ندي:يوسف
تفاجي ندي بوجود يوسف
ندي بدهشة:يوسف انت جاي تعمل اي دلوقت
يوسف بضحك:جاي اخطبك
انا وامي الحلوة الجميلة دي اللي انت شايفاها ولا عندك مانع
ندي بكسوف:انا اسفة اتفضلي ادخلي يا طنط
امل باابتسامة:شكرا يا حبيبتي
ويدخل كل من يوسف وامل الي الداخل
ثم ياتي والد ووالده ندي اليهما
والديها:اهلا وسهلا
امل باابتسامة:اهلا وسهلا بيكم
امل:انا جايه انهاردة انا وابني يوسف علشان نطلب ايد بنتكم ندي ونقرا الفاتحة
يسري:من حيث المبدأ ف احنا موافقين بس والد يوسف مجاش ليه
امل:والد يوسف مسافر هيتاخر شوية في السفر واحنا جينا النهاردة من كتر ما يوسف متعلق بي ندي وعايز يخطبها لاخلاقها وجمالها طبعا
مرڤت:ويوسف اكيد هيحافظ علي ندي ويكونوا من نصيب بعض ان شاء الله
ثم تدخل ندي وهي في شدة جمالها وترتدي فستان رقيق
يوسف بحب وهي بالقرب منه:ايه الجمال والحلاوة دي انا عايز افهم
ندي بخجل تجلس بجانب امل
امل ب ابتسامة:وهي عروستنا الحلوة وصلت
ندي بكسوف:شكرا ياطنط
يوسف لامل وندي:ابوس ايديكم نقرأ الفاتحة وبعدين ابقي ااتكلمي معاها في اي حاجة انتي عايزاها
امل بضحك:يوسف حبيبي احنا هنطرد بسببك
يسري ومرڤت بضحك:نقرأ الفاتحة
امل ب ابتسامة:مبروك يا ندي انتي ويوسف
ندي ب ابتسامة:الله يبارك فيكي ياطنط
يوسف للجميع:هنتجوز امتا بقي
والجميع يضحكون
يسري بضحك:جواز ايه انت لسه قاري فاتحتها بقالك دقيقتين
يوسف بضحك:حاضر انا هسكت لاني مكسوف جدا الحقيقة
يسري بضحك:كدا ومكسوف اومال لومش مكسوف كنت هتعمل ايه
يوسف لندي بحب:ملقتش حاجة اجمل من الاسورة دي تليق بيكي
ندي بكسوف:شكرا..هي شكلها جميل اوي
ميرڤت:بس دي شكلها غاليه اوي يا ابني وبعدين احنا اللي يهمنا انك تراعي ربنا في ندي
يوسف بحب وهو ينظر الي ندي:مفيش حاجة تغلي عليها يا طنط ندي ليها فضل كبير اوي في حياتي ومهما اتكلم او اجبلها هدية بسيطة زي دي عمري مش هيكفيها
امل ب ابتسامة:يوسف اول مرة يكون كدا وان شاء الله ربنا يجمعهم ببعض
والداي ندي ب ابتسامة:ان شاء الله
وبعد ضحك وكلام كتير
ذهب يوسف ووالدته الي الخارج
كانت تنظر له ندي وهي ثابته في مكانها
وكانت فرحانة بشدة
في ڤيلا فريد والد يوسف
وبعد عدت ساعات
تدخل امل الي غرفت يوسف
امل باابتسامة:طبعا انت مبسوط باللي حصل انهارده دا
يوسف بسعادة:جدا
امل:طب ولو ابوك عرف باللي حصل وان انهاردة قريت فتحتك علي ندي وهو ميعرفش
يوسف:هو اللي مش موافق وانا مش هسيبها تضيع مني عشان خاطر مظاهر وعيلتها وعيلتي
انا اللي يهمني في كل دا ندي وبس
امل ب ابتسامة:بصراحة ندي جميلة وشكلها مؤدبة وبتمني بعد ماشوفتها تكون من نصيبك جايز تغيرك للاحسن
