احمد:مرت الايام الفاتت وانه عقلي ما مستوعب الي جاي يصير ما اعرف بس جان اكو صراع بين كلبي وعقلي كلبي يكلي اوكف بس عقلي يكلي كمل الصراحه ما اريد الجم كلبي ما اريده يصحى الي مريت بي قبل عشر سنين عذاب ما أريده يتكرروما صدكت نسيت لا ما نسيت جذب يمكن تناسيت او احاول انسى وبنفس الوكت عقلي الي يكلي استمر بحياتك بس شلون ما اريد اعذب شخص بريئ وياي مالها ذنب اي كمره مالها ذنب انه مو شخص قاسي ومتسلط مثل ما هي تكول ويمكن هذا الشي الي خلاها تكرهني بس هذا الكره احسه أجى بوكته لصالحي يمكن هي هاي الطريقه الوحيدة الي تخليني استمر بهذا الزواج لأن هي تكرهني وما راح تطلب مني اي شي وراح يخليها تبتعد عني صح اضوج من تكلي اكرهك بس بنفس الوكت ارتاح هــ͒ــسهہ تكولون عني شخص متناقض يمكن صحيح لان انه بنفسي ما اعرف شريد وما ادري الأيام شظامتلي ويه هل كمره لوما عناده وطولة لسانها ورفضها الي ما جان خطيت هل خطوه وما انكر جمالها بريئ وطفولي يشد اكبر واحد بس اخ منك يكلبي وصحيت يوم الخميس على هوسة البيت وصياح اخواني الي جانوا فرحانين اكثر مني وما اشوفهم الا جفتوا علي للغرفه جنت بعدني متمدد على الفراش
عادل : هاي شلون عريس بالله اليوم بعدك نايم لهسه ولك هاي لو انه ما انام للصبح
عمار: اكعد يابه خلينا نشوفك ما عبالك عقدك اليوم شنو تريدنا نروح بمكانك
وسام: اي والله شيخ انسحب وانه اكعد بمكانك بالعقد ويه كمره الي وجها يشع جنه كمر
احمد: شبيكم جفتوا علي وين كاعدين بويه كوموا خلوني على راحتي وانت تعال هي وسام ولك ناصب على مرتي ما تستحي مني على الأقل اخجل
وسام: ههههه شوف الغيره بدت من هسه وبعدين منو كال مرتك بعدكم على البر كلت منا ومنا تغير رأيك واحنه شيوخ ما يصير نرجع بكلمتنه عيب بحقنا وانا اسد السالفه واروح بمكانك
احمد: اشو عاجبك تنكتل من الصبح ولا تخليني اكوم هسة اكظك واجتفك واذبك بين الحلال واخليهن يلعبن على راسك
عادل:خويه انت ما تعرفه جكد يحب ينكت يتشاقى وياك وبعدين تعال اكلك هو العنده عقد اليوم غير يكعد فرحان يروح يسبح يتحضر ويزين ويعدل روحه شو انت جنك مرت شهيد
عمار:هههههه لا عاب حلكك
احمد: ولكم ناصبين علي من الصبح انه الكم شو خل اكوم الكم
طبعا اخواني من النوع يضحكون وينكتون هواي وازيد واحد بيهم وسام هذا التحشيش عنده على اصوله ويحجي الحجايه وما يستحي ويحب ينكت هواي ومن حجى على كمره ما اعرف ليش غرت احسها صارت الي وما اريد احد يجيب طاريها مو قصة حب بس يمكن حب التملك اما عادل فهو من النوع الهادئ وعمار ما اشوفه هواي بحكم دراسته بغداد وهو اصلا اخذ اجازه على مود يجي للعقد يومين ويرجع ومن شفتهم داير ما دايري حسيت بفرح طعم الإخوه الي جنت فاكده من زمان
