب كاعده بلحديقه تشرب جاي وكعدت يمها فاطمه
فاطمه:هااا شسويتي ..شنو ليش متردين
زينب:ام زهراء ساعتين اعدل ابروحي واخر شي ماشاف وجهي وماانتبه عليه نام
فاطمه :انتي ماتلفتين نضر شوفي اذا مااخليه الليله يعوف مها..
زينب:ورينه شطارتج .
بيومها ناصر رجع للبيت بدل وطلع والصبح يالله رجع
وجانت فاطمه كاعده بلحديقه وشاده راسها بلشال اجتها زينب وكعدت يمها
زينب:بشري ولج الشيخ عافها مها شسويتي
فاطمه :البارحه ساعتين امكيج واعدل واخر شي هفني بوري ومااجه ...
زينب:هههههه طلعت اني ماالفت نضر وانتي تخليته يعوف مها والله خوش طلعتي شطارتج ..
فاطمه :البارحه مانمت وانتضره ولصبح مااجه .
ناصر الصبح يتمشى بمزرعه القصر ...
ناصر :اني الشيخ ناصر ابن الشيخ طالب عمري 30سنه اني اسمر وطويل وجسمي رياضي وشعري اسود وعندي لحيه حقيقيه ..اني مااحب الحجي الهواي ومااحب النفاق احب السلام والخير لأهلي ولعشيرتي
اني اتزوجت فاطمه جان عمري عشرين ماجنت رايد اتزوج بس ابوي وعدني لو عجبتني اي بنيه يخطبها الي خلفت زهراء وبنين بناتي حلوات شكر لان امهم شكره بعدين اتزوجت زينب وخلفت كيان نسخه مني
زينب هم حلوه وبيضه نسواني حلوات بس اني ماعشت الحب الابعد ماعرفت مها موجمالها الجذبني اكوشي بيها خلاني
سيدات القصر2
اعشقها مها طويله وجسمها حلو عيونها كبار ورموشها سود موبيضه كلش ولاسمره شعرها اسود مواصفاتها عربيه اصيله راح نتزوج بلربيع ولان هسه شته مااتزوجها ..
ناصر يمشي بأطراف المزرعه ومر من يمه شاب ومسلم عليه ولا جنه شايفه وهذا شيخ شلون ميسلم عليه
ناصر:كمال اوكف؟ شنو اعمى لو متشوف متسلم على شيخك لو متتشرف بيه كشيخ
كمال:انته شيخ على روحك موعليه .
ناصر :كمال حاب تسنجن بسجن القصر
كمال :لانك ماتكدر لي تفرض سيطرتك وتسجني مخايف منك ولامن تهديدك
ناصر:وتتمشى بمزرعتي وتطول لسانك عليه الا اكص السانك انجر كدامي ...ناصر صاح على حرسه وجرو كمال لسجن القصر وكمال قصته قصه هوه ميحب ناصر وبينهم كره .
ثاني يوم طش الخبر بلقريه وسمعت ام كمال وخاله رزاق خاله راح للقصر اتواجه ويه حارس السجن ومخلاه يحجي ويه الشيخ ناصر رجع للبيت وحان بيته متواضع عايش ويه اخته رجال خمسيني كعد شرب مي وجان مقهور ..
ام كمال:بشر خويه حجيت ويه الشيخ كالو يطلعونه
رزاق:ام كمال ابنج ابو الطلايب متجاوز على الشيخ ناصر الشيخ سجنه مايكعد راحه
ام كمال:شسوي ناره مشتعله مايكعد راحه شوكت يطلع فدوه مكالك
رزاق:ماادري الشيخ مقبل يواجهني وابنج رايح يضل بلسجن ..
ام كمال:مالي غير الشيخ طالب احجي وياه بلكي يطلعه ماراح يخليه بلسجن .
رزاق :حنيتي كله من وراج انتي وابنج هذا من وراج راح ايضيع روحي يالله .
