ليتها لم تكن لكنها كانت

البارت الحادي واربعون

ليتهہآ لمـ تگن لگنهہآ گآنت

آلبارت . الحادي واربعون (41)

بقلمـ زهہرآء قآسـمـ. (بنت آلآگآبر )

آتمـنآلگمـ قرآءة. مـمـتعهہ. ولآ تنسـو آلتصـويت. ورئيگمـ في آلآحدآث

في عينيك لهيب الاشتياق...
وفي قلبك مزيج الحب والغرام...
ما قلت للحب كفى فكم من القلب للغرام اشتهى
تعلمت الحب منك وادمنته...
وأخذني الشوق اليك وقبلته...
كل شيء في الحب عنك اخبرته ...
وحتى القمر لهواك اسهرته...
وطال السهر والسهر اعياني...
احبك يا نبضا دق قلبي...♡...فأحياني

سلوئ العيون لامعه تدل علئ خشوعها.

وصدمتها بالمكان كانت تحاول ان تحفض كل زاويه. بيه
مكان جديد. في قاموسها.

اما ريسان جان مبتسم بفخر. ورافع راسه وواكف بباب الامام. وبيده ضاغط علئ ايد سلوئ.

والي بداخله. بحر عميق من الاحزان التي استوطنت بقلبه منذو الطفوله.

جان واكف امام. مرقد الكاظم (ع ) وهو يتذكر موقف

. قد نقشهو الزمن ليهرب من ذاكرته. ليسترجع ماضيه. مقيده. بقيود. الواقع

استرجاع. لزمن الطفوله عندما كان يبلغ عمر ريسان 13سنوات

ريسان ريسان. تعال بابا. لاتروح. بعيد ابقه يم بيبيتك راح اخذ امك واخوك.
للمستوصف. واجي. روح اكعد يم بيبيتك لاتعوفها.

ريسان. لا بابا. حباب لاتعوفوني اهنا.

الاب. لا حبيبي ماعوفك. اني يمك. دقايق وارجعلك. وبعدين انته ماصليت.
لسه. يله روح زور وصلي. ابقه يم. بيبيتك مو تعوفها وحدها

ريسان / ما ما. يمه. لاترحين. لتتعوفيني والله اصير حباب اخذوني وياكم.

وهو يكعد. بالكاع. ويبجي بوسط الناس الي تزور. الامام. الكاظم.

طفلا اخطه في ذاكرتي اخر خراميش حياتي. لياتينه لون بهيائة بشر

ياولد ياولد ليش تبجي. كوم مايصير تبجي انته زلمه

ريسان اهلي عافوني.

واذا. انته زلمه مايصح تبجي كدام الناس

ريسان. وهو يباوع بوجه الولد باطمئنن
ابويه كالي صلي. بس اني ماعرف اصلي

كوم اعلمك.

ريسان جنت امشي وراء رغم امبين اني اكبر منه. بس هو ضخم اكبر مني. رحنه للمغاسل تجددنه

تعال راح افرش السجاده. اهنا اوكف عليها مثلي

ريسان جنت انفذ اي شي يكوله رغم ماعرفه بقيت اردد وراه من كملنه هو ابتسم بوجي

اسمي اسد. وانته شسمك

ر. ريسان. اسمي

اسد / ريسان بيا صف انته

ريسان / وهو يبتسم براحه. وياشر بايده بصف. بالرابع

اسد هههه اني هم بصف الرابع. .وهو ياشر باصابيعه الصغار 10سنوات تكول امي عمري
ريسان / هههه واني عمري 13سنه. بس. متاخر سنه وراسب سنتين

اتذكر بوقتها اجت بيبيتي مفزوعه. وجرتني وراها مندون كلام

واني. بالكوه الحك بيها. جنت داير وجهي علئ هذه الولد اسد وهو يبتسملي

وياشرلي. باشاره. مثل الي يكولي صير سبع.

