Chapter 9
Again
Pagkatapos ng prelims ay hindi na ganon ka-busy, 'di katulad nung week before prelims. Nagtext din ang mga senior na magkakaroon kami ng practice sa sabado, pagkatapos ng NSTP namin. Magkakaroon kasi ng play at dance troupe ang napili para sa pagsayaw.
Kakatapos lang ng subjects namin. Break namin ng isang oras kaya naglipit na kami ng gamit ni Misha.
"What the hell did Alexa to you yesterday?" Tanong ni Misha habang nag-aayos kami ng mga gamit namin.
"I'm okay now" sagot ko sakaniya. Nanatiling nakakunot ang noo niya sa sinabi ko.
"Tinatanong ko kung anong ginawa niya sayo" sagot ni Misha tiyaka sinabit sa balikat niya ang kaniyang bag, ganon din ang ginawa ko tiyaka kami sabay na naglakad palabas ng room.
"Wala na iyon, naintindihan ko naman kung bakit niya nagawa iyon. Siguro ay sanay lang siya na ikaw ang kasama ni Calvin na babae tapos ngayon kasa-kasama niyo na ako" kunot noo parin ang binigay na tingin sa akin ni Misha.
"Nakiusap ba si Jared sa iyo na huwag mong isumbong sa student affairs si Alexa?" Bahagya akong natawa sa sinabi niya. Kahit wala siya nakakasagap siya ng balita ah.
"Hindi. Walang sinabi sakin si Jared. He save me" sagot ko kay Misha. Umupo kami sa isang silong malapit sa fountain ng school namin.
"Nag-alala sayo si Calvin" sagot niya sa akin. Napatango ako sa sinabi niya. "Hinintay ka kasi nila tapos ang tagal mong dumating" dagdag pa niya.
"Natanggap ko nga yung mga texts niya kahapon pagkatapos ay pumunta siya sa amin" nagulat si Misha sa sinabi ko kaya magalaw siyang bumaling sa akin na hindi parin makapaniwala.
"What did you say?" Gulat na gulat na tanong niya. Mukhang hindi pa siya naniniwala na para bang nagkamali lang siya ng dinig.
"Yung mga texts niya narec-" hindi ako pinatapos ni Misha.
"Hindi. Hindi iyan ang gusto kong marinig" medyo inis pa niyang wika.
"Ano? Na pumunta siya samin kahapon?" Ngayon ay namilog na ang mata ni Misha nang inulit ko ang sinabi ko sakaniya.
"OMG! Are you serious?!" Sigaw niya pa sakin na para bang kinikilig pero nawala ang ngiti at kilig niya "Teka, teka. You mean pumunta siya? Kasama niya ba si Jeff?" Tanong niya sa akin.
"Hindi, hinatid niya muna raw si Jefd bago siya pumunta sa amin" nakakabinging tili ang pinakawalan ni Misha.
"OMG! OMG!" wika pa niya habang niyuyugyog ang balikat ko. Taka ko siyang tiningnan.
"Teka nga, bakit ba ganyan ang reaksiyon mo?" Tanong ko sakaniya. Para siyang aswang na binudburan ng asin na ewan.
"Hays. Manhid" binitawan niya ako at madramang umiiling. Hindi ko maintindihan kung ano ang sinasabi niya
"Huh?" Takang tanong ko sakaniya. Napailing siya sa sagot ko na naguguluhan sakaniya.
"Anyway, nagawa mo ba yung assignment sa next subject?" Pagbabaliwala niya sa akin. Tumango ako sakaniya.
Lumipas ang mga araw na ganon ang naging sistema naming tatlo. Lagi nila akong hinahatid sa bahay. May kung ano sa mga titig nina Jeff at Misha na para bang nang-aasar. Minsan nga ay bigla nalang nag a-ayiiee nang wala man lang dahilan.
Sabado na, ito ang unang practice namin. May mga practice pa kami after class. Kung ano ang free time namin, dun ang practice namin. Pagkatapos ay t'wing sabado naman ay buo kami.
Isa pala itong play na ipeperform na sa susunod na susunod na linggo. Napatango kami habang nakikinig. Labanan pala siya per club. Hindi namin pwedeng gawin na musical play dahil gagawin na iyon panigurado ng glee club.
