نهوة السلطان 《خلقت لاعشقها 》
للكاتبه **سارة وليد.**
___________________________
ا
لبارت 21
انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي .
*****
مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس
ينشدونه آعله قيس وليلى كل يوم ..
أشو محد ذكر بالعشــگ عابس
*****
عشق ...
اباوع بعيونه سرحت بحواجبه المعقوده من العصبيه وعيونه عسلي على خضار جان لازمني ايدي بقوه بس محسيت بالوجع بكد محسيت كلبي راح يطير
عشق : لييش عووود انت مو تحجي ويا البنات وتضحك عادي لو حلال عليك وحرام علي
سلطان : تني اغار انتي ليش ......
عشق :اني ماغار بس امشي على مبدئ وهو العين بالعين والسن بالسن بطل انت واني ماحجي ويا احد
احجي هو جان عاقد حواجبه ... ورى محجيت كام يضحك
سلطان : انتي تحبييييني
عشق : ههه (باستهزاء ) ماحبك متوهم
سلطان : وين تروحين مني يجي يوم وتكولينها كدامي
عشق : الله كريم منا لذاك اليوم
سلطان .....
بكلامها هذا انطتني امل قبل جانت تعطها بوجهي وتكول مستحيل هسة تكول الله كريم يعني البالي صحيح ليش هيج دتكابرين ياعشق ليييش
عشق : ممكن توخر مني هسة
سلطان : اي ممكن لييش لا
وخر مني اخذت نفس لان جان كابت على نفسي
سلطان : خلينا نسوي اتفاق
باوعت علي بحيرة شنو اتفاق شدتفكر بسلطان
يباوعلي وضحكه خفيفه مرسومه على وجهه
عشق : اتفاق شنو
سلطان : اني ماحجي وياا بنيه شقه ماشقه واكللهن مريتي متقبل وانتي ممنوع توكفين وياا احد احمد متضل تلاسنين ويااا
عشق : هذا الاتفاق مو عادل
سلطان : ليش وين الضلم بي
عشق : انت تحجي وياهن بس جديه مو شقه واني حتى وكفه متقبل خليني اعدلكيا شويه اني هماتين اسوي نفس الشي كتلك امشي على مبدئ العين بالعين والسن بالسن
سلطان بحده : عين بعين وخشم بخشم ام المبادئ لاتخليني حتى طلعه من الغرفه مخليج كالت مبدئ ام الغرور
