(Alyanna POV)
One week na ang nakakalipas noong sinimulan namin ang pag-aaral ko. Isa sa mga guro ko ay si Geminus. Nagsimula kami sa history ng White Light Clan at sa linggong ito naman, tungkol na sa mga traditional ceremonies ang pag-aaralan namin.
Medyo napaaga ang pagdating ko ngayon sa klase ngunit pagpasok ko sa silid, naabutan ko si Geminus na parang may ginagawang kakaibang magic. May itim na usok na namumuo sa kanyang palad. Parang may kinakausap siya pero hindi ko sigurado.
Hindi pa sana niya mapapansin ang pagdating ko kung hindi ko lang nasagi 'yung side table at kamuntikan ko nang mabasag ang vase. Laking gulat ni Geminus nang lingunin niya ako at sa isang iglap ay naglaho ang usok sa kamay niya.
"Magandang umaga, mahal na Prinsesa. Napaaga yata ang pagdating mo sa klase natin ngayon?" Medyo nanginginig ang boses niya at parang kinakabahan, pero pilit pa rin siyang nagkukunwari na parang walang nangyari.
"Excited lang po ako sa pag-aaralan natin ngayon." Yun na lang ang sinabi ko. Hindi na ako nag-usisa pa dahil takot ko lang na masungitan niya ako!
Nagsimula na kami sa lesson namin na tungkol sa traditional ceremonies ng Lux. May mga pinag-aralan kaming iba't ibang seasonal rituals, new moon and full moon ceremonies, puberty rites, eldering, handfasting at marriage rituals or couple binding rituals. Sa lahat ng iyon, sa pinakahuli ako interesado.
Ayon raw sa tradisyon, at the age of forty ikinakasal ang isang Auserwalt Prince. Pero maiiba ang tradisyon na iyon pagdating sa akin dahil ako raw ang kauna-unahang babaeng tagapagmana. At the age of twenty-four, maari na akong magpakasal! Not bad! Wala rin naman akong balak mag-asawa ng maaga.
Kung may isang naging problema lang ako, ang proper Luxurian marriage ay dapat sa pagitan lamang ng isang lalaki at babae na parehong may dugong Lux. Ibig sabihin, Auserwalt, Aersseys, Terrashaw, Glaciever at Flemwall lang ang kabilang doon.
Paano kung wala sa White Light Clan ang gusto kong pakasalan? Parang kumplikado pala pero hindi ko na muna siguro poproblemahin ang tungkol sa bagay na 'yun. Matagal pa naman bago mangyari 'yun.
* * *
Matapos ang klase ko kay Geminus, malaya na uli akong makakapagliwaliw. May mga nakasunod na kawal sa akin at hinahanap ko na si Kerria. Kaso ang nasalubong ko ay walang iba kundi si Brylle.
"Your Highness..." Nag-bow siya sa harap ko at saka inutusan ang mga tagabantay ko. "I'll look after the Princess. Pwede na kayong umalis."
Sinunod naman siya agad ng mga kawal. Ang utos kasi ng Hari, saka lang ako pababantayan sa mga castle guards kapag mag-isa ako o walang kasama na hindi ko pa ganun kakilala.
"Kamusta ang klase mo, Yana?" Wow! Nawala na yung Princess! Yana na lang uli!
Inirapan ko na lang siya at nagpatuloy sa paglalakad. Inis pa rin ako sa kanya dahil ayaw niyang ikwento kung paano sila naging close ni Kerria! At itong si Kerria, ayaw na ring magsalita dahil nangako na siya kay Brylle. Hindi sa nagseselos ako dahil ang bait-bait kaya ni Kerria! Si Brylle lang ang problema!
"So wala ka pa ring balak na kausapin ako? Naging Prinsesa ka lang, natitiis mo na ako." Humawak siya sa aking balikat ko at inikot ako para magkaharap kami. "Mag-usap nga tayo!"
"Ayokong makipag-usap sayo."
"Ayan, kinakausap mo na ako."
"Nakakainis ka! Bakit ba ayaw mo kasing ikwento sa akin ang tungkol sa inyo ni Kerria?"
"Eh bakit gusto mong malaman?"
"Gusto ko lang malaman! Pasabi-sabi ka noon na aksaya lang sa oras na makipagkaibigan tapos 'yun pala may kaibigan ka."
"Lilinawin ko, I don't make friends with mortals and mortals only. At hindi mortal si Kerria, kaya kaibigan ko siya." Napa-isip ako—may point siya roon! "Nawi-weirduhan na talaga ako sa ikinikilos mo, Yana. Nagseselos ka talaga eh!"
"Hindi ako nagseselos! Asa ka naman!"