يوسف باابتسامة وتنهيدة:غيرتني
وبعد ٣ايام
في ڤيلا مهند
وصل مهند الي الڤيلا بعد رجوعه من الشركه
دلف مهند الي الداخل حتي انه وجد المكان هادي للغايه واغلق الباب بهدوء ورائ غرفت سارة مغلقة اعتقد انها بداخلها
وبعد وقت من التفكير ان يتحدث معها ام لا ثم قرر ان يتحدث معاها
طرق مهند بابها
وتفتح سارة له
مهند باابتسامة:انتي كويسة
سارة ببرود:يهمك في ايه ابقي كويسه ولا لاء
مهند ب خوف ظاهر عليها :يهمني طبعا انتي كويسة
سارة بتنهيدة:كويسه
مهند بتنهيدة وهو ينظر في عيناها الخضراء قائلاً
:انا عايز اعرفك حاجة يا سارة انا مش هجبرك علي حاجة انا بقالي ٣ايام سيبك براحتك لكن حتي اتكلمي معايا
سارة بوجع:وانا مش عايزة حاجه منك ولا عايزة اتكلم معاك
مهند بضيق:يعني هتفضلي في اوضتك دي علي طول
سارة بدموع:انا حره احسن عندي من اني اشوفك بكتير
مهند بحزن:انتي شايفة كدا
علي العموم يا سارة انا كنت جاي اطمن عليكي وجبتلك اكل متنسيش انك تعبانه برده والشنطة دي فيها هدوم ليكي والادوية بتاعتك
سارة وهي تتصنع البرود:مش عايزة حاجة منك وتغلق الباب امامه
مهند:براحتك يا سارة انا هسيبلك الاكل والشنطة قدام الباب عشان لو احتاجتيهم
ويذهب الي غرفته
كانت سارة تسمعه وهي لم تصدق نفسها لانها تري مهند بطيبته وخوفه عليها واهتمامه بها ولكنها كانت تتذكر وجعهاا بسببه
سارة لنفسها:فوقي يا سارة هو عمره ماهيتغير بيكدب عليكي زي ما كدب عليكي قبل كدا ووجعك ودمر حياتك
وبعد ساعات
بدأت تشعر بالجوع وخرجت لتاخذ الطعام
ثم عادت الي غرفتها بسرعه
اما عن مهند كان جالس في غرفته يتناول الطعام وهو يتذكر كلامها له ويشعر بوجع بداخله ثم يستسلم لنومه
وهو يقسم علي محي ذكريات سارة المؤلمة بسببه
وبدء حياة جديدة من الحب والسعادة
ولكن هل القدر وسارة يسمحوا بذلك!!!!
لازم نعرف للاسف ان مش كل النهايات سعيدة💔
--------
في نهار جديد
في كليه السن
تخرج يارا من المحاضرة ومعها صديقتها ريم
يرن هاتف يارا والمتصل احمد ترد يارا بفرح
يارا بحب وابتسامة:وحشتني
احمد بحب:انتي كمان وحشتيني واليوم اللي بقي بيعدي عليا واحنا مش مع بعض او مش بنتكلم بيبقي وحش اوي
يارا بضحك:اممم وانا كمان
بقيت كل حاجة في حياتي لاء اي دا انت حياتي نفسها
احمد ب ابتسامة:وايه بقي الحب دا كله يايارا
يارا بضحك:خلاص لو مش عاجبك هقفل ومش هتكلم معاك
احمد بضحك:لاء ونبي انا مصدقت
يلا قوليلي بقي هنخرج نروح فين انهاردة
يارا:مش عارفة لسه يومي عامل ازاي لكن اول ما ابقي فاضيه هبعتلك مسدچ تمم
احمد بحب:وانا فاضيلك و مش ورايا حاجه غيرك انتي
ثم ينهوا المكالمه
ويارا بحب شاردة
