اريد ابجي ع صدرك💔
مشتهي النوح😔
واريد اكعد كبالك😔
واحسب جروح 💔💔
،،،،،💔💔
ودق : وجان كول الشي الي خلاني من صدك اكرها
ذيب : اني اريد اكلكم شي وانتبهو عليه اني زوجت داليا وجبتها للبيت علمود تعيش ويانا واريد تفهمون لن مسويت شي غلط لن تعرفون بعلاقتي بدلو
ام ذيب : لطمت ع صدرها ولك يمه مصارلك اسبوع من زوجت ورحت زوجت ع بت عمك ليش يمه ضلت تبجي ومصدومه من تصرف ابنها وماتعرف شنو تكول
ودق : اني يحجون ومن كال زوجت اعيوني غوشت وماعرف شصار بيه فتحت عيوني واني بلمستشفى
ذيب :امي من ضلت تبجي وتلطم اباوع ع ودق شنو المصدومه وماشفتها الي طاحت ركضت عليه وشلته واني احجي وبه امي واكلهم انطوني عبايه خلي اوديها وركضت بلمستشفى واجه عمي ابو ودق ودرا بنته بس مكلو لامها لن خطيه اخاف صير بيه شي
ودق :اباوع واشوف ابوي كاعد يم راسي وذيب واكف يم الباب يشرب جكاير واني من كعدت ابوي اجه يمي كال
ابو ودق : ها بويه شون صرتي
ودق : كتله بويه بنتك انكسرت وهاهيه
ذيب : من كعدت وابوها سألها ورجعت حجت هيج احس نار وداخل تجوي بيه ماعرف تصرفي غلط مدري صحيح بس جان كلامها حاد
ودق : بويه اذا تعزني ارجع وياك للبيت
ابو ودق : لابويه شتكول عليج الناس اول سبوع عرسها ورجعت ميصير بويه
ودق : يابه اذا ماخذيتني وياك بعد معتب باب بيتكم وهاهيه
ابو ودق :يابه والله ميصير وماكدر
ودق : هاهيه يابه عرفت جوابك يالله ذيب وديني للبيت
ذيب : من حجت ويه عمي ومقبل وشفت ردها ع ابوها عرفت من صحيح اني كسرتها ودمرتها وكلتلي يالله رجعني للبيت رحت اريد اكومها كالت
ودق : ارجع اكدر اكوم واياك واياك تلمسني بعد
ذيب : رجعت من حجيها ومن تصرفها وشون تحجي ومنزلت دمعه وحده ومن كامت كلت لبوها
ودق : يابه تعرف بذيب مزوج
ابو ودق : اي اعرف بنتي بس كال ميغصر وياج ويعدل بينكم
ودق : هاهيه يابه انسى عندك بنيه اسمها ودق ومشيت واني خطواتي بطيئ مكدر من المرض والتعب والحاله الي اني بيه
ورجعت ويه ذيب من بعد خذلان وكسرت كلب من اغرب ااناس الي ابوي اعرف ومكلي ولا حجه وهسه صدك نكسرت رجعت للبيت تلكتني عمتي تبجي وحضنتني وهاي الي جابها ويا الي اسمها داليا كاعده ومعجبها شي
ذيب : رجعنا طول الطريق وهيه ساكته محجت شي ومن دخلنه تلكته امي تبجي وهيه مطيحت دمعه وحده من عينه وشفته شون تباوع ع داليا وكلتي شي الي خلتني مصدوم منه
ودق : كلهم واكفين واني حجيت كتله مطول زوجت عليه باول سبوع من زواجنه لاتعتبرني زوجتك بعد وكلشي انتهى بينه وبس يمر كم شهر من زواجنا طلاكني دقيقه مبقى ع ذمتك
ذيب : عرفت حجيها من كلبها وابوي كله عمي روحي رتاحي بغرفتج
ودق : رحت للغرفه ودخلت واجت حماتي يمي كتله عفيه عوفيني وحدي اريد ابقى وطلعت وغفلت باب الغرفه علبه وضليت ابجي يمكن البجي الي بجيته مال شهر كامل كد ماتعبانه ونفسيتي زفت وكلت الي اندمك ياذيب ع تصرفك وياي
