كمت ويااا مروة واني جسد يمشي بالكاع دخلت
الصاله جان كاعد الافندي ويباوع علي جانوو
موجودين خوالي باوعت لدور على سمير ماكوو
الشيخ سالني اذا جنت موافقه اريد اكله لا شيخي
مماوافقه وزواجي منه باطل بس من شفت بيبي
واتذكرت كلامها طلعت كلمه البلي مني من دون
ماحس جان هو واكف مقابلي انطاني اوراق اوقعهن
ماعرف بس من دنكت لحتى اوقعهن دارت الدنيا بيه
وقعت رجعت كمت ماعرغ الدنيا كامت ادور بيه افتح
عيوني وارجع اغمضهن اريد اصحى بس بعدين
اسودت الدنيا كلها بعيني ماعرف بعد شصار ......
كمت اصحى بشكل متقطع صحيت لكيت روحي
بالسيارة رجعت صحيت لكيت روحي بالمستشفى
واكف سلطان كدامي ورجعت فقظت الوعي حسيت
على روحي باوعت ماكو احد بغرفه وياي ارد اكوم
بس دخت رجعت كعدت باوعت علةايدي جان
مشكلي مغذي نزعت السيروم مني لزمت الحايط
وكنت اتكي علي وصلت يم الباب انصدمت بشي
رجعت خطوتين دخت ردت اوكع لزمني احد ماحس
اله وشالني رفعت راسي شفت سلطان اريد احجي
ماكدر خلاني عالسديه كام يصيح علي من شاف
السيروم فاصخته
سلطان بعياط : انتي مخبلة ليش شلتي ياااممرضه خيتي وينج
عشق بصوت ناصي من التعب
عشق : انت معليك عوفني اريد ارجع
سلطان مسمع زين اتقرب منها عباله دتتوجع
سلطان : شبيج يروحي
تقربه اثار غضب عشق هي دفعه وهي عيطه
عشق : عوووفني عاااااد دمرتني بس كلي شتريد بعد
انصدم من ردت فعلها وهو هماتين عصب........
سلطان : اني مستعد ادمر الدنيا والبيها ولا ادمرج شبيج عاااد حسي بيه مو حركتي كلبي حرك
عشق :عسة بالحرك انشاء الله
سلطان وهو يتقرب وبداخله يتوجع عالكالته
سلطان :شنوو ماتحسين بيه عاد مدتحسين ( لزم ايدها وخلاها على كلبه ) بوجع هذا كل دكه تصيح باسمج كل نفس يطلع مني يتحسر على شوفتج
عشق : احس بس اذا جان عندك كلب ومديطلع وياي شي ماكوو
سلطان بصراخ :ومع هذا ماعوفج انتي الي افتهمتي لو لاااااا
عشق : افتهمت بس انت هم افهم شغله هذا الكلب ( وتضرب على صدرها) بحياته مراح يحبك ولا يدك باسمك
الموقف جان يشهد على وجع اثنين وجع سلطان الي رغم عشقه كدامه بس يحسها بعيدة كلش عنه وعشق الي دتحس بروحه رجعت يتيمه وللمرة الثانيه
دخلت بيبيت عشق للغرفه وهي مرعوبه عليها ......