ريم بضحك وغمزة:بتكلمي مين بقي يا ريري
وبقالك كام يوم متغيرة كدا ليه ومش هسيبك غير لما تحكيلي انتي فاهمة
يارا بضحك:ريم يا حبيبتي اطلعي من دماغي دلوقت
كادت ان تكمل ولكن قطعها رن هاتفها المتصل مهند
مهند:عاملة اي يا يارا وحشاني وبقالك كام يوم كدا مش عارف اكلمك
يارا بضحك:سارة اخدتك مني بقي
مهند بضحك:ياريت
بس عايز اطلب منك حاجة
يارا بضحك:اطلب
مهند:انتي فين الوقت
يارا:في الكلية
مهند:خلاص هعدي عليكي بالعربية اخدك علي الڤيلا واحنا في الطريق نتكلم
يارا:تمم هستناك
انهي المكالمة كل منهم
ريم بضحك :خلصتي خلاص
احكيلي برده
يارا ب ابتسامة:حبيت
ريم بضحك:بتهزري
يارا:بتكلم جد وانتي تعرفي علي فكرة
ريم بااستغراب وضحك:اعرفه كمان
مين دا اوعي يكون ايهاب
يارا بضيق:ايهاب ايه بس وبعدين اسكتي عشان هو بيجي علي السيرة بس انتي فاكرة الشاب اللي قبل كدا اتخبط فيه في النادي هو دا بقي حبيبي
ريم بضحك:بتهزري صح المز دا
دا انتي اول ما شوفتي كنتي مش طايقة تتكلمي معاه حتي
يارا بضحك:مز اه بس ملكيش دعوة بي هاا وبعدين ايوا بقي هو دا وكمان بالصدفة طلع مامته ومامتي صحاب من زمان وشوفته وتكلمنا وقت طويل وبعد كدا المجنون جابني في مركب وسط البحر واعترفلي بحبه وعايزني اتجوزه
ريم بفرحه:كل دا يحصل ومتقوليليش يا يارا
بس اهم حاجة انك مبسوطة
يارا بحب:هو كل حاجة في حياتي بجد
كل حاجة في حلوة يا ريم حاسه وهو جمبي اكن مهند معايا وجمبي
وهو معايا بحس ب امان عمري ما هحس بيه
الا هو معايا
ريم بضحك:بقي كل دا يحصل
وقعتي يايارا عشان بعد كدا متبقيش تتريقي عليا
يارا بضحك: خلاص خلاص
يصل مهند وينادي علي يارا
يارا:يلا باي باي الوقت مهند اجي هكلمك بعدين
ريم:باي يايارا
تاتي يارا الي مهند وتركب بالسيارة
مهند بضحك:كل دا مستنيكي
يارا بضحك:بدل ما تقولي كدا مش تسال عليا الاول
مهند بضحك:انا اسف خليكي بقي معايا في اللي هطلبه منك
يارا بضحك:اطلب اما اشوف اخرتها معاك يامهند
مهند:انا بحب سارة
يارا بضحك:وايه الجديد في كدا منا عارفة انك بتموت فيها
مهند:المهم هي دلوقت في الڤيلا وفي اوضتها مش
بتطلع منها خالص وحتي مش مدياني فرصة اشرحلها او اتكلم معاها حتي مش بشوفها خالص ولا حتي بسمع صوتها انا صحيح وجعتها كتير بس حبيتها وعايز اعرفها الحقيقة اني بحبها ومش بحب ولا هحب حد غيرها وكمان كفاية ان في بنت جاية هتربطنا ببعض طول العمر
يارا بدهشة:ايه هي سارة حامل
مهند باابتسامة:ايوا حامل
يارا بفرح:يعني انا هبقي عمتو خلاص فرحتني اوي اوي يامهند والله بس عشان خاطر حبك اللي انا شيفاه في عينيك ليها دا وعشان البيبي اللي جاي لكم دا انا هتصرف وهروح معاك الڤيلا وهتكلم معاها
