بعد سماع مهند ان والدته بين الحياة والموت
قرر ان يذهب الي عنوان المستشفي
يخرج مهند من غرفته ويري يارا أمامه
يارا ب استغراب:رايح فين يا مهند دلوقت
مهند:صافية هانم في المستشفي بين الحياة والموت
وفي حد كلمني عشان اروحلها
يارا ب الم:ماما في المستشفي!!
مهند بثبات:بالنسبالي صافية هانم انا نازل يلا متأخرنيش
ثم يذهب مهند ليري والدته ولكن كان يشعر بداخله بالألم
الشديد..وبعد وقت قليل وصل مهند الي المشفي
مهند لطبيب:انا عايز افهم صافية هانم حصلها ايه وحالتها ايه دلوقت
الطبيب:تقصد والده حضرتك
مهند بضيق:ايوا والدت حضرتي حصلها ايه
الطبيب:والدت حضرتك اتعرضت لصدمة ودا اثر عليها وكان السبب في الاغماء اللي حصلها
لكن حالتها لسه صعبة جدا وحل كل دا
انها تبعد عن اي عصبية او اي حاجة تدايقها مع الدوا اللي بتاخده
وهتتحسن مع الوقت بسبب قلبها الضعيف
مهند:انت تعمل اي حاجة علشان تبقي كويسة ولو احتاجت ان دكاترة من لندن ولا ألمانيا انا هعمل كدا
المهم انها تكون كويسة وتعيش انت فاهم
الطبيب:احنا هنعمل اللي علينا والباقي علي ربنا
ثم يذهب الطبيب ليري حالتها
الخادمة:مهند بيه انا اللي كلمت حضرتك بس انا اسفة مكنتش عارفة اتصرف لوحدي وكنت خايفة علي الست صافية اوي
مهند:ايه السبب في اللي حصلها دا
الخادمة بتوتر:متاكد انك عايز تعرف
مهند ب استغراب:افندم!!
الخادمة:مقصدتش بس انت السبب لانها رجعت من عند حضرتك وهي مبطلتش عياط وحتي رفضت تأكل وتاخذ الدوا بتاعها ومرة واحدة لقيتها واقعة علي الارض ومكنتش عارفة اتصرف ازاي وكلمت حضرتك
مهند بضيق:طيب خدي الفلوس دي وانتي تقدري تمشي دلوقت...ثم تذهب الخادمة
أما مهند ينظر علي والدته من خلف الزجاج
وهو يراها وبداخله شعور وإحساسه وخوفه علي والدته
وشعور اخر ب قسي القلب والسبب انها تركته في صغره وذهبت ثم يترك المشفي ويعود الي ڤيلا والده
وفي نهار جديد
في منزل سارة
كان صبري(والدها) يستغرب من تبديل حالها الي حال
ولكن كان يعتقد ان السبب هو الدراسة
أما عن سارة فكانت لم ترغب في الذهاب الي الكلية ولكنها ذهبت حتي تقدم مشروعها اليوم
---------
في شركة القاضي
كان مهند متجهه الي مكتبه
ودلف الباب وجلس علي كرسي ليسترخي قليلاً
وكان يمسك قلمه وهو يفكر في سارة وفي كلامها له
ويسترجع ذكرياته من شدة غضبه وحزنه كسر قلمه بشدة
وقرر الذهاب الي الكلية ليري سارة
في نفس الوقت
كانت سارة في الكلية وتتحدث مع أستاذها بالجامعة
:حاجة مش غريبة عليكي يا سارة انا أتوقع من المشروع اللي مقدماه دا هيكون تقديرك السنة دي امتياز
سارة ب ابتسامة:شكرا يا دكتور بعد إذنك
ثم تذهب سارة خارج السيكشن
أما عن مهند ف وصل الي الكلية
وكانت شدة جاذبيته ووسامته تدهش من يراه
مهند:وحشتيني
سارة بتعجب:نعم!!
