ليتهہآ لمـ تگن لگنهہآ گآنت
آلبارت . الرابعه واربعون (44)
بقلمـ زهہرآء قآسـمـ. (بنت آلآگآبر )
آتمـنآلگمـ قرآءة. مـمـتعهہ. ولآ تنسـو آلتصـويت. ورئيگمـ في آلآحدآث
ا❤فين
قد أعـــيش يوماً . أو قد أموت دهراً . ولكني ما زلت أحبك في ذلك اليوم . وإلى نهــاية ذلك الدهــــر
. نعم نعم حلفت وأقسمت أن أكتب لك كلمات أحاسيس تحفر في أعماق جسمي . تنخر عضامي المتيمه بكل شيء فيك .
ا❤سد
لعلكي تدركين جنوني بك . وهيامي بك .
ولعلكي تقرأين كلمات حبٍ لم تحتضنها أسطري بعد .
لتعرفي أنـــك أنت سيدة هذه الأسطر . وملهمه هذه الكلمات
. ومجنونه كاتبها . باختصار . حبـيـبتي
مساء الحب ❤والغرام😘 رجعتلكم بقسم جديد انشاءلله ينال اعجابكم احبائي
افين / اليوم بدو يحضرون البيت للحنه.
جهزت قوالب كيك جنت اشتغل وعيون سلوئ ماتفارقني.
جنت احس بيها تريد تاكلني اتجاهلتها بس تصرفها من قدمتلي هديه
صدمتني تفاجات. بتصرفها اخذت الهديه منها واني اباوعلها بنضرات استفهام. ليلئ هم جانت مصدومه مثلي
سلوئ / افونه هاي الهديه الج.
افين / شكرا بس شنو مناسبتها
سلوئ / باجر خطوبتي. واخذت هدايه لعائلة زوجي.
افين / اها شكر ليلئ اخذيها لغرفتي بين مااكمل شغلي
سلوئ / لاا لا قصدي هسه افتحيها
افين / جانت تصرفاتها غريبه. غسلت اديه من الطحين. نشفتهم وبديت افتح بالعلبه فتحتها جان خاتم. لونه ذهبي. حلو مشجر بورد لون فضي. جنت اباوعلها بس انجر مني
باوعت جانت سلوئ. اخذت ايدي ولبسته الي.
علئ كيفج اصبعي
سلوئ / حلو طلع علئ ايدج
افين / ماجاوبتها ردت انزعه بس شو هذه بعد مايطلع
. بقيت احاول حطيت صابون بس هم مايطلع وقفني كلام سلوئ
سلوئ / ماما الشيخه باعي افين ماتريد هديتي. وتريد تتركها
الشيخه /اشمالج يايمه افين. لاتنزعيه اخيتج جابته الج ابقي لابسته
ليلئ / هي تريد تنزعه يمه
سلوئ / انا اخذته الها لحتئ تلبسه مو لحتئ تنزعه افونه ابقي لابسته
افين / باوعت للشيخه. ايي يمه حاضر مانزعه. ابتسمت بوجها. وتشكرتها
الشيخه / ونعم من اصلج يمه.
افين. / تركتهم واشرت لليلئ تجي وياي دخلت للمستودع. اجت ليلئ دخلت.
ليلئ / اشبيج افين
افين / ليلئ هاي منو شو متغيره ومن وين نزلت كل هل محبه وجايبتلي هديه
ليلئ / لاتكبريها هي جابت هدايه للكل حتئ لابويه وامي. وام غايب
افين "/ اريد انزعه
ليلئ "لاخيه خليج لابسته كلش حلو ويه هاي الكلادالفضيه الي لابستها
افين / تلمست الكلاده تذكرت اسد. بيوم راس السنه من انطانياها.
اشكد تمنيت يرجع بيه الوكت لذاك اليوم.
جريت حسره
ليلئ /افين اريد احجي وياج بمووضوع ولو راح تضوجين بس لازم تعرفين
افين / تركت الكلاده وكعدت علئ الجربايه كولي ليلئ
ليلئ / تذكرين. زهراء الي ويانه بالصف.