رجعت ويه بيبيتي. وجان بيتنه مملي ناس ماجنت اعرف اشصاير بس الي

عرفته بوقتها من وعيت اكثر انو اهلي ماتو ومحد بقه غير بس بيبيتي

وجدو. بوقتها. تركت الدنيه وانعزلت اكلي قل اختلاطي بالناس انعدم. بيوم
من ايام حزني وبعد اربيعين اهلي تحديدا اندكت الباب

. طلعت اريد افتحها. شفت نفس الولد. الي شفته بالمرقد. ابتسمت وعدلت

شعري المخربط وملابسي المبهذله. مابجيت انته كتلي مابجي اني زلمه

مابجيت علئ اخويه وامي وابويه من ماتو والله مابجيت

اسد """"

قاطع تفكير ريسان صوت سلوئ

سلوئ / ريسان وين صافن. شوف الناس كلها دخلت وشنو هذه الصوت. هذه نشيد اسلامي

ريسان /هههههه لا حبيبتي مو نشيد هذه اؤذان الضهر امشي اعلمج تجددين لحتئ ندخل انصلي. ونزور

راحو للمغاسل. طلب من مرا تعلمها الوضوئ.

وهو راح لمغاسل الرجاليه. كمل وطلع شاف سلوئ تمسح بوجها من الماي

لا سلوئ لا تمسحين الماي. كل قطره تنزل من وجه المتجدد تعتبر ذنب
واسقط. لذالك لاتمسحه اتركيه ينزل ويجف وحده. لعل ذنوبنه تجف مثل الماي
يله امشي ندخل

سلوئ / ايي بعد مامسحه وهي تبتسم بوجه ريسان.
دخلو للمرقد.
مدو السجادات وكفت سلوئ وراء ريسان بالمكان الي فرشها الها ريسان.

ريسان / رددي ورايه سلوئ مندون غلط

بدئ ريسان يصلي. وسلوئ ترد وراءكملو صلاة.

يله كومي ندخل نزور

دخلو يزورون. ركع امام المرقد. وهو يدعي لنفسه ولسلوئ الهدايه ويترحم لزوجته الي خسرها وكان . كل ضنونه

بنفس المكان الي التقئ بصديق.واخ دنياه

اجه يترحم لزوجته الي قتلها هذه الصديق

سلوئ / ريسان كافي كوم. جوعانه خلينه نروح نتغده

ريسان / يله امشي

طلعنه تغدينه بوقتها جنت مرتاح احس جبل وانزاح من كلبي.
صرت اتنفس براحه

سلوئ / ريسان ريسان اريد من هذه غزل البنات

ريسان / هههه يسمونه شعر البنات.

سلوئ / لا بامريكا يسمونه غزل.البنات بولاية مشكن

ريسان / ههههه تدرين نسيت انتي ماخذه الدكتوره من امريكا

بس بسرعه خليتج تتعلمين اللغه العربيه وبطلاقه

سلوئ / هههه يله اشتريه لا احجياك انكليزي

ريسان / كلشي ولا الانكليزي. لان كمية الدلع باللغة الانكليزيه تجيب التايه.
استري علينه. دكتوره سلوئ

اشتريتلها شعر البنات

رحنه تغدينه باحدئ المطاعم الي باسواق الامام.

اخذنه اشياء تراثيه تخص. تاريخ العراق. سلوئ ماخلت شي ماخذته تاخذ لصديقاتها. والها

ريسان / سلوئ شايفه هاي القبه

سلوئ / ايي. كبيره.

ريسان / وحق قبة الامام الكاظم انتي دخلتي كلبي وماراح يفرقنه غير بس

الموت. سلوئ عدلي حجابج. صدكيني اغار عليج. حتئ من نضراتي الج. سلوئ اني احبج.

سلوئ / ودموعها ملت خداها. ريسان. تمنيت اسمع هذه الكلام منذو اكثر من سنتين واخيرا. ريسان. انته. بابا واخويه وامي وكل عائلتي.