ذيب : وصيت ع غرف امال نوم وحطيتها بلطابق الفوك لن بي غرفتين وصاله ليوم ثاني كملوها كلها واني نمت بلديوان وداليا بغرفت الضيوف لحد ماكملو شد الغرفه دخلت لغرفته ورتبت ملابسها ومن يوم اني مشايف ودق وكاعدين كلنه بلصاله وشفتها طلعت من الغرفه بيدها جنطه ملابس وكالت هاي ملابسك اعتقد بعد مالهن داعي يبقن يمي عندك غرفه وخلتهن يمنه وراحت للمطبخ
ذيب : كلت لداليا كومي اخذي الملابس دخليهم للغرفه واخذتهم داليا للغرفه وكلت فرصه خلي اكوم احجي وباها لن بلمطبخ دخلت عليه لكيته كاعده تسوي جاي كتله صبيلي جاي وياج
ودق : بس عندك مره وتصبلك جاي اني هنا مجرد ضيفه عدكم كله كم شهر واطلك منك
ذيب : ومنو كلج اطلكج اني ترا مستحيل اطلكج
ودق : بس اني اكرهك واموت منك ماريدك ازوجت بعد انته عيفني طلكني وارتاح عيش حياتك
ذيب : تقربت منه وكتله بس انا حبيتج واحبج وللموت ماطلكج زين
ودق : جانت كلماته الي بهمس وكلي احبج بس شكد ميكول اني ضجت مته وكرهتا لو مسمعني هلشي قبل اجوز طرت من الفرحه وزاد حبي اله اضعاف بس هسه لا مايرف كلبي عليه وعفته وطلعت للغرفه كعدت بيه مختنكه بس كلت لازم امشي اموري هاي الكم شهر وبعدين انفصل منع ومو كيفه مايطلكني اطلك منه ومرت الايام ع حالنه وهاي الي اسمها داليا تتمضيك علينه هوا وياها اكله لبسي لبس مستور ميصير صحيح محد بلبيت بس ميصير وصير بينهم نقاش بس اني مهتم بس شفت نضراته الي تغيرت وصل احاول اكثر من مره يريد يحجي وياي واني منطي وجه ولا احجي لحد ميوم اني كاعده وجانت مرت عمي كاعده يمي وهمه بلغرفه وروحي لعبت ركضت للحمام ضليت اتقئ
ام ذيب : شبيج يمه وجهج اصفر ماعجبتي صار جم يوم مو ع بعضج
ودق : ماعرف اشوف عندي نحول وجسمي كله يوجعني وماشتهى اكل ماعرف فلاونزه مادري شبيه
ام ذيب: يمه انتي ماغسلتي من اجيت هنا مووو
ودق : من حجت هيج اذكرت اخر مره من غسلت بيه بيت اهلي قبل الزواج بسبوع هيج تغريبن بس كلبي نغزني وخفت بس لا حامل وضليت ماعرف شحجي
ام ذيب: يمه خلي يكعد ذيب وخلي ناخذج نوديج اسويج تحليل
ودق : لا عمه فدوه لاتكليله عفيه اجوز فلاونزه اني من جنت عد اهلي هم تتخر عليه الشهريه جوز متخره
ام ذيب: اهااا يمه كلت اخاف حامل
ودق : لا مو حامل وصار اليل وكاعد اسوي عشه وجانو بيت حماي فهد موجودين عدنا وحماتي همين كلهم مجمعين وهاي تتمضيك كلساع رايحه يم ذيب واني اصلن بعد ميهمني امرهم ابد لن كرهته وكرهت وجوده وحتى اكثر المرات ماشوفه واني جاي اسوي عشه وحسيت بنفسي دخت كلش
ذيب : وضعي ع حاله ويه ودق بس حبي اله زيد ويكثر بكلبي ضليت احبها وامووت عليه بس هيه ضلت تكرعني ونوب كاعدين كلنه بلديوان ابوي واخوي فهد ورجل اختي وكله وماسمعت اله صوت امي صاحت ذيب يمه وينك تعال ورحت ركض اريد اشوف شنو صاير رحت لكيت ودق طايحه ودايخه واجيت اريد اكومها مقبلت المسها نواب رادت تكوم وهم داخت كمت شلته وحطو عبايه وحجاب ع راسها واخذناها للمستشفى وكاموو سولها تحاليل وجان تجي الدكتورة وتكول الشي الي صدمني وخلاني صدك طرت من الفرح .......يتبع
،،،،،،💔💔
تحياتي الكم 💓احبكم
،،،،،💔
ملأك التميمي
