ليتهہآ لمـ تگن لگنهہآ گآنت
آلقسـمـ. التاسع واربعون (49)
بقلمـ زهہرآء قآسـمـ. (بنت آلآگآبر )
آتمـنآلگمـ قرآءة. مـمـتعهہ. ولآ تنسـو آلتصـويت. ورئيگمـ في آلآحدآث
أنا العاشق لعينيك
برب العشق فارحمني
وخذني بين يديك
نبض القلب اسمعني
وضمد جرحي الدامي
مني اليك فاخذني
❤يسعد مساءكم احبائي. اليوم احداث البارت طويله. واعذروني علئ التاخير. كتابت. البارت يكلف اكثر من 4ساعات. متواصله. كتبته لكن بلمسه غلط انحذف البارت ورجعت كتبته لعيونكم لحتئ ماتاخر اكثر. وهسه اكتمل
ملاحضه -"راح انشر تنويه. يجب علئ الجميع قراءتها. الي تحدد القصه.
حبايبي الي مامتابع حسابي هسه يدخل لحسابي ويتابعني لحتئ يوصله اشعار القصه اول باول.
❤💬
تيم -" اسد اترجاك ارجع ارتاح لاتسمعله الي. يخلي مرته تتزوج صديقه هذه مايتسمئ رجال. ارتاح.
ريسان -" سلوئ مااااتزوجت احد. كله كذب ماكو زواج. ولا شي. الاوراق الي وقعت عليها بالمحكمه جانت اوراق تنازلك عن المستشفئ الي بلاردن
والاوراق الي وقعت عليهم بالنجف جانت. اوراق. بيضه كلشي معليها
اسد -" لهاي الدرجه حاقد. جنت تكدر تجي وتكول اريد المستشفئ اقسم بالله احولها باسمك. انته جنت اخوي
تيم -" ياكلب. ولك انته ماتنحسب علئ الزلم خليني اربي بيه كل منحط وخسيس
اسد -" تيم لزمت ايده امنعه يروح لريسان.
ريسان. بيوم شفتك يم الشط هذه انته مو
ريسان -" رحت للشط حتئ اتنفس بس من شفتك اهناك اختنكت ورجعت لبيتي. واني جنت اراقبكم من بعيد. بالحفلات. وب كل مكان.
اسد اني. اتهمتك قتلت رنا. وشفتك بعيني عدوي. جنت اكدر اكتلك وادخل السجن بس جنت متعلق بسلوئ. الي هسه راحت. بس هسه وعيت لشي جنت اجهله
رنا و سلوئ. هذني جانن ضحيه لحقدي وانانيتي.
اسد -" بس اني كتلك وحلفتلك ماقتلت احد
ريسان -" سرمد سرمد.طبيب التخدير هو كالي انته قتلت رنا. هو جان يرسم ابالي. انته الي قتلتها. الله يلعنه. دخلني لمتاها وضيعت الاول والتالي بيهااا
اسد -" بس لني عاشرتك من جنا اصغار مامعقوله ماتتذكر ايامنه سوه.
ريسان -" حقدي عليك ماخلاني اشوف الخير. اسد. اريد سلوئ ترجعلي
اسد-" راحت سلوئ ريسان بيدك وديتها للموت. بالبدايه رنا وبعدين سلوئ
تيم -" هسه ماتت سلوئ بس ماكلتنه منو راح يتحمل مسوليتها وتلبسه التهمه
ولك. انته حرام تمشي علئ الكاع مكانك جوه الكاع
ريسان -" تسوي فضل اذا تخليني الحك سلوئ
تيم. اني خسرت. ايي خسرت كلشي املكه رنا وراها سلوئ وهسه من جاي اشوف نضرات اسد الي الي يملئها الشفقه خسرت نفسي.
اسد -" انته. يمته تزوجت سلوئ. واشلون تعرفت عليها قبلي لو بعد ماني تعرفت عليها
ريسان -" سلوئ صديقت رنا جانت وياها بالميتم. بس بعد ماتزوجنه اني ورنا. راحت سلوئ لامريكا.
من ماتت رنا وهسه الا عرفت كله من وراء انانيتي انو لازم تكون رنا محد
حبها غيري ولااحد لامس اديها غيري
من عرفت رنا جانت علئ علاقه بواحد قبل لااتعرف عليها
. قتلتها بهجري الها والضرب الي تعلمت عليه. جسمها ضعف ومناعتها من اسوئ لاسوئ لسه شكلها ابالي.
اسد شكلها. قبل لاتموت لسه ابالي. من تخربطت جانت بحضني. ولفضت كلمات. هستوني عرفت معناهن.
(ريسان الثقه زجاجه واني ماكسرت زجاجتك. ) بس كلش متاخر من عرفت معنئ.
ماتت رنا. واجت سلوئ. من امريكا. والدموع بعيونهاا
وحجيتلها عليك وهي صفت وياي.
بمررور الايام. عرضت عليها الزواج ووافقت. بس مو عن حب عرفت بعدها هي جانت تحبني. وراحت لامريكا لحتئ ماتخرب حياتنه اني ورنا. خططنه ودخلنه لحياتك.
اسد -" تشكيلها كروب وياك ماجان عبث.
ريسان -" عرفت انو اني احبها بس هم تاخرت.
تيم -" مانريد نعرف قصة حبك. لان الي مثلك مايعرف شنووو معنئ الحب احجينه اشلون عرفت اسد مو هو قتل رنا. احجي اشلون
اسد -" مو مهم اشلون عرف المهم. تاكد اني ماقتلت روح رنا
ريسان -" اتصلت بيه الممرضه الي هي قتلت. رنا. واعترفتلي.