ريسان /وانتي اهلي وكل عشيرتي

كانت نضراتهم غريبه وكل واحد بيهم يحاول يفهم الثاني بشوق .
رغم نضراتهم الي ممليه حقد وروحهم الي يستوطن الانتقام بيها
الا حبهم لبعض كان هو قائد المشاعر. المبعثره بداخلهم بهذي اللحضات
وايديهم الي اقترفت الكثير من السيئات
الا انها كانت تتصراع لتثبت لليد الثانيه مدئ قوة تمسكهم به

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤ ❤

اسد / كعدت الصبح. دخلت سبحت غيرت ملابسي
احس حياتي ممله.مو مثل الي جانت بعمان ممليه بالعمل ماعندي حتئ،وقت اكعد ويا سلوئ

نزلت. للمطبخ لكيت بس امي وابويه وام غايب كاعدين يتريكون

صبحت وكعدت اكل عرفت البنات بالمدرسه.

تريكت. يله في امان الله.

طلعت بالسياره وتوجهت للمستشفئ.

دخلت. وجانت المستشفئ ازدحام. ماعرف يمكن اني شايفها هيج رحت للمكتب.
دخلت لكيت تيم كاعد علئ الحاسبه

تيم / اشبيك داخل. وانته كتله من الغضب. وماكلت حتئ صباح الخير

اسد / ماجاوبته ماجان الي نفس الحجي اتصلت بالسكرتيره طلبت اثنين كهوه. وسط.
رحت للملفات راجعت. البرنامج عندي ماعاينه.وعملي

تيم وهو يكوم من الكرسي ويتوجه لاسد. لزم الكرسي ولفه باتجاها
اسد صاير شي

اسد / تيم اتركني. اليوم.

تيم / يعني هسه صرت غريب اني علمود اتركك

اسد / تيم تعبان.

تيم / اترك الملفات وكوم وياي للكافتريا.

اسد / . اصلا راح يجيبولي. الكهوه وطلبت الك هم لاتطلع

تيم / افين مو.

اسد / ااااااه. ايي هي سبب حسراتي

تيم / منو هذه البارحه الي اتعارك. وياك

اسد / هذه ابن عمها. جان امسافر ومن رجع عرف بافين تزوجت جان يعاتبها لان حضرته جااان استغفرالله. يحبها
بس هي ماتحبه. هي تحبني بس صدها الي اغتال الامل الي ابداخلي.
صدها وجفاها دمرني ياخوي شسوي شسوي.

هي. تكول ماتحمل. اشوفك اتجهز.امورك لزواج

بس جذابه. هي عدها قدرة تحمل تفوق قدرتي. اريدها ايي يخوي اريدهاا

ارتاح من تكون كدامي واتوتر اذا قربتها الي قربها يوترني ويغير مسار حياتي

. يمها اني. لاشي انسئ اني دكتور والي مكانتي يمها. اكون انسان. مندون مقدمات والقاب.

تيم / تحبها لحد شنو اشتدكدر تسوي علمود هذه الحب يخوي تره الحب يرادله ازلام وشجعان. مو بس يبثون كلمات الحب يراد فعل.

قاطع كلامهم دخول السكرتيره. حطت الكهوه علئ مكاتبهم وطلعت

اسد / تيم لاتزيد الامور تعقيد رجاء

تيم / اسد افين طفله بريئه فتحت عيونها. عليك لاتخسرها واحتضنها

اسد / بعد ايام واتزوج. شحتضن منها وهي تصدني ونافرتني من وراء كلامي

وياها من كتلها. اني مارتبط باخت قاتل سندي لسه تتذكر لحد البارحه تقربت منها. رادت تعيد كلامي بس

تيم / وهو يحاول يغير جو. اسد عندي الك مفاجئه

اسد / الله يستر كول

تيم / اتذكر انته قبل اربعة سنوات قدمت علئ استئضافه بامريكا.

اسد / ايي صح قدمت علئ اكبر مستشفئ بولاية . نيويرك
قبل سنوات. حتئ حولتلهم كل سجلات العمليات الي اجريتها. بعمان.
وبالدول الاخر. بس ياخوي ماعندي حظ

لو قابليني. استئضافه جان هسه اني بامريكا واكيد بعد الاستئضافه يثبتوني عدهم. بس ماكو حظ يخوي.

تيم / ههههه هات البشاره ياكدع.

اسد / بطل سخافه. وبشارت شنو

تيم / اليوم تعزمني علئ غده. واريد دولمه وبرياني وباميا وزلاطه بمناسبة.