ام كمال راحت للقصر ومخلوها تواجه احد بلقصر ضلت كاعده بلباب بلترابه وتنتضر لحد مااجه الشيخ الطالب المغرب ..وشافها ظلمه معرفها
طالب: ليش كاعده اهنا أمري خويه ويتحاسب الخلاج كاعده وماقدرج وانتي گاصده قصر الشيخ
ام كمال:شيخنا مايأمر عليك ظالم بس ابني يمكم بلسجن اريد ابني مالي غيره بلدنيا
طالب:ابنج بلسجن شمسوي ابنج ماعدنه مساجين احنه شسمه ابنج
ام كمال: اسمه كمال شيخنا
طالب:كمال انتي اخت رزاق حكمه
ام كمال:اي اني حكمه ام كمال ..
طالب:ماعاش الي يخلي كمال بلسجن لحظه كمال ابني لونسيتي متغيره ياام كمال كلش ...تعالي وراي للحبس
الشيخ وكف باب الغرفه وفتحو الباب وكمال وگف
طالب:كمال تعال ..كمال وكف يم الشيخ
طالب:انته شمسوي ليش بلحبس منو حبسك
كمال:شيخنا ناصر هوه حبسني
طالب:شمسويله
كمال: استحي مااحجي شيخنا سوء تفاهم ويصير بين الاخوه
طالب:اصيل وماتريد تفضح المشكله البينك وبين اخوك روح ويه امك ولاتسوي مشاكل بعد ومن تحتاج شي اني موجود لاتخجل مني ..
كمال باس الشيخ بيده وراح ..يتمشى ويه امه وامه تحجي ومعصبه
ام كمال :الله بلاني بيك وبشرك صرت اطول مني رجال شكدك وبعدني اركض وراك ليش يمه مااكسر خاطرك ماتكول امي ربت وتعبت وانكسر ضهرها عل الاقل اخليها مرتاحه وصير عاقل
كمال:اسمعي يمه لانك ماارتحتي وانكسر ضهرج اني احقد عليهم كلهم اني ابنه وناصر ابنه ويفرق بينه ليش متخلي عني وعايش مثل الخدم العنده
ام كمال:يمه اسكت موكتلك الف مره من جنت ازغير رادوك مني وينطوك حقوقك واني جلبت بيك من عشت وياي سقط حقك احقد عليه اني موهوه .
كمال:يمه انتي تاج راسي بس ابو ناصر مااحترمج وعافج لانج بنت الخدامه وام ناصر بنت الشيوخ اشلون ايزعلها ...
ام كمال:راح تجلطني انته واموت من وراك تالي عمري .دخل كمال للبيت وخاله تلگه وياه
رزاق:هاولك ابو الطلايب طلعوك من الحبس
كمال:انته شتشوف كدامك خالي
رزاق:مدري عليمن طالع ابو المشاكل حركت اكلوبنه عليك ليش خالي ليش
كمال:خالي اشرب شنو اليوم مشارب بس تشرب تنسى اني اشسويت بعدين اني الشيخ كمال
رزاق:بن شنو شيخ كمال ابو حلگ
كمال:اني بن الشيخ رضيت واذا مارضيت وناصر مو اقل مني حتا يصير شيخ شايف روحه على شنو
رزاق:حكمه احجي ويه ابنج لايجيبلنه طركاعه
حكمه :مليت من الحجي شحجي مايفهم
كمال:اني صاحب حق وعايش بيت طين وناصر عايش بقصر وسيارات وخدم ومتزوج احلى بنات .
رزاق:انته ابن حكمه اجيت ممرقوب بيك جدك مرادك لانك ابن حكمه وابوك اتزوج امك بلسر من درو نهو علاقته بيها من جابتك رادو ياخذوك لوما طالب عافك الها
كمال:ادري بهذا الحجي عدتوه ميت مره الشيخ ميريدني لان عنده ناصر ميحب اخوه يشاركه بكلشي فاتخلى عني
رزاق:لا الشيخ طالب گلبه طيب بس عمه الشيخ مزعل ابومرته جان هوه الشيخ ومعنده ولد من سمع بعمله ابوك راد ياخذك وابوك اعترض مااخذك لان ميريد ايزعل امك من عارض ابوك الشيخ مزعل حرموك وجردوك من كل حقوقك واعتبروك طفل مومنهم شخص غريب
كمال:اني شنو ذنبي عمري 28سنه ماالي احترام ممكون نفسي ناصر بشنو احسن مني كون كلشي عنده اني امتلكه ..