Napataas siya ng kilay. Parang may iniisip siya na hindi ko magugustuhan. "Hindi naman na mahalaga kung paano kami naging magkaibigan ni Kerria. Pero kung gusto mo talagang malaman, bigyan mo ako ng isang rason kung bakit. Example, you're jealous that's why you need an explanation."
"I'm not jealous!"
"Then you don't need an explanation."
Tiningnan ko siya ng masama pero nakuha pa niyang tumitig sa akin pabalik. Tapos napunta kami sa isang staring contest pero nung nauna akong kumurap, tinawanan niya ako.
Dahil asar-talo ako, "Hindi ako nagseselos! Bahala ka na nga dyan!"
"You're so stubborn." Narinig kong napabuntong hininga si Brylle. "And you're also lying."
"Hindi ako nagsisinungaling."
"Prove it! Amin na 'yang Lux Amulet at nang malaman ko ang totoo mong feelings!" Nagulat naman ako sa gusto niyang gawin. Gusto pang gamitin ang pagiging Empath niya! "Oh ano? Kinabahan ka? Nagseselos ka nga. Aminin mo na lang."
"Ah ganun!" Hinubad ko ang amulet at inabot ito sa kanya. At sa isip ko, hindi ako nagseselos, hindi ako nagseselos, hindi ako nagseselos! "Oh sige, basahin mo na ang nararamdam ko!"
Inalam na nga ni Brylle ang emosyon ko at unti-unti ko nang nakikita ang pang-asar niyang ngiti kung hindi lang biglang may nanggulo sa amin.
"What are you doing?" Biglang sumulpot sa eksena si Prince Rouel. "Princess Alyanna, hindi niyo po dapat ipinagkakatiwala sa kung sinu-sino lang ang sacred amulet mo."
"Mawalang-galang na Prince Rouel," madiin namang sabi ni Brylle. "Hindi ako kung sinu-sino lang sa buhay ni Yana—"
"Princess Alyanna." Prince Rouel corrected him. "You don't really seem to know your place here, do you? Sinasadya mo bang kalimutan na magbigay-respeto sa Prinsesa ng Lux?"
"Prince Rouel, tama naman si Brylle. Hindi lang siya basta kung sino sa buhay ko. Siya ang tumulong sa akin at kaibigan ko siya."
"I don't question your friendship, Your Highness. But he should never forget that you are our Princess and that he is just your servant."
"Yeah, and so are you." Hindi na nakapagpigil pa si Brylle.
"I am a higher than you." Parang nagalit naman si Prince Rouel.
"But you know, I'm stronger than you." Pero mukhang sinusubukan talaga siya ng Wizard.
"Tama na!" Natahimik silang dalawa. Kami dapat ni Brylle ang magkaaway pero sila na ang nagbabangayan.
Mabuti na lang, dumating na si Kerria. "Prinsesa Yana..." Nagulat siya nang madatnan kaming tatlo na may mga ubod ng seryosong pagmumukha. "May problema po ba?"
"Wala naman." Kumapit ako sa braso ni Kerria. "Samahan mo na lang akong mamasyal." Mukhang nakaramdam naman si Kerria kaya agad niya akong sinunod at iniwan na lang namin sina Brylle at Prince Rouel.
* * *
Si Lolo Lorcan ang guro ko sa pang-hapong klase. Mas favorite ko ito dahil magic naman ang pinag-aaralan namin dito.
"A Wizard needs the right spell to perform the right magic." Wizard. Si Brylle ay isang wizard. At mas malakas daw siya kay Prince Rouel kahit may dugong Lux ito. "Princess Yana?"
"Po? Tuloy niyo lang po ang itinuturo niyo." Nahiya naman ako kay Lolo Lorcan dahil hindi ako makapag-concentrate sa klase. Naiisip ko kasi yung away kanina nung wizard at prince.
Mabuti na lang, hindi kasing sungit ni Lolo Lorcan si Geminus. Nagpatuloy kami sa lecture. "But for you, as a direct heiress of Lux, your words are magical enough. It is stronger than any other spells that we know."
"Lolo, kailan niyo po ako tuturuan na mag-cast ng spell?"
Tinawanan naman ako ni Lolo. "Hindi ka pa handa, mahal na Prinsesa. Kumbaga sa Level of Wizardry, Class D ka pa lamang. Hindi 'yun ang pinakamababa, ngunit hindi pa rin pasado for performing any spell."
"Ano po ba ang pinakamababa? At kailan aangat ang level ko?"
"Sa Wizardry, Class E ang pinakamababa. Mga wala pang kahit na anong nalalaman sa magic. Dahil sa natural ability mo kaya pwedeng Class D ka na, ngunit kailangan mo munang matutunanan na ilabas at gamitin ang sarili mong kapangyarihan para umangat sa Class C. Sa pagkakataon lang na 'yun saka ka makakagamit ng mga minor spells."
"Eh si Brylle po, diba Class B+ siya? Mataas po ba 'yun?"