قبولك بافضل مستشفئ بعاصمة امريكا نيويرك.

اسد /وهو يكوم من. صدمته. تيم لاتلعب باعصابي. خويه صدك

تيم / تعال شوف اليوم دزو بريد علئ صفحة مستشفانه الرئيسي

اسد / رحت اقره بالبريد الالكتروني. واني مصدوم صدك انقبلت بعد انتظار اربعة سنوات ماجاي اصدك.
حضنت تيم بكل قوه هذه الشخص الوحيد. بمهنة الطب يتمنالي السعاده والتقدم.

تيم / لا الحضنه ماتكفي اريد غده.

اسد / اغديك واعشيك يابعد كلبي انته. تيومي ههههه مامصدك تدري

تيم / قبل اشويه تبجي من جفا افين. وشايل هم لسلوئ

اسد / تذكرت افين اشلون راح اكدر افاركها.
ترخصت من تيم ورحت اعاين المرضئ وبالي مشغول بيها. هنيالج افين شاغله. كل تفكيري
راح ارفضها. ماكدر اترك اهلي ولا افين وبالاصل اني متفق ويه سلوئ نستقر بالعراق بعد الزواج.
دخلت لغرفة العمليات اهنا عقلي انقطع عن التفكير

وتركيزي كله. بالطفل الي كدامي

دكتور. الطفل محمد عمره 15 سنه. تعرض لحادث تصادم اثناء ماكان علئ الدراجه.
الجمجمه بيها فطر.سبب فقدان وعي عنده ولان الفطر كبير بده يضغط علئ الدماغ
اعرضيلي الاشعه. شفت وضعه مو زين.
بديت بالعمليه
دكتور. نزيف
بسرعه اشفطي.
جان وضعه حرج جدا. حاولنه نسيطر علئ. النزيف. الحمدلله كدرنه نخفف الضغط. وسيطرنه علئ تدفق الدم
نجحت العمليه بس الولد راح يعاني من وجع فضيع اول مايستيقض
طلبت من الدكتور المتدرب يغلقله راسه.

طلعت غسلت اديه. اول ماطلعت من.جناح العمليات اجو ناس تركض

الي عرفته اهله للولد. الي. سويتله العمليه طئمنتهم وكملت طريقي

اتصلت بامي وكتلها عن جيت صديقي والاكلات الي نريدها وهي رحبت. امي بت خير وكرم والي. يطلب منها. ماترده

كملت معاينة المرضئ والممرضه نور وراي تمشي.

تسجل معلومات المرضئ كل واحد وبسجلهم.

رجعت للمكتب. كلت لتيم يجي علئ الغده من وكت واذا تاخر اكل الاكل وماابقيله

تيم / قبل الغده اني يمكم. اكل مقبلات 😉

اسد / ههههه.تبقه ابو بطن
طلعت من المستشفئ رحت لمدرسة البنات.

جانو هستوهم. حالين بقيت انتظرهن يطلعا

افين / كل عاده بوقت الفرصه نكعد اني وليلئ نكتب احتياجات العرس.

ومن اسئلها ترد بحزن. جنت افهم نضرتها الي

ليلئ / افين انتي اشكد قويه.

افين / صدكيني قويه لحد احضر امور زواج زوجي وحبيبي واماني
بس اسد يبقه امنيه.ببعد النجمه عن الارض. ماكدر الوحها

ليلئ / لحضه افين اشكلتي. حبيبج. افين انتي تحبين اسد

افين / نزلت راسي بخيبة امل. ايي ليلئ حبيته. حبيته وياريتني ماحبيته اتمنئ اشلع هذه كلبي الضعيف كدامه.

البارحه تقربلي. حسيت نفسي خلاص ضعفت. وراح اسلمه نفسي. بس

ماكدرت ماكدرت ليلئ احبه اي بس سالفة يتقرب مني وبعدين من سلوئ.

اموت قهر. اني اريده الي وحدي ماتحمل. وحده تشاركني بيه لو الي وحدي لو ماريده خلي يعيش حياته سلوئ دكتوره من نفس مستوئ.

سمعت من الحجيه انو هي دارسه الدكتوره. بامريكا.