افين / ايي اتذكرها. اشبيها
ليلئ - " /البارحه شفتها يم المدرس الخصوصي شافتني واجت
افين / وشتريد منج هاي اني مو كتلج لاتتقربيلها
ليلئ / والنبي اني معليه بيها هي اجت وحرجتني كدام البنات تريد تحجي وياي وكالتلي انو اخوها يريد يجي ياحجي ابويه الشيخ
افين. / لاتكليلي اخوها بالموضوع عليج الله مالي صدمات بعد
ليلئ / ايي يريد يجي يخطبج والله كلتلها انتي محجوزه. وتحبين اخوي وكلتلها اهواي كلام بس تكول اني معليه اخوي يتفاهم وياكم. وسئلتني عليج. وخوماتئذيتي من ردتي تنسحكين
افين / عزه يالله. منوين طلعتلي هاي السالفه.
ليلئ / وليش تخافين وانتي مره متزوجه اطمئني.
افين / روحي ليلئ ولاتصيحين علئ الغده ماريد. اطلعي وسدي الباب وراج
طلعت ليلئ بقيت صافنه افكر. يالله اتمنه لو حياتي مو هيج
اسد من جه والله احبه واريدله. يكون سعيد سعادته. مو ويه سلوئ اصلا ماتناسبه. سلوئ عباره عن كتله من الغموض
الشيخه ماتكفيها المعلموات السطحيه تحاول تعرف اكثر عن حياتها القديمه. وتجر بالسانها. بس سلوئ عدها سرعه بداهيه بتغير المواضيع
اتمنه لاسد انسانه واضحه. وتسعده اسد اهواي تعب بحياته اني حتئ واذا صرت لاسد بس ماراح اكدر اسعده كفايه
ابداخلي شي مكسور ماضن راح يتصلح.
الشيخ. انطاني وعد بحرية اختيار حياتي.
الهدف الي ابالي لازم احققه
ماحسيت غير واني غافيه.
كعدت المغربيه. فتحت عيوني جانت. صينية الاكل. يم الميز
كمت عدلت شعري. واخذت صينية الاكل رجعتها جانو يصلون.
رجعت تجدتت وصليت.
باوعت للميز بيه اهواي كتب يرادلي. اقره كعدت فتحت كتاب الاحياء وبديت اقره مندمجه
بس قطع تركيزي صوت اسد التفتت شفته يباوع بتسائل واعصابه طالعه من وجه تركت كلشي وكمت وكفت.
اسد / افين منو. كنان
افين / هاا منو
اسد / افين راح اعيد سؤالي تعرفين واحد اسمه كنان لو لا. جاوبي ايي لو لا
افين / لا ماعرف واحد اسمه كنان
اسد / كولي والله
افين / والله ماعرف
اسد / افين. اني اثق بيج جنت اتقرب ناحيتها ردت احط ايدي علئ كتفها واطئمنها.
بس شو هاي رجعت ليورئ وحطت الكرسي كدامها
افين / من تقرب عليه كلش خفت يعيد الي سواه
ابتعد وحطيت الكرسي مثل الدرع.
اسد / افين ماراح ائذيج
افين / ابتعد عني وانته ماتئذيني
اسد / افين ماكدر ابتعد عنج بعدج يائذيني اقسم بالله. ماجان قصدي. اخذج مندون رضاج.
بس انتي اجبرتيني علئ هذه الشي كاعده تحضرين لعرسي بكل. راحة بال. ورحابة صدر. وتصدين قربي الج
شفهم صدج الي وانتي تعرفين اني احبج الج افين
افين / بس اني جنت احب اسد. الي حضنه موطن امان ماحب المتنمر اسد
اسد / افين سامحيني سامحيني افين ابداعت. اهلج الي تحبيهم سامحيني
افين / روح اسد الزمن كفيل. ببرود النار الي بينه.
اسد لاتفكر بيه باجر الحنه ووراها العرس لاتفكر بيه وكمل حياتك.