ثاني يوم الصبح ناصر تواجه ويه ابوه بلقصر جانو كاعدين سوه ابنه اترخص منه يحجي وياه
ناصر:شيخنا كمال طلع من السجن ماجنت رايده يطلع
طالب:ناصر كمال مااريده ينسجن مره ثانيه عيب هذا اخوك
ناصر :ميشرفني يكون اخوي
طالب:ناصر
ناصر:اعتذر شيخنا بس هوه اتجاوز عليه واذا مااهدده واسجنه راح يتمرد
سيدات القصر3
طالب:ماراح يعيدها
ناصر:كمال يغار مني
طالب:حقه ايغار لان هوه عايش وين وانته وين
ناصر:خليه فكر ومغرور شحال لو جان عنده فلوس طالب:المفروض تفكر باخوك وتساعده انته واشوفه اشمحتاج
ناصر:هذا مواخوي شيخنا اعذرني على هذا الكلام هوه ميرتاحلي واني هم ماارتاحله . ..
مر يوم مثل كل يوم ناصر بلديوان هوه وابوه مجتمعين كل يوم بلليل وبعد السهره يرجعون ..ناصر مخصص وقت يقضي ويه اطفاله يكعد يمهم ويحجي وياهم خلصت عطله نصف السنه ومها راحت للأنبار وناصرضاج لان خطيبته راحت وزينب وضرتها خلصن منها بعد ماراحت مها ثاني يوم الصبح راحن فاطمه وزينب لصالون غيرن شكل ورجعن حتا يلفتن نضر ناصربعدين رجعن وجانن بلقصر بغرفه فاطمه كاعدات ويختارن شيلبسن صارن يهتمن بنفسهن اكثر شي بلليل جانت ليله زينب جان الشيخ متمددعلى السرير
وزينب گدام المرايه تمشط وتسوي حركات عود رومنسيه بعدين اجت وكعدت يمه
زينب:ابو زهراء
ناصر:كولي ام كيان
زينب:انته اتحبني
ناصر:جوابي احبج ياام كيان ليش حتى مااحبج انتي اتحبيني
زهراء:وتسئلني واني اموت عليك .مرت يومين وجانت فاطمه كاعده بلحديقه ويه زينب
زينب:ها ام زهراء شحجيتو البارحه
فاطمه:شحجيلج لصبح غزل يحبني ولج يحبني
زينب :شكلج ولج
فاطمه :كتله انته اتحبني كال اني احبج وليش حتى مااحبج وسئلني انتي اتحبيني وكتله احبك بخجل
زينب:اشلووون اني هم سئلته اول البارحه وجاوبني نفس الجواب كلي احبج وليش حتى مااحبج
فاطمه :اشلووون
زينب:معقوله يضحك على اعقولنه
فاطمه :لا بس ناصر مورومنسي دائما جدي وثكيل
زينب:اي ثكيل وزين منه كال احبج الحمدلله بس خايفه يتزوج مها وينساني
فاطمه:ينساج لامينساح هوه حقاني بس كسر خشمي بيج وقهرني دمرني
زينب:اني مقهوره شسوي مااريده يتزوج عليه
فاطمه:مثل ماقبلتي تتزوجينه وهوه متزوج قبلت مها بيه وراح تتزوجه راح نتعادل يازينب
زينب:فاطمه انتي اتزيدين ابوجع كلبي اكوم احسن .
بلليل جانت خال رزاق شارب وسكران ويمشي يتردى بلشارع يريد يرجع للبيت وبلصدفه مر من يمه الشيخ ناصروياه السركال خلف وزلم اثنين .رزاق شاف اليشخ وحاول يوكف بدون مايتراجف ويتوازن
رزاق:اشلونك شيخنا
ناصر:هلا برزاق شبيك تتلوه شارب ولك
رزاق :لا ماشارب شيخنا بس السكر مرتفع ومااكدر اوكف راجع للبيت
ناصر:ريحه الشرب طالعه منك هسه عرفت كمال على منو طالع ثنتين الولد عل الخال ..يالله يازلم خل نرجع للقصر ..
رزاق دخل لبيته دفر الباب ويغني ودايخ
حمكه:هاخويه ليش شارب وطاب هيج ليش
رزاق:عوفيني حكمه انسى
كمال يغسل بديه بلحوش
كمال:يمه عوفيه شتردين منه فوك هم الدنيه انتي لاحكته شمسويلج
حكمه:اني اخاف عليه
كمال:يالله يمه حضرينه شي ناكله
حكمه:سويت بيتنجان ودهن حر وجاي
كمال:مليت كله دهن حروبيتنجان
حكمه:عود اشتغل بعدين كوم اتشرط
كمال:ششتغل فلاح مااريد الزم كرك واتفلح
حكمه:دكوم اكل بيتنجان واسكت .