اسد -" اشوصلها الك اني نقلتها لمستشفئ بالاردن بعيدها وراح هي وعائلتها وبعد ماشفتها من يوم الحادثه.
ريسان -" اي ياسد. هاي الممرضه حجت بس هم كلش متاخره. عرفت كذب سرمد. وكل شي سويته بيك انعاد كدامي فقدت السيطره علئ نفسي.
واجيت للمستشفئ صابتني جلطه
تيم -" انشاءلله لجهنم.
اسد -" كمل. باوعت لتيم بقلة حيله هو فهم اريد اسمعله
ريسان -"الاستعلامات اتصلو. بسلوئ. وهي جايه بالطريق
اسد -" زاد بجي ريسان. حط ايده علئ سريري يوزن نفسه
تيم -" يعني لو مامتصلين بيها. جان استمرت زوجتك بالزواج مووو.
وزواجها جذب وهي علئ ذمتك ولك خسيس كل شي سويته يستوعب
بس مال تسوي بمرتك هيج هاي حتئ الحيوان ماسواها.
ولك اشلون تخلي واحد يباوع لمرتك كونها خطيبته لو زوجته
ريسان -" تيمممم لاتحجي علئ سلوئ. سلوئ رب الشرررف
اسد -" تيمم اسكت. وانته كمل. لعد شنو جان قصدكم.
ريسان -" جنت متفق وياها علئ موعد. حتئ تطلعلي ونسافر. هيج وكت لازم احنه بالمطار.
جانت خطتنه انشوه سمعتك ونمسها بالسوئ.
وناخذ ملكية المستشفئ ونسافر واحنه ضامنين حركنه. كلبك الي. مايوم ئذاني اسد انته. ماراح تتكرر بحياتي
اسد -" ريسان. سلوئ قبل لاتموت كالتلي افين بريئه. شنو قصدها ريسان افين ليش دخلتوها بلعبتكم.
تعالو اقتلوني بس افين. اشدخلها
ريسان -" اسد هاي ماجانت ضمن مخططاتنه. بس بالصدفه. سلوئ جانت رايحتلك للمستشفئ والتقت بواحد. واكف يم السكرتيره ويريد يدخل بس هي ماقبلت
.سلوئ حجت وياه وكالته اني اصير خطيبت الدكتور اسد بشنو اكدر اساعدك.
عرفت اسمه جان كنان
اسد -"ك كنان
ريسان -" اي كنان جان جاي يخطب افين منك ماجان يعرف عنها اي شي غير هي طالبه. ومرا شافك توصلها للمدرسه وعرفك.
جان يمول لمشفاكم الاجهزه الطبيه. واجه يطلبها منك. بس
اسد -" احجي ريسان بس شنو
ريسان -" اسد سلوئ حجتله عن افين وكالته هي فصليه وانته مامعتبرها زوجتك. وبعدهي باكر. والشيخ منطيها كلمه اذا اجاها واحد وطلبها وهي موافق فراح انته اطلكها وتخليها تشوف حياتها.
اسد -" و الصوره ريسان.
ريسان -" سلوئ حجتلي عن صوره اخذتها لايدها وايد كنان بعد مارسمت علئ ايدها شامه. تشبه شامت افين
اسد -" بس هي اشلون عرفت عند افين شامه وبيدها
ريسان -" مرا كلتلها لسلوئ انو ابسط الاشياء تبنيلج هرم.
وهي جانت تركز بكلشي. جانت تتذكر اول مرا اجتكم للبيت. افين قدمتلها جاي وانتبهت للشامه بس بهذاك الوكت ماجانت. مفيده.
بس استخدمت الشامه. حتئ تثير شكك بيها وتطردها لاهلها. لان افين جانت تشكل خطر علئ خطتنه.
اسد -" من يا ناحيه تشكل خطر علئ خططكم.
ريسان -" افين شافتنه مرا نحتفل بعيد راس السنه بمطعم. وسمعت كلام سلوئ وياي.
افين جانت امركزه علئ سلوئ بكثره فرحيلها يسهل اهواي افعال
تيم -" حيواان.
اسد -" لزمت تيم بقوه وطلبت منه يطلع.
تيم -" خليني الحكه بسلوئ اسد
اسد -" اريد اعرف اهواي اشياء منه. واريد اعرف اشكد جنت غبي اني من ماسمعتلك ولا سمعت لافين من حجيتولي
كمل ريسان.
ريسان -" راح احجيلك كلشي. ماراح اطلب منك تسامحني لان اكيد ماراح تسويهاا. سلوئ اشترت خواتم من محل قريب للمستشفئ واخذو الصوره بعد ماسلوئ كالتله انو اغين هم تحبك. ولتزم تحارب علمود اطلكها من اسد
وجانت سلوئ ادز لكنان رسائل بورق وتكوله من افين.
جان مكتوب بالرسائل الي جانت تكتبهم كدامي. انو افين جاي تعاني من اهلك وتريد تخلص منهم. هو اشتعلت بداخله نار. وراح لعندك وراواك الصوره مال ايده وايد سلوئ
اسد -" بس هو راواني صور ثانيه.
