Arianne's POV
Hindi ako makapaniwala na kaharap ko ngayon ang bestfriend ko. Ang laki talaga ng kasalanan ko sa kaniya. Wala man lang akong ginawa para tulungan siya noong nasa binggit siya ng kamatayan. Marahil mas pinairal ko ang aking galit that time.
Kung maaari lang sanang ibalik ang oras, sana noon palang ay pinatawad ko na siya dahil wala naman talaga siyang kasalanan sa akin. Nagmahal lang siya.
Naalala ko pa noong panahon na iyon. Yung masayang salu-salo ay napalitan ng kapighatian ng may dumating na unos na naglagay sa peligro ng aming mga buhay.
"Nandito na tayo! Sana i-enjoy niyo lang ang Christmas party natin." Pahayag ni Agatha pagkarating namin sa pagdarausan ng aming Christmas party na magkakaklase.
Hindi ko maalala kung ano ang pangalan nung lugar basta bundok siya. Maganda yung lugar tapos tahimik. Wala ka ngang makikitang tao sa paligid eh. Ang mas nagpaganda pa sa lugar ay yung mataas na talon. Mababaw lang siya hanggang tuhod, pwede ka talagang maligo at magtampisaw.
"Ganito ang masarap na pasyalan. Tahimik! Wala talagang iistorbo sayo." Bungad ni Ramil.
Napagdesisyunan namin na mag-overnight doon kaya may dala kaming mga tent. Pinaghandaan talaga namin yung araw na iyon para mag-enjoy kaming lahat.
Magkakahiwalay ng tent ang D'Kenkoys, D'Gwapings, D'Gorgeous, D'Sossys, D'Nerdys, at D'Mp5. Wala akong maipipintas dahil successful naman kasi talaga. Nag-enjoy kami ng sobra. Ka-grupo pa namin si Ethel noon kahit na galit ako sa kaniya.
Kinaumagahan, aalis na sana kami dahil napansin nga naming masama na ang lagay ng panahon. Dahil matitigas ang ulo ng mga kaklase ko, nagtampisaw pa sila sa talon. Naisin ko man na sila'y pigilan, wala eh. Mga batil talaga.
That time, si Xiara ay may sakit kaya nasa tent lang siya. Inaalagaan siya ni Ginny. Ako inaayos ko na ang mga gamit namin. Si Agatha, Ethan, Mark, Ethel, Kian, Hannah, Adrian, Ramil, Joan, Dion, Karlo, Mae, Mia at Joshua ay ligayang-ligaya sa pagtatampisaw. Para silang mga bata na naghaharutan.
Sina Tom, Henry at Nikka naman ay nagliligpit na rin ng gamit. Hindi nagpaawat si Jerome sa pambubuska kay Nikka kaya si Grace ay irita sa isang sulok na nanunuod lang. Si Abi ay busy sa pakikipagtawagan sa kung sino man, halatang in-love ang babaita haha. Habang sina Aaron, Tin at Jake naman ay nag-aayos ng gamit sa aming sasakyan.
Nagulat na lang kami ng biglang umulan ng malakas. Sa isang iglap lang, biglang tumaas ang tubig sa may talon. Ang aking mga kaklase ay pawang mga nalulunod na. Wala kaming magawa dahil hindi naman kasi sanay lumanggoy at mabilis ang pagragasa ng tubig.
Sina Ethan, Mark at Ramil ay nakaahon kaagad dahil malapit lang siya sa gilid. Unti-unting inaanod ang aking mga kaklase. Wala kaming magawa kung hindi tumaghoy. Si Agatha ay tumama ang ulo sa may bato, mabuti na lang at nahila ni Ramil ang buhok niya kaya nailigtas nila ito.
Si Joan at Dion ay matindi ang kapit sa nakausling bato. Konting-konti na lang at makakabitaw na sila. Mabuti na lang, magaling lumanggoy si Ethel kaya sinagip niya yung dalawa. Patuloy pa rin kami sa pagpapanic. Si Karlo at Mae naman ay nakahawak sa may sanga ng puno. To the rescue sina Ethan at Mark at hinagisan nila ito ng lubid kaya nakaahon din sila kaagad.
Si Mia at Hannah ay hindi naman matagpuan. Nawalan din yata sila ng malay. Si Joshua ay lumulutang dahil sanay naman siyang lumanggoy at nailigtas niya si Adrian. Patuloy pa rin sa paglanggoy at pagsisid si Ethel para hanapin ang iba naming kasamahan. Hindi siya nagpatinag kahit na malakas ang agos. Determinado talaga siyang mailigtas ang mga kaklase namin.
Natagpuan niya si Kian at Hannah na magkaholding hands pa sa ilalim ng tubig. Sila'y nawalan ng malay kaya kaagad niyang iniahon yung dalawa. Si Mia na lang ang hindi namin nakikita.
"Guys, tulong! Tulungan niyo ako!" Sigaw ni Mia na humihingi ng saklolo. Unti-unti na siyang pumapailalim sa tubig. Masyado ng delikado para mailigtas si Mia dahil napunta siya sa mabatong lugar.
Lahat kami ay nagulat ng biglang tumalon si Ethel sa tubig para iligtas si Mia. Na-amazed kami sa katapangan niya. Kita mong pagod na siya dahil nahihirapan na rin siyang ikampay ang mga braso niya. Laking tuwa namin dahil narating niya ang kinaroroonan ni Mia. Konti na lang at makakarating na sila sa kinalalagyan namin.