رزاق:كمال امك اتبيع حليب من هوايشها ودهن ومعيشتك وتتطلب عليها شكد عمرك يصير موعيب
كمال:خالي مودافعتلك شو هسه گلبت عليه...
الصبح جان دوام مدارس ودوام الطلاب متعاكس المدرسه يدرسون بيها شفتين ولد وشفت بنات رجع كيان وراحن زهراء وبنين وصلهن السايق الضهر صار العصر وكيان يلعب طوبه بلشارع كيان عمره 7سنوات ضرب الطوبه واجه بلصدفه كمال وضربته الطوبه ابرجله كمال الطوبه صارت يم رجليه
كيان:ممكن تشمرلي الطوبه
كمال:انته ابن منو ولك شكلك موغريب وهذه الطوبه والكشخه مومال واحدعادي
كيان :اني كيان ابن الشيخ ناصر
كمال:افتهمت هاك طوبتك على ابوك ابو السان بلليل كيان كاعد ابحضن ابوه ويحل بلواجب مالته ..اجت ام ناصر جان وقت عشى
ام ناصر:ناصر كوم العشى جاهز بعدين درس الولد
ناصر:كيان ابني مااريده مثلي يترك بعد ماخلصت اعدادي اريده ايصير دكتور
كيان:بابا اليوم واحد گلي انته على ابوك ابو السان
ام ناصر:بيبي كيان عيب هذا الحجي
ناصر:منو كلك
كيان:مااعرفه بس هوه شاب ماشايفه قبل .
ناصر:كيان كوم حبيبي نتعشى
بلليل ناصر يم زينب جانت ليلتها ناصر يحجي وياها
ناصر:زينب اسئلج وجاوبي بصراحه
زينب:اسئل شيخنا
ناصر:لومتت فرضا هم تتزوجين من بعدي
زينب:يمه اسم الله يومي قبل يومك
ناصر:جاوبي زينب
زينب:لا ما اتزوج ولاتكلي اموت ومن هذا الحجي لان بكلامك هذا تموتني اني ..
ناصر اتمددعلى السرير وتذكركلام خطيبته من اجت جانت كاعده كدامه بلحديقه والحديقه ملاينه ورد قطع ورده حمره وخلاها بشعرها
ناصر:احبج انتي هم اتحبيني ...ضحكت هيه وردت
مها:اي بس شويه وكلما اتحبني انته اكثر اني احبك اشويه اكثر
ناصر:ليش اني احبج احبج ليش متحبيني بكد مااحبج
مها:ناصر اني مااكدر اكلك احبك واموت عليك مااجذب عليك بس احب اكلك انته الشخص الوحيد القررت ارتبط بيه ومامستعده ارتبط ابواحد غيرك
ناصر:لانج تحبيني وماتعرفين شنو الحب
ناصر:مها لوتزوجتج ومتت هم تتزوجين غيري
مها:لا
ناصر:عرفت انتي وفيه الي
مها:كتلك لا اريد اصير اوفى منك لان الرجال بعد اربعين مرته يتزوج عل الاقل بعد مااترمل اكثر شي اضل ثمن تسع اشهر واتزوج
ناصر:هاااا ليش حبيبتي موجنتي تحبيني ليش
مها:قابل اموت وراك لو متت اني عندك بديل بدون ماتترمل انته عندك احتياط اني اوفى منك
ناصر:بسيطه مااموت اذا ماتموتين وياي ...