وحشتك وبعدين انت مين عشان انا اوحشك
يكتم مهند غضبه ويواجها بشكل مختلف
مهند بحزن مصطنع:انا كنت بعملك بالطريقة دي عشان مش عايز أتعلق بيكي اكتر من كدا يا سارة
انتي خلتيني احبك بقيتي كل حاجة في حياتي
سارة:انت بتقول ايه
مهند لوسمحت سيبني في حالي ارجوك ابعد عني
لمس مهند يدها قبل ان تتركه
مهند بعيون مليئة بالخداع:بس انا بحبك
كادت سارة ان تتكلم ولكن قبل ان تتكلم اقترب منها مهند بشدة وقوة وهو ينظر بداخل عيونها الجميلة
وكانت سارة شاردة في عيونه السوداء
وكأنها في عالم تاني وكان قلبها ينبض بشدة من اقترابه الشديد منها
مهند بثقة:انا هسيبك زي ما انتي عايزة بس انا عارف انك هتوافقي عشان انا بحبك وانتي هتحبيني يعني هتحبيني
تضحك سارة ضحكة طفولية قائلة:هتخليني احبك غضب عني يعني ولا ايه
مهند بضحك مصطنع:بكرا تعرفي سلام يا وردتي
ظلت سارة في مكانها لعدة دقائق قائلة بدهشة:ورديتي
وهي ترددها بفرح ثم رائت ندي تأتي من المحاضرة
ندي ب ابتسامة:مالك يا سارة شكلك فرحانة أوي كدا ليه
بدأت تحكي سارة لندي كل ما حدث ودار بينها وبين مهند
ندي بضحك:بتهزري بجد مهند قالك انه بيحبك
سارة وهي شاردة في كلامه ونظرات عيونه:قالي كدا بس بصراحة بقي انا خايفة
ندي ب استغراب:خايفة من أية يا عبيطة دا يا بنتي كل دا كل البنات بتتمني بس انه يشاور علي واحدة منهم مش يكلمها لكن اختارك انتي
ندي ب ابتسامة:بس قوليلي بقي يا سارة انتي بتحبي
سارة ب احمرار وجه:حاسه اني مشدودة ليه طول الوقت بفكر فيه بس بخاف لما بيزعق بترعب
ندي:بس مش هتخسري حاجة لو عرفتي وبعدين مش يمكن تحبي زي ما هو بيحبك
سارة لنفسها:انا فعلاً بحبه
ثم يذهب كل منهما الي منزلهم
في المشفي التي توجد بها صافية
الطبيب لمهند:حالة والدتك احسن النهاردة لكن هتفضل موجودة علي الأقل ٣ايام في المستشفي
مهند:هتخرج النهاردة
الطبيب ب استغراب:نعم!!
مهند:زي ما سمعت صافية هانم هتخرج من هنا وهتروح علي ڤيلا نبيل القاضي هيكون ليها أوضة مخصوصة ليها وعايزاك تجبلي ممرضين كويسين عشان يتبعوا معاها
الطبيب:زي ماتحب يا استاذ مهند هي في النهاية والدتك
وممكن ننقل صافية هانم للڤيلا زي ما تحب
مهند:تمام وياريت كل حاجة تخلص الوقت
وبعد مرور ساعة...
لاحظة يارا صوت عربية اسعاف متجهه الي الڤيلا
تنزل يارا من غرفتها وهي تجري لتري ما سبب هذا الصوت ووجود عربية الإسعاف
يدخل مهند وهو يأمر احدي الممرضين بالتوجهه الي الغرفة
تري يارا والدتها وهي فاقدة الوعي ومحمله علي نقالة المرضي
يارا بألم:م..مهند انت جبت ماما هنا
مهند بضيق:ايوا جبتها هنا وهتفضل هنا لغايت ما تبقي كويسة
يارا بدموع:شكلها تعبانة اوي كدا ليه يا مهند
هي هتبقي كويسة مش كدا
مهند ب الم:هتبقي كويسة بس متنسيش هي عملت فينا أية من اكتر من٢٠سنة هاا!!
ثم يذهب مهند الي غرفة والدته
مهند:حالتها ايه دلوقت
الطبيب:هتبقي كويسة بس هي دلوقت نايمة وممكن تصحي بكرا
مهند:اهم حاجة الممرضين دول يفضلوا جمبها
ثم يذهب الي غرفته وتدخل ورائه يارا
يارا:الدكتور قالك ايه يا مهند
مهند بضيق:هتفوق بكرا
يارا بتردد:طيب...