اسد / وانتي هم راح ينطيج كلبج تكملي حياتج ويه غيري
افين / لاتصير اناني. ماتحملت كميت المشاعر الي راح نشنقها بكلامنه نزلت دموعي كعدت علئ الكرسي احس رجليه ماتكدر تحملني
اسد / خلاص راح ابتعد بس امسحي دموعج يابنيتي
افين / من كال ابنيتي بجيت بصوت قوي.
اسد / ماتحملت صوت شهكاتها طلعت من الغرف بسرعه. رحت اخذت السويج. ركبت السياره وطلعت
افين / بقيت اشهك وابجي كعت بالكاع. ابويه وينك بويه. وين عفتني والله اشتاقتلكم.
حيدر وين صفه بيك الدهر هسه انته بالسجن. اهلي هم يزوروك لو كاطعين عنك مثلي.
اااه لو يرجع بيه الوكت. لاخلي الشيخه ادخل الطلقه بكلبي مو بكتفي. واموت وارتاح من هل عبء ربي احميني
جنت ابجي واحجي الي بكلبي انتبهت اسد ماكو
. طلعت ادور عليه رحت لغرفته ماكو بالحديقه ماكو. لاياربي بس لايصير بيه شي واخسره همزين اهله متعشين وداخلين بغرفهم.
. كعدت بالحديقه انتضره. سيارته ماهيه وين رحت اسد وين
اسد / ماعرف وين اروح. وكفت السياره كدام كوفي للشباب
دخلت. طلبت ناركيله. بقيت اشرب بيها وكل اشويه يغيرون الفحم والمعسل.
وراء اشويه الشباب كلها طلعت بقيت بس اني باوعت للساعه 11 بقيت كاعد والدخان ابكلبي يطك دخلو ناس لابسه قوط. وبنات استغفرالله. وتحول الكوفي الي ملهئ للشياطين
بدو يقدمون المشروب بالبدايه ماشربت بس من شفت اشلون يشروبه ومايحسون بشي.
اخذتلي كاس جان كلش قويه. بقيت اشرب بيه شويه اشويه عسبالك تيزاب يدخل لامعائي. كملت الاول اخذت الثاني.
بالكوه كدرت اكملهن من شفت البنات بدن يتمادن اجت صورت افين الخايفه بعيوني
. دفعتهن ودفعت الحساب. وطلعت احس الكاع تركص بيه. ركبت السياره. واني كل اشويه انفض راسي اريد اركز بالطريق.
وكفت يم بابنه ماكدرت انزل احس نفسي ثكلت انفتح الباب وشفت اخر وحده اتمنه اشوفها بهذه منضري.
افين / بقيت انتضره والبرد احسه دخل لعضامي بس من الخوف عليه بقيت متحمله. اريد اشوفه بخير اله اروح انام
الزمن يمر بالثواني والدقائق والساعات. بس انتضاري يمر بالسنوات احس كل ساعه سنه اريد اشوفه.
صارت الساعه1 بالليل وهو ماكو ايست ردت ادخل بس شفت ضوه من جوه الباب.
جانت غرفة الحارس مسدوده. مشيت علئ كيفي وفتحت الباب علئ كيف. شفت اسد كاعد بالسياره
ليش مايدخل السياره
بقيت اباوعله بس هو ماكو ماينزل عدلت شالي وطلعت حافيه مالابسه شي برجلي دكيت الجامه عليه
اسد / اشرتلها تروح ماريدها تشتم ريحتي بس. شو هاي بقت ادك بالجامه
فتحتلها الباب ودرت وجهي
افين / فتح الباب وكفختني ريحه موطيبه. وهو وضعه مو طبيعي
اسد ليش. ماتنزل. ووين جنت
اسد / شنو. انتي تحاسبيني روحي وصيحيلي الحارس هو يجي يساعدني يله روحي
افين / لايادكتور ماحزرت امشي اني اساعدك بس شنو هاي الريحه
اسد
اسد ""/هااا
افين " اسد انته شارب سكران موو ايي اكيد لعد ليش ماتكدر تنزل
شو هذه دار وجها عليه وفتح اديه. ويكول
ايي شارب شنو ماعاجبج
افين " تعال اساعدك.