بعدين زينب حاجت ناصر وانتبه لان جان ايفكر
زينب:ابو زهراء بيك شي ليش صافن
ناصر :ماكو شي ...وره يومين العصر جانت فاطمه كاعده بلبلكونه وتباوع بلحديقه الجهال يلعبون سوه وياهم جهال الخدامه اجتها زينب وكعدت وياها
زينب:ام زهراء اشوفج فرحانه كولي شحجيتو البارحه انتي والشيخ
فاطمه :كل ماتجي ليلتي انتي تسئلين احب اكلج احله ليله بس هوه نكد عليه بسؤال وخلاني ابجي
زينب :هاولج يريد يتزوج مها هسه مواحجي ولج
فاطمه :لا كال تتزوجين من بعدي لومتت وكمت ابحي متحملت الحجاه
زينب: ناصر اليحجي الي يحجيه الج ولج سئلني نفس السؤال والله
فاطمه :خاف مريض زينب تعرفين شي اني مااعرفه
زينب:شبيج والله مابيه شي ...احجي بعد شكال
كمال وامه كاعدين وخاله وياهم الجو جان بارد وكاعدين بره وشاعلين نار ويشربون جاي
حكمه:كمال يمه انته خوش ولد ومرتب وحلو ليش ماتزرع كاعك وتستفاد منها تعتمد على روحك وتتزوج
وتلحك على خلفتك
رزاق:اي خالي كمولي صير رجال
كمال:مو بهاي السهوله اني اصير فلاح
حكمه:كل الوادم فلح شبيك يمه هاي كاعك وخيرها الك انته تستفاد منها
كمال:لا اتزوج ولاشي لان ابوي مااستفدت منه ولاهوه استفاد مني ولاقبلني ليش حتا اتزوج
رزاق:موكل الاباء سوه
كمال:الشيخ طالب اب حنين لناصر وبناته بس على حدي كلشي ينتهي ..
حكمه :هذا موموضوعنه يمه كمولي عمرك 27سنه كبرت بمافيه الكفايه اريد افرح بيك اعتمد على روحك كاعك بدل ماسارحه بيها الهوش ازرعها واستفاد
كمال:اني طالع لان ضجت كلش ...كمال طلع من البيت وضل بس رزاق واخته
رزاق:ابنج هذا بيه شي دومه معصب ويتعارك ويه الرايح والجاي اضنه خبل عليمن طالع
حكمه:هذا حضي المعثر خويه
رزاق :حضج مثل حضي اني هم اتخلت عني عائلتي وجهالي القهر مالي كلبي
حكمه:اسم الله على كلبك خويه ...
كمال يمشي بلليل على الشط والجه بيها زرع والمكان كلش حلو جان يتمشى ناصر وزلمه جانت لليل ناصر شاف كمال كمال ماسلم على ناصر
ناصر:راح اصير احسن منك واسلم اشلونك كمال
كمال:بخيررر
ناصر:اكيد عايش ابخير لان اني موجود وحامي عشيرتي وكلها عايشه بأمان
كمال:عايش بفضل الله اني موبفضلك ياشيخ ناصر
ناصر:غصب عنك شيخك وتاج راسك
كمال:شيخ على روحك لاتغر لانك مو احسن مني
ناصر:احسن منك اني وتاج راسك وهلك اني شيخ وانته ابن الخدامه حكمه
كمال ضرب ناصر ودفعه وضل نايم على كلبه عصب منه وزلم ناصر رادو يلزمون كمال ويضربوه ناصر منع تدخلهم ناصر قوي دفع كمال وضربه ومدده بلكاع وسحگ على كلبه
ناصر:انته هذا مستواك جوه رجلي
كمال:انته نذل امي اتشرفك وتشرف عشيرتك ياحقير ناصر ضرب كمال موته ضرب ناصر انضرب بس مومثل كمال اتأذى ...رجع كمال للبيت ونام ومحد لاحض نام مثل الميت وملابسه اتشگگت نايم بره بلبرد ناصر رجع للبيت جانت ليله زينب ومااجاها راح نام يم اطفاله الصبح نزل يتريك بلحديقه ويه ابوه
طالب:ناصر بويه منو ضاربك
ناصر:ماكو شي بويه بسيطه لاتاكل هم
طالب:حلكك مجروح وخدك مزورك وتكول بسيطه ويه منو تعاركت
ناصر:ويه كمال اعذرني شيخنا بس من شفته مكدرت الزم نفسي
طالب:انته الجبير الزغار تتعلم منك ليش تتعارك هوه اخوك الزغير ياناصر
ناصر:نسيت روحي من شفته ماادري فقدت من شفته
طالب :ليش تعاركتو احجي
ناصر؛تعاركنه ومشى الحال ...