مهند:عارفة لو صلحتي اللي بنا العربية اللي نفسك فيها هتكون عندك من بكرا
يارا بدهشة وضحك:بجد يلا نروح لسارة اصل هي وحشتني اوي
مهند بضحك:حبيتها اوي كدا
يارا :مش عشان العربية بس عشان هي طيبة وجميلة وشكلها بتحبك وتاني حاجة عشان خاطر اخويا طبعا
يلا اطلع بالعربية علي الڤيلا
ثم يذهب كل منهما الي الڤيلا
فريد بعصبيه:يووووووووسف
ياتي اليه بفزع يوسف وامل
يوسف ب استغراب:في حاجة يا بابا
فريد بحده:انت روحت وقريت فاتحت البنت اللي اسمها ندي دي
يوسف:ايوا يابابا انا بحبها ومش هسيبها تضيع من ايدي بسبب حاجة ملهاش ذمب فيها
فريد بعصبية:انت بتعاندني ياولد
يوسف:انا هتجوز ندي يابابا
يصفعه فريد بشدة
يوسف بضيق:برده هتجوزها
ثم يخرج من المنزل وامل تنادي عليه بقوة
امل بعصبيه:انت بتعمل في ابني كدا ليه
فريد:انا استحاله اسيبه يتجوز البنت دي
امل بحزن:عمرك ما هتتغير ابدا يا فريد
في ڤيلا مهند القاضي
يدلف مهند ويارا الي الداخل
يارا بضحك:المكان هادي خالص كدا ليه
مهند ب ابتسامة:هي علي طول كدا هتلاقي سارة فوق في اوضتها وريني بقي هتعملي ايه
مهند ويارا امام غرفة سارة
يارا:افتحي يا سارة
سارة ب استغراب:ياتري مين دي اللي برا
ثم تفتح سارة الباب
سارة وهي تنظر الي مهند ويارا
سارة:انتي مين
يارا بضحك:انا اخت مهند انتي نسيتي ولا ايه
سارة ب حزن:اه
يارا ب ابتسامة:ينفع اعد معاكي شوية
سارة بتردد:اتفضلي
في غرفة سارة وفي صمت
يارا:انتي هتفضلي ساكته كدا
سارة ب حزن:وهو في ايه نتكلم فيه
يارا ب ابتسامة:اولا كدا انا اسمي يارا وفي حاجتين عايزة اقولهملك
سارة بوجع:قولي
يارا بندم من فعلت اخيها:انا عارفة كل اللي حصل من مهند واللي عمله فيكي بس انتي مرات اخويا وبصراحة نفسي نكون صحاب شكلك جميل وطيبة بالرغم من حزنك دا وان شكلك كدا عنيدة..ها هينفع بقي نكون صحاب
سارة ب ابتسامة:ممكن
يارا ب ابتسامة:وفرصة برده تتكلمي مع حد بدل ما انتي حابسة نفسك في الاوضة دي ومش بتتكلمي مع حد
سارة بخوف:مش هتحكي حاجة لاخوكي صح
يارا ب ابتسامة:متخافيش مش هيعرف حاجة
وانا كان نفسي يبقي ليا اخت بنت وتبقي صحبتي وانا حاسة انك هتكوني كدا
سارة ب ابتسامة:شكرا
يارا:تاني حاجة بقي ان مفيش حد في الدنيا دي يعرف مهند زي
عارفة انه وجعك وانه كان ظالم معاكي بس صدقيني هو دلوقتي بيحبك انتي مشوفتيش نظرة عينيه وهو بيتكلم عنك
سارة بتعب:لو سمحتي مش عايزة اتكلم في الموضوع دا
يارا بتنهيدة:زي ما تحبي بس عايزاكي تعرفي حاجة
انا ومهند عيشنا ايام كتير صعبه ومهند مكنش كدا ابدا بس في ظروف حصلت هو ملوش ذمب فيها