اسد " ماريد مساعدتج
افين / جريته من ايده وحطيتها علئ ضهري. وهو نزل وبده يمشي بس ثكله كله عليه.
احس ضهري راح ينكسر. بقيت امشي بيه بعدين فتحت باب المطبخ كعدته علئ الكرسي الي بالمطبخ
رحت دكيت الباب علئ الحارس طلع كتله يدخل سيارت اسد وهو راح يدخلها
رجعت واني اركض واحس البرد تغلغل لكلبي
دخلت للمطبخ اشويه دافي لكيته واكع بالكاع ويحجي بكلام مو مفهوم
اسد كوم. اوديك لغرفتك تنام كوم
شويه وكال ايي كام علئ اركبه ساعدته يكمل وصلت للدرج بس شو. هذه
مايكدر يصعد. مشيته للحمام. فتحت باب الحمام. كعدته علئ.
كرسي عالي. تكعد عليه الحجيه من تريد تسبح لان ماتكدر توكف
كعدته وفتحت. المي علئ راسه بسرعه شهك فززي
بقيته جوه المي ورحت نزلتله بجامه وبدي
جنت امشي علئ كيف لان ادري ليلئ كاعده هسه تقره
دخلت للحمام وكفت المي واخذت صابون اغسل بوجه. ريحته اشويه راحت
.
نزعته قميصه. ولبسته البدي وحرارة الخجل تطافر مني
بقيت حايره. شلون اكمل
فكيت دكمة البنطرون. شفته صحه اشويه
اسد اسد. تسمعني البس هاي البجامه يله البسها اني منتضرتك بره
طلعت. بقيت انتضره بره شو هذه ماطلع فتحت الباب جان. لابس البجامه. وحاط ايده علئ الحايط ويحاول ينام
كو اسد كوم وياي لزمته من ايده وكومته اخذته لغرفتي. ذبيته علئ. الجربايه.جان كلش ثكيل
رحت غسلت اديه وغيرت الدشتدادشه للطهاره.اني قاريه عن الكحول
وشلون يخدر الاعصاب وسامعه من الشيخه انو الكحول محومه.
وكفت يم جربايتي
شفته غافي. غطيته بالبطانيه
. وخرت شعره عن وجه. ليش اسد ليش تسلك المحرمات لهاي الدرجه انته ضعيف ماتوقعت انته انسان ضعيف ياسد.
فرشت
الي فراش بالكاع.
حطيت راسي علئ المخده. وين راح توصل بينه وشنو نهاية حياتنه
اسد لازم تتغير وتنساني. لازم
اسد / كعدت علئ طبل براسي احس راسي راح ينفجر اول ماكمت وكفت. دخت رجعت راسي علئ المخده فتحت عيوني زين. باوعت اني وين
وشصارلي جانت غرفة افين دنيت راسي وباوعت للكاع جانت غافيه مثل الملائكه.
باوعت للساعه الجداريه جانت 7ونص الصبح. اشصارلي
تذكرت اني رحت للكوفي وشربت رجعت للبيت واخر ملتقطات افين اخذتني للبيت وفزيت علئ مي بارد.
بعدها احس جنت اشتغل بشي ارفع بيه ليفوك اريد اتذكر بعد اشسويت ماكدر
افين افين افين اكعدي
افين / فزيت علئ صوت اسد.