ريسان -" بيوم خطوبتك سلوئ حجتلي عن صور اخذتهن لافين. وهي ماجانت تدري ودزتهن لكنان الي. بيومها. انته وياه بالحمامات تعاركتو
اسد -" جنت موجود بالكوفي مو
ريسان -" ايي جنت موجود من ضربت كنان. ذكرتني بايام الي جنت تضرب الجهال لان يصيحون عليه لو لان ياخذون مساحتي ةقلمي انته جنت تضربهم
اسد -" سلوئ جانت تلعب صح ياريسان مائذتني بس خلتني ائذي نفسي بيدي
جنت اروح لسلوئ للشقه جنت اشوف دئما كوبين واشوف الفراشات مهوسه جانت دئما تمنعني من المس حتئ ايدها
ريسان -" جنت اجي لشقه الي كاعده بيها ومرات ابات يمها
اسد -" لهاي الدرجه الانسانيه معدومه عندك
ريسان -" بعد الضلم الي شفته تاكدت الانسانيه انعدمت اسد بس ضميرك. الي لازال يولد الانسانيه الي انعدمت بحياتنه
اسد -" كلتلي الاوراق الي وقعت عليها جانت اوراق تنازلي عن المستشفئ بس ماكتلي الي جان بقاعة المحكمه شنو
ريسان -" هذه جان قاضي. بس رشيته وخليته يسلمك اوراق. التنازل
اسد -" هههههه اشكد جنت غبي اني.
ريسان -" لاتكول عن نفسك غبي. انته لان كلبك نقي هيج صار وياك هاي اني الغبي الي مشيت وراء حقدي الي عماني وسرمد راح اخذ حقي منه.
اسد -"شفت بعيون ريسان حقد علئ سرمد. ايي ياريسان راح ترجع نتقم وتحارب حتئ تاخذ حقك مو.
ريسان انته فقدت حقك بالحياة كلها من يوم عذبت رنا ومن يوم جعت سلوئ وسيله لانتقامك ومن يوم ئذيت صديقك.
واني اني فقدت الحياة. من ماسيطرت علئ غضبي
. وفقدت الحياة من اتبعت جذبكم انته وهذيج ومشيت وراء شكوكي وئذيت الي جنت اخاف عليها من نفسي
. الله يلعنكم ريسان الله يلعنك. انته وسلوئ لجهنم انشاءلله
ريسان -" اسد اسد اترجاك اغفرلي.
اسد -" دفرت ايده الي علئ رجلي. وكمت. شلعت المغذي والكانونه بقوه طلع دم من ايدي حطيت عليها قطن من الي جان يمي.
وطلعت شفت تيم. يفتر بالممر وهو حاير اعرف هو مقهور مني من ماسمعت كلامه ولو بيده هسه يقتلت ريسان ويعاتبني لان ماجنت اسمعله ووكعت بمكايد ريسان وسلوئ. مشيت باتجاه
تيم -" هاا اسد
اسد -" حطيت ايدي علئ كتفه ومشيت طلعت من المستشفئ. ركبت سيارتي شفت تيم. من بعيد اجه ركض. فتح باب سيارتي
تيم -" مليت الاستماره واجيت اسد تعال انزل اني اوصلك ماتكدر تسوق
اسد -" لاتيم اريد اروح. تيم اترك ريسان يروح. ساعده بس هاي المره لخاطر. عشرتكم
تيم -" اشلون اخليه يروح واساعده وهو الي دمر حياتك هااا
اسد -" لخاطري سوي هيج.
حركت السياره. للبيت. جانت سيارة سلوئ لسه بالطريق ووياها الشاحنات
ماترحملتلها وحتئ لو ترحمتلها ربنه ماراح ينزل الرحمه عليها بعد الي سوته
افين -"سكت واني دنكت راسي بعجز.
بس فزيت علئ شهكته باوعتله جان يبجي حسيته اختنك سحلت نفسي واني كاعده ادنيت يمها حطيت اديه علئ راسه هو لزم اديه
. دنيت راسه علئ كتفي. وهاجت الالم الي تذكرني. بسوايته. جان يبجي ويصرخ بس الالمي صرختها اقوئ صرختها تهدم اجبال جنت ساكته. وهو بالكوه يطلع كلمه
اسد -" افين انخ انخدعت. ضلمتج وياي. ان اني كر كرهت نفسي بكد رحمة الله ورحمتج عليه. غدروني غدرني الي جنت اكول عليه ازام ضهري
صدك الغرب وماصدكني
افين -"اششش
اسد -" تعبان افين نيميني احس راح افقد اذا مانمت
افين -" يله يله. سندته يكوم جان ثكيل رجعت الامي تزيد وهاجت عليه. احس جسمي صار نار. كام مشيت وهو نص ثكله عليه.
وصلت للدرج جانت اساعده يصعد وصلته لغرفته
تعال اخذلك دوش اشويه حتئ ترتاح اسد
اسد -" بس لاتعوفيني
افين-" هزيت راسي بالرفض
راح دخل. واني جسمي كل مسامه بيه تصيح اااه وتذكرني بس ردت اسوي وياه معروف يكون الاخير والخاتم للرابط الي بينه طلع من الحمام اجه لزم ايدي وعيونه بالكاع.
شفته تعبان. ابتسمت وهاجت الالم الي بوجهي من شفته جان مثل الطفل الغلطان ويريد من امه تصالحه مشيته علئ كيفي
. اتصطح علئ الجربايه جريت اللحاف وغطيته. جان امبين عايش بصدمه مايريد يستوعبها.
مسحت علئ راسه بخفه. غمض عيونه مثل الي ارتاح. ردت اروح
لزم دشداشتي جنت دايره وجهي.
انعكست صورتنه بالمرايه الي علئ يميني . جان وجهي من الااورام مامبين. جان فاتح عيونه ويباوع لردت فعلي
بس اسد الكلوب وارجع مشيت سديت الضوه.
