تعشك ونص دينك😌
يكمله الغريب💔
هوة شمخرب العشك 😔
غير النصيب✋
،،،،،💔
اجه عمي انطاني الطفله وجانت كلش زغيره صارت بلسابع وجانت كلش حلوه عمي كلي
ابو ذيب : بويه اني كتلج شنو نسميها وانتي كتيلي همس وسميتها مثل ماكلتي
ودق : هاهيه عمي واخذت الطفله ورحت للغرفه وصوت عمتي تبجي ع الطفله وع ذيب الي تركهم وراح واني اخذت همس ودخلت للغرفتي اباوع عليه شون هادئه وزغيره كلش واني اكول شون راح اربيها وشون راح اخليها تكبر وعمي كلي عاي بنتج بويه واريد تربينها صدك من باوعت عليه اذكر ت ابني الي ماشفته ولا شفت صورة وجه وخليت البنيه ع الجوربايه وكعدت يمه واني اكول شون راح اتحمل مسؤاليه طفله وبنيه وشلون وخايفه من الجاي ومرت تلاث ايام الطفله جانت هادئه بس من اريد ابدلها اخاف اجيب عمتي تبدله لو حماتي من تجي لو مرت فهد همين وعمي جابلي جوربايه اله وتجيهيزات الملابس كامله وبقت الطفله يمي لحد مامرت تلاث اشهر وحتى امي تجي يمي تعلمني لن كتلهم ساعدوني اول تلاث اشهر والباقي عليه مالكم شغل لن جانت ناعمه وزغيره اخاف من الزمها بس من صار عمرها تلاث اشهر ودخلت برابع كلبرت شويه ونششت وصارت حلوا وتعلقت بيه اكثر حتى من تشرب ممه اخاف اكعد عمتي يمي اخاف تشرك لو يصير بيه شي وامي تجي لو عمتي ناخذها لقحها ونرجع بس والله صارت بمعزت روحي والبيت كله احبها وحتى اهلي حسبوها مثل بنتي كعدت الصبح ع صوت بجي هموستي
ودق : حبيبتي جوعانه هسه اسويج ممه يابعد الجوع كله وكمت ركض اسويلها ممه وكعدت اشربها واباوع عليه وهيه تباوع عليه وكملت غسلتلها وبدلت ملابسها بس ع كيف لن بعدني اكول لحد ماتكبر شويه بس صلوات لن اهتمينه بيه وبتغذيتها جسمها حلوو لبست الشال وخذيتها ل عمتي صبحت عليها نطيتها العمتي ورجعت للغرفه دخلت سبحت وطلعت مشطت شعري ولبست الشال وطلعت شفت امي جايه وعمتي وامي كاعدات يسولغت رحت سلمت ع امي وكعدت امي كالت
ام ودق: ودق بيت خالتج الي بغداد راح يجون
ودق : صدك شنو يبقون جم يوم ويرحون
ام ودق: لا ولج يجون يكعدون هنا يسكنون هنا
ودق : اها هلا بيهم
ام ودق : اي وللة هلا بيهم
ودق : رحت للمطبخ اكف واحضر بلغدة مرت شهر وبيت خالتي اجو وسكنو غريب ع اهلي رحت خذيت هموستي ورحت بدللتلها واني بدلت وكلت العمتي وتوديني لهلي هيه هم لبست عبايه وطلعنا رحت لبيت اهلي وصلنا دكيت الباب طلع ولد شاب عمرة بلعشرين كال
مصطفئ : تفضلو
احمد : ولك مصيطف هاي ودق شبيك
مصطفئ : ودق اهلأ عذروني بس مادري ادخلو
ودق : لهسه ما عرفت منو هاذا المهم دخلت سلمت ع خالتي واهلي وكعدت شوي وبعدين دخل نفس الولد كعد امي كالت
ام ودق : ودق هاذا ابن خالتج
ودق : سلمت علي واني كاعدة جان يكول
مصطفئ : شنو مزوجه
ودق : رفعت راسي باوعتله ورجعت دنكت وكتله اي مزوجه
مصطفئ : وهاي بتج
ودق : اي بتي همس
مصطفئ : اكدر اشيلها
ودق : اي نطيتها اله وكعد يدك ع حنجها ويحجي وياها بعدين رفع راسه علي وكال
مصطفئ : شكد عمرج
ودق : عمري ١٦ راح ادخل بل١٧
مصطفئ : زغيرة بعدج.
