Cas ပြန်ရောက်လာပြီးတဲ့နောက်နေ့မှာပဲ Arthit နဲ့ Kongpop ဟာ အိမ်က လူကြီးတွေရှေ့မှာပဲ လက်မှတ်ထိုးဖြစ်ကြတယ်။
Mr.Kerkalai Sutthiluck နဲ့ အတွင်းရေးမှူးကတော့ လက်မှတ်ထိုးပြီးတာနဲ့ ချက်ချင်းပဲ သတင်းထောက်တွေဆီ ဖုန်းဆက်ကာ
" မနက်ဖြန် xxx center မှာ ကျွန်တော် အားလုံးကို အသိပေးစရာရှိတဲ့အတွက်
တလေးတစားနဲ့ ဖိတ်ပါတယ်နော် ××× "
Mr.Krekalai က သတင်းစာ ရှင်းလင်းပွဲလုပ်ချင်ကြောင်း ပြောနေတာကို တစွန်းတစကြားနေရလို့ လက်မှတ်ထိုးပြီးတာနဲ့ပဲ ဒီဘက်အိမ်ရှိရာသို့ ချက်ချင်း ပြန်ကူးချင်နေမိပေမယ့် ထပြန်လိုက်ရင် မကောင်းလို့ ဆက်ထိုင်နေလိုက်တာက Arthit.. ။
Cas နဲ့ ခြံထဲမှာ ဆော့နေတဲ့ Kongpop က မှန်တွေ ကာထားပေမယ့် အထဲကို ဖောက်ထွင်းမြင်နေရတဲ့ ဧည့်ခန်းထဲကို လှမ်းလှမ်းကြည့်ရင်း လာလာပြုံးပြနေတာကလည်း အကုသိုလ်: /
" ဒီရက်ပိုင်း N'Arthit ကို မနှောင့်ယှက်အောင် P'Jeer က စောင့်ကြည့်ပေးထားတာ "
P'Jeer က ထိုင်ခုံမှာ တင်ထားတဲ့ Arthit ရဲ့လက်ကို လှမ်းဆုတ်ကိုင်လာရင်း
" P'Earth ပြန်သွားလို့ အားကိုးစရာမရှိတော့ဘူးဆိုပြီး N'Arthit အားမငယ်နဲ့နော်။ P'Jeer ကို လာတိုင်ပင်လို့ရတယ် သိလား ? မောင်လေးရဲ့အပြစ်တွေကြောင့် တို့တွေဘက်က
တတ်နိုင်သလောက် ပြန်ပေးဆပ်ချင်ပါတယ် "
အင်း ... ခုနကပဲ P'Earth က Rome ကို အစစအရာရာ ပြန်ကူပေးပြီး သက်သာ
လာတာနဲ့ ခေါ်လာခဲ့ပေးမယ်လို့ပြောကာ PhiChit ကို ပြန်သွားလေရဲ့။
ဒီအိမ်ထဲမှာ ရင်းနှီးရတဲ့ တစ်ဦးတည်းသော
လူသားမရှိတော့တဲ့အချိန်မှာ အားငယ်စိတ်ဝင်မိတာတော့ အမှန်..