ترددت اروح يمه مشيت خطوات قليله نحو الباب وقفني صوته جان بيه بحه من البجي الي بجاه
اسد -" مالي عين اباوعلها وماعرف شكللها. بعد الي سويته وياها زين من عدها واكفه يمي
. ماكدرت اباوع بعيونها اشكد حاولت بس خجلت من عيونها الي جانت تباوعلي بيهن بامان وحنان وحب.
وتحولت هل نضره لخوف وهرع
لزمت اديها. ماردتها تعوفني. جانت اديها كلش حاره. مو مثل قبل جانت اديها بارده واني ادفيهن بين اديه. رحت للجربايه نمت جنت اريدها تنام يمي
من مسحت علئ راسي. تنفست بعدما جنت حابس نفسي واني يمها
رادت تروح.
اعرف ومتاكد ماراح تسامحني.
وهذه من حقها. بالاصل اني ماراح اسامح نفسي. بس ردت انام واحس نفسها يمي والهوئ الي اشتمه هي تشتمه.
مو من حقي اطلب. بس اريدج تعرفين شي محتاج هاي الليله انام. لو ابقه صاحي راح ابقه افكر باسوئ يوم بحياتي البارحه. وراح افقد كل حواسي بالحياة.
افين ابقي يمي بس هاي الليله. واذا تقربتلج بالمجر الي يمج اكو سجينه اقتليني قبل لالمسج خليني انام بس هاي الليله
افين -" تنفست بقوه رجعت ليوراء. نمت يمه جنت دايره وجهي عليه.واباوع عليه وهو نايم علئ ضهره وحاط ايده علئ كصته والايد الثانيه علئ صدره
قصدك اسوئ يوم بحياتك اليوم مو البارحه
اسد -" اسوء يوم البارحه افين من فكرت ائذيج
افين -" انته مافكرت اسد انته فعلت وكسرتني
اسد -" ليش ماخذتي السجينه وحطيتيها يمج
افين -"تريدني اقتلك
اسد -"ياريت جريت حسره واختنكت
افين -"ههههه اطمئن اني مااقتل انسان وهو بالاصل ميت
وكتلك وراح ارجع اعيد. انته اغتصبت جسد افين مو روحها. رو
اسد -"روح افين لسه نقيه وباكر من حيونتي عرفت هل شي متاخر افين
افين -"جنت احضن اسد وانام مطمئنه من بعد اهلي ماكدرت انام بس بحضن اسد انسه كل الامي. الله يرحمه
اسد -"نزلت دموعي واني صافن علئ السكف. معقوله افين وصلت لمرحله تشوفني ميت واني يمها
افين اشلون اكدر اصلح الي صار
افين -"تعبانه. جريت نفس لحتئ اهدئ الجروح وابرد جسمي صوت نفسي مسموع.
كلش تعبانه الزمن ضلمني.
اسد حررني اريد ارجع لاهلي. اروح لحضن ابوي وامي واشكيلهم عن الي ضلموني. ابوي وامي الوحيدين بهل كون يحبوني مندون مقابل. اسد طلكني خليني اروح اكمل دراسه.
اسد -"واني افين مافكرتي اشراح يصير بيه بعدج شلون اكدر اخسرج
افين -"اسد انته خسرتني من يوم اعتديت عليه
اسد -" حبيتج يافين وماكدر اتركج
افين -"اسد. اذا تريد اتصلح كل شي بحياتك حررني. خليني ارجع اعتبرني مامريت بحياتك
اسد -" وانتي راح. تتصلحين مثل هل اشياء
افين -"ما تكدر ترجع جامه مكسوره ومحطمه لذرات ماتنشاف
بس تكدر ترجعني لااحضان اهلي محتاجتهم نزلت دموعي علئ الجروح الي بوجهي وهاج الالم.
اسد -" ماكدر.اتركج انتي الي درت وجهي عليها شفت دموعها تنزل بهدوئ وعيونها ماتنشاف. كله من وراي انشاءلله. تتكسر اديه
افين -"برفضك لتحريري قيددتني بيك ياسد والي بينه ماراح يتصلح ولاتهدئ النار الي ابكلبي.
اسد -"كرهتيني افين
افين -"ياريت كرهتك. الي ابكلبي عليك اكبر من اكرهك اسد
اسد -" شنو تتمنين هسه
افين -"امنيتي تلكاها يمك الصبح مكتوبه بورقه
اسد -"اسمعج هسه
افين -"تعبانه
اسد -"تعالي بحضني اوعدج مائذيج سلميني نفسج وراح احافض عليج حتئ من الهواء
افين -"اشرت بيدي علئ صدرها هذه ههههه. هذه ياما نمت عليه وجنت اسميه موطن للامان. بس تحول مثل الوحش التهم الطفله افين.