هاا بيك شي تحس بشي اذا يوجعك شي هسه. اكول للشيخ كمزت بسرعه اريد اروح اصيح الشيخ
اسد / لاا لا ترحين لابويه اريدج انتي
افين / توكفت. هاا كول. جنت خايفه لاتضهر اعراض خارجيه. وتئذيه من وراء السم الي شاربه
اسد / افين اني اشسويت البارحه
افين / ماسويت شي دكتور. بس. كثرت بالشرب اشويه
اسد / مووكت لغوه
افين / وانته ليش ضعيف لهاي الدرجه
اسد / انتي ضعفي افين
روحي سويلي. كهوه اريد الحك
افين / رحت سويتله كهوه والله يالله واحد بيوم حنته يشرب ويرجع للبيت سكران شنو من عريس انته
اخذتله الكهوه. شربها كلها
اسد / منو غيرلي ملابسي شنو اهلي يدرون
افين / اهلك مايدرون واني غيرتلك بس البدي وانته كملت الباقي
لان جانت ريحته مكروها جان لازم تسبح ماكدر انيمك علئ فراشي بريحتك
اسد / حضرتج تتنجسين مو ضربت الكوب بالحايط ايي ست افين. تتجنس
جنت اتقرب منها واني احرك اديه ليفوك. بس من شفت عيونها نزلت اديه
. وطلعت من غرفتها لاروح اضربها ومادري بنفسي طلعت شارد .
صعدت لغرفتي.
سبحت وغيرت ملابسي لبست الملابس الي اشتريتها للخطوبه
ونزلت لكيتهم يتريكون اله افين مامووجوده امي من شافتن. اجت باستني. واني هم بست ايدها. ورحت بست راس ابويه
الشيخه / امبارك عليك اوليدي
اسد / الله. يحفضج يمه
الشيخه "يمه افين من البارحه مماكله شي. اشبيها يايمه غير تسئل علئ مريتك
اسد / لاتخافين عليها كلشي مابيها.
الشيخه / يمه شجاك وياها لهاي المسكينه
اسد / يمه سدي الموضوع.
كعدت اتريك بس معدتي توجعني
الشيخ / اليوم اشبيك شو وجهك مخطوف اشمالك
اسد / حسيت ابوي يقره وجهي. خفت لايعرف. حاولت اضيع نضراته
يابه لاتهتم راسي يوجعني.
المهم اليوم الحنه يمه. سلوئ راح تجيكم. وراء الغده سو حفله بس لاطبل وزمر
واني اجي بالليل. راح ياخذوني الشباب للحلاق ونسوي حفله اصغيره بينه.
الشيخه / اتوكل علئ الله اوليدي
الشيخ / اني اليوم عندي كعده. بالناصريه لاتنتضروني علئ الغده وانته اوليدي لاتعب امك تمنيت اخذك وياي. اليوم بس اليوم يوم فرحك
اسد / يابه لاتوصي حريص الشيخه بعيوني.
بنسبه لروحتي مومهمه انته الخير والبركه
كملت ريوك.اخذت. السويج وطلعت. رحت للمستشفئ. موطني الثاني
تيم / بسم الله. هاي شنو. اشعدك اهنا ياعريس الغفله
اليوم مو حنتك لازم امكابل. خطيبتك وكاعد
اسد / مووكتك.
تيم / اشبيك
اسد / مابيه شي. عرفته ضاج من تصرفي وياه بس اني هسه. موبوضع اكدر اجامل رحت للصيدليه الي بالمستشفئ اخذت حبوب اريد معدتي تسكت
احس بيها تريد تتكطع عرفت جدارها تئذه من الكحول القوي.
رحت اراجع. السجلات. افتريت علئ الاقسام. جانت مستقره بس الامراض كثرانه
جنت ماخذ احتياطي. لابس كمامة وقايه.وطبقتين اجفوف
بقيت اشتغل مندون ملل وكل اشويه المح تيم يباوعلي. اكيد قلقان عليه رحت اخذت من الكافتريا كوبين كهوه
رحت للمكتب.
دخلت جان يفتر بالغرف. هاا اشبيك جنك وحده تطلك
تيم / اسد لاتقلقني اشبيك اليوم قبل اشويه. اجه الصيدلاني وانطاني الوصل مال الادويه الي انته ماخذها
دفعت الحساب. وراح
اسد / اطمئن مابيه شي
تيم / احلف بحياتي
اسد / تيم انته تعرفني من اريد احجي احجيلك بس من ماريد يعني شي خاص ماكدر اكوله خليها بعدين من استقر احجيلك وعد
تيم / خير انشاءلله المهم همزيم اجيت
اليوم الممثل الامريكي للمستشفئ الي.بالعاصمه نيورك.
