هلو حبايبي شونكم طبعأ صار يومين افكر
لتوقيت التنزيل واحسن توقيت لكيته هوة
يصير بين يوم ويوم يعني يوم انزل واليوم
الثاني مانزل واليوم الثالث انزل هيج
مااشي حبايب عمري احبكم واريدكم تستمتعون بلقصه وفد معلومه اذا تردون بارت اكتبو ع المنصه
علمود المتابعين يتفاعلون ويانا تحياتي الكم احبكم
،،،،،،،،،،💔
ودق : ليش ذيب ليش كل مرة تكسرة ليش خليتني بأمل وبعدين شسويت كسرته
ذيب : ودق بس اسمعيني شوفي ايناس اني اتركها وللة
ودق : هههههه صدك ضحكتني ذيب جااي تكسسسسرني تفهم شنوووووو لو لا جااي تكسسرني
ذيب : لزم ودق من ايديها وكال ولج احبج وللة
ودق : خليت ايدي ع اذني واصيح لاتكول احببببج لا تكووووول وصرخت طللللكني ذيب توقعت راح يتمسك بيه ومايطلكني
ذيب: التردي يصير انتي طالك ودق طالك
ودق : اباوع علي واني مصدومه وشفتي ترجف عفته ونزلت اركض شافتني عمتي وكالت
ام ذيب: وهيه تبجي طلكج وسواها
ودق : خليت ايدي ع حلكي واشهك ورحت لغرفتي ركض واني ابجي واشهك اااااخ ياگلبي شگد تحملت منه اوووووووف يالله للعصر لميت ملأبسي وطلبت من عمي يوديني لهلي اجت مرت فهد واخت ذيب وعرفوو ذيب طلكني كعدن يمي مقهورات ودمعتهن بعينهن كتلهن واني مبتسمه
ودق : بس انتن وعمتي وعمي حبيتوني ماكدرت اوصل لگلب ذيب
مرت فهد : لا هوة يحبج وللة
اخت ذيب: اي وللة
ودق : لا ميحبني اجه اخوي الجبير وامي وابوي من عرفو بلسالفه وصاار نقاش شديد بينهم سمعت صوت ذيب واخوي كلش واحد.راد يضرب للثاني دخلت عليهم وكلت
ودق: اني الطلبت الطلأگ ذيب ماله ذنب بس اني عندي شرط
ابو ذيب: گولي بويه
ودق: همس تبقى وياي وذيب هوة الي ختار حياته
ذيب : ميخالف همس وياج بس اذا الج نيه تشوفين حياتج وتزوجين همس ترجع الي
ودق : لا تخاف هيه غلطه وحدة صارت وماصير مرتين طلعنأ من عدهم واحس ابوي ضاج مني عأئله ابو ذيي الي همه بيت عمي وبيت اخو ابوي قبل لانطلع سمعت ابوي يكول الذيب
ابو ودق: ماقصرت بويه انطيتج بتي وشوف شسويت بحالها وشلون دمرتها هاي هيه هاذا البيت بعد. مادخله ولا رجلي تعتبه طلعت وامي الدمعه بعيني وبتي بيدي طلعت من الصاله وشفت ايناس واكفه ع الدرج وتسمع للحجي الضاهر طلعنا واني بدون مااباعوع وراي صعدت بسيارة اخوي واخوي صعد.كل ملابسنه اني وهمس والغرفه كتلهم ماريد كلشي منه فهد اجه وسلم ع ابوي واشوفه واكف ومدنك راسه من رفع راسه يريد يباوع درت وجهي ماريد المحه
،،،،،💔💔💔
ذيب : شفت عمي شلون يصيح ومقهور ع بته واني مالومه بهلشي مشه عمي واخذ روحي ويا رغم اني جنت احبها واريدها بس اعرف ماراح تسكت لأن سمعت بأيناس حامل وضل ابوي وفهد ضلو يحجون عليه شلون تركتها وشلون قبلت تطلكها وسمعت منهم اشكال الحجي
،،،،،💔💔
ودق : وصلنا للبيت گبل ماشفت اي احد توجهت الغرتي وهمس نايمه بيدي غرفتي ع حطتها مامغيرين منها شي كنتوري وجربايتي نومت همس واني ضلييييت ابجي وابجي وابجي. وحزني ميخلص ابدد ماتوقعت راج بسرعه يتخلئ عني اوووف يالله المغرب صليت اني بلغرفه ورا يومين اجه ذيب وجاب السيد ويا علمود يتتم الطلاك تم الطلاك وانتها كلشي بينه
