نهوة السلطان ( خلقت لاعشقها )
للكاتبه ** سارة وليد **
___________________________
البارت 23 .......
عشق ....
طلعت من الحمام لكيته ماكو بالغرفه ارتاحيت غيرت ملابسي ونزلت جوا جانو كاعدين عالسفرة يتريكون ..
عشق : صباح الخير
الكل : صباح النور
كعدت وياهم باوعت صار بوجهي يباوعلي بنظرة وعبالك يكلي اني اعلمج بلعت ريكي وبديت اتريك
ام سلطان : ماشاء الله الساعه بال9 ونص البيت نايم توة يلا كعد
سلطان : وشنو ورانه يووم هو العرس وبالقاعه البارحه رتبنا كلشي ميحتاج كعده من الصبح
ام سلطان : ايي والنسوان الي اجن يباركن لاحمد هناا لان ميكدر يروحن لقاعتكم البتلفات الدنيا مسوينها ما اعرف ليش كل هذن الفيكات البيت زايد عل العرس
اباوع على سلطان كام يفاور ....
سلطان: ايي والمطلوب شنوو
ام سلطان : ماكو شي حتى ينطلب ماشاء الله عليكم ولدي الاثنين راحو خطبو واتزوجو محد اجه واخذ رأيي وبالجذب كالي يمه رايد فلانه شتكولين بس هي هاي الام تتعب وتربي والجنه هي التحصد
كام سلطان اني كلت هسة يكوم يعيط.............. راح عليها وباسها من راسها نزل باسها من ايدها
سلطان : لو الف جنه ماتاخذ مكان ام سلطان لابكلبي ولا بكلب احمد انتي شمعة البيت وضوا شلون تحجين هيج
الجده: ايي واني بالمنسي مو يابن ابني موو يسلطان
سلطان : هههه لا وين اكو اصلا اني جنت ادورلج عريس اريد ازوجج
الكل : 😂😂😂😂😂
الجده : يبووو نزول عليك بعد هذا العمر والشيب عبه راسي
سلطان : لا وين اصلا بعدج شباب غير جدي عافج وانتي صغيرونه شتكولين ابو مناف هذا ابو الاسواق شتكولين مو خوش شايب
الجده : يبو يسواد الوجه هذا ابنج نسرين اتخبل ولك ذاك عجوز خلصان
سلطان :😂 حقج جده حقج هذا شضل منه نلكالج الاحسن 😂