ليلئ / اووف يافين اشكد. بداخلج حزن الله يكملج عقلج ويهديج حطت راسها علئ متن افين. وهنا يضحكا.
لكن ضحكات متمرده علئ جراحا. تزيد من الامهن.

افين / اليوم راح ابدي بتسواية الكيكه وانتي ابدي بالتزين مال البيت

ليلئ / ايي انشاءلله راح اخذ اجازه هذه الاسبوع.
لحتئ اتفرغ للعرس. عاااااااا

افين / يااا اشبيج تصيحين

ليلئ / البارحه من التعب نسيت البس ملابسي واشوفهم عليه وانتي هم

افين / هههههه انعل ابليسج ليلئ. لج خوفتيني. عادي اليوم انقيصهم وحده وحده.
ليلئ / دك الجرس يله امشي ناخذ الجنط. ونطلع. جوعانه كلش

افين / ام بطن. هههه
ليلئ نعمه عليه تكدر تمتص حزني. ببساطه بطفوليتها. طلعنه من الباب الرئسيه

جان الجو حار اشويه والشمس طالعه وقويه راح ندخل بالصيف. جنت. احس وجهي مشتعل نار. وامسح العرك من وجهي.
جنت امشي ومدنكه راسي.

جنت واكفه بوسط الشارع وليلئ راح تسلم علئ صديقاتها. بس فجئه سمعت

صوت هونر. وجعتني اذاني من الصوت بس حسيت علئ ادين سحبتني

بسرعه. جانت اكو سياره مسرعه رادت تسحكني من الخوف لزمت اديه بقوه.رفعت راسي

. باوعت. جان شاب لابس زي رسمي

اااااانتبهي. انتي بخير.

افين / جانت البنات كلن يباوعا اجت. ليلئ بسرعه. وبنيه. اسمها زهراء
اعرفها ويانه بالصف وكلش شاطره نااار

ليلئ / افين. وين جنتي صافنه لو صاير بيج شي.

افين / ليلئ مادري. والله مادري جنت انتضر الخط
جنت امسح بوجهي. حسيت علئ ضل صار فوكاي رفعت رسي شفت اسد وهو كتله من النار والغضب.

اسد / جنت واكف بالسايد الثاني شفت افين طلعت ووجها الاحمر وابيض من

وراء حرارة الشمس وجه طفولي جنت خايف احد يشوفها بهذه المنظر وين اضمج يافين من عيون الناس.

ردت اعبر الشارع. بس سبق عبوري صوت السياره الي ضربت بريك بقوه.

وجانت افين كدامها واجه واحد لزمها من ايدها وجرها لعنده. صارت قريبه منه وهي مغمضه عيونها ولازمه اديه

بكثر ماخفت عليها. اعصابي ماكدرت اسيطر عليها رحت يمهم وكفت يم افين لزمت اديهم اثنينهم وبعدتها لزمت ايد افين
تكدر تروح. وشكرا الك

ليلئ / اسد.

اسد / ليلئ للسياره

افين / جان يحجي وهو صاك علئ اسنونه. جان يمشي سريع واني احاول اوصل لخطوته
وصلنه للسياره. فتحلي باب لصدر. ركبت وليلئ وراء

اسد / ليييش ماتنتبهين هااا لو عجبتج القصص ورتي تجربين تجيج سياره

تدعمج ويجي البطل ينقذج انتي يمته تكبرين وتفتهمين هااا

ليلئ / اسد افين ماجانت تدرين صار بعد. وهي بخير ليش تصيح

اسد / انتي لاتتدخلين هي عدها اللسان وتجاوب يله ردي. وين جنتي تفكرين. ست افين

افين / جنت اباوع للطريق. وخايفه خاف يسوي حادث من شدت سرعت السياره
اسد. لاتصيح جاي تخوفني. قلل السرعه. اسد قلل السرعه

اسد / جنت اضرب علئ الونر بقوه لحتئ يفتحولي الطريق. جانت السرعه كلش عاليه انتبهت عليها من عيون افين الخايفه
خففت السرعه.