دز رساله. علئ الصفحه العامه للمستشفئ. مضمونها. انو لازم تلتحق لامريكا يوم. الاحد. والتكت والفيزه كله جاهزه. الك
وهمزين اليوم الحنه وباجر الزفه واخذ ريست السبت والاحد اتوكل. اهناك سو شهر العسل راح احجز تذكره لزوجتك
اسد / ماكدر اروح تيم
تيم / هاي فرصتك وحلمك الي جنت تتمناه
اسد / تيم صعبه ماكدر اعوف ابويه وامي مندون سند وافين منو الها.
تيم / اني يمهم والله اصير سندهم. واسد مكانك
روح واني بسدك خويه
اسد / اعرفك ماتقصر بس قررت ماروح خلص سد الموضوع
تيم " " /ماكدر اسكت واني اشوف حلم اخويه ينتهك من وراء اعناده
اسد / شسوي لعد كول شسوي. هاااا.
تيم / حقق حلمك روح سافر انقلع اني ابقه بمكانك. وهاي ادكلك صدري واكلك روح واني بسدك
اسد / كافي كافي. تركته وطلعت حسيت نفسي ضعيف كلش بين حلمي واهلي.
رحت للشط بقيت واكف اهناك علئ حافة الشط يعني اي حركة غلط اوكع
حطيت اديه بجيوبي بقيت رافع راسي احاول اهدئ. اتنفس بقوه
يالله اغفر. لي عن كل ذنبا ارتكبته فاذا غلطت او كفرت فردني لك ردا جميلا يالله.
هذه الدعاء مايفارقني. تعلمته من ابويهمن جنت بالابتدئية والله ايام حلوه
ياريت لو ارجع هذاك الطفل. اسد الي جان يبقه خاتل ساعات بس لحتئ اصيد طير. صارت عيوني عليه وردته رغم جنت اكدر اشتري اغاته بس اصريت عليه هههههه عالم الطفوله جميل هو اساس شخصيتك وحياتك.المستقبليه
شبهة الطير بافين. بس الفرق. هي كدامي وملكي بس ماكدر اتقربلها صدها الي سوه اعاقه بحياتي
ركبت السياره ورحت لسلوئ اشوفها محتاجه شي
وصلت للشقه دكيت الباب جان اكو صوت عالي بالشقه انفتحت الباب ابنيه مو محجبه.
وين سلوئ.
اجت وراها سلوئ بسرعه
سلوئ / هلاوو حبيبي تعال تعال
اسد / دخلت وراها جانو اكو مجموعة من البنات. بيهم المحجبات وبيهم مومحجبات.
سلوئ / حبيبي شويه وتجي الكوافيره تسويلي شعري وبعدها اروح لبيت اهلك. قصدي اهلي
اسد / خير ماتسوين محتاجه شي سلوئ
سلوئ / لاحبيبي سلامتك
اسد / من تكملين اتصلي عليه اجي اخذج لاهلي
سلوئ / ماشي مثل ماتحب
اسد / تقربت لزمت راسها وبستها. ديري بالج
يله بنات اني اترخص اخذو راحتكم
. طلعت من الشقه رحت لاقرب حلاق. اتصلت بتيم حتئ اكوله يلحكني
اللو تيم وينك هسه انته
تيم " هس راح اطلع من المستشفئ دزلي موقعك
اسد / تيله راح ازده
دزيته موقعي.
دخلت للحلاق جانو اكو شباب يحلقون بقيت انتضر دوري نص ساعه ودخل تيم اجه كعد يمي.
تيم / ابو شباب اليوم حنة اخويه اريدك اطلعه لوز
شايف خير.
اسد / تسلم. همست لتيم الي الابتسامه شاكه حلكه.
تسكت لو اشكلك حلك فوك ماهو مشكوك
تيم / يابه تروح غير حنة اخويه ولازم اضحك اليوم ابقه للصبح اركص
هذه عرس اسد مو واي عرس
اسد. / ههههااا ضحكني. واني ماريد اضحك. اجه دوري كمت
كعدت بده يحلق طلبت منه.
