ليتهہآ لمـ تگن لگنهہآ گآنت
آلبارت . الثامنه وثلاثون (38)
بقلمـ زهہرآء قآسـمـ. (بنت آلآگآبر )
نفسياً ؛
القلوب التي تسامح كثيراً وتصبر طويلاً
وتتنازل دوماً ، هي القلوب التي إن قررت الرحيل من الصعب ان تعود ..!
آتمـنآلگمـ قرآءة. مـمـتعهہ. ولآ تنسـو آلتصـويت. ورئيگمـ في آلآحدآث
اسد / اكلت. قليل بقيت انقش بالماعون بس افين تاخرت
ترخصت من اهلي. وكمت صعدت لغرفتي دخلت
. صارت بوجهي افين وعيونها. المدمعه
ولازمه سجل. عرفت انو هي عرفت باخوها.
افين اهدئي
افين / همزين اجيت. هذه السجل. غلطان بيه اسد. كول غلطان
اسد / عليت صوتي. اااهدئي افين لامابيه غلط.
رحت للمجر طلعت. جنسيتها قريت الاسم. اووف
. ايي مابيه غلط.
سديته ورجعت اباوعلها. افين.
افين / اسد. بس وضحلي بس وضح كول هذه مو الي ابالي. كول الله يخليك. موهو
اسد / تهسترت وتصيح رحت لزمتها وكعدتها علئ السرير وهي تبجي.
كعدت ماقبيلها علئ رجليه. لزمت اديها بقوه
اسكتي. كااافي اخوج مابيه شي والله.
تعرض. لرصاصه اخترقت جمجمته واستقرت براسه.
مانكدر انطلعها بس هو بافضل حال هسه. وباجر يطلعوه. للبيت
افين / اسد كول والله اخويه مابيه شي.
احجي وبالكوه اطلع الكلمه من الهبطه والخوف.
الاحساس الي جاي احسه هو نفسه الاحساس بالخوف والفزع الي استوطن كلوبنه بيوم اخذو اخويه وبيوم اخذوني.
اسد / عيونها مثل الصحراء عسلي. صافيات والدموع تنزل. بلاتوقف افين يايوم جذبت عليج اني
افين / ولا مرا
اسد / لعد صدكي اخوج بخير
افين / اسد اطلب منك طلب. عفيه اخدني اشوفه. من بعديد
اسد / لا.
افين / لزمت اديه بقوه. قبل لا يكوم. لحضه. اسد اوعدك اشوفه من بعيد وارجع وياك.
اتنكر بزي ممرضه وادخل وياك مايعرفوني.
اسد / جنت اباوع لاديها. الي لازمه اديه بيهن.
وهي تحجي. ماردت اخذها.
فكرة. انو تروح وياهم وتتركني صعبه ماجاي. استوعب البيت مندونها وعيوني الي يوميه تفز الصبح حتئ تلمحها. ابتسامتها كافيه لتعيشني يوم كامل ببسعاده
افين. انتي من راح تشوفيهم راح تضعفين
افين / بس من تكون وياي ماضعف اسد انته قوتي لاتحرمني من شوفته.
واحد من اخواني بالسجن والثاني بالمستشفئ. خليني اشوفه اخر مرا اسد.
جان وجه مقابيل وجهي. اكدر اتنفس انفاسها الدافيه
اسد / ماكدر افين. يمكن ترحين وياهم
افين / ماتركك
اسد / بقيت صافن بعيونها. موافق اخذج بس من بعيد
افين / وعد. ماخليهم يشوفوني.
اسد "/ يله روحي نامي بس لاتخلين احد يعرف
افين / تركت اديه وهو لسه كاعد بالكاع. كمزت. شكرا شكرا.
دكتور. ماعرف اشلون اشكرك. بقيت اضحك.
اسد / ههه قبل اشويه اسد وهسه دكتور اشكد مصلحجيه انتي
افين / ههه. تصبح علئ خير. اسد
اسد / طلعت واني لسه كاعد بالكاع.
انتجيت علئ السرير ومدت رجليه بالكاع.
ليش وافقت. ليش ضعفت كدام عيونها. افين. تهزني. اسد اصحه. هاي مراهقه.
وتضعف كدامها. لا اسد. ارجع مثل مانته.مايهزك شي اسد اسد.
كانما جنت اوعي نفسي او احاسبها لضعفها.
افين / طلعت من غرفته.
رحت لغرفة ليلئ جانت تدرس اخذت. قميص وبنطرون من ملابسها. وحذاء وساعه. وشال وهي جانت مركزه بالكتاب مو يمي اصلا
. تركتها وطلعت نزلت لغرفتي
. جانت مريحه. بس بعدني ماتعلمت عليها
. غفيت والابتسامه علئ وجهي
. وافكر شسوي من اشوفهم. هل ياترا اضعف كدامهم لو اتماسك نفسي بوجود اسد.
كانت الافكار تتصارع بداخل كل ذات واحد منهم.
وللصراع عنون. ماالمشاعر بداخلي.