اريد انام لو عاجبك تباوع لشكلي تره اعرف يخوف
اسد -"ماكدرت اجاوبها. مديت ايدي لوجها تلمست الجروح علئ كيفي جانت امصخنه
اخذتي دوه
افين -"ايي اخذت
اسد -"مسحت علئ راسها. افين نامي
افين -"اريد اطلب منك طلب قبل لاانام اسد
اسد -"كولي روحي انطينياها ترخسلج
افين -"اسد انته ماحققت رغبتي وطلكتني اريدك تحققلي اخر رغبه بقت بروحي الي جاي تحترك والله نار. ابكلبي مشتعله ماتخمد
اسد -"اششش راح انفذ كلشي اذا يريحج اتقربت يمها وحطيت راسي علئ كدامها. افين خليني انام تعبان
افين -"غرست راسي بحضنه اعرف طلبي راح ينفذه اريد. احضنه لاخر مره
نمت واني حاطه راسي بركبته. بوكتها مانسيت هو اشسوه بيه بس ردت احقق اخر رغبه لكلبي وبعدها عقلي هو السيد
اسد -"حضنتها بقوه جنت اتمنه ادخلها الكلبي مايهمني طلبها المهم هي ترتاح روحي فداها. نسيت كل شي مر عليه بحضنها بس الشي الوحيد الي مانسيته حرارة دموعها وانفاسها. علئ ركبتي جانت تفززني
. خوفي من ان تتركني جان من اقبح كوابيسي. وبعد صراع طويل ويه النوم استسلمت وغفيت
افين -"جنت اتنفس نفسه بس تعبت وجودي يمه يذكرني بالي سوه. كدرت اطلع من قبضته. كمت كعدت علئ مكتبه. لزمت بيدي قلم وورقه
ردت اوضحله شي ماكدر احجيه واني اباوع بعيونه
(لا استطيع صياغة الكلام امام نضرات عيناك التي اغرمت بهن ليتك لم تقتل الحب اللذي بداخلي. كنت اشعر انه دعائي وارتل حبك في كل ليله مضلمه ارتعشت منها الخوف.
لطالما. اضننت ان حضنك موطني. وبين يديك ابدو وكاني طفله اناغي بين اضلعك. كان حضنك اماني وحلمي.
حبي لك ليس له علاقه بانوع ارتباطنه. لطالما كان حبي لك رابط مقدس
لااستطيع تصديق انك صدقت كلام الاخرين عني وانا كنت اضن انك تقرء افكاري وتشعر بي.انتهكتني غصب و تجمدت بين يديك لكنك كنت تستمتع بئيذئي. رايت فيك الضلم رايت فيك ابي الذي نساني وقدمني اضحيه لاسترجاع. اخي. وضلمتني امي عندما انجبتني بنت في.المجتمع الذكوري
ليتك وياليتك ولارجوع لما مضئ
رحيلك عني سيكون بئر الماء في صحراء قلبي ويطفئ النيران المشتعله بداخلي. ارحل عني وانزل رحمة الله عليه بقائك امامي سينمي كراهيه بداخلي ستكون سبب لتمحيني. ارحل ارحل لاي ارض لاتوجد فيها( افين )
اسد اتركني اضمد جروحي بنفسي ولنترك الصلح للزمن فهو كفيل الماضي لتصليحه. اسد ماراح اكدر.الفض كلمات الئ الوداع
. يكفي ان اقول الك الئ القاء. )
❤
نزلت دموعي علئ الورقه. اخذته وحطيتها علئ مكاني الي جنت نايمه بيه
تقربت منه وبست راسه كورت وجه بين اديه. ياريت كل هذه ماصار
طلعت من غرفته. نزلت لغرفتي. غلقت الباب عليه
نزلت ابجي بالكاع بقيت اضرب علئ صدري. بعد كلشي سواه بيك تريد يبقه لو بيدي اطلعك واقطعك لقطع. ااااخ ياكلبي تعلقت بجلادك
جانت حالتي بوقتها مااتمناهاا حتئ لعدوي الغرفه تذكرني بكلشي سوه اختنكت.
غطيت نفسي مااريد اشوف اماكن الغرفه
اخذني الضلام لعالم الصمت
اسد -"رجع نفس الكابوس فزيت واني احس كلبي طبل نبضه كلش قوي. شربت كاسة الماي الي يمي مسحت علئ وجهي
عسبالك جنت عايش بوسط الحلم.
هل حلم مايفرق عن الواقع.
تذكرت افين البارحه جانت يمي نايمه درت وجهي واني متامل الكاها. بس ماكو شفت علئ مخددتها ورقه وفوكاها قلم
اخذتها وكمت فتحت الاضويه كعدت علئ القنفه فتحته.
جنت اقره بحرص مثل الي مايريد الرساله تخلص. دمعت عيوني. ماتحملت طلبها ان ابعد عنها
. بس كلماتها جنت احس هذي الكلمات واقع حالتها
اخذت الرساله. لازم. انفذ طلبها اني فقدت الحق لاكون يمها. كمت رحت للحمام سبحت وطلعت نزلت الجنطه طلعت
منها الاشياء الي مومهم وحطيت بيها كل الاشياء المهمه حطيت رسالتها والقلاده و والكره الزجاجيه بعلبه اصغيره. وحطيتها بالجنطه. تركت الجنطه بغرفتي
طلعت من البيت الصبح الساعه 7. شغلت السياره وانطلقت للمستشفئ
وصلت صفيت السياره ونزلت جانو الكل يباوعلي بصدمه
. بس ماعرف شنو المبرر الهم البارحه جانو نص المستشفئ حاضره بالزفه
وصلت للمكتب لكيت تيم كاعد علئ مكتبه ويقره بالسجلات الي كدامه
صباح الخير تيم. رحت كعدت كدامه
تيم -"اسد. ليش اجيت جان لازم ترتاح
اسد -"تيم البارحه شنو الحجه الي انطيتوها للناس
تيم -"كنالهم انو سلوئ يتيمه واجاها خبر انو اهلها موجودين بالعراق تحديد بالمستشفئ. هي تركت كلشي حتئ تروح وتشوفهم وبالطريق سوت حادث
وبس
اسد -"صدكو هل كذبه
تيم -"اسد اكو منهم صدكو واكو لا. لاتهتم بعد كم يوم تصير سالفه قديمه وتنسي
اسد -"وريسان.