وبعد شقانا وضحكنا نزلنا جوا صبحنا على اهلي وبست راس آٱآبــﯢي وامي الي اشوف الفرحه ما سايعتهم وبدت العالم تلتم علينا من كل صوب انترس المضيف والديوان من الشيوخ والزلم والأهل والكرايب واشوف الكل محاوطني ما خلوني احس بشي احس الكل فرحان بحكم جان زواجي معجزه محد مصدك هو انه بنفسي ما مصدك بس فكدت شخص دوره عيوني ماكو كلت ما معقوله اخوي ورفيج عممر̤̤يـي ما موجود بعدين اذكرت من اسبوع شٰٰ̲شنـۧو • ﺻـِﺼﹷٰﹻﺂﺂر ؛🥀ֆ۽ وياه كلت خل بس اخلص من هذا اليوم واتفرغله واعرف شنو صار وياه غصبن عنه بس كلبي ما مطمن على غيابه كلت خل اروح اسأل خالي او امي علي ما معقوله يتركني بهيج يوم حاولت اتصل ماكو جهازه مغلق دورت على خالي اسأله علي كلولي الولد سلم وراح ما ظل عنده شغل يجي وكت الروحه لبيت البنيه
دخلت اسأل الوالده وشفت هديه وسألتها عليها كالت بالصاله بس كلها نسوان كلتلها تصيحه الي
الشيخه: ها يمه صاير شي
احمد: لَا يمه بس ردت اسألج على شداد لهسه ما بين وخالي ماكو
الشيخه: خالك اجى سلم علي وراح وكال ما محتاجين شي كتله لا سلامتك
بس شداد ما اعرف خابره وشوفه وين
احمد: من الصبح ادك علي جهازه مغلق
الشيخه: يمه اتركه يجوز عنده شغل الغايب عذره وياه
احمد: شنو الشغل الي يخلي ما يجي بيوم العقد وهو ٢٤ ساعه يدور علينا بس بهذا اليوم اجى شغله
الشيخه : والله يمه ما ادري انت هم خوفتني علي بلكي منا لبعد شوي يبين
احمد: الله كريم يمه انا طالع يم الزلم
قبل لا اطلع من الصاله صادفتني سلمى بت عمي مو سلمى علة هاي لاطشه بيه فد لطشه عوذه منها مو بت ما اعرف شـْ◌ـّـْلون عادل يحبها شافتني وهي ظلت تخزر بيه وباوعتلي بحقد
سلمى: شلونك شيخ بالمبارك
احمد: الله يبارك بيج يوم الالج
سلمى: تسلم بس شفت بالغريبه وخطبتها واحنا بنات عمك شبينا ما نعجب على الأقل بنات شيوخ مو بنات فلح
احمد: احترمي نفسج ولا تقيمين على احد والي تصجمين بيها راح تصير مرتي يعني مرت الشيخ والي يمسها يمسني يا بت عمي فاهمه لو اعيد
سلمى: على كيفك اكلتني حاصل فاصل شكلنا ما كلت شي غلط ليش ضجت لو هي الحقيقه تجرح
احمد: لا ما تجرح بس هو مو صوجج صوجي انه الي جاي اسمع تفاهاتج
وان سمعتج تحجين عليها كدام احد او من نروح لبيتهم ما تلومين الا نفسج ماشي وخليج بعيده عني وعنها وكفينا شرج ترى اعرف الي بالج بس نجوم السما اقربلج
سلمى: بصياح على كيفك شحجيت اكيد ما احجي مو انه الانزل مستواي لوحده مثلها ياشيخ
احمد: لج بدون صياح وان صيحتي على مره ثانيه راسج اكسره الج ولا اعرف عمي ولا ابوي افتهمتي يله روحي منا ما ناقص تمضيك انه
عفتها وطلعت فورت دمي شلون راح يتحملها عادل الله يعينه رحت للمضيف صار وكت الغدا وتغدوا العالم كلها وصار وكت نروح نقبض كلبي كلت بعد ما منها مهرب لازم احضر روحي صعدت وسبحت وردت ابدل لكيت آٱآمـي محضرتلي ملابسي الزي العربي الي هو الدشداشه والعباية والشماغ والساعه والعطر والمحابس طبعا انه لبشي للعبايه قليل ما متعود عليها
جًحتٍٍٍـــى الدشداشه
جان ازيد لبسي بناطيل وتشيرتات وقوط اكثر شي بحكم دراستي ولان انه دكتور جامعي فبالقريه لازم البس الزي العربي لأن لو لابس القاط ابوي يسويها عليه كربلا شلون شيخ يلبس قاط على العموم لبست ونزلت تلكتني امي بالهلاهل هي وعماتي وخالاتي ابتسمت الها وطلعت وتلكوني اخوتي وكرايبي بالهوسات والردح وبعد ما تحضر الكل انطلقنا بالسيارات