هل هي حب. لو واجب. لو كره لو. اهتمام لو امان.
افين / كعدت الصبح. لبست قميص لونه اسود ويه بنطرون چينز.
عدلت شالي.
طلعت من غرفتي. رحت للمطبخ جانت بس ام غايب صبحت عليها.
شفت الساعه جانت. 6 سويت ريوك بيض. وقطع جبن وكليجه واخذت كوب جاي.
ام غايب / يمه وين ترحين تعالي اكلي اهنا ماكو احد
افين / لا خاله هذه الريوك لاسد قصدي للدكتور.
ام غايب / هههه الله يهديج يايمه
افين / خجلت من نضراتها. دنكت راسي واخذت صينية الريوك. ورحت لغرفة اسد دكيتها
طلعلي هو جان يلبس بالساعه
اشعجب كاعد من وكت
اسد / صباح الخير افين
افين / صباح النور
اسد / ثواني بس البس الحذاء والستره
افين / اخذ راحتك
اسد / شنو هل دلال من الصبح الريوك صاعدلي للغرفه
افين " / علمود ماتتاخر. ونروح من وكت
اسد / مصلحجيه. والله
افين / اها هيج صارت.
اسد / جيبي الصينيه جوعان. ردت اخذ الصينيه
افين / رجعت ليوراء واخذتها ونزلتها ليجوه وهو يصيح عليه
اسد / خبله والله خبله. صعديها لا ماخذج.
افين /من سمعت ماخذج وكفت. اهووو هسه وكته.
رجعته صعدت دخلت لغرفته.
وهو واكف يعدل علئ المرايه حطيتها علئ الميز.
اتفضل عسا عوافي. بعصبيه نرفزتني كلمة مصلحجيه.
اسد / ماتمشين بالعين واغاتي الي بالعين الحمره.
افين / مرتك بعد. واكيد اخذ طبعك
اسد / اها يعني هذه طبعي
افين / اكيد.
اسد / رحت كعدت علئ الميز واكل بايد. يله افين لبسيني الساعه شو ماتصير مدري اشبيها
افين /اني
ليش اكو وحده اسمها افين غيرج اهنا
افين /ايي بديت البسها اله. هاي ايد لو مضربه
اسد / ابتسمت علئ عفويتها. تردين اجربيها.
افين / ماتكدر تضربني.
اسد / اها. كملت ريوك رحت غسلت
. ورجعت جانت كاعده علئ السرير
منو الي مايكدرلج
افين / انته. ماتكدرلي يله خلي نطلع. كمت ردت اطلع
اسد./ اخذت سترتي ونزلت.
لكيته ابوي وامي كاعدين وليلئ هم.
صباح الخير
افين /صباح الخير.
الجميع /صباح النور
الشيخ / خير بويه وين رايحين
اسد / رايحين نشتري كم شغله للاحتفال بما انو ست افين تحملت هل مسؤليه هي تختارهن
الشيخه / بيها الخير يمه.
دير بالك عليها ماوصيك
اسد / يله في امان الله
فتحت اب السياره الها كعدت
طلعت السياره
افين منو الي مايكدرلج. ترا غلطانه بالعنوان
افين / ههه. لا ماغلطانه
اسد / تتحديني
افين / ارتبكت. اني احب التحديات بس ماريد اخسر كدامه.
هااا. لا مايحتاج هي واضحه
اسد / شنو خفتي
افين / اكيد لا ماخفت واني موافقه
اسد / ههههه بالليل من افرغ انشوف منو الاقوئ
افين / مووكتك تتحدئ. لا اني كدها.
وصلنه للمستشفئ وعيون لكل علينه.جنت امشي وياه بالممر
وصلنه لغرفته
اسد / دخلت للمكتب لكيت تيم كاعد يشرب كهوه.
تيم / هلا صباح الخير.
اسد / هلا يخوي صباح النور
افين / دخلت وراء اسد. سلمت علئ تيم
اسد / جان تيم ياشرلي شكو بعدم فهم
بعدين افهمك خويه
المريض سلام يمته يطلع
تيم / الطفل سلام واخو ساهر . طلعو البارحه
. اخذوهم اهلهم علئ مسؤلتهم
اسد / لا سلام الي اجه مصاب بطلقه
تيم / اها ايي اليوم يخرجونه. استقر وضعه
افين / جنت خايفه بس من سمعت كلام تيم هديت
اسد / رحت لبست الصدريه وحطيت السماعات.حطيت الكماده
اخذت سماعة تيم. ونزعته الصدريه واخذت كماده مالته الي علئ الميز
. ( وهي نقاب الوقايه )
تيم. / خويه شكو
اسد / افين البسيهن هسه اجي. اشرت لتيم يطلع
.
طلعنه وكفنه بالباب. حجيتله الي صار
تيم / اسد لاتخلي افين تضعف كدامهم
اسد / هذه الخايف منه اني
تيم / قصدك خايف. لاتروح منك
اسد / لا موهيج وبعدين موصوجك صوج الي يحجيلك شو وخر تركته يضحك.