"Kaya ang naisip ko ay gamit ang pagsasayaw ay parang nagkukuwento. Hindi kayo ang kakanta kundi ang music tapos ay sasayaw lang kayo" paliwanag sa amin ng magiging director namin. Kaagad namin na gets ang sinabi niya. Kagaya ng musical play, kung biglang kakanta ang mga characters dito naman ay biglang sasayaw.
Nagsimula na kami sa pagpili ng character. Mabait si Direct Rey pero medyo may pagka strict siya. Nagulat ako ng lumapit siya sa akin tiyaka marahan na pinaglaruan ang buhok ko.
"You're so beautiful" maarteng wika niya niya sa akin. "I like you" dagdag pa niya. "What is your name?" Ngiting bulong niya sa akin.
"Krizette Claire po" magalang na sagot ko sakaniya. Kumekembot siyang pumunta sa harap.
"Okay everyone" maarte siyang pumalakpak para makuha ang atensiyon ng lahat. "Krizette Claire will be the leading lady" kumunot ang noo ko dahil sa gulat.
"Direct! I'll suggest Jared Uy to be her partner. Bagay yung chemistry nila" sabi ng senior na isa sa mga nag apruba sa akin habang nakataas ang kamay. Napatingin sakaniya si Direct.
"Who's Jared Uy?" Tanong ni Direct. Napatingin kaming lahat kay Jared na nakangiti habang nakataas ang kaniyang kamay. "Let's see, come closer." Utos niya sa amin ni Jared kaya wala akong magawa kung hindi sumunod. "Hmm. Look at each other" gaya nang sinabi ni Direct, ginawa namin ang gusto niya, nakangiti si Jared kaya napangiti na rin ako. Narinig ko ang palakpak ni Direct at ang pagsabi niya ng "Perfect!"
"Yes iho?" Nawala ang titigan namin ni Jared nang bumaling si Direct sa isang direksiyon, napatingin kami roon at nakita naming nakataas ang kamay ni Calvin.
Bahagyang siniko ni Misha si Jeff dahil magkakatabi sila, kung saan ako nakapuwesto kanina. Nagkibit-balikat si Jeff bilang sagot siguro sa pagsiko ni Misha. .
"I'm just suggesting to have a screening first?" Seryosong pag suggest ni Calvin. Napataas ang kilay ni Direct sa sinabi ni Calvin.
"Are you doubting my capabilities to pick for the main roles?" Masungit na tanong ni Direct kay Calvin.
Biglang tumahimik ang lahat dahil mukhang nawala sa mood si Direct dahil sa sinabi ni Calvin. Tumingin ako kay Misha na nag-alala, nakita ko rin ang mukha niya na may pag-alala habang tumitingin sa akin pagkatapos ay nagkibit balikat siya.
"I don't know" she mouthed at me. Tiningnan ulit namin si Calvin na ngayon ay nakangisi.
"I'm not, but how can sure are you that he is fit to be the main role?" Hindi ko alam kung anong trip ni Calvin ngayon.
"I am fit, besides I enrolled for two years in an acting workshop" singit ni Jared sa tabi ko dahil mukhang hindi niya nagustuhan ang sinabi ni Calvin.
"See iho? He went to an acting workshop" balik na ngisi ni Direct sakaniya na para bang napahiya si Calvin "Hayaan mo at kapag hindi ko nagustuhan ang acting niya ay ikaw ang ipapalit ko" patuya na dagdag pa niya.
Nagsimula na kami para mawalan narin ang tensiyon pero sa buong practice ay bad trip si Calvin. May istorya kaming sinusundan.
Ang sypnosis ay; napanood ng lalaki ang bidang babae sa isang dance competition at habang pinapanood niya ay hindi niya maiwasang humanga sa dalaga. Hanggang sa nagkita ulit sila sa isang dance workshop, nagkamabutihan ang kanilang loob hanggang sa nagkaroon ng problema at iniwan ng babae ang lalaki pero ang ending ay muli silang pagtatagpuin ng sayaw.
Matapos ang practice namin ay pareho kaming naupo ni Misha sa sahig ng stage habang hinihingal. Nagpunas na siya ng pawis niya kahit na naka aircon naman ang AVR room. May stage kasi dito na maliit para sa maliliit na program sa school, pwedeng ganapin dito.
