“Nanganak na si Vanessa, Camille.” Paliwanag ni Drew kay Camille kung bakit siya nawala.
Surprised si Camille sa nalaman. Hindi niya alam kung ano ang magiging reaksyon. O kelangan niya ba mag-react in the first place?
Tinitigan niya na lang ang baby ni Vanessa. Sobrang clueless na anak din ito ni Drew.
Naghintay lang sa may gilid si Jean. Halatang nakikinig sa usapan ng dalawa. Sa isip nito, “May iba pa palang nakakaalam?”
“Ang cute naman ng baby ni Vanessa.” ang naging reaksyon na lang ni Camille para hind maging awkward uli sila ni Drew.
Tango lang si Drew. Deep inside, gustong-gusto niya nang sabihin kay Camille, “Anak namin yan ni Vanessa!” Pero parang may force na pumipigil sa kanya magsalita.
Si Jean nainip na sa kahihintay kay Drew, “Uy ano na? Hanap ka ni Vanessa hindi ba?”
“Oo nga pala!” sabay excuse ni Drew, “Pasensya ka na, Camille. Kelangan kong…”
“Sige okay lang Drew, puntahan mo na siya.” Pilit ang ngiti ni Camille.
Kahit ilang beses niya sabihin sa sarili na tanggap niya na --- na si Vanessa ang pinili ni Drew. May kirot pa din para sa kanya. Pero alam niya sa sarili niya, masasanay din siya.
***
“Buti na lang pala Drew, iba yung nalaman nilang nabuntis sa school,” sabi ni Vanessa kay Drew noong binalikan siya ni Drew sa kuwarto. “Kasi gusto ko sana hindi na din nila malaman talaga ang tungkol satin…ang tungkol kay baby.”
Sabay sabat ni Jean, “Naku, yung isang girl na taga-school na kausap nyan ni Drew kanina…parang alam nya na din yata?”
“Hindi!…hindi pa alam lahat ni Camille.” Sagot ni Drew.
“Hindi pa? So may balak kang sabihin?” tanong ni Jean “Sandali, pano nya nalaman ang tungkol dyan kay Vanessa? Sinabi mo no?”
Nabanggit ni Drew na minsan nang nakita ni Camille si Vanessa dati. Ang sinabi niyang alam lang ni Camille ay single mother si Vanessa sa ibang lalaki. Pero hindi niya sinabi sa dalawa na nagsinungaling siya kay Camille…na pinalabas niyang mahal niya si Vanessa.
“Wag kang mag-alala Vanessa, kilala ko si Camille…hindi niya ugaling magkalat ng isyu.” sagot ni Drew sa duda ng dalawa na baka ikalat ni Camille ang nalaman nito.
“Mabuti naman. Alam mo kasi Drew, mas mabuting iilan lang talaga ang nakakaalam ng tugkol dito. Mas mapapanatag ako. At mas madali nating maaayos ang lahat…”
Dahil sa hiling uli ni Vanessa na wala ng iba pang makaalam ng sitwasyon nila, na-torn na naman si Drew… sasabihin niya pa rin ba kay Camille o hindi na? Pinili niya na lang uli na wag muna umamin kay Camille.
Hahanap na lang ako ng tamang timing para aminin ang lahat sa kanya. Mabuting wag muna ngayon…
Sa ngayon para kay Drew, sapat na muna na kinakausap uli siya ni Camille…na kahit papaano ayos na uli sila.
***
Nang dumating ang mga magulang ni Drew. Kinumusta agad ng mga ito si Vanessa.
“Okay lang po ako. Salamat po sa inyo.” Sagot ni Vanessa.
Pero napansin ni Raquel ang pangamba sa mga mata ni Vanessa. Naalala niya tuloy ang minsan niyang naramdaman ng ipanganak si Drew.
“Wag kang mag-aalala Vanessa, kami na ang bahala sa mga gastusin. Hindi ka namin pababayaan. Pati ang anak mo.”
Feeling relieved si Vanessa. Si Gilbert, naitanong ang reaction ng mommy ni Vanessa.
“Masaya naman po siya.” Sagot ni Vanessa. Pero pansin ni Jean, hindi nagsasabi ng totoo ang kaibigan.
Hanggang sa sabihin na ni Vanessa ang plano niya, “Isasama ko po si Baby sa Amerika.”
Gulat sila Raquel, Drew, at Gilbert.