كمره: ليلة العقد ما نمت ابد ولا اخذت عيني نومه ظليت اتكلب وادور بالفراش منا لحد ما اذن كمت توضيت وصليت وظليت اندعي بلكي تخرب وتتفركش ولا اروح واتزوج إنسان ظالم كل همه يفرض جبروته علي بس كلت يمكن هذا عقاب من ربي على كل الي رفضتهم ما جان حلمي هيج جان حلمي اكمل دراستي واخذ الشهاده واعيش قصة حب حالي حال البنات بعدين استغفرت ربي وكلت الي كاتبه ربي يصير ورجعت بفراشي وحاولت انام ما كدرت خايفه وما مطمنه ابد بعدين ما ادري شلون غفيت كعدت على صياح خالتي لكيتها واكفه على راسي
فهيمه: خايبه كومي الساعه صارت عشره شوكت نروح العروس المثلج المفروض تكعد من غبشه
كمره: خاله هو انه شوكت نمت حتى اكعد للصبح ما اخذت عيني نوم
فهيمه: يااا ليش يا خاله اشوف جو عيونج صاير سواد هسه شيكول عليح الشيخ
كمره:علواه يشوفه ويشرد
فهيمه: يااا شمالج انتي جا هو لعب جعاب وبعدين تعاي اكلج انتي والله متعافيه صدك لو كالوا صحلها رجل كالت اعور
كمره: علواه اعور اعمى اعرج خبل بس ولا هل الشيخ
فهيمه: خايبه يالامصخمة هو الشيخ بس شوفته ترد الروح
كره : قصدج تقبض الروح
فهيمه: بسج عاد مصختيها كومي يله سبحي وبدلي تأخرنا
كمره: اكلج خاله بلكي ام الصالون تسوي وجهي خريطة العراق ويشوفني الشيخ ويشرد بروحه العزيزه وانتي لو جايبتلي هذا نفنوفج مال السنين السكتوا كله بلك وتطريز وهيج واطلع جني خراعة خضرا وين الله ومحمد وعلي وصدك لو صارت اروح مشي لكربلا
فهيمه: خايبه شو ٲℓانــتيہ تمسلتين علي تكومين لو اصيح صوت لأمج اخليها تكومج بعصاة هسه واخلي ظهرج ازرك هسه من الدك
كمره: كايمه امري لله اشوف وين توصل بالله
كمت سبحت وبدلت اخذتني خالتي للصالون ودانا اخوي صلاح وصلنا بس شافتني ام الصالون بدت بيه كرسته وعمل من كل شي وبدت تخلي مكياج سألتني شتردين كلتلها على ذوقج شما تردين تسوين عادي حتى لو اطلع اخرع هم عادي كلتلي حبيبتي ما يحتاج انتي من كاعج حلوة وكملت وكلتلي لبسي البدله وتعالي لبستها اجت فيت على وتالي سوت التسريحه كتلها اريدها بسيطه انه شعري مو طويل واصل لنص ظهري بس هو لونه اسود كحل وسرح حيل بحيث ما يثبت بي قراصه بسرعه ينزل وعذبها لحد ما كدرت تكمل لأن ما يثبت بي لاماشه ولا شي وخلصنا وهي وخالتي ظلت مصدومات من شكلي خالتي ظلت فاكه حلكها انه فرحت عبالي خربت شكلي
وتالي درت شفت روحي انه هم انصدمت ما اعرف ليش بس لأن اول مره انه طويله بس موكلش وجسمي مخصر لا ضعيف ولا طويل وبيضه كطن والبدله لون ماروني كعدت علي كعود بحيث طلعت عبالك لعابه
فهيمه: ولج شخربت نعله على ابليسج على هل جمال اللهم صل على محمد وال محمد انه من الشيخ ما اخليج تطلعين لباب الحوش
كمره: شدعوه خاله قابل انه الاميره. ديانا
فهيمه: خل اخابر لصلاح يجي يأخذنا وانتي لبسي العبايه والشال والمفروض نكاب هم
كمره: كملنا وطلعنا واجى اخوي صلاح اخذنا اول ما شافني صلى على النبي ودمعت عيونه انه ردت ابجي بس خالتي كلتلي هذا السويناه صارلنه ساعات كله يخرب بس ما كدرت اسيطر على دموعي اخوي صلاح مو بس اخوي اعتبره ابوي الثاني على حنيته وكلبه الطيب وما فد يوم اذاني حتى بكلمه صح احنا فقرا بس ما حسسوني بشي ابد