افين. / من خفف السرعه ارتاحيت تنفست بقوه

اسد./ ايي. ست افين منو هذه الي مثل دور البطوله وانقذج تعرفيه شي ررردي

افين / فزيت علئ صرخته. ماااعرفه افهم وبطل شنو
وهو انقذني. اقسم بالله لو ميته هسه اني جان انته ارتاحيت مني واني ارتاحيت
بس هذه انقذني. لو ميته هسه اني لو ميته ججاااان ارتاحيت منك

اسد / للليش تحسسيني اني. سبب تعبج.

افين / ايي لا تصيح.
انته سبب تعبي اتركني كافي والله تعبت ابتعد عني. اصلا اني راح اشوف

حياتي بس اتخرج من الجامعه واكون عائلتي الخاصه وانته هم راح تشوف حياتك.
اسد / لاااا هذه الشي اني الي اقرره فاهمه مو انتي. حياتج بيدي بيدي اني. محد اله سلطه عليج غيري

افين / انته اكبر اناني.

ليلئ. / كولو يالله كافي اشبيكم

افين واسد / انتي اسكتي لاتتدخلين

ليلئ / هو لان اني فقيره اطلعون بيه قهركم

افين / نزلت دموعي. مو بس لان ردت اموت اله اشويه. بس نزلت دموعي لان ماعندي سند او اهل يوكفون بسدي.

اسد / شفت دموعها نزلت حسيت تيزاب ونزل علئ كلبي مسحت وجهي. رفعت. شعري
افين اني اعتذر بس جنت خايف عليج. لو صاير بيج شي جان اني متت وراج

. وبعد لاتفتحين سيرة تتركيني وتشوفين حياتج. لان حياتج ملكي انا حطيت ايدي علئ ايدها وتناسيت وجود اختي ليلئ

افين / اتركني اسد انته تصيح عليه لان ماعندي اهل وسند الي.
اني اريد استقر بحياتي. تعبت
وصلنه وكف السياره وقبل لايدخلها. نزلت ورحت دخلت قبلهم

للبيت دخلت من باب الاستقبال ماريد اشوف احد

رحت اخذت ملابس ودخلت للحمام. فتحت الدوش علئ المي البارد وبقيت جوه. اريد اهدئ احس جسمي كله مشتعل نار من نار اسد الي تحرك ونار الزمن الي هي نار بارده بس لسعتها بالعضم

اسد / دخلت السياره للبيت ونزلت.
دخلت للبيت حتئ مندون ماسلم صعدت لغرفتي.
شمرت السويج والستره اخذت منشفه ودخلت للحمام. بقيت كاعد
ليش افين ليش هل صد.

حتئ انتي ضدي حياتي كلها تسير عكس تيارات. رغبتي.
حبيت افين. لروحها لشخصيتها ماكدر اطلعها من هذه الكلب.
ماحبيتها بس لحتئ ارضي غروري
ماحبياها بس لحتئ. افرغ غرئزي
حبيتها لانها. افين تلك الطفله المتجسده بجسد امراءة
ااااه يافين. سديتي كل الابوب بوجهي.

طلعت غيرت ملابسي ونزلت لكيتهم صابين الاكل. بالمطبخ وتيم محتل الميز وكاعد يضحك وعيونه علئ الاكل
ابتسمت علئ شكله.
الله بالخير

الكل / الله بالخير والعافيه

تيم / لا اسد بعد وكت روح ارجع لغرفتك خليني اكل براحه

اسد / اهوو ابو بطن كل هذه الكدامك وماتشبع

الشيخه / ياا يمه. احنه شمسوين. قليل يايمه مالحكنه نسوي.
اني وام غايب اخذنه العمر يايمه مابينه حيل نوكف بالمطبخ اهواي

اسد / رحت بست راس امي وتيم هم باس راس ام غايب وامي

جانت امي وام غايب مسوين. باميه. وبرياني وزلاطه وتشريب لحم.
كعدنه علئ السفره

لعد يمه ليلئ وين ليش ماتكعد يمنه تاكل

اني حجيت هيج وجان تيم يشهك بالمي وبقه يكح وامي تضرب علئ صدره.

