_
_
#عشق_في_بلاد_حروبها_لا_تنتهي2
#طرابلس_ياغارقه_في_الدم
البارت 26
.
.
.
في الحلقة السابقة
تلفتله آسامه بعيون حمرررر طايحات مش واااعيات واللي ركزو علي الموس المحطوط علي الطاولة ، خداه وتلفت وهوا يعيط:ياعن.... ياولد....
وقرب بسرعة من بوه لمش قادر يتكلم من الكح ، شد راسه بالقوة التالي لين اطربق بالقوة مع صوت عياط عبدالله لطلع مع كحانه ومن غير وعي من آسامه وتحت تأتير المخدر حط الموس علي رقبته ودبح بوه بالموس من الحد لا الحد من غير اي تردد او شفاعة او من غير قلب ينبض ويحس ....
بعد وهوا يشبح في بوه لنتفض وهوا يطلع في الروح قدامه ، لوح الموس لمعبي بالدم بوه لملي الدار وملاه هوا وحوايجه وتلفت لدولاب لنكته كله لين لقي لفلوس لداسهم بوه وطلع من الدار وخلا بوه الملوح علي الكرسي جثه مدبوحه جثه تنكتب في التاريخ لانه أسوأ وأشنع وأبشع جريمة ممكن تحدت في الحياة ......
قراءة ممتعة
#البارت_السادس_والعشرون
جَميِعهم فيِ قلبِي رحّاله إِلا انتِ مُواطن أَصليِ 💛
.
.
قعمزت رنيم جنب نور لشبحتلها وقالت:مرت بابا اتصلت قتلي روحو الناس بجو علي خاطر المقابله الشرعيه
نفخت رنيم:اوووف قداش موه بتتصل هدي
اتصل تليفون رنيم وكان قدام نور لتبسط طول وشافت رقم يتصل فهمت من وشبحت لرنيم لخداته وقالت بسرعه:هدا رعد
شبحتلها رنيم بطرف عينها ووقفت:اي
نور:مش ماعاش تكلمي فيه
طلعت رنيم للبلكونه وماردتش علي نور لتنهدت ورجعع اتكت علي السرير وحضنت تيشرت رائد ....
سكرت رنيم باب البلكونه عليها وردت علي رعد لقال:رنيم
رنيم:نعم
رعد:شن حالك
رفعت رنيم يدها وحطتها علي قلبها وهيا تدكر في حضنه وقربه وقالت بخجل وكأنه واقف قدامه:الحمدالله وانت
رعد:حالي حال مزفت لا نم من بعد خوي
رنيم:وبي يوحمه ويصبوك
وسكتت شوي وكملت:ويصبر اختي
رعد:شن حالها
رنيم:أحوف من حالك
اتكه رعد علي الكرسي بضهره وهوا يحس بقطرات لمطر لبدت تبشبش وقال:ستاحشته نادم علي كل عركه درتها معاه
ودموعه نزلو وكمل بعبره:مش عارف كيف بنكمل حياتي من غيره صاعب عليا لانم صاعبه خوي تحت التراب واني عايش
رنيم:تو تتعود صدقني الايام تلملم الجووح صح مش ح تنساه بس ح تتعود علي فواقه
رعد:انتي تقولي هكي علي خاطر مش مجربه
رنيم:لا مجوبه فواق امي
رعد:وتعودتي
رنيم رفعت كتافها:لا بس نحاول نعيش بلاها فواق الأم صاعب بس هدي الدنيا ماحد دايم فيها
رعد:انتي قويه
رنيم:حتي انت قوي
رعد:زعمااا
رنيم:اي
رعد:رنين
بتسمت رنيم:رنيممممم
رعد:زي بعضه
رنيم:خيوك
رعد:سلامتك
رنيم:تفوه
رعد:عليك ياقوجه
رنيم:ماعاش تعجبني
رعد:ماخصكش
رنيم:اوووووووف منك اووووف
بتسم رعد عليها وهوا يسمع فيها تنفخ وتعاود 💛
__
.