دخلت للمكت لكيتها جاهزه
يله خلينه. نروح بس افين. اذا خلفتي بوعدج ماسامحج صدكيني
افين "/ لبست الكماده. اوعدك اسد ماخلف بوعدي
اسد / راح اكون يمج افين
افين / هزيت راسي وطلعت امشي وياه.
بالممر وشفت ابويه وامي كاعدين علئ الكراسي. وسالم يمهم
اهنا. ماكدرت اكمل مشي احس اطرافي اجمدت
. موقف صعب اشكد احاول اوصفه لكن قليل امي بقت تباوع لتجاهنه
علامات الكبر امبينه بيها وابويه شعره صاير بيه شيب بكمايت كبيره
اخويه سالم متغير واستايله بالبس هم.
ابتسمت.
اسد / جنت امشي. بس ماحسيتها يمي درت وجهي.
لكيتها واكفه. وصافنه علئ امها.
رجعت لزمت ايدها بقوه.
افين / بخير لاتخاف. بالمناسبه ايدك دافيه.
اسد / ابتسمت علئ عيونها الي امدمعه.
يله امشينه.
افين / تقدمنه. يمهم هما وكفو تمنيت اروح احضنهم. واشكيلهم وحدتي. واحجليهم علئ الناس الطيبه. الي التقيت بيهم
والي.
قدمولي الحب والاحترام والامل
. بس وعدي لاسد امقيدني
اسد / صباح الخير للجميع. راح اعاين سلام
دخلنه للغرفه جان. كاعد
شلون صرت يابطل.
سلام / اهلا دكتور بخير
اسد / العمليه جانت صعبه بس انته قاومت
. ولا تخاف الطلقه ماتاثر عليك ممكن تجيك الاام
راح اكتبلك علئ علاج. وهذه الالم. يبقه فتره. ويروح
دكتوره همس.
ممكن تنطيني الملف الي يمج. جانت صافنه عليه ردت اشتت. ضعفها
وتفكيرها
واخليها. ترجع لوعيها
افين / دخلت بس ماتمنيت اشوف اخويه هيج.
وامي وابويه الخوف والقلق باين عليهم
جنت صافنه بملامح سلام الي ماتغيرت. ولسه قاسي.
بس قاطع تاملي. اسد.
اخذت الملف وانطيته اله
الام / يمه يعني مابيه شي. تره هو. علئ اقبال زواج.
اسد / لا تخافين يمه مابيه شي يكدر يمارس حياته طبيعي
والف. مبروك مقدما. علئ زواجك
افين / بالكوه طلعت من حلكي. ا. ا مبروك.
الاب / الله. يبارك بيكم.
افين / ماعليه غير العافيه
ردت اطلع صار بوجهي سالم.
سالم / دكتور. نكدر انطلعه اليوم
اسد / تركت سلام ورحت وكفت يم افين. ايي تكدر اطلعه.
عليه العافيه. انشاءلله
لزمت ايد افين وجريتها. لخارج الغرفه
افين / طلعنه وسد الباب
. اطمئن. وفيت بوعدي
تركت ايده ورحت.
للشباك. الي يطل علئ داخل الغرفه.
شفت اشلون يعتنون بيه وامي.
تجيبله المي وتشربه وابويه يمسح وجها
وسالم يضحك ويا.وهو يحط المخاد وراء
تمنيت ابقه يمهم واشيل من همهم. اووف يادنيه.
وامي كل اشويه تبوس راسه ماحسدته. بس تمنيتله الخير
نزلت دموعي واني اشوفهم.
مسحت دموعي. باوعت لاسد جان صافن عليه رحت وكفت يمه ردت اغير. الجو المشحون.
ومااحسسه بضعفي.
دكتور شنو الحاله الثانيه الي راح اشرف عليها باعتباري دكتورة. اختصاص
اسد / جنت خايف لاتضعف وتروح يمهم بس هي ثبتتلي العكس
هههه نروح نشوف المرض
افين / هههه ماشي. اخذت الملفات المرضئ من الاستعلامات ورحت امشي وراء اسد
دخلنه. لغرفة مريضه. بده اسد يقره ملفها ويشوف الاشعه ويعاين
ممرضه نور / تبارك تبلغ من العمر 39عام.
كانت بحادث سياره سبب جروح خارجيه واسقاط الجنين اثبت انو زوجها عقيم.
تبارك / علي . اقسم بالله ماخاينته
اسد / انته زوجها.
ايي زوجها
علي / لاتبقين تحلفين خلاص انتها كل شي. بس تطلعين من العمليه اطلقج. فاهمه اطلقج
تبارك/ وهي تبجي ماخنتك ماخنتك
اسد / دكتوره همس. حطي الاشعه علئ شاشة العرض
افين / حطيت الاشعه.
اسد / دماغها مابيه شي الدكاتره حولوها يكولون مشكله عصبيه
بس دماغها مابيه. شي.
استاذ علي اتفضل للخارج. لازم اعاينها
طلع زوجها وجانو اخوانه. هم واكفين واخوانها.