هههههه ايي يمه دكي علئ ضهره زين خطيه اختنك

الشيخه / خطيه الولد اختنك.
ليلئ اخذت غداها وراح بغرفة افين
شو افين ماشفتها من اجت.

اسد / وين تروح هسه تجي

تيم / يمه اليوم وصل خبر كلش مفرح لاسد من امريكا

الشيخه / صلوات علئ محمد يمه. مبروك بس شنو الخبر المفرح

الشيخ / خير انشاءلله بويه ياخبر

اسد / يابه. اني قبل اربع سنوات قدمت علئ استئضافه بالعاصمه
وجنت قاطع الامل. منها. بس جانو يستلمون سجلاتي مال العمليات الي

نجحت بيهم واليوم وصل بريد للمستشفئ انو تم قبولي اروح لامريكا واتقرب من علماء مو بس اختصاصات طبيه.
اذا اكمل دراسه عملي بهذي المستشفاء
يمكن يثبتوني يمهم او اختار اي مستشفاء بالعالم اكون بيها يقبلوني

الروحه اهناك راح تغير سيرتي الذاتيه جذريان واذا توفقت ابقه يمهم

الشيخه / وهي تبجي بصوت عالي حطت شيلتها علئ وجها تمسح دموعها.
يايمه. هم راح تروح. وتترك ابوك.

اسد / كمت حضنت امي. نزلت بست ايدها. يمه انتي وابويه واكفين بوجهي واصلا ماروح. يمه لخاطر هل عيون الحلوه ماروح.

تيم فتح حلكه متفاجئ اشلون تخليت عن حلمي. الي من اول ماتخرجت من جامعة عمان -الاردن
للان هذه حلمي
باوعت لابوي جان يراقب حركاتي خطوه بخطوه

الشيخ / يله سمو باسم الله

افين / طلعت من الحمام. رحت لغرفتي سمعت اصوات ضحك بالمطبخ
دخلت لغرفتي لكيت ليلئ كاعده متربعه وتاكل

والكتاب كدامها

ليلئ / هاا ام دميعه نعيما

افين " هههه الله ينعم عليج لؤلؤ

ليلئ / تعالي اكلي. ولج الحبيب اليوم اهنا

افين / هههه قصدج تيوم

ليلئ " / ايي والله لو مو عيب جان تلكيني كاعده يمه اتغده.

افين /ههههه
كعدت نقشت بالاكل.

ليلئ "/ شفتي الي نقذج اليوم

افين /ايي شفته كثر. الله خيره

ليلئ /افين الي انقذج اليوم هذه اخو زهراء الي ويانه بالصف الي معجب بيج
افين /شنووو لاياربي هاي انتي اشدتحجي لا ليلئ هي جانت عايزه والتمت
لاونوب امثل دور البطوله والله. عايفني اموت احسن
روحي خيه خلي ارتاح اشويه

ليلئ / افين ماكلتي شي خيتي اكلي

افين "/ من اجوع اكل روحي وديه
طلعت ليلئ. نظفت غرفتي. بقيت انشف بشعري. وصافنه
واصلا ليش اهتم مامسويه شي غلط واكيد من يعرف اني متزوجه. راح ينسحب من طريقي

اسد / كملنه غده. شربنه جاي تيم اترخص وراح وهو ماراضي علئ قراري. برفضي للفرصه
بس اني قررت ماروح نهائيا. امي وابويه راحو يرتاحون وام غايب راحت
لغرفتها.
دخلت للمطبخ ليلئ تغسل بالمواعين.
ردت اصعد لغرفتي بس تذكرت افين ماطمئنت عليها.

رجعت بخطواتي ليوراء رحت وكفت يم باب غرفتها خجلان منها.

شراح اكوللها هسه بقيت متردد بس بالاخير دكيت الباب

افين / جنت لازمه المشط لحتئ امشط شعري. اندكت الباب.
منو
اسد / افين اريد احجي وياج

افين / حطيت حجاب علئ راسي. فتحت الباب
ودخلت لغرفتي

اسد / شنو ادخل

افين / البيت بيتك والغرفه غرفتك ليش تستئذن

اسد / افين انتي بخير

افين / ايي بخير

اسد / تعالي اريد اعاينج

افين / لامايحتاج.