.
.
حضن رؤوف محمد وهوا يطبطب علي ضهره:رد بالك من روحك
بعد محمد:حاضر امي
ضحك رؤوف:وسلملي علي امك وجدي عبدالسلام وسالم
محمد:يوصل وعينك علي روحك بو رفيق
هز رؤوف راسه ومحمد خدي شنطه وحطها علي ضهره وتلفت مشي وهوا يركب لطياره ويشبح لطرابلس بعين مجروحه يشبحلها كجرح في قلبه مهما جرحاته مهما كسراته وخدت منه خوه ورفيقه وغتصبت عرضه وشرفه بس تقعد غلاها في قلبه كبيييير ، وح يردلها بعد مايقيم الواجب مع مدينته ح يردلها باش يتلاقا بعشقه وحب حياته 💛
.
.
لوالود وديِ مانفرقك ياعصمتي 💛
.
.
#جرحك_يابنغازي_ملموم
.
__
.
.
.
تنهدت فدوي:تي ردي عليه ردي ردي وفهميه انك ماتبيشي
فرح قلبت شفايفها وقالت من بين دموعها:بس اني نبيه
نفخت فدوي:واااااك ماعاش فهمت عليك اني باه ردي وشوفي شن بقولك
فرح.شن بقولي يعني
فدوي:ماتتوقعيش انه بسيب خطيبته علي خاطرك
فرح:تزيدي فيا انتي
فدوي:اني نفهم فيك وردي اني نمشي نشوف سهي ونجي
طلعت فدوي وخلت فرح تشبح لتليفونها لشرين ، نفخت وهيا تشد فيه وترد عليه لأول مافتحت الخط صيح معتز:تبي تهبليني انتي اه تبيني نجن عليك يافرح
فرح:شن تبي مني مانبيش ارد اني ياخي سيبني وبرا لخطيبتك
معتز:مانبيش امها اني نبيك انتي
فرح:علاش خاطبها دامك ماتبيهاش
هدي معتز ووطي صوته:موضوع ملخبط
فرح:باللهي عليك ياعزو خلاص لعبت وتسليت بيا فما فيه الكفيا خليني في جرحي وهمي مش ناقصني
معتز:اني نبيك يافرح
فرح:انت خاطب وقريب تتزوج شن تبي فيا ولا تبيني عشيقه لا حبيبي راك فهمني غلط اني مش رخيصه....
قص عليها معتز بعياط:تي ازح شنو تخرطي انتي شن ادوه الفاضيه هدي تحسبيني عيل ولا ناقص عقل
فرح:الزوز
معتز:ياعن......
وسكر وهوا يزمط في باقي السبه وهوا يسمع فيها تصيح:تسب فيا انت تسب فيا اظلم فيا اني لراده عليك ياكلب
معتز وقف وبال بسرعه:تسكري تعرفي حساباتي
فرح:بنسكر ومن غير باي
صيح معتز:فـــــــــــرح
نخلعت فرح لتبكشت ومعتز كمل:هيا كلمه تسكري والله واللي هوا الله ماعاد سامعه امه صوتي
فرح نزدو دموعها:شن تبي مني
معتز:خليك علي ام الخط
مسحت فرح دموعها وهيا ترشف في دموعها لقعدات ينزلو مع انين صوتها ليسمع فيه معتز لخش لأمه في دارها :يمه
تلفتتله أمه:نعم
معتز خش وقرب قعمز قدامها:كلمتي خالي
رفعت امه حاجبها وقالت:اي وجهي تقشر قدام مرت خالك حشمتني ياوليدي كان ماتبيهاش علاش حشمتني معاهم من الاول
معتز ضيق عيونه:ومن خدي رأي اني
تنهدت امه:الله يرحمه بوك مسميها بأسمك
معتز:شن هيا طرف بسبوسه ولا شكلاطه هدي زواجه يمه ره مش لعب