ممرضه. نور. اتصلي بالامن يطلعوهم. لهذوله ماريدهم. داخل المشفئ
رحت اعاين. بيها. تقربت من وجها. افتحي عيونج
عيونها جانت ماتنطي ردت فعل للضوئ
بس فاجاتني وهي تبوسني.
فتحت عيوني. علئ جراتها وافين واكفها.
تبارك / اعتذر. اعتذر جدا. وهي. تبجي
افين / جنت جاي اباوع للملف بس صارت عيوني عليهم وهم. بوضع. نرفزني وجانت هي. الي بادرت
انتي ماتنتبهين لافعالج اشلون تسوين هيج اشلون.
تقربت منها ردت اضربها. لو لازمتها جان خنكتها
اسد / اااافين. اطلعي. بسرعه. يله.
اجه تيم.
تيم / شكو اسد وشنو هاي المشكله البره مال اقارب مريضتك
اسد / تيم اخذها وروح للمكتب
حسابج بعدين. جنت متعصب لان رفعت ايدها علئ المريضتك.
تبارك
انتبهي. هاي ورقه وقلم ارسمي ساعه
تبارك / ايي بدت ترسم بالساعه
اسد / الساعه جانت. تدل علئ عدم تركيزها واتزانها.
رجعت لملفاتها القديمه والجديده بقيت اقره بيهم
واخيرا عرفت اشبيها.
ممرضه نور. وينج. ممرضه
نعم دكتور
سوي.التحاليل الازمه. و الاشعه المغناطيسيه
لازم اتاكد قبل لا تعرف بمرضها
طلعت من غرفتها. ورحت للمكتب
. بالممر صارو بوجهي اهلها.رفعت الكماده
وهما مجهزين نفسهم لحتئ يطلعون
جيبوله كرسي متحرك بسرعه
الممرض / حاضر دكتور
اسد / كعدته علئ. الكرسي. في امان الله ياعم
ابو افين / الله يحفضك دكتور. تسلم. اوليدي
اسد / تركتهم ورحت. للمكتب دخلت.
افين انتي اشلون تتجرئين وترفعين ايدج المره مريضه.
افين / رحت ويه تيم والاعصاب.
تيم جان يحاول يسئلني علئ الي صار بس ماجنت اكدر احجيله. بالممر. وشفت ابويه
وهو لازم الحايط ويحاول يمشي.
ايده تزحلكت. من الحايط وراد يوكع
. ماتحملت طفرت. وبسرعه لزمت. ايده ووسندته كعدته علئ الكرسي
انته بخير. ماكدرت انطق كلمة بابا.
ماتحملت. ونزلت دموعي
الاب / ايي بنيتي بخير ليش تبجين يابه مابيه شي
افين / قشعر جسمي من ردت فعلي علئ كلمة ابنيتي
. صارلي اشكد ماسامعتها
تركته ورحت بقه تيم يمه يساعده
دخلت. للمكتب دخل وراي تيم
تيم / افين اشصار وليش تبجين
افين / دكتور رجاء.
رجاء لاتسئلني اسئل صديقك جنت احجي وياه. دخل اسد وهو يصيح. وعصبي.
اييي يمكن عجبتك. ايي روحلها. وانته مرتاح لتصرفها مو.
اسد / الزمي حدودج افين. جاي اكول المره مريضه نزعت الكماده وشمرتها
تيم / اسد اشصاير.
اسد / تيم اطلع بره.
تيم / الي يدخل بينكم يتخبل.
اسد / طلع تيم بس اعصابي ماهدئة
. افين ليش سويتي هيج
افين / تقربت منه. وهمست. اسد ماجان لازم تلمسك. انته.
اسد / اني شنو افين. جنت اقلد نبرة صوتها
(ღ˘⌣˘ღ)(ღ˘⌣˘ღ)
لو تعلمين كم أحبك
وكم أغار عليكي
اغار عليكي
من احلامى
من لهفتى واشتياقى
ومن خفقات قلبى
اغار عليكي
من لحظة صمت بيننا
قد تبعدك بافكارك عنى
أغارعليك
من لفتة نداء
قد تبعد عينيك عن عيونى
أغار عليكي
من كل كلمة تقوليها
إذا لم أكون انا
حروفها و ابجديتها
أغار عليكي
من اصابع الناس
إذا إلتقت بأصابعك
في سلام عابر
أغار عليكي
من فكرة
تخطر ببالك
من حلم
لا أكون انا فيه
(ღ˘⌣˘ღ)
افين / ماتحملت شخص يتقرب من اسد
. بهذيج اللحضه صرت علئ يقين اني احبه.
بس مو اي حب. حبيته بجنون بقيت اصارع المشاعر الي بداخلئ يمكن اذا اعترفله. يرفضني. مثل مارفضني مرا.
مندون مايعرف شنو مشاعري اتجاه اكيد ماراح اعيد هل تجربه ويه اسد لازم
اتعلم. علئ هل وضع اسد مو الي ولا راح يصير الي.