اسد / تعالي افين رحت وكفت كدامها ثبتت راسها بديه. فحصت عيونها. جانن طبيعيات
اكو شي يوجعج

افين / صرت اتنفس نفسه ليش اني ضعيفه لهاي الدرجه من اكون قريبه يمه كرهت ضعفي.
صحيت علئ سؤاله لا ماكو شي يوجعني درت وجهي

اسد / شفت شعرها الطويل من جوه الشال. ينكط مي سحبت الشال واخذت المشط من ايدها. تعالي اكعدي اهنا علئ السرير كدامي
رحت كعدت
افين / لا لا قصدي اني امشط انطيني

اسد / خلال ثواني اذا ماجيتي. اني اجيج. لاتتحديني تره انتي الخسرانه

افين / تلف اعصابي ببروده وهو يتحدئ.
اله العب علئ اعصابك مثل مالعبت باعصابي. كعدت يمه. قربت ضهي عليه هو بده يمشط بهدوؤ

اسد / جان شعرها طويل وناعم بسرعه يتمشط. قربها وترني
. جانت لابسه دشداشه بس ركبتها كلها امبينه
. لفيت شعرها علئ جه قربت وجهي من ركبتها واني اتنفس عطرها.

افين / جسمي رجف من حسيت بانفاسه الحاره. علئ ركبتي

اسد / جان جسمها يهتز بكل زفير جنت اتنفس بقوه

افين / اسد لاتمشط شعري اتركني.
ردت اكوم بس هو سبقني وحاوط خصري باديه

اسد / افين اني اعتذر لان صيحت عليج. بس من غيرتي وخوفي عليج ماتحملت هذك يلمس ايدج

افين / لعد اني شلون
اشلون راح اتحمل تنام يم غيري وتتنفس عطرها اشلون راح اتحمل
. انفاسك تكون علئ ركبتها هي
اسد اني هم بشر ارحم بحالي

اسد / افين تعبت من التفكير ماكدر اترك سلوئ وعدتها ومو زلمه الي يوعد ويخلف بوعده

افين / اسد اني وياك اط ""

اسد / حضنتها بقوه اشششش لاتحجين

افين / اسد صدكني سلوئ ماتفيدك اتركها. من سمعتها وهي تحجي ويه واحد. عرفت انو هي موامان

اسد / كتلج اششش درتها عليها قربت وجهي من ركبتها حسيت بذوبانها غمضت عيونها. وي كل لمسه تفز وجسمها يرجف
نومتها يمي بقيت غارس راسي بركبتها. اتنفس عطرها

افين / من يوم الي استغنو عني اهلي واني ماكدر انام اكون شبه نايمه لكن كل مرا انام بحضن اسد انام واني مرتاحه بحضنه.
بادرته الحض وحضنت راسه وهو محاوط خصري. وراسه بركبتي. غفيت

اسد / حسيتها بادرتني الحض ارتاحيت. اووف يافين. انتي راحتي الي من اكون يمج انسه العالم. بقيت نايم يمها واني اتنفس عطرها
كعدت علئ صوت ضحكه

جانت افين نايمه رفعت راسي اشويه. وشفت الحجيه جاي تغطي بينه. ابتسمت بخجل. خجلت كلش منها وهي مبتسمه

اشرتلي انام. وهي تركتنه وطلعت.حاولت اكوم بس منظر افين وهي نايمه يجذب
. بقيت ابوس كل مسامه بوجها.

وهي كل اشويه تهفي عسبالها ذبان. تلمست لحيتي جانت طويله اكيد تنزعج من لدغات الشعر

كمت غطيتها وطلعت. رحت يم الحجيه. الي جانت تبتسم وتضحك ويه ام غايب
. ضحكت امي من يوم الي توفه بيه احمد ماشفتها بس اليوم يختلف.

يسعد مسائكم قسم جديد اتمنه ان ينال اعجابكم

تحياتي لكم الكاتبه زهراء. قاسم.

لاتنسو 👇متابعتهم
Ta__19b

uuno_56zai20nb

user31852907

AliEsmail110

AbdooshHorriblrستخدم