نهوة السلطان 《خلقت لاعشقها》
للكاتبه ***سارة وليد ***
______________________________________
البارت 15 ....
ام سلطان : مرتك هااي صايرة شيخه علينه تطرد سحر وضاربتها باوع على البنيه اسمع سلطان هاي اني دكلك ماسمع لبشر يتماده على واحد من أهلي
سلطان بعيطه : عششششق
نزلت راسي دموعي قلبي نزلن
سلطان : عشششق
عشق : هئ. هئ .. هئ. ان.. ان... اني 😭
حسيته لزمني من جتافي رفعت راسي
سلطان : عشق كولي شصار بينج وبين سحر احجيلي
عشق : هو .. هو ..
يربي من الخوف مديطلع الكلام
سلطان : عشقي تعاي كعدي تعاي ... سلوى جيبي كلاس مي
سلوى : يلا رايحه
راحت سلوى كعدني عالقنفه وكعد بصفي لزم ايدي وباوع علي
سلطان : احجيلي شصار
عشق : اني مسويتلها شي .... ولا طردتها اصلا هي الحاولت تضربني بس اني مخليتها
سلطان : هاي هي ... سحرررررر
سحر : ها سلطان 😢
باوع عليها سلطان وكام اباوع على عيونه حمر دم وحواجبه متلاكيات من العصبيه بلعت ريكي اني ليش هيج ياربي عبالك الدنيا عدها ثار وياي كل شويه مشكله شكل 😭 .....
سلطان : سمعيني يووم وانتي سحر افتحي اذانج ... عشق مرررتييي الي يتجاوز عليها يتجاوز علي واليتجاوز على سلطان معروف شيصير بي ... (مقاطعه)
سحر : انت .... انت تصدك كلام مرتك
سلطان بعيطه: لاتقاطعيني من احجي
رجعت خلت عيونها بالكاع .....
سلطان : وانتي يووم بعد ممنوع تلزمين عشق عندج شي وياها انتظريني من ارجع واحجيلي اني اخذلج حقج اذا غلطانه وياج ... اني رجااال البيت لو اني متوهم هااا يوم جااوبي
ام سلطان : بلي يابه بس ...
سلطان : خل يووم انتهى هذا النقاش كلمن يروح على شغله وانتي سحر تجين هنا محترمه روحج اهلا وسهلا وماتحترمين روحج والله ياخيتي بعد ماخليج تجين هنا ماناقصنا مشاكل العدنا كافي