لكن هذه الكلام تاخر. وتصرفت بجنون
تقربت من اسد. وهمست اسد ماجان لازم تلمسك. انته
اسد / اني شنو. افين جنت اقلد نبرة صوتها بالهمس
. من تقربت مني هدئة رغم عصبيتي.
علئ تصرفها بمحاولت ضرب المريضه
افين / اسد لا تتزوج.
اسد / انصدمت بكلامها افين اشدخل هل موضوع بالتصرفاتج
افين / اييي لان ماتحمل اشوف ابنيه تتقرب منك اسد افهمني اترجاك لاتتزوج. جنت احجي بصوت عالي
اسد / لاتصيحين وهذه القرار راجع الي افين
افين / لزمت وجه بين اديه. بشكل الكروي اسد
اسد / يتحطم كياني. من اباوع لعيونها وجه قريب علئ وجهي
جنت مستغرب تصرفاتها. افين شتغير بعلاقتنه
افين / اهواي اشياء تغيرت
اسد / افين ماكدر اني واعدها بالزواج
افين / ابتعدت عنه ورجع ليورءتذكرت. سلوئ وعلاقته
حسيت سند ثاني راح اخسره.
كعدت بالكاع وضميت رجليه لعند صدري. لا لا مايروح. لالالااااا
احساس صعب من تحس راح تخسر سند ثاني الك.
تحس نفسك راح تضيع اشكد احاول اوصف شعوري بهذيج الحضه. صعب.
حطيت وجهي بين رجليه ونزلت دموعي بهدوئ.
اسد / جنت منصدم بتصرفات افين. سمعت الباب تندك رحت قفلتها
نزلت كعدت كدامها
افين كومي الكاع بارده صدكيني ماتركج.
وحتئ امقرر اعقد عليج محكمه.
وتصيرين زوجتي. شرعا وقانونيا
افين ردي اشبيج. رفعت راسها بقوه.
جانت عيونها ممليه دموع
تنفست بقوه والحسره بكلبي.
افين ليش تبجين
افين / اسد لاتتركني.
اسد / اوعدج.
افين / اسد انته سندي الوحيد اترجاك لاتتركني مثل ابويه
اسد / لزمت اديها وكومتها حضنتها بقوه. ماترك حياتي
افين / وهذيج المره طلعها من المستشفئ يله طلعها بقيت اضرب بصدره
واحاول اطلع نفسي من اديه.
طلعها لو اني اروح واهدم المستشفئ علئ راسها. يله طلعها اسد
اسد / اشششش اهدئي. اطلعها.
جنت حاضنها بقوه كانما اريد ادخلها بكلبي ومااخلي شخص يحميها غيري.
اووف يافين من وين طلعتيلي وغيرتي حياتي
. صرتي ادمانيي الله يهدينه. بست راسها.
يله خلي نرجع. للبيت
افين / مسحت دموعي. ايي يله. اخذت جنطتي. ولزمت ايده بقوه ماريده يروح لهذيج المره
اسد /لزمت ايدها واني اباوع لعيونها احساس غريب. انتبهت علئ ايدها عدها شامه واضحه لونها اسود قريبه علئ اصبع الابهام
تلمستها بيدي.
افين /جسمي رجف بسرعه سحبت ايدي
يله نطلع نزعت الستره رجعتها لمكتب تيم
طلعت وراء
ركبنه السياره جان الصمت. هو السائد
وصلنه للبيت
شنو ماراح تنزل
اسد / ابتسمت ترديني انزل
افين / ايي علمود ماتروحلها
اسد / انتي اشلزكتي بيها. يابه هي مريضه.
افين / ما معليه ماتروحلها
اسد / استغفر الله يابه انزلي عندي شغل
افين / ضوجني. نزلت وضربت الباب بقوه خلي يفيدنك
اسد / نزلت من السياره هي هاي. ضربت ابنيه انتي شنو من البنيه
افين / تربيتك دكتور
فتح الباب الحارس تركته ودخلت
للبيت. تلكتني الشيخه.
الشيخه / هايمه. شو مامشترين شي
افين / يمه. ماشترينه شي.
شافت عيوني حمر امبينه باجيه ماسئلتني بعد دخلت لغرفتي
. تمدت عليها مندون مانزع ملابسي بقيت ابجي بقوه يمكن هو الدافع الوحيد بحياتي. هي الدموع
اسد / والله. مخبله. بقيت مبتسم علئ غيرتها. سلوئ ماتغار هيج
ولا مرا شفتها تنظرلي. نظرت غيره
مثل افين بديت اقارن بينها وبين سلوئ
استغفرالله بقيت استغفر
. الئ ان وصلت للمستشفئ
صفيت السياره ودخلت.
رحت لغرفة التحاليل واخذت الاشعه والتحاليل
ورحت للمكتب.
شفت تيم. ينافخ مثل الضايج
اشبيك يول
تيم / انته عايش بالحب وتاركني.
اسد / خير انشاءلله اشبيك ويا حب
تيم / شفت التقرير مال مريضتك.