"That was exhausting!" Misha rant. "Ang strict pa ng director! E yung sayaw at acting natin kanina pwede na sa performance!" Reklamo pa niya.
"Hayaan mo na, pressure lang din siguro kasi two weeks preparation lang. Tapos hindi pa magkakatugma ang schedule" sagot ko kay Misha pero mukhang hindi ko mababago ang pananaw niya.
"Kahit na no! Napapagod din naman tayo!" Reklamo pa niya. Ginabi narin kasi kami sa kakapractice "Na memorize na nga natin eh" dagdag pa niya.
"Ayaw mo iyon? Na memorize natin agad" pagpapakalma ko sakaniya. Siguro ay gutom lang ulit siya kaya wala siya sa mood.
"Hey girls!" Tumatawang lapit ni Jeff sa amin tiyaka binigyan si Misha ng Gatorade. Lumapit din sakin si Calvin tiyaka inabot sa akin ang isang gatorade.
Pare-pareho kaming uminom dahil narin siguro sa pagod. Maagang umalis sina Jared kasama ang pinsan niya kaya hindi na ako nagulo ni Alexa, may emergency dinner ata sila, iyon ang sabi ni Jared.
"Grabe! Ang galing mo rin palang umarte! Ramdam ko yung emosyon!" Papuri sa akin ni Jeff habang nakaupo sa tabi ni Misha. Nasa tapat ko naman si Calvin.
"Ah hindi naman" nahihiyang sagot ko sakaniya.
"Mabuti marunong ka?" Tanong niya sa akin. Bahagya akong nahiya dahil sa topic.
"Ah. HUMSS kasi, more on performances and paper works kami" sagot ko sakaniya. Humanities and Social Sciences kasi yung kinuha ko nung Senior High.
"Ohh. That explain why" tumatangong sabi pa niya "Pero ang ganda ng chemistry niyo ni Jared ah? Hindi nga nagkamali si Direct" dagdag na sabi pa ni Jared.
"Jeff" suway sakaniya ni Misha na para bang may sikretong lenggwahe sila na sila lang ang magkakaintindihan. Nagkibit-balikat si Jeff sa suway ni Misha.
"Ah. Magaling lang din sigurong umarte si Jared" sagot ko sakaniya dahil wala na akong alam isagot sa sinabi niya.
"Let's have a dinner" sabay tayo ni Calvin mula sa pagkakaupo tiyaka naunang naglakad sa amin.
"Tsk tsk" umiiling si Misha habang nakatingin sa papaalis na Calvin. "Again, Jeff? Really?" Inis na baling niya kay Jeff. Jeff just chuckled.
"It's not my fault. It’s his emotion" natatawang dagdag pa nito. Inirapan ni Misha si Jeff tiyaka ikinilingkis ang braso niya sa akin.
Tumakbo si Jeff para masabayan si Calvin. Habang nagrereklamo naman sa tabi ko si Misha na masyadong mapang-asar si Jeff. Baka kapag nabadtrip si Calvin ay hindi na niya raw kami ililibre. Natawa lang ako sa sinabi niya.
"Iyan talagang si Jeff, laging inaasar si Calvin lalo na ngayon!" Dagdag na reklamo pa ni Misha.
"Ganyan siguro talaga kapag lalaki" pagpapaintindi ko sakaniya. Umiling si Misha sa sinabi ko.
"Naintindihan ko naman iyon pero alam mo na ang mga lalaki, pikon. E ako naiipit sakanilang dalawa kapag nag-aaway sila" busangot na wika ni Misha sa akin.
"Sabagay, pero ganyan siguro talaga sila. Mga isip bata pa lalo na kapag hindi seryoso ang pinag-uusapan" nagkibit-balikat si Misha sa sinabi ko tapos ay iniba ang topic namin.
"Pero grabe laging nanlilibre ngayon, dati nga candy lang magpapatayan pa sila ni Jeff" natawa lang ako sa pagdedescribe ni Misha.
"People change" sagot ko sakaniya. Napatango siya sa akin.
"Yup. People change especially when people came" kumunot ang noo ko sa sinabi niya pero ipinagkibit balikat ko nalang iyon.
People change especially when people came, huh??