مهند من وهو صغير عمره ما حس بالحب من نحيت حد ماما مكنتش جمبنا ولا معانا واحنا صغيرين وبابا ديما كان مشغول وبعيد عننا ومكنش في حد مهتم بينا وانا ومهند اتقوينا ببعض ولو عايزة رائي ضوري علي الحب اللي جوا وانتي هتلاقي وصدقيني انه احن واحد ممكن تقبلي في حياتك بالرغم من قسوته دي يا سارة
سارة بدموع:لوكنتي مكاني وحصلك كدا كنتي هتقبلي
يارا بتنهيدة:محدش يقدر يستحمل دا طبعا
لكن هعيش الحاضر دا عشان الماضي عمري ما هعرف اغيره وبالذات لو معا لان انا متاكدة انه بيحبك
سارة بوجع:مش بيحب حد
يارا ب ابتسامة:انتي بتحبي مش كدا
سارة بسرعة:لاء
يارا وهي تنظر في عيونها:انتي كدابة عارفة لي عشان لو مكنتيش بتحبي زي ما انتي بتقولي كدا مكنتيش رديتي بالسرعة دي
سارة بتردد:ل..لا مش بحبه
يارا بضحك:طب غيري هدومك وتعالي معايا
سارة ب استغراب:هنروح فين
يارا:هنخرج شوية نشم هوا بدل الاوضة دي
سارة ب ابتسامة ولهفة:هو احنا ينفع نخرج من هنا
يارا بضحك:طبعا يا بنتي بدام معايا
هسيبك واطلع برا لغايت ما تغيري هدومك وهتلاقيني برا اوكي
سارة ب ابتسامة:ماشي
ثم تذهب يارا خارج الغرفة
مهند بقلق:ها عملتي ايه
يارا:مش طايقة تشوف وشك
مهند بألم:بتتكلمي بجد
يارا:اومال بهزر بس انا وهي خارجين دلوقت هنخرج شوية وهنرجع علي طول ماشي
مهند بتفكير:طيب
يارا ب ابتسامة:جميلة خالص وطيبة وهادية جدا حبيتها اكتر لما اتكلمت معاها انا مش عارفة ازاي انت مكنتش بتحبها
مهند بندم:كنت اعمي
يارا بضحك:بالظبط كدا
تخرج سارة من غرفتها
سارة ل يارا وهي تتجاهل مهند:يلا عشان نخرج
يارا:زي ما تحبي يا سو
سارة ب ابتسامة تذهب مع يارا
ولكن مهند مسك يدها بالقوة..مهند وهو ينظر بداخل عيونها الخضراء:متتاخريش
سارة بضيق:سيب ايدي وبعدين براحتي انا حره
يارا بضحك:اهدوا انتوا الاتنين هتتخانقم يلا يا سو
نخرج احنا وانت سلام مش هنتاخر ماشي باي باي باي
يذهب كل من هما الي الخارج
يارا ب ابتسامة:تحبي بقي نروح فين
سارة وهي تستنشق الهوا:اي مكان اهم حاجة ان احنا خرجنا من المكان دا
يارا:اممم طيب اي رائيك نروح نطمن علي البيبي الاول وبعد كدا نروح ناكل في اي مكان عشان هموت من الجوع عشان ماكلتش اي حاجة من الصبح
ومهند ممرمطني ورا بس اخويا بقي
سارة بخوف وتردد:ن..نطمن علي البيبي
يارا بضحك واستغراب:مالك خايفة كدا ليه
سارة بوجع:اخوكي بيجبرني علي كل حاجة بالقوة والنتيجة البيبي اللي في بطني دا
وطبعا انتي فاهمة انا قصدي ايه
يارا بنظرة حزينة:انا حاسة اللي انتي فيه يا سارة بس هو اتغير عشان حبك وبعدين اسمه مهند مش اخوكي انتي حتي اسمه مش عايزة تنطقي
سارة بدموع:بسبب اللي شوفته منه