أمه:شن تبي مني باه توا جايني ، خالك وكلمته والحشمه وحشمتني
ضحك معتز ورفع التليفون لفوق شوي باش تسمع فرح دوته وقال:باه اني نبي نخطب
أمه:اي قولها من الأول علاش مسيب بنت خالك فيه غيرها ياحنه
معتز:هههههه يمه نتكلم بجديات ماتقعديش شاده سيرت هند توا
أمه:باه شن تبي
معتز:تي شن نبي يعني بري اخطبيلي النعي راني نبيها
ضحكت فرح لحطت يدها علي فمها وهيا تسمع في در امه:تحشم يافرخ راك كيف فاسخ فوت شوية وقت علي الاقل
معتز:وربي بنفوت الوقت علي خاطر عندها حالة وفاة كان هدا من غدوه نضل رافعك
أمه:عارفاتك لا تتحشم لا تستحي نوض خليني في حالي نوض
ضحك معتز ووقف باس علي راسها وطلع حط التليفون في ودنه:ها وينك
حولت فرح يدها من علي فمها وقالت بخجل:اممم ها
معتز:صار الزوز
شدت فرح ضحكتها ومعتز كمل:تو نوريك عليها مصيرك في حوشي وفي داري
.
.
__
.
.
قلبي يتألم علي زمان ، غدر فيه الأبن بأبيه 💔
.
.
تاني يوم الصبح .....
طقطق الباب اكتر من مره بس مافيش رد ، واصلا كيف بجي رد من جثه مرميه طريحة كرسي من ليلة امبارح جثه من غير روح ، جثه مكسوره وروح مقهوره غاضبه علي أبن تايه مش داري علي روحه بسبب المخدرات ....
فتح زياد الباب المكتب علي آسامه لمقعمز علي الكرسي ويلود بيه وهوا حاس بالألم يبدي يرجعله ءومفعول لحبوب بدي يزول منه وعقله يرجعله ...
زياد قرب ووقف قدام المكتب:الافندي صقر بعتني ليك
رفع آسامه راسه لزياد:خيره
زياد:عرفنا مكان السفاو وخوته يبيك تبعت دوريه للقبض عليه
آسامه:مش متصاوب هوا وقعد يفكرلي في السفاو
زياد:غدوه يطلع من المستشفي هوا
سعد آسامه روحه ووقف من علي الكرسي وحاس براسه بيتكسر وقال:تمام نمشي نشوف بوي وبعدين نجي نرتب الأمور
زياد:تمام يافندي
.
.
__
.
.
نور:تحبيه
هزت رنيم راسها بمعني اي وقعمزت :نحبه هلبااااا
نور:باه شن بديري في الناس لبجو
رنيم:مانعوفش
نور:باه قوليله
شبحتلها رنيم برفعت حاجب ونور كملت:قصدي مش تقوليله نحبك بس جيبيها في هدرزه انه جاييني ناس وكدا مرات يتحرك ويدير حاجه خير ماهو قعد زي الحيط
رنيم:ومن قالك يحبني هوا مديوني ك صديقه بس
نور تنهدت:الله يرحمه رائد ديما يقولي رعد ماعنداش في شور لبنات مستغرب كيف يحكي مع أختك
رنيم:شن قصدك
نور:قصدي أكيد تعنيله حاجه كان هدا ماكلمكش وهوا ماعنداش علي لبنات صح
رفعت رنيم كتافها:مش عاوف
خشت عليهم خالتهم:بوكم جي يستنا برا
نفخت رنيم وخدت شنطتها وطلعت سلمت علي خالتها وحناها وطلعو هيا ونور لبوها ....
.
.
__
.
.