تيم -"ليش تسئل عليه انساه وكمل حياتك يخوي
اسد -"اتحملت وسمعت اهواي تيم. اخباره هسه ماراح تاثر عليه
تيم -"ريسان اليوم الفجر راح دفن سلوئ
اسد -"اشلون تخليه وحده يروح هااا اني موكتلك ابقه يمه ولااتركه
تيم -"اهدئ اشبيك خلي اكمل كلامي. رحت ويا وساعدته. ولمن صاح الله
اكبر ويه الاوذان دفناها وقرينه الفاتحه خويه ريسان ماقبل يترك. القبر
بقه نايم يم علئ ترابها ويبجي ويحجي حسيته فاقد
اسد -" تيم كوم وياي
تيم -"وين تريد تروح
اسد -"اذا تريد تجي تعال مندون كلام
طلعت من المستشفئ ركض رحت اخذت سيارتي. طلعتها من الكراج شفت تيم هستوه يريد يدخل للكراج ياخذ سيارته اشرتله بسيارتي تعال
اجه صعد
تيم -"رحمه لوالديك ماتكلي وين. راح تروح اتورطت صادقت واحد مخبل
اسد -" شغلت السياره تيم انروح لريسان انرجعه. اعرف راح تعترض بس اسمعني. راح اساعده لخاطر عشرتنه قبل
تيم -"بعد الي سواه بيك. كرهت حتئ الكاع الي يمشي عليها
اسد -"تيم ريسان ائذاني خذه تعب اسنيني وحلمي الي بنيته طابوكه طابوكه خذه مستشفة احلامي بعمان. وشوه سمعت اهلي بين الشيواخ وعيشني بوهم طول هل سنوات كل هذني كلت ميخالف بس يوصل بيهم الحقد يزرعون الشك بيه واخرب علاقتي بافين هذه الشي الي كسرني.
سكتت والف غصه بكلبي
وصلنه للنجف صفيت السياره بالكراج ونزلت . تذكرت من اجيت لهنا لحتئ ازور اخوي واعقد
ابتسمت واني اتذكر اول مرا افين تنام بحضني بالفندق. ولمن بستها وشردت
تذكرت هذاك اليوم وباصغر تفاصيله
جنت امشي وراء تيم وصلنه قريب علئ ريسان. وكفت اباوع عليه
جان امغطي قبر سلوئ بسترته وهو متمدد يم قبرها. جانت دموعه تنزل ويحجي بهمس تقربت اكثر قريت الفاتحه علئ روحها وعلئ روح موتانا. ماعرف اشلون طلعت مني كلمة الله يرحمها صدقت رحت تقربت يمه كعدت حطيت ايدي علئ كتفه
ريسان
ريسان -"اسد لاتسامحني. بس سامح سلوئ خلي الله يغفرلها هي مالها علاقه بااي صار اني سودت كلبها الابيض.
اسد -"ريسان مايصير تسوي هيج. كوم اقرالها قران ورش علئ قبرها مي خلي تهدئ روحها
ريسان -"روح اسد روح مااستحق منك كل هل رحمه
اسد -"انته لو تحب سلوئ ماجان هيج عذبتها وهي بوحشة القبر
ريسان -"اسد والله تعبان. ماكدرت احمي سلوئ.ولا كدرت الحك افرح بابني الي لسه ماانولد
اسد -"كوم ريسان واذكر الله لاتعذبهم وهما بقبرهم اقرالهم قران.
باوعت لتيم. جان واكف بعيد اشرتله. اريد بطل مي
يله ريسان كوم سندته وكومته وكف قره الفاتحه واندار عليه
ريسان -"لوكاتني ولا مساعدني ليش سندتني اسد اني دمرت حياة اهواي اشخاص. ليش ليش ماتقتلني ليش ماتصيح تضرب
اسد -"جنت اباوع للقبور. سمعت كلامه وابتسمت. اذا اقتلك فراح تموت مرا وحده. بس اني راح اتركك ويه تانيب الضمير الي مايرحم احد
يمكن من اكتلك ربنه يرحمك ويغفرلك بس. ضميرك ماراح يرحمك وراح ياكل الاخضر من روحك وصحتك واليابس من جسمك ونفسك
ريسان -"موتي يصير علئ البطيئ
اسد -"خليني اوصلك لبيتك يله
ريسان -"اسد اعرف بيك كرهتني وماراح تترحم وتسامح سلوئ. بس لخاطر ايام طفولتنه سامح سلوئ خليها تخلد بقبرها بسلام احلفك بروح اخوك احمد الطاهره سامحها
اسد -"شفت تيم اجه وبيده بطل مي ورد وبخور اخذته منه. فتحت البطل ورشيت علئ. قبرها. الله يرحمها.ويغفرلها
بس ياريسان اني نسيت شي اسمه طفوله بيني وبينك سويت هل شي لخاطر روح اخوي الي بيوم من الايام فضلتك عليه
يله تيم نروح.
تيم -"واوراق المستشفئ راح ارفع عليه وعلئ القاضي قضيه اطمئن خويه راح نربحها ويرجع حقك
اسد -"خسرت اهواي تيم بقت علئ المستشقئ.خلي ياخذها بالعافيه عليه
مشيت من يم ريسان
تمنيتك سندي بوكت كسرتي واصير احزام ضهرك بوكت.كسرتك بس ماشاءلله عليك تغلب الامنيات
ارجع لحياتك ريسان. الحياة ماتوكف عليك. سوي الخير حتئ اروح زوجاتك تكون بسلام وكافي شر. استقر بحياتك بسلام
حطيت ايدي علئ كتفه. امسامحك روح الله يوفقك.