يارا:بس احنا لازم نطمن علي البيبي برده مينفعش نفضل كدا ومتخافيش الدكتورة اللي هنروحلها تبقي صحبتي وشاطرة جدا
سارة ب استسلام:طيب
ثم يذهبوا الي عيادة الطبيبة
يارا:ازيك يا بسمة
بسمة:اخيرا شوفتك يا ريري انتي عاملة ايه ومين دي اللي معاكي
يارا ب ابتسامة:دي سارة مرات اخويا مهند وهي حامل دلوقت وكنا عايزين نطمن علي البيبي ومفيش طبعا دكتورة شاطرة وحلوة زيك كدا
بسمة:اهلا وسهلا..ازيك يا سارة
سارة:الحمدلله
بسمة:اتفضلي بقي وتعالي معايا عشان نطمن علي البيبي الحلو دا
وبعد انتهاء بسمة من الكشف علي سارة
يارا:طمنينا بقي يا بسمة
بسمة:انا مش عايزاكي تقلقي يا سارة بس انتي ضعيفة ووزنك قليل والمفروض وزنك يكون اكتر من كدا وتاكلي كويس جدا ومتبقيش ضعيفة لان كل دا بياثر علي البيبي
سارة بقلق ولهفة:يعني البيبي كويس مش كدا
بسمة:هو لغايت الوقت كويس بس لازم وزنك يزيد وتاكلي كويس وفي شوية ڤيتمينات هكتبهالك عشان صحتك انتي والبيبي
سارة بقلق:شكرا
بسمة:متخافيش اوي كدا بس لازم تسمعي كلامي وبعدين هو اول حمل بيبقي كدا
يارا:شكرا اوي يا بسمة واكيد هنتابع معاكي عشان حمل سارة
بسمة ب ابتسامة:تشرفوني طبعا
بسمة لسارة:هشوفك تاني بس خلي بالك من البيبي كويس
ثم يغادوا عيادة بسمة
سارة بقلق وهي تحسس علي بطنها برقة
يارا:متخافيش بس اللي حصل دا عشان تاخدي بالك من البيبي كويس
سارة بخوف:اهم حاجة بس يبقي كويس
يارا بضحك:تعالي بقي اي مطعم تحبي عشان ناكل حاجة وبعدين بعد كل الوقت دا اكيد جوعتي والبيبي الحلو دا اكيد كمان جعان ويرضيكي بقي تسبينا احنا الاتنين كدا جعانين
سارة بضحك:خلاص تعالي نروح ناكل
وفي احدي المطاعم وسارة ويارا يتحدثون
سارة ب ابتسامة:انتي متاكدة انك اخت مهند
يارا بضحك:شبهه مش كدا
سارة بحزن:بالعكس هو حاجة وانتي حاجة
يارا بضحك:لسه متعرفيهوش كويس لكن لو عرفتي هتقولي علينا تؤام مش بس اخوات
سارة بتعب:انا شبعت مش هقدر اكمل
يارا بضحك:انتي هتخلصي الطبق كله
انتي كلتي
لكن البيبي لسه ماكلش ومش هيفضل جعان كدا حرام برده
تبتسم سارة
يارا:بس انا عارفة انك بتحبي مهند يا سارة
سارة ب استغراب:واية اللي مخليكي متاكدة اوي كدا
يارا:انا عارفة ان جواكي صراع بين قلبك وعقلك
قلبك لسه بيحبه لكن عقلك بيرفض بسبب اللي عمله فيكي
سارة بتنهيدة:كنت بحبه
يارا:طب انتي عرفتي ازاي..حبتي ازاي احكيلي
سارة بتنهيدة:هحكيلك
في ڤيلا نبيل القاضي
صافية بطيب قلب:وحشتني يا احمد بقالي فترة معرفش عنك حاجة
احمد ب ابتسامة:انا عارف اني مقصر معاكي يا طنط بس اديني جيت عشان اشوفك
صافية بحنان الام:وايه بقي اللي شغلك اوي كدا
احمد ب ابتسامة:قريب اوي هتعرفي يا طنط..اومال هي يارا مش هنا ولا ايه