" ကျေးဇူးတင်ပါတယ် P'Jeer "
" မနက်ဖြန် သတင်းစာရှင်းလင်းပွဲလုပ်ရင် Arthit က ဘယ်လိုနေပေးရမလဲဆိုတာ
အန်တီတို့ ရှင်းပြစရာမလိုဘူးမလား ? "
Kongpop ရဲ့ အမေ Khun Pan က ရှေ့မှာ
ဝင်ထိုင်ရင်း မေးလာတော့ ခေါင်းခါပြလိုက်ရင်း
" ကျွန်တော် သားနဲ့အတူ Kongpop ရဲ့ဘေးမှာ ရပ်နေပေးမှာပါ စိတ်မပူပါနဲ့ အန်တီ "
" ဒါနဲ့တင် ဘယ်ပြီးမလဲ ? မေးလာတဲ့ မေးခွန်းတွေကို Arthit က အတတ်နိုင်ဆုံး ကြည့်ကောင်းအောင် ဖြေပေးပါ။ သား နဲ့ မင်းတို့ မကြည်ဖြူကြပါဘဲနဲ့ ကလေးရ ခုလိုလက်ထပ်ပြီး တစ်အိမ်ထဲ နေနေရတာမျိုး အပြင်ကို ပေးမသိစေချင်ဘူး "
" Mae ~ ဘယ်သူက အဲ့လိုမျိုး ထုတ်ပြောမှာလဲ ? Arthit ကို ဝန်တွေ ထပ်မပေးပါနဲ့။ သူက Mae သားထက်တောင် အသက်ကြီးပြီး ပိုတွေးတတ်သေးတယ် "
ထုံးစံအတိုင်း Jeer က Arthit ဘက်က ဝင်ပြောတော့ Khun Pan က မျက်စောင်းထိုးကာ သက်ပြင်းချလိုက်ပြီး ခြံပြင်မှာ ရယ်မောဆော့နေကြတဲ့ နှစ်ယောက်ဘက်ကို မေးငေါ့ပြလာတယ်။
" ဒီလိုအချိန်မှာ ကိုယ် မမှန်းထားခဲ့ဖူးတဲ့အရာတွေဖြစ်လာလို့ လက်ခံဖို့ ခက်နေသေးတယ် "
" ကျွန်တော် နားလည်ပါတယ် အန်တီ ..သွားခွင့်ပြုပါဦး "
ဆက်နေနေရင် ကိုယ့်ကိုပဲ အပြစ်တင်လာမယ့်စကားတွေ ထွက်လာမှာ သိနေတာကြောင့် Arthit ထထွက်လာခဲ့တယ်။
ကိုယ်လည်း မတရားခံခဲ့ရတဲ့သူပါပဲ ..
ဘာအမှားမှ မလုပ်မိပါဘဲနဲ့ ကိုယ့်ကို ဘာလို့အပြစ်မြင်နေတာလဲ စဉ်းစားမရ။ ကလေးမွေးနိုင်တာကပဲ အပြစ်ဖြစ်နေတာလား ?
" Papa ~ ! "
ခြံထဲဆင်းသွားတာနဲ့ Cas က အော်ဟစ်ရင်းပြေးလာပြီးခြေထောက်တစ်ဖက်ကို လာဖက်တယ်။ စိတ်တိုနေမိတာတောင် Cas မျက်နှာ မြင်တော့ မနည်းစိတ်ထိန်းပီး
" ငါ .. အင်း ...Papa ဟိုဘက်အိမ်ပြန်တော့မယ်နော်။Cas ဒီမှာဖိုးဖိုးတို့နဲ့အိပ်မှာမလား ? "
" Papa နဲ့တူတူအိပ်မှာ "
" ဒီနေ့ Daddy နဲ့လာအိပ်ပါကွာ "
ကလေးကိုကောက်ချီရင်း ပြောလိုက်တဲ့ Kongpop ကြောင့် Arthit က တစ်ဖက်ကိုမျက်နှာလွှဲနေလိုက်တယ်။ Cas ကတော့ Kongpop ရဲ့မျက်နှာက ပါးသိုင်းမွှေးရေးရေးကို လက်နဲ့ပွတ်ကာ တခစ်ခစ်ရယ်ရင်း ခေါင်းလေးပါ ခါပြနေတော့
" Cas က Papa တို့ ဖိုးဖိုးတို့နဲ့ကျတော့အိပ်ပြီး Daddy နဲ့ကျ တစ်ခါမှ တူတူမအိပ်ဘူး "
" Papa နဲ့က ခုမှအိပ်ရတာ.. အရင်က Romiie နဲ့ပဲ အိပ်ရတာ..နော် Papa ? "