اسد / هستوني جبتهم.
تيم / وصلني بالحاسبه. حالة. سيئه
اسد / رحت للحاسبه وقريت تقريرها.
مثل ماتوقعت
تيم /يعني جنت تدري
اسد / ايي بس ردت اتاكد
تيم/ يمته ناوي تدخل للعمليه
اسد / اليوم.
ترخصت ورحت لغرفتها. لكيت اخوانها وزوجها. يتعاركون. بالممر. دخلت لغرفتها.
رحت لسجلها اعاين ضغطها
تبارك/ مرحبا دكتور
اسد / مراحب بيج
تبارك / دكتور اني اعتذر والله مو بقصدي
اسد / ممرضه نور جهزي غرفة العملية الثاني
حاضر دكتور
اخت تبارك راح ادخل زوجج واشرح حالتج كدامه لحتئ يكون عنده علم لكن مندون ماتضغطين علئ نفسج
طلعت خارج الغرفة. استاذ علي. اتفضل لداخل الغرفه
علي / بيها شي دكتور.
اسد / جان مفزوع.
اهدئ. بس اريد اشرحلك حالتها
اتفضل بس انتم. ماحتاجكم رجاء.
اخوانه واخوانها جانو وراء يردون يدخلون وقفتهم واشرت للامن
دخلنه للغرفه.
استاذ علي. راح اشرحلك. حالة زوجتك لكن حافض علئ الهدوئ
علي / دكتور. حتئ وان حجيت حالتها. ذنبها مايغتفر.
دكتور / نتكلم بهذه الموضوع. بعدين
بالنسبه لحالتج. للاسف انوجد ورم خبيث بالثدي. وهذه الورم
يبعث ايعاز للعقل بان اي شي يخطر بالبال ينفذه
ونكدر ان انشيل منه كميه جبيره والباقي يتعالج. بالجلسات الكيمياويه
. علي تبارك ماخانتك عن قصد هي مريضه وسبب خيانتها هذه الورم الخبيث هو الي مايرفض الرغبات الي. تخطر بدماغها
علي / دكتور اني عرفت حالتها. تكدر تسويلها العمليه وراح ادفع التكاليف. تبارك
ماراح اساااامحج وورقة طلاقج وراء عمليتج. توصل
تبارك / وهي تبجي وتشهك. لا لااا علي اووكف الله يخليك اوكف مااخنتك عن قصد. عللللي
اسد. /كاافي اهدئي ممرضه نور اضربيها ابرة ****& وحطي وحدة دم ثاني هدئي الضغط.
اخذيها لغرفة العمليات بسرعه
الممرضه. دكتور. الورم. جاي يضغط علئ القلب
اسد / بسرعه وصلي خبر لدكتور. القلبيه. ودكتور تيم
اجو العاملين واخذوها لغرفة العمليات.
رحت.جهزت نفسي.
سرحت بعيون علي امبين عليه يحبها بس فكرة الخيانه ماجاي تخليه يهدئ ويفكر صح
قاطع تفكيري تيم
تيم / سمعت بالحاله. انته راح ادير الاعصاب واني الامعاء وازيل منها الورم ودكتور القلبيه يدير. نبض القلب
اسد. جاي احجي وياك وين صافن
اسد / هااا ايي اعرف نور كالتلي.
تيم / بس لا تفكر بالحب
اسد / اخرس ياحب تحجي عليه انته
تيم / خويه اليوم الممرضين يحجون علئ الي جانت تمشي يمك عسبالهم
اختك. هههه بما تعرف اني عندي ميانه وياهم واحد منهم طلب ايدها مني
وكالي بالكي اتوسط يمك لحتئ تنطيها
اسد / حطيت بيدي مي وشمرته عليه.
هاي علمود اتوب لك هاي زوجتي شنو يطلبوها منك.
شنو هل ميانه الزفره انته وياهم.
تروح وتفصل الي طلبها. هذه. ااافتهمت تيم
تيم / ههههه لك اشاقه مقلب بس شنو هل عصبيه ماعرفتك هل كثر تحبها اسودي
اسد / انعل الشقه اذا هيج.
تروح يمعود اني حاير بالمريضه وانته بالحب
تيم / اسد اشبيك ضايج
اسد / تيم افين طلبت مني ماتزوج
تيم / وانته شقررت
اسد / تفكيري بينها وبين المرضئ. حاير والله
تيم / اهدئ ويله للعمليه. تاخرنه
اسد / دخلنه للغرفة العمليات وبدينه بااتئصال. الورم سيطرت علئ الاعصاب. الدماغيه المتفرعه.
من اكون بالعمليه اخلئ دماغي من الافكار
. غرفة العمليات هي عالم الهدوئ بالنسبه الي تفكيري بشي واحد وهو انقاذ حياة المريض حده لهنا لكن من اطلع من باب الغرفة
. تتراكم عليه الهموم والافكار والضغوط كملنه
. ابتسمنه ابتسامة انتصار علئ الورم الخبيث
طلعنه من الغرفه صار بوجهي علي.