حكمه جانت تسوي بلحليب كملت طلعت شافت ابنها نايم بلكرسي ومبهذله حالته صرخت هيه
حكمه :يمه كمال ابني شبيك صاير شي منو سوه بيك هيج كمال كعد على صرختها
كمال:يمه خوفتيتي صاير شي
حكمه:انته منو مسوي هيج بيك منو ضربك رزاق اجه على صوت اخته وشافه وهم سئل نفس السؤال
كمال:ماكو شي بسيطه
رزاق:انته مزورگ وشبعان كتل وتكول ماكوشي منو ضربك احجي
كمال:خالي الضربه الماتموت تقوي صاحبها
حكمه:ربي شمسويه اني بدنيتي ليش هذا جزائي
رزاق:اسكتي لاتبجين كافي ابنج مابيه شي ولسانه عم عليه وراح ياكل كتل اكثر ابشرج .
زينب جانت تتمشى بلحديقه ومتوتره تفتر وضايجه اجتها ضرتها
فاطمه :هاولج احجيلي البارحه اشحجيتو انتي وناصر
زينب:جايه تسئلين وتدرين بخيانتج منومته يمج ومخليتني انتضر لصبح ليش ياخاينه
فاطمه:شنو قصدج ناصر مااجه بس هوه مويمي والله مااجذب عليج شبيج
زينب:جاوين كضاها البارحه عود خميس وفرحانه
فاطمه:خاف نام برى
زينب:سيارته بلقصر ...زينب شافت ابنها يلعب طوبه
زينب:كيان تعال ولك
كيان :هاماما شتردين
زينب:ابوك ماشفته اليوم انته
كيان :اي
سيدات القصر5
كيان :اي شفته
فاطمه:وين شفته
كيان :الصبح طلع
زينب:بس من طلع الصبح اشعجب ماطلعت وياه واليوم جمعه
كيان :البارحه نمت بحضنه لصبح
زينب:ولج تعالي ...زينب وفاطمه راحن يتمشن
فاطمه:شكو ولج اشصاير
زينب :معقول مل من عدنه وكرهنه
فاطمه:اشلون يعني مل من عدنه معقوله الرجال طفر من عدنه يبختج يامها اشلون حض عندج ...
الضهر جان وقت غده والعائله متجمعه كلهم على الغده وينتضرون ناصر وابوه الشيخ طالب ..اجو سلمو وكعدو ونسوان ناصر انتبهن على وجه ناصر وحده باوعت بوجه الثانيه وعدهن تساؤلات ...
طالب :يالله بسم الله ..بنين بنت ناصر شكره وحلوه
بنين:بابا وجهك شبي
فاطمه :بنين ماكو حجي على الاكل اسكتي .رادت تسكت بتها ابوها سمعها وتذكر طالب اشلون ضربه
كيان:بابا مايوجعك شي
زينب:كيان.
ناصر:لا اني مايوجعني شي لاني جبير ...كل مايمر الوقت يبرد الجو وتمطر اكثر بيوم جان احد وبارده والجو ضباب ماينشاف شي ناصر اخذ ابنه للمدرسه كيان مثل كل يوم باي ماما ..المدرسه بعيده شويه اخذه ابوه بلسياره جان يمشي سريع والجو ضباب مايكدريشوف شي فصارحادث وانگلبت السياره بلشارع لان انصدمت ابعمود كهربائي وانكلبت نقلوهم للمستشفى وطالب اتصلو بيه من المستشفى وماصدك ولمن اتلقى خبر موت حفيده انجلط البيت صارت بيه هوسه وزينب مادرت ابنها ميت محد گلها وللمستشفى ماوصلت طالب بلانعاش وابنه بالانعاش ماضلت عدهم زلم ام ناصر وحرسها بلمستشفى لحد ماعرف كمال واجه للمستشفى شاف مرت ابوه
كمال:عمه اشلونج
ام ناصر:كمال
كمال:سمعت من الناس صاير وياكم حادث انشالله ماكو شي
ام ناصر:الاعرفه انته وناصر ماتتراهمون
كمال:عمه مهما صار احنه اخوان ثاني شي هذا ضرف عيب الغريب يوكف وياكم واني منكم وبيكم مااوكف وياكم بهيج محنه
ام ناصر:ياابني مصيبه وطاحت على روسنه
كمال:لاتبجين عمه بس كولي احجي شي الخاطر الله
ام ناصر:ابوك مجلوط بالانعاش وابن اخوك كيان مات واخوك بالعنايه المركزه بين الحياة والموت ...