"Yes. Alam mo ba na sa edad niya, dapat ay nasa Class C or C+ pa lamang siya. But Brylle is a gifted Wizard. Namana niya ang galing ng kanyang ama. Siguro nga kung nag-aral pa siya sa loob mismo ng Flemwall Wizardry Camp, hindi lang Class B+ and ranking niya ngayon."
"Ay naku, Lolo! Gumaling si Brylle dahil ikaw ang naging Master niya."
"Masyado ka ring bolera, mahal na Prinsesa." At sabay kaming natawa.
Ngunit sa gitna ng masayang klase namin, ipinatawag bigla si Lolo Lorcan ng mga elders. Dahil dito, kinailangan niyang umalis sandali pero hindi ako naiwang mag-isa sa loob ng silid dahil pinapasok ko si Kerria na kasama sina Vander at Lavender.
"Kamusta, kamusta, kamusta ang klase, Prinsesa Yana?" Ang bati ni Lala.
"Masayang, masayang, masaya ka ba, Yana?" sabi naman ni Vander.
"Prinsesa Yana! Dapat tawagin mo siyang Prinsesa! Makulit ka rin, Vander!"
"Masayang magturo si Lolo. Hinihintay ko na nga lang na mag-spell casting kami kaso bawal pa raw." Napansin ko naman na may nakatayo pa dun sa labas kasi half open 'yung pinto. "Sino nga pala 'yung nandun pa sa labas?"
"Yung Snow Vetter po."
"Si Clerion?" Oo nga pala, hindi na siya nakakulong pero limitado pa rin ang kilos niya. Kung hindi siya nakasunod kay Prince Rouel, nakapirmi lang siya sa isang tabi at binabantayan ng mga kawal.
"Kanina po kasi, napadaan si Prince Rouel. Hihintayin niya rin sigurong matapos ang klase niyo kaso kasama siyang ipinatawag kanina kaya naman si Clerion na lang ang inutusan niyang magbantay rito."
"Ganun ba? Eh si Brylle? Hindi ba siya dumaan kanina?"
Nagtinginan sa akin yung tatlo. At sabay-sabay silang nagsabi ng, "Ayiiiiiiehh!"
"Tumigil nga kayo! Ayiieh kayo dyan!" Tumayo ako at hindi ko na lang sila pinansin. Lumapit ako sa may pintuan at inaya kong pumasok si Clerion para samahan kami. Nakakaawa naman kung maghihintay lang siya sa labas. Hindi naman siya nakatanggi sa akin. Pero nung pagpasok ni Clerion, yung tatlo naman 'yung natahimik.
"Para hindi boring, turuan niyo na lang ako ng mga common spells na alam niyo?"
"Hindi po ba't bawal pa kayong mag-cast ng spell?"
Nginitian ko lang si Kerria, yung pinaka-inosente para hindi halata na may naughty plan ako. "Hindi naman talaga spellcasting, Kerria. Curious lang kasi ako. At 'yung pinaka-simple lang naman tulad ng magpatubo ng halaman o kaya magpalipad ng bagay."
Mukhang mahirap utuin ang mga kasama ko pero hindi pa rin ako susuko. "Oh sige, kahit hindi na lang spell. Kahit simpleng words na lang ang ituro niyo sa akin?"
"Eh diba nakakaintindi ka ng iba't ibang lenggwahe rito sa Otherworld?" tanong ni Vander.
"Oo... pero kapag nakikinig lang sa nagsasalita. Kung ako na mismo, naba-blanko ako." At nag-try pa rin akong magpa-cute kahit alam kong wala ito sa kalingkingan ng cuteness ni Lala. "Paano sabihin kapag um—palaka!"
"Fronsch," sagot ni Lala.
Natuwa ako sa term kaya ginaya ko ito habang ini-imagine kong nagka-cast ako ng spell. "Fronsch!"
*puuurfshhh!*
Nagulat kami pareho sa kakaibang tunog na narinig namin. Paglingon namin, pare-pareho kaming napasigaw sa nakita namin.
May nagkalat na damit sa sahig. Tapos may lumuksong puting palaka na may kulay silver na mga mata at bloody red lips. Kamukha ni...
"Clerion? Si Clerion ba 'yan?! Bakit naging palaka siya?"
Mukhang tama nga si Lolo Lorcan. My words are magical enough. Simpleng pagbanggit ko lang ng isang salita, dinaig pa nito ang totoong spell. Pero mas tama siya tungkol sa isang bagay, hindi pa ako ready for spellcasting!
Nag-panic na kami lalo na ako, "Sorry Clerion, hindi ko sinasadya! Ibabalik kita sa dati! Kumokak ka kung naiintindihan mo ako!"
At kumokak nga si Clerion!