بيبيي : ياا يووم عشق شبيج
سلطان : اووف يعني شبيها ماتاكل انخفض ضغطها
بيبيي : عشق ليش ماتردين علي
عشق : شكلج بيبي ليش اني بهاي للحاله من ورى منوو من ورى الي سلمتي روحي اله من دون ماتاخذين رأيي بيبي عوفيني وحدي
بيبي: بس اني اعرف سلطان يحبج ويخليج بعيونه
سلطان : لاتعبين روحج عمه ماتاخذ ماتصدك
عشق : اريد ارجع للبيت هههه يابيت اروح علي 😢 هههه والله يالله
مسحت دمعتي وكمت
سلطان : وييين يخلص المغذي يلله
عشق بنترة : ارررريد ارجعع عسة للكبور ماريد ابقى هنااا
سلطان : ياربي عالعناااد ابقى هي كم دقيقه ويخلص واطلعين
جنت معصبه وطالعه روحي منه سحبت الابرة مال المغذي من ايدي بقوة وعيني بعينه صارت ايدي كلهت دم انصدموو هم هو وهم بيبي
عشق : هسة خلص خلوني ارجع
دحجي ماحس اله واجاني راشدي سطرني لزمني من جافي وخضني وكام يعيط علي
سلطان : انتي مخبله شي شسويتي
سحب ايدي وطلع المنديل ماله ولفه عالجرح اريد اسحب ايدي جان لازمني بقوة ..... باوعت على بيبي شفتها تباوع علي وتتبسم يعني ديسوي كل هذا علمود بيبي هناا زعم هو مياذيني ويحبني ههه والله شيطان
عشق : اريد اطلع منا
سلطان : اطلعين بس خل يخلص الزفت مو خلصتي كلبي
بيبي: ولج شبيج انتي مخبله
عشق : ليش ضل عقل براسي بعد الصار
صاح سلطان للسستر لحتى تجي تخليلي ابرة المغذي
خلتليها ماعندت لان اريد اطلع من المستشفى لان اخاف منها كلش وبالاخص الابر يبووو يوكف كلبي
خلص المغذي ورج سلطان بيبي لبيتهم
سلطان : اذا تريد تروحين وياها روحي اني اخذج بعدين
عشق : لا ارجع وياك
كلام بيبي صحيح بيتهم مو بيتي ولا اني بنتهم مكاني وياا عمامي .... رجعت وياا سلطان دخلت البيت اتلكتني مروة تسالني على صحتي جنت تعبانه بشكل جسمي يوجعني اخذتني مروة للغرفه بس خليت راسي عالمخدة رحت بسابع نومه
__________________
دخل سلطان غرفته دخلت ورى امه ....
ام سلطان : بس اريد اعرف انت اكوو عقل براسك ليش مطعت عليها مهر الله ماكثر البنات الهنا مالكيت اله هاي
سلطان : يووم تعبان خليها على باجر
ام سلطان : لا ليش على باجر اريد احجي هسة لان راح اطك هي هاي شنوو من البين لحتى تاخذها نفاخه ورافعه خشمها
سلطان بعيطه : يوووم برررة .
ام سلطان : يبوووو هو هذا اليوم الي ربيتي 30 سنه وتعبتي علي هيج يجازيج يطردج من الغرفه اليوم من الغرفه باااجر من البيت يامسعده
سلطان : لا اني الراح اطلع من البيت لا تخافين
سحب سترته وطلع من البيت وهو هم الدنيا كله على جتافه ......
________________________
جانت مروة واكفه بالمطبخ دخل احمد
احمد : مروة جاي راسي يوجعني
مروة : ماشي
بدت تخدر بالجاي .......
احمد : اووف يربي شنو اليوم الغريب هذا
مروة : ايي والله عبالك واحد صايبنا بعين اني بس انقهرت على عشق خطيه اليوم اتبهذلت
احمد : ايي خطيه وسلطان هماتين اني كلت هسة ينجلط اوووف بس اتسرع بشغله السيد
مروة : شتسرع ياخيي ماتعرف شكد انتضرها خلصت اعدادية وهو ينتظر دخلت الجامعه وهو ينتظرها بس ياخي بشر هماتين اله قدرة تحمل وانوب امي اجت وشعلتها
احمد : اميي بعد ياربي راسي راح ينفجر .....
مروة : هذا الجاي اجيبلك حب مال وجع راس
احمد : لا تسلممين روحي نامي انتي اكييد تعبتي صدك خابرتج هذيج الدايحه
مروة : هههه لا والله اني خابرتها تكوول للعطله يلاا ترجع
احمد : شدايحه هاي البنيه
مروة : هههه يلاا تصبح على خير
احمد : وانتي بخير ......
_______________
اما سلطان فوكف السيارة يم النهر والنسيم العالي الي يريح المهموم طلع جكارته واخذ يشرب وباله يم عشق والصار اليوم
سلطان : آخ يسلطانة كلبي يالعشك المعذبني هم يجي يووم وتحسين بحبي الج هم يجي يوم واسمع كلمة احبك اووف يكلبي صبرت هواية اصبر بعد بلكي ربك يلطف بيك ....
نهاية البارت ....