Cas က ကလေးစိတ်နဲ့ ဒီအတိုင်းပြောလိုက်ပေမယ့် Kongpop မျက်နှာက သူ့သားကို ဂရုမစိုက်ရကောင်းလားဆိုတဲ့ မျက်နှာမျိုး လုပ်ပြလာတာကြောင့် Arthit က လှည့်ထွက်ဖို့လုပ်တော့
" သားကို ခေါ်သွားဦး .. သားလိုချင်တဲ့ဂရုစိုက်မှုကို အခုကစပြီးပေးဖို့ P' ပြင်ဆင်သင့်ပြီ "
" မင်း ေ_ာက်ပူမပါဘူး "
ဒီလို ရန်စကား မပြောချင်ခဲ့။ အိမ်အတွင်းထဲက ပေးလိုက်တဲ့ Stress က အိမ်ပြင်ထိအောင်ခံရခက်နေတော့ တွေ့ရာလူကို မဲမိလိုက်ခြင်းသာ ။
ပြောပြီးတာနဲ့ပဲ ကလေးကိုလှမ်းယူပြီး ဒီဖက်အိမ်ဘက်ကို ခပ်သွက်သွက် လျှောက်လာလိုက်တော့ လက်ထဲက Cas က
" Papa .. မင်း ေ_ာက်ပူမပါဘူးဆိုတာ
ဘာပြောတာလဲဟင် ? "
ပါးစပ်အဟောင်းသားနဲ့ကျန်ခဲ့တဲ့ Kongpop ကို နောက်မှာထားကာ လျှောက်လာပေမယ့်
သားက ခုလိုမေးလာတောင် ဘာဖြေရမှန်းမသိ။
ဟုတ်သားပဲ .. ခုချိန်ဆို စကားလုံးအသစ်တွေကို လိုက်မှတ်တဲ့အရွယ်ဖြစ်နေပြီမလား ?
မဆင်မခြင် ပြောလိုက်မိတဲ့ စကားမှန်သမျှကို ထပ်ခါတလဲလဲ လိုက်သုံးနေတဲ့ Cas ကြောင့် Kongpop လည်း ခံထားရပြီးပြီ။
တစ်ခါပြောထားလည်း မှတ်မိနေတဲ့ Cas က
လူတွေအားလုံးရှေ့မှာ အခုစကားကို သုံးလာခဲ့ရင် ဘယ်လိုမှ ကြားလို့မကောင်း..
" ဒါ လူကြီးတွေအချင်းချင်းပြောတဲ့ လှို့ဝှက်စကားလို့ ခေါ်တယ်။ အဲ့ဒါကို Cas က လိုက်ပြောရင် Papa က Cas ကတော့ လူကြီးဖြစ်သွားပြီဆိုပြီး မချစ်တော့ဘဲ နေလိုက်မှာ "
" Cas လိုက်မပြောဘူးလေနော် ကတိနော် ..နော် Papa "
ဒီဖက်အိမ်ပြန်ရောက်တာနဲ့ အိပ်ချိန်လည်း
နီးနေတာမို့ Cas ကို ရေချိုးပေးဖို့ ပြင်ဆင်ရတော့တာပဲ။ တစ်ခါမှ ကလေးကို ရေမချိုးပေးခဲ့ဖူးတဲ့ ကိုယ့်အတွက်က Rome လိုလည်း
မကျွမ်းကျင် .. နှစ်ယောက်သား တူတူချိုးလိုက်ဖို့ကိုတော့လည်း မစဉ်းစားမိ ။
ဒါပေမယ့် Cas က လူလည် .. ရေပန်းအောက်ထဲ ပို့ပေးလိုက်တာနဲ့ သူ့ကိုပါ တခါတည်း တွယ်ဖက်ထားတာမို့တကိုယ်လုံး စိုသွားရတဲ့အဖြစ် :) ဒါ့ကြောင့် Bathtub ထဲမှာ သားအဖ
နှစ်ယောက်ထိုင်ရင်းနဲ့ ရေချိုးဖြစ်ကြတယ် ။
Cas နောက်က ဝင်ထိုင်ရင်း ကျောကုန်းကို အဝတ်နဲ့ ပွတ်ပေးဖြစ်တော့ ခေါင်းလျှော်ရည်ဘူးကို ကိုင်ကာ ဆော့နေတဲ့ Cas က နောက်မှာထိုင်နေတဲ့ Arthit ရဲ့ရင်ဘတ်ပေါ်ကို ကျောမှီလာတယ်။
" Papa ? Cas ကို ချစ်လားဟင် ? "
" .. "
" Cas ကို ချစ်လာပြီမလားဟင် ? "
" ... ချစ် .. ချစ်တာပေါ့ "
" တကယ်လား ? Romiie က ပြောတယ် ..