صافية ب استغراب:لا هي مش هنا
حخرجت مع مهند ولسه مجتش لغايت دلوقت
احمد:اه بس اهم حاجة انتي عاملة ايه
صافيه:الحمدلله كفاية اني رجعت تاني اشوف ولادي
احمد ب ابتسامة:مش هيلاقوا ام اطيب ولا احسن منك ابدا
صافية:ياحبيبي يا احمد ربنا يعلم ان انا بعتبرك زي مهند
احمد:ربنا يخليكي ليهم ياطنط
وبعد وقت
يارا:كل حاجة هتتصلح يا سارة صدقيني مش عارفة ازاي انتي بتحبي وهو بيحبك وبتعملوا كدا
ثم تتلقي يارا رسالة من احمد وتقرأها وهي تبتسم وتلاحظها سارة
سارة:مهند هو اللي بيتكلم
يارا بنفي:لا لا دي صحبتي بس كانت بعتالي مسدچ
سارة بضحك:اممممم
ولكن بعدها يرن هاتف يارا والمتصل مهند
مهند:كل دا تاخير يا يارا انتم فين وانا اجي اخدكم
يارا بتردد:احنا فين
سارة بصوت واطي:متعرفيهوش احنا فين متخليهوش يجي هنا
يارا:احنا..احنا خلاص في الطريق اصلاً
ثم يذهب كل من سارة ويارا متجهين الي الڤيلا
وعندما يصلوا
مهند بضيق وهو ينظر لسارة: كل دا تاخير يا يارا انتي مش عارفة اني بقلق عليكي ولا ايه
سارة وهي تنظر له ب استغراب
يارا:احنا متاخرناش ولاحاجة احنا جينا بسرعة اهو
مهند وهو يوجهه كلامه الي سارة:كل الوقت دا مشوفكيش يا يارا وحشتيني
سارة بضيق: يارا خليكي انتي هنا وافضلي كلمي نفسك كتير وانا هدخل اوضتي
حتي ان دلفت الي غرفتها
مهند ليارا:كنتم فين واتاخرتوا كدا ليه
يارا:احنا متاخرناش ولا حاجة كنا عند دكتورة بسمة وبعد كدا روحنا نتغدا
مهند بقلق:دكتورة..سارة حصلها حاجة ولا ايه يا يارا
يارا ب ابتسامة:متقلقش بس انا اللي قولتلها يعني نروح نطمن علي البيبي وبعدين هي مش ناسية ولا قادرة تنسي اللي انت عملته فيها يا مهند لكن شكلها بتحبك ف سيبها براحتها وبلاش تزعق معاها
مهند بضيق:اما اشوف اخرتها معاكم
ثم تدلف يارا الي غرفة سارة و يذهب مهند الي غرفته
مهند وهو يتحدث في الهاتف
مهند:زي ما اتفقنا كل حاجة عايزها هتحصل وبعدها يغلق هاتفه
تدخل يارا الي غرفة سارة
يارا:انتي تعبتي انهاردة شوية وانا صدعتك مني
بس لو مش هتدايقي انام جمبك يعني
سارة ب ابتسامة:لا عادي تعالي حتي انتي بتفكرني ب اختي نور
يارا بضحك:هنام وبكرا هنعمل حاجات كتير كدا وهصدعك برده ب كلامي
سارة بضحك:حاسة ب كدا
وفي يوم جديد
في الساعة التاسعة صباحا
ياتي اتصال الي فريد وامل
فريد:ايوا
الممرضة:احنا مستشفي النور وابنك يوسف عمل حادثة وحالته خطيرة ولازم تيجي تشوفه انت ووالدته
امل بدموع:ابني كويس يا فريد صح
فريد بوجع:يوووسف
وبعدهاا!!!!!
توقعاتكم ايه ممكن يحصل بعد كدا
يوسف مصيره ايه
وايه رد فعل ندي لما تعرف ب حادثة يوسف
مهند وسارة ايه اللي مستنيهم وايه مصيرهم بعد كدا🔥