فهيمه: يااا خاله جا انت شمالك غوركن عيونك
صلاح: خاله لا تلوميني مو بيدي ما مصدك بين ليله ويوم تتركنا
فهيمه: خاله هاي بعد سنة الحياة كل بنيه مصيرها هيج وانت هم تشجع وعرس وجيبلك مره تعين امك بعد ما تروح اخيتك
صلاح: الله كريم خاله كلشي بوكته حلو
كمره: وصلنا للبيت تلكتنا امي بس شفتها لا اراديا دمعت كلت هاي بالعقد هيج شلون بالعرس يمكن ادكها مناحه هي شفتها ضايجه بس ما بينت ما تريدني اضوج وتنغص علي فرحتي عشتوا عبالك فرحانه وانه ما يدرون حال الضيم حالي اطحن بروحي طحن كلما اذكر هذا المغرور منين طلعلي بالحظ يانصيب وشويه اجى ابوي واخوتي ركضت على ابوي حضنته واخوتي واحد واحد وخالتي تصيح بيهم ولكم خربتوا كلشي كطيعه ما شايفين
وتالي حجى وياي ابوي وكلي
ابو صلاح: بويه ٲℓانــتيہ بنيتي ويشهد علي ربي ما ودي انطيج واخليج يمي طول العمر بس بويه حرام علي انه ما دايملج ولا امج واخوتج كلمن يتزوج ويلتهي بحياته بويه وانتي حلوة العالم اكلت وجهي ليش ظال مخمرها وما تنطيها بويه وما شفت احسن من الشيخ احمد ياخذج اريدج ترفعين راسي وراس اخوتج وبيتي مفتوحلج بأي يوم تشوفين روحج ضايجه وما كادره على عيشتهم
كمره: بست راسه وكتله دوم راسك مرفوع بويه لا تشيل هم
وبعدين سمعنا صوت السيارات ظليت ارجف من الخوف وانقبض كلبي اخذتني خالتي ودخلتني على الصاله وكعدتني وكتلها فدوه لا تعوفيني
فهيمه: خاله شمالج ظليتي ترجفين ما جاي يقبضون روحج استهدي برحمانج
هي كلها ساعة زمن ويرحون
احمد: وصلنا لبيت كمره دخلو الشيوخ والزلم ابوي ما شاء الله ما مخلي احد ما عازمه هما بيتهم زغير انترس الديوان وجانو فارشين برا توقعوا يجي هذا العدد من العالم وبدت المراسيم وكملوا كلشي وصلنا لحد ما كال ابوي تحضر للعقد انه هنا ما اعرف شصار بيه انقبض كلبي وفصلت لغير عالم فززني صوت ابوي يله بويه امشنا السيد ينتظر صارله ساعه وين جان فكرك دخلونا جوا وكفت ورى الباب هي جانت ورى الباب من الجهه الثانيه وبدى السيد يحجي وانه اردد وراه لحد ما وصل وكال اسمها استغربت من اسمها تبدل عبالي هي تبدلت هم ما توقعت اسمها زينب بعدين كتله اوكف سيدنا انه الاعرفه اسمها كمره شبدله زينب ابوها جان يمنا
ابو صلاح: هههه ها شيخ انخمط كلبك لا تخاف هي نفسها كمره بس هذا اسمه بالجنسيه ولزوم تعقد بي عمن اسمها الحقيقي
احمد: باأستغراب هاااا اذا هيج كمل سيد
وكمل السيد وياي وبعدين وياها من سمعت صوتها هو نفسه ياله ارتاحيت
كمره: دخلوا النسوان ما شاء الله جايين من كل حدب وصوب ما ظاله مره ما جايه ومنو تشوفني يصلي على النبي وامي فوك راسي ختمت القران علي تكلي اخاف عليج من عيونهن عيون العالم ما ترحم وتقدمت علي الشيخه وهي فرحانه ما مصدكه وظلت تهلهل وتكول ما متندمه بكد شعر راسي لأن خطبتج لأبني على هل الجمال ربي يحفضج من عـٌيـٓﯢنـُـٖۧهہؚ ۦ الناس الما ترحم واشوف من بعيد سلمى بت اخو الشيخ هاي بحياتها ما تطيقني جانت وياي بنفس المدرسه دومها تكرهني وتخلي البنات يكرهني