كمال:عمه ارجعي للبيت اني موجود روحي ارتاحي ..
اني راح افهم من الطبيب شنو الموضوع .
ام ناصر:مستحيل مااتحرك خطوه واعوف ابني ..
كمال راح حجه ويه الجراح المشرف على حاله ناصر اسمه دكتور اكرم شافه بلمكتب وعرض الاشعه .
كمال:دكتور حاله ناصر طالب شلونها
دكتوراكرم :انته شتصير من المريض
كمال:اني كمال اخوه من غير ام
دكتوراكرم :ناصر حالته حرجه ابنه وصل ميت صعب واحد يتعرف عليه بسبب شده الحادث وناصر صار عنده قطع بلوريد الرئيسي بأيده اليمين بغض النضر عن الكسور بسبب النزف الحاد الصار كلاته توقفت عن العمل بشكل رئيسي
كمال:شنو العمل
دكتور اكرم:كمال ابني اخوك صعب ايعيش لازم يصحى بلبدايه واذا صحى من الغيبوبه نحوله مستشفى خاص ويحتاج نقل كله مطابقه والعمليه مكلفه وصعبه وتحتاج متبرع
ناصر:دكتور سوي اليتطلب وفلوس موجوده انقله الافضل المستشفيات المهم يعيش
كمال :طلع وراح سئل عن ابوه ...بلليل صحى ناصر وطلب ايشوف ابنه وامه اجته
ناصر:كيان وين
ام ناصر:كيان بلبيت مابيه شي المهم انته تصحى
ناصر؛اريد اشوفه اتجذبين عليه
ام ناصر:ليش حتا اجذب
ناصر:ابوي وين
ام ناصر:ابوك هسه راح للبيت يرتاح من يجي اخليك اتشوفه ويجيبلك كيان هم ..
ناصر: ليش وحدج يمه محد وياج
ام ناصر:كمال اخوك وياي ماقصر
ناصر:شعجب يمه
ام ناصر:مهما صار هذا اخوك
ناصر:يمه اني تعبان احس نفسي بعد مااطلع من هذا المكان ولاراح ارجع وياكم
ام ناصر:اسم الله عليك يمه ليش تفاول على روحك
ناصر:فاطمه وزينب امانه ديرو بالكم عليهن بنين وزهراء يمه ذني بنات خطيه اريدكم تتعبون عليهن وتهتمون بيهن ومتقصرون وياهن .لاتجبروهن على شي بعدين ذني قطعه مني
ام ناصر:انته راح تطلع وتهتم بيهن يمه بس ليش بس بيهن وصيت
ناصر:لان كلبي يكول كيان بيه شي وانتو ضامين عليه
الصبح نقلو ناصر لبغداد لمستشفى اهلي وكمال اول متبرع لأخوه وخدم ناصر هم راحو علمود التبرع والنسيج محد قصر ناصر وره اربع ساعات يالله وصلت سياره الاسعاف لبغداد وازدحام داخل بغداد وصل للمستشفى وتعبت حالته وسائت الطبيب بعد مااجرى الفحوصات والتحاليل لگه تسمم حاد بهذه الاثناء كمال سوه تحاليل وطابق النسيج وجهزوهم اثنينهم للعمليات لبس الازرگ ودخل للعمليات ينتضر وحجت وياه مرت ابوه
كمال: كمال انته ابني الثاني لانك راح تنقذ حياة اخوك ادري ضلمناك بس اوعدك كلشي راح يتصلح
كمال:عمه مااجذب عليج واكلج احبه ولسواد اعيونه اتبرع بس هاي الاصول اني واحد منكم ثاني شي هوه صاحب عائله لازم يعيش على مود عائلته ...
ام ناصر:ابن اصول وحقك لو حجيت لان فرقو بينكم اجت خطيبه ناصر تبجي طلعت ام ناصر تلكتها وبجت بحضنها الطبيب راح يركض شاف المريض ناصر فاقد الوعي ولونه صاير ازرك طلبو الاطباء وجهاز الصدمه وحاولو وياه وتوفى اثر التسمم ...ام ناصر اغمى عليها ومها كعدت بلكاع تبجي