غسلت وراح تيم يخبرهم بالنتيجه
دار وجه يريد يروح. علي بس لحضه اكدر احجي وياك بموضوع رجاء
علي / دكتور اذا بخصو
اسد / علي راح نحجي. كلام. انسان ويه انسان مو دكتور واستاذ وهاي المقدمات
علي / بس بسرعه اريد ارجع الم غراضي من البيت وانتقل لبيت اهلي
اسد / لا مااعطلك اهواي
اخذته ورحنه لخارج المستشفئ لكافتريا كعدنه علئ ميز مبتعد علئ الضووضئه والناس
جان يباوعلي. وهو مستعجل يريد يروح يتلفت.
علي ركز وياي. لو اني بمكانك ومرتي خانتني ماسامحها
علي / ايي واني هم ماسامحتها
اسد / لاتقاطعني. خليني اكمل.
علي مرتك مريضه. يعني لو هي مو مريضه وخانتك جان حقك ماتسامحها بس هي تمرضة.
بسبب الادويه الغير ملتزمه والاكل الغير صحي انتج ورم
. لان هي جان عسبالها الخلل منها بعدم انجاب الاطفال جانت تحاول ان
تجيبلك طفل بس عرفة المشكله منك يعني
بعدما قريت ملفك القديم الصحي. عرفت ان الحويصلات غير قادره علئ تكوين النطف.
علي زوجتك
تركت الادويه بس متاخره.
اليوم تبارك
رادة توصل للموت
بسبب ان تخليك اب.
يعني هي مو بيدها خانتك بسب الورم الي يستقبل كل الرغبات.
علي / نزلت دموعه ماجاي اتخيل خيانتها دكتور
اني اخفيت عدم انجابي للاطفال عنها جنت اخجل اخبرها.
وامي جانت تلوم بيها
وصلت لمراحل تنهار طلعنه لبيت وحدنه وهم ماخبرتها
بس هي بالصدفه قرت التقارير مالتي وعرفت بس بوقتها حضنتني
بقوه ماحسستني بعجزي
. وبقيت اتعالج بس هم مافاد قررنه نتبنه طفل. بس
اسد / ماكو بس.
هاي الانسانه ماكو منها. لاتخسرها علي لو تلف
الدنيه كلها ماراح تلكه مثلها اتحبك مندون مقابل.
وراضيه بيك رغم عجزك الي انته مالك ذنب بيه
علي /واخواني
اسد / انته رجل عيب تكول اخواني اذا تحبها روحلها اكيد هسه صحت من البنج وتريدك يمها هي جانت يمك اسنين
معقوله ماتصير يمها بهاذه وضعها ياعلي
علي / حبيتها. من الطفوله ماراح اتركها. شكرا دكتور ماراح انسيلك فضلك انته صحيتني عن الي جنت غاض نضري عنه
اسد / ابتسمت براحه تركني وراح. رحت للمكتب اخذت سترتي
والسجلات ورحت للبيت
حطيت السياره بالكراج
دخلت للمطبخ جانت الساعه. 6 العصر. حيل كل هل وقت واني بالمستشفئ
من الصبح التهيت بافين وبعدها بالمرضه وبعدها بعلي وتبارك
صعدت لغرفتي.
سمعت صوت بالاستقبال يمكن كاعدين بالاستقبال
غيرت ملابسي. نزلت للمطبخ كلش جوعان
لكيت ام غايب طلبت منها تصبلي اكل اكلت.
تشكرتها
رحت للاستقبال لكيت امي وابويه وليلئ
هاا الله بالخير
الشيخ / هلا اوليدي
الشيخه / تعال يمه اشربلك استكان جاي يدفيلك كلبك
ليلئ / لعد واني ماتصبيلي. يدفيلي كلبي بس اسد.
الشيخه / فلك طرج بس اتغارين اعقلي ابنيتي صرتي جبيره
ليلئ / هسه انتي تمدحيني تذميني مافهمت
اسد / ضربتها علئ راسها شغلي هل دماغ هذه
كعدت اشرب جاي جانت الكعده ناقصتها افين.
باوعت لليلئ الي جانت صافنه عليه يمكن افتهمت
ليلئ / يمه افين من رجعت لسه نايمه بغرفتها.
الشيخه / راح يئذن الاوذان كومي كعديها يمه مايصير تنام هيج وكت
اسد / اكعدي ليلي اني اروح بطريقي
طلعت رحت لغرفتها. دكيت الباب
افين / بقيت نايمه ماعرف اشكد مر وقت
. سمعت الباب تندك عرفتها ليلئ
ليلئ روحي كاعده اني
اسد / فتحت الباب ودخلت لكيتها نايمه علئ بطنها وبملابسها. ومندون غطه وبهل برد
تقربت من سريرها.
تعلمتي علئ النومه عليه لو لا
افين / انصدمت من سمعت صوته بس ماردته يشوف وجهي بهذه الحاله
تلمست وجهي بديه جان حارر من حرارة الدموع
حطيت المخده فوك راسي
اسد رجاء اطلع. اشويه واكوم
اسد / حسيت علئ نبرة صوتها باجيه صوتها مبحوح.