ويضربني جانت كلش تغار مني اباعلها تخوزر بيه ما عاجبتها حجيت بكلبي بالأول خل اعجب ابن عمج هل المغرور ًحتٍٍٍـــى اعجبج وانوب اسمع صوت الهلاهل وكالوا خل تتحضر العروس للعقد انه هنا ما تلكون بيه قطرة دم اخذتني خالتي وامي يسحلن بيه سحل عبالك رايحه إعدام مو جن عقد وكعدتني امي على كرسي ورى باب الصاله وخلت رجلي بطشت بي ماي وياس وخضار وكلتني نبات هاي تصير مثل حبة الشكر بس جبيره من تخليها العروس عود حتى تصير حياتها حلوه ما تدري انه راح تصير حياتي كشره ومن سمعت السيد يحاجي احمد حتى يردد وراه وكال اسمي هنا وكف السيد ما تصورون جكد فرحت كلت يمكن راح تصير المعجزه ويخرب كلشي والله ما همني شي بس كون تخرب وتالي سمعت صوت ابوي كله كتله يا بويه على بختك الا تحجي دسكت وانوب دار علي وكلي رددي وراي ظليت ساكته يمكن السيد حجاها ٣ مرات مدري اربعه وانه ساكته لحد ما خالتي كرصتني من زندي حيل وكالتلي ولج احجي مرمرتي كلبي ياله حجيت نعم انت وكيلي انه بهاي اللحضه عيوني صبن عشره عشره وامي وخالتي بس يردن يسكتني ماكو واجت الشيخه مستغربه شافتني شبيج يمه رأسا نبت خالتي لا تخافين شيخه هاي دموع الفرح عاد هي كالت
الشيخه: يمه لا تخافين والله احمد كلبه طيب لا تشوفينه عصبي وقاسي ترى المر بي مو شويه وبعدين من تعرفين كلشي والله تعذرينه وهسه تحضري حتى يدخل ويلبسج الذهبً
كمره: كتلها وانه اناشغ ٲℓانــتيہ لبسيني
الشيخه: ما يصير شلون البسج انه غير هو بعد صار رجلج وشوي شوي تتعودين علي
رحت لأحمد اصيحه حتى يلبسها الذهب شفت عادل كبالي كتله صيح لأخوك راح صاحه واجي وكتله حتى تلبس مرتك الذهب
احمد: يمه ٲℓانــتيہ شتحجين شلبس ترديني ادخل انه الشيخ احمد بنص النسوان البس ذهب روحي ٲℓانــتيہ لبسيها وكليلها هاي وصية الشيخ
الشيخه: تالي وياكم عاد واحد اعند من الثاني هي تكول ٲℓانــتيہ لبسيني وانت تكول انه البس هو انه العاقده عليها
احمد: ما ادخل بنص النسوان تردين بمكان ثاني ما عندي مانع
الشيخه: لا شو تدخل وغصبن عليك ولا تخليني احلف تدري بيه اسويها من اكول كلمه انفذها
احمد: ٲٳٲسـ๛ۖــۖـتغفـر اللهہ عمي شوفيلي طريق وآمري لله
دخلت امي ودخلت وراها بس صرت اعصاب شايط لو شايفها يمي يمكن املخها دخلت وشفتها وهي مدنكه ومبينه خايفه بس سبحان الله شطالعه تكل للكمر غيب وانه بمكانك ظليت صافن عليها وعلى جماله ولبسها وجسمها احتار شباوع كل صفات الحسن بيها ظلت عركه تاخذني وعركه تجيبني واجت امي وخالتها جابن الذهب انطتني الحلقه البسها ردت اسحب أيدها شو جرتها ضحكت عليها هل كد خايفه مني وتالي سحبت أيدها حيل ولبستها ايدها ترجف وخالتها نطتها الحلقه تلبسنياها ظلت كاظتها بيده وخايفه عاد انه شفتها هيج تقربت من اذانها وهمست كتلها شلون اليوم نبات عاد لبسي وفضيها هي استغربت مني عاد اتجرأت ولبستنياها وانوب بديت البسها التخم
وصلنا لحد الكلاده اخذتها وتقربت من ركبتها وتعمدت اخلي راسي كلش قريب على ركبتها بحيث هي نزت مني قربي كلش حبيت استفزها وكتلها اخذتج غصبن عنج لو لا
لهنا ينتهي البارت السابع