مهند:كملي يا يارا
يارا بألم:لما نفوق هنقولها ايه
مهند:انا هتصرف سيبي كل حاجة لوقتها وبعدين انا لازم انزل الوقت
يارا بتنهيدة:اوكي
ثم يذهب مهند خارج الڤيلا
ويشعر داخلة بألالم الشديد ويذهب الي احدي الملاهي الليلية
في غرفة سارة
كانت تجلس علي مكتبها ثم تفتح درج المكتب الخاص بها وتري رسمت مهند
سارة بقلق:يا تري بقي عايز مني ايه وبتحبني بجد زي ما انت بتقول ولا ايه حكايتك
ولكن قطعها دخول اختها الصغيرة الي غرفتها
نور بضحك:سارة يا سارة وتدخل في أحضانها
سارة ب ابتسامة:ايه بقي قولي عايزة ايه
نور بطفولة:عايزة اكل ايس كريم
سارة بضحك:بس كدا يا روحي هجيبلك احلي ايس كريم
بس بشرط واحد تخلصي كل واجب المدرسة دا يخلص كله الوقت وتذاكر كويس اوكي
نور:اوكي هعمل كل اللي بتقولي يا سارة
كانت نور تتميز بالطفولة والبرائة
لانها كانت تبلغ من العمر خمس سنوات فقط
وكانت تراها سارة ابنة لها وليست أخت
وبعد ان انتهت نور من جميع واجبتها طلبت من سارة ان تنام بجانبها
سارة ب ابتسامة:بس كدا يا قمري
يلا تعالي نامي
ثم يتجه كل منهم الي النوم
في ڤيلا نبيل القاضي
في غرفة يارا
ريم بزعل:ازاي ماتجيش البارتي دا احنا كلنا هنكون موجودين
يارا:معلش يا ريم انا مودي وحش ومش هقدر اخرج النهاردة خالص
وبعد محاسبات من ريم قررت يارا ان تذهب
يارا:خلاص هاجي ابعتيلي شير لوكيشن وانا هكون موجودة
ثم ارتدت ملابسهاالتي تزيد من جمالها جمال ووضعت ميكب يناسب شكلها الرقيق
ولكن قبل ان تخرج من الڤيلا
فتحت غرفت والدتها ورائتها نائم..تخرج يارا من الڤيلا وعلي وجهها ملامح الحزن متجهه الي حفلة اصدقائها
وفي احدي الملاهي الليلية
كان مهند يسكب الكثير من الخمر وهو يفكر ب اي طريقة ينتقم من سارة
ثم اخرج هاتفه وأرسل رسالة
الي سارة والرسالة هي
"بحبك وياريت تصدقيني ولو شيفاني وحش اوي كدا انا هفهمك ولو وافقني
بعد المحاضرة بكرا هاجي وهاخدك من قدام الكليةونروح اي مكان هادي نتكلم شوية"
وكانت سارة في هذا الوقت لم تشعر بالنوم وتفكر بما حدث ولكن نور غاصت في أحلامها
ثم تلقت الرسالة من مهند
وتكتب له قائلة:موافقتي مش سهلة اوي كدا
مهند:معني كدا انك اقتنعتي هستناكي بكرا
كانت سارة تشعر بالفرح
وتحضن نور وتنام
أما مهند اغلق هاتفه ثم ذهب ليستنشق الهواء
ثم ذهب الي الڤيلا الخاصة به
أما عن يوسف كان يفكر كيف يجد
طريقة ليتحدث بها مع ندي وقرر ان يتصل بها
ندي ب استغراب عندما رائت هاتفها يرن والمتصل يوسف!!
ندي ب استغراب:يوسف!!