نايمه من صبح واني من الصبح لسه مانايم. وتعبان
السرير جان نفر واحد.
كعدت عليه وتمدت شلتها وقربتها علئ صدري وربطتها بديه
افين / لااا اتركني لايشوفنه احد.
اسد ابتعد شنو ماتفهم. هسه تجي الشيخه والله عيب
اسد / لا موعيب انتي زوجتي
افين / لا موزوجتك. ابتعد. اريد اكوم. جنت احاول افك نفسي منه بس اديه طابوكه. امربطتني
اسد / اششش اريد احجيلج عن تبارك
افين / مااريد اعرف شي هم رحتلها مو عجبتك البوسه موو
اسد / لاتصيحين. افين
افين / سكتت رغم قهري منه ومن هاي الي اسمها تبارك
اسد / راح احجي بس مندوون ماتقاطعيني وبعدين انطيني رئيج
بديت احجيلها عن حالة تبارك وشلون قنعت. علي لحتئ يرجع لزوجته
افين علي وتبارك يحبون بعضهم من الطفوله
افين / من سمعت قصتها انصدمت نزلت دموعي علئ قصتها.
صايره حساسه من كلشي. رغم جانت الدنيه بارده بس حضن.اسد نار
اسد اني اسفه
اسد / لا لاتتاسفين انتي بس غرتي ماسويتي شي
افين / شنوو لااكيد اني ماغرت
اسد / لعد منو اليوم اتوسل بيه لحتئ ماتزوج عليج
افين / لااا ماتوسلت واصلا جان كلام سطحي ماطالع من كلبي. انسه اسد عفيه
اسد / هههه لا مانسه
افين / لعد اتركني. عضيته بايده بقوه
اسد / حسيت انيابها انبتن بعضلتي ااااخ
افين / تستاهل لحتئ ماتضحك علئ حبي الك
اسد / لحضه لحضه اشكلتي.
افين / خرب. تركته واني اركض للحمام.
قفلت الباب عليه كعدت علئ الطبله واني حاطه اديه علئ حلكي يالله اني
اشكلت ياحب هذه ااوف منج افين ماتكدرين تتحكمين بالسانج اشويه
بقيت كاعده بالحمام
اسد / من سمعت حوارها حبي الك. ياااسد يعني افين تحبك
هههه ضربت راسي ونسيت الالم.
افين تحبني. اول مرا افرح من مره اتكون اتحبني. حتئ من سلوئ من تكول احبك احس مو من كلبها
اافين وخجلها. ماموجود عند البنات وهي حجتها بسرعه طفرت.
بقيت انتضرها بالغرفه بس من التعب غفيت.ماحسيت علئ نفسي من نمت
افين / طلعت من الحمام. رحت لغرفتي اكيد هسه راح اصلا لازم اجذب عليه وواضحله كلام غير الي بكلبي
دخلت شفته نايم رحت اخذت ملابس وغيرت ملابسي. بالحمام.
رحت اساعدهم بالعشه. كملت شغل اتعشينه وكلما ام راح لغرفته
رحت لغرفتي دخلت بهدوئ
تقربت منه جان نفسه ثكيل عرفته نايم. بقيت اباوع لملامحه شيصير لو انته الي. مو لاحد شلت شعره الي علئ عيونه
بس شو هذه فز
شنو انته تشتغل علئ المس هيج حساس
اسد / كعدت علئ لمسات علئ راسي. فتحت عيوني لكيتها افين
ابتسمت ايي اني نومي علئ المس اكعد
افين / بقيت كاعده علئ طرف السرير اريده يروح.
اسد / بقيت علئ نفس نومتي.
رغم قربها يوترني بس عجبني ابقه يمها
. افين تذكرين اليوم تواعدنه انو. انشوف من الاقوئ
افين / ياا اشذكرك. فتحت حلكي. متفاجه
هااا ايي بس انته تعبان نام اني راح انام بغرفة ليلئ
اسد / لا وين تره اني مانسه. يله تعالي
عدلت كعدتي وحطيت بينه مخده اكعدي مقابيلي.
خلي نلعب امكاسر
افين / جانت نظرته جديه هسه اني اشورطني.
رحت كعدت مقابيله. حطيت شعري ليوره ثبته بقراصه
اها يله
اسد / شعرها ناعم. بيه خصل ذهبي تتخلله.
جنت سرحان بملامها قاطعتني.
هاا اي يله حطيت ايدي علئ المخده
افين مايصير تغشين
افين / حطيت ايدي يم ايده بس جنت خجلانه الزمها
اسد / لزمت اديها الناعمات رغم التحدي واني احب التحديات
بس من رقت اديها غيرت قوانيني
يله نبدي
افين / لزمت اديه بقوه.
يتبع في الاحداث القادمه
سلام للجميع. اليوم القسم جدا طويل اريدك دعمكم لحتئ استمر
كلمة 4014