Dahil sa ingay namin, nagsipasukan na rin ang mga kawal na nagbabantay sa labas. Pero wala na kaming time para magpaliwanag. Itinuro agad sa akin nina Vander kung ano ang possibleng salita na makakapag-reverse sa nangyari kay Clerion.
Pero dahil kabado ako, mali-mali ang pronunciation ko. And thus, iba-ibang effect ang nangyari. At hindi na lang si Clerion ang nabiktima ko. Sunud-sunod 'yung *puuurfshh!* saan mang sulok ng kwarto. Kung anu-anong nilalang at bagay na ang nakikita ko!
"Ano ba? Mieze! Hindi? Mieck! Mi—Eckht! Hala!" Napatakip 'na lang ako sa bibig ko!
Si Vander, naging sinturon! Si Lala naging bonsai! Si Kerria naging parang blob! At yung iba— ewan ko na! Basta kung anu-ano na lang!
Ako na lang ang last man standing habang pinalilibutan ako ng mga biktima ng katangahan ko.
Sinabunutan at pinagalitan ko na ang aking sarili, "Ano ba naman kasi! Ang pasaway ko! Dinaig ko pa ang utak ng isang sanggol! Lagot na! Lagot na talaga!"
Habang paulit-ulit kong sinisisi ang sarili ko, parang kusa na ring nag-translate ang utak ko at diretso akong nakapagsalita ng isang Otherworlder phrase. "Iustus amo infantia!"
*puuurfshh!*
* * *
(Brylle POV)
Bukod kay Master Lorcan at Prince Rouel, kasama rin akong ipinatawag ng mga elders. Nagkaroon lang ng sandaling pagpupulong tungkol sa pagsasanay ng Prinsesa. Pagkatapos nun ay pinabalik na rin agad si Master Lorcan sa klase nila ni Yana.
Dahil wala na rin akong gagawin, naisipan kong sumama kay Master. Ang nakakayamot lang, sumunod rin ang Prinsipe ng Glaciever. Minabuti ko na lang na wag siyang pansinin para hindi masayang ang oras ko.
Pero sa susunod na maliitin pa niya ako, hindi na ako magdadalawang-isip na patulan siya. Di hamak naman kasi na mas malakas ako sa kanya. Nagkataon lang na isa siyang Glaciever at may dugong Lux.
Paglapit namin sa silid kung nasaan si Yana, "Nasaan na ang mga kawal na nagbabantay rito sa labas?"
"Pinaiwan ko rin si Clerion dito." Teka, nauna pa sina Rouel at ang oracle niya rito? Lintek, inunahan pa ako!
Nakarinig kami ng mga kakaibang ingay mula sa silid kaya nagmadali kaming pumasok sa loob. Laking gulat lang namin na maabutan ang mga nagkalat na mga gamit at nilalang. Mahihinang boses pala ng mga tao ang aming naririnig.
Isang puting palaka naman ang lumukso palapit kay Prince Rouel. Nandiri pa nga ang maarteng prinsipe pero nang matitigan niyang maigi 'yun, "Clerion? Ikaw ba 'yan? Anong nangyari sayo?"
May nakita rin akong sinturon dun sa lamesa. Nang lapitan ko ito, nakilala ko siya agad. "Vander? Bakit naging sinturon ka?" Hindi ko alam kung maawa o matatawa ako.
Walang halong duda! 'Yung mga taong nandito kanina, nag-transform sila into these things and creatures. The question is who did this to them?
"Madali kayo Prince Rouel at batang Zaffiro. Nawawala pa ang Prinsesa, hanapin niyo siya!"
Hinalughog namin ang buong silid at maingat na walang maapakan na kahit ano dahil baka isa si Yana sa mga 'yun. Nang mapunta ako sa isang sulok, doon ko nakita ang suot na damit ni Yana kanina. "Master Lorcan, dito po!" Agad naman silang nagsilapitan sa akin.
May narinig kaming mahinang ungol ngunit natatakpan ito ng damit. Dahan-dahan ko itong iniangat para alamin kung anong klaseng nilalang ba 'yun.
"Tadah boo!" bungad niya sa amin, saka siya tumawa.
"That's—" Hindi ko naman ma-explain ang reaksyon ni Prince Rouel pero isa lang ang masasabi ko, mas magandang lalaki ako kahit nakakunot ang noo ko. "That's probably her."
Napasapo naman ng noo niya si Master Lorcan. "Kailangang malaman ito ng Hari at Reyna."
Ako naman ang bumuhat sa kanya. "Good thing she's still wearing the Lux Amulet." Tiningnan nila ako pareho dahil parang ako lang yata ang natatawa sa sitwasyon ngayon.
Well, Yana just turned into a baby. A very cute baby. Nagtathumb-suck pa siya habang inosenteng nakatingin sa amin. At hindi na ako nagtataka kung sino ang may kagagawan ng lahat ng ito.