رحت امشي وراء تيم الي احسه صار قنبله علئ ساعه ينفجر عليه. جان يمشي سريع
ركضت وراه ولك اوكف اشلون نطلع من النجف مندون مانزور امامنه
تيم -"لو انته غبي لو اني امخبل اشلون تتنازل عن تعب اسنين واشلون تسامحهم ولك هذوله دمرو اسنين من عمرك.
جنت تكدر ترجع المستشفئ وتتبرع باموالها للفقره ولا تنطيها لهذه الغدار
اسد -"هههههه هسه انته ضايج علمود هاي
تيم -"امشي خلي اوديك للامام. راح الولد من الصدمه امشي امشي
اسد -"طول الطريق ابتسم علئ شكل تيم الي امراقب تحركاتي وكلما اضحك يكول عليه تخبلت
وصلنه للامام علي (ع ) دخلنه للحمامات تجددنه ورحنه دخلنه للمرقد تنفست بقوه عبالك ماكو هوئ راح يخلص واريد احتفض بيه
جايك واريد منك روحي. اريدها منك ياكريم بحق رسولك محمد (ص ) اريد ترجعلي افين. غلطت واريد اطلب السماح منكم
كرهتني وبعدتني عنها ياا سيدي حمامتي طارت من قفص ضلوعي. سجدت عند بابك ياكريم هدئ النار الي ابداخلي مااريد نيرانها تطلع وتحرك الي بعدوني عنها.
صليت صلاة الزياره وصلاة الضهر بقيت كاعد علئ السجاده والاطفال بصرخاتهم ولعبهم وضحكاتهم الي مثل الماي علئ النار. الي ابداخلي
حسيت بانفاس تيم القويه التفتت شفته كاعد يمي
مثل الي منتضر جواب.
تيم اهدئ تره تانيب الضمير والذاكره كافيه لحتئ تهد اجبال
المستشفئ بكل ممر راح يشوف رنا وراح يشوف سلوئ ومكتبها وراح يشوفني اني
. تيم بكل زاويه بهذيج المستشفئ. اكو اثر وبصمه للاشخاص الي حصدهم واحد وراء الثاني بمنجل حقده
تيم -" الله كريم يله خلي نروح هم يله
اسد -"راح اروح اني
تيم -"ايي يله اني وياك نروح لعد تريد تعوفني
اسد -"قصدي راح اسافر. حتئ اهرب من نضراتها القاتله لافين
تيم -"شنو وين تسافر انته اشبيك اليوم
اسد -"لامريكا الي جنت احلم اروحلها لاحقق حلمي بس راح اروحلها واني شارد اريدها ملجئ الي
تيم -"اعرفك ياسد ماتاخذ قرار الا وراء شي جبير روح الله يوفقك واني بسدك خويه
اسد-" كفو والله والنعم منك خويه. هو الطياره باجر موعدها باليل
تيم -"خويه ولو طلبي مو وكته بس انته راح تسافر ولازم اكلك. وحق الحق قصدي شريف
اسد -"احجي علئ كيفك اشبيك متوتر خلي. افهم عليك
تيم -"اسد اني اريد اخطب اختك علئ سنة الله ورسوله
اسد -"سعادتي خربت ماريد اخرب سعادة خوي. الي جان واكفلي علئ الحلوه والمره.
الامانه لله مالكه واحد يصون ويحافض علئ اختي مثلك واتمناها الك. اليوم قبل باجر. اكلك كبع واخذ انته تستاهلها وهي تستاهلك
الي بيه خير الله. يقدمه بس بعد موافقتها
تيم -"الله يوفقك ويسعدك مثل ماسعدتني وانشاءلله الله يفرجها عليك مثل مافرجتها عليه.
بعد طريق طويل وصلت للبيت بعدما وصلت تيم للمستشفئ حتئ ياخذ سيارته.
دخلت للبيت.ماكو احد بالبيت عبالك مهجور شفت باب غرفة امي مفتوحه دخلت للغرفه جان ابوي يصلي راكع علئ سجاته وامي كاعده امدنكه تسبح بسبحتها رحت كعدت يمها بست ايدها وسبحتها
الشيخه -"يايمه سوده عليه اشبيك يايمه ليش وجهك مخطوف هاي العين الي ماصلت علئ النبي صابتك
اسد -" يمه تعبان خلي انام بحضنج حطيت راسي بحضن امي تنفست عطرها جن ريحة الجنه
الشيخه -"كون التعب لعديوينك يايمه
الشيخ -"الحمدلله. ايي ياسد منتضر جوابك علئ الي صار
الشيخه -"يااه. ماتشوفه الوليد تعبان عوفه خلي يرتاح
الشيخ -"يامره هو ابنج الي جاب التعب لنفسه من عمان خلي نفهم الي صار
اسد -"حقك يابه
. لزمت ايد. امي حتئ لاتحجي ويه ابوي حسيته عصبي وهو وزين عليه العصبيه
غمضت عيوني وبديت احجيلهم. حجيتلهم علئ مدئ غبائي بتصديقهم
بس ماتجرئت اجيب سيرة افين
الشيخ -"شوف ابني ابحياة ابنادم. اهواي يمر عليه ناس واكو منهم نعمه لازم تحفضهم.