مايلعب بلحيتي يخليها طويله
ماجان الي نفس اشوف نفسي بشكل ثاني
بدء الحلاق بتيم تيم خفف لحيته وشعره هم
كملنه دفعنه الاحساب وطلعنه.
تيم / هههههه انته شنو من عريس لحيتك اطول من وجهك هسه تشوفك العروس وتشرد
اسد /ههههه ايي خلي تشرد واشمر وراها سبع احجارات .
يله امشينه نتغده.
تيم / اليوم الغده علئ حسابي عريسنه
اسد / امشي خلي نشوف شتوكنه.
ركبت سيارتي وجنت امشي وراء تيم وكفنه يم مطعم شعبي.
الريحه فتحت نفسيتي دخلنه
طلبنه ادليميه. وبدينه ناكل يجيني الم طفيفي بامعائي. بس طيبت الاكل يفتح النفس.
تيم / هاا راح اطلب جاي
اسد / ايي بوكته
شربنه جاي.
تيم البارحه شربت
تيم / ايي الف عافيه.اكو ناس مدمنة شرب جاي واذا البارحه شربت
اسد / تيم افهمني. البارحه رجعت للبيت سكران وافين شافتني
حسيت بعيونها العتب والاشمئزاز
تيم / ليش ماتصلت عليه قبل لاتروح لهيج اماكن
اسد / وشمدريني الكوفي يتحول لملهئ ويغريني واشرب بس ماكثرت بس كوبين بس شو بعد ماكدر اوزن نفسي
تيم. / مع الاسف اسد ضعفت كدام المحرمات
اسد. /لاتبقه تلوم والله تعبان خويه
تيم / شتريدني لعد اصفكلك
اسد / باجر عرسي تيم
تيم / كوم يله تاخرنه علئ الشباب كوم ما اكدر احاسبك لان انته مو طفل
اسد / كمت وياه. واني احس بيه راح ينفجر من الغضب
رحنه للقاعه الشباب مختارين قاعه للشباب. هي نفس الكافيه. بس حجزناها لهذه اليوم
اول مادخلت. بدت الالعاب الناريه والتصفيك والاغاني جانو كل الاطباء والممرضين والاصدقاء القديمين بايام المدرسه باوعت. لتيم
شبسرعه كدرت تعزمهم والله اكو منهم ناسيهم
تيم / ادري بيك دايخ وتعبان ومشوش لذالك اني اخذت قائمة الارقام من جهازك وسويت قائمة واتصلت بيهم عزمتهم باسمك
وطلبت اكل جاهز اطمئن انته كلشي كامل
اسد / شكرا تيم ماعرف اشلون اردلك جمايلك وياي
تيم / بتمثيل العصبيه. اسد لاتخليني اسحلك كدامهم. ولك اني اخوك مابينه. هاي السوالف
اسد / والنعم والله اوكفلك بعرسك غمزتله
. رحت سلمت عليهم وهما يباركولي.
الشباب يركصون وتيم. جان قائد الحلبه مال الركص نازع سترته ويهز بيها.
بالاخير طلعو اغاني لركص الجوبي
جبروني اكوم ورحت وياهم اركص جوبي غيرت جو اهواي. بقينه نركص جنت امدنك راسي اباوع لحركات الرجلين ونتسابق ياهو يركص عدل
رفعت راسي
لمحت ضل شاب. واكف بعيد.
اجه ابالي ريسان ايي ريسان.
تركت الشباب ورحت باتجاها
القاعه مزدحمه. ابقه استئذن منهم لحتئ افوت بس فجاءه اختفه،
وصلت للدنكه الي جان واكف يمها بعيده عن الناس
بقيت التفت اريد المحه ماكو اختفه ريسان وينك.
حطيت اديه علئ راسي سمعت صوت. سامعه قبل التفت وشفت اكثر شخص يستفزني بجهله
سلااام
بالنسبه.للسحك 😂غلسو لان كتبته بسرعه.انطوني رئيكم بالاحداث