# ١ قصص عراقيه # خواطر

قصص عراقيه#خواطر

قصة بدون عنوان
الحب شيء نادر لايمكن الحصول عليه بسهوله الحب يكلف الشخص رحله شاقه ومتعبه
البحث عن الحب اشبه بالبحث عن الالماس في مناجم الفحم ..
لااريد عشقا ولاهيام ولااريد شخص يكون مجنون بي اريد القليل من الاهتمام والقليل من الوفاء ويكون لي مكان صغير في قلب الشخص الذي يختارني ...بحثت كثير وانتضرت كثير
لكل امرأه خلق لها رجلا يكون يحبها يكون نصيبها ... اسمي سمره
تأخرت كثير ولم يحين دوري بعد حتما هناك خطأ لكن ماهوه ذلك الخطأ بحثت كثير حتى نضرت للمرآة كثير لم ينقصني شي لكن لماذا يحدث معي هكذا اصبحت في منتصف العشرين من عمري بعد ان تخرجت من الجامعه قسم انكليزي عملت استاذه  في ثانويه اهليه
كانت لدي صديقتي مدرسه في نفس المدرسه ارادت عمل اخر لكي تهتم بمتطلبات اطفالها اكثر انا وصديقتي من نفس العمر ونمتلك نفس الموهبه هيه الخياطه ..
اسمي سمره  عمري ٢٦ سنه موضفه في ثانويه اهليه تحصيلي الدراسي كليه قسم انكليزي عندي صديقه من ايام المتوسطه كملنه سوه وحاليا بنفس الثانويه ندرس سوه صديقتي متزوجه وعدها طفلين احتاجت شغل اخر بس حتى توفر كل احتياجاتهم موهبتها فقط الخياطه ..بحثنه عن عمل الها موجوده شركه تصميم صغيره لكن  الها اسم ومعروفه على مستوى العرب تصميم فساتين وبدلات اعراس على امل تنقبل محاسبه او بقسم المبيعات دخلنه لشركه الاطابق الارضي كان مجمع وصاله عرض يبيعون بيها سئلت احد الموضفين اذا محتاجين موضفه خبرني الموضف ممحتاجين احد بالشركه واذا احتاجو يعلنون على صفحتهم الخاصه بالشركه .. بعدها تكلم شخص اخر اول مدخلت لشركه شفته يرتب بدله زفاف
سئل لمنو الشغل رديت لصديقتي ..شفته قرب مني وباوع حسيت نضرته مومريحه وكلها غرور نضره من راسي لرجلي ..رد علي مره ثانيه وانتي ..خبرته اني موبحاجه عمل ..ضل يباوع خجلت رديت عليه شكرا واسفين خذنه من وقتكم .. درت وجهي وخبرني احنه محتاجين احد ويانه بالشركه اني علي بارون المصمم وصاحب الشركه .. اني اتشرفت بيك
علي / الشركه محتاجه شخصين لحظه انسه محتاجين شخصين اذا ماقبلتي صديقتج متنقبل
سمره / هذا مو عدل سيد علي اني من البدايه وضحت نقطه العمل لصديقتي اني مو بحاجه العمل ..
علي/ الراتب موقوي للموضف العادي يعني اذا داوم نهار كامل نحسب ٦٠٠ الف بالشهر حقج بس اني راح احسبلج ٨٠٠ الف مبينه شاطره وعندج موهبه
سمره/ ٨٠٠ الف مبلغ مرتب
ايه / صديقه سمر همست بااذن سمر وافقي فتره وبطلي فدوه اريد اسد الاقساط تعبت
سمر/ اني اداوم مسائي مرتبطه بدوام اخر حتى صديقتي
ايه / راح تخربينها علي سكتي
علي/ حتى لو اني موافق ونفس الراتب هم مااغير كلامي .. الدوام من باجر بعد تفرقكم من دوامكم الصباحي
سمره انتفقنه وطلعنه من الشركه بس لخاطر ايه وافقت لان تمر بضرف صعب 

ثاني يوم مرحت لثانويه وقت المساء اتصلت ايه طلبت مني اتجهز ونروح سوه رحنه لشركه مصمم الشركه علي اخوه يساعده ويلهمه باافكار اول يوم صديقتي ايه تعطيه الاغراض البسيطه واشياء الزينه المستخدمه للفساتين واني الزم القماش وانطيه اشرطه القياس يعني مساعدين
مرت ايام صديقتي ايه كلش مؤدبه وخجوله ..
بيوم علي طلب الكل يطلع من القاعه فقط اني واخوه نبقى .. جان كاعد على الكرسي ويفكر حتى عيونه ماترمش اخو علي اسمه حسن