نهوة السلطان (خلقت لاعشقها )
للكاتبه **سارة وليد **
@اذكر wwr17ss
نزلت لكيت احمد عياطه مالي البيت مروة بحضن جديتي وتبجي استغربت شكوو باوعت شفت سمير ... اويلي بس لاسمير مسوي ناقصه ...
عشق : احمد هاي شكو
احمد : تعالي شوفي بت عمج لو ما الله ولطفه جان الله يعلم شسوو بيها ولج ماعندج عقل انتي شلون ترجعين من المدرسه مشي
مروة : لعد شسوي انت ماترد وسلطان مقفول تلفونه (ماقطعه)
احمد بعيطه: تنكبرين بمكانج وماتتحركين لحد مايجي احد وياخذج اخذ الله روحج انشاء الله
اباوع احمد يفور من العصبيه لحد الان مافتهمت شي بس مروة الداكه الناقصه مو سمير ...
احمد : انتي بعد ماطلعين باب البيت افتهمتي ... سمير ماحفضت رقم السيارة
سمير : لا والله بذيج اللحضه مخطرلي بس عندي شي يخصهم تكدر تسلمه للشرطه اذا مرخص يغرفزن صاحبع واذا ما مرخص هم يرفعون البصمات العلي
احمد : ليش هو سلاح
سمير :ايي
رجع باوع احمد على مروة
احمد : استلللللم
سمير : احمد كافي تعيط عليها ترة من دون شي هي الي شافت شي مو هين
احمد : لا هي هاي ست مررررروة تسووي المصيبه وتطلع منها بسهوله
مروة وهي تبجي : ليش تحجي وعبالك اني الكتلهم تعالو علي ترى اني راح ارجع مشي اني شمدريني
احمد : هااا حقج ولج انتي تعرفين الناس التكرهنا شكدها هم اني وهم سلطان دكللجن ابقن بالبيت ومن تطلعن لاتكلعن وحدجن البرة مو امان بس لاء لازم تتفيك ماتكدر
عشق: انت بس فهمني شصايرر
احمد : بت عمج رادو بخطفوها راجعه من المدرسه مشي ونازليلها بسيارة لو سمير الله ينطي جان الله يعلم شسوو بيها
انصدمت حيلي رجف من السمعته
عشق : شنوو منوو هذوله وشعدهم وياها
احمد : مو وياها ويانا احنه يريدون يكسرون ضهورنه بعرضنه بس يخسوون ....
عشق: مروة انتي زينه خوما سوولج شي
جانت منهارة بالبجي الله يساعدها
عشق : كومي وياي غيري ملابس المدرسه ....تعالي
اخذتها على غرفتها هي طيت للحمام اني رجعت عالصاله د
سمير : اني اترخص اتاخرت عالبيت
احمد : سمير مشكور خويه مقصرت
سمير : لايمعود قابل شسويت