Nagulat kami ng bigla mawalan ng malay si Ethel at nabitawan niya si Mia. Napakapit naman si Mia sa sangang nakausli na pinagkapitan nina Karlo at Mae. Kaagad naman siyang hinagisan ng lubid ni Ethan.
Laking gulat namin dahil hindi na namin alam nasaan si Ethel. Lahat kami ay nabahala at pawang naparalisa. Mas nagimbal kami dahil makalipas ang ilang oras, sa pagtigil ng pag-ulan ay kumalma na rin ang talon. Kasabay nito, ang paglutang ng katawan ni Ethel na wala ng buhay ang bumungad sa amin.
Noong mga oras na iyon, kahit na galit ako sa kaniya ay lumambot din kaagad ang aking puso dahil sa kabayanihang ipinakita niya. Hanga ako sa kaniya dahil hindi niya lang inisip ang sarili niyang kaligtasan, inisip niya rin ang kaligtasan ng nakararami. Nagsisisi nga ako dahil nagawa ko siyang itakwil bilang bestfriend dahil lamang sa isang lalaki.
Nagulat ako ng biglang punasan ni Ethel ang aking mga luha gamit ang kaniyang kamay. Hindi ako makapaniwalang nakakangiti pa siya sa harapan ko kahit na marami siyang pasakit na pinagdaanan sa aking mga kamay.
"Huwag ka ng umiyak Bff, past is past. Kalimutan mo na iyon. Kung iniisip mong galit ako sayo, pwes hindi. Ni minsan ay hindi ko nagawang magtanim ng galit sa nag-iisang bestfriend ko." Pahayag niya. Mas lalo akong naiyak sa mga binitawan niyang salita. Mas lalo akong na-guilt.
"Sorry kung itinakwil kita. Ni hindi man lang tayo nagkaayos bago ka mamatay. Sobra akong nagsisisi dahil itinapon ko lahat ng masasayang ala-ala natin dahil lang kay Bryan. Pati ikaw, itinapon ko." Pagsusumamo ko sa kaniyang harapan. Yakap-yakap niya lang ako. Ngayon, naramdaman ko muli ang presensya niya kahit na sumakabilang buhay na siya.
"Bakit ka nga pala nagpakita sa akin? Susunduin mo na ba ako?" Mahinahon kong tanong.
"Kaya ako naparito Bff dahil ayokong mapahamak ka. Ikaw na ang isusunod niya." Sambit niya habang nakayuko. Napansin kong lumuluha na rin siya kaya niyakap ko siya.
"Hindi ka pa pwedeng mamatay. Ikaw lang ang makakatulong sa akin para pigilan siya sa masama niyang plano." Turan niya. Face to face kami ngayon habang nakahawak siya sa magkabilang balikat ko.
"You mean, ako na ang isusunod? Narito ka para bigyan ako ng babala? Ganun ba?" Pahayag ko habang nakatulala sa kawalan.
"Oo Bff, at ayokong mamatay ka. Ang Alphabet of Death ay walang patawad. Kapag nasimulan mo na ito, kailagan mong tapusin kaya ikaw lang ang nakikita kong pag-asa." Untag niya habang niyuyugyog ako.
Tanggap ko naman na kung ako ang isusunod niya. Masyado akong makasalanan at makasarili kaya dahil lang na mawala na ako sa mundong ibabaw.
"Ako, ang blacklady at yung killer ay konektado sa isa't isa." Singit niya habang ako'y nagmumuni-muni.
"Anong ibig mong sabihin?" Naguguluhan kong tanong. Nagulat ako sa kaniyang sinabi.
"Sila ay..."
"Gising na Arianne!" Pagyugyog sa akin ni Ginny. Kaya ilang saglit lang ay nagising na ako.
"Arianne, sunod ka na lang sa baba, kain ka muna. Kanina ka pa hindi kumakain. Sige una na ako." Pahayag ni Ginny at nilisan na ng tuluyan ang terrace.
Argh! Nakakasar! Ayun na eh! Sasabihin na ni Ethel yung koneksyon niya sa killer at kay Helga at malamang, makikilala ko na kung sino ang killer kaso wrong timing naman itong si Ginny! Paano na iyon? Kung pwede lang matulog ako ulit eh! Kaasar talaga!
"Mukhang mainit yata ang ulo mo? Eto juice oh! Palamig ka muna." Wika niya habang nakasandal sa pintuan ng terrace sabay lapag ng juice sa may mesa. Dulot ng pagka-inis, ininom ko iyon kaagad.
Pagkaubos ko ng juice, nakaramdam ako ng kakaiba sa aking katawan. Para bang masusuka ako na ewan. Nagulat ako dahil nakangiti siya habang ako'y namamalipit sa iniinda kong sakit ng tiyan.
Eto na nga ba ang tinutukoy ni Ethel na katapusan ko? Mamamatay na nga ba ako?
Kasabay ng kaniyang pagtalikda ay ang pagbula ng aking bibig. Nanlalabo na ang aking paningin kaya tiyak kong oras ko na.
"Sorry Arianne, I need to do this at isa pa, marami ka ng nalalaman sabi ni Helga haha! Goodbye!" Sambit niya bago ako tuluyang kapusin ng hininga.
Killer's POV
Konting push na lang at maisasakatuparan ko na ang plano ko haha! Thanks sa Alphabet of Death na libro, kung hindi dahil dito, malamang, nagpatiwakal na rin ako haha!
Letter P, check! Eight letters to go and three days left para mapatay ko silang lahat! Haha! Mukhang akin ang huling halakhak! Haha!
Prepare yourself to die! Haha!