ودق : بس زوجت وعندي طفله
مصطفئ : اي المهم تفضلي هل حليوة
ودق : خذيتها منه وبستها وشميتها رفعت راسي وجان اشوفه يباوع علي حيل خجلت ورجعت دنكت
،،،،،💔💔💔
بعد مرور سنه
،،،،💔💔
ودق : مرت سنه وهمس صار عمرها سنه ونص اخبار ذيب الحمدلله دائمأ يتصل ع عمتي ويحجي وياها وعمتي تطلب مني احجي ويا بس لا جنت دائما ارفض شكلي حييييل تغير وصرت احلى اما مصطفئ عرف بيه مزوجه وهاي الطفله مو بنتي ويدري بذيب سافر وتركني ماطلكني اما همس لا سوالفها وحد وصارت قطعه من روحي صارت حبي وعشقي ودنيتي هيه تصيحلي ماما. تعلقت بمصطفئ حيييييييل دائما يجي ياخذها ويشتريلها وهيه تكوله بابا وصيح دادا والكل يحبها من اريد اروح اهلي عمتي تكلي لا تباتين لأن مانكدر بدونكم وجنت اروح من الصبح لليل ومصطفئ يجي دائما يم فهد ومرات يجي يم عمي ويكعد يلعب بهمس دائما يجي اليوم جان موجود يمنا وكلنا كاعدين وهمس تركض وتلعب. وتصرخ ومصطفئ يمها يلعب بيها ويبوس بيه بعدين كعد يم عمي وهمس تلعب ع للدرج ومانسمع غير وكعه اني كلبي الي طاح ركضنا كلنا شفت همس واكعه وتبجي ركضت عليها شفتها لازمه ايدهاا وتصرخ فجأءة كلت لمصطفئ ايدهاا فدوة ايدها واني ابجي
مصطفئ : حبيبتي هموس شبيج وين يوجعج
همس : واوة (( وتبجي وتأشر ع ايدهاا ))
مصطفئ : ماكو مابيها بسج بجي ايدها ملتويه كضيها عمه بس دهنيها
ودق : ركضت ردت اخذها جان يلزم ايدي مصطفئ ويكول
مصطفئ : اني شكلت امسحي دموعج
ودق : مسحت عيوني وردت اروح وهوة بعدة لأزمني كال
مصطفئ : عيفيها عمتي تدهنها
ودق : بس
مصطفئ : اششش لا تكولين بس خلي تدهنها
ودق : خوش
مصطفئ : وهاي الدموع لا تذبيها هيج انتي من تذبيها احس سجين وبكلبي تضرب ماشي
ودق : هاا
مصطفئ : ههه شنو هاا راح اروح اني
ودق :حييل خجلت ونكت راسي وهوة طلع رحت للمطبخ وديت الدهن لعمتي دهن وكعدت ادهنها وكعدت يمها بعدين لفت ايدها ونطتني اياها شلتها وكلت اشش بسج ياعمري راح تموتيني امشي للغرفه انومج وخذيتها ورحت للغرفه انومها خليتها بحضني وكعدت انومها نامت وامي كعدت ع التلفزيون ورا ساعه ونص اندك الباب كمت لبست الشال وفتحت الباب شفت مصطفئ وبيدة بايسكل كتله هاي شنو
مصطفئ : وين هموستي
ودق : همس نايمه
مصطفئ : هاي الها
ودق : ليش جيب و تعبت نفسك
مصطفئ : معليج انتي اني جبتها لبنيتي
ودق: ابتسمت وكتله شكرا نيابه عنها
مصطفئ : ماريد هاي الكلمه اوك
ودق : ماشي جان يتقرب يمي ويهمس
مصطفئ : ماريد هلضحكه تروح
ودق : حيل خجلت ورجعت ليورا وكتله انشالله مرت تلاث ايام واجت امي وكالت الشي الصدمني وخلاني صافنه ،،،،،،يتبع
💔💔،،،،،💔💔
تحياتي الكم احبكم
ملأك التميمي
✋،،،،،،،،✋