واكو ناس والي هما الاكثريه يجوك بطرئق معقده يكونون دروس الك لازم تفهم هل دروس. وهذه ريسان جان درس. لاتيئس من رحمة ربك. الله يجئزيه علئ اعماله
الشيخه -"الله لايوفقه ولايبارك بيه ماغزر بيه الزاد راح غدر بصاحبه
اسد -"بويه اني راح اترك عدكم امانتين. الاولئ. زوجتي افين. مااريدكم تفرطون بيها لاي سبب وتخلوها تكمل دراسه مااوصيكم عليها بعد هي بتكم
والثانيه هي ليلئ بويه تيم طلب ايد ليلئ. واني اتكفله الك تيم الوحيد الي راح يحافض علئ ابنيتك ويصونها للامانه. واذا وافقته خلو الزواج وراء دراستها
الشيخ -"انشاءلله خير. بس شو جاي تحجي وكانما انته ماموجود
اسد -"يابه راح اروح لحتئ احقق حلمي. راح اسافر لامريكا. واريد رضاكم عليه. قبل لا اروح
شفت دموع امي. مسحتهن بيدي لاتبجين يالغاليه. مااستاهل دموعج
الشيخه -"ليش يايمه هاي تالي ارباتي بيك تدير ضهرك وتعوف ابوك وامك. الي ماعدهم غيرك
الشيخ -"روح الله يوفقك واماناتك مصونه انشاءلله.
اسد -"كمت بست راسهم واديهم. تركت امي الي تشهك وابوي الي عيونه لمعن من الدموع. طلعت شفت ليلئ. ودموعها امبلله وجها
حضنتها. ماكدرت احجي. احس الغصه الي ابكلبي ربطت الساني
مسحت علئ راسها. وصعدت لغرفة احمد دخلت. اخذت صورته ونمت علئ افراشه وصورته بحضني
تعال احمد اخذني وياك. غفيت علئ صورت احمد.
اجه اليوم الي لازم اترك العراق جنت اباوع بين الوجوه اريد اشوفها جانو ابوي وامي وخواتي وتيم.
جنت دا اتعشه وياهم واجاملهم بالضحك. جانت عيوني علئ ليلئ اريدها اطئمني بس هي مافهمت. ودعتهم. وامي طشت وراي مي وتمسح بشيلتها دموعها
وابوي لساه مثل ماعرفته مثل الجبل شامخ حاط اديه ورئ ضهره. بس عيونه فاضحته ودعتهم صعدت بسيارت تيم. وانطلقنه
بس ابد ماجنت مرتاح تيم اوكف عند هذه. المحل مال الورد. صف السياره واني نزلت رحت دخلت للمحل اخذت لون ورد ابيض وورده وحده حمره اخذت منه ورقه اصغيره وقلم حرت شكتب بعدين كتبت
(طفلتي اتذكري انتي بداية ونهايت رحلتي بالحياة
يزداد. حبي لكي كلما اخذت شهيقان )
خربطت اهواي ماعرف شكتب وابداخلي للغه من الكلام
انتبهت كلش تاخرت علئ تيم حطيت الورقه بالورد
ورجعت للسياره شفت تيم ضايج ويدردم اعرف ماضايج لان تركته بالشارع
جان ضايج من بداية طلعتنه من البيت
وكفت يم السياره وكتله. ترجعني للبيت لو. ااجر سياره
تيم -"اذا بيها خير ارجعك اصعد
اسد -"بعد ما وصلنه دخلت للبيت من الباب الخلفي. مااريد اشوف الحزن بعيون اهلي مره ثانيه. رحت لغرفة ارويحتي دخلت لغرفتها جانت نايمه بالكاع ويمها مجموعة ادويه حطيت الورد علئ الجربايه. ورحت كعدت يم راسها. ملاك ونايم. بس اثار الضرب لساته. بست راسها وطلعت
رجعنه لحتئ انكمل طريقنه. للمطار وصلت. ودعت تيم حضنته وهو بادرني. الحضن باقوه
تيم -"روح الله يوفقك ماراح ابجي وراك لان متاكد راح ترجع لوطنك اسد
اسد -"كعدت بمقعدي. وقبل لا تقلع الطياره تاملت العراق راح ارجعلك بس بعدما تطيب جراحي حبيبتي بامانتك ياربنه
افين -"جسمي كله يون عليه وهل ادويه تنعس جنت اكل الاكل الي تجيبه ليلئ واشرب الدوه وانام كعدت باليل اشتميت عطره بسرعه فتحت عيوني
كمت اتلفت بالغرفه بس ماكو شفت باقة الورد لزمتها بيدي وقريتها نزلت دموعي. دخلت ليلئ وعيونها ممليه دموع عرفته راح
حاولت اكتم صرخاتي بحضن ليلئ بس مشاعري اتجاها لازالت موجوده بعد كلشي صار.
يالله صبرا كصبر يعقوب وقوة كقوة يوسف فقلبي وروحي التي وهبتها لي لم تعد تحتمل
❤يسعد مساءكم احبائي. اليوم احداث البارت طويله
. واعذروني علئ التاخير. كتابت. البارت يكلف اكثر من 4ساعات. متواصله. كتبته لكن بلمسه غلط انحذف البارت ورجعت كتبته لعيونكم لحتئ ماتاخر اكثر. وهسه كتبته.
ملاحضه -"راح انشر تنويه. يجب علئ الجميع قراءتها. الي تحدد القصه.
حبايبي الي مامتابع حسابي هسه يدخل لحسابي ويتابعني لحتئ يوصله اشعار القصه اول باول.❤
تحياتي لكم الكاتبه# زهراء قاسم ❤
كلمة50684