ودق : انطويت عن البيت كله هاي التلاث سنوات الي عشتها ويا ذيب عبارة كبرتني عن ٢٠ سنه ماجنت اعرف هيج اليحب يدمر وابوي واخواني يحاولون يرجعوني مثل الاول بس ضليت واحنه ضلينه لا احنه نوصل لبيت عمي ولا عمي يجون مرات يجون حتى يشوفون همس ولا جتى سمعت اخبارة ولا اخبار مرته
،،،،،
بعد مرور ١ سنه ونص 💔
،،،،،
ودق : مرت السنه ونص وصار عمر بتي همس ٣ سنوات وبيت عمي ضلو مايجون ولا نعرف اخبارهم ولا يعرغون اخبارنا ولا احتى ابوي يجيب سيرتهم بلبيت وبلنسبه الهمس ياخذها الصبح ويرجعها العصر واني واكفه جاي اسوي دولمه واخوي جااي يحجي ويا خطيبته وكاعد يمي واني احشش عليهم وهوة ميت من الضحك دخل ابوي وكال
ابو ودق : ها بويه شنو جاي سوين
ودق : اسوي دولمه للعشه
ابو ودق: اام ودق خابرت اختي فضيله عرس ابنها هاذا الخميس وعازمتنه
اام ودق : لعد خوش يمته نروح
ابو ودق : اليوم ثلاثاء باجر العصر نطلع
اام ودق : انشالله خير
ودق : طفرت وكلت لهمس روحي لجدو كال اني اشتري لهموسه ملابس
اخو ودق : واني اخذلها ملابس بعد شتريد
ودق : لعد حضر فلوسك هههه وكلها ضحكت والعصر طلعنا اني وهمس وامي ونسولن اخواني ثنين رحنا واسوكنا واشتريت ملابس الي والهمس طبعأ الهمس قطعتين ملابس لأن من ابوي ومن اخوي واحنا اخذنا ملابس وجاي اخذ اسوارات وهاي السوالف صار يوم ثاني وطلعنا كلنا اني وامي وابوي واخوي بسيارة واخواني ٢ وجهالهم ونسوانهم بسيارة وتوجهنا لبغداد وصلنا لبيت عمتي وجانت هوسه ونزلنا كلنا ودخلنا تلكتنا عمتي وتبوس وسلم
فضيله : هلا هلا بيكم نورتو بغداد
ودق : سلمنه كلنا عليها ودخلنا وجاان عدهم استقبال جبير وجان وكت غروب وجاان اشوف عمي ابو ذيب وعمتي ومرت فهد واخت ذيب وحتى ذيب من دخلنا ابوي من شافهم راد يطلع ولزمته عمتي من ايده وتحجي وتبجي
فضيله : خويه يابعد اختك اني اليوم من عزمتكم العرس ابني اريدكم تصافون والي بينكم انسو ولا واحد يشيل ع الثاني ابوي باسها ع راسها وكام عمي هم سلم ع ابوي والنسوان هم واني بهل حاله مدنكه راسي ماباوع ولا اريد اشوفه تمنيت ماجايه ولا اشوفه واني جنت واكفه ورا ابوي وجنت لا بسه بنطرون وبدله وشال وهمس شايلتها لان نايمه اجه ذيب وباس ابوي ع راسه واخواني هم وكلها كعدت واحد يسولف ويا الثاني واني مدنكه شمعت واحد صاحني
جهاد : شلونج ودق شخبارج (( للعلم هوة العريس ))
ودق : رفعت راسي وكلت واني مبتسمه الحمدلله بخير انتبهت ع ذيب يباوع عليه رجعت دنكت وبعدين كلها كامت واحنه هم كمنا بدلنا وكعدنا بلمطبخ وامي سألت
ام ودق : لعد مرت ذيب ليش ماجت وياكم
ودق : وسمعت الشي الصدمني
ام ذيب : خيه شتحجين ورا مانفصلو البنيه طرحت الطفل وضلت تسوي سوالف وذيب مابقاها وطلكها
ودق : اسوي زلاطه واسمع الحجيهم واني مصدومه من الحجي الي صار طلعو وكملنا العشه وهمس كعدت تبجي بدلت هدومها وغسلتلها وبدلنا ملابس مال الحنه والهوسه كامت والكل يركص بس اني لهسه حجي عمتي يدور براسي كعدت اوكل هموستي ومرت فهد واخت ذيب كاعدات يسولفن وياي ترخصت منهن وكمت طلعت برة اريد اغسل لهموستي واني اغسللها سمعت الصوت الجفلني وخلاني ارجف
ذيب : شونج ودق
،،،،،يتبع
حبايبي الجزء الثاني موجود وراح اكتب البارت بعد يومين واتمنى مثل ماكتلكم وكت تردون بارت اكتبو ع المنصه حتى المتابعين يشوقون ويقرون
تحياتي الكم احبكم
ملأك التميمي💗