Papa က ချစ်လို့မွေးပေးထားတာပေါ့တဲ့ .. နောက်ဆို ပိုတောင်ချစ်လာလိမ့်တယ်တဲ့
ဟုတ်လား ? "
ဘာအတွေးမှမရှိဘဲ ခေါင်းလျှော်ရည်ဘူး
အဖုံးလေးကို ဖွင့်လိုက်ပိတ်လိုက် ဆော့နေရင်း မေးလာတဲ့ သားနောက်ကျောကို ကြည့်ကာ မျက်ရည်ဝေ့တက်လာမိတယ် ။
ကလေးကို အချိန်ပိုပေးမှ ဖြစ်တော့မယ်ထင်တယ် ...
" အင်း ... အရမ်းချစ်ပေးရတော့မှာပေါ့ "
ရယ်ရင်းနဲ့ Cas ရဲ့ခါးပေါ်ကို သူ့လက်ချောင်းတွေ ပြေးကစားမိတော့ သားက တခိခိရယ်ရင်း ရေထဲကနေ ထပြေးတယ်။ ရေချိုးပြီးတာနဲ့ Arthit သဘက်ပတ်နေတုန်း Cas က အပျော်လွန်ပြီး ရေချိုးခန်းထဲက ပြေးထွက်သွားတာမို့
" Cas ! ပြန်လာခဲ့ ရေသုတ်ပြီး အင်္ကျီဝတ်ရဦးမယ် "
" Daddy ! "
" ဟင် .. မင်း ဒီဘက်အိမ်ကို ဘာလာလုပ်တာလဲ ? "
" သားနဲ့ P' အတွက် နွားနို့ပူပူလေး လာပို့ပေးတာ။ အန်တီကြီးက လာပို့ပေးမှာကို ကျနော်အပင်ပန်းခံပြီး ယူလာပေးတာနော် "
နွားနို့နှစ်ခွက်တင်လာတဲ့ဗန်းကို ကိုင်ထားတဲ့ Kongpop ကို ပတ်ချာလည်ရင်း ပြေးနေတာက Cas ..
" ထားပြီး ပြန်တော့ .. "
ကလေးကို ရေသုတ်ပေးရင်း အင်္ကျီလဲပေးနေ
တဲ့အထိ Kongpop ဟာ အခန်းထဲက မထွက်သွား။ မျက်မှောင်ကြုတ်ကာ ကြည့်ပေးလိုက်တော့မှ
" ကျွန်တော် P' ဆီ ပေးစရာလာပေးရင်းနဲ့
စကားပြောချင်လို့လာခဲ့တာ .. အချိန်နည်းနည်းပေးမှပေါ့ "
" ပေးစရာရှိတာထားခဲ့.. ငါ မင်းနဲ့စကားပြောချင်စိတ်မရှိဘူး "
Cas က အဝတ်လဲပြီးတာနဲ့ ဘယ်ပျောက်သွား
မှန်းမသိ ..။ အခန်းထဲမှာ နှစ်ယောက်တည်းရှိရင် ဖြစ်လာတဲ့ကြောက်စိတ်က ပြန်ဝင်လာတာမို့ ဟန်မပျက် အဝတ်ဗီဒိုထဲကနေ လဲဝတ်ဖို့ အဝတ်အစားတွေ ထုတ်နေလိုက်တယ်။
အမြန်အခန်းထဲက ထွက်ပါတော့ !!