فدوي:قصدك بجي يخطبها كان
مسحت سهي دمعتها:الله يرحمها وخيتي ماتت قبل ماتفرح
فرح:حسبب الله ونعم الوكيل الله لاتربحه ولا تختم عليه ولد لحرام
فدوي:ان شاءالله اشبح كيف حاله عمر ياناري
فرح نزلو دموعها:يكسرو الخاطر رسائله واااااه عليا يحبها باين من رسائله كيف موجوع
سهي :تو ينساها وخيتي ماتت علي روحها مظلومه والناس تدوي عليها
فدوي:ربي مايسامح كل من وصل فيها
سهي وقفت.ان شاءالله اني نمشي نشوف امي وندير دوره علي الجنانات
فدوي:تو نلحقك هي
طلعت سهي وفدوي تلفتت لفرح:حقا شن صار فيك انتي وعزو
مسحت فرح دموعها وهيا تنفخ:مش عارفه نفرح ولا نزعل
فدوي:علاش
فرح:فسخ خطبته وكلم امه عليا وقلها بيجيبها بعد مايفوتو ايام لعزي باش تخطبني ليه
ضحكت فدوي:تبصري
هزت فرح راسها:والله
قربت فدوي حضنتها:واااااك وأخيرا
.
__
.
.
خشت رجاء علي رنيم في الدار وقالت:قتلك ماما هيا تعالي
تنهدت رنيم:باهي اهو جايه
رجاء رفعت حاجبها:العفو خيرك تقول ماشيه لعزي لابسه عبايه ووشاح سود
رنيم:مخصكش فيا وبوي اقلبي وجهك
رجاء:تفوه ان شاءالله ماتعجبيشي
رنيم:ان شاءالله اقلبي وجهك
مشت رجاء ورنيم تلفتت شبحت تليفونها وهيا تراجي في أتصال من رعد ، تنهدت ورجعت التليفون علي الكمدينو وطلعت مشت لنور في المظبخ لأول ماشافتها رفعت حاجبها:جو بترفضني غصبا عنك
تنهدت رنيم:متبديش فيها حتي انتي
بتسمت نور وتلفتت مدتلها سفرة القهوي :بري بسرعه من امبكري اسماء تنادي عليك
مشت رنيم ونور قعدت اظم في المظبخ وتسمع في صوت تليفون رنيم ماعاش بطل اتصال ، كملت نور بسرعه بسرعه ومشت لدار وهيا تشد في التليفون ولما شافاته رقم عرفاته رعد ...
قعدت تشبحله تاواني وبعدها ردت وهيا تسمع في صاح رعد:انمممم خير امك ماترديش عليا علاااااش تخلي فيا نخرط عليك
نور تحمحمت:اني نور اخت رنيم
رفع رعد حواجبه وانصمت وهوا يتحمحم:اه وينها اختك
نور:امممم شن حالك
رعد:الحمدالله شن حالك انتي
نور:نقولو الحمدالله
رعد:وين رنين
بتسمت نور:رنين عندها مقابله شرعيه
رعد ضيق عيونه:مقابلة شغل؟؟
ضحكت نور:انت ماتشبهش رائد في الشكل بس حتي في الغباء
ضحك رعد:مش توأم
نور:باللهي عليك تجوز أختي باش تقعد ادكرني فيه
رعد بتسم:حاضر غر قوليلي هيا وين بس باش نجي وناخدها
نور:لحك لانه فيه من بياخدها
رعد:كيف
نور:هيا مش في مقابلة شغل هيا في مقابله شرعيه ومرت بابا مصره تعطيها كان تبي أختي تعالا
رعد ضيق عيونه ورقتله:اسمعو فكونا من جو اللعب هدا
نور:اني وضعي مايسمحليش ندير الجو هدا ره
رعد:هيا معاه توا
نور:اي
رعد:ياعن...... ولد..... بري طلعي امها كلبت لكلاب
قعدت نور تضحك عليه وهوا ماعاش بطل لين سكر وخلاها تضحك بدموعها .....
.
.
.
#يتبع_للبارت_لبعده
________________________________
بداء كتــابة الرواية في تاريخ 2019 / أكتــ10ــوبر / 3
تم انهاء كتــابة الروايه في تاريخ 2020 / فبـــ2ـــراير / 3