Hindi man yun ang gusto nilang mangyari. Pero alam nilang maganda ang intension ni Vanessa. Para ito sa ikabubuti ng mga buhay nila…ng buhay ng baby. Kaya sa huli, pumayag na din sila.
Maya-maya pa muling pumasok ang nurse, “Papipirmahan ko lang po itong birth certificate..Ano po ang pangalan ng bata?”
Napatingin si Drew sa mga magulang, gustong bumawi lalo na kay Gilbert na marami ng nagastos sa mga needs ni Vanessa,“Vanessa... Kung okay lang sayo... Albert sana... Pinagsamang pangalan namin ni Tatay...Galing sa Andrew at Gilbert.”
“Albert? ... Walang problema sakin, Drew” payag agad si Vanessa.
Ngiti si Drew kay Gilbert, pero si Gilbert tango lang. Inabot ng nurse ang papers kay Vanessa. Pirma si Vanessa.
Then baling ang Nurse kina Gilbert at Drew. Awkward. Hindi alam kung kanino ibibigay. Si Gilbert ba ang Ama? Me edad na? E si Drew? Bata pa!
Hesitant ang nurse, “Kelangan din po pumirma ng Tatay...”
Tinginan sina Gilbert at Drew. Drew, quietly gets the paper…
Hiya si Drew. Conscious na iba ang tingin sa kanya ng nurse. Sa huli pinirmahan niya pa din.
Halos manlaki ang mga mata ng nurse. Hindi ito makapaniwala na ito ang ama! …isang 14 years old may anak na?
***
Sa tulong ng mga magulang niya, nabayaran ang initial hospitalization fees ni Vanessa. Pero hindi don tumigil ang gastos dahil may mga naging komplikasyon si Vanessa. Napadalas ang pagdudugo. Kaya na-extend ang stay sa hospital.
Halos ma-guilty si Drew nang marinig niya ang nauubos na savings ng mga magulang niya.
“Ako tong nakabuntis, pero sila Nanay at Tatay ang sumasalo ng lahat. Luging-lugi na sila sakin.”
Gustuhin man ibalik ni Drew ang oras, para baguhin ang naging maling desisyon nya…naisip nya na lang…
“Alam kong isang malaking pagkakamali ang nagawa ko. Pagkakamaling hindi ko dapat ipagmalaki pero hindi ko din dapat ikahiya. Kailangan ko nang itama ang lahat. Magsisikap ako. Magpapakatino na ko. Magpapaka-responsable na ko!”
Ginawang inspirasyon ni Drew ang baby niya para muling itama ang buhay nya. Para simulan muling mangarap.
Nang napagdesisyunan ng lahat na pabinyagan si Baby Albert bago ito dalhin ni Vanessa papuntang Amerika.
Kahit sa isang Binyagang Bayan ang naisip nila para makamura sa gastusin. Naisip pa din ni Drew na kailangan may mai-contribute siya sa magiging gastos. Kaya ibinenta niya ang mga paboritong damit na halos hindi niya pa nagagamit.
“Ano ba kasing problema talaga ng pamilya nyo Dude at kailangan mong ibenta yang mga yan?” curious si Arkin.
Hindi sumagot si Drew.
“Dude, gusto mo pautangin na lang kita?” alok ni Dion. “Naku hindi na, problema ko to. Kaya kailangan ako lang ang magsosolb nito. Labas na muna kayo dito.” tanggi ni Drew.
“Dude naman, ano pa’t magkakabarkada tayo?” tampo si Arkin. “Dati lang magkasangga tayo sa lahat ng masayang trip…sa lahat ng malaking problema…bakit ngayon parang nag-iba ka na? Ano ba kasi talagang problema mo?”
Gustuhin man i-share ni Drew ang problema niya, pinakiusapan na lang niya ang mga kaibigan na intindihin siya. Nangakong ipagtatapat ang lahat sa tamang panahon.
“Sa ngayon…kailangan ko lang talaga ng pera mga dude.” Tango na lang sila Arkin. Nirespeto ang desisyon ng kaibigan. At saka binili ang mga damit ni Drew bilang suporta sa kaibigan.
Ang hindi alam ni Drew, nakatago lang si Camille sa gilid.
Hindi man sabihin ni Drew ang totoo, alam ni Camille na ginagawa ito ni Drew para sa baby ni Vanessa. Puno siya ng paghanga kay Drew dahil inako nito ang responsibilidad ng iba. Paghanga na maaring mawala kapag nalaman niya ang buong katotohanan na si Drew talaga ang ama ng baby ni Vanessa.