ခုနကတော့ သတိမထားမိပေမယ့် သဘက်တစ်ထည်တည်းနဲ့ Kongpop ရှေ့မှာ ရပ်မနေသင့်တဲ့ အတွေးကပါ ဝင်လာတယ်။
" ဘာကို ခုထိ မကျေမနပ်ဖြစ်နေသေးတာလဲ ? "
နောက်မှာလာရပ်တဲ့ Kongpop ရဲ့စကားသံ
တိုးတိုးနဲ့အတူ နားရွက်တစ်ခုလုံး ခပ်ဖွဖွ
အကိုက်ခံလိုက်ရတာကြောင့် စိတ်တိုတိုနဲ့ Kongpop ကို ထိုးဖို့ လက်ရွယ်လိုက်မိရင်း
" မင်းမရှက်ဘူးလား ? သား မြင်သွားရင် ဘယ်လိုလုပ်မလဲ ? ငါ လက်မှတ်ထိုးပေးထားတာက မင်း ဒီလိုလုပ်တာ ခံဖို့မဟုတ်ဘူး Kongpop ! မင်း အရင်က လုပ်ခဲ့တာရော အခုလုပ်နေတာတွေက ငါ့ဆန္ဒမပါရင် မုဒိန်းမှု မြောက်နေတယ်ဆိုတာ မင်းသတိထားမိရဲ့လား? !"
မတော်တဆ ကလေးကြားသွားမှာဆိုးလို့ အသံတိုးတိုးနဲ့ ကြိတ်ပြောနေတဲ့ Arthit ကို အားနာတဲ့ပုံလည်း မပေါ်။ Kongpop က မေးငေါ့ပြရင်း
" ထိုးလေ မကျေနပ်ရင် ထိုးလိုက်ပေါ့ "
" မင်း .. မင်း .. ငါကျေနပ်တဲ့အထိ တောင်းပန်ရမယ်ဆိုတဲ့ အတွေးမရှိဘူးလား ? "
" ဟင့်အင်း .. မရှိဘူး .. ကျွန်တော် အခု တွေးနေတာက တစ်ခုတည်းရှိတယ်။ ဒီလိုမျိုး ဆတ်ဆတ်ထိမခံ ပြန်ပြောနေလေ ပိုသဘောကျမိလေ ဆိုတာ "
" ဘာပြောတယ် ! ထွက်သွား ... ငါ့အခန်းထဲထိ ငါ့ကို လာစော်ကားနေတာလား ? "
ထွက်သွားရမယ့်အစား လက်တစ်ဖက်ကနေ ဆွဲသွားတာကို ခံလိုက်ရရင်း ရေချိုးခန်းထဲကိုတွန်းပို့ခံလိုက်ရတာမို့ အန္တရာယ်ကို သိနေတဲ့အလား Kongpop ရဲ့ ရင်ဘတ်တွေကို ဆောင့်တွန်းကာ ပါးကို ရိုက်မိလိုက်တယ် ။
အကယ်၍ လက်သီးသာ သုံးမိရင် မနက်ဖြန် သတင်းစာရှင်းလင်းပွဲမသွားခင် ယောက္ခမတွေဆီမှာ အရင် ရှင်းလင်းပွဲ လုပ်နေရတော့မှာလေ။
ပါးရိုက်ခံရတာတောင် ခနဲ့တဲ့တဲ့ ရယ်နေတဲ့ Kongpop က Arthit ရဲ့ လက်တွေကို ချုပ်ကာ ရေချိုးခန်းတံခါးကို ပိတ်လိုက်ရင်း လော့ခ်ပါချလိုက်တာမို့
" မင်း ငါ့ကို ... ငါ ဒီအိမ်က ထွက်သွားပစ်လိုက်မှာ Kongpop "
" ထွက်သွားရင် ကျွန်တော် ခင်ဗျားကို လိုက်မရှာနိုင်လောက်ဘူးလို့ ထင်နေလား ? ထွက်သွားကြည့်လိုက်လေ။ ဒီအိမ်အရိပ်က ခင်
ဗျား လွတ်သွားတာနဲ့ ကျွန်တော့်အိမ်သားတွေရဲ့ မျက်စိအောက်ကနေလည်း ကျွန်တော်တို့
နှစ်ယောက်လွတ်သွားတာပေါ့ .. မဟုတ်ဘူး
လား ? "
" မင်း ... "
အရမ်းရွံဖို့ကောင်းတယ်ဆိုတဲ့ စကားလည်း
ပြောမထွက်။ ဟိုတခေါက်က အဲ့လို ပြောလိုက်လို့ ဒေါသတွေထွက်ပြီး ကြမ်းရမ်းလာ
တာ ဆိုတော့..