ثم ترد في اخر دقيقة
يوسف بضحك مصطنع:كل دا عشان تردي انا كنت هقفل
ندي:معلش مشغولة شوية بس انت كنت محتاج حاجة
يوسف:ايوا كنت محتاجك تيجي معايا بكرا عشان كنت بحضر لمكتبي الجديد وكنت عايز اخد رائيك في كام حاجة كدا
ندي بتردد:بس
يوسف:من غير بس انتي ذوقك بيعجبني وان اي حاجةهتختاريها اكيد هتكون حلوة
ندي ب ابتسامة:شكرا يا يوسف بس مش هينفع بكرا خالص ورايا حاجات كتيرة لكن بعد بكرا هكون فاضية من اول اليوم
وبعدين هو اكيد المكتب هيفرق معاك في المستقبل
يوسف:شور طبعا خلاص زي ما اتفاقناعلي معادنا
ندي:تمام..سلام
يوسف:سلام مؤقت
ثم يتصل بشريف و يحدد معه موعد بعد بكرا حتي يسلم له ندي ومنه يكسب رهانه
يوسف بشرود..فلاش باااك
اول يوم لندي في الكلية وهي ماسكة الموبيل وفي اليد الاخري نسكافي ولم تري يوسف حتي اصطدمت به والنسكافي وقع بكامله علي ملابسه
يوسف بغيظ:يابنت ال كدا القميص
ندي:مش انت اللي المفروض تفتح وبعدين سوري بس دا في الاول والآخر قميص يعني
يوسف بضيق:مين اللي خبط في التاني وبعدين قميص انتي تعرفي دا برند ايه اصلاً امشي من وشي الوقت عشان لو فضلتي اكتر من كدا مش عارف انا هعمل فيكي ايه
ندي بغيظ وعند من طريقته:ولا تقدر تعمل حاجة اصلاً وانت اوعي كدا من طريقي
يوسف بدهشة:حتت بت زي دي تكلمني انا بالطريقة دي
طب والله لاوريكي استني عليا يا شبر ونص انتي
باااك
تدخل يارا الي الحفل
وهي تبتسم وتري أصدقائها
يارا:هاي يا مصطفي هاي يا كريم
يارا لريم:وحشتيني جدا جدا
ريم وهي تحضن يارا:وانتي كمان وحشتيني اوي
هايدي:ريري وحشتيني اوي
يارا بضحك:وانتي اكتر يا مجنونة
إيهاب
إيهاب ب ابتسامة اخيرا شوفتك تاني يا يارا سنتين
مسافرة لندن ومش بتنزلي مصر خالص
يارا:سوري يا إيهاب وأديك شوفتني اهو
ريم بضحك:بقولكم ايه تعالوا نرقص
مصطفي بهمس:يلا يا قلب مصطفي
أما عن يارا ف كانت جالسة شاردة تفكر ب والدتها
إيهاب:سرحانة في ايه
يارا:ولا حاجة يا إيهاب
إيهاب ب ابتسامة:طب تحبي ترقصي
يارا بعد تفكير وابتسامة باهتة:اوكي
وكانت تضحك رغم حزنها وكانت ترقص وتتحرك بشدة
ولكن رائت شخص ينظر اليها بشدة
ومركز معاها وهو يشرب كاس من الخمر
نظرت له يارا ب استغراب
وهي لم تفهم ما سبب تركيزه معها ب هذة الدرجة
ثم أكملت رقص الرقص مع إيهاب
وبعد وقت قليل عادت الي الڤيلا
في منزل سارة
بدأت سارة ان تستيقظ وبعدها تفاجئت بوجود نور قائلة:مين مهند دا يا سارة
سارة بصدمة:مهند مهند مين يا نور
نور:مش عارفة بس انتي كنتي نايمة وبتقولي مهند
سارة بدهشة:انا لا لا يا نور
تلاقيكي كنتي بتحلمي يا حبيبتي مش اكتر يلا قومي عشان المدرسة
ثم يدخل والدها
صبري:مالك يا سارة بقالك كام يوم مش عجباني
سارة بتردد:لامفيش حاجة يا بابا انت عارف بس الامتحانات وانا متوترة شوية مش اكتر
صبري:متاكدة
سارة ب ابتسامة:طبعا يا بابا متشغلش نفسك بيا بس انا كويسة
ثم يذهب كل منهم لتناول الافطار
تدخل سارة الي غرفتها لترتدي ملابسها الجميلة والتي تليق عليها وبشدة ووضعت ميكب خفيف
وذهبت الي الكلية وبعد وصولها ب 5 دقائق وصل مهند بسيارته وهو يراها بجمالها الشديد
مهند بنظرة إعجاب حقيقية:لايق عليكي جدا
سارة بدون مقدمات وخوف:عايز مني ايه
مهند بحب:انتي الإنسانة الوحيدة اللي مش عايز منها اي حاجة لكن عايزك تطلبي وبعدين لو انا عايز منك حاجة ف انا مش عايز غير اني أعشقك
سارة ب ابتسامة وهي جالسة بجانبه
مهند ب ابتسامة وثقة:حبيبتي
سارة بتعجب:حبيبتي!!من امتا الكلام دا