" ပါးတစ်ဖက်ရိုက်ပြီးပြီဆိုမှတော့ ကျွန်တော်ပြန်ကျေအေးအောင် တစ်ခုခု ပြန်လုပ်ပေးသင့်တယ် "
" ... "
" P' ဆီက ကျွန်တော် မကြိုက်တဲ့ စကားတွေ
ခုထိ မထွက်လာတဲ့အတွက် ကျွန်တော်ကလည်း ဘာမှလုပ်ဖို့ အစီအစဉ်မရှိဘူး။ အခု တောင်းဆိုတာကို P' သာ လိုက်လျောပေးရင် ချက်ချင်း ထွက်သွားပေးမယ် "
" .... "
ရိုက်ခံရလို့ နီရဲနေတဲ့ ပါးတစ်ဖက်ကို လက်ညိုးနဲ့ ပုတ်ပြကာ မျက်နှာနားကပ်ပေးလာပုံက နမ်းဆိုတဲ့သဘောမျိုး ..
" ကြာနေရင် အဆင့်တွေ တိုးပစ်မိလိမ့်မယ် "
မျက်လုံးချင်းဆုံကာ ပြောလာတဲ့ Kongpop ကြောင့် တကယ် အဆင့်တွေတိုးလာမှာဆိုးလို့ Kongpop ရဲ့ ပါးဘက်ကို လှည့်ရင်း မထိတထိနဲ့ ဖွဖွနမ်းပေးလိုက်တယ်။
နမ်းနေတဲ့အချိန် ကိုယ့်ကိုကိုယ် ဒီလောက်အားနည်းရပါလားဆိုပြီး ဒေါသထွက်လို့ ကျမိတဲ့ မျက်ရည်က မျက်လုံးထဲကနေ ပါးပြင်ပေါ်ကို တောက်ကနဲ ..
ကျသွားတဲ့မျက်ရည်ကို မြန်မြန်ပွတ်ဆွဲကာ သုတ်မိတော့ ပြုံးနေတဲ့ Kongpop မျက်နှာက တည်သွားရင်း
" ကျွန်တော့်ကိုနမ်းရတာ ငိုစရာလိုလို့လား ? "
" ကျေးဇူးပြုပြီး ငါ့ကို ဒီအခန်းထဲက ထွက်ခွင့်ပေးပါတော့ .. သား ရှာနေတော့မယ် "
အေးစက်စက်မေးလာတဲ့ Kongpop အသံကြောင့် အရမ်းလန့်နေမိပြီ ။ Cas လည်း နှစ်ယောက်လုံးပျောက်လို့ ရှာနေလောက်မှာ ..
" Papa ~ Daddyyy ! "
ရေချိုးခန်းအပြင်ကနေ အခန်းထဲမှာ ပတ်ပြေးကာ အော်ရှာနေတဲ့ Cas အသံအဆုံး
" တောက် ! "
တောက်ခေါက်ကာ ဝုန်းဒိုင်းကြဲ ထွက်သွားတဲ့ Kongpop က သားနဖူးကို လှမ်းနမ်းလိုက်ရင်း
" Goodnight Cas .. Papa ကို ဧည့်ခန်းထဲမှာ
မနက်ဖြန် သားတို့ဝတ်မယ့် အဝတ်တွေ ထားခဲ့ပေးတယ်လို့ ပြောပေးနော် "
အခန်းထဲမှာ မျက်စိကလယ်ကလယ်နဲ့ ခေါင်းညိမ့်နေတဲ့ Cas ကို Arthit ရေချိုးခန်းထဲကနေ လှမ်းမြင်နေရတယ်။
ဒါပေမယ့် Kongpop ရှိနေသေးလို့ ချက်ချင်း
မထွက်ရဲသေး .. နမ်းနေရင်းနဲ့ ငိုမိလို့ စိတ်တိုကာ တောက်ခေါက်ထွက်သွားတဲ့ Kongpop ကလည်း ကိုယ်ရှိနေတဲ့ ရေချိုးခန်းထဲကိုလှည့်တောင် မကြည့်တော့ ...
×××××××××××××××××××××××××××××