مهند بضحك وثقة:طول عمري كدا
مهند خليكي معايا انتي بس وانا هوريكي دنيا تانية خالص انا وانتي فيها وبس
ثم قام بتشغيل اغنية مليئة بالحب سالها مهند:بتحبي الأغنية دي
سارة برقة:اها
وبالصدفة كانت اغنية سارة المفضلة ثم تسكت لعدة دقائق
سارة:احنا هنروح فين دلوقت
مهند بضحك:هتعرفي لما نكون هناك
في ڤيلا نبيل القاضي
يارا:خلاص بقي استنيني وانا هجيلك علي النادي علي طول
ريم:اوكي هستناكي يا يارا
أخذت يارا سيارتها وانطلقت بسرعة
أما عن مهند أوقف سيارته أمام كافية شيك جدا وغير مسموح به الا للشخصيات المهمة فقط
سارة بدهشة:الله المكان دا شكله حلو اوي
يمسك مهند يدها..احمر وجه سارة بشدة
مهند:طول ما انتي معايا هتشوفي حاجات جديدة عليكي يا وردتي
وسارة لم تعرف ماذا سيحدث لها معه
يدخل كل منهم الكافية
ويجلس مهند وسارة
وبعدها يطلب مهند من النادل شي ليشربوا ثم يبدأ يتكلم مهند مع سارة بكدب قائلاً:انا حبيتك خلاص ومش شايف فالدنيا دي كلها حد غيرك انتي
أما عن سارة ف هي حقا كانت تحبه وكانت تري في عيونه ما يحاول يخفي
ثم تسأله سارة:مهند انت عمرك ما حبيت حد قبلي
مهند ب احمرار عيونه وحدة:عمري ما حبيت حد
سارة بخوف:امال صوتك اتغير كدا ليه
مهند بضحك مصطنع:لا ولا حاجة
ثم يسألها نفس سؤال
سارة ب ابتسامة:عمري ما حبيت حد قبلك ولا هحب حد بعدك
مهند ب اطمئنان لغروره ونظرة عيونه الحادة:عايزك تقولي كدا علي طول
ولكن قطعها رن هاتفها قائلة:نور
مهند ب استغراب:مين نور
سارة:نور دي اختي بس بجد انا اسفة انا لازم امشي دلوقتي مش هقدر اسيبها لوحدها اكتر من كدا
مهند:زي ما تحبي وهنشوف بعض كتير اوي
يلا عشان أوصلك
سارة بتردد:لا مش لازم انا هروح علي طول
مهند بتغير ملامح وجه قائلاً:انا قولت اي مش قولتلك وانا معاكي هتبقي في حاجات كتيرة عليكي وبعدين بدام قولت هروحك يبقي هروحك ومش عايز كلام كتير تمام
وهو يضع يده علي دقنها وهو يشبها بالطفلة الصغيرة
ولكن وهما في السيارة سألها
مهند:طب ليه والدتك مش قاعدة مع اختك الصغيرة
سارة بحزن وألم:م..ماما متوافية من خمس سنين
وبدأنا تتساقط دموعها ثم شعر مهند بالندم والحزن علي برائتها لأول مرة
مهند:اسف لو فكرتك بحاجة دايقتك
سارة ب ملامح حزينة:لا مفيش حاجة
وعندما وصلوا الي منزلها
بدأ يحن مهند لها ويشعر ببرائتها وابتسم قليلاً ولكن عاد الي وعيه وقلبه المتحجر من جديد ولكن عندما يكون معاها يشعر ب احساس قد ناسية من سنين وهو يقول لنفسه بسخرية:مغفلة دي فكرتني هحبها ولا ايه
ويذهب متجهه الي الڤيلا الخاصة به
أما عن يارا
ف في احد النوادي الكبيرة
كانت يارا تجري في التراك لتخرج اي فكرة سلبية من عقلها ولانها لم تري ريم في النادي
واعتقدت انها ذهبت وعندما كانت تجري كان هناك
شخص اخر يجري ومن شدة جريهما اصطدام كل منهما ببعض
يارا بوجع:اااه يا رجلي
أما عن هذا الشاب قائلاً:مش تفتحي
يارا بغيظ:انا برده اللي افتح مش كفاية اللي عملته في رجلي
الشاب:انا اسف بس مكنش قصدي
يارا بغيظ:خلاص ابعد بقي عني الوقت
ثم تأتي ريم اليها
ريم بقلق:مالك يا يارا انتي كويسة
يارا بوجع:اااه انتي شايفة ايه وتتساند عليها حتي تصل الي اي كرسي
الشاب:للمرة التانية اسف محتاجة مني اي حاجة
او لو تحبي أوصلك لاي مستشفي
يارا:لا شكرا انا هتصرف
وذهبت هي وريم الي اقرب مشفي
لانها لم تقدر علي تحمل هذا الوجع أما هو ف ظل في مكانه ويراها وهو يبتسم
وتلك الشاب يتميز بعيون بنية ساحرة وجاذبيته ووسمته الشديدة وقوة عضلاته
ولكن من هو هذا الشاب؟؟؟؟